المساعد الشخصي الرقمي

مشاهدة النسخة كاملة : وصلني خبر طعنني بقلبي



دلوعةحناني
01/04/2008, 03:36 AM
مرحبا بنات انا تألم لما يجري لبعض بناتنا بخصوص العنوسه وتعطيل الزواج
انا امي ولله الحمد وجه اجتماعي بارز ومعروفه لدى الجميع بطيبتها وانها دوم تجمع راسين بالحلال
وحنا سبع بنات كل خواتي متزوجات ولله الحمد وانا مخطوبه وهذي المره الثالثه واتمنى ان يتم زواجي على خير
المهم دوم احضر مع امي زواجات واشوف بنات ام 14 سنه يتمنون الزواج ويصرحن بذلك لامي
وانا استغرب من هالشي وين ثقل البنت ودلعها المهم مو هذا موضوعنا انا ساعلق على البنات
المستحقات لللزواج يعني الي كبيره شوي وخلصت تعليمها وش اسباب عدم زواجها ولماذا قلة
الخطاب لها او هروبهم من وعدم عودتهم مع ان الشباب الراغبين بالزواج كثير وهذا قدامي اسمعه واشوفه ...
في بنات انا اعرفهم شخصيا اعرف اختهم الصغيره بوجه الخصوص واقابلهم بالمناسبات بس دوم امهم تقول لامي اذا جا خاطب ارسليه لنا وامي ما تقصر مره ومرتين وعشره ومافي اى نتيجه
وكانت الخطوبه ما تتم للاخوات الاربعه وامي ما تعرف وش السبب ولا تسال هي تقول لاهل العريس وتدليهم وبعدين ما تتدخل ولا تروح معهم وبعد فتره نو جواب ولا نسمع بخير خطوبه ولا شي وامهم تتألم لحالهم وكل ما يحضرون هالبنات زواج اجد الالم يعتصر قلوبهن مسكينات وتتمنى الوحده فيهم تكون مكان العروس واكبرهم مدرسه عمرها 37 سنه
المهم مره من المرات ابوي جاب عريس وقال هذا يبي يخطب من بيتنا وقال لامي بناتنا خلصوا وابيك تشوفين له بنت امي دلته على هالبنت المهم ابوي راح مع الرجال يخطبون البنت من ابوها
والحريم راحوا للحريم ورجع ابوي وجهه مقلوب ومتضايق امي سالته وش صار؟
قال سود الله وجه ابو البنت قالت امي ليشششششش هذا رجل محترم وملياردير يعني وش قال لكم
ابوي قال .. تعرفين وش سوا ؟ قالت وش سوا .. قال جلس يقول ان بنته دمها ثقيل وصايعه وهمجيه
وريحتها خايسه تنبل ما تعرف شي زي امها وقال انهم ياكلون كل الاكل الي في البيت ويخلونه جوعان وبعد قال لابو الشاب اذا تبي ابنك يفلس ويعيش في كدر وهم خلي يتزوج بنتي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
تصدقون هالشي والله اني لحد هاللحظه مستغربه ليش كذا يشوه سمعة بناته
وامي كلمت امهم ليش كذا ابوكم يسوي قالت الام الله يحرمه الجنه مثل ما هو حارم بناتي من الفرحه دوم يسوي كذا ويطفش الناس
انا مستغربه في ناس كذا؟
وفي اب ثاني ما يرضى يزوج بناته علشان رواتيهم وثالث يقول انا ما عندي الا بنت وحده ابيها جنبي
واخاف عليها
طيب هالاباء ليش يسوون كذا ؟؟؟
غريبه والله وابي اعرف انا بس اسمع هالسوالف الي تسد النفس وله انتوا بعد مثلي؟

ووسن
01/04/2008, 03:41 AM
قلبي وربي وربي انا مماكذب عليك

اعرف بنات بقمه الطيبه والاخلاق متعلمات انيقات مثقفات
...على عتبه العنوسه
ولا اعلم لمى ..

