المساعد الشخصي الرقمي

مشاهدة النسخة كاملة : أفكـــــاري بتخرب حياتي.. بليز ساعدونني



المميـزه
17/03/2008, 08:36 AM
صباحكم ومسائكم فل وياسمين..

بنات احلى منتدى احلى بنات اخواتي الغاليات أحتاج مساعدتكم بليز لاتبخلون علي,,,

بقولكم سالفتي يمكن عندكم عاديه بس هي وايد مضايقتني

بنات انا قبل سنه ونص من هالوقت تقدم لخطبتي خطيبي الحالي( هـ ) وسافرت بعد ماردينا على اهله بشبه الموافق وبعد السفر كانت بتكون الملجه للعلم ان خطيبي تقدم لي قبل يمكن 3 مرات وكل مره هلي يقولون له بتكمل دراسه والحين كملت والحمدالله وتقدم وسافرت.. بالاختصار هو كان حاطني بباله من زمان واخته كانت دايما تلمح لي عنه وتكلمني عنه فحسيت اني تعلقت فيه... بس عشان اكون صريحه معاكم اكثر اخته انسانه مره مره مره ثقيلة دم من قبل الخطوبه وانا ادري وحتى اهله طبيعة حياتهم غير عن حياتي مع انهم شايفين خير والحمدالله انا ماتكلم عن الماديات يعني هم ناس مره مره مره جافين في تعاملهم ومملين يارب سامحني يعني ماعندهم غير انهم يحشون في الناس او يبقون ساكتين يعني انا انسانه احب الفرفشه الضحك السوالف الحلوه لما اروح عندهم امل من اسلوب حياتهم المهم الحين بكمل سالفتي وانا في السفر تقدم لخطبتي 5 اشخاص وكانو من نفس المنطقه اللي انا ساكنه فيها ونفس بيئتي وطبيعتي كلهم مافكرت فيهم ابدا ابدا الا واحد منهم وكان اسمه ( مــ) لما عرفت انه خطبني جن جنوني لدرجة اني حسيت اني ابي اغير رايي عن خطيبي الحالي (هـ ) بس كنت خايفه من اثر الصدمه عليه لأنه من زمان حاطني بباله اللي كنت مهتمه فيه الشخص اللي خطبني (مــ ) كان اخو وحده من صاحباتي بعد بس هذي صاحبتي مره وطيبه مره واحس اني احبها واجد بس ماكنت اظن انها تحبني لدرجه انها تخطبني لأخوها صريحه انا وايد مع صاحبتي هذي كأنها تؤام روحي تعرف كل سلبياتي وايجابياتي غير عن اهل خطيبي (هــ) كنت احس روحي امثل لما اجلس معاهم اهل (مــ ) ناس بسيطين وراقيين وهو كان انسان مكمل دراسه وعنده وظيفه من العوائل الكبيره اللي بمنطقتنا يعني كان جايني الأمير على فرس ابيض وانا كنت حزينه انه خطبني لأني مب حابه اخذ (مــ ) اخاف اخذه وابقى افكر في (هــ) واظلمه وهو يحبني لدرجة اني عييت اكلم اي احد فيهم قبل الملجه المهم اني الحين وافقت على (÷هــ) بس للحين ا حس بالحزن اني فوت على نفسي فرصة عمري لأني خفت على مشاعر انسان اعرف يحبني من قبل وانا بعد احب خطيبي الحين بس هو في طباع تخليني ساعات اقول احسن لي لو اخذت (مــ ) لأن اهله احسن ويعرفون عني كل شي مايحتاج امثل جنبهم وناس يحبون الضحك والوناسه يبان واضح الفرق بين اهله واهل خطيبي (هـ)
انا دايما احاول انسي نفسي السالفه عشان مااخرب حياتي بس امس كنت رايحه بيت صاحبتي اودي لها شي كانت امها هناك اللي هي ام (مــ) قالتلي وهي من النوع اللي مايعبر عن شعورها واجد قالتلي انا تمنيتج لولدي وللحين اتمناج من قالت هالكلام وانا قلبي مكتوم مابي افكر فيه ولابي افكر في الخساره اللي خسرتها بنات انا متضايقه اهل خطيبي الحين مايقدروني ابد دايما يقلولون من شأني عند زوجي وبصريح العباره قدامي اخت زوجي وقحه ترمي كلام علي قدامي وانا ارد عليها برقي وادب اقولها كلامج صح... وامه اذا حطت ببالها شي خلاص يالله فرق بين العيلتين والمشكله اني قبل لااوافق كنت ادري ان فرق بين العيلتيين وان اللي عفته احسن من خطيبي بس كنت خايفه اواجه الموقف وكنت خايفه على مشاعر خطيبي اللي يحبني من زمان.. وانا خلاص الحين وافقت على (هـ) من سنه ونص وانا عاقده قراني يعني ملجت خلاص وهو طيب ويحبني واحبه بس فيه عناد مافي احد يخلا بس كنت خايفه عليه من الصدمه لو رفضته وانا بعد كنت متعلقه فيه انتو بنات وتعرفون يعني شنو لما وحده تحس ان في واحد مصر يبي ياخذها تقدم لي 3 مرات وكل مره اهلي يقولون له تبي تخلص دراسه وصار ينتظر بنات ساعدوني كيف انسي نفسي شعوري بالندم على رفضي (مـ) صار لي سنه وشوي من عقدت وللحين اتحسف اني رفضت (مــ) بنات قولولي ان شعوري هذا غلط ....؟
بنات متضايقه وواسووني احتاجكم بليز...
تخيلو من كثر الضيق دموعي مب راضيه توقف.. انتظر رددوردكم ياعسل...

