المساعد الشخصي الرقمي

مشاهدة النسخة كاملة : عروس ...ولكن ليست بعروس!..أفيدوني أفادكم الله.



niraan
04/05/2003, 09:39 PM
بسم الله الرحمن الرحيم..
شخباركم خواتي...عساكم بألف خير وصحة وعافية يارب..
أعرفكم بنفسي..انا (نيران) من ابوظبي انخطبت من فترة بسيطة ،
عفواً تزوجت.!!!....لاحظتوا المشكلة!....هذي هي مشكلتي...أحس إني مو مستوعبة لين الحينة إني متزوجة!!!!!... وشكلي ماخذة الأمور ببساطة جدا!....الله رزقني بزوج ما شاء الله عليه - عاقل ومتفهم- لكن هالمشكلة سببتله أزمة...وقالها لي (إنتي شكلج مو مستوعبة اللي صار!!)...وصدقه ، ببساطة لأني كنت حاطة في بالي إني ما بتزوج أبدا!...لا تضحكون ، مو من شي...هذا القرار اتخذته لأني حسيت أني ما أصلح كزوجة ، فما بالك كأم ...وهذي مسؤولية كبيرة قدام رب العالمين ، ما أقدر أتحاسب عليها أو أتحملها...المهم اللي صار صار...وتزوجت ( ملجت )...وزوجي غدا انسان لحووووووووووووح جدا..يبي يسمع مني كلام حلو ...وأبادله نفس شعوره..
وأنا ما أقدر أقوله كلام أنا ما أحسه لين الحين ، وفوق هذا يبي المبادرة في كل شي تطلع مني!!!!!!!!!!!!!!!!!....حاولت أفهمه إن الرجال هم اللي يبادرون ، وقلتله ما يستعجل علي...ويعطيني وقت ...ما في فايدة..وهالأمر سوى لي مشاكل فظييييييييييييييييييييييي يييييييعة..:(
كل هذا وما صار لي إلا شهر..
دبروني الله يخليكم...انا فعلا متأزمة ، كيف أستوعب إني متزوجة ؟؟؟
وكيف أتصرف مع زوجي المتطلب اللحوح اللجووووووووووووج؟:((u)

أمل مقتول
04/05/2003, 09:53 PM
هلا اختي نيـــران .....


مبروووك يالغاليه :D :D


انشاءالله البنااااااات بيساعدنج .... لاني ما عندي خبره
( وعن قريب بكون شراتج ) :s

والسموحه

حيزبونه
04/05/2003, 10:11 PM
بصراحه آسفه ما أعرف كيف أساعدج وأخليج تستوعبين أنج متزوجه...:eek:

عبير الشوق
04/05/2003, 10:16 PM
أختي العزيزة نيران ... انا حالي كان نفس حالك ... بعد ما ملجت ما قدرت احس بالفرق اللي صار بحياتي .. و هم كان زوجي مثل زوجك .. مثل ما يقولون متعطش لسماع كلمات الحب و الغزل و الرومانسية ... بس لانه هالموضوع وايد اث علي و عليه اضطريت اني اصارحه وافهمه اني لي الحين ما تعودت على الوضع الجديد .. و محتاجه مساعده منه بانه يعرفني على نفسه و شخصيته اكثر .. وانه يخليني اقرب منه اكثر و اكثر .. و فعلا تعالي شوفينا الحين .. باقي على العرس اقل من شهرين انشاء الله و صرنا كأننا عشاق من سنين ... (لازم تناقشينه وتفهمينه) انك لي الحين ما استوعبتي كونك زوجه .. و الحل بيكون بايده انشاء الله .. و لا تنسين تبشريني :)

بنت دار زايد
04/05/2003, 10:28 PM
مثل ماقالت اخت عبير الشوق

وشيء طبيعي في بدايه ماتحسين باي شعور ناحيته لانه هو انسان يديد عليج ويبالج وقت لين ماتتعودين عليه ولازم هو يساعدج في هشيء ويراعيج وانتي لازم اتناقشين وياه ولازم هو يكون متفهم



