المساعد الشخصي الرقمي

مشاهدة النسخة كاملة : تزوجت...وانصدمت بزوحي في شهر العسل



شيخة الخليج
10/03/2008, 11:52 PM
مرحبا......
بحكيلكم معاناتي وانا عروس جديدة اولا انا عمري 21 وهو 33 متعلمة والحمدلله حلوة وانخطبت وايد قبل بس ما حصل نصيب

وهو واحد منهم وكنت دائمما ارفضه وبعد سنه وافقت شفته مصر ومتعلق فيني ع فكرة هو يقربلي المهم...

ايام الخطوبة والملكة كانت خيالية مليانة رومانسية وحب وكان يبكي اذا انا زعلت وماينام الا من يكلمني 3-4 ساعات ويرسلي اغلى الهدايا بس كنت ماسكة عليه كم غلطة لكن قلت كلنا نغلط ومن ضمن اغلاطه وسياءته التملك وفرض الراي

تخيلوا يوم عرسي اتصلبي يهاوشني ينازعني ليش قلت لاهلي وين بنقضي اول ليلة تخيلوا المهم تزوجنا وعقب يومين سافرنا

خلال شهر العسل كان عصبي شوي بس رومانسي حيييييل ومايرفضلي طلب وللامانة الى اليوم ما يردني اذا طلبته -غالبا مش دائما

ومن ردينا رحنا نزور اهله تصدقون كان يخليني في بيت اهله وانا توني جديدة ويروح يسهر مع ربعه ويجيني اخر الليل واحنا شهر ما كملنا

حملت بسرعة وردة فعله كانت بايخة ولا حتى طالع فيني وكنت اتعب في الشهور الاولى واترجاه يجيبلي خدامه يقولي لو تنطبق السماء بالارض ما اجيبلك

قلتله اريد اولد بمستشفى خاص قالي انتي متكبرة وماراح تربي بمستشفى خاص

ومرة طلعت اتغدى مع اهلي في بيتهم لانه قالي ما اريد غدى تصدقون ما جاء ياخذني من بيت اهلي لمدة 9 ايام ويوم توفى حد من اهله اتصلبي 26 مرة يريدني اكون جمبه وما قصرت

غير انه اتهم الوالد وقال امك تعلمك تكرهين زوجك وهله مع العلم مافي ام بتهدم بيت بنتها وامي طيبة الدنيا فيها

والحين من يدخل ينام يقولي لا تلمسيني انا تعبان ولما اكلمه والله ما يرد علي ما ينتبهلي
للاسف امه وخواته تدخلوا بحياتنا وزرعوا صورة سلبية فيه بس الزوج اللي يحب زوجته ما يأثر عليه من يكون

مرات يجيني ويبوسني ويدلعني ومرات ما يهتم لوجودي

ما يحب طريقتي يالاكل ولا لبسي حتى البنطلون ما يخليني البسه تحت العباية مع العلم هو كان دايما يمدح لبسي في ايام الخطوبة وانا ما كنت البس عباية وصدقوني انا متحجبة ولا لبست اللي يشف او يبين الجسم

بغيت اطلق بس قلت ليش اظلم الولد ساعدوني هذي مب عيشة اريد زوجي الاول ارد احس اني عروس متزوجة واذا ع اللبس في البيت البسله القصير واطبخله والعصر اسويله كوفي وسويت واتعطر وابخر بيتي

ما اشوف اني مقصره معاه حرام اللي يسويه والله شو الحلمن تزوجنا ما جابلي هدية حتى ع الحمال ما جابلي هدية ويقولي من تولدين بتقعدي في بيتك ما تروحين لاهلك في وحدة مربية ما تروح بيت امها

ايش اسوي اتركه

فـــــــــوفــو
11/03/2008, 12:05 AM
اول شي اختي تعوذي من ابليس ولاتخلي لشيطان مدخل

