المساعد الشخصي الرقمي

مشاهدة النسخة كاملة : ساعدوني في المصيبة اللي اكتشفتها



حبيبة
29/04/2003, 11:24 AM
السلام عليكم ورحمة اللة وبركاتة
اخواتي بقلكم وش اكتشفت قبل يومين ومو قادرة اصدقة
انا اولا متزوجة لي 3سنوات من غير اطفال........احبة ويحبني والحمد للة هو انسان طيب ومتسامح لابعد حد
المهم .......قبل امس فتحت الملفات في الكمبيوتر وماصدقت اللي شفتة صور واشياء ماتنقال وانا متاكدة مايستخدم النت الا انا وهو ......صراحة مت من القهر خصوصا اني ماني مقصرة معاة .....يمكن مقصرة بطبخ ولا غيرة لاكن الامور اللي بين الزوج وزوجة ماعمري رفضتلة طلب دام انة مو حرام

انا عارفة انة شباب الايام هاذي مايخفا عليهم عشان كذة لايمكن اني اردة في اللي يبي

المهم انا احترت كيف اتصرف وصرت افكر اذا انا توني صغيرة وما عندي اطفال ويشوف ذا الشغلات اجل لاكبرت وصار عندي اطفال وش بيصير

يومها استقبلتة عادي ولا كاني شفت شي الا واللة سويت لليلة ماينساها ........
واللي حصل اني نمت قبلة وانا ميتة من القهر لاني عارفة انة جالس عن النت
المهم انا لسة افكر في حل للموضوع لاني ماابغى اسوي شي واندم علية وحدة نصحتني اني اسويلة كل يوم احتفال يمكن كذة يحس اني شفتهم بس صراحة مااقتنعت سهلة بيمسحهم ويحتفض بهم في الايميل انا ودي هو يقتنع بغلطة بس كيف:s:s:s

حبوبة
29/04/2003, 11:51 AM
حبيبة ...

الله يعينك على هالمصيبة.....لان الرجل عندما يقع في مثل هالامور

لا يمكن ان يتركها الا بالاقتناع ....من اهم الاسباب هي ان تدعي الله

ليل نهار ان يبعد زوجك عنها ....حاولي تلهيه عن النت او اذا جلس

اجلسي معه وامدحي مشاركاته ومواضيعه اللي يكتبها في المنتديات

واهم شي لا تبينين له انك تدرين لانه ممكن يعاند ....:mad:

اختي ياليت اقدر اساعدك ....ما اقدر الا بالدعاء ...

والله يفرج همك....

دلوعة
29/04/2003, 01:04 PM
حبيبتي الاقناع مابي يفيد في ها الموضوع انا مجربه لكن انا مشغوله الحين باركتبلك الحل يوم الخميس اذا الله اراد ;)

شمس الحرية
29/04/2003, 01:15 PM
الله يكون في عونك ويفرج همك وهموم المسلمين

الراويه
29/04/2003, 01:27 PM
أخيه اعانك الله على مصيبتك

عليك بالدعاء وخاصه في ثلث الليل الاخير

ولمحي له بطريقه ثانيه يعني اذكري قصة وحده زوجها يشوف مثلا افلام اباحيه وطلبت منه الطلاق واساليه عن رأيه في الريال وفي المره وخبريه انك لو مكان هذى المره شو بتسوين

بس لا تبينين انك انتى كشفت سره ابد

وانا مع حبوبه باللى قالته حاولي ما تتركيه لحاله
واذا قدرتي تاخذو عمره يكون احسن لان الانسان لما يروح بيت الله يجدد العهد مع الله
وبعد اختى حاولي ترسلى على اميله اذكار
وبعد ممكن تعلقي بعض الاذكار والعبارات على الجدار مقابل الكمبيوتر بعض اذكار الوعظ والتذكير
هم بعد اختى ممكن تكون شاشة التوقف شاشة تكتب فيها ابيات شعرية او اياه قرانيه تدل على مغبة النظر لما حرم الله
هم ممكن تستغلى خلفية الشاشه لبعض الاحاديث والبطاقات اللى ممكن تحصلية على النت مثل هذى البطاقة مثلا
http://www.lahaonline.com/e-cards/images/nature/C07.jpg

http://www.albr.org/gift/wood/images/wd007.jpg

لا تنسونا من صالح دعائكم :)