واتمنى لج التوفيق يالغاليه:D

RoOoOmy
04/05/2003, 10:33 PM
اختي niraan مبروك عليك الزواج

والله انتي مثلي انا قبل ما كنت اتخيل نفسي متزوجة ابدا ما أدري ليه يمكن علشان كنا مدلعين في بيوت اهالينا يعني نفكر في اي شي الا الزواج والمسؤلية و ما ابالغ اذا قلت ان اللي خطبوني ما ينعدون من وانا في ثاني متوسط و الكل يستغرب لمن ارفض احد من اللي يتقدم لي لاني بكل بساطة احس اني لسة مو مستعدة اني ارتبط بانسان وتكون عندي التزامات ومسؤليات طبعا من ضمن الالتزامات هذي تجي العاطفة والاهتمام بالطرف الاخر وانا بصراحة ما كنت افكر في هالشي بس الحمد لله لمن خطبني زوجي الوحيد اللي حسيت اني ابيه من اول ما قالوا لي عنه يعني الباقي احيانا كنت ارفضهم بدون ما اعرفهم هم مين لاني كنت رافضة فكرة الزواج وكنت احاتي كيف اتصرف كيف اظهر مشاعري لزوجي بس بعد الملكة والله ما تصدقين كيف بحبه واهتمامه غير فيني اشياء كثيرة يعني صرت اعامله بالمثل ادلعه واهتم فيه وابين له حبي و اذا كان هذا الشي صعب عليك جربي بتدأين بالتدريج يعني قولي له كلمة حبيبي على طول لو طلبتي منه طلب او كلمتيه في التلفون على طول قولي له حبيبي بعد حبيبي استقبليه بابتسامة كبيرة لمن يجي من العمل او يجي من برة مع كاسة عصير عشان يرتاح يحس ان استقبالك له ينسيه تعب العمل وهمومه حاولي بعد انك تجددين في شكلك من وقت للثاني خصوصا انك عروس جديدة يعني ما وراك لا عيال ولا بطيخ بعدين لمن تجي المبادرة منك مو عيب مرة منك مرة منه يعني لا تنتظرينه يعزمك على عشا انتي اعزميه على عشا في مطعم حلو وخلي اللي في المطعم يجهزون لكم جو رومانسي وشموع وحركات كل هذا بيكون صعب في البداية بس بعدين راح تلاقين كل شي يجي بتلقائية منك ومنه بعدين من حقه اختي انه يطلب منك انك تبادليه الشعور والغريب انك للحين مو حاسة انك قادرة تسوين هالشي لازم تشيلين فكرة انك ما تبادلينه الشعور من راسك وتحطين بدلها كيف تبادلينه ومع الوقت راح تتغير معاملتك له والله يوفقك انشاءالله و يهنيك

تحياتي عزيزتي واي شي انا بالخدمة

عنادي
05/05/2003, 03:33 PM
يمكن هذا الموضوع يحمسج شويه....صــفــــات الـزوجـــــة الـصــالـحـــة

قال الله تعالى : {فالصالحات قانتات حافظات للغيب بما حفظ الله} .. وقال : {إذا صلّت المرأة خمسها وصامت شهرها وحصنت فرجها وأطاعت زوجها قيل لها : أدخلي الجنة من أي أبواب الجنة شئت.. وقال : {ونساؤكم من أهل الجنة الودود الولود العؤود على زوجها التي إذا غضب جاءت حتى تضع يدها في يد زوجها وتقول : لا أذوق غمضاً حتى ترضى.. وقيل لرسول الله : {أي النساء خير ؟ قال : التي تسرّه إذا نظر وتطيعه إذا أمر ولا تخالفه في نفسها ومالها بما يكره} ..0

فراجعي أختي المسلمة نفسك وأين أنت من هذه الصفات وحاولي أن تحققيها
في نفسك .. إرضاءً لله تبارك وتعالى .. ثم لتحققي لنفسك وزوجك وأولادك حياة مطمئنة سعيدة في الدنيا والآخرة .. 0

ومن صفاتها أيضاً : 0
صالحة : تعمل الخير وتؤدي حق ربها . 0
مطيعة : لزوجها فيما لا يسخط الله تبارك وتعالى . 0
محافظة : على نفسها خاصة في غيبة زوجها .. 0
محافظة : على مال زوجها وأولاده .. 0
حريصة : على أن لا يرى منها زوجها إلا ما يسرّه من جمال المظهر بالتزيّن له وطلاقة الوجه .. 0
حريصة : على أن ترضي زوجها إذا غضب منها . .0
حريصة : على أن لا تمنع نفسها منه إذا طلبها فإذا فعلت المرأة هذا فلها وعد على لسان رسول الله بدخول الجنة .. 0


منقول للفائده والله من وراء القصد ==

niraan
05/05/2003, 09:21 PM
مرحبا..
سعيدة جدا بتفاعلكم معاي في هالموضوع، ومحاولاتكم في النصيحة ،
بس حبيت أنوه إني ماااااااااااااااااااااالج ة (مكتوب كتابي يعني!) وبعدني مو متزوجة.!
هذا واحد الشي الثاني : ما أقدر أقوله كلام حلو وأنا مو حاسة فيه بعدني لأنه وبكل بساطة...يحلفني بأغلظ الأيمان! :(.
وصعبة إني أحلفله على شي بعده ما صار...لكن واللللللللللللللللللله _إنشاء الله متأكدة إنه بيصير ، ويوم أقوله عطني وقت...وخلني أنا أقولها
بدون ما تضغط علي ...عشان تتأكد إنها تتطلع من القلب ، شوفوا كيف ينقلب ويهه 180 درجة:eek: