المساعد الشخصي الرقمي

مشاهدة النسخة كاملة : فكره حلوه .. بس تبي شوية تعاون



عروس دبا
04/05/2003, 08:12 AM
هلا حبيباتي ...

انا فبالي فكره حلوه :D .. وبتنفع كل وحده مب متزوجه .. يعني تكون مخطوبه أو مالجه .. :o

انا خاطري اسوي كتيب صغير لخطيبي اطبعله مواضيع تخص المعرس :o .. يعني مثلا:
:) شو يسوي بيوم العرس ..

:D كيف يهتم بنفسه قبل العرس ..

:) شو الأشياء اللي يحتاجه للعرس ..

:o كيف يدلع زوجته ..

ومن هالأشياء .. فاللي عندها معلومه تقولي عشان اضيفها ..

واللي عندها رابط او سايت ممكن يفيدني تخبرني ..

الله يخليكم ساعدوني


وعلى فكره ترى حقوق الطبع مب محفوظه.. :cool:

**العروسة ترف**
04/05/2003, 08:41 AM
فكرة حلوة... وانشاالله بفيدج اذا حصلتي اي موقع...;)

عوشةالمهيري
04/05/2003, 08:50 AM
فكرة حلوة بس كل المواضيع موجودة

عروس دبا
04/05/2003, 08:56 AM
مشكوره اختي (عروسه ترف)

واذا عندج افكار حلوه للكتيب خبريني (اعرف افكارج حلوه) :D

اختي (عوشه المهيري)

انا قاعده ادور المواضيع هذه .. وخصوصا مواضيعج لأن في منها وايد للأزواج .. بس حبيت مساعدتكم .. يمكن وحده عندها رابط تربطني فيه .. وشكرا

عروس دبا
05/05/2003, 06:39 AM
وينكم يا بنات :confused::confused::confused::confused:

زهر النرجس
05/05/2003, 01:58 PM
للاسف ماراح اقدر اساعدك

انشاء الله البنيات مايقصرون معك

الورد_الأحمر
09/05/2003, 10:06 PM
فكره اتينن الصراحه ان شاء الله ادور المفيد واسعادج:) رهيبه يا عروس دبا تسلمين;)

ذوق
10/05/2003, 07:32 AM
فكره حلوه ...بحاول اني اساعدج
لكل معرس:D
الملابس:
تجهز الملابس قبل العرس بشهر عشان المعرس بيكون مشغول باشيا ثانيه
ويفضل
6 كنادير(دشداشه)
درزن فوانيل و وزره
6 قتر
6 طاقيات
عقال
بشت
نعال ابيض وثاني اسود او حسب لون البشت
عطور رجاليه ودخون ودهن عود
شنطه خاصه لادوات الحلاقه
ملابس للسفر اذا كان في نيه للسفر ويفضل اخذ الزوجه لاختيار الملابس بعد الزواج اذا كان فيه وقت....

ذوق
10/05/2003, 07:37 AM
تجهيز المعرس:eek:
في اسبوع العرس
تنضيف بشره (قبل العرس ب4 ايام)
حمام مغربي(قبل العرس 3 ايام)
تنضيف الاسنان في العياده
وضع واقي عن اشعة الشمس(المعرس عاد يراكض في الشمس للتجهيزات)
حلاقه وترتيب اللحيه يوم العرس
....بس عاد ماضن الريال يحتاج كريمات وخرابيييط
:D :D

ام سعد7
10/05/2003, 07:48 AM
لاينسى يسبح قبل الزواج بادقيقتين :) لاينسى يبتسم في ليلة الزواج في وجه زوجة لان الحضور مايهمهم لاظاهر لان لو ماابتسم بيقولون مجبور عليه :p لاينسى العطر :confused: لاينسى الساعه الماركه والقلم:cool: السياره الفخمه

ذوق
10/05/2003, 07:48 AM
اليووم العالمي:cool:
النفسيه مرتاحه..
تجهيز شنطه صغيره للملابس في حالت المبيت في فندق او بيت العروس
بعد الحلاقه والتشطيبات:D
سبحه محترمه ودخون وعطر ودهن عود
سكبه 10 على 10 وخلك بشووش
استقبال الضيوف والمهنئين
بعد الحفله والعشا وقبل الزفه بوقت... يفضل الاستحمام مره ثانيه وتعطير ويدخن طبعا بمساعدت احد الاصدقاء او الاخوان

ذوق
10/05/2003, 08:02 AM
كيف يتصرف المعرس مع عروسته
اذا كان في معرفه وتفاهم من قبل كل شي بيكون تماااام
يوم الزفه طبعا يوم يوصل للعروس اذا حاطه طرحه يشيلها ويقبلها على جبينها ويبتسم في وجها
ييلس عدالها ويمسك ايدها(لازم حركات عشان العزبيات يموووتن ههههه)
يحاول يسولف معاها عشان تاخذ شوي عليه
في الغرفه.. يبدا التصوير للعروس والمعرس
بعدها يووم خلاااص الكل يرووح طبعا لازم الادعيه الخاصه والصلاه عشان تكون مباركه عليك...
قولها كلام حلو....
مثل.. ماشالله عليج آيه في الجمال ..انتي ملاك.. ياحضي..
سولف شوي عنك ونكت شوي عشان تاخذ عليك..طبعا ملامسات شوي

طمنها وقولها انك الحين زوجها وهي بامان معاك ولاتسحي من شي وانك مابتقصر في شي....
بعد السوالف وشفت في انجذاب ممكن:D ممكن تمارس حقك الشرعي:o
واذا بعدها خايفه طمنها واذا ما فاد عادي اجلها:D


اختي العزييييزه انشالله اكون فدتج طبعا اذا بتسوين كتاب رتبي وغيري صيغت الكلام:)

عوشةالمهيري
10/05/2003, 08:14 AM
صبروا بفكر وبخبركم:D :D

ذوق
10/05/2003, 08:22 AM
اتحفيييينا يا عوشه....انا ذابحتني صووورتج

mnga
10/05/2003, 10:09 AM
loooooooooooooooooooooooooooooooooooool
7ta ana ..........wallah 9oortha 3agbtnyyyyyyyyyyyy:D

عوشةالمهيري
10/05/2003, 11:27 PM
هلا اختي عروس دبا مشكورة على طرح هذا الموضوع المتميز من نوعة في المنتدي


واول مرة ايفكرون في المعرس .................دايما العروس


اوكية خلنا في الموضوع ندخل بس اللة الرحمن الرحيم



اولا:- يهتم المعرس بنفسة انا الصراحة اتصلت الصالون رجالي

ما شا الله والجرايد الحين فيها اعلانات مش بس حق الاعرايس بعد حق المعرس وعن تجهيز المعرس

طبعا عندهم برنامج للمعرس

يشمل:-

1- تنظيف بشرة
2- حمام مغربي قبل العرس بيومين
3- منيكير وبديكير بس كتنطيف للاظافر مش شرات مال الحريم
4- حمام زيت للشعر اذا فية شعر واذا اصلع يتوكل على الله

اما قبل العرس بيوم او نفس اليوم


1- تحليق الشعر قصة معتبرة للمعرس علشان الغترة والعقال
2- ترتيب الليحة و لشنب
3- طبعا الاستحمام عمدل مش اي كلام
4- تنظيف الاماكن الحساسة

ولازم العروس اتنبة زوجها لهذي السوالف والاموار لان البعض غافل عنها

5- تعطير الجسم بعطورات خاصة وكريمات للجسم ولاتنس اهم شي يتدخن وحق الريايل طبعا العود الغير معطر والدهن الهعود والورد الطافي من الزين عادة الغالي وبعد في مخلط سلطان للريايل رروعة



المهم الحين عدنا


ثانيا:-

الاشياء اللي يحتاجها المعرس اي زهبة المعرس واغراضة:


1- تفصيل كنادير زينة للعرس اي حوالي 7 كناير من الزينات طبعا ينوع فيهن طربوشة او غير

2- تفصيل عقال على حسب الراس ومرتب مش تاير
3- ياخذ على الاقل كرمكم الله نعال نوعين مثل فارس وغير بعد ماركة ما اذكر شو اسمها لونين

4- عدد 10 فنيلات او كرتون لانة فية درزن من الزينات مال الهند عند الياسات

5- وزرة كرتون

6- عدد 2 غترة

7- زرارت للكندورة


هذا بالنسبة للملابس اما عن الاشياء الثانية


او نسيت وياخذ ساعة ماركة زينة يكشخة فيها يوم العرس


المهم العطورات


ياخذ
1- عطورات رجالية فرنسية مثل هارير وفي عطورات ما اذكر اسمها ممكن يخلط وياها دهن العود وياسلام علية وعطورات فرنسية غير
وبعد العطورات العربية شرا دهن العود المعتق الزين عند القرشي او اجمل والعطورات البيضاء اللي ما تعلم في الكندورة شرات دهن الورد الطائفي
والعود لاينسي من احسن الانواع عند اجمل الكمبودي

2- الكريمات ومعطررات الجسم عند البودي شوب او اي ماركة
3- مزيل للعرق من الزين شرا البودي شوب
4- ولاينسي الفرشة للتنظيف الاسنان او بعد ممكن ايروح للدكتور ايسوي تنظيف حق الاسنان قبل العرس

5- ادوات الحلاقة والكريمات الخاصة بها



اما عن الدلع اصبرو ا علية شوية


وفالج طيب ياعروس دبا

عوشةالمهيري
11/05/2003, 05:02 AM
شو رايج

عروس دبا
11/05/2003, 07:00 AM
شكورييييييييييييييييييييي يييييين واييييييييييييييييييييييد

الصراحة وايد فرحت من ردودكم و وايد استفدت عيني عليكم بارده

ويلا يا عوشه اتحفينا بافكار الدلع (لأن انا المستفيده :D)

عوشةالمهيري
11/05/2003, 12:19 PM
من عيوني يالغالية

عوشةالمهيري
11/05/2003, 12:20 PM
اجعلي زوجك يحبك فان احبك زوجك كنتي له ملكة جمال العالم ولو كنت في العين عاديه...(( يعني دايما حلولي اتيرين من شكلج اتروحين الكوافير تضبغين او اتقصين قصة جديدة .............واتحنين اذا كان يحب الحنا))



* غيري دائما من مظهرك وكوني انيقه فالمظهر له تاثير على النفس،والاناقه المتجدده للزوج تسكر الزوج وتبدو له امراته وكانها مائة امراه..((غيري من طريقة الملابس وخصوصا ملابس النوم وحولي حتا في البيت تلبسين ملابس روعة غير عن الجلابية او البجامة حولي تلبسين الملابس الحلوة اللي اتعجب واتجنن الزوج))

-* انصتي الى زوجك بمحبه واعجاب حتى لو تفاخر بنفسه كطفل صغير..((دلالي زوجك هو المستقبل والحاضر وكل شي خلية شرات الطفل مدلل .....وبعدين راح اشرح هذي النقطة))

* وفري الراحه لزوجك في بيته وكوني انيسة وحدته وا نسية متاعبه وهمومه.. ((


بعد مايرجع من الدوام حولي تعطينة كم كلمة حلوة تشرح الخاطر واتعرفين شو في خاطرةلانج انتي شريكة حياتة))

*
* انظري الى محاسن زوجك قبل عيوبه فكل انسان له محاسن وعيوب وساعديه للتخلص من عيوبه.. ((حولي اتغير منة لانة شرات الطفل وحولي اتشوفين محاسن ريلج ولاتحطينة وجة للمقارنة مع الغير))

* اذا اردت شيئا من زوجك فاستخدمي رقتك وحنانك وانوثتك وعقلك فالرجل يذوب بانوثة المراه.. ((اتعرفين اسهل طريق للرجل اموت في الحرمة الرومانسية اللي تبدلة نفس المشاعر مش الجامدة المتبلدة حولي اتكونين رومانسية))

..

