المساعد الشخصي الرقمي

مشاهدة النسخة كاملة : حبيت اشارك بمشكلتي



كادي الخليج
05/05/2003, 03:37 PM
ما ادري شلون ابتدي مشكلتي بس بقول الي في خاطري
المشكله باهل زوجي علاقتهم معاي بارده جدا جدا ولا فيه اي تقدير منهم وعلى الي يسونه معاي هم اوصلهم وقدرهم ووجبهم ما ادري ليش يمكن اني اخاف على حياتي الزوجه على فكره انا جدا سعيده بحياتي الزوجيه والحمدلله انا صارلي متزوجه 5 سنين ولي بنت وولدين من تزوجت ما دخلت بيت اخت زوجي ولا عزمتني ولما تسوي عزايم ما تذكرني ما ادري ليش مع اني اول ما اثثت الدور الي انا ساكنه فيه في بيت اهل زوجي اول ناس دخلتهم بيتي خواته
الدور الي انا ساكنه فيه معزول عن باقي البيت ومدخلة بروحه فلما ازوهم تحت ما القى الا خالتي ولما يوصلون البنات من بره يسالون منو داخل ويدرون ان انا موجوده يدخلون من الباب الخلفي وزوجي كذا مره يتخانق ويتهاوش معاهم وهم ولا كانهم يسمعون وعلى زوارة الغدا كل اسبوع ما ينتظروني انا و زوجي يتغدون لما اهم يكتملون مع نسايبهم (أزواج بناتهم) انا ما قمت اروح ولا زوجي
وايد يغلطون علي بالكلام وكلام يجرح وكنت اسكت مو بس اهم صار ازواج بناتهم يغلطون مثل مره كنت شايله ولدي وكان يصيح فقال نسيبهم انت طالع على ابوك ما تبي امك ؟؟؟؟؟؟ انا استغربت ماكان في سبب علشان ينقال هالكلام وما ادري شنو مرته قايلتله
في خطبة اخته ما دريت بالخطبة الا عن طريق زوجي وصارت الملجه ولا اعزموني وصارت سالفه كبيره بينهم وبين ولدهم الي اهو زوجي وحاولت اهدي الامور والحمدلله عدت على خير المهم طولت عليكم نجي للنقطه المهمه على كثر الي يسوونه فيني اسكت وعديها ولا كأن صاير شي امي تقو اكيد مسويين لك شي اكيد عمل ولا سحر ولا مافي احد يسكت على كرامته الصراحه شككتني بعمري والوسواس اشتغل فيني وعلى فكره انا نوعي عصبيه وما اسكت على الغلط بس معاهم ينربط لساني وعدي السالفه ودايما اوصلهم ووجبهم
انتو شرايكم ؟ مع جزيل الشكر

عفراء الغيد
05/05/2003, 03:44 PM
حبيبتي انتي صح صدقيني

وحليج جذيه اهم شي زوجاج وابوه وامه

ما عليه اصبري عليهم وجبيهم وحتى خواته

اما الباجي لا والف لا بس عطيهم الكلام

كانه نغز او من تحت لتحت بمعنى الكلام لك يا جاره

بس بهدووووووووووء واعصاب بارده ترى هالاسلووووووب

يقهر اكثر من الموااااجهه الله معاااااااااااااااااج والله

كادي الخليج
06/05/2003, 04:42 AM
اختي عفراء الغيد مشكوره على تواصلج معاي
تهقين اصبر ؟؟؟؟
بصراحه انا ابتديت امل وقامت المشاكل تدخل بيتي وكله مأثر على نفسيتي اختي تقول حقريهم ولا تروحين لهم اذا انتي تعبانه منهم اهم ما عليج صحتج وبيني وبين نفسي اقول ما ابي احرم عيالي من اهلهم مهما يصير اهم سند لعيالي باجر
انا بصبر ويمكن الله يهديهم

اسولة الامورة
06/05/2003, 04:51 AM
بما انهم بهاد القدر من السخافة تجاهليهم تماما , ولا توريهم وجه حلو , وخلي اولادك يعرفو باللي يصير , وبعدين كيف زوخ اخت زوجك يسمح لنفسه يحكي هيك كلام,والمفروض زوجك يلاقي حل لانو مش معقول تقضي كل عمرك هيك او بترحلي لمكان اخر.

كادي الخليج
06/05/2003, 05:46 AM
اختي اسولة الامورة
مشكوره على الرد
بس ماكان زوجي يسكت على هالكلام واخذ موقف من زوج اخته وماسكت على الموضوع بس انا الي كنت دايم اهديه لانه ماودي يخسر اهله انا حاليا افكر اني اطلع من البيت واسكن بعيد عنهم لان وزوجي قالي نسكن بعيد عنهم احسن عن المشاكل بس انا ما ودي مهما يكون اهم اهله وانا اذا حطيت نفسي مكانه ما ودي اترك اهلي واكون سبب في قطع صلة الرحم والله مادري شلون اتصرف
انا قللت من روحتي لهم وخليت زوجي هو الي ياخذ عيالي ووديهم لجدهم وجدتهم اعتقد جذيه احسن

عفراء الغيد
06/05/2003, 12:06 PM
عيوني اصبري

في مثل يقول الطيب غلب الطبيب

واتحذري تحقرينهم وخليج اوكيه مع الكل


ولكن ....................

كل شي ولا اهاااااااااااااااااااااان ه لا تسكتين عنها اذا يت من اي حد

ولكن امه ابوه خواته غضي الطرف عنهم اقتربي منهم ولكن اي حد

ثاني الدغيه مثل ما قلتلج والله ان عندي وحده اول ما عرسة في حلجي

ولكن بالتلديغ والله ما تتجرء ولا تخلين حد يجرء عليج قلبي معاج .

كادي الخليج
06/05/2003, 12:15 PM
مشكوره اختي عفراء الغيد على نصايحج تصدقين انا هذا الي بداخلي مثل ما قلتي اصبر عليهم بس في وايد يخالفوني الراي وهذا الي محيرني حسيت اني انا الي غلط واهم الي صح
بصراحه شجعتيني اني اتبع رايي وسوي الي انا مقتنعه فيه

عفراء الغيد
06/05/2003, 12:33 PM
كادي حبيبتي انتي صح ومليون صح

بس حاولي شوي تشلين هالطيبه مع الناس الي ما تستاااهل


غيري شوي خلي اي حد يحسبلج الف حسااااااااااااااااااااااا ااب

وما وصيج على امه وابووووووه اتمنى من كل قلبي تتوفقين :)

طيف السلام
06/05/2003, 11:39 PM
اختي (التكبر على المتكبر عباده )ومادام هم البادين وانتي حاولتي معاهم اكثر من مره فحاولي بقدر الامكان تبتعدين عنهم فاحيانا البعد يولد المحبه وانتي كل ما نزلتي من كرامش ليهم بيدوسونش واكتفي بالمناسبات العامه مثل الاعياد 00او 0000واتبعي قاعده ((( اللي ما يبينا ما نبيه)))

الورد_الأحمر
07/05/2003, 12:37 AM
مرحبا كادي الخليج ..
حبيت أبدي رايي المتواضع يمكن يفيدج يمكن عزيزتي انتي...

توددت لهم وما نفع، رضيت على اهاناتهم وسكتي، وقمتي بالواجب والاصول وما فاد وشو بعد ناقص..
سألي نفسج هالأسئله وبتحصلين الأجابات عليها
أنا من رايي هالناس مستغلين طيبتج وما مقدرينها ويسون الي يبونه لأنهم يدرون انج ما بتردين وبتسكتن ولكن أنا من رايي أنه تجاهلي بس بدون ما تسكتين عن حقج وأسألي ريلج اذا في أسباب لتعاملهم معاج بهالطريقه يمكن في أسباب يمكن وبصراحه ما أدري بس احس انه فيه غيره أو حسد بس والله أهم شي تركزين على بيتج وريلج وعيالج وحاولي أنج تشغلين وقتج عنهم وان شاء الله الله يفرجها..

هذا الي عندي والسموحه**
:) :)

كادي الخليج
07/05/2003, 03:21 AM
كل الشكر ل الوردة الحلوه و الورد_الاحمر على تواصلهم معاي
وماتقصرون حبايبي