المساعد الشخصي الرقمي

مشاهدة النسخة كاملة : عندي مشكله في التعامل مع زوجة اخوي وعيالها



مقهوره
08/05/2003, 06:00 PM
السلام عليكم


عندي مشكله في التعامل مع زوجة اخوي اهيا بصراحه جداً بارده وقلبها مافيه ابرد منه والمسأله مو بس في برودتها المشكله مرات اني وانا اكلمها تخيلو تسمع بداية كلامي ونا مندمجه جالسه اسولف لها وماتشوفونها الا تطالع التلفزيون ولا انشغلت بواحد من اعيالها الصغار قاعده تدلعه وتلعبه والمشكله ان اعيالها كبار يعني من عمر الـ 15 و 14 ومع انهم يجلسون يشاركونا في الكلام بس سبحان الله تعلمو من امهم هالطبع بس هم مايسون معي كذا كاطبع هم متطبعينه من امهم لا بس لانهم يشوفوني كيف انا اتكلم وامهم كأنها مو مهتمه من كلامي ونا اذا شفتها كذا اجلس اكمل كلامي مع اللي جالسين معنا وطبعا مافيه احد جالس معنا غير عيالها الا انهم لما يشوفونها تسوي كذا ونا اكلمها يحاولون يحرجوني ويسون نفس ماتسوي امهم ولا يعطوني اهتمام في الكلام اللي اقوله ويخلوني كأني جالسه اكلم حالي وطبعا انا اذا شفتهم كذا خلاص اسكت وتشوفون عيالها يجلسون يضحكون عشان مافيه احد اهتم وسمع وش اقول وبعد ماتخلص شغلها أمهم تقولي ايه وش كنتي تقولين كنت اغير لولدي ولا انشغلت بولدي ومرات ماتسأل اصلا عن وشو كنت أتكلم لانها تكون منشغله بمتابعة تلفزيون ولا بأي شي تافه وانا اقسم بالله ان اي احد يكلمني اصلا استحي اني اظهرله عدم الاهتمام بكلامه والله لو اني ماحبه واكره هالشخص عيب علي اني اسوي كذا هذا اضافة ان اي ولد من اولادها يسوي شي ببيتنا يخرب يكسر ان شالله بيفجر البيت اقصى كلمه تقولها له عيب حبيبي عيب ياعمرررررررري قسم بالله انا احترق حرق على اللي يسونه اعيالها و صوتي يقفل من كثر الصراخ عليهم وهي قلبها باااااااااااااارد وعادي عندها مرررررررررره والله العظيم مرات اشوفهم بعيني بقطعون الشجر ولا جالسين على الطرف وبكبون اللي في يدهم الا انها ببرود تقولهم حبيبي اقعد اشفيك جننتني ببروووووووووووووووود تخيلو قسم بالله وبعد مايخرب ويخلص تخريب تقوله الله يهديك ويصلحك والله فشلنا فيكم هالولد ياااااااارررررربي قسم بالله قهر اقول بخاطري بلا من هالبرود والله اللي فيك وتخيلو حتى لو اقولها عن شي مسوينه اعيالها والله ماتهتم تقول يشوفون اصبري اوريك فيهم وهي كلامها كله طاير في الهوى وعيالها اصلا عارفين ان محد مسوي لهم شي غير كذا لما نكون مسوين عزيمه تشوفونها اخر من يجي وتخلينا نعطل الناس عشانها ويبرد الاكل وهي لسى جايه لان حتى المعازيم لما يسألون عنها نقولهم لا بتجي بس يمكن تأخرت عشان الصغار بس هذا طبع فيها ويجلسون هالناس مايرضون ياكلون الا لما تجي وفوق هذا اعيالها بسبب برودتها مو منتبهه لهم ابدا والمشكله انها معتبره حالها مثاليه في تربيتهم وانهم مافيه مثل اخلاقهم وهي متدري عنهم لما تروح لبيت اهلها وتترك بنتها مع بنات خواتها يروحون ويتكلمون بمواضيع اكبر من سنهم وهي عمر بنتها 15 سنه واخر شي لما اعيالها يصدر منهم اي تصرف تحملنا احنا المسؤليه وتقولهم طالعين على اهل ابوكم مع العلم انها اهيا طيبه والله بس مدري ليه من ورانا تقول عنا كذا واللي وصلي الكلام هذا اعيالها او بمعنى اصح بنتها اهيا اللي قالت لي ان امي تقول عنكم كذا وكذا لان بنتها مقهوره منها عشانها مرات تضربها وتخانقها على حاجات تاااااااااافهه والشي اللي يحتاج للضرب ولا تدري عنهم فيه اصلا ولا تسوي لهم شي ابداً والمشكله انه احنا لما نجلس معاها ولا نبين لها ان احنا عارفين انها تقول عنا هالكلام مع العلم ان احنا شايلينها على كفوف الراحه والله حتى اعيالها اذا ولدت مع ان عدد اعيالها سته الا انها الى اخر ولده لها راحت لأمها واحنا جلسنا بعيالها واعتنينا فيهم والله وكنت اذاكر لهم واشتري لهم ومع كذا العيال جاحدين والام شوفو وش تسوي وايش تقول عنا من ورانا ومع كذا ولا كأن سمعنا شي والله ابد غير بعد انهم معلمين اعيالهم حب الفلوس تخيلو ان احنا ابوي متوفي واحنا ساكنين في بيتنا واخوي ساكن في بيته المهم بعد وفاة ابوي كان لازم نسدد قيمة القرض حق الدوله عن بيتنا فقال اخوي هذا انا والله مش دافع معاكم لاني انا مش ساكن معكم انا ساكن في بيتي المهم لما جينا وتكلمنا قدام اعيالهم وش قالو وبكل جرئه وهم اعمارهم 15 و14 و10 سنين قالو لاوالله ابوي مايدفع افلوس عشانه مش ساكن معاكم قسم بالله هذا كلامهم وهم اصغار واصلا من زود التربيه ونا مره معاهم مرينا على اراضي وهي رخيصه قيمة هالاراضي لانها في اماكن مافيها سكن فقالت امهم لأخوي اشتري من هالاراضي بعد كم سنه تجيب قيمه كثيره قال اخوي لا منيب شاري مو مضمونه لانها قامت بنته وولده ردو عليه وقالو وش عليك اشتري دامها رخيصه مو شرط انك انت اللي تستفيد منها بكره احنا في المستقبل مسيرها تصير لنا واحنا نستفيد منها لاحظو كل هذا واهم اعمارهم صغيره وهم يقصدون من هالكلام يعني اذا مت بتصير لنا واحنا نستفيد واقسم بالله مع ان امهم تسمعهم وهم يقولون كذا الا انها ماردت عليهم ولا سكتتهم والله شوف البرود اللي فيها والله مواقف كثيره تحز بخاطري لما تحصل بس اقول وش اسوي اسكت ولا اقول حاجه وبنفس الوقت مش عارفه كيف اتصرف معاها بجد برود يقهر والله حتى امي تنقهر منها هذا علاوة ً على تصرفاتها هي وعيالها اتمنى تساعدوني وش اسوي معاهم

