المساعد الشخصي الرقمي

مشاهدة النسخة كاملة : النصيب بيطيييييييير



بقايا شتات
26/02/2008, 06:50 PM
السلام عليكم
هذه اول مشاركاتي معاكم بالمنتدى ياريتها ماكانت فصفحة القضايا والحلول بس مالي غيركم بعد رب العالمين
بنات انا عمري 24 سنه تقدملي الكثييييييير من اولاد الحلال اللي مااقتنعوا فيهم اهلي ولاسباب عده بس كانت منها مقنعه ومنها غير مقنعه بسبب النسب وغيرها
المشكله انه اخرهم كان شاب كامل والكمال لله بكل شي.. من نسب وسمعه واهل ينعد فيهم المثل..المهم صار كل شي على خير من خطبه ونظره شرعيه واستخاره وكنت مرتااااااااحه جدا لهذا النصيب
المهم بعد كم يوم لما تحدد يوم تسليم المهر تغيرت اراء اهلي كلهم خصوصي عمي بسبب الشك في نسب ولد عم الاب شوفوا وين القرابه من بعييييد..
انا نفسيتي تعبت لانهم ردوا الشخص اللي حسيته جدا مناسب ..
المهم ماسكت وتكلمت وقلت رايي وطرشت وااايد من اهلي يكلمونهم والناس شاريني للحين.. بس خلاص العناد ضاربهم والمشكله كله الموضوع شك وخلوه مؤكد .. وعندهم الكلمه ماتنقسم مرتين لا يعني لا..
انا تعباااااااانه من هالموضوع وااايد لاني مو عارفه لين متى ؟؟ لين متى بتم على هالحال؟:ss:
اتمنى تردون علي..

بحرينية وأفتخر
26/02/2008, 06:55 PM
والله مااحبيت أختي أدخل وماأرد عليج
يمكن هلشي فيه خيرة لج من رب العالمين
واذا تحسين إنج تبينه كلمي اخوانج او خواتج يخبرون أبوج وخل يتأكدون ويتقصوون من هالموضوع

وبصراحة اذا الرجال زين وابوه زين وأهله زينين ليش يردوونه؟؟ هم عليهم من أبوه وعمه شوي بعيدة يعني

الله يسوووي لج اللي فيه الصلاح يارب
ويرزقج بالزوج الصالح عاجـــل غير آجل

safsaf66
26/02/2008, 07:09 PM
تأكدي اولا من وجهة نظر اهلك فإن كانت غير مقنعة من ناحية الشرع وكان الرجل صاحب دين وخلق ، صارحي اهلك وقولي لهم ترى ذنبي برقبتكم ليوم الدين ان قطعتوا نصيبي وما اسامحكم ابد .

سماء الحياة
26/02/2008, 07:11 PM
يمكن هلشي فيه خيرة لج من رب العالمين

سمويه الحلوه
26/02/2008, 07:14 PM
السلام عليج اختي ..

حاسه فيج والله لانه اختي كانت نفس حالتج والحين الحمدلله راحت بحال بسبيلها

اللي ابيه اوصلج اياه انه هاي قسمه ونصيب وصدقيني لو اهو من نصيبج بتاخذينه بتاخذينه لو محد راضي عليه

ولاتقعدين اتفكرين وايد لانج بتتعبين اكثر واكثر .. انتي ماتقدرين اتسوين شي غير انج تطلبين ربج ليل نهار وان شاء الله يجي لج نصيب احسن منه وبوقت قريب او يمكن اهو من نصيبج من يعلم؟! انتي صبري والصبر مفتاح الفرج :)

قبلي مروري فديتج
والله يوفقج ...

PointFreek
26/02/2008, 07:21 PM
بصراحه انه استغرب من الناس اللي جذي ..

احنا يا حبيبتي عندنا في اهلنا نفس الموضوع ..

بس الله يعيينج و يسهل امورج و يهدي قلبج ان شاء الله

و يسخر لج الريال الصالح و بدعي لج يا عمري من كل قلبي في صلاتي :)

الله يهدي اهلج..

و حاوللي انج تتكلمين لا توقفين جذي.. كلمي اخوانج و ابوج .. حتى لو تكلمين عمج اليي رافض..