memo90
17/03/2008, 08:53 AM
نصيحة مني ......... اختاري (م) صدقيني دام من البداية اسلووب اهل ( هـــ ) معاج جذي عيل راح تتعبين بعدين واااااااااايد .. بعدين ( م ) يناسبج اكثر ... و اخته ما شاء الله مبين عليها حبوبه و امه بعد .. هذي عشرة عمر لا تطوفين (م) عليج .. و سوي استخارة و ادعي الله اللي فيه الخير يكون من نصيبج

صوت نبضي
17/03/2008, 09:02 AM
حبيبتي انا مع memo90 اختاري (م )
بس استخيري أول ولو ارتحتي توكلي على الله
لا يضيع الولد من يدك

بالتوفيق غاليتي
اختك
نبض

ريماس قمر
17/03/2008, 09:06 AM
أختي انا من رائيي انو تختارين( م) لانو راح ترتاحين نفسيا لانو لو فكرتي تاخذين (هـ)مراح تحسين بسعاده حتى لو حسيتي فيها مراح تتهني مع اهل زوجك لانهم مو مثل ما تبين

KOKETA
17/03/2008, 09:20 AM
مرحبا



أولا واخييرا استخييري

واللي الله يشوف انه الخير لك راح يربطك فيه,,


لأن لوعلينا كلناا راح نقوولك اختاري (مـ)



تقبـ مروري ـلي(f)

المميـزه
17/03/2008, 09:24 AM
مشكورين ياعمري عالردود الطيبه مروركم اسعدني
حبيباتي فهمتو الموضوع غلط انا خلاص ملجت الحين بس للحين متندمه اني تركت (مــ) مع العلم ان خطيبي (هـ) وايد وايد طيب معاي ويحبني واحبه بس شوي عنيد بس احس اني ضيعت علي فرصة العمر ودايما يجيني هالشعور وحتى لما وافقت على (هـ) كنت حاسه ابي بضيع على نفسي فرصه لأن (مـ) اهله روعه بس (هـ) يبيني من زمان وخفت اكسر قلبه و انا بصراحه كنت متعلقه فيه من كلام اخته انه يبيني وانه تقدم اكثر من مره انتو بنات وتعرفون شعور البنت لما يكون واحد مصر يياخذها بنات انا خلاص عقدت قراني على (هـ) من سنه ونص بس للحين تجيبني افكار استغفر الله

عروس دبي 2008
17/03/2008, 09:25 AM
الله يوفقج حبيبتي وان شاء الله يكون اختيارج اوكي
والله راضي عليه
لا تندمين على شيء الله يسر موضوعج فيه
حطي (هـ) في عيونج
وانسي (مـ) لانه خلاص ماضي

الله يوفقج حبيبتي

المميـزه
17/03/2008, 09:29 AM
نصيحة مني ......... اختاري (م) صدقيني دام من البداية اسلووب اهل ( هـــ ) معاج جذي عيل راح تتعبين بعدين واااااااااايد .. بعدين ( م ) يناسبج اكثر ... و اخته ما شاء الله مبين عليها حبوبه و امه بعد .. هذي عشرة عمر لا تطوفين (م) عليج .. و سوي استخارة و ادعي الله اللي فيه الخير يكون من نصيبج

فعلا اخته رائعه بس خلاص حبيتي انا عقدت على (هـ) من سنه وشوي بس الحين احس بالندم بعض الاحيان مشكوره حياتي على مرورج اسعدني يالغاليه انا مضايقني الشعور اللي احس فيه مابي احس فيه

المميـزه
17/03/2008, 09:30 AM
أختي انا من رائيي انو تختارين( م) لانو راح ترتاحين نفسيا لانو لو فكرتي تاخذين (هـ)مراح تحسين بسعاده حتى لو حسيتي فيها مراح تتهني مع اهل زوجك لانهم مو مثل ما تبين

خلاص حبيتي انا عقدت على (هـ) من سنه وشوي بس الحين احس بالندم بعض الاحيان مشكوره حياتي على مرورجانا مضايقني الشعور اللي احس فيه مابي احس فيه

المميـزه
17/03/2008, 09:32 AM
مرحبا



أولا واخييرا استخييري

واللي الله يشوف انه الخير لك راح يربطك فيه,,


لأن لوعلينا كلناا راح نقوولك اختاري (مـ)



تقبـ مروري ـلي(f)


انا كان قلبي يقولي (هـ) بس عقلي يقولي (مـ) خفت اخذ (مـ) واظلمه معاي لما افكر في (هـ) بس ماتوقعت اني لما اخذ (هـ) بظلمه معاي يعني ماتوقعت ببقى اذكر (مـ) الى هالوقت بنات انا زواجي قريب

المميـزه
17/03/2008, 09:33 AM
الله يوفقج حبيبتي وان شاء الله يكون اختيارج اوكي
والله راضي عليه
لا تندمين على شيء الله يسر موضوعج فيه
حطي (هـ) في عيونج
وانسي (مـ) لانه خلاص ماضي