الـنـونه
09/05/2003, 06:39 AM
طنشيها ........ صدقيني طنشيها ولمن تجي تتكلم معاج احقريه

انا مرت اخوي نفس الشىء واحقرها واذا قالت لي كلمه ارد عليها بي برود

وهي تتحشاني وتتحرش باختى الصغير عشان اختى مسكينه ماتحب اتكلم او ترد على احد

اما انا ارد عليها واذا شافتني دخلت الصاله تسكت ...... وماتتكلم حتى اعيالها ماتهتم فيهم .... ودائما اتخليهم وتنام

تخيلي ام ولدها يقول لها يوعان اتخليه واتنام ..... ويقوم يبجي وبصراحه انا مااحب اشوف طفل مضلوم على طول اعطي اكل وهو متعلق فيني ودائما يقول لي عمتى ابي انام معاج اليوم ... اتلقينها ماترضه بس انا اشده حقي دائما ... واذا نام عندي تالقينها باليل تتسحب وتاخذه من عندي

انا بصراحه مااحب ارد طفل وهو يكسر خاطري بعض مرات اقوله روح حق ماما يقول ماما ماترضه او ماما ماتعطيني وانا ابي اكل اواشرب .... والله طفل مسكين

بس هو قام يتعلم من امه دائما اتلقينها تتسمع حق حجي واتحب اتجمع سؤالف وتتكلم على الناس
دائما اقول لها مايجوز تتكلمين على الناس انتى مره ام عيال خافي على عيالج لا يصير فيهم شىء

وهي ضلت 6 سنوات تعالج عشان اتخلف واخر شىء الله عطها ورفست النعمه نصيحتي طنشيها واعلمي اعيال اخوج على الاخلق وربيهم انتى اذا تقدرين حتى اتحولينهم الى ريايل بوقت الشده الله لايوريكي شده ويستر عليكي وعلينا



تحياتي

النونه