ثاني شي حاولي تجهزين عشا حلو وتلبسين لبس حلو

ماعمره شافه عليك وكلميه باأسلوب هادي وحلو ودلع

وقولي له ياعمري ليه متغير علي وش الشي اللي انا

مقصره فيه واسمع كلامه ولاتقاطعينه خليه يحكي

وخليك مستمعه وحاولي تشوفين وش مقصره فيه

مادام انه كريم وحبيب وكان طيب معاك في

امل يرجع زي ماكان وغيري من شكلك

ترى الرجل ملول يعني قصي غيري

طريقة الميك اب واسمعي كلامه


في الحجاب لانه يحبك ولومايحبك ماغار

عليك

بعدين الحي بالدعاء سهام الليل لاتخطئ ابدا"

حبيبتي واطلبي من الله انه يسخره لك ويسخرك

له ويصلح حالكم ان شالله

فـــــــــوفــو
11/03/2008, 12:07 AM
ونسيت اقولك ترى مافيه بيت مايخلى من المشاكل ولو كل مشكله بتواجهنا

بنطلب الطلاق كان مافيه وحده قعدت في بيتها واحمدي ربك انها مو خيانه

ولاتزوج عليك مصيبتك اهون من مصايب غيرك وطالعي بلي حولك واقري

وشوفي مشاكل البنات وتهون عليك مصيبتك والله يسخر لك ويسخر لنا يارب

ويحنن قلوبهم علينا تقبلي تحياتي

شيخة الخليج
11/03/2008, 12:14 AM
تسلمين يا الغالية وصدقيني انا كل يوم ابتكر طبخة وكل ما اقوله شي يقولي غلطانه وما يسمعني ويقولي دقي راسك بالحيط اذا مو عاجبك يحبني متأكدة من هاشي بس بطريقة مريضة والله تعبت منه

حلاوة الاحساس
11/03/2008, 12:22 AM
على ما يقول المصريين خروج الحمام مش زي دخوله وانتي بكرامه طبعا والزواج مكرم بعد
وانا اقول طولي انفسك معه شكل زوجك يحبك وحنون ورومنسي زي ما قلتي لاتخسرينه سوي زي ما قالت الاخت جلسي معه وشوفي الي يبي ولكسبيه يمكن مضايق من حملك انتي اشرحيله الوضع لازم يعرف انه الزواج فيه عيال موبس دلع ورومنسيه وناسه يمكن يقتنع والله يوفقك اختي وخلي الطلاق بعيد عنكم لاتجيبين طاريه قدامه عشان ما تسيرين رخيصه عنده

شيخة الخليج
11/03/2008, 12:37 AM
احبه وادري انه يحبني بس كانه مو حاس بالمسوؤليه صاير كال ويكند -نهاية اسبوع يروح منطقه اهله اريد اغيره بس

عشان ما اظلمه هو تغير صار احسن من الاول بكثير بس انا اريده يتحسن ويحس اكثر

ToOoFi
11/03/2008, 12:40 AM
والله عجب

اللي يقرى هالمشاكل يشيب شعر راسه!!!!!!!!!!!


ردي بيكون سلبي عليج وما راح ينفعج لأني لو كنت بدالج بتصرف تصرف ثاني


الله يهديج يا رب ويهدي ريلج ويقربكم لبعض

دلوعة..
11/03/2008, 01:10 AM
وياغ ـاليتي

بقولكـ حاجهـ من حياتي أنا مو أحد متزوجهـ لي 6سنوات وربي ماتمم حملي الا بعد 4سنوات ورزقني ببنوتهـ
تصدقين زوجي الحين يتضايق من بنوتي ولا وده أنها تزعج حتى رفيجاتي يقولون زوجكـ غريب كان يشيل بنتكـ من الآرض وطلباتها يجلس بعد ويش ينفذهاا وحاجياتها وكل فترة يقول متى ببترك البامبرز والحليب تخيلي
الرجاجيل من جد مخلوقات غريبهـ وربي حاجهـ تملل بس ماعليكـ ربي فوقكـ
الدعاء سهام الليل لاتخطئ ابدا"
حبيبتي واطلبي من الله انه يسخره لك ويسخرك
له ويصلح حالكم ان شالله
وقبل ماتطلبين منهـ شيء قولي هالدع ـاء

"وجعلنا من بين أيديهم سداً ومن خلفهم سداً فأغشيناهم فهم لايبصرون"

روح الحور
11/03/2008, 01:31 AM
الله يلوم الي يلومش بس ماراح اقول لش هدمي حياتك خصوصا ان في بيبي في الطريق صبري وخلي اتكالك على الله وماراح تندمين قلوبنا معاكي نتمنى يتغير زوجك للاحسن وتعيشون في سعادة

اسيل!
11/03/2008, 01:38 AM
عزيزتي دامه طيب معاك احمدي ربك

الحياة يبيلها صبر مو اي مشكله تقولين ابي الطلاف ماااااااايصير وحرام عليك

انا عشت مع زوجي عشر سنين مافهمنا بعض بعدها بدييييييييت افهمه زين

انت من بيئة وهو من بيئه ثانيه صعب تتكيفو مع بعض على طووول

نصيحه لكـــــــــــــــــــــــ ــــــــ

اذا هو شد انت ارخي الحبل حتى ماينقطع علييييييييك

واحنا جاهزين لحل اي مشكلة عندك

فـــــــــوفــو
11/03/2008, 02:46 AM
حبيبتي الصبر الصبر الصبر من صبر ضفر ويوصل لمبتغاه والدعااااااااء

وكل وحده مننا تعاني زي ماقلت لك مادام زوجك عيبه بسيط

بيتغير وترى النفسيه لها دور يمكن ماكان متهيئ نفسيا

لتحمل مسؤليه بيبي انتي رغبي بهالشي

قولي له تعالي حبيبي شوف البيبي بدى يتحرك

وقولي له ياربي احسه بيطلع يشبهك

وياااالله تخيل وانت رايح لربعك وهو معاك

ياااي بيطلع مره شكلك حلو ومن هالحكي رغبيه في النونوو

وبالنسبه للاالفاظ كل الازواج اذا زعلو طلعو من طورهم وقالو حكي يزعل

حبيبتي عند الغضب الواحد ممكن يقتل يعني كلام خليك ساكته

ولاتشدين معاه بالحكي اذا هدى روحي له وقولي حبيبي انت انسان متعلم

وراقي ومثقف ماحبك تقولي هالكلام تراه يزعلني وان شالله ربي يهديه لك

ساره 2011
11/03/2008, 04:12 AM
الله يهديه ويصلح حاله وترجع الامور بينكم مثل قبل واحسن...

lolo touch
11/03/2008, 05:24 AM
حبيبتي الله يصلحه ان شاء الله
وبعدين ترا انتم توكم بادين حياتكم وماتعرفتوا على بعض واكيد يبيلك سنين عشان تفهمينه
بس لازم تطولين بالك وتصبرين
لان مثل ماقلتي انك تحبينه وهو يحبك... الله لا يغير عليكم...
بس ترا والله الحياه الزوجيه مو سهله ولازم الزوجه تضحي وتحافظ على بيتها
انا ما اقول انك تلغين كرامتك بس اذا عصب عليك وقال لك كم كلمه اجرحتك اصبري وامسكي اعصابك واسكتي وكوني ذكيه ولاتتهورين وتردين عليه( اسألي مجرب...انا صار لي سنه ونص متزوجه..يعني مو اكثر منك بواجد ومريت بأشاء مثلك )
بس الوحده الذكيه تعرف كيف تختار الوقت المناسب اللي تكلم زوجها فيه وتعرف كيف تأخذ حقها وبهدوء
انا عن نفسي اذا زعلني زوجي اكتب له رساله اعاتبه فيها بس اخلي اسلوبها رومانسي حتى لو ماكنت طايقته ذيك الساعه واكتب اللي بخاطري
وصدقيني ثاني يوم بيصالحك وبيتأسف ما دام قلتي انه رومانسي
وصدقيني حتى اللي مو رومانسي تقدر الزوجه بأسلوبها تخليه رومانسي مع مرور الايام
بس اهم شي انك دايما تعاملينه بأسلوب محترم عشان يعاملك بنفس الاسلوب
والله يوقفكم

أم شيووخ
11/03/2008, 06:42 AM
الله يهديه ويصلح حاله وترجع الامور بينكم مثل قبل واحسن...