الله يوفقج حبيبتي

تسلمي حبيبتي ردج ريحني الله ييحفظج يالغلا

صمتي عذاب
17/03/2008, 09:48 AM
اختي شعور الندم لي الحين معاج لان انتي قاعده تسوين مقارنات بين الاثنين
حاولي تنسين ( مـ) وانا اعتقد ان من السهل تنسينه لان من اصل مابينكم شي علشان تظلين تفكرين فيه وتسوين مقارنات بينه وبين خطيبج واحد تقدم لك وماصار نصيب خلاص :)
مافي واحد مافيه عيوب وانتي على كلامج ان خطيبج يحبج ويموت فيج
خلاص حطيه في عيونج وسالفه العناد شوي شوي بتغير وانتي حاولي تكسبيه وتكسبي اهله
وهذي الشي الله كاتبه لج يعني الله كاتب لج ان انتي تاخذين (هـ)
الله يوفقج حبيبتي:)

نونهـ
17/03/2008, 09:56 AM
حياتي حاولي تنسين ( م)
بالذات انك مملكه
تبين تتطلقين عشان ياخذك ( م)
ماتدرين وش يصير حزتها
يمكن ( م )
لاقدر الله يموت ( الموت حق ) أو حط براسه وحده أو أو
يعني بالله بعد الطلاق بتروحين تقولين لصديقتك تعالو خطبوني تطلقت!!!
صعبه
المجتمع مايرحم المطلقه والله مايرحمها أنا وحده منهم
ماأبي أدخل بالتفاصيل
بس أبيك تنظرين للبعيد لاتطلقتي
مايجي ببالك إنو يمكن عمات ( م) أو خالاته أو أو أو أيا كانت صلة القرابه
مايأثرون برأيه أو رأي أهله
أقل شي حيقولون هذي مطلقه !!
والبنات تارسين البلد

فكري زين ولاتندمين عشان مشاعر مختلطه كانت سابقه راح وقتها
زواجك قرب فكري بزوجك الي يحبك وشاريك
الله يوفقك

المميـزه
17/03/2008, 10:10 AM
اختي شعور الندم لي الحين معاج لان انتي قاعده تسوين مقارنات بين الاثنين
حاولي تنسين ( مـ) وانا اعتقد ان من السهل تنسينه لان من اصل مابينكم شي علشان تظلين تفكرين فيه وتسوين مقارنات بينه وبين خطيبج واحد تقدم لك وماصار نصيب خلاص :)
مافي واحد مافيه عيوب وانتي على كلامج ان خطيبج يحبج ويموت فيج
خلاص حطيه في عيونج وسالفه العناد شوي شوي بتغير وانتي حاولي تكسبيه وتكسبي اهله
وهذي الشي الله كاتبه لج يعني الله كاتب لج ان انتي تاخذين (هـ)
الله يوفقج حبيبتي:)

ياحياتي انتي لاعدمتج كلامج مريح والله متضايقه لأني ضحيت بنفسي عشان (هـ) مابي افكر بهالتفكير انا قاعده احاول اسوي اللي تقولين عليه مشكوره عمري عالرد لاعدمتج

المميـزه
17/03/2008, 10:14 AM
حياتي حاولي تنسين ( م)
بالذات انك مملكه
تبين تتطلقين عشان ياخذك ( م)
ماتدرين وش يصير حزتها
يمكن ( م )
لاقدر الله يموت ( الموت حق ) أو حط براسه وحده أو أو
يعني بالله بعد الطلاق بتروحين تقولين لصديقتك تعالو خطبوني تطلقت!!!
صعبه
المجتمع مايرحم المطلقه والله مايرحمها أنا وحده منهم
ماأبي أدخل بالتفاصيل
بس أبيك تنظرين للبعيد لاتطلقتي
مايجي ببالك إنو يمكن عمات ( م) أو خالاته أو أو أو أيا كانت صلة القرابه
مايأثرون برأيه أو رأي أهله
أقل شي حيقولون هذي مطلقه !!
والبنات تارسين البلد

فكري زين ولاتندمين عشان مشاعر مختلطه كانت سابقه راح وقتها
زواجك قرب فكري بزوجك الي يحبك وشاريك
الله يوفقك


حياتي انتي مشكوره عالنصيحه انشالله افكر دايما بكلامج واحطه ببالي بحفظ كلامج وبكرره على نفسي انتي حاسه فيني...؟ حاسه بالشعور السيء اللي احس فيه قبل الملكه فكرت بقلببي واخذت (هـ) لأني فكرت بقلبي بس الحين عقلي يسيطر علي كلامج حلو ومريح القناعه هي اساس السعاده مابي افكر فيه والله الله العالم بس تجيني مواقف تذكرني مابي اظلم خطيبي وبعدين بالفتره الاخيره احس ان المشاعر بردت بيني وبين خطيبي تعرفي بعض الاحيان تحسين بفتور بينج وبين شريك حياتج مشكوره عمري على مرورك الرائع

fhosani
17/03/2008, 10:23 AM
سوي استخاره وشاوري الناس الأفهم لأن ما خاب من استخار و ما ندم من استشار

الجوكره
17/03/2008, 02:07 PM
خلاص طالما كتبتي كتابك فانسي الثاني وعيشي حياتك
والله يوفقك

المميـزه
17/03/2008, 02:22 PM
خلاص طالما كتبتي كتابك فانسي الثاني وعيشي حياتك
والله يوفقك

