المساعد الشخصي الرقمي

مشاهدة النسخة كاملة : مــــااا اعرف اطبخ



علقتني بالهوى
19/03/2008, 01:57 AM
بسم الله الرحمن الرحيم

السلام عليكم ورحمة الله وبركاتة

انا عندي مشكله صغيرونه :(

قولو وشي؟؟؟

انا مااعرف اطبخ :(
ومالي نفس في الطبخ:(
واذا سويت شي صغير سهل اقعد سنة حتى اخلصه :(
قولو لي وش الحل
اخاف اتزوج ان شاء الله ولا اعرف اطبخ وبعدين يزعل علي زوج المستقبل
وانتو تعرفون ان الطبخ مايتعلم بيوم وليلة
علما باني مااحب اتعلم الطبخ:confused:

وشورو علي وش اسوي ارجــــــــوكـــم

أم نتالي
19/03/2008, 02:06 AM
وعليكم السلام..
هلا وغلا حبيبتي..
ويسعدني اني اول وحده ارد على موضوعك..
حبيبتي الطبخ شي مهم انه تتعلمه البنت قبل زواجها..
انا كنت مااحب اطبخ ولا تعلمته قبل الزواج بس بعد ماتزوجت تورطت وندم على ايامي قبل الزواج اني ماتعلمت اطبخ..لانه مهم لزوجك لضيوف زوجك ولضيوفك انتي ان شاء الله في المستقبل..
حبيبتي..
في كتاب مره ممتاز (أم عبدالعزيز..نخبه الاطباق) كل يوم حاولي تتعلمين طبخه
يمكن ماراح تضبط اول مره ولا 2مره حاولي وحاولي لين تضبط
وحاولي تسلين نفسك وقت الطبخ عشان ماتملين شغلي المسجل..
اذا كان عندك تلفزيون صغير حطيه بالمطبخ وانتي تطبخين...
خلي احد يدخل المطبخ معك ويسليك ومنها يعلمك او تتعلمون مع بعض..
حاولي بشتى الطرق لاتقولين مااعرف مافيه احد يطلع من بطن امه عالم..
تراها شغله مهمه لاتنسين (اقرب الطرق لوصول الى قلب الرجل معدته)
الله يوفقك حبيبتي...

علقتني بالهوى
19/03/2008, 02:12 AM
اشكرج حبيبتي:)
وان مبسوطه وايد على انج اول وحده ترد على الموضوع

ان شاء الله ابي استخدم الكتاب
شورج واهدايت الله

بس وش تنصحيني اول شي اتعلمه
الحلى او الموالح او شوربات ......................
علشان ما احبط من نفسي

**ام يارا**
19/03/2008, 02:31 AM
تعلم الطبخ جدا مهم

في عندك كتب طبخ جداا ممتازه

مثل ماقالت الات كتاب ام عبد العزيز

وفي كتاب ثااني اسمو كتاب ام ريما

جداا ممتازين ومكوناته سهله ومتووفره في اي مطبخ

انتي ابدي في الحلى سووي كل يووم صينيه للاهلك وثلاجه قهووه وقدميه للاهلك بعد صلاه العصر

انتي اعملي الحلى من الليل وحطي في الثلاااجه ليووم الثااني وقدميه

حاااسه راح تحبي الطبخ

بتووووفيق

أم نتالي
19/03/2008, 02:33 AM
انصحك حبيتي تبدين بالحلا..ثم الموالح..ثم الشوربات
الاعمق فالاعمق..
لحد ماتعرفين تطبخين الكبسات والطبخات الرئيسه بالوجبات..
والله يوفقك...

سما الكون
19/03/2008, 03:34 AM
وربـــــــــــــي انا مثل مشـكــــلتــك


ماحــــــــــــــــــــــ ـــــــب اطبخ ولا احب المطبخ

واذ سووووويت مايضبط والقى غير تريق من اخواتي

فخـــــــــــــــــــــــ ـلاص مليت معاد اسووي اي شي

مــصــدر الحــلا
19/03/2008, 05:12 AM
شوفي ياعسل لما تبدي تطبخي لازم احد يدخل معاك المطبخ طبعا يكون عارف الطبخ مثلا امك او اختك انا تعلمت الطبخ في المدرسه في حصه التدبير المنزلي وشوي شوي صرت اطبخ لازززززززم تتعلمي دحين لان لما تنخطبي انشاءلله راح ترتبكي ماتدري تدوري فستان الزفه او تعملي خلطات اوتتعلمي الطبخ او-----او-------او----- عارفه البنات وشغلاتهم قد ايش كثيره اكيد انتي مو متزوجه ولا انا كمان بس طبعا عارفين احنا ادرى خخخخخخخخخخ وابدي بالاشياء البسيطه العصير ثم السلطه وهكدا لين ماتسوين بوفيه كامل انا عارفه ماانتي قدها '''''' لاوالله امزح والله يوفقك ويعينك

اسيل!
19/03/2008, 08:25 AM
مثلكم تزوجت وانا(n)

وسويت تجارب في زوجي

ومع الوقت صرت (y)ماشاء الله تبارك الله

umjana79
19/03/2008, 09:42 AM
السلام عليكم ورحمه الله وبركاته ..

اختي خليني افيدك .. بشغله .. يعتمد على زوج المستقبل اولا وثانيا عليج ...

يعني ما تدرين لو عيشتي مع اهله يمكن ما تبطخين ... ولو الله كتب لج ... يمكن تجيبين طباخه ..

المهم .. بختصر عليج اختي الطباخ نفس ,, ,انا الصارحه حاولت وفشلت ,, والسبب اني ما احب الطبخ ولا اعرف اطبخ ,,, ولا افكر اطبخ ,,, لان انا انسانه متذوقه بس ... اعرف الاكل الحلو من الي مب حلو .. ههههههههه

عموما انا اخذ الاكل من بيت امي .. او هو يجيب من بيت امه .. وهو عنده بالعمل يسون لهم كل يوم بوفيه اكل .......

يعني انا مشكلتي محلوله .. وفي المستقبل لو امي تعتب بيب طباخه .... لاني ماعرف اطبخ ,,, ولا ابي اطبخ.... واختي يا حي الي بياخذها .. والله انها صكت على عايشه التيميمي ... ومنال...
يعني لو يتزوجها احد.. ما ظن يطلعون يتعشون بره ابد ... ههههههه

بس حاولي يمكن انتي تصيرين احسن مني وتطلعين طباخه ... الله يوفقج ..:D

تحياتي
ام جنى

ام شهد11
19/03/2008, 09:51 AM
اول شي خلي عندش رغبه في الطباخ والمغامرات ههههههههه

وجربي مرة ومرتين وراح تصيرين طباخه مهارة

حوري
19/03/2008, 10:22 AM
اختي انا اعرف ناس ما شاء الله بنات عز والله معطنهم خير ونعمة وعندهم طبابيخ في البيت لكن بس بناهم طباخات محترفات ... صديقني اللي تتعلم الطبخ تكبر مش بس في نظر زوجها حتي عند اهل زوجها ...

دلوعة حمد
19/03/2008, 10:30 AM
ومن سمعج يالغاليه


انا قبل نفسج لا احب الطبخ ولا لي بارض المطبخ

بس يوم تزووجت اضطريت اني اطبخ خصوصا لما طلعت بيت بروحي

وحتى اذا الوحده عندها خدامه هم بعد تحب تشرف ع الطباخ بنفسها


اول الايام حرقت وخربت ايشكثر طبخات


بس بالنهاية تعلمت صج متاخر بس تعلمت


واذا تبين نصيحتي ابتدي من الحين شوي شوي

ابتدي بالسهل وخلي الوالدة تعلمج

وان شاء الله تصيرين طباااخه لايعلى عليج وزوج المستقبل يفخر فيج

nassam
19/03/2008, 10:42 AM
فالحة تاكلي ما تطبخي!!!!! امزح ياعمري بس ابي اخوفك ههههههههه........ دشي ويا امك وشوفي كيف تتصرف فالمطبخ وتعلمي الاشياء اللي تحبيها وجربي الطعم ف نفسك واخواتك!!! وحليلهم بس عاد لا تسوي وايد اشياء ف يوم واحد عشان ما يمرضون خخخخخ........ حبيبتي ما تحاتي دام حطيتي فبالك انك ودك تتعلمي الطبخ مووول ما تحاتي وان شالله تعرفي وتصيري من احسن البنات فالطبخ و تذهلي زوجك :)

ريماس قمر
19/03/2008, 03:05 PM
حبيبتي اولها تجربة فاشلة وبعدهاتجربة تمشي الحال وشوي شوي راح تصيرين ولا مطبخ منال ولا الشف رمزي
مثلي اول مرة كاني اعليمية وبعدها صرت احسن طباخة في البيت حتى الكل صار يحب اكلي
يعني حاولي مرة مرتين والثالثة ثابته على قولتهم







والله يوفقك
وعقبال مانسمع عنك انك صرتي احسن طباخة في الشرق الاوسط

حزن المفارق
19/03/2008, 06:54 PM
السلام عليكم ورحمة الله وبركاته

عزيزتي..

اللي يحب الشي بيتعلمه .. وأنتي مشكلتك ما تحبين الطبخ .. فكيف بتتعلمينه..!!؟؟

حاولي تحببين نفسك فيه وشوي شوي بتحبينه وتتقنينه .. وما راح تطلعين من المطبخ من كثر ما تجربين الطبخات :)

علقتني بالهوى
24/03/2008, 03:28 AM
يعطيكم العافية

واشكركم كلكم وحده وحده

فردا فردا

على الردود الحلو الي تشجع الواحد وتعطيه حماس انه يتعلم ويحب الطبخ بعد(y)


وانا ان شاء الله ابي اتعلم الطبخ لزوج المستقبل علشان يحبني وينبسط فيني يارب

:o:o:o


واصير بنت سنعه مثلكم يا احلى عروسات في الدنيا

بس انتو ادعولي :)


وهذا :15: لكم كلكم

ووسن
24/03/2008, 03:36 PM
جيبي كتاب طبخ صدقيني بسرعه تتعلمي..

والله يساعدك..

..لمعة عين..
24/03/2008, 07:12 PM
ههههههههههههه
كانك تتكلمين عني!!!!
انا نفسي اتعلم بس احس ما عندي الحماس!
تابعي رايتشل راي عال mbc4 كلامها يشجع و تخليكي تحسي ان الطبخ لعب و سهل

Sephoraholic
24/03/2008, 07:46 PM
عيني بي جي...ريتشل راي عليها هذذذذذرررررررره....الله اكبر تقولين بالعة راديو..انا ادووووووووخ لما اتفرج على برامجها..تحجيلج خمسين الف سالفة بنص ساعة :ss:...الله يعين زوجها بس....هههههه

حبيبتي شوفي...

ترى انا راح اعترف بعد اني مو طباخة و ما اواطن الطبخ و المطابخ هذي...لاسباب كثييييرة...و معظمها دلع..خخخخخ

بس بديت اتجاوز هالشي...

شلون؟؟؟؟؟

بديت افكر..انا شنو احب؟؟؟...

احب اسوي بيكينغ اكثر شي لان ما فيه زفر و قرف و الحاجات هذي...رحت طلعت وصفات الكيكات و الكوكيز و شغلات الديزيرت هذي...و اقل شي فالاسبوع مرة...اسوي حاجة او حاجتين للاهل...

بعدين...فكرت فالاكلات اللي احبها...و بعد جبت وصفاتها و قمت اطبخها للاهل فالويك اندز و جذي...

و بعدين اتفقت مع صديقات لي...اننا بين فترة و فترة نجتمع افبيت وحدة مننا و نقعد اليوم ككككككككله...نطبخ و نسوي ديزيرتز...و نسولف و نتفرج عالتي في...يعني نتونس و نسوي شي مفيد بنفس الوقت (a)...

و مرات...ادخل المطبخ و اساعد ماما بالاشياء الصعبة مثل الكبة و البورك و الحاجات اللي جذي علشان احس باقي الاكلات سهلة...يعني سويت الموضوع سيكولوجيكال...خخخخخ

الحين اقدر اسوي الاساسيات و الكل يعرف اني احسن وحدة فالبيكينغ كثر ما جربت فيه :cool:...

و ان شاء بطور روحي اكثر...لا تنسيييييين...بيجيج يوم ابو الشباب ممكن يدش عليج و يقولج مشتهي فلان اكله...ذيج الساعة شبتسوييييين؟؟؟...شدي حيلج من الحين!!!...شوية شوية...بتشوفين شلون بيصير الطبخ شي ممتع بالنسبة لج...خصوصا اذا جاج اطراء حلو من الاهل و الصديقات :D

ربى ملوح
24/03/2008, 11:21 PM
كثير من الفتيات يقلن ليس لدي رغبة في الطبخ

و لا أريد أن أطبخ ..

