المساعد الشخصي الرقمي

مشاهدة النسخة كاملة : اخيرا عرفت وش فيني..



مكسورهـ الخاطر
02/05/2008, 06:48 PM
السلام عليكم ورحمه الله وبركاته


كيف حالكم يابنات


والله من زمان عنكم..


بنات انا خلاص مليت من كثرة الخطاب صايرة كاني بنت للعرض

وانا امنيتي كانت اني ماادخل الا على الرجل اللي بيصير زوجي

لكن كلما دخلت على واحد اعجبة ويبغاني ويتكلم مع اهلي في المهر والاشياء التابعة والملكة

طبعا بعد مانستخير كلنا واذا طلع ما عاد يرجع يتصل على ابوي والا يقوله خلاص والله انا تراجعت..

مدري ليش؟؟

مع اني الحمدلله حسب ونسب وجمال واخلاق وكل من شافني قال كامله والكامل وجه الله..

وفية بنات كثير يحسدوني على اللي انا فية..

بس لو انا دارية اني بتجين نفس من بعض الناس كان قدرت اخذ منهم..

المشكله اني ماعرف منهم..

المهم ان اختي حلمت فيني حلم وتفسيره انو لازم يبغالي قرايه..ومكثفة بعد..

لانو اللي يصير لي مع الخطاب مو طبيعي..

العين والنفس اللي فيني تصرف عني كل الخطاب عشان مايتم موضوعي..

مع اني إيماني بالله قوي ودايما ادعي ان الله يحميني من كل سوء ويكشف لي الضر..

بس الظاهر انو بعض العيون قوية وتحتاج قراية..

وتصدقون يابنات الحين صرت ارفض اي شخص يجيني لاني عارفه وش بيصير..

وعشان كذا يابنات الله يوفقكم ويرزقكم ماتتمنونه عاجلال غير اجل..

طلبتكم ترسلون لي عالخاص..وبسررررعة

ارقام قارئات مجربات في الرياض..

ارقام خطابات مجربات في الرياض والشرقية..

وابي تعطوني نصايحكم ..

والله يجزاكم كل خير..


اختكم

مملكة عمري..

لاتنسوا الدعاء لي ولباقي اخواتي المسلمات

-%-سحابة حب-%-
02/05/2008, 06:55 PM
ان شاء الله البنات مايقصرون معاج ،،

غرٍوٍب
02/05/2008, 06:56 PM
الله يرفع عنك كل بأس

♥بنوته زايد UAE♥
02/05/2008, 07:22 PM
ربي يفرج عنج الهم ..

ويكتبلج الي فيه الخيرر ..

اناا عن نفسي ما اقدرر افيدج عزيزتــي ..

اسيرة قلبه
02/05/2008, 07:24 PM
http://www.3roos.com/up3/asoorah.gif



انا ماعرف رقم قارئات او خطابات لكن عندي سؤال

لو كان رقم الخطابه لك

ليه رقم الخطابه ؟؟ ماشاء الله انتي تنخطبين يعني مب محتاجه للخطابه
والوحده المفروض تقبل باللي يخطبونها اضمن وافضل من الخطابات لأن الشباب اللي من طرف الخطابات الله اعلم عنهم او ممكن يعيشها بتعاسه وبنفس الوقت ماتسوى عليها انها هي اللي تدور العريس مب هو يدورها !!

اما لو كان الرقم لوحده ماتنخطب وحالتها خاصه فالله يكتب اللي فيه الخير



http://www.3roos.com/up3/asoorahe.gif

ღ فجر البشيري ღ
02/05/2008, 07:29 PM
حبيبتي انا مع اسيرة وش له ارقام خطابات دامك ماشاء

الله عليك دايم يجئك خطاااااب ........ روحي لشيخ وخليه

يشوف حالتك وتوكلي على الله واكثري من الدعاء والاستغفار

وانشاء الله يسر لك ويوفقك للي فيه خير وصلاح لك .......