تسلمي حبيبتي عالرد ماقصرتي

norahmed
17/03/2008, 02:35 PM
صلي إستخاره واحطي زوجج بعينك لان (م) ماضي ومالك فيه شوفي اللي يحبك ويقدرك

ولو علي اهله اسكنو في مكان بعيد عنه والله يوفقج إن شاءلله

المميـزه
18/03/2008, 09:04 AM
صلي إستخاره واحطي زوجج بعينك لان (م) ماضي ومالك فيه شوفي اللي يحبك ويقدرك

ولو علي اهله اسكنو في مكان بعيد عنه والله يوفقج إن شاءلله

مشكوره عسل عالرد لاعدمتج

ToOoFi
18/03/2008, 09:37 AM
عيشي حياتج مع ريلج الحينة وانسي كل حد

واتمتعي بالحياة الزوجية الياية

والله يوففج

laleeta
18/03/2008, 12:56 PM
حبيبتي ابعدي عنج هالأفكار وترى هذي الشيطان يوسوس لج

انتي فكري عدل واحسبيها صح،،، يعني يمكن م مايحبج نفس حب هـ يمكن مجرد سمع مدح أخته لج وقال بخطبها دام هي وحده زينه يعني مو دافع حب وماتدرين يمكن أمه هي اللي تبيج له ومو هو بنفسه ويمكن بعدين أهله يتغيرون معاج يعني ماسمعتي بمشاكل البنات مع أمهات أزواجهم والمشكله ان قبل الزواج تلاقين الأم هي اللي مختاره البنت حق ولدها وتالي تقعد تسوي مشاكل وياها


الزبده،،، مو شرط اذا أهله طيبين فبيكونون معاج طيبين،، يمكن طيبين بس مع الكنه يصيرون غير من باب الغيره


فخلاص دام خطيبج يحبج انسي الباقي وقولي الحمدلله غيري يبون ذرة حب من أزواجهم


وكل انسان فيه عيب وحتى احنا فينا عيوب


وطبيعي الحين تفكرين بعقلج أكثر لأن بعد الزواج يصير فتور في العلاقه يعني مو معناته راح الحب


ابعدي عنج هالأفكار وركزي على زوجج وشلون تسعدينه وتبنين معاه حياتج


الله يوفقج حبيبتي وان شاء الله أكون أفدتج :)

sss_12
18/03/2008, 04:28 PM
انسي ممممممممممممم م م م انسية ولا عاد تذكرينه من الاساس وعسى ان تكرهو شى وهوا خيرا لكم وعسى ان تحبو شى وهو شر لكم ...
خليكي من الافكار بعدين صدقيني الاهل الي باينين من البداية احسن عشان تعرفين كيف تتعاملين معاهم يعني عارفة الوضع وخطيبك من ثلاث سنوات يبغاكي يعني ممممم ماطلعتي زينه الا يوم خطبكي ه شغل حريم مرت علينا سوالف كثير كذا البنت منطقة ببيت اهلها اذا انخطبت يوووووووو نفسنا فيها ومن هالكلام ولمى تفصل ملكتها كانهم مايعرفونهاااا والله هوة الوحيد الي اختارة لكي واذا انتي وياة مع بعض ليلة العرس وكل شي جاهز وربي مااراد ولا كان لكي قسمة فيه والله مراح تدخلين علية توكلي على الله حق التوكل يعني ارمي الماضي خلاص هذا مدخل من مداخل الشيطان حتى يحزن اولياء الله كذاا ابليس عشان تنشغلين بهالامور وتنسين الرابط والميثاق الغليظ والذكر والاهتمام بامورك الدينيه والي هية اهم وامورك الدنيوية من فرح وسرور وسعادة مع الزوج توكلي على الله يابنت الحلال وانسي م واهلة ماتدرين عنهم الطيبة الخارجية ماتحكم على اي شخص العشرة يمكن اهل ه ينقلبون عسل وتقولين يووووووة وين كان عقلي لمى افكر ربي موكاتبة لكي واذا كاتبة والله راح تاخذييينه لو انتي بالشرق وهوة بالغرب


بشرينااا كثري من الاستغفار والدعاء والاستخارة ستجدين ضالتك باذن الله والبصيرة في امورك

بناتي ياكل حياتي
18/03/2008, 08:17 PM
اختي اسئليني اني

عمتي هي الي خطبتني لولدها وهي الي مدحتني له

والحين مشاكلي مع زوجي كلها سببها عمتي

خليك مع واحد يحبك وشاريك احسن

وعسى ان تكرهوا شيءا وهو خير لكم

بنت البحرينية
18/03/2008, 09:00 PM
استخيري

حــــــ ثبوووتي ـلااااوة ^_^
18/03/2008, 11:26 PM
حرااااااااااام والله حرااام

مااعلييج من الأهل

اخذي اللي انتي تحبيينه وعاارفة انج بترتاااحين وتستاانسيين معااااه

وانااا نصيحتي خلي طيبة هالقلب على جنب شوي

وفكري بنفسج هالفترة هذي ترى مو انانية بل حق لازم تأدينة حق نفسج..