طيب لما الوحدة تتزوج و الزوج طلب من زوجته تطبخ الأكل لانه مل من أكل المطاعم

و الزوجه قالت له ما أعرف أطبخ في هذه الحالة البعض من الأزواج يطلق زوجته مباشره

لانه هو تزوجها يريدها أن تريحه و يأكل من يدها و لا يريد أن يأكل من المطاعم ...

أقولك أختي الطبخ فن و سهل تعلمه حتى إذا ماتعرفين لما تتعلمي تصبحين ماهرة

فية كثير و مثل ماقالو الأخوات سابقاً لابد و أن تدخلي المطبخ ..

أنا أتعجب من هذه الأمور لما أسمع عن بنت ماتعرف تطبخ ..

طيب أين والدتها ماعلمتها الطبخ و لا قالت لها أدخلي المطبخ ..

الزوج لما يشاهد زوجته ماتطبخ له حالات إما الطلاق أ, يتزوج عليها باخرى

و أمور أخرى تحصل و سببها عدم الطبخ من قبل الزوجه ..

انت مبدعة ضعي إبداعك في الطبخ و إبدأي من غداً بعمل حلى سهل

و اليوم الثاني طبق رئيسي و اليوم الثالث معجنات و هكذا ..

كل يوم نوعي و حتى لو فشلتي بالطبخة فهذا دليل على أنك ماهرة

أنا أول ماعملت الحلى و نسيت شيء فيه و المرة الثانية ضبط و المرة الثالثه ضبط أكثر

و الآن و الحمد لله الكل يحب الحلى الذي أسوية ..

يلا إبدأي بالطبخ و صوري لنا صور لنشاهده و نسر بما عملته يداك .

حكاية روح عاشقة
25/03/2008, 02:22 AM
هههههههههههههه

وانا مثلك مش بحب الطبخ ولا بحب واقفة المطبخ

ربنا يرزقنا بأزواج بيحبوا التيك واى

علقتني بالهوى
26/03/2008, 10:11 PM
جيبي كتاب طبخ صدقيني بسرعه تتعلمي..

والله يساعدك..



ان شاء الله حبيبتي

واشكرج على المرور

علقتني بالهوى
26/03/2008, 10:13 PM
ههههههههههههه
كانك تتكلمين عني!!!!
انا نفسي اتعلم بس احس ما عندي الحماس!
تابعي رايتشل راي عال mbc4 كلامها يشجع و تخليكي تحسي ان الطبخ لعب و سهل


الحمد لله في بنات زيي مايعرفون يطبخون :D

اشكرج على المرور

علقتني بالهوى
26/03/2008, 10:19 PM
عيني بي جي...ريتشل راي عليها هذذذذذرررررررره....الله اكبر تقولين بالعة راديو..انا ادووووووووخ لما اتفرج على برامجها..تحجيلج خمسين الف سالفة بنص ساعة :ss:...الله يعين زوجها بس....هههههه

حبيبتي شوفي...

ترى انا راح اعترف بعد اني مو طباخة و ما اواطن الطبخ و المطابخ هذي...لاسباب كثييييرة...و معظمها دلع..خخخخخ

بس بديت اتجاوز هالشي...

شلون؟؟؟؟؟

بديت افكر..انا شنو احب؟؟؟...

احب اسوي بيكينغ اكثر شي لان ما فيه زفر و قرف و الحاجات هذي...رحت طلعت وصفات الكيكات و الكوكيز و شغلات الديزيرت هذي...و اقل شي فالاسبوع مرة...اسوي حاجة او حاجتين للاهل...

بعدين...فكرت فالاكلات اللي احبها...و بعد جبت وصفاتها و قمت اطبخها للاهل فالويك اندز و جذي...

و بعدين اتفقت مع صديقات لي...اننا بين فترة و فترة نجتمع افبيت وحدة مننا و نقعد اليوم ككككككككله...نطبخ و نسوي ديزيرتز...و نسولف و نتفرج عالتي في...يعني نتونس و نسوي شي مفيد بنفس الوقت (a)...

و مرات...ادخل المطبخ و اساعد ماما بالاشياء الصعبة مثل الكبة و البورك و الحاجات اللي جذي علشان احس باقي الاكلات سهلة...يعني سويت الموضوع سيكولوجيكال...خخخخخ

الحين اقدر اسوي الاساسيات و الكل يعرف اني احسن وحدة فالبيكينغ كثر ما جربت فيه :cool:...

