المساعد الشخصي الرقمي

مشاهدة النسخة كاملة : تعالوا سمعوا سالفتي



loloalsageera
09/05/2008, 03:52 PM
السلام عليكم
اشلونكم بنات من كم يوم صار ذكري يوم زواجي
وقررت في هاليوم اسوي شغله غير يعني اغير الروتين اللي عندي واسوي شي مميز عاد اختكم
من زمان ما احتفلت فيه هي يمكن السنه الاولي من زواجي اللي احتفلت فيها
المهم قلت خلني اسوي لريلي مفاجئه :wink:
وانا بصراحه عندي الاحتفالات وغيره مو مهم عندي لانه من الناحيه الدينيه وغيره بدعه لدرجه اني نسيت في اي يوم تزوجت (امزح) :cool:
لا والله من كثر مشاغلي وما عندي وقت لهالسوالف فقبلها بيوم كنا نتعشي وقلت لزوجي لانه قبل كم يوم يسولف حق ولدي عن شهر العسل وانه احلي ايام عنده (:mad:شهر بصل)
قلت له احنا تاريخ زواجنا بعد اسبوع جان يقول لا باجر وانا هني انصدمت:eek:ناسيه التاريخ
فقلت خلني ادخل افكار وخبرات واخذ كم فكره واسويله شي غير واكسر الروتين
المهم حطيت مفرش سرير ابيض وجبت ورد وسويته علي شكل قلب الحب وكتبت بالوسط
احبك وحطيت الهديه والطاولات نثرت عليهم ورد وحطيت بالوسط شموع وسويتهم علي شكل قلب
والغرفه كلها شموع معطره واختلطت العطور والبخور والله صارت خيال روعه فوق ما تتصورون
وجبت كيكه وحطيت حواليها شموع وغرست شمعه وحده المهم اتصل فيني الظهر وهو متوقع اني اقوله اليوم ذكري زواجنا واول مره يتصل ويطول ويسال وعاده مايتصل المهم ما بينت له اني مجهزه له هديه سكر الخط وهو محبط بس مابينلي لانه حاول معاي شعندكم شمسوين وغير وانا عادي:wink: المهم جا ولدي من المدرسه قلت له لحد يقرب صوب داري نط وكله فضول ليش قلت له مالك شغل لاتخلي اخوانك يدشون لاني كنت باخذ امي للدكتور قال الله يخليج خليني اشوف قلت له ok
قال شنوا هذا قلت له هديه لابوك وفهمها الشيطان وانا علي بالي قطه مغمضه
ورحت وديت امي ورديت علي شان اخذ شاور سريع ولقيته يصلح في سيارته خربانه عاد دشيت البيت وولدي يقولي اروح اناديه عشان يشوف هديته قلت له روح وبسرعه ولعت الشموع والريحه ياسلام واصله الجيران ولو تشوفون عيالي الصغار مو مصدقين شموع مولعه قام ولدي حمود ينطط ويصارخ ناض ناض يعني نار وهو جا والدهن حق السيارات في ملابسه ويتبسم وولدي الثاني يبجي علي الكيكه واليهال تتنطط وانا انقهرت:mad: خربوا كل شي علي وهو يطالعهم وميت ضحك
وعاد انا زعلت وقلت له اول مره في حياتي اشوف يهال يحتفلون في عيد زواج اهلهم وكل شي مر في احباط وخرب كل شي بسبتهم
ها شنوا تعليقاتكم:ss::ss::ss:

MIYA !!!
09/05/2008, 06:59 PM
ههههههههههههه ضحكتيني والله بس انتي على الاقل حاولتي حبيبتي والله يجعل ايامكم كلها عسل وفرح وسعادة

أمانيـــز
09/05/2008, 07:14 PM
السلام عليكم

ههههههههههههههههههه...والل حلوة...بس بتظل ذكرى..

لحن الاشواق
09/05/2008, 07:41 PM
هههههههههههههه ياحليلكم يالله يخليكم لبعض ويهنيييييييييكم يارب ..

بسمـة أمـل
09/05/2008, 07:47 PM
ههههههههه


المهم استنست مع زوجك و الأولاد وراح تبقى ذكرة طيبة

$دانة الشوق$
09/05/2008, 07:48 PM
ههههههههههههههههههههااااي
تصدقين عااد طبعا انا مو متزوجة وامي وابوي اذا جاو يحتفلون بذكرى زواجهم احنا لازم نكون معهم
ههههههاااااااي
ولا ماتصير حفلة اذا ماكنا معهم

مهاا والحلا لهاا
09/05/2008, 08:02 PM
ههههههههههههه الله يسعدكم

حكاية روح عاشقة
09/05/2008, 08:35 PM
الله يسعدك المرة الجاية ابعتى العيال عند حد من اخواتك علشان تكملى جو الرومانسية

كتكوته بس نمروده
09/05/2008, 08:38 PM
الله يسعدكم وما يفرق بينكم وتبقى ذكرى
مميزه غير اي احتفال ولو تبغى تكوني على
راحتك مره ثانيه صرفيهم عند احد من اهلك
ابغى اقول للاخت دانة الشوق كيف لازم تحتفلي
معاهم اصلا انتي ما كنتي معاهم يعني ما ليك
اي ذكرى في هدي الليله :wink:

!!..شاعــره كم..!!
09/05/2008, 08:44 PM
ههههههههههههه الله يسعدكم

loloalsageera
11/05/2008, 05:54 AM
هلا بنات ومشكورين انا يوم ولدي شاف الغرفه قالي شنو مسويه اكيد تحضرين ارواح

Unlimited Love
11/05/2008, 06:02 AM
بالعكس حبيتكم

احس كذا الحنان اكثر بينكم

الله يهنيكي

أم المهند
11/05/2008, 09:56 AM
هههههههههه بجد موقفك في المناسبة رجعني لنفس الموقف سبق ومريت فيه ..

اليهال دايما يفركشوا كذا مناسبات ، المرة الياية إن شاء الله حاولي تركدين عيالك ، يعني زهبي الحفلة في الوقت اللي يناموا فيه العيال ولا تسوي لفت نظر لهم لأنهم أذكى مني ومنك هههه ، بس جد عيالك يجننوا بحركاتهم ربي يحفظهم لك ويحفظ لك زوجك ويجمعكم في الخير دايما ..

shosho*
11/05/2008, 10:15 AM
حرام عليك كانوا فرحانين بعد
بس شكله عشان الكيك
يالله تعوضين السنه الجايه أن شاء الله

اكليل الورد85
11/05/2008, 10:27 AM
ذكرى حلوه

حلى بنتين
11/05/2008, 12:00 PM
بالعكس اختي احلى شي يوم تحتفلين انتي وزوجج وعيالج.. احسه بكووون جو حلوووووووو

تكسرين التقليد اللي انتي وزوجج وبس..

عيشوش
11/05/2008, 12:38 PM
هههههههههههه
المرة الجاية ان شاء الله راح تظبط معاكي
الله يخليكم لبعض

تسبيحات
11/05/2008, 12:49 PM
ربي يسعدك يالولو وربي حلاة الحفله بمواقفها الغير محسوبه خخخ اهم شي انبسطو الحلوين الصغار بالشموع والكيكه

loloalsageera
12/05/2008, 03:26 AM
السلام عليكم وشكرا لتفاعلكم انا قررت ان الله احيانا اجيب عيال الجيران هههههههههه
عشان تكمل هههههههههههههههههههههههه لا بعد مافي احتفالات وخرابيط خل الله يستر
علينا ويخلينا لبعض هذا الاهم

nila
12/05/2008, 03:52 AM
حبيبتي المهم انت شفت ابتسامة زوجك و عيالك
الله يخليهم لك
ويدوم عليكم السعادة
و يقبل منك صالح اعمالك

loloalsageera
12/05/2008, 07:36 AM
شكرا عزيزتي علي المرور الكريم