المساعد الشخصي الرقمي

مشاهدة النسخة كاملة : زوجة اخوي ماتستحي



هيومه
29/04/2003, 05:06 PM
اي والله زوجة اخوي ماتستحي اهيه مب من نفس ديرتنا ودايما اذا رحت

معاها لمكان تحاول انها تتمايع في الكلام مع اللرجال وتنعم صوتها

كثيييييييير واذا اهيه اموديه واحد من اعيالها تشوفونها اذا جات تناديه

بمياعه كلش كل هذا عشان تبي تجذب اللرجال لها وبس يجلسون

يطالعون فيها ولا يبون يضحكون معاها اشتقولي تجلس تقول والله انتو

يالسعودين مايستحون ارجالكم بس يشوفون بنات يجلسون يتحرشون

فيها والمشكله انها اهيه اللي تعطيهم مجال لهالشي وتشوفونها تلبس

بنطلون ضيق ولا قصير مع عباية كتف ومفتوحه من النص وتروح تمشي

في الشارع وتتعمد عشان تنفتح عبايتها ومرات تشيل احد عيالها عشان

اذا جات ترفعه يبين لبسها الضيق ومره وانا معاها قالت شوفي هالبنت

وكان الوقت عيد وكانت البنت متلثمه وطالعه الساعه 11 ونص بالليل

بروحها فقالت شفتي ان بناتكم مش متربين شفتي كيف يلبسون قمت انا

قلتلها زين الحين انتو في بلدكم يطلعون عندكم بهالوقت قالت طبعا

عادي وقلت لها طيب ويغطون وجهم قالت لا قلت لها اجل خلاص اللي

عندنا ماتعلمو هالاشياء الا منكم قامت سكتت ولا ردة ومره كنا عند محل

رايحه تشتري لها شي وقالت لأخوي انت اجلس لاتنزل انا انزل مع اختك

ويوم نزلت طلع من نفس جنسيتها وهي تكلمه بميوعه بعدين قالها انتي

شاميه قامت هي ماردت عليه وبس رحت انا للجهه الثانيه ردت عليه

وقالت ايه وهزت راسها وهو يطالع فيها بعدين انا قلت لها خلاص

ماخلصتي قالت الا خلصت قلت لها اجل يالله خلينا نمشي ومشينا وغير

الكحل اللي تحطه في عيونها اذا جات تطلع وبعد كل هذا تقول ان ارجالنا

هم اللي يتحرشون فيها والمشكله ان اخوي يقولها لازم تغطين عيونك

واحنا في السياره عشان ماتسببين لنا مشاكل ولاتنسين ان العيون

تفتن ومرات يقولها هذا فيه ناس تلحقنا والسبب انتي عشانك مبينه

عيونك ودوم يمدح فيها وهي لدرجة انها صارت خلاص اغترت بعمرها يعني

انها حلوه والكل يتحرش فيها وللأسف ان مافيه اطول من لسانها وهي

بالسوق ولا في أي محل واخوي مع كلامها بهالاسلوب وبهالطريقه الا انه

مرات احس انه مايحس او ماينتبه او مايسمع كلامها بمياعه مع انه كثير

يهاوشها على اسلوبها بس مياعتها ماتزيد الا اذا كان اخوي مش معانا

تاخذ راحتها بقوه ونا مش عارفه شنهو اسوي بصراحه وعلى فكره هي

تحقد كثير بذات لما اكون بروح معاها لمحل وهي ماعندها فلوس لان مثلا

يصير اخوي مابعد يستلم او حتى لو انه معطيها هي تنقهر لان هالفلوس

راح تشتري فيها لها ولعيالها وللبيت واخوي يحط في يدها شهريا 3000

ريال عشان مصرف للبيت يعني المواد الغذائيه للبيت وعشان تشتري

ثياب لها ولعيالها ومع كذا بنظرها ان اخوي مقصر في حقها ولا تعترف بأي

شي يسويه لها مع انه مايبقى شي مايشتريه لها ولعيالها ومع كذا

احس انها ماتصونه ولا تحترمه وبنظرها مقصر في حقها بربكم شسوي

علموني :s

وله المشاعر
29/04/2003, 05:34 PM
ماقولك الا الله يهديها
ثاني شي الحق على اخوكي ولازم انتي تعلمينه واذا مافيه فايده لا حول ولا قوه الابالله العلى العظيم,لانه يرجع لظميرها وهذا حرام عليها