شيونة على كيفي
02/05/2008, 07:58 PM
الله يوفقك يااااارب

فتافيت
02/05/2008, 08:18 PM
الله يفرج عنك ويفتح نصيبك

مكسورهـ الخاطر
02/05/2008, 08:34 PM
شكرا على تفاعلكم معاااي


بعدين اغلب الخطاب يجون عن طريق خطابات لاني مابي من اقارب وانساب لنا..


واخواني وابوي مايقصرون اي واحد يتقدم لي يطلعون عنه برنت كامل حتى لو كان من ابعد مكان بالمملكة..

صبـــاح
02/05/2008, 09:14 PM
الله يرفع عنكم كل بلى ويرزقكم من أوسع ابوابه يارب

قوية السـاس
02/05/2008, 11:40 PM
لاتفوتين صلاتج ابد و صلي في وقتها دايما و اقري كل يوم سورة البقرة كاااامله حتى اذا طلعتي من البيت شغلي سورة البقره في غرفتج
بس حياتي تأكدي من اختج هل هذا كان حلم ولا رؤيا؟؟ الحلم ايي من الضغوطات و التفكير فماله تفسير يمكن هي تفكر في سالفتج ليش تنخطبين و مافي شي يتم و حلمت .. و اذا رؤيا.. تأكدي من تفسيره بعد لانه مب كلهم يفسرون صح :) اليوم كنت اشوف برنامج على قناة الرساله عن تفسير الاحلام يقولون مب كلهم يفسرون صح حتى اكبر مشاهيير تفسير الاحلام و اللي هم ثقه و عندهم علم و دراسه في التفسير بعد احيانا يغلطون

هاي ادعيه ممكن تفيدج

تحصَّنتُ باللهِ الذي لا إله إلا هُوَ ، إلهِي وإلهُ كُلِّ شيء ، واعتَصَمْتُ بربِي وربِّ كُلِّ شىء ، وتوكلتُ على الحىِّ الذي لا يموتُ ، واستَدْفَعتُ الشرَّ بلا حَوْلَ ولا قُوَّةَ إلا بالله ، حَسْبِيَ اللهُ ونِعْمَ الوكيلُ ، حَسْبِيَ الربُّ مِن العباد ، حَسْبِيَ الخَالِقُ من المخلوق ، حَسْبِيَ الرازقُ مِنَ المرزوق ، حَسْبِيَ الذي بيده ملكوتُ كُلِّ شىءٍ ، وهو يُجيرُ ولا يُجَارُ عليه ، حَسْبِيَ الله وكَفَى ، سَمِعَ الله لمنْ دعا ، ليس وراء اللهِ مرمَى ، حَسْبِيَ الله لا إله إلا هُوَ ، عليه توكلتُ ، وهُوَ ربُّ العرشِ العظيم

اللهُمَّ ذَا السُّلطَانِ العَظِيمِ والمَنَّ القَدِيم وَليَّ الكَلِمَاتِ التَّامَاتِ وَالدَّعَوَاتِ المُسْتَجَابَات ، اصْرَف عَنِّي عُيُونَ العَائِنِينَ ، وَحَسَدَ الحَاسِدِينَ ، وَسِحْرَ السَّاحِرِين .

بِسْمِ اللهِ يُبْرِيكَ ، ومِنْ كُلِّ دَاءٍ يَشْفِيكَ ، وَمِنْ شَرِّ حَاسِدٍ إِذَا حَسَد ، وشَرِّ كُلِّ ذِيْ عَيْن .

