المساعد الشخصي الرقمي

مشاهدة النسخة كاملة : عنود وبيت اهلها ,,,تعالي محتااااجه لرايك,,,,



**ام يارا**
11/05/2008, 08:53 AM
بسم الله الرحمن الرحيم
كيفكم عرايس ان شاء الله طيبين ,,,,

حبيت اليوم تشااركوني بنت خالي الي رح تشووف ردودكم على مشكلتها في الويكاند الجااي

اولا اعرفكم عليها هي اسمها عنود تزوجت ولد عمها وهي تدرس بالصف الثاني ثانوي ,,,وبسبب الدراسه اصر عليهم خالي الي هو ابو عنود انهم يسكنو عندهم الين ماتكمل دراسه يعني مايطلعو في شقه ,,,قاعدين في غرفه وحمام الله يكرمكم في نفس البيت,,,
اول ماتزوجت حملت على طوول وجابت ولد دخل في بيت اهلها روح بعد ماكان خالي من الاطفال
الكل انشغل بالطفل الكل سعيد الان الاب والام والاخوات ,,,
بعد ماكملت الثاانويه جابت بنوته والسعاده غاامره البيت تغيرت حياة امها وابوها صار كل اهتمامهم الاطفال ,,,,
وعنود جدا جدا سعيده معا زوجها ,,,,وبعد ماكملت الدراسه فكرت انها تستقر هي وزوجها واطفالها
يعني يطلعو من بيت اهلها وياخذو لهم شقه لحالهم ,,,, وظروف زوجها جيده انهم يفتحو بيت,,,

لكن هي تقوول كيف اكون انانيه وماافكر في اهلي الي ربو عيالي وبعد ماكبروهم اخذهم وابعدهم
عن اهلي خصوصا انهم متعلقين فيهم مررررررررررررره ,,,,

ماااادري ايش رايكم في مشكلتها ,,,,ولو كنتي مكانه ايش كان سوويتي

راح تجي عندي يووم الخميس وراح تشووف ردودكم
تحياااااااتي

اصـيـلــه
11/05/2008, 09:09 AM
السلام عليكم

يسعدني اكون اول وحده ارد عليكم

اختي مافي مشكلة والحمدالله

واذا على تعلق اهلها بالعيال خل تشوف لها شقة قريبة من بيتهم واذا وتوها متخرجه من الثنوية

يعني لسى صغيرة وتحتاج من يساعدها

خل تدور لها شقة قريبة من بيت اهلها وكل يوم توديهم لهم

وحتى اذا متعودين تخليهم ينامون

وفالويك اند او فالاجازات تروح تنام عند اهلها اهي وزوجها

بس ان اتم في بيت اهلها وهي خلاص خلصت المدرسة احس مابتقدر تاخذ راحتها

وحتى زوجها مايكون مرتاح

الله يوفقها ويرزقها ان شاءالله ويخلي اهلها لها

shaima83
11/05/2008, 09:10 AM
قوليلها صح اهم ما قصروا ولا بعد بقصرون عندج

ضلي تزوينهم من إلي اخر قوليلهم
ما ابي اثقل عليكم زياده بس ماراح انسيكم ابد بحاول اتزوار معكم جذي
تحصل بيت قريب من اهلها تراهي ما زالت صغيره معناها ماما

**ام يارا**
11/05/2008, 09:50 AM
مشكوره حبيبتي يالقناصه ,,,,,دمتي بحفظ الرحمن

تسبيحات
11/05/2008, 12:33 PM
ربي يديم السعاده عليهم

من حق كل أمرأه ان تكون لها مملكه خاصه

انا برأيي انها تخرج لبيت لوحدها ولاتقطع بأهلها وتكون على زياره دائمه وحتى لامانع من ان يباتوا اولادها عند امها وابيها يوما ما

رعاكم الله اينما كنتم

الفالحة يا رب
11/05/2008, 05:11 PM
انا اتوقع انه هذي شغلة الرجال هو اللي يقرر

و الشور شوره و ماراح يختلفون الاهل على رايه بما انه يقدر يفتح بيت و يستقر

البنت تبع زوجها وين ما راح تروح معه

و هي راح تتعود على العيشة لوحدها

طبعا من غير ما تقطع عن اهلها

و الاستخارة مهمة الرسول كان يستخير في كل اموره

صلاة الإستخارة كما جاء في حديث النبي صلى الله عليه وسلم :

عن جابر رضي الله عنه قال : كان رسول الله صلى الله عليه وسلم يُعلمنا الإستخارة في الأمور كلها كما يُعلمنا السورة من القرآن يقول :

(( إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك وأستقدرك بقدرتك وأسألك من فضلك العظيم

فإنك تقدر ولا أقدر و تعلم ولا أعلم وأنت علام الغيوب ، اللهم إن كنت تعلم أن هذا الأمر - ويُسمي حاجته - خير لي في ديني ومعاشي

وعاقبة أمري - وعاجله وآجله - فاقدره لي ويسره لي ثم بارك لي فيه .

وإن كنت تعلم أن هذا الأمر - ويُسمي حاجته - شر لي في ديني ومعاشي وعاقبة أمري - وعاجله وآجله - فاصرفه عني واصرفني عنه

واقدر لي الخير حيث كان ثم أرضني به )) - رواه البخاري وغيره - .

والمقصود يصلي العبد ركعتين لله - نافلة أو سنة - ثم يدعوا بهذا الدعاء .