شيخة الخليج
11/03/2008, 11:14 AM
اشكركم خواتي والله كل ما ارد واقرأردودكم احس اني اصير اقوى من الاول البارحة بليل استأذن مني قبل لا يطلع وما وصل الباب وغير راييه قالي ما اقدر اخليك بهالوقت مشكورات خواتي

غدووورة
11/03/2008, 01:39 PM
لو انا عنج
والله ما قعدت معاه ولا دقيقة

اروح بيت اهلي اعيش هناك معززة مكرمة ولا هالاهانه

حبيبتي هو ماخذج من بيت ناس وماله حق يعاملج معامله الخدم
هو ما ماخذج من الشوارع بسم الله عليج

rose_rose7788
11/03/2008, 01:49 PM
ما لج غير الصبر اختي ... وحاولي معاه بكل الطرق والحمد لله انه يحبج ومو معقوووولة دايما بيرفض لج طلباتج

كثر الدق يفج اللحام

والله يكون في عون الجميع

***ام دلع***
11/03/2008, 02:09 PM
ما انا هذا ريال عديم نفع اسمحيلي هذا حقير لدرجه كبيره ماعني ماشفته بس كرهته من هوا عشان يعاملك كذي حتى لو ريلك انتي زوجته لو هوا مش جد هذي الموضيع ليش تزوج
اختي الف واحد يتمناك من قهري ما اعرف شو اقولك
الله يهديه ويكبر عقله

عنفوان أنثى
11/03/2008, 07:56 PM
الله يــرده لج مثـل اول واحسـن ياااااااااااااااااااااااا ااااااااااااااااااااارب

بسمـة أمـل
11/03/2008, 08:04 PM
أختي ادعي له الله يهديه ويرجع لك كما كان

ولا تفكري تطلبي الطلاق أبدا لأن ابنك ما عنده ذنب

وان شاء الله يرجع كما كان و أحسن

dody mody
11/03/2008, 08:21 PM
ربنا يهدى سرك

إدعى حبيبتى .. ربنا يسخرلك زوجك ويهديه

قصة حب!
11/03/2008, 08:27 PM
الله يعينج،،، الله يعينج،،، ويحل مشكلتج

لو أنا مكانج بصرخ وبتصرف تصرفات جداً سيئة!!!

بس في نفس الوقت لازم تعرفين أساس المشكلة... ليش متغير جيه

هل هو الحمل؟؟؟ هل هناك من يوزه أمه, أبوه، خواته، إخوانه (عافانا الله هالأيام الحموان ما يخافون على أعراض إخوانهم)،،، أو حتى ربعه!! أو يمكن تكون أشياء ثانية مثل ردة فعل سابقة منج له وأنتي ناسية الموضوع...

خلاصة كلامي دوري العلة وحاولي تحلينها "إذا عرف السبب، بطل العجب"

ولاتنسين الدعاء والاستغفار...

حرم السمو
11/03/2008, 09:00 PM
اول سنة زواج صعبة بس الصبر زين وانا اختك .

أم سلمان الحلو
12/03/2008, 10:04 AM
السلام عليكم و رحمة الله تعالى و بركاته،

أقول لج شي بصراحة ... مبين إن إنتي هرمونات الحمل مأثرة عليج شوي و مخليتج مو قادرة تتصبرين عليه .. مو قصدي أقلل من قدر مشاكلج إللي تكلمتي عنها .. هي أكيد أشياء و مواقف مزعجة بس بصراحة ما في بيت يخلى من المشاكل و الإضطرابات .. بس إنتي هونيها و تهون ...