ومن كلاااامج ان في خااطرج وودج تااخذيين (مـ)

ونصيييحة لاتفرطيييين بحياااتج لمجرد انج خاايفة على مشاعر غيرج

اختي في هالمواقف هالأشيا صدقيييييييييييني مابتنفعج

فكري بحياااتج ومستقبلج ومع منووو بتلقين سعاادتج الأبدية معاااه والأنسب لج

وصدقيييييني اي واحد فيهم قررتي ترفضينه بيزعل شوي وهذا شي طبييييييييعي جداا وهذا مودليل على نقص فيه لكن انتي وقلبج واللي اختاااره والأنسب لج,,

وبعدييين بيرضى وماراح يتم طول العمر زعلااااان نوو ويــــــــــــه لاااهو بطفل ولاااهو بعد بروميووو!! هاللي حيييل خايفة على مشااعره ..

خلي هالطيبة الزاايدة اللي تضر ماتنفع عنج..

وهم هو بدوووره راح يلقى له بنت الحلال اللي بتقدر تسعده وهو يسعدها

لاتقدمييين تضحياات في موقعها الغلط ترى بتنهين على حيااتج بإيدج...

وبتظلميين نفسج وهاللي بتااخذينه وانتي مو مقتنعة,,

والله يوفقج انشااءالله ويكتب لج كل اللي فيه الخييير..

تحياااتي,,

حلاااوة (^_^)

مريوم القطريه
19/03/2008, 02:26 AM
ساعات الانسان في حياته تستوي لها اشياء سبحان الله يعني مو هو اللي اختار الشي
بس الشي من عند الله سبحانه وتعالى هو اللي يعرف الشي اللي فيه خير لنا والشي اللي ممكن يضرنا

ونفس ماقالوا لج الاخوات " وعسى ان تكرهوا شي وهو خيرا لكم "

المفروض تستانسين ان خطيبج يحبج ويموت فيج مو من امس الا من زمان وهو اللي اختارج من بين كل البنات مب امه اللي اختارتج يعني ماخذج عن قناااااااعه

الله يسعدج ويوفقج انشالله ويهنيج وافرحي وفرفشي

والمره تقدر اتغير الريال بالعشره والمعامله الحسنه

Om Arawy
19/03/2008, 03:08 AM
اختي اسمعيها وخذيها نصيحة مني
خليكي مع هــ
راح يحطك بعيونه
وماعليكي من مــ و اهله
ترا والله والله لو اخذتي مـ تفكرين بيظلون على حالهم زينيين معاكي
لاااااا يمه بيتغيرون
ومادام هـ يحبك لاتفكرين بالثاني ابد
انا صارت لي كذا والله نفس حالتك يوم خطبني الثاني ترددت وقلت ياليت ماعطيت الاول كلمة
بس الحين انا مخطوبة له ولا غيرت كلمتي والله ماعلي من اهله
والثاني نسيييييييييييته ولا تجيني افكار الحين انو والله حسافة
وانتي بعد والله بتنسينه صدقيني والله فترة وبتنسينه
بتشوفين
بس الحين هالله الله في هــ
خليه بعيونك
ومادامه يحبك اكيد بيحطك بعيونه

مرمر
19/03/2008, 03:24 AM
بالعكس يا اختي شو ضمنك انج لو كنتي خذتي (م) الي اخته تعرف عنك كل سلبياتك و كل ايجابياتك ان تكون حياتك حلوه وياهم ...بالعكس هي تعرف عند كل سلبياتك و ممكن تستخدمها ضدك ...مهما يكون في النهايه هذا الانسان يصير اخوها و لو في يوم من الايام اختلفتي هي بتظل ويا اخوها و لانها تعرف كل شي عنك ممكن تستغل هذي النقطه ...انتي م ما تعرفين عنه شي لو اهله طيبين شو عرفك باخلاقه باسلوبه بكلامه

شيلي هذا الشي من بالج و بدل ما تضيعين وقتك تتحسرين على انسان و لا انتي في باله و بكره راح يتزوج ...ركزي على زوجك و كيف تكسبينه و تحبينه و تيحبج اكثر ....هذي كلها وساوس من الشيطان

و الله يوفقج ان شاء الله

حــــــ ثبوووتي ـلااااوة ^_^
19/03/2008, 03:34 AM
توني منتبهة من الأخوات انك خلاااص ملكتي على (هـ)

بصرااحة ماانتبهت...

واذا انتي وافقتي عليه اللي هو (هـ) اكييد كان في مشاااعر بقلبج له

لاتستهينين فيهااا,,,

وهو مسكيين يحبببج على حد مافهمت من الخوات <<مامداني اقرااا آخر برغرااف ..>>ماعندناا شغااالة T_T

المهم مالكم بقصة حيااتي ^^

اختي مثل ماقالوا لج

واختي حاااولي تفتشيين على الحب بقلبج وثبتييه لأن ساعات الشيطااان يوسوس

ومثل ماقلتلج اختي بردي اللي قبل..

اهم شي انج تكوونين مقتنعة باللي خذتيه وعار فة ان من واجبج تسعدينه مثل ماهو واجبه ان يسعدج طووول العمر

وانشااءالله انج اتخذتي القرااار الصح


ولاااتفكرين بأي اهل

انتي بتتزوجين الولد مو اهله...


