المساعد الشخصي الرقمي

مشاهدة النسخة كاملة : بنات بليز فيه احد مثلي ....؟؟



دلوعــــــه
21/04/2008, 12:04 PM
بصراحه كل مااجيت اكتب هالإحساس اقول لا

بس حسيت بقرب منكم وحسيت كنكم خواتي وبصراحه لا تعاتبوني اوتلوموني قولوا لي و الحل انا احس إني مومقتنعه بزوجي احيانا اقول لنفسي انا ليش اخذته هو إنسان عنيد وراسه يابس مو مثل الرجال اللي لين مع زوجته يعني لما يصير بينا نقاش لازم امشي رايه ...مره كان بيآخذ ولدي عند اهله وقلت له خذه غير اليوم اخاف عند اهلك ضيوف اليوم ويزعجهم ولدي قام وزعل يقولي ليش تناقشيني انا لما اقول شئ على طول تقولين طيب ...وهولما يزعل مايرضي بسرعه والله لازم اقعد اصيح علشان يرضى ......قولوا لي وش اسوي بصراحه انا انقهر لما اشوف ناس اقل مني بالجمال واقل مني عقل ((ماامدح نفسي بس ابقولكم اللي بخاطري )) يتزوجون رجال متفاهمين وطيبين بصراحه يضيق صدري واقعد لوم نفسي والله نفسيتي تعبانه قولوا لي ايش الحل :confused:

سوسو
21/04/2008, 12:29 PM
حياكى اللة يا اختى لازم تعملى اكتر من محاولة مرة ما تعاندية واعملى مثل ما بدو وشوفى كيف ردت فعلو ومرة بدك تحاولى تقنعية باسلوبك الخاص بوجة نظرك وحاولى تخلية يسمع كلمتك او على الاقل يسمح بالنقاش الحياة تعاون وشراكة بينكم لازم يصير نقاش مو شرط يمشى راية بدون نقاش ولو هو عنيد زوجك على ما عودتية وابنك على ما ربيتية والشاطرة فينا بتعود زوجها على اشياء هى بدها اياها وبتحبها وطبعا مو بكل شى اللة يوفقك ويهدى بالك:wink:

umjana79
21/04/2008, 12:45 PM
السلام عليكم ورحمه الله وبركاته ..

اختي بقولج شي .. ترى مافي بنت موجوده بالمنتدى وخارج المنتدى زوجها ما فيه عناد .. بس درجات .. والناس تختلف واجناس....

اول شي لازم تعرفين مويه زوجج ... يعني . تعرفين متى الاوقات لو انتي كلمتيه فيها .. يرضخ ... لو كان يبي يودي ولدج .. بيت اهله .. المفروض كنتي تجيبها باسلوب ثاني تقولي له ان شاء الله تحب اودي له اغراضه ... حبيبي ... وبعدين قولي له ... على صيغه سؤال .. اهلك يدرون انك بتجيب الولد ... .. ( لو رد عليج بنعم مثلا ) خلاص خليه يوديه .. ( لو رد عليج مثلا بلا ... قولي له حبيبي اتصل فيهم خبرهم ... مهما كان ... لازم تحط عندهم خبر انك بتجيبه لهم .. ) ..

او تعللي ان الولد اليوم مب صاحي ,, وحسيتي انه تعبان ... واذا يعني مافيها كلافه ,,, واهلك مب ملزمين .. اوديه بكره لهم ... بعد ما تطمن عليه .. كم بو فلان عندي انا ....

بالنسبه للعناد ... حاولي تجارينه في الي يبيه ... ولمن تحسين ان الشي الي يبيه ما يعجبك .. جاريه فيه .. وبعدين قولي له , طيب .. شرايك تجرب .. كذا وكذا,, وولو ما عجبك نرجع لشورك ,, عشان نشوف .. وانت منت بخسران شي .. ولو اصر قولي ماقصد اني اعاندك اوشي .. ..بالعكس

اختي الريال بطبيعته يحب يسوي جذي عشان يخاف ان يفقد السيطره على حياته .. وانتي عطيه الي يبيه .. بس لا سوي الشي وانتي متضايقه دايما حسسيه ان قراراته هي الصح ,,ولو صارت غلط لا تعاتبيه .. لان بيزيد بالعكس قولي له .. يا بو فلان ... يسلم راسك بس لو كنت تركدت شوي جان .. مشا الموضوع بغير طريقه ... بس ولا يهمك المره ثانيه ما بنستعجل ..

اختي طرق وايد تقدرين تغيرين فيها الريال .... هو من الطفل ... تسايسينه عشان تاخذين الي انتي تبينه والي هو يبيه ..

اتمنى افدتج تحياتي
ام جنى

:اسماء:
21/04/2008, 01:04 PM
الاخت ام جنى كفت ووفت

بس نصيحه اذا زوجك مافيه الا هالطبع الشين احمدي ربك

وابتدي تستخدمي الحلول

يعني الحين انتي جربتي انك تناقشيه

جربي مرات تطنشيه يزعلك اصفطيه نهائي

جربي انك تسكتي مره ولما يهدي اشوي ويسكت تجيبي له كاس عصير وتطلعي من الغرفه

بس لا تبكي يااختي لانه يعتبر هالشي ضعف منك لا تتوسلي لانه راح يزيد ويعاند

كمان ايش جربي انك تقولي ان شاء الله بدون نقاش وتعالي على نفسك

لحد ماتعرفي وش هو الشي اللي يرضي زوجك لانه معظم الشباب يحبون يفرضون شخصياتهم ويحبون زوجاتهم تطيعهم بدون نقاش وتلاقين الواحد منهم يحب زوجته بس يبي يحس برجولته

عندي خويته زي زوجها زي زوجك بالضبط عنيد راسه يابس ولا تناقشينه ويقول لها انا الرجال وتسمعي كلامي ومايرضا بسهوله ولو تصفطه شهر عادي بس مجرد تسمع كلامه وتروح تكلمه بهداوه بعد ما يهدا يكلمها بشويش ويعتذر منها

وربي يوفقك ولا تندمي على زواجك تراك بتخربي حياتك

cute rouma
21/04/2008, 01:14 PM
الله يسخرلك زوجك يا رب

دلوعــــــه
21/04/2008, 01:18 PM
حياكى اللة يا اختى لازم تعملى اكتر من محاولة مرة ما تعاندية واعملى مثل ما بدو وشوفى كيف ردت فعلو ومرة بدك تحاولى تقنعية باسلوبك الخاص بوجة نظرك وحاولى تخلية يسمع كلمتك او على الاقل يسمح بالنقاش الحياة تعاون وشراكة بينكم لازم يصير نقاش مو شرط يمشى راية بدون نقاش ولو هو عنيد زوجك على ما عودتية وابنك على ما ربيتية والشاطرة فينا بتعود زوجها على اشياء هى بدها اياها وبتحبها وطبعا مو بكل شى اللة يوفقك ويهدى بالك

ياويلي لو اعانده .......

صدقيني من يوم ما اتزوج وهو كذا بالعكس اخف شوي وما اظن زوجي اقدر اعوده على شئ

آخر العنقوود
21/04/2008, 02:53 PM
الله يوفقكم والله يسخره لج حبوبه

لؤلؤة مصر
21/04/2008, 04:04 PM
حاولى تتأقلمى مع عيوبه لأن اكيد انت كمان فيكى عيوب ,و كلنا مهما قلنا ان ازواجنا ملائكة اكيد كان فيهم عيوب واحنا اتأقلمنا معها .ربنا يوفقك انت و زوجك.

