المساعد الشخصي الرقمي

مشاهدة النسخة كاملة : احلام في الليل



يتوم
12/05/2008, 09:26 AM
سلام عليكم بنات شخباركم

بقول لكم سالفتي اهي مو مشكلة بس غريبة شووي يمكن تساعدوني شوي او تريحوني ..

انا حالتي النفسية تعبانة وايد خلال الفترة الاخيرة .. اولهم من شغلي اللي كل يوم يهددني المدير بفصلي عن العمل بدون سبب او بسبب تافهه .. حياتي الخاصة تعبانة منها شوي ..

فلجأت الى الله سبحانة وتعالى لانة لا يوجد عندي احد غيرة .. وبديت ازيد عدد صلواتي وقرأة القرأن والادعية واستغفر الله في كل وقت اكون فاضية فية ..

لكن من بدءت في هذا الشيء تجيني احلام خصوصاً انة انا من النوع اللي يحلم وينسى بعد ما يقعد من النوم لكن في الفترة الاخيرة الحلم يظل واقعد افكر فية وشنو معناتة وتقريبا كل ليلة هذي الاحلام ..

في منها اكون في بيت لكن الباب تبعة باب احمر قديم من حديد وانا مستانسة وسط جيراني واهلي وانة هذا البيت هو بيت زوجي المستقبلي ..

وفي حلم ثاني اني ادر البول لدرجة انة لما قعدت الصبح من النوم فعلاً كنت متسخة وهذي اول مرة تصير لي ..
وبعد حلم اني اكون في بيت جميييييييييييييييييل جداً جداً لدرجة اني ما ابي اطلع منة وانة صاحبة البيت مستانسة مني وايد ودخلتني بيت جيرانهم وكانوا يصلون صلاة جماعة وكنا مستانسين معاهم ..

شسالفة هلاحلام ؟؟ للعلم انة انا ان شاء الله واذا تيسرت اموري راح ارتبط بالشخص اللي احبة ..

umjana79
12/05/2008, 09:44 AM
السلام عليكم ورحمه الله وبركاته...

اختي لا علم لي بالاحلام ,, الاحلام والرؤى لها ناس متخصصه بس بقولج شي عن شغلج . اختي اذا مب محتاجه الشغل .. لا تعيشين تحت مذله الشغل .. الشغل اذا مب مرتاحه منه ما بتعيشين مرتاحه ...

لو هددج مره ثانيه .. قولي له ... تبي تفصلني افصلني وارفع عليك قضيه في وزاره العمل فصل تعسفي من دون سابق انذار وعلى غير وجه حق وخليك تعوضيني .....

تحياتي

ام جنى

سوسو
12/05/2008, 09:46 AM
حبيبتى ليش منزعجة من الاحلام واضح من كلامك وعن احلامك انها خير الك باذن اللّة علامات خير البيت الواسع والجمال والذلة اعلم دلائل خير جاى الك قريبا واللة يوفقك ويسعدك

اكليل الورد85
12/05/2008, 09:48 AM
انشاء الله تكون احلام خير

عيون وليد
12/05/2008, 09:52 AM
الله يثبتك على ما انتي عليه ويعطيك راحة الباااال لانك لجأتي لله عز وجل

بالنسبه للأحلام اذا تكرر عليك الحلم اكثر من مره ارسليه لمفسر احلام يفسره لك في قناة البداية اذا تعرفينهااا عندهم رقم ترسلين عليه ويفسرونه لك

بس الاحلام الي تشوفينهااااا مره وحده وتسبب لك خووووف وقلق وتوترك طول اليووووم هذا من الشيطان الله يلعنه عشان يتعبك ويوترك ويخليك تربطين بين صلاتك وبين الاحلام الي تشوفينهااااا

اذا حلمتي قومي تعوذي من الشيطان وانفثي على يسارك ثلاث مرات وانقلبي على جنبك الثاني

انصحك من مجربه بقيام الليل والله يا انك تحسين براااااااااااحه ومتعه غير طبيعيه واذا جربتيهاااااااا ودعيتي الله من قلبك تأكدي انك ماراح تبطلينهاااااااا وحتى لو في يوم ما صليتي قيام الليل والله انك تشتاااااقين لهاااااا سبحان الله

الله يسهل امرك وامرناااا

أم سلمان الحلو
12/05/2008, 10:01 AM
سلام ..

يتوم لا تخافين و لا تحاتين محد يلجأ لرب العالمين و يخاف بعدها .. و بالعكس إن شاء الله يكون كل خير حبيبتي .. يمكن بعض هالأحلام تحمل لج رسالة معينة بس غالباً تفسيرها بيكون خير مدام إنتي و لله الحمد ملتزمة بالسلوك القويم

و بعد الضغوط إللي عليج لها أثرها بالتأكيد يعني تحاتين العرس و هالمدير الله يهداه .. بس ثقي برب العالمين و تيقني بأن الرزق من الله سبحانه و تعالى و محد يقدر يمنع عنج رزق رب العالمين مقدره لج و لو إجتمعت الجن و الإنس على أن يضرونج ما راح يقدرون إلا بما قدره الله تعالى لك .. واصلي في تقربك من الله تعالى و آمني و إن شاء الله ما بتشوفين إلا كل خير

بس بالنسبة للحلم بأنج محتصرة ترى غالباً يصير إذا إنتي محتصرة فعلاً و مع الضغوط إللي عليج و حالتج النفسية الظاهر صعبو الأمور و ما حسيتي لروحج .. بس لا تهتمين و لا تحطين الموضوع في بالج

الجوهرة
12/05/2008, 10:16 AM
حبيبتي كنت مره أشوف برنامج للشيخ الدكتور عطيه مبروك

قال لازم احنا مانفسر الأحلام ولانقولها وخاصة اللي مب زينه واللي نخاف منها

وقال لازم نتبع هدي الرسول صلى الله عليه وسلم في الأحلام وهي : ان كان حلم حلو قوليه فقط للانسان اللي يحبك وتحبينه يعني الأم أو الأخت وجذيه يعني

وان كان شي يخوف قولي ( وقل ربي أعوذ بك من همزات الشياطين واعوذ بك ربي أن يحضرون ) ثلاث مرات وانفثي عن شمالك

يعني اتفلي تفل خفيف عن يسارك وان شاءالله لن يضره ذلك شيئا

وعموما الأحلام أغلبها حديث نفس،

والله يحفظك من كل شر

ba7rinia
12/05/2008, 10:27 AM
هلااااااااااااا والله الغاليه يتوم
اول شي مثل ما قالت وحده من العضوات اذا انتي مو مرتاحه من الشغل ليش ما تفنشين
و تقعدين في البيت ليما تحصلين لج شغل احسن منه


والاحلام اللي تحلمين فيها اغلبها تكون ع النفسيه وعلى الامور اليوميه اللي تصير لج
وشكلج وايد تفكرين وفيج وسواس
تعوذي من الشيطااااااااااااان وكثري من الدعااء

والله ايسر لج امورج ويعطيج اللي في بالج

اختج
بحرينيه

مشتاقة الى الجنة
12/05/2008, 10:33 AM
انا مالى علاقة بالتفسير لكنه ان شاء الله خير الله معك ويوفقك

يتوم
12/05/2008, 10:35 AM
السلام عليكم ورحمه الله وبركاته...

اختي لا علم لي بالاحلام ,, الاحلام والرؤى لها ناس متخصصه بس بقولج شي عن شغلج . اختي اذا مب محتاجه الشغل .. لا تعيشين تحت مذله الشغل .. الشغل اذا مب مرتاحه منه ما بتعيشين مرتاحه ...

لو هددج مره ثانيه .. قولي له ... تبي تفصلني افصلني وارفع عليك قضيه في وزاره العمل فصل تعسفي من دون سابق انذار وعلى غير وجه حق وخليك تعوضيني .....

