المساعد الشخصي الرقمي

مشاهدة النسخة كاملة : زيادة افراز الحليب لدى المرضع



ام ميود
23/04/2008, 04:02 PM
مرحبا الغاليات انا صارلي والده من شهر تقريبا 19/03/2008 وما كملت شهور الحمل كلها ويبت ولدي وكنت في ثلاثين اسبوع يعني في السابع وولدي عشان حالته خلوه في الحضانه وصار حليبي يخف فممكن تساعدوني بخبرتكم عشان حليبي يزيد ان كان بالادوية او بالاكل ضروري

عايشة18
23/04/2008, 04:17 PM
هلا حبيتي من تجربتي كمرضعه اكل خضار من (باذنجان وكوسا بطاطا جزر فلفل اخضر بارد طماط) المهم اسوي لي صالونه ماشاء الله الحليب يطلع وايد وكثر من شرب السوايل مثل الماي والعصير

أمانيـــز
23/04/2008, 08:01 PM
السلام عليكم


من تجاربي/الحلوى الشامية-الحليب- الحلبة-والكسكس اذا عرفتيه..اكلة مغاربية تذرالحليب..

واستمري عالرضاعة ولا تياسي..

كون يمك
02/06/2008, 02:24 AM
أم ميود

انا ولدت بولدي توي صار لي 25 يوم في الشهر السابع ونفس الشي حطوه بالحضانة والحين مو راضي يشرب مني وانا نفسي ارضعه من صدري وحاولت معاه لكن اضطريت اني اشربه صناعي واحاول معاه من صدري

انا قريت في كتاب ان شرب شاي النعناع يدر الحليب ......بس اغسلي النعناع وحطيه في الماي المغلي وخليه يخدر شوي واشربي منه في اليوم من كوبين الى ثلاثة اكواب

انا سويته احسه تمام ومغيد حتى لبطني يعني بعد الأكل يريحني .

thuraia
03/06/2008, 01:39 AM
هلا أم ميود انا بكمل 3 شهور من ما ولدت صدقيني كل يوم اشربي شوربه شوفان مع الحليب طبعا تغلينة لين ما يستوي وعقب صبي عليه الحليب و بدل السكر حطي عسل و حلبه 4 ملاعق كبار وبتشوفين النتيجة وقوليلي

خريف
04/06/2008, 07:13 AM
السلام عليكم
الحمد لله على سلامتك وسلامة ابنك ومن تجربتي ونصيحه دكتوره
عصير البرتقال الطازج
الكراويه " شي فووووووووووووووق الخيال والله بتحسي صدرك بيطق من كثرة الحليب ما شاء الله "
شرب السوائل بكثرررررررررره
الحلبه
جبنة كرافت الكاسات " بس مشكلتها بتنصح "
الاكل الصحي
المواظبه على الرضاعه لأنه الجسم مبرمج على قد ما يرضع البيبي بينتج حليب وهذا من افضل الحلول لزيادة الحليب

جربي واعيلي وربنا يحفظلك ابنك

_______________________________________________
خريف

وهف
15/06/2008, 01:21 PM
حبيبتي عليج بالأشياء الدسمة ذات السعرات الحرارية الكبيرة لأنها هي اللي تدر الحليب

واشربي الحليب الطازج أو عصير الاناناس قبل الرضاعة تقريبا بنصف ساعة<<<< مجررررررررررررررربته

وبتشوفين كيف يدر الحليب

رفولة الحلوة
29/06/2008, 02:48 PM
انا عن تجربة البيض البلدي والحليب

الولهانه2006
22/08/2008, 09:59 AM
ايوه ساعدونا بخبرتكم انا يادوب قليل مره الحليب

نجمة فجر
06/09/2008, 03:23 AM
يالله تجاربكم ياخواتي ربي يعطيكم الف عافيه

الولهانه2006
07/09/2008, 12:11 PM
هلا نجمة فجر شكل مشاكلكي نفس مشاكلي
كم لكي والده وايش ريك نجرب كل فتره ناخذ شي ونجربه يعني مره حليب وحلبه وعسل ونجلس اسبوع ونشوف واذا ما فاد نشوف حاجه ثانيه وكذلحد ما نوصل لحل واذا عن اوزانا انا محتاجه احد يشجعني خلينا نشجع بعض ما دام همنا واحد

غرام البحرين
17/09/2008, 02:10 AM
هلا الغوااالي
انه بعد ما يبت ولدي حطوه بالحضانه
وكان ما يبي من عندي
وطبعا حسيته انه خلاص جف
وصار صدري ذااابل
لما قالت لي خالتي خلاص الا تعطينه ان شاء الله تجوعينه شوي ليما يشرب من عندج
وفعلا سويت هذي الطريقه
وخليته يشرب لما تعود انه يمص لانه ما كان يعرف
والحين ما شاء الله ترك الرضاااعه قاامت ما تعجبه هههههههههه

وشي يا بنااات علشان يزيد عندكم الحليب
خليه كثر ما تقدرين انه يمص ترى يزيد افراز الحليب والله عن تجربه
وشي بعد سمعته الي هو الطحينيه (عندنا بالبحريني الرهش)

الله يعطيكم العافيه

وهج-البندري
17/09/2008, 06:09 AM
صبأأأأح الجوري

عن تجربة بنتي الحين بتكمل ماشاء الله 9 شهور

على كثر ماترضعين بشكل مناوب على كر مابتدرين حليب

واللي يكثره ((( الســــوائل ))) واللي يزيد ائدنه تنوع غذائج


واذا خف الحليب كثري من اكل الرهـــش عن تجربه والله

http://tbn0.google.com/images?q=tbn:OM0X4MNTSiGnXM:http://www.qatarp.com/files/8/103.jpg

كثري عصاير ومرق وحليب ولبن

واذا حيل قرب ينشف عليج بالحليب المفيوح مع ملعقة حلبة بس تراه يسمن

مع ودي