* ا دفعي زوجك الى الخير مااستطعتي..وادفعيه الى بر والديه وذوي رحمه..ولا تتضايقي ابدا من بره لاهله بل افرحي لانك تزوجتي رجلا اصيلا.. (كل ولا امة وابوة وحولي اتكون علاقاتج معاهم اوكية ))

*
* الرجل لايعرف كيف يلبس في الغالب ولا كيف يقول حلو الكلام،فغردي في حياته فيبحث عنك ، واهتمي بمظهره وذكريه باوقات راحته وكوني له كالموسيقى
((قوم بعمل حمام لزوجك والمساج والكريمات لة لانة يستهل))

* * لا تكوني بخيله بعواطفك وحنانك إتجاهه ((عطية من الكلمات الحلوة اللي اتخيدبل واتثير المشاعر))..

* اعتبري زوجك طفلك ودلليله واعتني به ولاتنشغلي عنه باحد اطفالك.. ((دلعية لقصى حد وشوفي كيف ايكون لج ماراح ايشوف غيرج))

* احرمي زوجك منك بين الحين والاخر وابدي له عروسا رائعه بعيدة المنال .((كوني لة ملاك و دلع )) وشوة اتغلي علية علشان يتخبل)).

* كوني متفهمه لزوجك ولاتهدمي حياتك بسبب عدم تفهمك له.. التفاهم مطلوب وليش العناد

عروس دبا
13/05/2003, 08:05 AM
مشكورة حبيبتي

بس شكايل هو يدلعني

لأن اذا حطيت اللي كتبتيه بالكتيب (ببتلش فيه :D)

بس وايد استفدت

مشكوره

عوشةالمهيري
13/05/2003, 01:53 PM
مشكورة ياعروس دبا

عروبة
14/05/2003, 02:37 AM
انتبهي عروس دبا قد يكون ارسال الكتيب لخطيبك نوعا من عدم الثقة منه وربما بعض الرجال لا يحبون ان المرأة تقدم لهم النصائح اكانت هذه النصيحة مباشرة او غير مباشرة مثل ارسال الكتيب فاحذري لأنه بعض الرجال يعتبرون النصائح تقليل من شأنهم ونقص لكرامتهم 000 ولكم مني جزيل الشكر

همسة نغم
31/05/2003, 08:49 AM
فكره مره حلوه وانا صلحتها قبل بس المواضيع تختلف ...............
المواضيع الي كتبتها كانت عباره عن خواطري ونثر انا كتبته له من يوم الملكه لحد الزواج
:o :o :o ووديته عند المطبعه وطبعته وغلفته بتغليف فاخر وكتبت بالفضي من بري اليك زوجي كان وايد حلوووووووووووووووووو

المبدعة
02/06/2003, 12:39 AM
حبيبتى الغاليه عروس دبا

يزاج الله خير على موضوعج القيم , وتسلمين زالشكر موصول لاخوات الغاليات اللواتى اتحفن الموضوع بلمساتهم

حبيبتى عروس دبا عندى فكره .. الحركات والاشياء اللى تطلبينها واايد حلوه وراقيه وانت ما شاء الله عليج قاعدة تجمعين منه ومناك فحتى تعم الفائدة لدي الجميع أنصحك بعد تجميع افكارج وكتابتها ان تضعيها هنا في الموضوع وستكون بطريقة مرتبه لتستفيد منها بقية العرايس


تحياتى
المبدعة

عروس دبا
02/06/2003, 07:25 AM
ان شاء الله حبيبتي ولا يهمج .. بس اول ما اخلص بحطي الموضوع كامل


وشكراً للكل


احبكم :shy: