المساعد الشخصي الرقمي

مشاهدة النسخة كاملة : وش رايك إذا تقدم لك واحد



روح ماتت برحيل زايد
17/02/2008, 06:43 PM
السلام عليكم ورحمة الله وبركاته

اشحالكن خواتي

بصراحه بغيت اخذ رايكن ف شغله

لو خطبج ريال على دين وخلق وطيب واهله ناس طيبين ويشتغل ويعني فل اوبشن مثل ما يقولون
لكن
امه هنديه

بتوافقين
؟؟ وشو اللي يمنع انه ما توافقين ؟

لانه اشوف البنت اللي امها هنديه ما تنخطب الا من واحد امه هنديه !! والرياال نفس الشي ما بيزوجونه الا اذا كانت البنيه امها هنديه !!
لييش انزيين

يعني شو الذنب هالبنيه وشو الذنب الريال

ابى اعرف ارائكم وشو نظرتكم للي امهم هنديه
ولو انحطيتي ف هالموقف شو بتسوين
وابى افهم ليش هالنظره ولين متى بنتم جذيه

راعية الزين
17/02/2008, 06:51 PM
بنالسبه لي شخصيا ايهمني الريال اكثر ما بتهمني الام
انا بعيش معاه فاذا كان شخص ما فيه عيب ما عتقد اني برده عشان اصل امه
يكفي انها ربت هالريال احسن تربيه لدرجة انج ما تلقين فيه عيب عشان انه ينرد والكل يمدح فيه
ويمكن اهي تكون احن عليج .... الجنسيه ابد ماها دخل ... بس احنا مشكلتنا دايما تهمنا المظاهرو كلام الناسز

بالنسب لزواج ابناء الامهات من الجنسية الهندية للبعض. لانهن هن يحبذون ذلك من حيث سهولة التعامل مع الطرف الآخر وعشان محد يعاير الثاني.....تلااها وايد تصيرللاسف

غلا أمي
17/02/2008, 06:55 PM
.. لا نحن ما عندنا هالعلوم .. أمه هندية و أمه هب من مستوانا .. ^^

.. أهم شي الريال زين وعلى دين وخلق .. ^^

.. وأنا عن نفسي بوافق طبعاً .. لأنه ما يهمني أصل الأم وفصلها .. ^^

.. والسموحهـ ^^

ملكة الغروب
17/02/2008, 06:55 PM
والله انا اشوف بنات وووووايد متزوجات وامهاتهم هنديه
وحياتهم اوكى وهذا ما يمنع اذ الشخص زين واخلاقه اوكى
ليش تفوته من يدها وعقب تتندم والوحده تشوف بالعقل شنو الاحسن
لي اذ الرجل ما يعبه شي واهل البنت ما يعارضون لان بعضهم لازم من نفس العايله
او القبيله ما عندها مانع اوكى في بنات يتزوجون من بنات امهاتهم مصريه او لبنانيه
شنو الفرق اللى امه هنديه تكون اطباعها مثل الدوله اللى اهى عايشه فيها
بس احنا بالبحرين وووووايد متزوجات وسعيدات والله يوفق الجميع

بنت_الدوسري
17/02/2008, 07:12 PM
ليش كل هالتعقيدات

ريال على دين وخلق وبحطني بعينه شابي اكثر من جذي

اذا كانت امه حليوة وطيبة وعارفه ربها شابي اكثر من جذي

المشكلة مش في امه سواء كانت هنديه لو مصريه لو شنو

المشكلة في بني ادم اللي يطالع المظاهر والماديات

فكروا بعقل


شكرا

أناناس & فرولة
17/02/2008, 07:25 PM
انا بخبرك عن نفسي من سابع المستحيلات اهلي يرضون لانهم وايد متشددين بسالفة الاصل والفصل
بس عن نفسي ما احب التفرقه كونه انسان والنعم فيه ليش لا طبعا اذا خذته بتطلع علي كلام ما لها اول ولا تالي بس الي يتبع كلام الناس بتشيب راسه

روح ماتت برحيل زايد
17/02/2008, 07:39 PM
راعية الزين
صدقج والله ... كلامج عين العقل
مشكوره اختي

غلا امي
شي طيب انه ما يهمج هالشي
لانه للاسف وايدات يهمهن
مشكوره الغاليه

ملكة الغروب
صح كلامج اختي
البنت شو تبى غير ريال زين ودين وخلوق !!