والله يكتب لج اللي فيه الخييير


تحياتي (^_^)

المميـزه
19/03/2008, 01:13 PM
أخواتي الغاليات... بالبدايه وقبل كل شي عن جد يعني اشكركم على وقفتكم معاي بمشكلتي صحيح انكم خوات واكثر

المميـزه
19/03/2008, 01:17 PM
عيشي حياتج مع ريلج الحينة وانسي كل حد

واتمتعي بالحياة الزوجية الياية

والله يوففج

مشكوره حبيبتي كلامج عين العقل مرورج على راسي

المميـزه
19/03/2008, 01:22 PM
حبيبتي ابعدي عنج هالأفكار وترى هذي الشيطان يوسوس لج

انتي فكري عدل واحسبيها صح،،، يعني يمكن م مايحبج نفس حب هـ يمكن مجرد سمع مدح أخته لج وقال بخطبها دام هي وحده زينه يعني مو دافع حب وماتدرين يمكن أمه هي اللي تبيج له ومو هو بنفسه ويمكن بعدين أهله يتغيرون معاج يعني ماسمعتي بمشاكل البنات مع أمهات أزواجهم والمشكله ان قبل الزواج تلاقين الأم هي اللي مختاره البنت حق ولدها وتالي تقعد تسوي مشاكل وياها


الزبده،،، مو شرط اذا أهله طيبين فبيكونون معاج طيبين،، يمكن طيبين بس مع الكنه يصيرون غير من باب الغيره


فخلاص دام خطيبج يحبج انسي الباقي وقولي الحمدلله غيري يبون ذرة حب من أزواجهم


وكل انسان فيه عيب وحتى احنا فينا عيوب


وطبيعي الحين تفكرين بعقلج أكثر لأن بعد الزواج يصير فتور في العلاقه يعني مو معناته راح الحب


ابعدي عنج هالأفكار وركزي على زوجج وشلون تسعدينه وتبنين معاه حياتج


الله يوفقج حبيبتي وان شاء الله أكون أفدتج :)

أفديني واجججججججججد بعد ياعسل للأاني عن جد متضايقه ومحتاجه احد يشجعني على خطيبي هـ مسكين مره طيب بس في عناد شوي ونحاسه بس للأسف للحين شوي الشيطان يغلبني بوسواسه مشكوره ردج ريح قلبي لأني ابي احد يخليني ا حس اني ماغلطت باختياري...

المميـزه
19/03/2008, 01:31 PM
انسي ممممممممممممم م م م انسية ولا عاد تذكرينه من الاساس وعسى ان تكرهو شى وهوا خيرا لكم وعسى ان تحبو شى وهو شر لكم ...
خليكي من الافكار بعدين صدقيني الاهل الي باينين من البداية احسن عشان تعرفين كيف تتعاملين معاهم يعني عارفة الوضع وخطيبك من ثلاث سنوات يبغاكي يعني ممممم ماطلعتي زينه الا يوم خطبكي ه شغل حريم مرت علينا سوالف كثير كذا البنت منطقة ببيت اهلها اذا انخطبت يوووووووو نفسنا فيها ومن هالكلام ولمى تفصل ملكتها كانهم مايعرفونهاااا والله هوة الوحيد الي اختارة لكي واذا انتي وياة مع بعض ليلة العرس وكل شي جاهز وربي مااراد ولا كان لكي قسمة فيه والله مراح تدخلين علية توكلي على الله حق التوكل يعني ارمي الماضي خلاص هذا مدخل من مداخل الشيطان حتى يحزن اولياء الله كذاا ابليس عشان تنشغلين بهالامور وتنسين الرابط والميثاق الغليظ والذكر والاهتمام بامورك الدينيه والي هية اهم وامورك الدنيوية من فرح وسرور وسعادة مع الزوج توكلي على الله يابنت الحلال وانسي م واهلة ماتدرين عنهم الطيبة الخارجية ماتحكم على اي شخص العشرة يمكن اهل ه ينقلبون عسل وتقولين يووووووة وين كان عقلي لمى افكر ربي موكاتبة لكي واذا كاتبة والله راح تاخذييينه لو انتي بالشرق وهوة بالغرب


بشرينااا كثري من الاستغفار والدعاء والاستخارة ستجدين ضالتك باذن الله والبصيرة في امورك

مشكورررررره ياعسسسل كلامك اكثر من مريح ريحتي قلبي (بس حبيبت اوضح نقطه) ان (مــ) خطبيني قبل لايدري اني بعقد قراني قريب عرفتي يعني حتى اهله كانو خاطبيني رسمي مع (هــ) بنفس الفتره بس (هــ) كان يبيني من زمان والناس ماتدري ان في واحد تقدم لي من قبل يعني حتى مــ وهله مايدرون عرفتي حبيبتي) كانت صفات مــ واهله اقرب لي حتى قبل لا اعقد قراني على هــ وكان مــ مخلص دراسه وماشالله عنده بيت جاهز حق اللي يبي يتزوجها واهله من نفس منطقتنا يعني من المدن وهــ مب مخلص دراسه بس يحبني ومن عيله بعيده شويه عن المدينه اللي ساكنين فيهاعرفتي هذا اكثر شي حاز فيني ان هــ من منطقه بعيده عني بس حسيت حرام اظلم هــ اللي سنين وهو يبيني عرفتي فوافقت على هــ وتركت مــ) مشكوره عمري عردج

المميـزه
19/03/2008, 01:32 PM
اختي اسئليني اني

عمتي هي الي خطبتني لولدها وهي الي مدحتني له

والحين مشاكلي مع زوجي كلها سببها عمتي

خليك مع واحد يحبك وشاريك احسن

وعسى ان تكرهوا شيءا وهو خير لكم

عمري انتي ياعسل الله يخليج لزوجج ويحفظج له يارب ويعمي عنج عيون الحساد
ويشغل عممتج بشي اللي يريح بالها الله يشغل بشي عنج يارب
مشكوره عمرورج ياحياتي وكلامح مريح