اوان الورد
29/04/2003, 01:44 PM
:)هلا وغلا حبيبتي اللة يعينك انا كان عندي نفس مشكلتك بس كنت يوميااتهاوش معة لان انا مابي هذا الشي في بيتي بس الشكوى للة سبحان اللة من فترة حلمت حلم وقلتلة عنة وخاف وهو من نفسة مسح كل شي بقتناع حلم يدل على انة يسوي شي غلط بس ما راح اقول الحلم لانة مو زين وانتي حاولي تقولين اني حلمت فيك بس دوري حلم يخاف منة يقولي شفتك في حفرة وتصيح يعني دوري شي يخوف واللة يكون بعونك.

عروسه عسل
29/04/2003, 01:46 PM
سلام

شوفي حبيبتي لو انا منك كنت صارحته بس في جلسه لطيفه كذا وبعد العشاء تفتحين معه الموضوع وتقولينله حبيبي انا عندي حاجه ودي اكلمك فيها بقولك وشو قوليله انا امس مثلا ونا على النت كنت ابي افتح ملف معين الا انفتح معي ملف اول مره اشوفه وشفت فيه صور بصراحه اصدمتني وانت عارف حبيبي ان ماحد يستخدم النت الا انا وانت فستغربت انك تحنفظ بمثل هالصور عندك مدري انا مقصره بحقك بشي اذا انا مقصره قلي بس ماحب ان الشخص اللي اعتبره حياتي يخبي عني شي فعشان كذا قلي وش فيك وليه محتفظ بهالصور :( طبعا اتصور انك لو قلتي له هالكلام راح يخجل ويستحي من نفسه واكيد ماراح يقدر يتهرب من الاجابه عاد ساعتها لما يقلك السبب قوليله حصل خير ياعمري بس انا حبيت اقلك عشان اطمن عليك وما احس بداخلي اني مقصره بشي من حقوق وولايهمك ان شالله كل شي بيكون تمام ياروحي :) وهكذا واتصور ساعتها راح تكبرين بعينه وراح يندم انه سوى كذا وانتي بعد يا اختي لاتتركينه بلحاله على النت حاولي تشاركينه حتى لما تكونين انتي على النت ناديه قوليله تعال شوف وش كاتبين انما قصه جنااااااان تعال شوف حاولي تمزحين وتضحكين معاه ولا تتركينه بلحاله ابد وحتى لو بتروحين تنامين وهو راح يسهر على النت روحي عنده وقوليله يالله حبي قوم نام يمكن يقلك لا ابي اسهر شوي على النت حاولي معاه بالكلام الحلو ان مارضى لاتصرين عشان مايتنرفز بعدين قوليه اوكي حبيبي تصبح على خير طب هات بوسه معقوله اروح انام من غير طيفك معي :o <<<<هههههههههه ماتقولون جريئه بس بجد هاللرجال لازم نسوي معاهم كذا ولا ماينصلح حالهم معنا .. ويالله الله يعينك ان شالله واتمنى اكون افدتك ولو بشئ البسيط :cool:

سلالالالالالالاامز:o

رودين
29/04/2003, 01:51 PM
هذي مصيبتنا يا نسوان نقعد ندور ونفتش وراء الرجال الين نطيح على شيء ما يسرنا