تحياتي

ام جنى

مشكووورة ام جنى على هالكلام بس انتي تعرفين ظروف البحرين والاشغال اللي فيها وانا ابي الشغل ومحتاجتة في الوقت الحالي .. الله يصبرني علية وحسبي الله ونعم الوكيل


حبيبتى ليش منزعجة من الاحلام واضح من كلامك وعن احلامك انها خير الك باذن اللّة علامات خير البيت الواسع والجمال والذلة اعلم دلائل خير جاى الك قريبا واللة يوفقك ويسعدك

سوسو ريحتيني الله يريح بالج ان شاء ما ادري ليش يمكن محتاجة احد يواسيني ويريحني


انشاء الله تكون احلام خير

حبيبة سامر تسلمين لي وان شاء الله خير



الله يثبتك على ما انتي عليه ويعطيك راحة الباااال لانك لجأتي لله عز وجل

بالنسبه للأحلام اذا تكرر عليك الحلم اكثر من مره ارسليه لمفسر احلام يفسره لك في قناة البداية اذا تعرفينهااا عندهم رقم ترسلين عليه ويفسرونه لك

بس الاحلام الي تشوفينهااااا مره وحده وتسبب لك خووووف وقلق وتوترك طول اليووووم هذا من الشيطان الله يلعنه عشان يتعبك ويوترك ويخليك تربطين بين صلاتك وبين الاحلام الي تشوفينهااااا

اذا حلمتي قومي تعوذي من الشيطان وانفثي على يسارك ثلاث مرات وانقلبي على جنبك الثاني

انصحك من مجربه بقيام الليل والله يا انك تحسين براااااااااااحه ومتعه غير طبيعيه واذا جربتيهاااااااا ودعيتي الله من قلبك تأكدي انك ماراح تبطلينهاااااااا وحتى لو في يوم ما صليتي قيام الليل والله انك تشتاااااقين لهاااااا سبحان الله

الله يسهل امرك وامرناااا

انا ادش مواقع التفسير وافسر الاحلام .. واذا كان مزعج فعلاً اقول اعوذ بالله من الشيطان الرجيم وان شاء الله تتسهل امورنا


سلام ..

يتوم لا تخافين و لا تحاتين محد يلجأ لرب العالمين و يخاف بعدها .. و بالعكس إن شاء الله يكون كل خير حبيبتي .. يمكن بعض هالأحلام تحمل لج رسالة معينة بس غالباً تفسيرها بيكون خير مدام إنتي و لله الحمد ملتزمة بالسلوك القويم

و بعد الضغوط إللي عليج لها أثرها بالتأكيد يعني تحاتين العرس و هالمدير الله يهداه .. بس ثقي برب العالمين و تيقني بأن الرزق من الله سبحانه و تعالى و محد يقدر يمنع عنج رزق رب العالمين مقدره لج و لو إجتمعت الجن و الإنس على أن يضرونج ما راح يقدرون إلا بما قدره الله تعالى لك .. واصلي في تقربك من الله تعالى و آمني و إن شاء الله ما بتشوفين إلا كل خير

بس بالنسبة للحلم بأنج محتصرة ترى غالباً يصير إذا إنتي محتصرة فعلاً و مع الضغوط إللي عليج و حالتج النفسية الظاهر صعبو الأمور و ما حسيتي لروحج .. بس لا تهتمين و لا تحطين الموضوع في بالج

حبيبتي انتي ام سلمان ان شاء الله خير بإذن الله تعالى .. يمكن امي وايد تجرحني بإني اكون عروس على الكوشة كل ما شافت عروس .. خصوصاً اني منفصلة من خطيبي قبل خمس سنوات


حبيبتي كنت مره أشوف برنامج للشيخ الدكتور عطيه مبروك

قال لازم احنا مانفسر الأحلام ولانقولها وخاصة اللي مب زينه واللي نخاف منها

وقال لازم نتبع هدي الرسول صلى الله عليه وسلم في الأحلام وهي : ان كان حلم حلو قوليه فقط للانسان اللي يحبك وتحبينه يعني الأم أو الأخت وجذيه يعني

وان كان شي يخوف قولي ( وقل ربي أعوذ بك من همزات الشياطين واعوذ بك ربي أن يحضرون ) ثلاث مرات وانفثي عن شمالك

يعني اتفلي تفل خفيف عن يسارك وان شاءالله لن يضره ذلك شيئا

وعموما الأحلام أغلبها حديث نفس،

والله يحفظك من كل شر


هلا بيج الجوهرة .. فعلاً انا سمعت نفس الكلام وخاطري انفذ الكلام بس فيني حوسة ما اقدر :)

وتسلمين يالغالية .. ان شاء الله خير ..