المميـزه
19/03/2008, 01:37 PM
ساعات الانسان في حياته تستوي لها اشياء سبحان الله يعني مو هو اللي اختار الشي
بس الشي من عند الله سبحانه وتعالى هو اللي يعرف الشي اللي فيه خير لنا والشي اللي ممكن يضرنا

ونفس ماقالوا لج الاخوات " وعسى ان تكرهوا شي وهو خيرا لكم "

المفروض تستانسين ان خطيبج يحبج ويموت فيج مو من امس الا من زمان وهو اللي اختارج من بين كل البنات مب امه اللي اختارتج يعني ماخذج عن قناااااااعه

الله يسعدج ويوفقج انشالله ويهنيج وافرحي وفرفشي

والمره تقدر اتغير الريال بالعشره والمعامله الحسنه

تسلمين ياعمري عالرد الرووووعه الرد المريح مشكورررررره غلاتي كلامج مريح يابعد كلي
الله يحفظج ويعطيج سعادة الدارين

المميـزه
19/03/2008, 01:40 PM
توني منتبهة من الأخوات انك خلاااص ملكتي على (هـ)

بصرااحة ماانتبهت...

واذا انتي وافقتي عليه اللي هو (هـ) اكييد كان في مشاااعر بقلبج له

لاتستهينين فيهااا,,,

وهو مسكيين يحبببج على حد مافهمت من الخوات <<مامداني اقرااا آخر برغرااف ..>>ماعندناا شغااالة T_T

المهم مالكم بقصة حيااتي ^^

اختي مثل ماقالوا لج

واختي حاااولي تفتشيين على الحب بقلبج وثبتييه لأن ساعات الشيطااان يوسوس

ومثل ماقلتلج اختي بردي اللي قبل..

اهم شي انج تكوونين مقتنعة باللي خذتيه وعار فة ان من واجبج تسعدينه مثل ماهو واجبه ان يسعدج طووول العمر

وانشااءالله انج اتخذتي القرااار الصح


ولاااتفكرين بأي اهل

انتي بتتزوجين الولد مو اهله...


والله يكتب لج اللي فيه الخييير


تحياتي (^_^)


مشكوره غلاتي عالرد لاعدمتج وردتي
ياحياتي انتي انا عارفه ان كلامج صح يمكن استعجلت في خطوبتي بس اهم شي اني مره مره احب هــ واموت فيه بس كنت ابي مــ بس عشان عيلته واسمهم لأنهم ن الكبار عندنا بالمنطقه
الحمدالله على كتبة ربي ماقصرتي كلامج مريح يابعد كلي....

♥بنوته زايد UAE♥
19/03/2008, 01:57 PM
خلي عنج (م) وانسيه وحطي بالج ع انسان يحبج الي هو (هـ) ..

أم سلمان الحلو
19/03/2008, 02:07 PM
السلام عليكم و رحمة الله تعالى و بركاته،

والله يا حبيبتي شنقول لج ... هذه أرزاق و كل واحد ياخذ رزقه إللي رب العالمين كاتبه له .. و (هـ) هو إلل ربج مقدره لج .. و مدام إنتي ألحين زوجته فمو من حقج تفكرين بأي أحد ثاي أبداً .. و سالفة لو كنت ماخذته و لو كنت موافقة عليه .. ترى هذه (لو) إللي يقولن عنها من عمل الشيطان .. و إنتي ما شاء الله عليج مبين عاقلة و أنا حسيت إنج تسألينا و إنتي عارفة الجواب .. بس عشان أساعدج إن تتصبرين على أي مشاكل طفيفة من هاللي قاعدة تصير لج بقول لج إنتي ما تعلمين الغيب .. ما عليج من أهل (م) الحليوين و أهل (هـ) إللي مو مثل ما إنتي تحبين .. عليج من زوجك الحالي .. شخص شاريج و يبيج و إنتي وافقتي عليه عشان أكيد طيب أخلاقه و لأن وجدتي القبول في نفسج تجاهه و مثل ما قلت لج ما تعلمين الغيب يمكن لو أخذتي (م) كنتي بتنصدمين بأشياء ثانيو و بتواجهين مشاكل ثانية .. يمكن كنتي بتحطين مشكلتج هني و بتقولينها بالعكس .. يمكن كنتي تقولين وافقت على (م) و رغم إن أهله طيبين و يحبوني بس ما أعرف ليش هو ما يعاملني زين أو حاسة إنه ما يحبني مثل ما أنا أحبه أو مو ملهوف علي مثل ما (هـ ) كان ملهوف علي أو أي مشكلة ثانية .. ترى حبيبتي البيوت ما تخلى من المشاكل بس الله ساتر على عباده و الواحد يتغاضى عشان المركب تمشي و حاولي و رب العالمين بيوفقج إن شاء الله

sss_12
20/03/2008, 12:57 AM
المميزة اسمعيني زين لو اجتمعتي كثير من المتزوجات الي جانب بيوت اهليهم والي يكونون قراب راح تشوفين النتايج عملي كل ماصرتي قريبة كل ماصرتي انسانه عادية اوكية في حب اهتمام لكن بعد يمكن ان زوجك مايخليكي تروخ=حين لهم يضايق ومشاكل ولا عاد تروحين الا بطلاع الروح او زعلة ووووووووووووووووو لو كنتي قريبة ماتشوفيهم يعني