و قولي له انه بعيش مع الولد ما بعيش مع ولد عم ابوه .. شدخل في السالفه ..

بصراحه الناس اللي يفكرون جذي ما عندهم حجه .. و ما اقول الا الله يهديهم بس انتي لازم تتكلمين

موفقه ان شاء الله حبيبتي:)

مهاا والحلا لهاا
26/02/2008, 07:38 PM
حبيبتي يمكن خيــره ماتدريــن

انتي ماعليــج غير انج تكلميــن اهلــج وتستخيريــن ثاني مره واكثري من الدعااء والأستغفااااااااااااار

والخيـــــــره فيمـــــا اختــــااااره الله
الله يكتب لج اللي فيــه الخيـــر

الجوكره
26/02/2008, 10:01 PM
كل شوي نسب ونسب ونسب لا فرق بين عربي ولا اعجمي الا بالتقوى
التقوى يا ناس الله يصلح الحال
حاولي تقعدي مع اهلك وتفهميهم
وصلي صلاة الاستخارة

ننـgنه
26/02/2008, 10:31 PM
شوفي ياقلبي لو ربي كاتب لك نصيب من جد في هذا الشخص والا غيره بيسير غصبن عن كل اهلك

بس تاكدي ان هذا الشي ماهوا نصيبك وامكن رفض اهلك خير لك ماتدرين ايش يكون في


وربي يعلم واكيد هذا مو خير لك

بس حطي في بالك ان الشي اللي كاتبه ربي لك بيسير وغصبن عن اهلك كلهم لان كل واحد بياخذ نصيبه

وانتي عليكي بالدعاء والاستغفار وقيام الليل والله يرزقك يارب بولد الحلال اللي يسعدك ويعوضك يارب

بس انتي سوي اللي وصيتك عليه صدقيني هالشي مجرب

وخلي املك بربي اكبر من كل شي

وكل الشكر لك

أحــلــى وحــده
26/02/2008, 10:37 PM
يااااربي .. الله يعينج والله

الحين ولد عم الابو شيخصه فيه :(


لا تسكتين حاولي تقنعينهم

كلمي اي احد ممكن انه يأثر عليهم


حاولي ولا تيأسين

والله يوفقج ان شالله


كلمي ابووج او اخواتج المهم لا تكستين

لأنج على حـــــــــــــق


ما يجوز يرفضونه على اساس شاكين في نسب ولد عم الابو ...


وحاولي تفهمينهم ... ترى هالافكار كانت في الجاهليه الاولى مثل ما يقولون

الحين الحمدلله احنه في زمن الناس اللي فيه فاهمين

وكلنه عبيد الله .. ربنه واحد وكلنه مخلوقين من تراب .. ما في فرق من بينه ...

الا التقوى مثل ما قالت الاخت الجوكره ...

وصلي الاستخاره كذا مره والله يجدم اللي فيه الخير لج ان شاء الله

سديم الفجر
27/02/2008, 01:26 AM
غاليتي ضعي امام عينيك
ان هذي الاشياء اقدار مكتوبة عند رب العالمين وصدقين
مابقول اهلك لا لو العالم كلة رافض انك تاخذينة وربي كاتبة من نصيبك
راح تاخذينة وربك ييسر بك كل شئ بأمرة ...واذا ماكان مكتوب من نصيبك واهلك وعمك وافقوا
ماراح تاخذينة ...ولعلها خيرة ..غاليتي
ادعي ربك ان كان خير لك انه ييسر الامور والله يوفقك حبيبتي

ام عمـار
27/02/2008, 02:48 AM
حبيبتي انتي لازم تفهمينهم انه هذا الشي ما يجوز شرعا

يعني قال الرصول ص من جائكم ترضون دينه و خلقه مو اصله و فصله

بس بنفس الوقت خلي ببالك انه الله اذا كاتبلك نصيب مع واحد راح يصير رغما عن الكل

الله يوفقك

بقايا شتات
27/02/2008, 09:48 AM
مشكورين خواتي على ردودكم وربي يجعله فميزان حسناتكم يارب..
بالنسبه لابوي متوفي وماعندي غير اخ واحد وهو حاار عصبي واذا عمي بيقتنع هو ممكن مب اكيد بعد يقتنع..
وانا كلمتهم وقلتهم هذا الشي حراااام وخليت امي تكلم عمي وكلمت اخوي.. بس مافي فايده
اللي قاهرني بالموضوع اكثر ان هذا الشخص شاريني ومستعد ينتظرني تخيلوااا مع انه مايعرف عني شي عشان يتمسك فيني بس من اللي سمعه من الناس عني ومن يوم شافني من النظره الشرعيه اقتنع قناعه تااامه.. وربي الولد ماينعاب من داخل ومن برع .. ورب العالمين مايرضى باللي يسوونه هلي..