بنت الدوسري
للاسف مجتمعنا وايد معقد .. وخاصة ف هالامور


strawing
للاسف حبوبه الحال من بعضه


مشكورات خواتي على رايكن

الجوهرة السعودية
17/02/2008, 07:44 PM
يااختي مااعندي مشكلة وبالعكس اذا امة هندية اكيد بيطلع مزيون ورومنسي ويحب الاكل الحاار في احلى من كذا انا اشوف ان ماافي اي مشكلة اهم شي الاخلاق والدين

امااآراآتية كيوؤتـ
17/02/2008, 07:52 PM
بسمه تعاآلىى:_




الصراآحة انا ماتهمنىي امه ..حتىى لو شو اصلها المهم دين وخلاقة الرجال ..قال رسول الله صلى الله عليه وسلم: (إذا جاءكم من ترضون دينه وخلقه فأنكحوه )
تسلم ايىدج..

أحب-زوجي-ومدلعني
17/02/2008, 08:36 PM
اذا على قولتك فل اوبشن من اللي ربته غير امه..

تدرين ذكرتيني بسالفه امس وحده تقولي شوفي لي وحده من عمرك لواحد يبي يتزوج وحط قائمه طويله ومنها يبي امها قبيليه،، واللي يضحك بالموضوع امه هنديه سبحان الله تخلف وعقول مبنده،، والله الشباب بعد مو هينين ما قالت يبيها مصليه وعلقت عليها بهالموضوع قالت ماجابوالي هالطاري شر البليه مايضحك..

row3a
17/02/2008, 08:37 PM
للحين في ناس تفكر امي ولا امه

ليالي الحنين
17/02/2008, 08:59 PM
مااعتقد انها مشكله بالعكس امه هنديه او غير هنديه
الناس مو بالجنسيه بالاخلاق العاليه والتربيه السنعه

مرموم
17/02/2008, 09:11 PM
أختي شوفي...

إذا أهلك ما يوافقوا...مستحيل تقدري تغيري نظرتهم...

و إذا تم الزواج...زوجك و والدته بيكونوا في موقف محرج لو أحسوا إنه أهلك ينظروا نظرة دونية لوالدة زوجك...و بتظلك في معاناة بسبب هذا الموضوع

لذلك لازم تراعي الحالة الإجتماعية علشان ما تأثر عليكي بعدين و تصير مشاكل...

بالتوفيق أختي...

ليالي عروس
17/02/2008, 10:31 PM
السلام عليكم ورحمة الله وبركاته
بنات وش رايك إذا تقدم لك واحد امه هندية وهو من نفس قبيلتك وملتزم وطيب
هاه كل واحده تقول رايها بصراحه يعني تقول رايها وكأنه الحين يخطبكِ
تكفون رددددددددددددددددددددوووو ووا بصراحة وهل فيها شيء(i)

سماء الحياة
17/02/2008, 10:32 PM
يعتمد حسب العوائل
في عائلات ماترضى الا بشخص اصيل النسب علشان محد يعايرهم عقب

سماء الحياة
17/02/2008, 10:42 PM
موضوعج يالغلا شرات موضوع الأخت/
http://www.3roos.com/forums/t312892.html

واتراه هذا يرجع حسب مدى قناعة الأسرة التي تنتمي لها
توجد أسر ترفض هذا الشيء حتى لو من نفس القبيلة ويقولوا - ضاع النسل أو اختلط -
وتوجد أسر لاتمانع لكونها تريد ستر البنت بالمقام الأول ، فهي عندها من الأولويات وليس الحسب والنسب