يعني لو ما كان زوجك يحبك و لو ما كانت له مواقفة الرومانسية الحلوة معاج و لو ما كنتي إنتي بعد تحبينه و تقدرينة جان بنقول فيها كلام ثاني .. بس الصراحة إللي أشوفه إن إنتي تحبينه و هو يحبك .. إذا كان على بعض الأخطاء البسيطة إللي ذكرتيها .. فمن ما يغلط؟؟ إحنا بشر و كلنا معرضين للغلط

و في رجال ما يحبون الأطفال .. حاولي تتقبلين الأمر بصدر رحب .. بس مو معناته إن لما شاف ولده أو بنته ما بيحن قلبه عليهم ...بتشوفينه يبتسم لهم و يكلمهم جملة جملتين على الماشي و بيحرص على إن يتعلمون أفضل تعليم و بيتألم لما يشوفهم مرضى لا قدر الله و يبي يسمع عنهم كل خير بس هذا حده معاهم .. يعني لا تتوقعين منه أكثر الظاهر و الله أعلم إن زوجك من هذا النوع .. و يمكن ما يكون من هذا النوع يمكن لين شاف ولده أو بنته يحس بالحب و الحنان له و يرق قلبه و يهتم فيهم أكثر بس إذا شفتي إهتمامه قليل لا تزعلين لأن مثل ما قلت لج بعض الرجال ما يحبون الأطفال و لا يعرفون لهم .. و المرأة بطبيعتها عندها غريزة أمومة لكن الرجال ما في شي إسمه غريزة أبوة .. في بعض الحب و الحنان يتولد عنده لما يشوف أبنائه قدام عيونه

الخلاصة .. هونيها و تهون و لا تخلين إبليس يكبر الأمور في راسج .. و الله يهديكم و يستر عليكم و يسخركم لبعض و يرزقكم بالذرية الصالحة يا رب

احلامي خيال
12/03/2008, 02:43 PM
allah ysabrk wtirja3 lomor a7san mithl l2awil

Om Arawy
12/03/2008, 08:10 PM
الله يصبرج
حبيبتي انتي اهون من غيرج
قريبتي وهي مثل اختي عشنا مع بعض
ماخذت الا سنة من تزوجت والحين حياتها جحييييييييييييييييم
والله انها بس يطلع زوجها يروح الدوام الا وتدق علي وتصيح تقول ابي اموت ما اتحمله يعاملها مثل مايعامل الحيوان
وعايشة بغربة
والحين ولدت من شهرين

والمشكلة انه يقرب لنا >>يعني يقرب لها

على ايش كل هذا
انه يبيها تطلع من التخصص اللي هي تدرس فيه مع انه وقت العقد قال ماعنده مانع وانه يشجعها على هالشي
والحين قال لها اذا ماطلعتي بعذبج وبطفشج بقووووووووة
وقلت لها اطلعي اذا يستاهل
تقول ادري انه ما بيتغير ما ابي اطلع وهو ما يستاهل اخسر دراستي واخسر حياتي
تقول
بكرا اطلع ويقطني ولا يدري عني واتحسر طول عمري

المهم حبيبتي ادري غثيتج وطولت عليج
بس واضح ان زوجج يحبج الله يدوم المحبة يااااااارب ويبعد عنكم الحساد
ومثل ما قالت الاخت اتوقع انتي بعد من الحمل مؤثر شوي عليج

انتي حاولي تكسبينه ولا تضايقينه ابد وطيعيه علشان تكبرين بعينه
واذا كنتي تبين شي وقلتي له وما وافق قولي له ان شا الله بس حاولي تكسرين خاطره>>عاد انتي تعرفين زوجج عدل اذا يصلح تسوين له جذي والا لأ

حبيبتي انا اللي علي اني بدعي لج
و اسفة اني طولت عليج

شذى لبنان
12/03/2008, 08:18 PM
كان الله بعونك اختي
اهما شي طلباتك مجابة وممكن تتواصلي مع اهلك بالهاتف
شوفي انا حالي كمان كيف في الغربة وبعيدة عن الأهل التيلفون الشي الوحيد ياللي يربطني فيهون