تعرفون قمة القهر ان وصلنا اخيرررررررررا امس ان نسب الولد اباً عن جد اوكي 100% من مصادر موثوقه
واخوي مايبي يتراجع بكلامه ..
هذا فعلااااااا قمة القهر..
بنات ارجوكم ادعولي من كل قلبكم.. محتاجه دعواتكمان ربي ييسر لي الامر ويتمم لي على خير ان هذا الشخص يكون من نصيبي والله مرتاااااااحه له بصورة ماتتوقعونها ..
واذا ربي ماكاتب هالشي ادعوا ربي يصبرني ويعوضني بالاحسن عاااااااااااااااااااجلا غير اجلاااااااااا
حرام والله اني قنوعه باللي ربي يكتبه لي بس حرام النصيب الزين جدام عيني ومو كل يوم بنحصل واحد زين والفرص انتوا ادرى تقل للبنت ما تزيد
الله يخليكم محتاجتكم لاتردوني

umjana79
27/02/2008, 10:02 AM
كل شوي نسب ونسب ونسب لا فرق بين عربي ولا اعجمي الا بالتقوى
التقوى يا ناس الله يصلح الحال
حاولي تقعدي مع اهلك وتفهميهم
وصلي صلاة الاستخارة

السلام عليك ورحمه الله اختي للاسف في ناس جذي عقولهم قفل مع احترامي لاهلج .. بس ترى بقول حكمه .. كل تأخيره وعقده ... في خيره ... مهما كان الي حسيته وشفتيه ... صحيح انا مع الجوكره هالعقد مادري م وين أيبونها .. بس صبري .. ان الله مع الصابرين...

وكما تدين تدان .. أختي الله شايف وعالم ترى ولا تعتقدين ان غافل عن حقج لو انظلمتي .. لان بيحاسبون على كل شي اختي حتى في الزوج لو كان صالح الله بيحاسبهم.

الصبر اختي والله يفرج همج

تحياتي
ام جنى

بقايا شتات
27/02/2008, 01:54 PM
مشكورة اختي نور على كلامج
ماقول غير حسبي الله ونعم الوكيل .. والله فيني ضيق كبر هالنيا ووسعها.. فيني قهر ..مادري سو يبون فيني يبون يخلوني تمثال محنط بالبيت ؟؟ لين متى؟؟
ااااااااااااااه بس الله العالم بحالتي ونفسيتي .. اخاف ربي باجر مايرزقني بنصيب زين بعد هالنصيب لاني رديته .. مع ان والله العالم مالي ذنب بها الشي.. الله كريم
استغفرك اللهم واتوب اليك لا اله الانت سبحانك اني كنت من الظالمين..
اللهم فرج كربتي ياكريم.. يارب..
بنات بليز لاتنسوني من خالص دعواتكم .. الله ييسر امري وامر كل وحده تعاني من اي كربه يااااااااااااااااااارب

احلام فتاه
27/02/2008, 04:27 PM
والله مااحبيت أختي أدخل وماأرد عليج
يمكن هلشي فيه خيرة لج من رب العالمين
واذا تحسين إنج تبينه كلمي اخوانج او خواتج يخبرون أبوج وخل يتأكدون ويتقصوون من هالموضوع

وبصراحة اذا الرجال زين وابوه زين وأهله زينين ليش يردوونه؟؟ هم عليهم من أبوه وعمه شوي بعيدة يعني