بِسْمِ اللهِ أُرْقِيكَ ، مِنْ كُلِّ شَيءٍ يُؤذِيكَ ، مِنْ شَرِّ كُلِّ نَفْسٍ أوْ عَيْنِ حَاسِدٍ ، اللهُ يُشفِيكَ ، بِسْمِ اللهِ أُرْقِيكَ


الله يبعد عنج الشر والعين و الحسد و نسمع بخبر خطوبتج قريب :)

ادعي انه الله ينوي اللي فبالي عااجلا غير اجل

سفيرة فوق العاده
02/05/2008, 11:40 PM
إرقي نفسك عزيزتي

بس نصيحه

لا تروحين للعبد وتخلين الخالق

صفي نيتك،، وتوجهي لله وحده،، وإدعيه من كل قلبك،، وداومي على ذكره وشغلي دائماً صورة البقره وأكثري من الإستغفار

ولعل في اللي صار لك خير،، ما تدرين وين الخير،،

وكل تأخيره فيها خيره

موفقه الغاليه

وجمعه مباركه

الأصدقاء0
02/05/2008, 11:42 PM
أختى عليك بسورة البقره والرقيه الشرعيه والدعاء

سفيرة فوق العاده
02/05/2008, 11:42 PM
لاتفوتين صلاتج ابد و صلي في وقتها دايما و اقري كل يوم سورة البقرة كاااامله حتى اذا طلعتي من البيت شغلي سورة البقره في غرفتج
بس حياتي تأكدي من اختج هل هذا كان حلم ولا رؤيا؟؟ الحلم ايي من الضغوطات و التفكير فماله تفسير يمكن هي تفكر في سالفتج ليش تنخطبين و مافي شي يتم و حلمت .. و اذا رؤيا.. تأكدي من تفسيره بعد لانه مب كلهم يفسرون صح :) اليوم كنت اشوف برنامج على قناة الرساله عن تفسير الاحلام يقولون مب كلهم يفسرون صح حتى اكبر مشاهيير تفسير الاحلام و اللي هم ثقه و عندهم علم و دراسه في التفسير بعد احيانا يغلطون

هاي ادعيه ممكن تفيدج

تحصَّنتُ باللهِ الذي لا إله إلا هُوَ ، إلهِي وإلهُ كُلِّ شيء ، واعتَصَمْتُ بربِي وربِّ كُلِّ شىء ، وتوكلتُ على الحىِّ الذي لا يموتُ ، واستَدْفَعتُ الشرَّ بلا حَوْلَ ولا قُوَّةَ إلا بالله ، حَسْبِيَ اللهُ ونِعْمَ الوكيلُ ، حَسْبِيَ الربُّ مِن العباد ، حَسْبِيَ الخَالِقُ من المخلوق ، حَسْبِيَ الرازقُ مِنَ المرزوق ، حَسْبِيَ الذي بيده ملكوتُ كُلِّ شىءٍ ، وهو يُجيرُ ولا يُجَارُ عليه ، حَسْبِيَ الله وكَفَى ، سَمِعَ الله لمنْ دعا ، ليس وراء اللهِ مرمَى ، حَسْبِيَ الله لا إله إلا هُوَ ، عليه توكلتُ ، وهُوَ ربُّ العرشِ العظيم

اللهُمَّ ذَا السُّلطَانِ العَظِيمِ والمَنَّ القَدِيم وَليَّ الكَلِمَاتِ التَّامَاتِ وَالدَّعَوَاتِ المُسْتَجَابَات ، اصْرَف عَنِّي عُيُونَ العَائِنِينَ ، وَحَسَدَ الحَاسِدِينَ ، وَسِحْرَ السَّاحِرِين .

بِسْمِ اللهِ يُبْرِيكَ ، ومِنْ كُلِّ دَاءٍ يَشْفِيكَ ، وَمِنْ شَرِّ حَاسِدٍ إِذَا حَسَد ، وشَرِّ كُلِّ ذِيْ عَيْن .

بِسْمِ اللهِ أُرْقِيكَ ، مِنْ كُلِّ شَيءٍ يُؤذِيكَ ، مِنْ شَرِّ كُلِّ نَفْسٍ أوْ عَيْنِ حَاسِدٍ ، اللهُ يُشفِيكَ ، بِسْمِ اللهِ أُرْقِيكَ


الله يبعد عنج الشر والعين و الحسد و نسمع بخبر خطوبتج قريب :)

ادعي انه الله ينوي اللي فبالي عااجلا غير اجل


ما قصرت الإخت قوية الساس بارك الله فيها

والله يوفقك

قوية السـاس
02/05/2008, 11:43 PM
اوه نسيت اقولج اني مب من السعوديه فما اعرف ارقام خطابات او قارئات اسمحيلي فديتج

@ملكة الحب@
03/05/2008, 12:18 AM
:oالله يبعد عنج العين وتتزوجين أن شاءالله

بتوفيق

منوة_القلب
03/05/2008, 01:02 AM
أحسن شيء تقرين على نفسج

فشفوشة
03/05/2008, 01:42 AM
ربنا يوفقك للي فيه الخير

بس منصحكيش بالخطابة

وحدااانيه
03/05/2008, 01:46 AM
الله يفرج عنج إن شاء الله

والله يكتب لك الزوج الصالح عاجل غيـر آجـل .. ويكتب لكل بنت تتمنى الزواج

مكسورهـ الخاطر
03/05/2008, 02:30 AM
مشكورات اخواتي جميعا عالاهتمام..


والله يناولنا جميعا اللي في بالنا عاجل غير اجل..


ومشكورة اختي قوية باس على الادعية المفيدة وجعله في ميزان حسناتك..

ومشكورة لجميع باقي الاخوات..

والله يسمع منكم..

وبحول الله وقوته مايخلص شهر 5الا وانا متملكه وكل البنات اللي يتمنون الزواج..

واي وحدة تتمنى شي ثاني في بالها..

وحبيت اقولكم يابنات انا الحمدلله ايماني بالله قوي جدا..

وادعيه في كل لحظة لنفسي ولغيري..

وادعية ان الله يحميني ويحمي غيري من كل سوء وكل شر وكل عين وحسد..

بس لازم يابنات نفعل الاسباب زيادة على الدعاء بإخلاص النيه..

والله يوفقنا جميعا..

M!ss Paris
03/05/2008, 04:03 AM
الله يرفع عنك البلى و يفرج همك و يرزقك الزوج الصالح عاجلا غير آجلا

ناديه يوسف
03/05/2008, 10:11 AM
الله يوفقك ويرزقك الزوج الصالح ويرفع همك

العروسه1358
03/05/2008, 10:14 AM
الله يوفقج ويسعدج اختي

مروج
03/05/2008, 11:18 AM
الله يبعد عنك كل شر ومكروه .... ويرزقك بالزوج الصالح

حكاية غرام
03/05/2008, 11:33 AM
هلا حبيبتي في شيخ في البحرين موثوق وانه رحت له شخصيا اذا تبين عنوانه هذي لازم تروحين له شخصيا وعادي تروحين مع احد من اهلج وحتى لو اخوج وياج بعطيج اياه وعندي رقم ولده ... وايد يوون له سعوديين حتى يوون بالطيارة من الرياض !!!

بس ابي انبهج لنقطة وحدة ان ترى مو كل الشيوخ موثوقين يعني اوكي يعرفون شنو فيج بس يقصون عليج يسون لج شي عشان دايما تيين عندهم وياخذون بيزاتج وما يسوون لج شي ....

وعندي بعد رقم شيخ سوادني عايش في الكويت يكشف لج على التلفون هذي بعد ثقة ....

اذا تبين وحدة بحرينية بعد هذي ثقة تكشف لج بس ب 3 دينار بحريني على ما اعتقد هذي انه بعد رايحة لها .....
طيبة وتقدرين تروحين لها في بيتها ....

هذي الي اقدر اساعدج فيه حاليا ......

انصحج تكشفين عند واحد من هذلين وبس !!!

صوت نبضي
03/05/2008, 11:40 AM
الله يرفع عنك ويرزقك في القريب العاجل
ويرزقني يارب

كوني بخير
اختك
نبض

حبيبة اولادها
03/05/2008, 11:53 AM
ربي يفرج عنج الهم ..

ويكتبلج الي فيه الخيرر ..

مكسورهـ الخاطر
03/05/2008, 12:59 PM
الله يوفقكم ويسلمكم من كل شر..


ومشكورين عالاهتمام..

Ba7reneyah
03/05/2008, 01:09 PM
وتصدقون يابنات الحين صرت ارفض اي شخص يجيني لاني عارفه وش بيصير..

أعتقد ان هذا التصرف مب سليم ، ما تدرين باللي الله كاتبه
والله يبعد عنج العين

لــمــى
03/05/2008, 01:21 PM
اختي عليك بالرقيه الشرعيه ( تلقينها بموقع الرقيه الشرعيه )

وقراءة سورة البقره بشكل يومي 40 يوم متواصله بدون انقطااااااااااع

واكثري من الاستغفار

غلا روحي mm
03/05/2008, 01:25 PM
الله يشفيج

دعــــاء
03/05/2008, 01:31 PM
أختى عليك بسورة البقره والرقيه الشرعيه والدعاء

هذا هو علاجك أختى-إن شاء الله عز وجل-

دودش طة
03/05/2008, 11:32 PM
حبيبتى انا واللة زيك بضبط اكيد انا مقصرة فى حاجة وعرفت انها امى لانهاقد تدعى على بدون قصد ولما اتصالح معها ينصلح حالى وانت شوفى انت مقصرة فى مين صلة رحم او والديك قد يكون كبر اوغرور اوكنت بتعملى اشياء يحبها اللة وابتعدتى عنها كحفظ القران اوصدقة واطلبى من امك تدعو لك واسال اللة التوفيق لك

مكسورهـ الخاطر
04/05/2008, 01:31 PM
والله الحمدلله

ماني مقصرة باي شي..

وامي توفت وهي راضيه عني..

وابوي الله يخليه راضي عني..

وكل شخص يعرفني مافية في خاطرة شي علي..

والكبر والغرور ماهو طبعي..

بالعكس كل من شافني من اول نظرة ادخل قلبة..

ومافية قلبي ولانقطة سوداء..

بس الحمدلله على كل حال..

انا الان توكلت على الله في ان يشفيني ويرزقني بالزوج الصالح..

حواء101
04/05/2008, 10:59 PM
الله يفرج همك ويسعدك ويستر عليك

امونه 2008
05/05/2008, 03:15 AM
الله يرزقك يارب بالزوج الصالح الله يسعدك ويهنيك

rose_rose7788
05/05/2008, 09:10 AM
الله يوفقك ويفرج عنك يا رب

الوردةالحمراء@
05/05/2008, 10:42 AM
الله يفرج عنك ويفتح نصيبنا

أنا نفس حالتج تماما

بس خلاص فقدت الأمل

اكليل الورد85
05/05/2008, 11:24 AM
الله يفرج همك

رونق روحي
05/05/2008, 05:51 PM
الله يوفقك يااااارب

kadjou
05/05/2008, 06:14 PM
الله يوفقك ياارب

امــ حمودي
31/05/2008, 01:08 AM
احرصي على قراءه القران والرقيه بنفسك افضل وعليك بالدعاء والاستغفاار وان شاء الله قريب نسمع بخبر خطبتك
يـــــــارب

ღღ دريـــم ويــب ღღ
31/05/2008, 02:55 AM
الله يكون في عونك وحالتج مثل حالت صديقتي ... والظاهر خدامتهم ساحرتها .. لانها نفسج من يشوفها الولد يتجنن عليها يبي يتزوجها ..

بس يحددون متى الملجة .. البنت تعتفس وتقول ما ابيه !!

الله يرزقج بولد الحلال ويرزق كل البنات اللي ما انخطبوا يارب

مكسورهـ الخاطر
02/06/2008, 02:16 PM
والله يابنات احرجتوني..

روحواا الله يرزقكم وين ماكنتواا عاجلا غير اجلا..


اللهم ارزقنا الزوج الصالح عاجلا غير اجل ياارحم الراحمين..