و ان شاء بطور روحي اكثر...لا تنسيييييين...بيجيج يوم ابو الشباب ممكن يدش عليج و يقولج مشتهي فلان اكله...ذيج الساعة شبتسوييييين؟؟؟...شدي حيلج من الحين!!!...شوية شوية...بتشوفين شلون بيصير الطبخ شي ممتع بالنسبة لج...خصوصا اذا جاج اطراء حلو من الاهل و الصديقات :D



هلا وغلا حبيبتي شرفتيني بمرورج الحلو

وانا مشكلتي مااحب الا الطبخات الصعبة:(

بس ابي ابدى ان شاء الله بعمل اعصيرات :D

واشكرج مره ثانية على الرد الحلو منج

:):):)

علقتني بالهوى
26/03/2008, 10:25 PM
كثير من الفتيات يقلن ليس لدي رغبة في الطبخ

و لا أريد أن أطبخ ..

طيب لما الوحدة تتزوج و الزوج طلب من زوجته تطبخ الأكل لانه مل من أكل المطاعم

و الزوجه قالت له ما أعرف أطبخ في هذه الحالة البعض من الأزواج يطلق زوجته مباشره

لانه هو تزوجها يريدها أن تريحه و يأكل من يدها و لا يريد أن يأكل من المطاعم ...

أقولك أختي الطبخ فن و سهل تعلمه حتى إذا ماتعرفين لما تتعلمي تصبحين ماهرة

فية كثير و مثل ماقالو الأخوات سابقاً لابد و أن تدخلي المطبخ ..

أنا أتعجب من هذه الأمور لما أسمع عن بنت ماتعرف تطبخ ..

طيب أين والدتها ماعلمتها الطبخ و لا قالت لها أدخلي المطبخ ..

الزوج لما يشاهد زوجته ماتطبخ له حالات إما الطلاق أ, يتزوج عليها باخرى

و أمور أخرى تحصل و سببها عدم الطبخ من قبل الزوجه ..

انت مبدعة ضعي إبداعك في الطبخ و إبدأي من غداً بعمل حلى سهل

و اليوم الثاني طبق رئيسي و اليوم الثالث معجنات و هكذا ..

كل يوم نوعي و حتى لو فشلتي بالطبخة فهذا دليل على أنك ماهرة

أنا أول ماعملت الحلى و نسيت شيء فيه و المرة الثانية ضبط و المرة الثالثه ضبط أكثر

و الآن و الحمد لله الكل يحب الحلى الذي أسوية ..

يلا إبدأي بالطبخ و صوري لنا صور لنشاهده و نسر بما عملته يداك .


ههههههههههه

حبيبتي روبى اشكرج على ردج الي من قلب (y)

وشكلج ماتحبين البنات الي مايطبخون:ss:

وان شاء الله ابي اجيب لج صور من طبخي :tongue: بس اذا تاخرت لا تزعلون:wink:

امكن اقعد سنه سنتين علشان اجيب صور:rolleyes:

علقتني بالهوى
26/03/2008, 10:32 PM
هههههههههههههه

وانا مثلك مش بحب الطبخ ولا بحب واقفة المطبخ

ربنا يرزقنا بأزواج بيحبوا التيك واى



هههههههههههههههههههههه

لا حبيبتي مايصير كذا اقري ردود البنات واستفيدي منهم :wink:

بنات اخر زمن
:ss:

شدي حيلج علشان مايتزوج عليج زوج المستقبل ان شاء الله :)

دمــ ـ ـوووع
27/03/2008, 03:41 AM
يؤيؤيؤ ياقلبي انا نفسك

ما اعرف والمشكله الاكبر اني مااحب

يعني حد حدي الحلى ومو كل الانواع ..البسييييطه بس هههههه

واي طبخه اشوف فيها شغل ومقادير واجد وحركات اهون عنها

هذا بس الحلى...

الرئيسي ابداااااااااااااااااااااا ااا

ومدري كيف بتعلم ...لاني مو حابه اتعلم ههههههههه

احس ماتطيق نفسي تدخل المطبخ...ودي بس مو طايقه

وكل يوم اقول بكره اتعلم

والمصيبه اني بعد الزواج بكون بعيده عن اهلي واهله يعني مافي دلع ههههه

الله يعييييييييييين

اذا تعلمتي تعالي علميني يالغلا