الله يسوووي لج اللي فيه الصلاح يارب
ويرزقج بالزوج الصالح عاجـــل غير آجل

نوارة أبوظبي
27/02/2008, 05:24 PM
ورب قــلــبــي مــعــك......واعــرفــي ان كـثـيـر بــنـــات مــروا بـوضــعــك........ذكـرتـيـنــ ي بــنــفــســي.....أنـا كـمـان زيـك تـقـدمــلــي كــثــيــر....وســبــحــان الــلــه كـل مــرة اســتــخــيــر ومــا يــتــم لــعــدة أســبــاب أمــي تـرفـض أو أبـــوي أو أنـــا مــا أرتـــاح لــلــرجــال .......وحــتــى لــمــا تــصـيـر الــنــظــرة الــشــرعــيــه أحــس إنــي مـش قــادرة أتــخــيــل نــفـسـي زوجـه لــه..!!!وأحــس بــضــيــق ورب مــا أرتــاح لــيــن يــتــفــركــش الــمــوضــوع........وحــتــى مـن شـهـور صــار مـوضـوع وانـخـطـبــت بـس قـبـل الــمــلــكــة بــكــام يــوم فــركــشــت الـزواج!!!!........لا تــقــولــي هــذا دلــع ولا عــدم قــنــاعــه ..........أو شــكـل الــرجال مـا عــجـبـنــي لا لا لا.....بــالــعــكــس أغـلـبـيـة إلـي اتـقـدمـولــي وسـيـمـيـن .........وأنـــا مــش صــغـيـرة عــشــان اتــشــرط واتــدلــع أنــا بــنــت واعـيــة وعــمــري 28 الــمــوضـوع إنــي أصــلــي اســتــخــارة بسسسسس مــا أرتــاح.................................... ..............................
عــارفــه إنــي طــولــت عــلــيــك بسسسس صــدقــيـنــي إذا ربــي كــاتـبــلــك هــالــرجــال بـتـأخــذيــه وإذا مــش مـكــتــوبــلــك مــا بــتــتــزوجـيــه لأنــه كـل شـي بــكــتـــاب وقــدر!!...................لا تــقــولـــي إنـــي مــش حـــــــاســــه ورب إنـــي حـــاســـه فـــيــكــــي وحــتــى لــمــا قــريـــت مــوضــوعـــك حــســيــت إنــي أنــا إلــي كــاتـبــتــه!!!........وذكــر ــيــنــي_مــع إنــي مــانــســيــتـــه أحــاول أتــنــاســـاه!!:tears:............_ ذكــرتــيــنــيي بــمـوضـوع صــار لــي قــريــب .......اتـــقـدمــلــي رجــال قـبـل فــتــره كـامـل والــكــمــال لـــلـــــه وحــده أخــلاق والـــتــزام وســيــره حــســنـــه بــيــن الــنــاس ومــتــعــلـــم ووظــيــفــتـــه مــرمــوقــه .......وانــخــطــبــت وبــديــــت اتــجــهـــز لـــلـــزواج !!......وكــان بــاقــي لــلــزواج شــهــريــن فـــســخ أهــلــي الــخــطــوبــه لــيــش!!!!!!!!!!!!!!!!!!! عــشـــــان أصــلــه وفــصــلــــه...............وزيـ ك أهــلــي مــا كــانــوا مــتــأكـــديــن مــن الــمــوضـوع.........بسسسسسسس سس خــلاص الــزواج مــش هــيــتـــم.....................ورب يــا قــلــبــي إنــي مــا قــلــت شــي وبــيــنـــت إنــي عـــاديــه ومــش مــهــتــمـــه بسسسسسسسسسس كـــنـــت أدعــي وأبـــكـــي ..................!!!!!!!!....................لا تــقــولــي إنــي أحــرضــك تــصــيــري زيــي لا .....بسسسسسسسس أنــا كــنــت أحــس إنــي مـش هــغــيــر شــي حــتــى إذا اعــتــرضـــت وإذا عــلــى الــرجـــال أهــلــي عـــارفــيـــن إنــــي أبــغــيــــــه وأحــــبــــــــه..........