المساعد الشخصي الرقمي

مشاهدة النسخة كاملة : اهلي يبونه وانا رافضتنه عشان شكله شو الحل؟؟



عنودي
15/02/2008, 09:09 PM
مرحبا بنات

خطبني شخص ولما سألنا عنه قالوا وااااااااااااايد زييييين

بس لما شفته يا بنات بغيت اصيح ماحبيييت شكله نهائياااااااا ادري حرام اقول جي بس شسوي والله ما عيبني حتى صحت صياح بعد ما شفته

والمشكله احس اهلي يدرون انه مب حلو بس يحاولون يطلعونه حلو بأي طريقه وهم الحين ظاغطين علي وكل شوي يقولون لي زين وزين بس انا مووووول مب متقبله شكله

والحين بوافق بس عشان اهلي بس والله احس حياتي بتصير نكد

شووووو الحل

ارفض ولا اوافق بسرعه باجي هالاسبوع ولازم ارد :(

بسمـة أمـل
15/02/2008, 09:18 PM
أختي لا تحكمي على الشكل أبدا

فكم من بنت متزوجه شخص جميل ووسيم ولكنها غير سعيده بزواجها

وكم بنت تزوجت شخص على أخلاقه وشخصيته بالرغم من شكله

ووفقهم الله بزواج

أنصحك لو كان هذا الشخص طيب ومثقف وخلوق فلا عذر لك لرفضه فقد تندمي من بعد

فتافيت
15/02/2008, 09:18 PM
أختي والله ما اعرف شو أرد عليكي بس استخيري الله يمكن الشب يكون منيح
ومع الزمن رح تتعودي على شكله

عنودي
15/02/2008, 09:23 PM
والله صليت استخاره

مووول مب متقبله شكله استغفر الله احس فيه مرض لهدرجه صدقوووني

M!SS Cavalli
15/02/2008, 09:27 PM
استخيري قبل لايجي وشو فيه
والله يوفقكم

عنودي
15/02/2008, 09:35 PM
شفته شفته ما عيبني لدرجة اني لما شفته ما استحيت منه

شسوي ساعدوني

عاشقة حتى البكاء
15/02/2008, 09:40 PM
اي يا بنات البنت مو متقبله شكله


يعني صحيح الشكل مو كل شي


بس تراها هي اللي بتعيش معاه وهي مو متقبله هالشي

حبيبتي اذا كنتي مو متقبلته لا توافقين


هذا زواج مو لعبة


صحيحج الشكل مو هو الدرجه الاولى


بس عاد على الاقل يكن مقبول

واهم شي تكون هي راضيه فيه

انا اقول لا ترضين بالغصب لان كلشي بالخناق الا الزواج بالاتفاق



واهم شي استخيري والله يقدم الله فيه الخير


والله يوفقك

توت بري
15/02/2008, 09:44 PM
الشكل مو مهم بكثر الاخلاق.............. لكن اذا انتي من اللحين مو متقبلته عمرج ماراح تتقبلينه ...... واهلج اكيد يحاولون يقنعونج ماراح يغصبونج عليه.......... فعلشان جذي اصري على الرفض ..........بس هو الى هالدرجة شكله مو حلو ؟؟

سماء الحياة
15/02/2008, 10:06 PM
استخيري الله

safsaf66
15/02/2008, 10:08 PM
طالما استخرتي ولا زلت مو مرتاحة فليش تظلمين نفسك وتظلمينه معك ؟ اخاف اذا اخذتيه وانتي مو متقبلتيه تصيرين تنفري منه لما يبغى يجامعك وهذا شي سيؤثر على نفسيته ويصير يكرهك .

ذكريات ثائرة
15/02/2008, 10:16 PM
يالغالية والله ماأتمنى لك إلا كل خير

لكن لو ماكنت متقبله شكله أبد مافي داعي

تغصبي نفسك عليه .. الراحة النفسية مهمة جدا

لمسيرة الحياة الزوجية ..

أستخيري لأكثر من مرة .. وأسأل الله أن يوجهك للخير

حيث كان .. أسأل الله لك التوفيق والسداد

الريـــــــــــــم
15/02/2008, 10:20 PM
دامه زين صلي استخاره و توكلي على الله

والله ان شا الله بيوفقج مع الي يستاهلج

بس لو كانت اخلاقه مش ولابد و بعد شين صج مأساه!

بالتوفيق

دانة ذهبية
15/02/2008, 10:29 PM
مسكين
غمظني خطيبج ههههه
حرام ..الرسول قال
إذا أتاكم من ترضون دينه و خلقه فزوجوه
شو لج في شكله؟؟..و بعدين والله يمكن تلاقينه زوج مناسب و زين
و إذا خذيتي واحد حلو في نظرج يمكن ما يسوي لج كثر ما ها بيسوي لج
سبحان الله ..الله ياخذ شي و يعطي شي ثاني
صلي استخارة و توكلي على الله
و الله يوفقج

عيون بوظبي
15/02/2008, 10:59 PM
مرحبا اختي ..

بس ماعليه انا عندي شوية استفسارات عشان اقدر احكم على الموضوع ..

انتي قلتي انج ماحبيتي شكله ..

شو الي ما حبيته في ويهه .. على هالأساس ممكن الوحدة منج تقدر تكلمج وتنصحج..

مثلاً .. لونه ؟؟ خشمة؟؟ شعره ؟؟ اسنانه؟؟

ثاني شي .. انتي قلتي انج صليتي استخارة ..

بس ما قلتي شو احساسج من عقب الصلاة ؟؟ وياترى كم مرة صليتي ...

وخليني اقولج شي في الاول والاخير قبل لا ابدى اني احاول اقنعج او حتى اساعدج في ردي لأي قرار ..

الريال لو ماملى عينج لا تفكرين تاخذينه ..بالذات لو انتي مسكرة كل الابواب انج تتقبلينه .. يعني نفسياً مب مستعدة تتقبلينه ولا بتتقبلينه .. عشان ماتدش الحسرة قلبج وتضلمينه .. وتقولين ريل فلانه احلى من ريلي .. والشيطان يوسوس لج .. لأن هالشي وارد على كل وحدة منا في حالة ضعف ..

شوفي انا بذكر لج كم قصه واقعيه .. صارت لي انا وبنات من عايلتنا .. يعني مالهم خص في عالم النت.. وعقبها انتي حكمي عمرج وشوفي شو الي الله بيقدرج عليه ..

انا .. لما خطبني ريلي .. كان وزنه فوق ال 100 كيلو .. يعني فوق ما تتخيلين متين .. وانا وحدة عصقولة .. وصعب انه اي وحدة بدالي توافق .. احس بتفكر مليون مرة .. لكن سبحان الله من كثر ما الناس يمدحونه هو واهله .. وحسيت انه الكل يتمناه لبنته وافقت بدون ما افكر في سالفة وزنه يعني ربج سهلها بطريقه اني حتى ما فكرت اقوله اضعف بعد الملجة .. والحين يوم اشوف صور الملجة اقول ياربي كيف ما فكرت في وزنه قبل .. واضحك على عمري .. بس طبعاً هو قبل العرس قرر من نفسه انه يضعف وتقريباً ضعف النص .. وهالشي مفاجئ للكل ..

والحين احس انه ماشالله كل الناس يحسدوني عليه من ناحية طبايعة .. والحمدلله رب العالمين الله وفقني وياه ..

القصة الثانية.. وحدة من هلنا..
ياما وياما انخطبت .. وهي جمالها ترا عادي .. وكان كل ما يتقدم لها حد .. خشمة مب حلو .. يلوع بالجبد ومن هالكلام .. وسبحان الله .. ربج أخر نصيبها وتمت لين وصلت اخر العشرينات ولا حد دق بابهم .. وصارت تتمنى لو اييها اي حد بتوافق عليه .. يعني حتى لو اسمر اسمر عادي عندها توافق ( السموحة لا يزعلون السمر بس ابين انه نحن من العوايل الي ما يزوجون السمر ) يعني لو هلها يوافقون كان عادي عندها .. والله سهل لها واتزوجت واحد عادي مثلهم.. بس نهايتها طلاق ..

ربيعتي .. سمرا حلوة.. خطبوها وايدين والي ايونها عيم وغيره يعني حلوين .. وكانت ترفض .. واخر شي ياها واحد اسمر عنها بوااااااايد ... ووافقت عليه خوف من الله انه يعاقبها وماحد اييها .. وكانت مش متقبله شكله في البداية بس الحمدلله الحين مستانسة..

يعني انتي شوفي عمرج .. شو الي مخلنج مش متقبلتنه ؟؟ اي شي فيه ؟؟

يعني لو شي بسيط .. ترا صدقيني مع العشرة بتحبينه .. والي يحب ترا ما يشوف عيوب الثاني .. وهذي خلقة رب العالمين .. واستخيري و شوفي شو الي بتوصلين له .. والمسكين ماله ذنب انه شكله مب حلو .. يعني لو انتي مب حلوة.. شو بيكون احساسج لما تنرفضين وما تنخطبين لها السبب ؟؟

وتذكري اهم شي في الزواج التوافق .. يعني يمكن المسألة مسأله وقت وعقب تشوفينه ملك جمال الشباب كلههم ... والله الموفق

ღღ دريـــم ويــب ღღ
15/02/2008, 11:56 PM
حبيبتي إذا مو متقبله شكله لا توافقين ... هذا راح تعيشين معه طول العمر.. الله يوفقك إن شاء الله وحبيت اقولك إن (( الرجال مخابر وليس مناظر ))

وحطي نفسك مكانه:)

موفقه

أم كرومي
16/02/2008, 12:19 AM
اختي لا تضغطين على نفسج

حرام تظلمين نفسج اذا مو متقبلته عيل شلون بتعيشين معاه عمرج كله

قولي لاهلج انج مو متقبله شكله و فكري عدل

ربي يكتبلج اللي فيه الخير

الـقـمـر
16/02/2008, 12:29 AM
اختي قولي حق هلج انج تبين تستخيرين ..

الاستخاره مو من اول مره عادي لو تميتي تستخيرين شهر كامل ..

وانتي حاولي تشوفين محاسنه وصدقيني بتتقبلينه ..

لاتصيرين مثل رفيقتي تقدم لها واحد ديين وخلوق وغير هذا كله قاضي ... رفضته بس عشان الناس قالوا عنه اشقر بعد ماشافته .. على اساس انها استخارت وهي بالاساس ماستخارت .. واخر شي شافته في مكان عام ... وطلع الريال لا اشقر ولا شي ... ولا فوق هذا وسيم بعد...

أحب-زوجي-ومدلعني
16/02/2008, 12:58 AM
بصراحه اختي لا تحرجين نفسج ولا تحرجين الرجال وهذا زواج مو مقتنعه خلاص كلن بطريقه،، وانتي دام صليتي استخاره ومارتحتي يمكن انه الشخص زين بس حياتج ماراح تكون اوكيه لانج مو متقبلته خلاص ارفضي ولا تقولين لاهلج شكله قولي صليت استخاره ومارتحت والله يوفقه مع غيرج ان شاء الله..

وظني فيك ياربي جميل
16/02/2008, 02:37 AM
حبيبتي اذا كنتي مو متقبلته لا توافقين


هذا زواج مو لعبة

ورده قست عليها الايادى
16/02/2008, 02:50 AM
حبيبتى مادمتى استخرتى الله وبينلك يبقى اقعدى مع والدك او والدتك شوفى مين الاقرب ليكى وعرفيه انك استخرتى بس والله استخارى مره واتنين وتلاته

وربنا يهديكى للخير يارب

بنيسا
16/02/2008, 04:07 AM
اختي انتي ما قلتي ليش اهلج مصرين عليه مع انهم حاسين انج مب متقبلته هذا سؤال مهم وعلى حسب الاجابة ممكن اعطيج رايي واتمنى لج التوفيق على كل حال:eek:

البنت الدلوعة
16/02/2008, 07:28 AM
شوفي يا أختي ..
هدي حياتك انتي وانتي اللي رح تتزوجي ولازم تقرري بنفسك وتقدري هل تتخيلي هدا زوج لك طول العمر..؟؟

انا ما اقصد بس شكلا..
يعني على الأقل خطوبة عشان تتعرفي عليه وعلى أخلاقه..
سبحان الله ما تعرفي اذا هوا تصرفاته ممكن تخليك انتي تحبيه او لا..

يعني يا ما بنات مشالله عليهم جمال وكمال..
واتزوجوا واحد مرة شكله مو حلو..
لكن صدقيني بعد الزواج الأخلاق والتصرفات هي اللي تبقى..
يعني سبحان الله يمكن هدا الانسان هو اللي يسعدك ويغنيك عن كل الناس..
ويمكن لو اتزوجتي واحد حلو ما ترتاحي معاه ويشوف نفسه عليك ولا يعجبه شي..

يعني حاولي تستخيري مرة تانية وانتي موكله امرك لربنا سبحانه وتعالى..
يعني مو تستخيري وحاسة بالرفض من داخلك..!!

غير انه الاستخارة يا اختي مو شرط بس بالاحساس..
الاستخارة تكون بتسهيل الامور
يعني لو ربنا مقدرلك..رح يتسهل زواجك..
واذا لا..رح تطلع صعوبات ومعوقات انه يتكمل هدا الزواج..

انا لو مكانك اشوف لازم تعرفيه من جوه..
هو كيف يتصرف..
ايش اخلاقه..
اسلوبه..
سبحان الله فيه ناس تحبيهم لانه قلبهم طيب ويستاهلوا لدرجة انه تنسي هل شكلهم حلو او لا..

وفي الاخر يا اختي زي ما قلت..
هدا قرارك وهدي حياتك..
اذا مثلا بعد الخطوبة اتعرفتي عليك وما لقيتي الشي اللي يريحك..
ما حد رح يغصبك على شي..
وفهمي اهلك هدا الكلام ..

والله يوفقك دنيا وآخرة :)

عروس جنان
16/02/2008, 09:02 AM
أختي اذا ما مرتاحـة له نصييييييحـة لا توافقــي
ترى الزواج مو لعبـــة

عنودي
16/02/2008, 09:21 AM
http://go.3roos.com/8qe9fHHPgqb .

والله مول مب مرتاحه مع انه مافي حد ما مدحه

الصراحه شكله كأنه فيه مرض الثعلبه يعني مافيه ولا شعره وغير جي عينه خضره ومجحله وقصير احس اني اطالع جني والله العظيم لما اقول لاهلي جي يقولون لي استغفري الله :(

واهلي مصرين عليه لانه هذا رقم 15 من بين الخطاطيب هذا الي مضايجنهم واني دخلت ال 25 سنه

امي اتقول لي انتي مرض وماعرف شو وانا نفسيتي منهاره مب عارفه شسوي

3afary
16/02/2008, 09:46 AM
والله ما ادري شو اقولج

بس العقل والمنطق يقول اذا مو مرتاحه كلمي امج ولا ابوج بالهداوه وما اعتقد راح يغصبوج اذا بينتي لهم وجهة نظرج .. ولا تنسين ها زواج مو لعبه
والله يعينج :(

row3a
16/02/2008, 11:07 AM
طلب منهم صوره له ومهله تفكرين هذا حقك حتى لا تتسرعي ولا تندمين واستخيري لين يوم الرد وقتها الله ان شاء الله يشرح صدرقك وتعرفين شو الخيره

الريـــــــــــــم
16/02/2008, 11:33 AM
http://go.3roos.com/8qe9fHHPgqb .

والله مول مب مرتاحه مع انه مافي حد ما مدحه

الصراحه شكله كأنه فيه مرض الثعلبه يعني مافيه ولا شعره وغير جي عينه خضره ومجحله وقصير احس اني اطالع جني والله العظيم لما اقول لاهلي جي يقولون لي استغفري الله :(

واهلي مصرين عليه لانه هذا رقم 15 من بين الخطاطيب هذا الي مضايجنهم واني دخلت ال 25 سنه

امي اتقول لي انتي مرض وماعرف شو وانا نفسيتي منهاره مب عارفه شسوي

ههههههههههههه لا يختي ما ينفع جذي تقولين عن ريل المستقبل

دامج استخرتي و للحين تشوفين جني ارفضي و الله يعطيج الي يناسبج و يقدرج!

خديجة 12
16/02/2008, 12:56 PM
اهم شي دينه و اخلاق و لا تنسين ان شكله من صنع الله الذي ابدع كل شيء خلقه..

خديجة 12
16/02/2008, 12:59 PM
عين الرضا عن كل عيب كليله و حبك الشيء يعمي و يصم

انت لانك ما حبيتيه ما قدرت تتقبلين شكله ... لكنلو عرفته زين و حبيتيه ما راح تناظرين لشكله

qshark
16/02/2008, 01:39 PM
طالما استخرتي ولا زلت مو مرتاحة فليش تظلمين نفسك وتظلمينه معك ؟ اخاف اذا اخذتيه وانتي مو متقبلتيه تصيرين تنفري منه لما يبغى يجامعك وهذا شي سيؤثر على نفسيته ويصير يكرهك .

انا مع اختي في كل كلمه قالتهاااا

(f)(f)(f)(f)(f)

الجوهرة السعودية
16/02/2008, 01:52 PM
استخيري وذا مو متقبلتة حاولي تشوفين شخصيتة يمكن طيبة قلبة تغطي على شكلة واذا ماااااعجبك مرة لاتاخذينة حرام تعقدين نفسك وتعقدينة يمكن الله يرزقة بوحدة تحب وانتي الله يرزقك بشخص يعجبك وتعجبينة

نور و جود
16/02/2008, 02:02 PM
لاتظلمين نفسك وتظلمين الشاب معاكي ....لا توافقين الدنيا موب تتعطل عليه او عليج ماحد يدري وين النصيب والتوافق في مستوى الشكل الجمالي مهم من شان الخلفه ....الله يرزقج باابن الحلال اللي يناسبك ...

ام عمـار
16/02/2008, 02:09 PM
اي يا بنات البنت مو متقبله شكله


يعني صحيح الشكل مو كل شي


بس تراها هي اللي بتعيش معاه وهي مو متقبله هالشي

حبيبتي اذا كنتي مو متقبلته لا توافقين


هذا زواج مو لعبة


صحيحج الشكل مو هو الدرجه الاولى


بس عاد على الاقل يكن مقبول

واهم شي تكون هي راضيه فيه

انا اقول لا ترضين بالغصب لان كلشي بالخناق الا الزواج بالاتفاق



واهم شي استخيري والله يقدم الله فيه الخير


والله يوفقك

عنودي
16/02/2008, 03:51 PM
http://go.3roos.com/8qe9fHHPgqb .

مشكورين خواتي الله يعيني على اهلي مبووزين علي

وانا حالتي النفسيه زفت

شذى لبنان
16/02/2008, 04:45 PM
حبيبتي اذا كنتي مو متقبلته لا توافقين


هذا زواج مو لعبة

اعتذر للاخت على اقتباس مشاركتها

غلا أمي
16/02/2008, 05:16 PM
إستخيري مرة ثانية وثالثة .. ورابعة .. لا تستعيلين حبوبي .. ليش يعني لازم تردين هالإسبوع ع العرب ؟!! هاي عشرة عمر مش يوم ولا يومين .. قولي لهم بفكر .. بستخير ربي .. عطوني فرصة .. هاللي بتعيشين وياه طول عمرج .. ((لا تستعيلين حبوبة)) .. ^^ والأمور بتكون طيبة إن شاء الله ..