وأخرتها نندب حظوظنا ونزعل ونشك


شوفي يا عزيزتي الليله الي سويتها بعد ما شفتي الي بالكمبيوتر

هذى شيء بجزاك الله عليه ثواب عظيم

وبعدين يا اختي يمكن زوجك يبغى حركات نص كم

يعني رقص على حركات شويه كذا وشويه كذا

وأستخدمي الكريمات الي بطعم الشوكولاته والفرواله ---- الخ

وروايح الكويسه


وبعدين يا اختي لا توجهينه بالي شفتيه ترا رجال ما يحب حد يمسك عليه

غلطه لانه بحس انه طايح من نظرك

واذا كان لازم الا تقولين لمحي له يعني قولي له ايش الشيء الى مو عاجبك وتحس انه ناقص الشغله ولا اسئليه وش يبغاكي تسوين له

هوه كذا بحس على دمه انشاء الله

وخلي عندك ثقه بنفسك جدا واعرفي انه الي عندها عندك بزبط لا زياده

والا نقصان

وادعي له يا اختي انه الله يسخره لك ويصلحه

واعطينا أخر أخبارك وش سويتي

moony 1
29/04/2003, 01:51 PM
أنتي صراحه ماعلمتينا بلي شفتيه بضبط ويمكن زوجك صغير ويبي يتعرف على حركات جديده مو القصد ان انتي مقصره معاه وبعدين لأتخلين العلاقه بينك وبينه علاقة زوجه وبس خليك معاه مثل الأم والصديقه وتخليه يفضفض لك بكل شي .. والله معاك:mad:

حبيبة
29/04/2003, 08:41 PM
اشكر كل اخواتي اللي ردو على الموضوع بس حبيت اوضح لكم
1 اختي حبوبة انا فعلا اجلس معاة على النت لاكن مو على طول يعني انا اشتغل برا البيت وتعرفين النوم مبكر وهو دوامة مو ثابت يعني مرة صبح ومرة ليل يعني مو معقولة بجلس طول اليوم معاة وهو ماعندة دوام وانا عندي شكرا على مرورك وردك
2اختي دلوعة انتضر ردك بفارغ الصبر
3شمس الحرية لك جزيل الشكر
4 الراوية طريقتك معقولة خصوصا القصة اللي قلتيها لاكن الاذكار اللي احطها شاشة توقف للاسف مااعرف احمل واسوي ذا الشغلات
5اوان الورد شكرا جزيلا
6 اختي عروسة اني اصارحة صعب لانة فعلا الرجال مايحب احد يمسك علية شي وعلى فكرة اللي تقولينة كلة اسوية وهو يحبني والحمد للة ويعجبة لاكن انا اشتغل يعني ماراح اقدر اسهر معة وانا عندي دوام لك جزيل الشكر
7 حبيبتي رودين كلامك عين العقل انا مااقصر بشغلات اللي قلتي لكي مني جزيل الشكر

nrlove4ever
30/04/2003, 10:01 AM
يوم الوحدة تزاعق على ريلها ما يحس بس يوم تكلمه بعقل بيحس إنه هو غلطان كلميه و قوليله أنا ما قصرت فيك في شي ليش تطالع هالسوالف الحرام و قوليله إن البيت اللي يدخله هالسوالف ما تدخله الملائكة.
التفاهم و الكلام و المصارحة أساس أي علاقة......

تحياتي:)

nrlove4ever
30/04/2003, 10:03 AM
و لا تنسين حاولي إنج تخلين و لو صورة وحدة من هالصور كدليل إذا إنت خايفة يمسحهم على floppy disk و قوليله شو شعورك لة عرفت إني أنا أطالع هالسوالف أكيد بتزعل و بتحس إن إنت مب تارس عيني

ديـدي
01/05/2003, 04:00 AM
الله يصبرك ويعينك حبيبتى على هذه المصيبة ولكن بالدعاء له واتكلمى معه بس بهدوء هذا حق من حقوقك وكلميه انك مو غضبانه منه بس هذا الشى حرام
ديـدي:rolleyes: :rolleyes: :rolleyes: :rolleyes:

تغريد المعشوق
07/05/2003, 06:10 AM
أختي في الله حبيبة
الله يصبرك و يكون في عونك .. و أحمدي ربنا كتير انك عرفتي أحسن ماتكوني مش عارفه علي الأقل دلوقتي تحاولي تتصرفي بكل الطرق و الوسايل الممكنه و تستعيني بالله و تستغيثي به فهو نعم المولي و نعم المصير
وبما انك عرفتي يبقي لازم تتصرفي وانشاءالله محاولاتك بتكون ناجحه حاولي تغيري من تصرفاتك و ردود أفعالك معاه و تغيري من معاملتك و من شكلك و حاولي ترضيه قدر الامكان و اكيد هتلاقي نتيجه لإهتمامك بيه وأوعي تلمحيله انك عرفتي حاجه لأن الرجل طفل كبير لازم تهتمي بيه و تديله جزء كبير من الرعايه و أخيرااا لاتنسي الدعاء
اختك في الله
تغريد المعشوق

طير الغرام
09/05/2003, 12:32 AM
عليكي بالدعاء 00اسمعي يا حبيبه00كل يوم قومي صلي صلاة الليل بكل خشوع وادعي ربك00وحتشوفي النتيجه الي تسر00ويلرجع جوزك بإذن الله احسا مليون مره من اول وربي يهدي 00قولي امين

عاشقة المجد
10/05/2003, 04:25 AM
عزيزتي حبيبه اذا كان زوجك من النوع الغيور اللي ما يقبل تشوفين الاشياء هذي ادخلي له من نفس الطريق والله ياحبيبتي زوجي يحبني بجنان والحمد لله ولاينقصني شيء لكن ايش نسوي في عيال الحرام الله لايبارك فيهم:mad: المهم زوجي من النوع الغيور وقاعد يتصفح الانترنت طول الليل على بلاوي متلتله وطنشت ولا كانه صار شي والاسبوع اللي بعده نفس الشء المهم قلت في نفسي يا انا ياهالانترنت في البيت وطبعا من مقولة ان كيدهن عظيم دبرت المكيده واستغليت وجود شباب من ربعه للسهر في البيت في اليوم الثاني قلت الله لايبارك في ربعك هذول كيف قلال ادب ولا يستحون لكن ماينلامون عزوبيه واكيد مانت منتبه لهم ولا لو تدري ويش عملو بلاوي عساهم بالبلى انشاء الله قال ويش عملو ؟قلت فتحت المحفوظات اليوم الثاني لقيت مواقع خايسه وقلة ادب وحركات بايخه الله يلعن اليهود دمرو شباب الامه دمرو الدين والاخلاق وهات ياوعظ قال شفتي كل المواقع اللي دخلو عليها قلت كلها قام يصارخ ليش تشوفينها ومن هاالكلام قلت ويش اسوي بالغلط لكن تصدق ماتوقعت الرجال اشكالهم كذا لكل رجال شكل واثاري فيه مليون طريقه وطريقه والله صدق يفتح الانظار ومن هاالكلام لحد ما طرقع وبغت الغيره تقتله وقام يصارخ ويصارخ وانا ساكته ولاكلمه لحد ماهدي شوي وحلف علي ماعاد اشوف الاشياء هذي قلت له خلاص من عيوني لكن (عفو تعف نسائكم )انت عندي تسوى الدنيا وهات ياغزل :o وانتهى الموضوع على كذا والله من بعدها لادخل على مواقع خايسه ولا عزم ربعه ولاسهر برى وانحلت المشكله ونصيحة اخت لكل رجل طبعه فخليك ذكيه في حل مشاكلك واستغلي نقاط الضعف في زوجك لصالحك بدون ماتجرحين مشاعره كرجل ودمتي

عاشقة عبود
11/05/2003, 06:14 AM
بتعرفي عزيزتي مستحيل اسمح بدخول النت لبيتي وحتى زوجي بالسعودية بشتغل بس احمد الله انه ما عنده وقت لا يفتح نت ولا يستعملها :mad:

سهام الليل
11/05/2003, 07:10 AM
اختي الغاليه ... حبيبه ..