افرودييت
21/04/2008, 05:05 PM
ياحبيبتى انتى فهمتيه خلاص وعرفتى طبعه
يعنى خلاص مشى حالك ده جوزك خلاص ومش قدامك خيار تانى غير انك تمشى حالك معاه ........
الراجل بيكون عايز اللى تريحه بس
خطيبى دايما يقوللى (وهو عنيد برضه جدا) ريحينى بكلمه طيب وبعدها لما اهدى ناقشينى ممكن اغير رأيى
فهمتى عادى ياما كتير فى رجاله كده ولازم برضه تسمعى الكلام وتريحيه (وفى الاخر هتلاقى انك بتريحى نفسك انتى من المشاكل )
كمان مين قالك انه اصحابك رجالتهم حلوين قوى كده؟
مين تحب تبين جوزها انه سى السيد مثلا؟؟؟؟؟
وبرضه هو مش هيعاملها وحش قدام الناس خليكى ذكيه انتى وافهمى طباعه وشكرى فيه برضه وكل حاجه حسسى نفسك انك سعيييييييده جدا وتعاملى معاه بحب والله هترتاحى كتير جدا ..........

Um.Abdullah
21/04/2008, 06:12 PM
اختي لو قلت لج ان في بنات رياييلهم يخونونهم؟ بتقولين الحمد لله على حالي
اذا قلت لج في حريم رياييلهم يضربونهم؟ بتقولين الف الحمد لله على حالي
اذا قلت لج رياييل يسبون حريمهم ويهينونهم جدام الخلق؟ بتقولين الله يخلي لي زوجي

حبيبتي دوم شوفي اللي اقل منج ولا تشوفين اللي احسن منج حال... وجذي راح تتخطين كل مشاكلج، لو تميتي ليش انا وليش زوجي راح ينفجر راسج من التفكير، وانتي ما تدرين وشو اللي بين البنات ورياييلهم علشان تحكمين انهم احسن من زوجج، ترى كل الرياييل يشتغلون عالعناد، بس كل وحدة تعرف شلون تمشي كلامها، مثلا اختي تقول ان زوجها بس تطلب منه بصوت هادي وبجملة قصيرة ومفيدة ينفذ لها طلبها، انا ما تنفع هالحركة مع زوجي! لازم اتدلع عليه علشان يسوي اللي ابيه هههههههه، ولما اختي تقول لي انه ما يسمع كلامها اقول لها سوي نفسي، تدلعي عليه، تقول لي تبينه يطقني؟ هههههههه... حبيبتي انتي شوفي شنو الطريقة اللي تنفع مع زوجج،،، وعلى فكرة ترى اغلب الرياييل ما يحبون ان الحريم يحسسونهم انهم يمشون كلامهم عليهم، يعني دايما مشي كلامه حتى لو كنتي مو راضية، ومرات اطلبي منه وكانج منكسسسسسرة وخاضعه له وان هو اللي بيده يسوي لج اللي تبينه والا لا...

أمانيـــز
21/04/2008, 06:22 PM
السلام عليكم

الصراحة ام جنى وام عبدالله كلامهم درررررررررررر...

انا نفس تفكيرهم...اهم شئ في الدنيا هو الرضا...

فلورنتينا
21/04/2008, 09:56 PM
الله يعينك بس انا من خبرتي مع أخواني
احس ان الرجال اذا قلتيله طيب على كل شي
راح يحن قلبه
ولو طولها معاكي شوية لكن في النهاية حتكبري بعينه
هذا طبعه حاولي تغيريه بدون مايحس
وربي يقويكي

♥بنوته زايد UAE♥
21/04/2008, 10:01 PM
قولي الحمد لله على كل حال ..

وبعدين اتفاهمي معاه بالكلام الزين ..