وبصراحه ودي اساعدهم يعني يستاهلون كلل خير..
يذكرون الله ويحمدونه

بس مافي اليد حيله..

والله يعين ويرزقنا اجمعين

ويوفقك يارب..

شذا الزهر
01/04/2008, 04:18 AM
احنا خمس بنااااااااااااااااااااااا ااااااااااااااات بالموت تزوجو اربع وبقيت انا الاخيره بسبب قلة الخطاب وحتى اذا جاو مايتم الموضوع ووالله حتى بدون شوفه شرعيه
وامي وابوي مايصدقون على الله يتكلم احد فينا علشان خطبه بس مايتم شي
وخاصة لي انا اخر وحده وعمري 27 سنه
الاسباااااااااااااااااااا اااااااب كثيره في تاخر البنات في الزواج
مو بس غلو المهوور او بسبب تشرط الاب او حبه في رواتبهم هذي الاشياء نادره هالايام
الاسباب كثيره غير كذا
ادعو لي بس الله يفكني ويزوجني عاجلا غير اجل

شمس حياته
01/04/2008, 04:20 AM
لا اله لا الله محمد رسول الله (عليه الصلاة و السلام) و الله قلبي حزن عليهم ليش جذي يضيع اعمار بناته و يحرمهم الستر ؟ و الله مدري اختي بس يمكن خايف على فلوسه و لا شي و الله اعلـــــــــــم الصراحة شي يعور القلب ..حبيت بس ادعي لامج بالصحة و العافية و المغفرة على طيبتها و الصراحة هي طوق نجاتهم من بعد الله يعني ياليت تشجعونها تخلص هالبنات من ظلم ابوهم و تكسب اجر فيهم يعني حتى لو في خاطب خل تخبر امهم تتصرف و توقفه حده يمكن في ولد حلال يفهم انه هالكلام غلط لانه مبالغ فيه الصراحة و هو يعطي العرسان الخيار اذا يبون يتزوجون بناته او لا مو انه رافض نهائي فهذي نقطة امل.. الله يتمم زواجج على خير و يستر عليهم وحدة وحدة يـــــــــــــــــارب ..لا شيء يفوق ارادة اللــــــــــــــه عز و جل

ووسن
01/04/2008, 04:28 AM
وياك شذااااا.....

دلوعةحناني
01/04/2008, 04:34 AM
وسن صحيح حبيبتي
الله يهدي الجميع ويرزق بناتنا الازواج الصالحين
مشكوره على مرورك
تحياتي

دلوعةحناني
01/04/2008, 04:35 AM
شذا حبيبتي الله يوفقك ويرزقك انشاء الله الزوج الصالح الي يريحك
وبالنسبه لك المساله قسمه ونصيب في علم الغيب ويا ررررررررررب نسمع خبر خطوبتك قريب
مشكوره على مرورك
تحياتي

دلوعةحناني
01/04/2008, 04:38 AM
مشكوره حبيبتي شمس حياته على مرورك الكريم ومشاركتك
والله يخليك لاهلك انشاء الله على دعواتك الطيبه لامي الحبيبه
صدقيني بيجي يوم يمكن هالبنات بيتزوجون عن طريق امهم لان ابوهم مخبول
والله يرزق كل بناتنا الرزق الحلال الطيب والازواج الصالحين
تحياتي

أم القمر والعسل
01/04/2008, 05:20 AM
مشكوره اختي على طرح الموضوع الرااااااااااااائع


والصراحة هالأمور تحصل كثير


الأب يرفض يزوج بنته

والسبب ؟؟؟؟؟؟؟؟؟؟؟؟؟؟؟؟؟؟ الله أعلم


وبصراحة مرت عليي عائلة الأب دائما يرفض

لدرجه ناس أقاربنا راحوا لهم للكبيره رفض وقال هي ماتبغى تتزوج

وإذا راحوا ناس للثانيه قال هي ماتبغى تتزوج قبل اختها الكبيرة

وإذا راحوا ناس للصغيره قال هذي صغيرة ولسه بدري عليها

الصراحه أب غرييييييييييييييييب عمري ماشفت حاله زي كذا

وفي النهايه تزوج وحده قد بنته الكبيره ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !


سبحان الله عقلية هالأب الواحد مايقدر يعلق ؟؟؟؟؟؟؟!!!!!!!!!!!

يعني بنتك ماتبغى تزوجها وتخطب وحده قد بنتك ؟؟؟؟؟؟؟؟؟؟ شيء عجيب والله


والأمثله كثيرة طبعا


والأمر وأدهى الموضة اللحين


يقول الأب ماأبغى ازوج بنتي اللحين بستناها تروح الجامعة وعلى الأقل تصير في سنة رابعة أو انها تتخرج

طيب ليش هالكلام هل انت عرضت الأمر على بنتك ؟؟؟؟؟؟؟؟؟؟

لا طبعا يقرر من نفسه

هالآباء المفروض كل واحد يفكر بينه وبين نفسه شوي

هذي بنتي وأكيد محتاجه انها تزوج وتنستر

وهو نفسه يفكر في حاله بعد هل أنت ضامن عمرك تزوجهم ؟؟؟؟؟؟؟؟؟؟

" ولا تدري نفس بأي أرض تموت"

يمكن يجيه أمر الله وهو لسه ماستر على بناته

بعضهم يكون تفكيرهم ان مايبغى يصير جد

أنزين انت وافق اللحين وبعدين لين تزوجت وحملت تكلم

ويمكن يكون هالحفيد سند له في حياته قبل مماته

لين عرس بناته صغار يمكن ربه يرزقه يشوف أحفاده وهم كبار

ومايدري يمكن يكونون سند له حتى بعد مماته ويدعوا له ويدرسوا له قرآن

هالحاله صايره شائعة للأسف في مجتمعنا السعودي

وانا الصراحة هالآباء أعتبرهم معقدين ومتخلفين عقلياً

اللي مايبغى سعاده بنته عجل شيبغى من هالدنيا

غير ان يكبرهم ويربيهم تربيه صالحة ويعلمهم و يستر عليهم

لما قرأت موضوعك ذكرتيني بهاللأشكال وعلى طول تعصبت

لان لحد الآن مو مستوعبه هاللي يسويه بعض هالآباء تجاه بناتهم

واللي أصلا لايرضي الله ولا رسوله

قال الرسول "ص" : ( اذا جاءكم من ترضون دينه وخلقه فزوجوه إلا تفعلوا تكن فتنة فى الارض وفساد كبير)

عجل شلي مخلي هالبنات ينحرفون غير العنوسه

آسفه طولت عليك بس أنا مو ودي اتكلم عنهم كذا في موضوع

ودي شيوخنا يتكلمون عن هالنقطه لأنهم مايركزون إلا على البنات وغلاء مهورهم وتعسير شروطهم

وان هم السبب في العنوسه

ومايركزون على الأهم هالآباء اللي كل واحد مجمع له بالخمس الست بنات وأحيانا اكثر بس عشان يرضي غروره

هذا ماعجبني !!!!! وذاك ما أبغاه!!!!!!!!!! وذاك مو من مستوايي!!!!!!!!!!!!!!!!

وكلها حجج واهية؟؟؟؟؟؟؟؟؟؟!!!!!

وأخيرا

الله يهدي هالآباء ويرزق البنات العازبات بالزوج الصالح يارب قريبا عاجلا وليس آجلا


مشكوره على طرح الموضوع وأن شاء الله يقراه واحد يعرف أب من هالأشكال ويقراه لعل وعسى يتفتح عقله

الله يهديهم يارب

B.1
01/04/2008, 05:28 AM
الله يعينا جميعا على مثل هاالناااس
انا سامعه وشايفه بعيني مثل هالناس

اعرف ام زوجت عيالها كلهم ماعدا اصغر بناتها مخطوبه و خطيبها من السعوديه ومب راضيه تزوجها له وهو مب محصل وظيفه عدله في الامارات
قالوا لها انتقلي ويانا السعوديه بس مارضت وقالج ماقدر اخلى صديقاتي واهلي في المنطقه هذ

دلوعةحناني
01/04/2008, 06:46 AM
مشكوره ام جود القمر على مرورك العطر وتعليقك السليم
والله المستعان
مشاكل تقطع القلب والله

دلوعةحناني
01/04/2008, 06:48 AM
صحيح كلامك B.1
واتمنى من هالاباء يحسون بمشاعر بناتهم وحاجتهم للزواج
بس البنت مسكينه تستحي تبوح بمشاعرها بالذات لابوها
الله المستعان والله يصلح احوال المسلمين عامه
تحياتي

عيون وليد
01/04/2008, 07:28 AM
تدرين ان الاب الي يسوي كذا بدون سبب عشان يبي بنته تقعد جنبه او عشان راتبهااا او عشان يبي واحد من قبيلته تدرين ربي وش يسوي فيه

يوم القيامه يشرب من حيض البنت الي حرمهااااا تعف نفسهاااااا بالحلال

هذا يسمونه في الشرع ( عضل الفتاه ) ولو البنت تبي تشتكي ولي امرها تقدر تروح المحكمه بس مين الي تقدر توقف بوجه ابوهاااا والعياذ بالله

ملاك الروووح2
01/04/2008, 07:48 AM
حرام والله كسرو خاطري ليش يعني هالانانيه

الله يكون في عونهم والله يهدي ابوهم ويصلح شأنه

بذرة قطر
01/04/2008, 08:20 AM
مرحبااا

المشكله احنا في زمن الطمع الفلوس والأسهم

يعني كانه الأب يربي عياله علشان يصرفون عليه لين كبر اوكيه ما اختلفنا بس لازم ياخذون حقهم الشرعي مثل ما انت تزوجت وجبت عيال واكيد هم يتمنون هالشئ

الله يرحمنا برحمته


الله يفرج همهم عاجل غير آجل

نور بناتي
01/04/2008, 08:37 AM
صديقتي ابوها كان موراضي يزوجها لين قالتله بعطيك من مهري وهنا وافق تخيلي ولما تزوجت والله فكها منه وداحين تشتغل اذا ماتعطيه المقسوم كل شهر ياويلها ماتدخل البيت تشوف اخواتها وامها

داحين وش تقولي؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

عروس الموج
01/04/2008, 09:18 AM
الله يعينه هذا...

شو من الداعوي يحصل من بناته وامهم حرام عليه...

الحمدالله والشكر

ام مـايا
01/04/2008, 09:35 AM
لا حول ولا قوة الا بالله لية بيعمل كدة مع بناتة
وفعلا ظاهرة تاخر سن الزواج للفتيات في تزايد مستمر ولا احد يعلم ماسببها الحقيقى
فتكون بنات على مستوى عالى من الجمال ولادب والاخلاق ومع ذلك لم يتزوجن
اللهم عجل بزواج بنات المسلمين يارب

**ام يارا**
01/04/2008, 10:04 AM
والله مررره حزنت على البنات الله يعووض صبرهم خير يااارب

وفي موضووع ثااني سبب باان الاباااء يرفضوون تزويج بناتهم وهي موضووع القبلي والغير قبلي ....

احنا في عائلتنا مررره متمسكين في المووضوع هاذا .......

اخواااتي صغااار يعني في بدااية الدراااسه الجاامعيه بس دائما يجوون لاختي خطااب والوالد يرفض لان العريس

يكوون مو قبيلي ....