شــــــــــموع
29/04/2003, 05:54 PM
القصور كله من اخوك لو انه شاكمها ما تجرئت تسوي كل هذا
الحرمه بشكل عام لازم لها من رقيب مو خوف منها بل خوف عليها
وبما ان اخوك يشوف وساكت خلاص ما في يدك شي
الا الدعاء لها ولشبابنا وللجميع
تحياتي :)

شموع

النجم الساطع
30/04/2003, 01:05 AM
فعلا الحق على أخوك وإنت مو لازم تروحين معاها لأي مشواربما أنها بها المواصفات... لأنها ممكن تسبب لك مشكلة....وكيف أخوك يسمح لها تلبس هذى الملابس وتطلع .....
وماأقول إلا الله يصلحها ويهديها...

سيدة الثلج
30/04/2003, 01:14 AM
ادعي لها انه الله يصلحها

سماهر
30/04/2003, 01:51 AM
مرحبا اختي لاسي

في البدايه اختي العتب على ريلها لانه شايف اللي تلبسه واللي

تسويه وساكت عنها

وبعدين انتي نبهي اخوج لتصرفاتها في السوق وانتي وياها

والله يهديها

اسولة الامورة
30/04/2003, 03:56 AM
انصحك انك ما تروحي معها اي مكان , وخبري اخوك باللي يصير من وراه , لانو حرام يكون عندو وحدة متلها, لان اللي بتعملو خيانة صريحة لزوجها , والله يهديها .

بنت العنزي
30/04/2003, 07:19 AM
طيب لازم اخوك يعرف السا لفة اولها لااخرها اجل هذة مرة سنعة لا لازم تقولينلة وانت لا تروحين معها ايت مكان انصحك واو لا تقولي لااخوك

nrlove4ever
30/04/2003, 09:35 AM
أولا اسمحيلي أنا أقدر إنج منقهرة منها بس هذا ما يحقلج تتكلمين عن بنات بلدها كلهم

بعدين إذا إنت قاهرتنج جذي كلميها إذا ما فهمت كلمي أمج عشان تكلمها و إذا بعد ما فهمت هدديها إنج بتكلمين إخوج

تحياتي :rolleyes:

لميس
01/05/2003, 02:31 AM
السلام عليكم ورحمة الله وبركاته

اختي لاسي..

الي تسويه زوجة اخوج هي خيانه لدينها قبل ماتخون زوجها
من رأيي قبل ماتتوجهين لأخوج توجهي لها.. لاتكلمينها في تصرفاتها (حطي في بالك انها جايه من بيئه مختلفه ولها عادات وتقاليد مختلفه ايضاً).. حثيها على العبادات والتقرب لله لأنها اذا صلح دينها صلحت دنياها
اذا مانفع هالحل معاها.. خلي الوالده تكلمها عن تصرفاتها لأنه لو كان الكلام منك ما اعتقد راح تتقبله
والحل الأخير خليه اخوج.. اذا ماقدرتي ولا الوالده كلمي اخوج.. خليه الحل الأخير عشان ماتسببين له مشاكل مع زوجته الله العالم وين ممكن توصل عواقبها

إدعي لها بالهدايه والصلاح ولجميع المؤمنين والمؤمنات


ربي يهديها ويصلح حالها
وجميع من فسد من المؤمنين والمؤمنات

رعبوب العين
04/05/2003, 02:39 PM
ابصراحه اشوف انه لازم تخبرين اخوج عليه.
يمكن هو مايلاحظ الي هي قاعده اتسويه وانتي نبهيه انه الي تسويه خلط ومب زين.

عذرا
05/05/2003, 01:48 AM
الحق على اخوج اللي تاركلها الحبل على الغارب

هو يعرف بتصرفاتها هذي ؟ انا ما اعتقد انه يعرف ولو كان يعرف الله يهديه

واذا ما يعرف لازم انتي تخبريه واذا ما صدق خليه يراقب زوجته ويشوف بعينه حرمه المصون :rolleyes: :mad:

القلب الحنون
05/05/2003, 03:31 PM
يالطيف

اللهم اهدي خلقك
اللهم حببنا في خلقك وحبب خلقك فينا


ياااارب آآآآآآآآآآمين

الحب الدائم
05/05/2003, 04:16 PM
والله احيانا الحرمه ماتيي بالطيب فالأفضل استخدام العيون الحمرة من الزوج لهذه الاشكال.:mad::mad::mad::mad::mad:

طير الغرام
09/05/2003, 01:33 AM
يا (لاسي ) ترى انتي بالطريقه هدى اخذتي زنوبهى كلهى واستري عليهى عشان ربي يستر عليكي وادعيلهى بالهدايه :)

شوق الغلا
10/05/2003, 03:22 AM
الحق على أخوك.

وما أقول الا ربنا يهديها .

وأطلب منج انك ماتخرجي معاها ما دامها بالأسلوب.

ومن الأفضل انك اتبيني لأخوكي لو بطريقه غير مباشرة.

__________________

لــــــــــــــــيه القـــــــــــــــلوب ضعـــــــــــــــاف

مثـــــــــــــل الـــــــــــــــــورق شفـــــــــــــــــاف

رودين
10/05/2003, 07:54 AM
ما تستاهل تكون أم وربة آجيال

وبعدين انتي قولي لأمك تكلمها وتنصحها من غير ما يعرف أخوكي


لانها اولا وأخيرا أم أولادكم

ولاعاد تخرجين معها تشوه سمعتك هذي الي ما شافت خير


وبعدين هذي ضريبة الزواج من برا

ღ رآقيهـ ღ‏
10/05/2003, 08:11 AM
السلام عليكم اختي الكريمه
في البدايه اتمنى انك ما تكلمتي عن حركات زوجه اخوكي بمكان ثاني الا هنا ....والله يستر علينا يا رب ويثبتنا
ثاني شي اختي لازم احنا نحط في بالنا من قبل ما يتزوجها أخوكي ان عاداتها باللبس وغيرها مختلفه تماما عن عاداتنا فاكيد ما راح تتغير هي بين يوم وليله وما راح تاخذ علينا الا بعد فتره أنا أتوقع انك لو قلتي لاخوكي ما راح يتغير شي بالعكس راح تتجنب تطلع معاكي وبكذا راح تتمادى بحركاتها وومكن تحصل ليها صحبه تماشيها في حركاتها هذي فاتوقع لو انك جلستي تتكلمي معاها وتتنتقدي البنات الي يلبسوا بطريقتها بس بشكل غير مباشر عشان ما تعاندك أكثر وتتمادى مثلا قولي هذولي البنات ما يخافوا ربهم على الي يعملوه وكيف يهون عليهم جسمهم وسمعتهم يكونوا فرجه للكل وقولي لها يا حلاه البنت لما ما احد يشوفها غير اهلها وزوجها
يعني خذي الموضوع من الناحيه الدينينه بالاساس واحنا با الاخر مسلمين نهتز من كلمه معصيه الخالق وانشاء الله يهدينا ويهديها يا رب ويثبتنا جميعا يا رب العالمين
اختك عهد

zazlan
10/05/2003, 09:18 AM
الله يهديها :(

روز دبي
14/05/2003, 12:53 AM
والله يبالها ضرب :mad:

بنت ابو فيصل
01/06/2011, 11:24 PM
اختي الغاليه هيومه اسمحيلي اقولك ان زوجت اخوك مو وجه نعمه تحمد ربها 3000 الاف شهريا اكبر نعمه والحمد لله اخوك طيب جدا جدا وهي والله ماتستاهلوه وماتخاف ربه بس والله لازم تنبهون اخوك بس بدون ماتدري ولاتحس لان الاجانب داخلين طمع للسعوديه والا كان احترمت نفسها وحافظت علي زوجها وملا عينها ومو تطالع غيره ماقول الا الله يهديها.............

دقات قلبFي
02/06/2011, 12:34 AM
الموضوع قديم جدا" الرجاء الأنتباه لتاريخ طرح المشكله


يغلق