المساعد الشخصي الرقمي

مشاهدة النسخة كاملة : ساعدوني ..اللي مثل حالتي شو يسوون؟؟؟



عروس قديمه
11/05/2003, 07:53 AM
لجأت اليكم...

:confused:

اللي مثل حالتي ..ماعندهم خدامه وبنت في سن الرضاعه؟؟؟كيف ينظمون وقتهم..
والله احس بالضغط...ما اقدر اطلع مكان..ولا اقدر اسوي شي؟؟

الله يرم ايام زمان ايام ما كان يرجع من الدوام يلقاني مية فل وعشره..والبيت نظيف ومدخن..والغدا جاهز....


اما الحين...


الامور تبدلت تماما...

احس اني قاعده في مسابقات...اطبخ وامسك البنت وانظف البيت..كله في نفس الوقت:eek:

وقريب بتوظف...


هل صحيح ان الخادمه ...شر لابد منه؟

اليكه
11/05/2003, 08:37 AM
الله يعينج !!

عروس دبي
11/05/2003, 09:54 AM
عزيزتي نصيحتي لج اذا كنتي ما تحبين تبيين بشكارة دايمة هاتي


اللي يشتغلون بالساعات انا عندي وحدة تيني مرتين في الأسبوع كل


سبت وثلاثاء وتنظف وتكوي وتغسل ...الخ


وممكن اذا حاجتك اكبر تيبينها يوم وترك ....


انا تييني من الساعة 1 لحد الساعة 6 ......


طبعا انتي تحددين الوقت ....


اتمنى اكون افدتج ....

سماهر
11/05/2003, 01:23 PM
مرحبا اختي عروس

صحيح ان الخدم شر لابد منه

وبالنسبه ليج تقدرين بعد ما تتوظفين تحطين بنتج عن الوالده

وتاخذينها عقب ما ترجعين من الدوام

او حل ثاني وهو هاتي خدامه مسلمه وتكون ام عيال بتكون عارفه بشغل

اليهال

عروس قديمه
12/05/2003, 06:32 AM
امي حرمه كبيره ما احب اكلف عليها...

وسالفة الخدامه بالساعات ..صعبه..لأني ما اامن...وغير جي انا احتاجها وقت الطلعه اكثر..؟؟


الله كريم

أم شمايل
12/05/2003, 06:39 AM
اختي انا حالتي مثل حالتج بس انا ما اطبخ لان ريلي ياخذ لنا الغدا من المطاعم .. واحاول اني انظف واغسل حزة ما تكون بنتي راقده واحيانا اخليها في كرسيها تلعب وانا اقعد انظف .. بس الحين يمكن اييب لي خدامه تشتغل بالساعات ..

طيووف
12/05/2003, 07:05 AM
اهلين اختى انا انصيحتى اذا بتبين خدامه هاتى فلبنيه وتكون كبيره فى العمر وعندها عيال لانى جربت كل انواع جنسيه الخدمات وشفت فرق كبير بينهم وبين الفلبنيه تهتم وايد بالعيال وبنظافه

صدى الوادي
13/05/2003, 03:06 PM
أختي عروس قديمة أنا حالتي أصعب من حالتج أنا عندي ولدين وثلاث بنات
ثنتين منهم توأم عمرهم ثمانية أشهر أحس إني باختنق من الشغل ومن
شطانة اليهال :(

بس إختي نصيحتي لج لا إتآمنين بالخدم وإتخلين إعيالج عند خدامة :s

وإذا كلش هاتي لج وحده تشتغل لج بالساعات

والله يكون إبعونج

أختج

صدى الوادي :)