الـ ـمــهــــم اتــفــركــشــت الــخــطــوبـــه ............وحـــزنــت مــا بــكــذب عــلــيــك كــنــت كــل مــا أتــذكــر الــموضــوع أبــكـــي بسسسسسسسسس أســتــغــفــر وأقــول لــنــفــســي :يــــــــا نــــــــوارة اســتــغــفــري ربـــك واصــبــري هــذا اخــتــبــار مــن ربـــك....وأنـــت اســتــخـــيــرتــي فــثــقـــــي ربــــــك كــاتــبــلــك الــخــيـــر وأكــيــد بــيــرزقــك بالأحـــــســــن إن شــــاء الـــــلـــــــه.................. ......حبيبتــي ثـــــقـــــــي بــمـــا إنــــك اســتــخــرتـــي مــا بــيــصــرلـــك إلا الــخــيـــر.................
شــوفــي حبيبتــي إذا الــرجــال كـويس وكــان مــن نــصــيــبـــــــك رب هــيــســهــل الـموضـوع مـن حــيــث لا تحــتــســبــيــن ...يــمــكــن عــمــك نــفــســه هــيــغــيــر رأيــه!!!..............إذا كــــان مــش كــويس أو مــش نــصــيــبـــك هــيــروح بــحــال ســبــيــلــه ورب هــيـــعــوضـــك بـــإلــي يــســـعـــــدك .............لا تــخـــلــي نــهــايــة خــطــوبــتــك مــنــه نــهــايــة الــعــالـــم-وقلبي مــعــك وإن شــــاء الــلــه ربــي هــيــســعــدك ويــسهــلــك الــخــيـــر...................يــ قـلـبـي أنـــت لــســاك صــغــيــرة وإن شــــاء الــلــه هــيــجــيــكــي إبـــن الــحــلال إلــي هــيــفــرح قــلــب خــلــيــك زي أخــتــك نـــوارة واثــقــه مــن هالــشــي .........مــع إنــي مـــرات أحــس إنـــي مــا راح أرتـــاح لانـــســـان زي خــطــيــبــي إلــي حـكـيـتـلــك عــنـــه بسسسسسسسسس أرجـــع وأقــول يـــــــــــــــارب عــوضـــنــــي وفـــرح قــلــبــي واثــقــة بــإنـــك ياحبيبي وطـبـيـبـي هــتــرزقــنــي بــزوج يــســعــدنــــــي ويــفــرح قــلـــبــي وأنـــت عـــالــــم بــمـــا قـــلـــبـــي....................ال ـــــلــــــــه يـــــســـامــــحــــك يـــا بــقــايــا شـــتـــات ورب فــتــحــتــي جــراح ..........ورب إنــي أكــتــبــلــك وأنــا أبــكــي ......خـــلاص دمــوعــي نــزلـــت......اســتــغــفــ ر الــلــه مــع إنــي قــويـــه بسسسسسس جــد مــوضــوعــك أعـــاد لــي أحــاســيــســي ومــشــاعــري وذكــريــاتــي .....فــرحــتــي بــتــجــهــيــز نــفــســي لـــلــزواج خــطــيــبــي إلــي ورب كـنــت أحــس إن مــعـــاه هــتــكــتــمــل ســـعـــادتــــي.........ســب ـحــان الــلــه حــتــى فــرحــت أمــي ........و..و...و...و....و....يـــــــ ــــارب لـــــك الــحــمـــد عــلــى كــل حــال ....أهــم شـــي حبيبتي هـــو إنــك تــــــــســـــخـــــيـــ ـــري أكــثــر وتــدعـــي وتــسـتـغــفـــري وربــــنــــا هــيــفــرج هـــمـــك .........حــاســـه فــيـــك وقــلــبــي مــعـــاكــي.....ويـــارب إنــي مــا أكـــون ضـــايــقــتـــك بــدل مــا أخــفـف عــنــك!!!............وطــمــنــ يــنـــي .......لـــي عـــوده إن شــاء الــلــــه.................