يمكن انتي وبعيدة تشوفيهم وتتواصلين معاهم احسن من القرااااااااااااااااااب والله الي ربي بيكته بيجي


واستخيري وافرحي بعمرك وانسي ممم خلاص قصة وراحت وارواح وناس كثير راحو لو الله كاتب بصحيفة اعمالك او حياتك كاتب بتاخذين مم صدقيني ليصير الملكة على ه ويتم كل شي وتتفركش بثواني لان الي مكتوب لكي م والعكس صحيييح


اعلمي الي يحصل لكي قدر الله وكتبة قبل لايخلقكي

اماني ضايعه
20/03/2008, 11:22 PM
انا من راى تختارى م ولكن لاتنسى الاستخاره

المميـزه
22/03/2008, 08:00 AM
خلي عنج (م) وانسيه وحطي بالج ع انسان يحبج الي هو (هـ) ..

مشكوره عسل عالرد واهتمامج ياحياتي انتي

المميـزه
22/03/2008, 08:05 AM
السلام عليكم و رحمة الله تعالى و بركاته،

والله يا حبيبتي شنقول لج ... هذه أرزاق و كل واحد ياخذ رزقه إللي رب العالمين كاتبه له .. و (هـ) هو إلل ربج مقدره لج .. و مدام إنتي ألحين زوجته فمو من حقج تفكرين بأي أحد ثاي أبداً .. و سالفة لو كنت ماخذته و لو كنت موافقة عليه .. ترى هذه (لو) إللي يقولن عنها من عمل الشيطان .. و إنتي ما شاء الله عليج مبين عاقلة و أنا حسيت إنج تسألينا و إنتي عارفة الجواب .. بس عشان أساعدج إن تتصبرين على أي مشاكل طفيفة من هاللي قاعدة تصير لج بقول لج إنتي ما تعلمين الغيب .. ما عليج من أهل (م) الحليوين و أهل (هـ) إللي مو مثل ما إنتي تحبين .. عليج من زوجك الحالي .. شخص شاريج و يبيج و إنتي وافقتي عليه عشان أكيد طيب أخلاقه و لأن وجدتي القبول في نفسج تجاهه و مثل ما قلت لج ما تعلمين الغيب يمكن لو أخذتي (م) كنتي بتنصدمين بأشياء ثانيو و بتواجهين مشاكل ثانية .. يمكن كنتي بتحطين مشكلتج هني و بتقولينها بالعكس .. يمكن كنتي تقولين وافقت على (م) و رغم إن أهله طيبين و يحبوني بس ما أعرف ليش هو ما يعاملني زين أو حاسة إنه ما يحبني مثل ما أنا أحبه أو مو ملهوف علي مثل ما (هـ ) كان ملهوف علي أو أي مشكلة ثانية .. ترى حبيبتي البيوت ما تخلى من المشاكل بس الله ساتر على عباده و الواحد يتغاضى عشان المركب تمشي و حاولي و رب العالمين بيوفقج إن شاء الله



واااااااااااااااااااااااا و وااااااااااااااااااو ابدعتي ياحياتي بالحكم اللي قللتيها انا محتاجه مثل هالكلام لأن مشاعري مثل المتذبذبه تجاه الزوواج ومثل اللي متخوفه ياحياتي انتي شكلج انسانه مريحه للغايه الله يوفقج ويخليج للي تحبين ويخليهم لج يالغلا
مشاعري مختلطه تجاه الزواج زواجي قريب وانا مره مره خايفه الله يسهل علي وعليج ويقضي حوايجتج... مشكوره عالكلام ياغلاتي

المميـزه
22/03/2008, 08:07 AM
المميزة اسمعيني زين لو اجتمعتي كثير من المتزوجات الي جانب بيوت اهليهم والي يكونون قراب راح تشوفين النتايج عملي كل ماصرتي قريبة كل ماصرتي انسانه عادية اوكية في حب اهتمام لكن بعد يمكن ان زوجك مايخليكي تروخ=حين لهم يضايق ومشاكل ولا عاد تروحين الا بطلاع الروح او زعلة ووووووووووووووووو لو كنتي قريبة ماتشوفيهم يعني


يمكن انتي وبعيدة تشوفيهم وتتواصلين معاهم احسن من القرااااااااااااااااااب والله الي ربي بيكته بيجي


واستخيري وافرحي بعمرك وانسي ممم خلاص قصة وراحت وارواح وناس كثير راحو لو الله كاتب بصحيفة اعمالك او حياتك كاتب بتاخذين مم صدقيني ليصير الملكة على ه ويتم كل شي وتتفركش بثواني لان الي مكتوب لكي م والعكس صحيييح


اعلمي الي يحصل لكي قدر الله وكتبة قبل لايخلقكي


مشكوره غلاتي عالرد والكلام الحلو والمقنع... الله يخليج للي تحبيين ياحياتي مشكوره عالاهتمام
اختك المميــزه

المميـزه
22/03/2008, 08:09 AM
انا من راى تختارى م ولكن لاتنسى الاستخاره

حبيبتي انا خلاص كتبت كتابي على هــ من زمان بس كتبت مشاعر مختلطه احس فيها قبل الزواج حياتي انا زواجي بنص شهر 5, 2008 مشكوره غاليتي عالرد