الله يهدي بس ويهدي ابهااات كل بنت على وجهه زواااج

HanOchy
01/04/2008, 11:13 AM
وربي حرااااام عليييييييييييييه , بعدين محد بيتقدم لهم من كثر ماراحو ا ناس يخطبون و لان اكيد السالفه بتنتشر وبقولون هذا البيت مايزوج بناته ويقول عنهم كذا وكذا وكذا, وخلاص مافي احد يتقدم لهم , وبعدين عيييب عليه يقول على بناته كذا , من جد غريبه , وربي راح يتحسف بعدين , اعوذ بالله منه , الله يهديييه ووفق بناته ياااارب

لــمــى
01/04/2008, 11:21 AM
بــارك الله في والدتك دلوعة وأطال الله في عمرها وجعلها الجنه ان شالله ...

وين الوالده بجيها يمكن يجيني الزوج الصالح على يدها ...

والله يا اختي هالمشاكل مع الأباء بخصوص زواج بناتهم كثيره ، والله انني اعرف ناس عندهم 7 بنات الكبيره بالأربعين وتخيلي ماعاد احد يخطبهم من كثر ما ابوهم الله يهديه يرد اللي يتقدمون لبناته ويقول مومن مستوانا ..

والله انهم يكسرون الخاطر بس تصدقين انه ولا وحده منهم تبين انها مكسورة او تبي الزواج بالعكس ممتعين نفسهم على آخر ...

الله يرزقني ويرزق بنات المنتدى وبنات المسلمين جميعا الأزواج الصالحه يارب العالمين ..
والله يا بنات اني ادعي لكم في صلاتي بالأزواج الصالحه ،، وانتوا ادعوا لي بظهر الغيب ..

نور بناتي
01/04/2008, 12:56 PM
الله يصلح حالك

-->عافك الخاطر<--
01/04/2008, 07:39 PM
ومن يتق الله يجعل له مخرجااا

اسيرة البحر
01/04/2008, 07:51 PM
يابنات والله ان كلامكم صح ميلون في الاميه ما ادري ليش الاهل جذي انه اكتشفت من ناس ان انه كانوا يخطبوني من يوم كنت بالمدرسة بس محد كان يقول لي اوكي بقول ان انه صغيرة بس انه كبرت احين صار عمري 20 يعني حرام كل بنت تتمنى او واحد يحبها ويحترمها حرام يحرمونه من هالشعور خاصة ان انه اموت على شي اسمة عيال ،، لا وبزيدكم من الشعر بيت انه احين قريت الاعذار الي كتبتوها وهذي المتعارف عليه لكن تخيلوا ان هلي يقولون لاتاخذين واحد اسمر لان احنا كلنه بيض وما نبي نغير النسل في ذمتكم هذي عذر شنو يعني ارفضهم كلهم بسبه لونهم ؟؟؟؟؟ كلش ما يدش المخ


الله يستر علينه وان شاء اله الله يفرج همنه ونروح في طريجنه ومشكورين على الموضوع الحلووو

♥بنوته زايد UAE♥
01/04/2008, 08:22 PM
بقولج سالفت بنت خالتي هم في الامارات وابوهم يالس في عمان علشان ينتظر ابوه يموت وياخذ الورث قبل لا يتوزع ومايحصل شئ ،، وبنت خالتي عمرهاا 21 سنه تزوجت السنه الي طافت ومن دون وجود ابوهاا في العرس امهاا رضت بالمعرس لاننا نعرفهم وخالتي تعرف زوجهاا راح يرفض فتخيلوا قبل العرس بعشر ايام اتقول البنت حق ابوهاا ابوي انا زواجي قريب وحدد العرس وانا بيي عندك علشان اتشرى معاك ،، فقال حق بنته الي بتتزوج اتركي الولد علشان هو مب اوكيه(تعرفين ليش مب اوكي لان ابوهاا كان يشرب وزوجهاا عارف ان ابوهم يشرب بس قال انا شاري البنت وماعلي بأبوهاا فخاف ابوهم علشان يخبر زوجته ان ابوج كان يشرب،، بس خالتي كانت عارفه هالشئ وبناتهاا الكبار اماا هاي البنت الي بتتزوج والاصغر منهاا مايعرفون ان ابوهم يشرب بس علشان مايكرهون ابوهم هي قالت حق بناتهاا الكبار ماعدا الصغار وحده عمرهاا 21 والثانيه 18 والثالثه 14)..