الدعاء هذا سهل مررررررررررررررة لاتترددين في الاستخارة ابدا

الخيرة فيما اختاره الله عز و جل :)

**ام يارا**
11/05/2008, 08:14 PM
مشكورين يالغاليات على قلبي

وان شاء الله ردودكم تستفيد منها ,,,,,,,

عيون الفهد*
11/05/2008, 09:25 PM
خلي زوجها هوا الي يتكلم و يقول انو بينقل لأنو اهلها حيحترمو رأيه ويعذروه

ولما تنقل تنقل على بيت قريب من بيت اهلها وتزورهم كل يوم وحتى لو تخلي اولادها يباتو يوم في الاسبوع عند اهلها

انا ما اشوفها انانيه بلعكس هيا لازم تعمل كذا عشان تقدر تعتمد على نفسها اكثر

وخليها تستخير قبل ماتنقل وانشاء الله ربي يقدم لها الي فيه الخير

بنتي عروس
11/05/2008, 11:36 PM
عنود ياحبي لأسمك !!!

حبيبتي ليش مسوية زحمة والطريق فاضي؟؟

ابدا مافي مشكلة مجرد انك تفتحين الموضوع مع

ماما وتخبرينها انه جاء اليوم اللي تستقرين في بيتك

وهي زوجة قبل ماتكون أم وعارفة حقوق الزوج وحاجة المرأة

لبيت مستقل ..وياحبيبتي حاولي تقنعين ماما انها تهون الموضوع

في نظر ابوك وتخلي الوضع عادي وانكم ماراح تنقطعون عنهم انشاالله

وهذه سنة الحياة ياقلبي

دلوعةحناني
12/05/2008, 02:36 AM
انا انصحها اذا كانت سعيده ومرتاحه ليش تطلع هالحين؟؟؟
خلي تكون نفسها هي وزوجها بعد وبعد علشان يطلعون في بيت ملك انشاء الله بدال الايجارات والمصاريف الي لها اول ومالها اخر وحالة زوجها حاليا جيدهه بس اذا انتقلوا بشقه بيتغير الوضع اكيد بتكثر المصاريف والحياه غاليه ولعه نار
وهي عندها طفلين وتعودت مساعدة الغير لها يعني بيكون الحمل ثقيل عليها وبتحتاج خدامه تساعدها
اطفال ودراسه وشغل بيت وترتيب ميزانية البيت كل هذا لازم تفكر فيه
نصيحتي لها تصبر بعد ويجمعون علشان يبنون بيت ملك واذا حان الوقت خلي زوجها هو الي يتكلم ويقترح
خروجهم لبيت العمر وكذا بيكون الوضع اسهل بكثير على الجميع
والله يوفقها
تحياتي

**ام يارا**
12/05/2008, 08:34 AM
حبيبتي دلووعة حناني ,,,,,
هي مرتبه وضعها وميزانيتها تسمح لها بكل الي قلتيه ,,,, بس حتى زوجها يفكر من ناحيه تعلق الاطفال بالجد والجده ,,,, وبعدين حتى امها مرررررره تعز زوج بنتها مثل واحد من عيالها خصوصا باانها ماااعندها اولاد بس عندها 2 بنات وحده متزوجه وحده تدرس فاتحس انو زوج بنتها ولدها ,,,, وهو مررره يعزها تقوول احسه سندي في الدنيا

الله يوفقك يااعنووووووده وانا كمان انصحك بالاستخاااااااره

مشكوووورين على الردود

**ام يارا**
12/05/2008, 08:47 AM
حااااابه انو الي تدخل لاتخرج بدوون رد لو سمحتو ,,,,,,
من فرج كربت مسلم فرج الله له كربت من كرب يووم القياامه ,,,,,,,
تحياااااااااااااااااااااا ااااااتي للجميع ,,,,,,,,,,,,,,,,لاتفشلووني عند عنووود

haduih
12/05/2008, 08:48 AM
بالعكس ايلسي عند امج وابوج هم بعد محتاجينج انتي وعيالج لا تحرمينهم منكم
وانتي مش عايشه عند اهله انتي عايشه عند اهلج لا تعورين قلب امج
ولاتخلين دمعه من عيون امج تنزل وصدقيني بيي اليوم الي تطلعين فيه وبرضاهم
لاتزعلينهم ما يستاهلون الله يطول فعمرهم

اكليل الورد85
12/05/2008, 09:55 AM
حبيبتي الموضوع عادي جدا انت من حقك تستقرين ببيت لحالك هاي سنة الحياه واهلك اكيد حيترمو قرارك
ودوري بيت جنبهم وضلكم زوريهم ومو بعد ما تستقري ازا كان البيت قريب من اهلك كل يوم بعد ما يطلع زوجك عالدوام خدي اولادك وروحين عند امك افطري معها واقعدي عندها شوي بعدين روحي الموضوع مو صعب لهدرجه الي انت متوقعتيها
والله يوفقك

hiba23
12/05/2008, 01:15 PM
يا حبيبتي هده سنة الحياة صح الأهل فراقهم صعب بس هده حياتك و لازم تتعودي على العيش لوحدك يعني استقرار مع زوجك و أطفالك و أهلك لا تحرميهم من أطفالك روحي لعندهم من وقت لأخر و قلتي انو زوجها مقتدر ليه ما يشترو بيت قريب من أهلها و تحل المشكلة و عيشي سعيدة حبيبتي و لا تفكري في شيى

نورا83
12/05/2008, 10:38 PM
انا انصحك انك تعملي الي يريح نفسيتك ...... وبابا وماما اكيد كانوا عارفين ان ده امر مؤقت لازم يتغير .......ولو حتى اختو مكان بعيد بش معناه انك حتبعدى اولادك عنهم ممكن الاولاد يزروهم ويقضو اليوم معاهم وممكن احيانا يباتو معاهم ...يعني بش معنى انك حتبعدى انك حتحرمي العيال من بابا وماما

اتمنى لكى التوفيق