المساعد الشخصي الرقمي

مشاهدة النسخة كاملة : حوامل الرياض ساعوني استفيد وغيري يستفيد



تيته7
22/03/2008, 03:30 PM
انا بسراحه مو متزوجه ولا شئ:21_209:

بس اغلى انسانه عندي بالدنيا اختي بتولد وهي بالشهر السابع
وهي مو بالرياض مع زوجها وهي بمدينه (..:21_178:.) للاسف مابها الا الدجه فودي انا ابدا اجهزلها من الحين وياريت اللي حامل وجهزت ...تقولي
او نفاسها خلص قريب تقولي وش سوت ومن وين
يا ريت تذكرون بالتفصيل ... يعني اذا بتقول اسم محل تقول وين موقعه وبكم وايش اللي شرت وكم قطعه وايش لون (ادري غثه:o) بس انا ماتزوجت ولا حملت وعليميه بقوووووووه:(:sm215:
الله يخليكم ساعدوني ...:21_184:

مهره بلافارس
22/03/2008, 09:17 PM
المحلات ياطويلة العمر عندك=عمر السدحان-مذركير-الهرم-ستي بلازا-العثيم مول فيه محل ماذكر اسمه خاص بتجهيز فيه اطقم للام والبيبي-البيبي يحتاج0لفات-مفارش-ملابس داخليه(بربتواز)-ملابس خارجيه تكون متصله او كامله وقطنيه حتى تكون مريحه للبيبي-مريله تكون صغيره لبيبي عند الرضاعه-كريمات لللبيبي ومناديل مبلله ورضاعات- سرير صغير مناسب لسنه-شنطه-=للام(ملابس داخليه-قمصان للبيت-ملابس للاستقبال-)من عند العطار مر-حلتيت-ملح خشن-حبه سوداء-حلبه-قشر رمان-رشاد -(خليها تتبع نظام العامريه في النفاس)تلقيه على جوجل-كمون-قرفه-قشر قهوه-====شنطه للمستشفى يكون فيه ملابس للبيبي=بامبرز=رضاعات=ماء=مل ابس للام داخليه وخارجيه =فوط صحيه===مناشف للام والبيبي=حلتيت تحط كسره بخشمها عشان الشمم--

سندرلاء الرياض
22/03/2008, 09:49 PM
طيب طيب الله يهون على اختك وعلينا يارب
انا اشتريت ملابس البيبي من الهرم .. بربتوزات اللي تجي داخلية ـ مهدان ـ فراش للبيبي ـ ملابس خارجية ـ قمصان وبجامات لي بالنفاس :)

وبرضو رحت لسوق الرياض مول وشريت اللبس حق الضيوف .. يكون لبس البيبي طقم مع المفرش مع المهاد ... الخ .. وبصراحة الرياض مول فيه محلات حلوووووه للمواليد ...

ولا تكثرين لان البيبي يكبر بسرعة يعني اشتري مقاس من صفر الى 3 .. اربع خمس قطع ومن 3ـ 6 برضو نفس العدد

وشنطة المستشفى تكون فيها قميصان لها او بجامات .. شراريب لها وبناطيل علشان التكيف دايم بارد في المستشفيات وبرضو ملابس البيبي .. تكون فيها لفة للبيبي علشان البرد .. واهم شئ لا تنسى المشط حقها واللونشن والشامبو ... وتجيب معهاها مر علشان الشمم .. وبعد الولادة تشرب حليب بالحلبة :(

تيته7
22/03/2008, 11:36 PM
مهره بلافارس
الله يوفقك ويجزاك الف خير ويسهلك كل طريق يا رب عسى عمرك طويل
سندرلاء الرياض
ما قصرتي كفيتي ووفيتي الله يساعدك ويجزاك خير بكل حرف كتبتيه تسلمين على المساعده
طيب انا اخذت فكره عن الملابس واللي شاغلني واكثر شئ ما اعرف فيه حوست الضيافه و الهدايا البيبي
اللي عندها فكره غريبه او شافت عند قرايبها شئ عاجبها او فكره تقول..
ماتقولون فكره قديمه او ماتعجب احد قولو عادي اللي بيجوزلنا بناخذه واللي ما يعجبنا ماراح نعارض عليه فيه غيري
بيستفيد بس ما ودي وحده تدخل تقرا الموضوع وعندها فكره وتسكت يا ريت اللي عندها فكره تقول عشان نساعد بعض
بلييييييييييييييييييز
خلووووووو الموضوع مرجع لتجهيز حوامل الرياض وتجهيز الضيافه اهم شئ

تيته7
23/03/2008, 12:31 AM
معقوله مدري كم مشاهدات يمكن 18 وبس ثنتين ردو علي
يووووه الرياض ما فيها حوامل:21_8:
على العموم اخواتي اللي قبل الله يجزاهم خير ردو علي بخصوص الملابس
بس اللي شاغلني
التقديم والضياااافه بليز اللي يعرف افكار يساعدني ويقول الله يخليكم
بلييييييييييييييييييييييي يييييييييييييييييييييييز

رغـد
23/03/2008, 01:37 AM
حبيبتي ,, عجبني انك بتجهزين لاختك شي حلو ,,

ليت عندي اخت زيك ....



