المساعد الشخصي الرقمي

مشاهدة النسخة كاملة : مشكلتي مع ام زوجي



ام فروس
11/05/2003, 06:36 AM
السلام عليكم ورحمة الله وبركاته
مشكلتي هذي محد بيحس فيها الا الي مثل وضعي
خواتي كل زوجه تتمنى ان يكون لها بيت لوحدها تعيش فيه مع زوجه واولادها وتحس ان هذي مملكتها تسعد عايلتها اتنظم البيت بطريقه الي تبي تستضيفي فيه الناس الي تحبين القرايب والجيران وتقدميلهم احسن ماعندك وتتحكمي في بيتك مثل ماتبي منغير محد يضايقك
واسرار بيتك محد يدري عنها
كلامي صح ولا لا
انا خالتي ام زوجي تسكن معاي في نفس البيت هي في الطابق السفلي وانا في الطابق العلوي
خالتي كبيره في السن لاكن ماشالله عليها نشيطه
تسيطر على البيت بشكل زايد وشخصيتها قويه جدا
هي تتحكم في البيت تامر وتنهي وتغير في اماكن الاثاث بشكل غير لايق اتخلي منظر البيت موب حلوو وانا ماتخليني احرك عود مع انه بيت زوجي واعيالي وترفض اني استضيف احد في البيت عشاني
ولا تبين اروح للجران ماتبي يكون لي علاقات بلمره
مشكلتي اني مرتبطه فيها امضايقتني في حياتي
ماتعطيني فرصه نهائيا
هي امرأه كبيره في السن افكارها واسلوبها قديم جدا
عكسي انا افكاري متحظره ولي اسلوبي وذوقي
لدرجة انا بناتها يقولولي انتي لاتعطين امنا فرصه امنا ماتعرف
لاكن صعب صعب التعامل معاها عسره جدا فوق ماتتخيلون
والمشكله بعد انها ثرثاره كل شي اتسولف فيه كلا يدري عن بيتنا
مثل راحوا وجاو وسواو وعملو يعني ماشالله عليه تتكلم في كل شي
والله يعيني عليها

خواتي تعبت وانا اصبر وتحمل الى متى ابي اعيش حالي حال كل زوجه وقولولي شنوا تعليقكم على موضوعي:(:(

نبع الوفا
11/05/2003, 12:15 PM
السلام عليكم ورحمة الله وبركاته

اهلاً بك اختي العزيزة

تم نقل مشكلتك للركن المختص

ارجو ان تجدي مشاركت اخواتك

وكان الله في عونك ..

سماهر
11/05/2003, 01:14 PM
مرحبا اختي ام فروس

كلامج صح لانه كل وحده متزوجه تبي بيت خاص فيها ومستقل

عشان تحس انها صاحبة البيت

الحين بالنسبه لمشكلتج اختي انتي تقولين انج قاعده بالطابق العلوي

وعمتج بالطابق السفلي من هني يبدأ الحل

خلي عمتج تاخذ راحتها في الطابق السفلي الخاص فيها

لكن في الطابق العلوي الخاص فيج انتي تهتمين فيه بكل شئ

من تغير الاثاث والترتيب على ذوقج اول شئ اللي لازم تسوينه

اقعدي وياها وفهميها ترى الحريم الكبار في السن طيبات وتقدرين

بالكلام الحلو انج تكسبينها وعمتج لو انها متحكمه في البيت بس

خذيها بالزين وتقربي منها وبعدين مسألة الطلعه وزيارة الجارات هذا

من حقج اذا كان ريلج يعرف وما عنده مانع فهو المسؤؤل عنج

مب عمتج وبقول لج شئ فرضي شخصيتج في البيت يعني صح

كوني طيبه مع عمتج لكن لا تعطينها الفرصه عشان تسيطر عليج

وخلي بعد ريلج يكلمها يكون افضل وان انتي من حقج استقبال

اهلج في البيت بس المشكله مثل ما قلتي انها اطلع سوالف البيت

وهذا الشئ ترى مب بس خاص بعمتج فيه وايد عمات نفس الشئ

طبعا يكون من غير قصد منهم بس يبون يتكلمون في اي شئ

انتي شوفي الحلول السابقه واذا ما فادت احسن يكون ليج بيت

مستقل

ام ياسمينا
12/05/2003, 03:29 AM
والله انا مشكلتي اكبر من مشكلتك لان ام زوجي تدخل بيتي تتحكم وتتحكم في شغالتي ولول طلعت كله تقول لزوجي زوجتك وايد تطلع!!!:mad: مع ان هالشي مايخصها..وتفتح ثلاجة بيتي وتشيل اللي فيها وتحط لي اللي هي تبيه..وتدخل علي انا وزوجي من غير استئذان ولو باب البيت كا مسكر تضرب الباب بقوة لين نفتح ولما نفتح تقول انا بس حبيت اسال عن ولدي!!!:confused: ودايما تسويلها افلام من خيالها ومشاكلها وايد وايد ومو بس علي انا حتى زوجات اخوانه تسوي نفس الشي وللو قلت له نروح في بيت مستقل تقول له شفت انها بتاخذك مني وتقعد تبكي!!!
حتى شغالتي تضربها وتبهدلها وماترحمها!!!وعلى هذا كله تقعد تقول للناس كلام غلط عنا لاني كم مرة اسمعها تتكلم في التلفون وتقول عن زوجات اخوانه يعني اكيد انها تتكلم عني بنفس الشي:mad:

احلى ذكرى
12/05/2003, 03:59 AM
مرحبا اخت ام فروس

مش عارفة ايش اقولك ، انا حسيت بمشكلتك مع اني ما جربت الى انتي جربتيه ، انا عشت سنة مع حماتى ومش هي لحالها لا ابوه وامه واخواته ، بس اقولك الصراحة كانت احلى سنة ،قضيتها ، حماتي طيبة جدا وابوه كمان والله واخواته حسيتهم اخواتي وحماتي بتعاملني مثل بنتها وانا حبيتها كثير ، وانا موظفة ، كنت اصحى الصبح الاقي الفطور جاهز ، افطر وانزل الشغل ، ولما ارجع الاقي الغدا جاهز ، اتغدى واجلى الجلى وخلاص هي كل الى علية، اطلع وانزل زي ما بدي ، ما حد كان يتدخل فية غير زوجي ، وانا الآن الى سنة ساكنة لحالى ، بس اتمنى ارجع اعيش معاهم ، المسئولية صعبة ، انا بروح من الشغل على شغل البيت ، غير بنتي الي ما بلاقي حد يمسكها ، وطبعا ما عنديش شغالة لأنه الوضع المالي ما يسمح ،
بس بحالتك انصحك انك تاخديها بالذوق والمعاملة الطيبة والكلمة الحلوة صدقة وحاولى انك تكسبي حبها وتحملي وهي زي ما قلتي ست كبيرة ومش حتعيش العمر كله عندك ، تحمليها بآخر عمرها ، وحتاخدى الاجر من الله
مع تحياتي

الرجـاء
20/07/2003, 08:31 PM
ما اقول الا الله يأخذ كل عجوز ضالمة ويريح الناس من شرها

RoOoOmy
21/07/2003, 01:34 AM
أختي

بدل ما تهاجمين أم زوجك وتردين لها الصاع صاعين خليك عاقلة وحاولي تكسبيها ....... يعني لمن تقول شي خاصة قدام زوجك أو قدام الحريم أيديها على طول وقولي كلام خالتي مضبوط ..

حاولي تشركيها في معظم أمورك يعني قولي لها تروح معاك السوق واستشيريها في الأشياء اللي راح تشترينها ... اشتري لها هدية من فترة للثانية وتكون على ذوقها ..... شجعي أولادك على احترامها ومناداتها بأدب خاصة قدامها يعني الصباح قولي للأولاد : يا عيال سلموا على جدتكم ، بوسوا راس جدتكم

حاولي تكسبيها بأي طريقة ، واضغطي على نفسك عشان المركب تعدي بس طبعا مو تكبتين غضبك لو ما نفع معاها هذا كله .. تناقشي مع زوجك وقولي له ان البيت مملكتك وان امه على عينك وراسك بس لازم يكون في حدود لكل شي ولو ودك مرة انك تغيرين الأثاث اسأليها ايش رايك لو سوينا الأثاث بالشكل هذا حاولي شوفي الشغلات اللي تحبها خالتك وحاولي تسوينها في حدود المعقول طبعا

والله يصبرك ويعينك وحطي في بالك ان اللي تسوينه لك عليه أجر وثواب تكسبين احترام وتقدير زوجك

تحياتي لك

kwaiteyah100%
21/07/2003, 05:15 AM
عموما اهي ام الريل (طبعا مو كلهم بس غالبيتهم) يحسون ان في شي عزيز انوخذ منهم غصب .....فهات يا تطفيش في لعروس (يعني تدبح لها القطة في ليلة عرسها)....وساعات تلقين ام الريل احسن منها ماكو بس الكنة مو زينة وشرية وراعية مشاكل....وامك وامك سوت...مع ان الخالة ماتكون مسوية شي....

عموما اختي مثل ما قالو بعض الخوات حاولي تكسبينها وتناقشينها اذا اقتنعت....الحمدلله وغدا الشر....لكن اذا عنّدت ....فالله يعينج
والا اشرايج؟؟؟؟؟؟؟؟


يلا باااااااااااااااااااااااا ااااااااي