المساعد الشخصي الرقمي

مشاهدة النسخة كاملة : ساعدوني



anothah
13/05/2003, 06:36 AM
عندي مشكله واباكم اتساعدوني فيها انا عندي صديقه ونا وايد احبها ومزعلتني مشكلتها.هي اتحب ولد خالتها حب جنوني وهو مب زين مايحبها واخلاقة مب زينه واول ماكلمته كان ملاك بعدين يوم اعترفتله بحبها صداها وانا متاكده انه كان ياخذ بطار أخته لأنها كانت مخطوبه حق أخوها.وهي مب رايمه تنساه وأنا حاولت أساعدها مش قادره ياليت ترشودوني شو اسوي وياها .وكل مايخطبونها ترفض.شو الحل ساعدوني.

بنت العنزي
13/05/2003, 09:21 AM
:( حا ولي تقنعينها وتقولي لها ان اخلاقة فاسدة ماهي كويسة حاولي

بس لاتغطين عليها بهدوء تجي انشاء الله الله يهديها ويصلح با لها

يو يو
13/05/2003, 11:18 PM
لا حول ولا قوة الا بالله هي جذي تطبق الحب أعمى من صج:(


ليش ما تذكرينها بسالفة أخوها عن أخته ممكن تقتنع يعني تقولين يسوي جذي عشان اخته مثلا يخطبج وبعدين يفج منج مثلا يتكلم عليج بعد ما يفج وبعدين الناس ماتيي تخطبج جذي والله الهادي ويستر عليها وعلينا آمييين


;)

المكابره
15/05/2003, 09:32 AM
هلا اختي anothah

فعلا هذي مشكله بس انا اقول في هذي الفتره اقتربي منها اكثر واكثر
وافقيها في كل شيء تقوله بس حاولي انج تقنعينها انها تأدي صلاه الاستخاره اذا جاءها شخص بيخطبها وقولي لها اريد منج بس ان تصلي صلاة الاستخاره ..ولا تنسين اختي تبين لها فضل صلاة الاستخاره وان صلاة الاستخاره لن تكون ضدج ابدا ولا تنسين ان الله يعلم الخير لنا وهو علام الغيوب يعني ربنا مايرضى لنا الا بخير وخصواصا لي سألنه وطلب منه في صلاتنا ..ووهكذا استمري معها

حبيبه
16/05/2003, 12:33 PM
اختي الكريمه anothah

أولا عليك التقرب منها جدا وتجعلينها تيقن أنك لاتريدين لها إلا الخير لها ثم بعد ذلك قولي لها قصص واقعيه من محيطكم تكون بها عبرة لما قد يحدث حينما تكون أخلاق الزوج سيئه وعن فشل الزيجات التي يكون فيها الزوج ذا خلق سيء والعياذ بالله ذكريها بحديث الرسول عليه الصلاة والسلام إذا جاءكم من ترضون دينه وخلقه فزوجوه فاشترط رسول الله عليه الصلاة والسلام حسن الخلق للموافقة على الرجل المتقدم للزواج واجعليها تصلي صلاة الاستخاره وتدعي الله سبحانه وتعالى ان ييسر لها الزواج من رجل صالح



والله يوفق الجميع :)

روز دبي
17/05/2003, 01:38 AM
والله تبكي يوم أحسن من أنها تبكي سنوات والله يعوضها واحد أحسن عنه بمليون مره ...
وبييجي يوم تضحك فيه على اختيارها الطائش ;) وتحمد ربها ان ماكان فيه نصيب :D

شمعة في مهب الريح
17/05/2003, 09:25 AM
السلام عليكم

عزيزتي هذي المشكلة كثير من الفتيات تعرضن لها

حاولي تقنعينها ان ماتمر به مجرد ازمة عابرة

هي تشعر انها مو قادرة تنساه

لانها لسه في مرحلة الصدمة لرفضه لحبها

بس مع مرور الوقت راح تنساه

وهنا يجي دورك انتي

لازم تساعدينها في نسيانه بالخروج معها وتسليتها

واهم شي عدم التناقش حول هذا الشخص

واشغال نفسها فيما تحبه بالهوايات

او السفر الى مكان بعيد وخصوصا اننا بالصيف

والاهم من هذا كله الصلاة والدعاء

بان الله يرزقها بمن هو خير منه دينا وخلقا

وصدقيني الله راح يسترها ويوفقها باذنه تعالى

الاهم انها تقتنع بعدم الرغبة في مواصلة العلاقة معه

وعدم اهليته واستحقاقه لحبها له

ورغبتها الحقيقية في النسيان

وفقها الله....

قمرالليالي
17/05/2003, 06:28 PM
حاولي بقدر الامكان تبعدينها عنه

والله يهديها ويهديه