شوفي ياطويله العمر ,, انا لس حامل الحمد الله وببداية الرابع ,, يعني فرحت بموضوعك لمن حصلته



من لبس وضيافه ,,

يعني انتظر اجابات البنات وياك :tongue: ,,,,,,,,,,,,,,



الله يكون بعونك .... وممكن تجهزين لي بعد لا هنتي :wink::wink:




ومشكوره ولله يكون بعووووووووووووونك (( يالام الصغنونه)):o << عاد من كبرك

تيته7
23/03/2008, 02:03 PM
رغوده يا عمري انتي والله جهزي من الحين لا تورطين اذا ثقلتي مثل الخبله اللي عندي
يا حياتي مررره ماتقدر تمشي من الثقل
امس رحت لوحده والد وشفت اشيا حلوه وسرقت افكار:21_179: بقولك عنها لانك انت الوحيده اللي رديتي بخصوص الضيافه المهم ما اطول ..
بالنسبه للتشوكلت :eek2:
محل اسمه( جوي ) ومحل اسمه( لي )ومحل اسمه (مارينون) بشارع الثلاثين اغلبها قريبه من قزاز
هذي قالت لي احسن المحلات اللي عندها تشوكلت
فيه اشيا باقي اعرفها بس ما احب اقولك عنها وانا ما اعرف مكانها و موقعها
.....(على فكره اذا ودك اجهزلك ما عندي مانع بس بشرط اخذ اكراميه:poster_dots:)
لا والله من عيوني بساعدك اي شي بشوفه غريب بقولك عنه كاني متقضيه عنك

تيته7
23/03/2008, 11:59 PM
رغد هذا ...
و بالنسبه للعصير مرررررره حلوه حركتهم وطعمها يم يم يم (لو لا الحيا كان قلت صبو ثاني )
المهم الحركه انك تجيبي عصير فرش ويكون ثقيل جوافه فروله مانجا المهم وتحطين بالكوب بالقاع ملعقه كبيره من الآيس كريم ابو ريال اللي بنكهت الفانلا وتصبين العصير اللي تبغين او انك تصبين العصير وتخلين مسافه فاضيه للآيس كريم وتحطينه فوقه وتنقطين فمتو على الايس كريم
مرررررررررره حلو كشكل ونكهته مرررررررره خطيره اذا شفت شئ بقولك انتي كل ما فضيتي شيكي وانت اذا شفتي شئ قولي اتفقنا

سندرلاء الرياض
24/03/2008, 10:55 AM
الضيافة .. عندك محلات الشكولاته يسون شكولاته عليها صورة البيبي او اشكالها للأطفال .. وطبعا اهم شئ اللون .. يعني حلو لو حامل بولد تجهزين لها الشكولاته لونها تركواز على ذهبي وتكون موجودة عندها في الغرفة حقة المستشفى

وعندك محل في مركز بشرى .. مقابل مستشفى المواساة .. جنب مبارك ستاريل .. الدائري الشرقي .. فيه محل يسوي هدايا اطفال مررره حلوه .. طبعا اقصد هدايا اطفال . .. هدايا للضيوف اللي يجون يزورون البيبي .. يعني ملبس وشكولاته ..الخ ... وهذي الهدايا ممكن تخلينها للضيوف وممكن تسوينها في التمايم

وعلى طاري التمايم ==) وحدة تحمست

طايحين في انهم يسونها كحفلة اطفال .. يجبون مهرج .. والعاب خفة .. وحركات كذا

تيته7
25/03/2008, 01:03 PM
سندرلاء الرياض مشكوره على المعلومات الخطيييره واعجبتني فكرت الصوره على التشوكليت
بالنسبه لهدايا الاطفال قررت اسويها (وحده عااطله )
ما شا الله عليك شكلك ذويقه
والله يوم قلتي لي التمايم قلت ما بقى الا اولد عنها ....خخخخخخخ
على العمووم مشكوووره على الافاده الخطيره