استخيري الله والله يكتب اللي به خير
ولو صار نصيب ارضي فيه حتى لو حد علق عليج فيما بعد - والناس عاد تدور سوالف - لاتعيرنهم اهتمام
اهم شي سعااااادتج

ليالي عروس
17/02/2008, 10:56 PM
جزاكم الله خير انا مثلكم ماحب التفريق وهذا امك الفلانية وانا امي الفلانيه وهذا نسبه كذا ونحنا نسبنا كذا
صراحه اهم شيء الحب هو سيد الموقف وهو إلي يعطي الوحده شجاعه قدام اي احد يعايرها

آآآآآهات الصمت
17/02/2008, 11:00 PM
أكيد أهم شيء الخلق والدين


وبعدين في هنود حلوين ( بموت بالأفلام الهندية):D

Um.Abdullah
17/02/2008, 11:01 PM
اختي زوجها امه هندية، وبنت عمي بعد، وصديقتي... عادي عندنا مو ان عيب او شي، كلنا عيال ادم وما تفرق ويانا ان كانت هندية او شرقية او غربية،،، وبصراحة انا اشوف ان الهنديات تربيتهم وااايد زينة، يعني هذول الثلاثة اللي تكلمت عنهم كلهم ملتزمين تبارك الله

3afary
17/02/2008, 11:23 PM
انا بخبرك عن نفسي من سابع المستحيلات اهلي يرضون لانهم وايد متشددين بسالفة الاصل والفصل
بس عن نفسي ما احب التفرقه كونه انسان والنعم فيه ليش لا طبعا اذا خذته بتطلع علي كلام ما لها اول ولا تالي بس الي يتبع كلام الناس بتشيب راسه

الجوكره
17/02/2008, 11:26 PM
والله اهم شي الاخلاق
وهذه بس جزئيات صغيره ماراح يتأثر

على البال
18/02/2008, 12:22 AM
.. لا نحن ما عندنا هالعلوم .. أمه هندية و أمه هب من مستوانا .. ^^




مثل ما قالت غلا ماعندنا هالعلوم


واتمنى ما تصير قضيه وتصير لها مسميات مثل ما صارت كلمة العنوسه اللي صارت تجرح اكثر ما انها اداوي مشكله

ام عمـار
18/02/2008, 02:23 AM
عفوا ممكن سئال يعني هذولي ليش امهم هندية؟؟

و هل اكو وايد منهم بالخليج؟؟

طبعا الاسئلة بس عشان المعرفة لاني بعيدة عن البؤد العربية و احس نفسي مقطوعة

شكرا لكم

Um.Abdullah
18/02/2008, 02:47 AM
اختي ابرار الجنة عندنا الرجاجيل اذا بيتزوجون ثانية ياخذون هندية، الاغلب مو الكل، وممكن تكون الأولى بعد، لان مهرها اقل ^^

#روحـ مغليها#
18/02/2008, 03:00 AM
مدري عن عاداتكم
لكن اذا اتاكم من ترضون دينه وخلقه فزوجوه ..!

هذا من وجهت نظري المهم ابوه من نفس الجنسيه او العائله
الله يووفقك

نجمة الرضا
18/02/2008, 03:23 AM
أهم شي الرجال تطالعين طبعه شلوووووووووون


عالعموم أعرف بنات أمهم هنديه و ما شاء الله عليهم راقين في كل شي ذوقهم رفيع و أسلوبهم حلو

حب ربها شاغل قلبها
18/02/2008, 07:25 AM
لا نحن ما عندنا هالعلوم .. أمه هندية و أمه هب من مستوانا .. ^^

.. أهم شي الريال زين وعلى دين وخلق .. ^^

.. وأنا عن نفسي بوافق طبعاً .. لأنه ما يهمني أصل الأم وفصلها .. ^^

.. والسموحهـ ^^

عيون وليد
18/02/2008, 09:00 AM
وش فيهم الهنود بالله يكفي ان أميتااااب باتشن هندي ياااحليله ذاك الشايب احترمه خخخخخخخخخخخخ