knarya1
27/02/2008, 05:33 PM
عزيزتي عمر النصيب مايطير
لوجالك نصيبك مافيه قوه بالدنيا تقدر تمنعه عنك
الله يوفقك انشالله تراك باقي صغيره لاتستعجلين ع الهم والمسؤليه.

بقايا شتات
27/02/2008, 06:18 PM
مشكورين خواتي على ردودكم المريحه..
اختي نوارة بوظبي.. احس اني فاهمه مشاعرج 100% وكلامج حرك فيني اشياء كثيره خصوصي تجربتك مع خطيبك.. والله حااااااااااااااااسه فيج من كل قلبي .. ودموعج حاسه كيف تحرق القلب.. من الالم اللي داخلج .. وربي احس انج تتكلمين عني بكل كلمه قلتيها.. بس ما قصدت اني اثير هالموضوع واضايقج بس تأكدي اني حاسه فيج من كل قلبي لان هالتجربه مريره.. وسامحيني اذا ذكرتج بالماضي ولو اني حاسه ماينتسى..

كلامكم رفع معنوياتي.. بنات ادعوا معاي هالدعوه
اللهم عوضني وعوض نوارة بوظبي وكل خواتي بالمنتدى كل خير وبالازواج الصالحين .. ربي يسر امورنا وفك كربتنا ولاتردنا خائبين يارب العالمين.. اللهم اجبر خواطرنا.. وارزقنا الخير حيث كان ياكريم يارب العالمين

سهومة حبيبة حبيبها
27/02/2008, 07:25 PM
السلام عليكم ورحمة الله وبركاته
تعرفي يا أختي وش معنى الاتكال على الله؟؟؟ معناه أنك تعملي الي عليك (الأستخارة و ادلاء برأيك لأهلك) و تنتظري الباقي من عند المولى
ترى يا جماعة الأستخارة ليست مسألة حلم أو رؤيا أو ارتياح أبدا دور الاستخارة هي أنك تفوضي الأمر لمولاك و لا تتعبي حالك ربك هو اللي يسير الأمور بالتيسير أو التعسير أو الانفصال
و ما دام استخرت و بكل خشوع (و مش مرة أو ثنتين حاولي تصليها كل يوم) ربك ما راح يضيعك و يمكن تشوفي فكرة أهلك تافهة و سبب رفضهم غير مقنع لكن أعلمي أنو ربي يسير الأمور كيف و الى أي اتجاه؟؟؟ لا يهم أكيد للخير لك ( و ما تدري ربما يروح العريس لسبيل حالو و يأتيك من هو خير مية مرة أو يروح و يرد و تكون لك قيمة كبيرة عندو و مكانة في قلبو و الله ما تدري الخير وين)
أرجع لنقطة الارتياح بعد الاستخارة، أول مرة في حياتي أرتاح بالأستخارة كانت مع خطيبي السابق كانت أول مرة أقبل بعريس لأني ارتحتله و بعدين انفصلنا بطريقة غرييييبة فصليت ركعتين لله و حمدت لأن فعلا هذا كان الهدف من هذي الاستخارة
آسفة طولت عليك كلمة أخيرة استمري بالأستخارة و بالدعاء بالزوج الصالح الى أن يرزقك اياه المولى عز و جل
اللهم أرزقنا أزواجا صالحين و ذرية صالحة اللهم انا نسألك العفة فاعففنا بأزواج تقر بهم أعيننا يا رب
ربي لا تذرني فردا و أنت خير الوارثين

#روحـ مغليها#
27/02/2008, 11:07 PM
الله يعينك بس حاولي تقنعين ابوك على الاقل يتئكد
الله يعينك ويسر امرك

ميلادا
27/02/2008, 11:39 PM
حبيبتي قولي هذا الدعاء ... ((اللهم سخر لي قلب من بيده حاجتي فإن قلبه وناصيته في يديك )) الله يسر امرك

بقايا شتات
28/02/2008, 10:09 AM
اللهم سخر لي قلب من بيديه حاجتي.. فإن قلبه وناصيته في يديك.. ياااااااااااااااااااااااا ااااارب

روبا
29/02/2008, 04:03 PM
لا حول ولا قوة إلا بالله ...لسه في ناس تفكر بهالعقلية... الله يعينك ويييسر امرك يا كريم ...انتي سويتي الي عليكي والله يكتب لك الخير

الريـــــــــــــم
29/02/2008, 06:58 PM
النصيب ماااا يطيييييييييير

الي الله كاتبه بيصير

انتي استخيري وادعي وحاولي تقنعين اهلج فيه

واذا لج نصيب وياه بتاخذينه غصب عن الكل

واذا ما لج نصيب بيطير !

بالتوفيق