مشكووورين على ردودكم وخصوصاً اللي ريحوني وعطوني تفائل بالحياة

العائدات
12/05/2008, 11:17 AM
اختي باذن الله لن يخيب الله املك

ماان احسنت الظن به

وبماانك لجأت اليه فلن يتركك

ولكن ثابري واستمري

وعليك بسهام الليل

والسلاح المعطل

في هجعة الليل

ووقت الاسحار

الدعــــــــــــــــــــا ء

نعم انه والله

سلاح معطل نساه الكثير منا

اسال الله العلي القدير

ان يرفع مابك من كرب

وان يرزقك جنته

هيتاف
12/05/2008, 08:05 PM
خير ان شاء الله اختي يتوم تفسير البيت خير وان شاء الله حياة الجايه بيكون فيها راحه وهنا
وتفسير البول واضح لانك كنتي حسرانه وانتي ناميه او تفسير ثاني البول في المنام يعكسر حالتك النفسيه الي انتي فيها الحين اقري المعوذات قبل النوم علشان تكون احلامك من الله وماتكون من عبث الشيطان والله يوفقج ويسهل دروبج

يتوم
13/05/2008, 08:58 AM
مشكوورين وما تقصروون و البارحة قرأة سورة البقرة وتعوذت من ابليس وذكرت الله ونمت ... حسيت انة في واحد وراي وجدامي كل ما اطالع مكان ما اشوفة مثل الجني بس ما اشوف شكلة مجرد احساس لدرجة انة قعدت من النوم وانا خااااايفة مووت تعوذت من ابليس وشربت ماي ونمت مرة الثانية والحمد لله ..

❀Ẅάŧëêή❀
13/05/2008, 09:16 AM
ان شاء الله تكون احلام خير

نورا83
13/05/2008, 03:16 PM
انا ما ليش ف الاحلام لكن اسمع كتير فيها
بالنسبه للتبول ف الحلم هم وحينفك........وباقى الكلام عريس جـــــــــــى ان شاء الله وحتبقي معـــــــــــــــــــــاة سعيدة
بالنسبه للعمل انصحك ان تكون شخصيتك قويه وتعلمي ان الرزق بيد الله

الخدود الحمرا
13/05/2008, 08:49 PM
اقري البقره وشوفي حياتك كيف ستصبح

يتوم
13/05/2008, 09:57 PM
الحمد لله كل ليلة ان شاء الله قبل لا انام اقرأ سورة البقرة واذا سمحت لي الفرصة اقوم قيام الليل

يتوم
17/05/2008, 10:23 AM
صار لي يومين الاحلام راحت عني ...

Um.Abdullah
17/05/2008, 04:00 PM
حبوبة مثل ما قالت الاخت لا تفسرين الاحلام، وان كان حلم زين فاسكتي وان كان شين فمن تصحين تعوذي من بليس واتفلي على صوبج اليسار ونامي...
اما عن كثرة الاحلام فهذا شي طبيعي، انا لما كان عندي اوقات فراغ وايد كنت اقرا قرآن كثير واكثر من الصلوات كنت اشوف مثل هالاحلام، حتى اني حلمت مرة اني شفت عذاب قوم لوط والعياذ بالله وشفت زوجة لوط << وقلت لها انتي وياهم فمافي داعي تتعبين نفسج وتلحقينا ههههههههه
فيا حبيبتي لا تحاتين ما هالاشيا وتطمني، لانج كل ما قربتي من رب العالمين زادت الطمأنينة

فيف
17/05/2008, 06:34 PM
بخصوص الاحلام خيـــــــــر ان شاء الله ،،،

الله يوفقج اختيه و يسعدج و يرزقج الزوج الصالح ،،

و ليش مادرويلج وظيفة ثانيه اهم شي الاستقرار الوظيفي ،،،

نور 81
17/05/2008, 06:39 PM
انشاء الله تكون احلام خير