والله قمة التخلف اذا رجال فل اوبشن وعلى خلق ودين ليشش ينرفض ؟؟؟ شي غريب

أنا الشوق
18/02/2008, 09:18 AM
والله المشكله انه لحد الحين في ناس متخلفه
والجنسية كلش مو مهمه واهم شي الشخص نفسه ودينه واخلاقه
حتى جنسية الريال نفسه انا شخصيا ماتهمني

ياما عيال عوايل على قولتهم وقبايل ومدري وشو واخلاقهم.......................
والناس الصراحه مادري شلون تفكيرهم، يعني لو الواحد امه هندية قالوا ماناخذه
ولو كانت امه انجليزيه جان خذوه خخخخخخخخخ

هاذي سالفه طويلة انا لو بديت بها مابخلص خخخخخخخخ

بس من رايي ان مافيها مشكله ابدا

وانا سبق وتقدموا لي اثنين امهاتهم هندية والصراحه كانوا مايتفوتون
دين واخلاق وشكل ومنصب
ولو بتشوفون ان وااايد من اللي امهاتهم هنديه يشغلون مناصب كبيره لانهم يعرفون كيف يشتغلون على عمرهم ويكافحون
مو مثل عيالنا شايفين عمرهم على شنو مادري

الحمدلله على نعمة العقل

دانـــة
18/02/2008, 12:07 PM
ما أشوف ان في مشكله من الاساس علشان تكون يبي لها حل وأكيد اهم شي الريال يعني ترضى الوحده تاخذ واحد اخلاقه مو شي ولا على دين ولا اي صفه زينه وامه مو هندية؟؟؟؟

-%-سحابة حب-%-
18/02/2008, 01:39 PM
عن نفسي اشوف انها عادي

نوارة أبوظبي
18/02/2008, 04:58 PM
حبيبتي من كلامك حسيت إن الرجال كامل والكمال للــــــه وحــده ........يـعـنـي أخلاق ودين وطــيــبــه ووظيفة محترمه .....الــبــنــت وش تبغي أكثر من كذا .........وإذا عن أمـــه عادي ......ياقلبي شو يعني أمــه هـنــديــه.....مسلمه والـحـمـدلـلـــه......ذكرتــ يــنــي بوحده من صديقاتــي رفــضــت رجال دين وأخلاق وعــلــم ومــاشــاء الــــلــــــه ووظــيــفــتــه كانت مــرمــوقــه جدا رغم إنه كان في نهاية العـشــريــنات بسسسسس لأن أمــــــه هـــنــــديــــــة!!....والـ حين أحــســهــا نــدمــانــه لأنــهــا رفضتــه ومحــد خــطبـهــا بــعــده رب يرزقـهـــا بـإلــي يسعدها بنت طيبه بس كله نــصــيــب........ورب يــســـعـــد كــل بــنــت ويرزقــهــا بــإلــي يــفــرح قــلــبـــهــــا...........

♥بنوته زايد UAE♥
22/02/2008, 10:36 PM
هلا والله فيج ......

اتوكلي ع الله و أ ُم الولد سواء كانت هنديه وإلا شو ما تكون مايهم دامها زينه وما عائلتهم ما تنعاب

**دموع الفجر**
23/02/2008, 10:07 PM
انا بصراحة مايهمني بس هلي لا لازم من نفس الجنسية ومن نفس القبيلة ولا لا والبنت مالها الا من العايلة لان عندنا القريب اولى من البعيد حتى وجاكي واحد على دين خلق وجا في نفس الوقت قريبك اللي لسه ما شبع من الدنيا لسه يلهث وراها ورا البنات اللي ما يملا عيونهم يفضلوون القريب هذا مجتمعنا الله يهديهم ويهدي الجميع انا اقوول توكلي لو مافي مانع مثل موانعنا