الله يعينج ان شاء الله ويصبرج على ما ابتلاج به..

هذي هي بعض مضار التكنولوجيا ... اللي هي غالبا ما تكون سلاح ذو حدين ..

انا برأيي ان اول شي تلجأين له هو الدعاء .. اكثري من الدعاء في كل وقت وكل حين بالذات في الاوقات المستجابه .. مثل بين الاذان والاقامه .. ادبار الصلوات .. بعد الانتهاء من الصلاة وقبل التسليم ..... ادعي وانتي على يقين بالاجابة

وبعدين خلي كل وقتج معاه .. وحاولي تشغلينه بأي شي في غيابج ..

وانتي حاولي انج تاخذين وقت راحه كفاية بعد الدوام عشان ترومين تيلسين معاه في الليل ..

واذا هو وقت يلسته ع النت في الليل ... حاولي انج تكونين له بأجمل صوره واجمل مظهر .. وحاولي تغرينه بكل السبل .. حتى هو يفضل انه يكون معاج ويرقد في وقت رقادج.

ممكن انج تضغطين على عمرج شويه وتتحملين التعب .. بس في سبيل .. اصلاح زوجج واظن هذا هو الاهم .

حاولي تخبرينه بقصص مشابهه .. وتستنكرين هذا التصرف من الرياييل اللي يسوونه .. وبيني له وااكدي له على ثقتج به ...
وانه الله اكرمج وانعم عليج بريال مثله .. اللي مستحيل تظهر منه هذي التصرفات الشينه ..

يمكن هذا الشي يخليه يحس ويتراجع عن اللي يسويه ..


واخيرا اكثروا من الاستغفار عشان الله يرزقكم الذرية الصالحه اللي تقر بها عيونكم ...


دعواتي لج ... بكل خير وصلاح بدنيا واخره . :)





سهــــــ الليل ـــــام

الصوت الحزين
11/05/2003, 07:40 AM
سلااااااااااااام
اول مشاركة لي وقد احسست بمعاناتكي اختي حبيبة
ومن رأيي ان تسألي ذوي الاختصاص والخبرة
ولست بكلامي هذا انتقص من اي احد وانما كل امرأة هنا
يختلف زوجها عن الأخرى فمثلا الجأي الى الدكتو جاسم المطوع
فسيفيدكي كثيرا

ولكي تحياتي:)

ام الاولاد
11/05/2003, 10:47 AM
بدفي بيوت متعددهايه احب ان اشارك في الرد على موضوعك وهو موضوع عاادي يحصل لكن نصيحتي لاتحاولي ان تبيني له انك علمتي عنه اي شيء الا اذا كان اخبارك له سوف يصلحه وهذا مالااعتقده بتاتا لان الرجل ممكن ان يراى امامك وبعدها لاتستطيع ان تمنعيه وممكن ان يطبق مايراى وهنا تكون الطامه فتجنبيه احسن وادع له بالهدايه واحب ان اهمس في اذنك ليس الانترنت فيه اباحيه وحده بل جهاز التلفزيون بعد الساعه الواحد ليلا هناك اشتراكات خاصه لهذه الاماكن وترين من خلالها صوت مع صوره

شيوخى
12/05/2003, 06:21 AM
الله يكون في عونج صدقيني خذيه بلسياسه واللين مش بلعصبيه لان الرجال بطبيعته يحب يعرف كل شي وخاصه هالسوالف وصدقيني اذا ما حرمتيه من حقوقه الزوجيه مهما شاف وفعل مردة بيجيك ;) صدقيني فضول لااكثر والله يهديه لك ويصلحه:D :D