المساعد الشخصي الرقمي

مشاهدة النسخة كاملة : ابي حل



عاشقه البحرين(ليان)
24/02/2008, 10:48 PM
انا ليان وعندي مشكله وابي الحل منكم اذاامكن
انا ادرس بالمرحله الثانويه وعندي ماما بس همها في الدنيا اني ادرس حتى لو اني مريضه تبيني امسك الكتاب وادرس وانااعرف متي ادرس ومتى العب شوي بس هي براسها اني لعلابه ومااعرف مصلحتي ودايم تزعل مني مدري كيف ارضيها انا حاولت اسوي اي شي تبيه حتى صديقاتي تركتهم علشانها ولاكن ماتغيرت فكرها لوسمحتو ابي حل لمشكلتي

مهاا والحلا لهاا
24/02/2008, 11:01 PM
ياقلبي اصبري وجامليهاا ترى اهي تبي مصلحتــج ..

الله يحنن قلبهاا عليــج ويوفقــج

عاشقة حتى البكاء
24/02/2008, 11:06 PM
حبيبتي انا عارفه قصدك


بس امك تخاف عليك وتبغيك متفوقه

نصيحتي الك انك ترضينها وتسمعي كلامها وتتفوقي بدراستك


والله يخليها الك

بسمـة أمـل
24/02/2008, 11:09 PM
أختي حاولي تراضيها

وخليها تشوف أنك بتهتمي كثير بدراستك حتى تكون مطمئنة عليك

وما تحتاج هيا تطلب منك كل لحضة

امنيه
24/02/2008, 11:25 PM
كل الامهات كده ياختي والكل مجرب خصوصا بالثنوي..

بس حاولي تسايرينها على الاقل لما تشوفيها امسكي كتابك قدامها..
واهم شي رضااها عليك

وربي يوفقك..

امنيه

Um.Abdullah
25/02/2008, 01:45 PM
عندنا وعندكم خير ههههههههههههههه
انا امي نفس الشي، كانت تلاحقني من مكان لمكان ثاني وتصرخ علي، لين ما صرت مثل المينونة... يمكن يكون انتي تعبج عادي اما انا كان فيني مرض مزززززمننننن وهم تحن علي درسي درسي، عاد انا قمت اقعد في الصالة وادرس بصوت عالي علشان الكل يسمع، وما احل واجباتي الا قدامها في الصالة ومرات اسالها يما هذا شنو جوابه، تصرخ علي وتقول انا كنت ادبي شعرفني شنو هاي، واذا طفشت مني تطردني وتقول لي درسي في غرفتج، فادخل مملكتي وانام او ارتاح :) وبعدها ارجع ادرس في الصالة قدامها لين ما صارت تقول لاخواتي شوفوها اختكم الكبيرة دوووووم تدرس ما تهد الكتاب ؛)
فانتي سوي نفس الشي في امج، يمكن ينفع معاها

**دموع الفجر**
25/02/2008, 02:50 PM
الله يعنيك كلنا مرينا بهذه المرحلة اصبري وهانت لانه ثنوي وبتتخرجي وبتشوفك كبرتي اذا دخلت جامعه وما حتقولك درسي

الجوكره
25/02/2008, 10:46 PM
ياحبيبتي هذا معناها انها تحبك وخايفه عليك
ادرسي زين عشان تجيبي نتيجة مرضية وترتاح من جهتك والله يخليلك امك

¶ۈد ξــٺ ﻍ ـآآلے••
26/02/2008, 12:13 AM
عادي لاتكبريها وتكبر و صغريها تصغر عالعموم جاريها وقليلها كلمه طيبه يعني ان شاء الله الله سبحانه وتعالى يقول (((واخفض لهما جناح الذل من الرحمه وقل ربي ارحمهما كما ربياني صغيرآ))
والله يوفقك ويهديك

شمعة محبة
26/02/2008, 12:31 AM
اختي امج خايفه عليج وتحاتيج... لكن فوق هذا كله تحبج لو ما كانت تحبج جان ما يلست عراسج ادرسي وادرسي......واذا شفتي ان هذا فوق طاقتج ..قولي حق امج (باسلوب راقي ومنكسر وطفولي) ماما انا مثل ما اني مهتمه فالمذاكره فأنا محتاجه وقت أيلس معاكم وأغير جو شوي...لان هذا راح يعدلي نفسيتي ويفتح نفسي للمذاكره....وحبيها على راسها وايدها وقوليلها ان شاءالله ما راح يصير الا اللي تتمنينه....وادعيلي يا ماما لان بدعائج بكون من الناجحين....أحبج يا ماما واعرف انج تحاتيني...ومايصير خاطرج الا طيب...ومن هالكلام ....:15:

موفقه عزيزتي....والله ينجحج ويجبر بخاطر أمج....

نورة المزيونة
26/02/2008, 12:47 AM
انتي سويلج جدول يومي وكتبي فيه شنو اتسوين وشنو المواد الي درستيها والي بتدرسينها علشان اشوفه وترتاح اشوي والامهات كلهم جذي يحاتون بس انتي صبري وحاولي اتبين لها اهي خايفه عليج والله يوفقج انشوفج ان شاء الله اعلى مراتب الدنيا والآخره

عنفوان أنثى
26/02/2008, 12:33 PM
الله يكون بعونك اختــي

مــرحلــه وتعدي

شمعة الليل1
26/02/2008, 01:39 PM
الله يكون في عونك كلنا مرنا في هذه المرحلة اصبري شوي لين ما تنتهي الدراسة
وهي ادور مصلحتج يالحبوبة

عاشقه البحرين(ليان)
26/02/2008, 03:41 PM
شكرا على ردودكم الحلوه لي وان شاء الله اسوي الي قلتم عليه واخبركم بالنتيجه باي

عاشقه البحرين(ليان)
24/06/2008, 01:03 AM
شكرا لكم كلكم (ليان)