بسمـة أمـل
21/04/2008, 10:03 PM
أختي فيه بنات متزوجات وأزواجهم يعاملونهم معاملة سيئة بل ويضربونهن

ولا تخلي الشيطان يوسوس لك واحمدي الله على كل حال فهذا نصيبك

بس انت حاولي تفهمي زوجك وتتقرب منه

لأنه ما في أحد في الدنيا راح يفهمه غيرك لأنك أقرب الناس له

ويارب يوفقك يا أختي

اسيل!
21/04/2008, 11:53 PM
انا رايي اذا كان معصصب ويبغى يمشي رايه اضحكي ضحكة دلع ومشي السالفه بس بعديييين ناقشيه بهدوؤ انه هالشئ كان مضايقك

جربي الف طريق وطريقة الين تعرفي اش اللي يمشي مع زوجك

ســوار
21/04/2008, 11:58 PM
صدق من قال الرجال اطفال ..الله يكون بالعون..هذا نصيبك اختي..سايريه وكبري راسك..وانتي الكسبانه

روح الورد~
22/04/2008, 05:22 AM
الله يكون بعونك انصحك تعرضين مشكلتك على احد مختص

وحاولي تقربين منه اكثر وسايسيه شغلي مهاراتك والله يوفقك

ماما اووزا
22/04/2008, 08:36 AM
والله ياعمري انه كانك تتكلمين عني حسيت انه انا اللي كاتبه الكلام بس لاتزعلي ولا تغششي روحك ما فيه رجال خالي من العيوب وما فيه مره خاليه من العيوب وصدقيني انه اكتر الازواج الواحد يكمل التاني ادا كان الزوج عصبي المره تكون هاديه وغير كده يكون الزواج قصير العمر ان شاء الله ربي يطول في زواجك ويهنيك بزوجك وانت حاولي انك تتحاشي الصدام معاه وادا زعل لا اتكلميه لين يهدا....وان شاء الله ربي يلين قلب زوجك والف بينكم

دلوعــــــه
22/04/2008, 12:12 PM
الله يجزاكم كل الخير خواتي بس انا اكتشفت إن زوجي مريض نفسي يخليه يعصب بسرعه هوما قالي بس انا اكتشفت
ايش الحل خواتي............ساعدوني

مسك*
22/04/2008, 04:10 PM
الله يسخر زوجج لج ويسخرج له يارب
انتي اكثري من الدعاء والاستغفارولا تنسين صلاة اليل الله يهديه ويهديج يااارب
اصبري واحتسبي الأجر من رب العباد
الله يوفقج ويسعدج دنيا وآخره

فلورهـ
22/04/2008, 05:37 PM
اختي انا مثلك و3 ارباع بنات العالم مثلك

الرجل صعب المراس- عنيد- ضيق الافق- رجعي- متزمت- غيور- لسانه طويل - دفش كل هالصفات لازم موجودة في كل ذكر بس تطلع وتختفي على حسب المعاملة

حاولي تاخديه بالسياسة واضحكي عليه في كل مرة ترى عقول الرجال مافي اسهل منها لما تسايريهم ومافي اصعب منها لما تعانديهم

انا مثلك

بس اتهاوش مع خطيبي العن الساعة الي اخدته فيها واقول فيك وفيك وانت وانت
بس لما اقعد مع نفسي اكتشف ان ايجابياته اكثر من سلبياته وخصلة او 3 سيئة ماتجعل منه انسان سيء

اهم شي الصبر وتحليل النفسية
اذا عرفتيه وفهمتيه وعرفتي ايش ممكن يحوله الى جامد عنيد تجاوزي هالشي
ورح تنحل امورك وتقتنعي فيه لانك لو مو مقتنعة فيه مااخدتيه وماظليتي معه
والنصيب له دور في كل شي

ربي يوفقك ويهدي سرك

دبـدوبـتـه
22/04/2008, 06:35 PM
حبيبتي انتي لازم تكسبينه
مدامه مايحبج تناقشينه اسكتي عنه
كل ريال طبعه غير
وحاولي ماتكلمينه اذا هو معصب
واختاري الوقت المناسب
والله يوفقج