المساعد الشخصي الرقمي

مشاهدة النسخة كاملة : مرهقة و محتارة .. مالي بعد الله غيركم



عبير اللوتس 3006
03/05/2008, 01:04 AM
كيفكم يا بنات ...
أتمنى تكونوا بخير كلكم.....

بصراحة يا بنات ، نفسيتي تعبانة جدا و محتارة .. أنا انخطبت قبل 6شهور ... و حاليا نحاول نجهز مسكن الزوجية .. بس بجد يا ينات انا مرعوبة ، لما أجلس معاه و نتكلم سوى . ما أحس إن لي مكانة في نفسه ... أحس إنه يتعامل معاي .. ببرود .. كأني شخص مفروض عليه ...

حاولت بكل طريقة قرأت عنها إني اكسبه ، تكلمت معاه .. تقربت منه ... حاولت قد ما اقدر إني ما اضغط عليه ... جتني أيام أواصل من غير نوم بس عشان أوفق بينه و بين عملي ... بس لا زال يتصرف معاي بنفس الطريقة ... و يمكن اكثر شي يضايقني إنه وقت اللي يكون معاي و يرن جواله من أي كان و لأي سبب يتركني و يقول : ما عليه بس لازم امشي ..... لما كلمته غن المفروض الساعة هذي تكون لنا بدون جوالات قال إنه ما يقدر ... ولا تقولوا لي عمل ، لأنه يشتغل معاي في نفس الشركة و دوامنا معروف و ساعاتنا محددة

مش حكاية إني أبغاه يصير روميو و يكتب لي دواوين .. بس المتزوجات يمكن يعرفوا أنا بتكلم عن إيش ... فعلا ما أبي أكون مجرد أنثى للرغبة ، محتاجة أحس إني شخص مميز بحياة زوجي ...

ممكن تساعدوني و ترشدوني كيف؟؟؟

بليز لا تنسوني

سفيرة فوق العاده
03/05/2008, 01:07 AM
غاليتي

يمكن عاده ما تعود عليك،، مع الوقت ان شاء الله بيستعدل

لا تكونين جولييت وتطلبين حب زايد،، دام بينكم توافق فخلي شي لبعد العرس

لا تضغطين عليه وبعدين حاولي إنك تتثاقلين عليه وتحسسينه بقدرك وقيمتك

انتي اللي عليك إنك تتكشخين له وتسوين كل اللي يحبه ودوم تسإلينه عن رضاه ،،

مع الوقت بيستعدل

اهم شيء يكون بينكم تكافؤ وإرتياح

الله يسعدكم،، ويتمم عرسكم على خير

ويرزقكم الذريه الصالحه

اللهم آمين

بلبله عزيز
03/05/2008, 01:08 AM
غريبة اوي المفروض الايام دي بذات هي كل الحب والرومانسيه
رأيي واجهيه وعلميه ان ما بنفع الزواج على هذا الحال

وربنا يصلح الحال



:9_28::9_28::9_28:

دلوعةحناني
03/05/2008, 03:08 AM
والله من كلامك حسيت ان مافي حب من ناحيته
لان الخطيب حتى لو مايحب يكون بهالفتره ملهووووووووف ومتخبل على خطيبه سواء من ناحية العواطف او الجسد
المشكله انتي ادرى فيها حبيبتي وابغى اسألك اسئله علشان نقدر نوصلك لحل
بداية الخطوبه هل كان يعبر لك عن حبه؟
هل حصلت بينكم مشاكل وتمسك بك وصالحك من قبل؟
في بينكم طلعات وتبادل هدايا او لا؟
هل يقول لك اسراراه او يشتكي همومه لك؟
يعني بالعربي تحسين انه يحبك او لا؟
وبرد عليك بعدين انشاء الله
تحياتي

د.وضحى
03/05/2008, 03:23 AM
حبيبتي الغالية يمكن شغلة ولساتة ما تزوج يعني بعاداتة وصعب تأقليمينة من الحين ويتثاقل هذولي الرجال بس من كلمتك انك تحسين انك تحسين انك مفروضة علية غريبة ليش فهمتي هالشي مو هو اللي اختارش معاهلة طبعا ..

غير كذا شوفي اذا بحياتة احد ثاني او شي وصلي استخارة والله خير من يستشار ...

ويا بنتي اايد راي سفيرتنا بشي انك ثقلي علي لا تندلقي ارخي الحبل وشدي ومعلش الزواج يبيلة صبر ..هاا فتح البيوت بالساهل

أمي أنتِ عمري
03/05/2008, 03:33 AM
والله ياريت اقدر افيدك بس ما عندى علم كل الى بايدى انى ادعيلك ربنا يسخره لك ويوفق بينكم والاخوات المتزوجات او المخطوبات اعطوكى المفيد

غرٍوٍب
03/05/2008, 09:57 AM
انشالله البنات يفيدونك

بس اشوف انك ماتحكمين عليه توكم بملكه

عبير اللوتس 3006
09/05/2008, 04:47 AM
بداية أحب أشكر جيع أخواتي على ردودهم و مساندتهم لي ...