وقال حق بنته الثانيه الي عمرهاا 27 سنه،، لا تتزوجين طول عمرج خليج مع ابوج انا اخاف عليـــــــج ...

يعني لا سمح الله اتفرضناا كبرت وصار عمرهاا يصك الثلاثين او الاربعين وماتزوجت شو بيكون موقف ابوهاا ،، ياترى بيتحسف والا بيكون عادي الي صار مع بنته ..

والله حرااااااااااااااااااااااا اام عليـــــــه ..

الله يعينهم والله هالبنات الي ابوهاا يبي يخرب سمعت بنته ،، والناس صدقوني راح تلوم البنت مب الاب بيقولون اكيد البنت فيهاا عيب علشان جذي محد راضيي فيهم ..



يعني هو ماخرب على بنته والله انهاا كبيره عمرهاا حوالي 27 سنه واختهاا الصغيره تزوحت وهي لأ

نا را
01/04/2008, 08:44 PM
حسبي الله ونعم الوكيل على هالنوع من الآباء..عليهم باحتساب الأجر وكثرة الدعاء والتضرع والاستغفار بنية الفرج والزواج الصالح وماتضيق الا تفرج باذن المولى

ملاك الغالي
01/04/2008, 09:00 PM
الله يهدي الجميع

!!.. Baby_CaT ..!!
01/04/2008, 09:12 PM
لا حول ولا قوة الا بالله

اول مرة في حياتي اشوف اب يطفش خطاب بناته مع فيه رجال يدورن مو محصلين بس حبيبتي فيه ناس يسون هاي الشي طمع في معاش البنت ولا انه يستفيد منها في قعدتها في البيت انها تخدم وسبحان الله كل واحد وعقليته

بس الوحدة ماتقول الا حمد الله والشكر الذي عافانا مما ابتلا به غيرنا وبعد سالفة البنت تتزوج وعمرها 14 سنه هاي مدري في اي عصر من عصور الجاهلية عايشين لاتقولونا الزواج ستر للبنت بالعكس ستر للي وصلت لسن زواج وتقدر تتحمل المسؤؤلية اما 14 سنه طفله ومراهقة وينها وين الزواج انا لاحظت في منتديات كثيرة انه في السعودية بنات كثير يتزوجون بهاي الا عمار ماصدق عيوني والي اعمارهم في العشرين والثلاثين محد يبيهم والله الدنيا هاي غريبه سبحان الله

بقايا طفوله
01/04/2008, 09:15 PM
حسبي الله و نعم الوكيل

Honeybee
01/04/2008, 09:36 PM
الله يعين.. ان شاء الله يوم بيتزوجون البنات و يااااارب كل وحده مو متزوجه تتزوج
يارب ارزقنا الزوج الصالح عاجلا غير اجل..

فيه مشكلة كمان صارت عندنا احنا. قاعدين ندور على زوجه لأخوي لانه بيسافر، مبتعث عشان الدراسة، بس ما لقينا احد يرضى انه بنته تسافر مع خوي -_- احس الناس متخلفين شوي صح؟ ايش فيها لو زوجت بنتك و سفرتها مع زوجها! و الله ما فيها شيء!! انا لو ان شاء الله جاني واحد بيتزوجني و يسافر ماني قايله شيء!

ياربي حاجه تقهر! و الا كمان الي طايحين فيها انتم مانتم قبايل ما نزوج بنتنا لواحد مو قبلي -_-
و الموضه الجديده احنا تجار و انتم عاديين ما ينفع. مير خلي بنتكم تعنس احسن! اعوذ بالله.

