المساعد الشخصي الرقمي

مشاهدة النسخة كاملة : ابي فكره لتقديم الشبكه



رجه بالحيل
11/05/2003, 03:07 PM
السلام عليكم ورحمه الله وبركاته



خواتي لو سمحتم ابي منكم طلب وارجو انكم تساعدوني :(حفله اخوي بعديومين وارجو انكم تساعدوني بفكره لتقديم الشبكه للعروس غير فكره الصندوق الله يعافيكم
<_____________ طراره وتتشرط
:D:D:D:D



يالله هلمو الي بافكاركم الجميله


اختكم رجه بالحيل


سلملم:D

ذوق
12/05/2003, 05:55 AM
هلا اخت رجه;)
ممكن اذا كانت عندكم عربة التقديم.. اتزينونها بطريقه حلوه وتحطون عليها الشبكه وعند التقديم اتخلون بنت مش صغيره يعني فاهمه شوي ولا تستحي اتوقف نص الطريق :D ادز العربه للين العروسه
او ممكن
على مخدات من المخمل باحجام متفاوته ويكون شكلها راقي و فخم
(على حسب الذهب) اذا كان دبله و عقد و ساعه ) يقدمونها 3 بنات
المخده الاولى عليها العقد
بعدها تتقدم البنت الثانيه بالمخده الي اصغر شوي بالساعع
بعدها البنت الثالثه بالمخده الاصغر الي عليها الدبله
انشالله اتعجبج الافكار

رجه بالحيل
12/05/2003, 06:31 AM
تسلمين ياعمري على افكارك الحلوه


الف شكر لج ياذوق ياكل الذوق انتي:D :D :D :D :D

رجه بالحيل
12/05/2003, 06:36 AM
يالله بنات وينكم شاركونا بافكاركم ولا مااستاهل انا افكاركم:(



<_______________ تبي تكسر خاطرهم بس محد حولها



:o

ذوق
12/05/2003, 02:29 PM
تسلميييين حبيبتي ادللي انت بس;)

طير الغرام
14/05/2003, 08:21 AM
مافي إلا الدولالالالالالالالاب

رجه بالحيل
14/05/2003, 04:46 PM
اي دولاب :D :D :D

يا مجير
17/05/2003, 03:58 PM
بسم الله الرحمن الرحيم

إلى الغاليه رجه بالحيل أنا ما أدري إذا عرسكم خلص والا لأ بس عندي فكرة حيل حيل حلوه .. أمي سوتها حق وحده من أهلنا .

شوفي .. تشترين باربي كبيييييييييييره بحجم البنت اللي عمرها 6 سنوات يبيعون منها بمحلات الباربي .. وتفصلينها فستان الساحره الطيبه .. يعني تلبسينها أو تفصلينلها نفنوف أبيض ومزين بشرايط ودانتيلات لونهم أبيض ولازم النفنوف يكون أبيض .. وتييبين كوشيه صغيره (مخده صغيره) تلبسينها فضي .. وعصاية الساحره اللي آخرها نجمة فضية ( تلاقينها بمحلات الألعاب والزي التنكري) وتاج راس صغير فضي .. وتثبتينها على قاعدة خشب .. وتحت القاعده الخشبيه تحطين تروللي ( تواير) علشان تمشي .. والكوشيه تثبتينها بين إيدين الباربي .. وتحطين عليها الشبكه مثبته بدبابيس بطريقه فنيه .. راح تطلع عجييييييييييييبه حيل

هالفكره أمي سوتها بإيدها حق وحده من أهلنا .. صج طلعت طلعه فيها .. ماحد فكّر فيها من قبل

وأتمنى إن عرسكم ما يكون خالص وتسوين هالفكره

وتحياتي

ام الزين 21
17/05/2003, 04:18 PM
حلوه فكره العروسه اللى قالتها الغاليه وما ادرى فعلا اذا خطوبتكم انتهت والا لا
بس احنا كان عندنا خطوبه من يومين والشبكه كانت فى مزهريه من الزجاج شفافه كانها كاس بس كبيره كانها مزهريه فيلا مو بيت صغير وحطوا فيها من داخل ورد صناعى عنابى لان الكوشه كانت عنابى وعلقوا العقد فى رقبه المزهريه وباقى الاكسسوار ثبتوه فى الورد من داخل الزجاج بلمسه فنيه
مادرى ردى علينا ايش بتسوين:D2

الزمرد
18/05/2003, 06:09 AM
اهلا.. ممكن تحطونها بمندوس متوسط الحجم بس طبعا يترتب عند محل الورد يعني يكون المندوس مفتوح والورد مرتب بحيث تكون الشبكه في الوسط داخل عش والعصافير مثبه على غصن صغير .

رجه بالحيل
18/05/2003, 03:59 PM
يسلمو ياعمري على هالردود والافكار الحلوه بس للاسف:( :( :( :confused: :confused: خلصت الملكه ولقيتلي فكره حلوه

وهي علقنا الشبكه على جذع شجره بس صراحه كانت روعه وجذع الشجره موجود في صندوق:D :D :D


وتسلمونلي

عروسة*_*قمر
23/05/2003, 06:23 AM
عالبركه انشالله
:D

رجه بالحيل
25/05/2003, 04:59 PM
الله يبارك فيك اختي :D :D :D

-اية-
17/02/2008, 08:52 PM
حلوه اوى بتاعت جزع الشجره
وممكن تحطيها علبة الشبكه وتحطيها بين ايدين دبدوب كبير شويه
ان شاء الله هتم على احسن وجه