أتمنى لكن كل الخير و النجاح ...

أختي سفيرة ...
و الله أسوي مثل ما تقولين و أكثر بس لا حياة لمن تنادي ...



أختي بلبله عزيز ..
ما أقدر أواجهه ، حاولت بس بصراحة تعز علي نفسي إني أطلب منه مشاعر ..أحس إن هذا شي المفروض يجي منه من غير طلب ...



أختي دلوعة حناني
في بداية الخطوبة ..كان يتكلم ـ و لا زال ـ إني محتاجة لإعادة أولويات في حياتي ..
ما حصل بينا مشاكل ، يمكن لأني ما أحب أكبر الأمور ....
كان بيننا طلعات و هدايا ، من طرفي او بتخطيطي ، و بصراحة استحيت على دمي و وقفت عنها ...
هو يتكلم معاي بشكل عام ، بس هو مش من النوع اللي يكون عنده اسرار ,, يعني كذا عادي يقول اي شي لأي واحد ...

بصراحة ... السؤال الأخير ما اعرف اجاوبه .. بجد ما أدري




أختي د.وضحى
كان فيه بحياته وحدة بس أهله ما رضوا فيها ... كنت مفكرة إني راح أقدر أنسيه إياها أو على الأقل أفرض وجودي بحياته بس ... تعرفين لما يتعامل معاك موظف في دكان كأنه يصبر نفسه إنك راح تمشين بعد شوية ؟؟!!! هذا اللي احس فيه


أخواتي .. Sumood و غروب
أشكر لكما مروركما امتعاطف و يكفيني اهتمامكما بالرد .. أثابكما الله

sss_12
09/05/2008, 05:03 AM
حسيت من كلامك وشرحك على طريقته انة متعلق في الي اهله رفضوها ومش بعيد تكون هية الي تتصل ولا يبي يجرحها انه معاكي يممممممممكن اللهيعينك

د.وضحى
11/05/2008, 03:20 AM
عبورة دام في واحدة بحياتة وطلع شكي بمحلة..

شوفي خلع الضرس مؤلم ويترك فراغ صح....ثم ممكن نزرع نحط تلبسة لكن زرع عضو جديد يحتاج الي وقت للتأقلم فهمتي

يعني يا قلبي طولللللللللللللللللللللي بالك تميزي عنها ما تدرين وش بصدرة الرجل تملكة المراة بطيبتها وبشطارتها بتنسينة امها لانها

ماضضضضضضضضضضضضضضي

وانتي حاضضضضضضضضضضضضضضر

فهمتي خليكي قوية شوفي قصص الاخوات متزوجات ورجالهم يغرفون حريم عليمهم استسلم خلاص لا بالعكس

شدي حيلك يبيلة وقت لكن ما ضلع حق وراة مطالب

ومطلبك قلبة عندك استعداد حتي للاسوء توكلي بالله ما عندك استعداد وتعلنين الهزيمة ريحي بالش وراسش وخلية يروح بحالة لانة الرجال يا جماعة الخير يبغالة صبر من المرأة طفل وكبير هذا الرجل

والقرار لكي

Unlimited Love
11/05/2008, 04:44 AM
اشوفكم قررتوا انه على علاقه بوحده ثانيه

اذكري الله
وانا متاكده انك تعرفين تحلين مشاكلك بنفسك
واضح من كلامك انك امراه متزنه وتعرفين تقرين بين السطور

انتي بروحك تعرفين اذا هالرجال يبيك او لا
كل امراه تقدر تميز

الله معك
ورجاء لاتشككون المره برجلها

عبير اللوتس 3006
11/05/2008, 10:47 AM
أشكر لكن ردودكن جميعا .....بجد ما نحصل هالتعاطف غير من بنات عروس ، الله يحفظهم ....


عارفين أنا لبارحة حسيت إني راح أنفجر ، و من غير شعور وسط دموعي قلت كل اللي بقلبي ...
تفاجأت فيه يبكي معاي ، إيه بالله ... كانت دموعه تنزل ... قال إنه عارف إنه مقصر معاي و إنه يحاول يتغير .. بس هو محتاج للي يوقف معاه ...
و إنه كان ناوي يقول لي من زمان إني أصبر شوي بس خايف إني أفهم الحكاية غلط ...
بجد يمكن الصراحة كانت هي العلاج الوحيد لحالنا ... أول مرة أحسه قريب مني ...

أشكر لكن وقتكن يا بنات ... ألله لا يشغل لكم بال إلا بالخير و العافية