و انا الى الان ما جاني خطاب من سنه T_T عشاني ما اخرج من البيت... الله يعين بس لا وظيفه ولا زوج...

بحرينية وأفتخر
01/04/2008, 10:45 PM
الله يزوج كل عازبة وعازب يارب
الله يهدي الآباااء اللي من هالنوعية ويصلحهم .. حرام تعطيل البنت في بيت أبوها وخصوصا إذا مب لسبب مقنع..

الله المستعااااااااااااااااااا اااااان

دلوعةحناني
02/04/2008, 02:39 AM
مشكورين الغاليات حبيباتي على مشاركتكم ورواية بعض الحوادث الي تكون سبب في تاخير
زواج البنت من غير ما تدري والله يا بنات في بعض البنات دوم يشتكون من تاخير الزواج وهم يا غافلين لكم الله
تكون اكيد في اسباب اما الاب يكون يتكلم من وراهم بان فيهم وفيهم او طباعه كريهه فاناس يتبعدون عنه
او الام تكون طباعها مكروهه فالنساء يبتعدون عن بناتها حتى لو كانوا هالنساء صديقاتها الروح بالروح
انا اعرف وحده صديقة امي عندها بنات يا عيني جمال وسمعه وابوهم غني اسسسسسستغرب ليش
للحين ما تزوجوا؟ تقولي امي وهذي من يقرب لها تموت على الفلوس وتحب زوج بنتها عبد لها من كلامها هي
يعني ام البنت تقول نبي يسوي لنتنا كذا وكذا وتسد نفس الناس واخر شي تزوجوا بناتها من مين تتوقعون؟؟؟
والله والله تزوجواهذول الي يشتغلون بمحلات المكياج او مندوبين وتعرفون ليش اول شي بيكون عبد لها
يطيعها ويتمتع بفلوس ابوها ثاني شي جمال مو طبيعي وعلى اساس فري
ناس عجيبين والله
تحياتي

rose_rose7788
02/04/2008, 07:30 AM
الله يهدي الاباء والامهات وحتى البنات ... وان شاء الله رب العالمين يفرجها على الجميع باذن الله

تنكربل
02/04/2008, 07:43 AM
الله يرزق الجميع بالزوج الصالح

توتى وشيكو
02/04/2008, 11:42 AM
حسبى الله نعم الوكيل

يتوم
02/04/2008, 12:00 PM
سبحان الله .. فية ناس ما يحبون السعادة إلى اولادهم :(

استغفر الله العظيم

!!..الحالمهـ..!!
02/04/2008, 12:44 PM
يالله فيه ناس هالشكل للحين ؟؟

الله يكون بعونهم

والله يرزق كل وحده فيكم

مرموم
02/04/2008, 05:32 PM
فعلا أختي المشكلة كبيرة...

و كفاية إنه هذا الأب حرم بناته حقهم الطبيعي في الحياة...و ظلمهم ظلم بيّن بغير وجه حق...

و يظل الموضوع نصيب في النهاية...و لازم نؤمن بهالشيء...

و الله يفرح قلوب بنات المسلمين...اللهم آمين يا رب...

دلوعةحناني
04/04/2008, 05:18 AM
مشكورين الغاليات على مروركم الكريم وتعليقاتكم
والله هالزمن اخر الزمان صار الاب والام يخربون على بناتهم في الزواج وتعددت الاسباب
اعرف شاب مش بنت خطب وكل ما يبي يشتغل ابوه يقوله لا انت توك صغير وهذي الوظيفه تفشل وهذي ما تصلح روح سافر وادرس طيب ليش خطب له ووهق بنت الناس وحتى هو الولد يقول كل ما تحمست واحصل على وظيفه ابوي واخوي الكبير يتطنزون علي ويسدون نفسي ابوه يبيه يشتغل دكتور او مهندس وهو عنده ثانويه ههههههههههههههههههههههههه ههههه شفتوا اباء هذا الزمان صحيح اخر زمان