وسالفة إنج مش متقبلتنه عشان شكله .. ف إسمحيلي أقولج إنتي إن ذا رونج سايد خخخ .. ولا أقولج طرشيه جدانا خخخخخخخ .. والله الجمال ما يدوم حبوبة .. أهم شي أخلاقه ودينه .. ^^
وأهلج يبون مصلحتج .. الريال زين وما يعيبه شي .. وافقي عليه ترى الظاهر والشكل مب مهمين كثر الأخلاق ودين الريال .. طبعا عقب ما تصلين الإستخارة .. ويلا حبوبة برب بروح أصلي .. ^^

aNa QaTaRia
16/02/2008, 06:25 PM
عنودي شدعوه شيسوى عليج تتزوجين واحد وتوافقين عليه على اساس اهلج يبونه وانتي ماتبينه

يعني فترة قبل الزواج من حقج تستانسين وتحسين براحه مع الانسان اللي جاي يخطبج

مثلا لو بيجي يزوورج بعدين ، تشوفين واحد وجهه داخل مزاجج وتتمقلين فيه على كيفج هههه

خاصه لو مبدئياً فيه اشيا انتي عاجبتج فيه ... يعني يكون خلوق وطيب وتكونين متقبله شكله

انتي مب ملزومه تكونين البنت اللي تجرب هالشخص جانه زييييين واخلاقه مغطيه بالرغم من شكله .. لا منتي بملزومه

يعني مادري .. هاي وجهة نظري ... لو انا مستحيل اوافق على شخص وانا شكله كلش مب داخل مزاجي

مثل ماقالوا البنات الشكل مب لازم يكون ملك جمال ..

دامج مقتنعه من داخلج ان انتي ماتقدرين توافقين... حتى لو ان اهلج زعلانين عليج ... صدقيني هاي اكبر عذر انج ترتاحين نفسياً انج ماوافقتي على شي غصبن عنج .. لان في الاخير انتي اللي بتتضررين لو ماقدرتي تتقبلينه مب اهلج.. وولا حد بيوقف معاج .. دام انهم موقفين معاه وهو ماصار زوجج .. شلون بعد لو صار زوجج؟

والله يسخر لج ولد الحلال اللي ترضين فيه :)

نوارة أبوظبي
16/02/2008, 06:25 PM
حـبـيـبــتـــي..........أولا وأهــم شــي الاســتــخـــارة........وزي ما قــالــوا الـبــنــات الـشـكــل مو كل شي .....يــعــنــي يمكن فـيه نــواحــي ثانيه كويسه .........ديــنــه خــلــقــه ..........!!.............ثــانــي شــي ورب يــاقـلـبـي إنــي مــريــت بـنـفـس الـمـوقـف........شـفـتـه وبالمره ما عــجــبــنــي شــكــلــه اسـغــفــر الــلــه ما أدري هــو شـكـلـه الخارجي ولا أنــا مــا ارتــحــت لــه كشــخــص .....الـمـهـم بعد مـاشــفــتــه قـعـدت أبــكــي وأحــس إنــي مـا أبــغــيــه .........حــســيــت بــضــــيـــــــق ومــاارتــحــت حــتـى اتفــركــش الموضوع....أمــي وأبــوي تضايــقــوا بسسسسسسس هـمـا عـارفـيـن الــســبــب..........أنا ما أعــرف إلــي سويته صح أو غــلــط.......بسسسسسسسسس الــشــي إلــي مـــــــتـــــــأكـــــــ ده مـــنــه إنــــــــــي اســــــتــــــخــــــرت ربي أكثر من مره وأكــيــد هو مــا كــان نــصـــيــــبـــــي............ ......أرجــــــوك لا تــفــهــمــي من كــلامــي إنـي أحــرضــك عـشـان تـرفــضــي الـرجال لا لا يمـكـن الــرجــال ممــتــاز وطـيـب......بسسسسسسسس لا يــكــلــف الـــلــــه نــفــســــا إلا وســـعـــهـــــــا...........
اســـــــــــتـــــــــخـ ـــــــيــــــــــــــري وادعـــــــي وقومـي الــلـــيـــل وفـــــكـــــــري جـديــا بـالــموضــوع........ورب يــيــســرلــك الــخــيــر .....وبــشــــريـــنـــــــ ا..........رب يـسـعـدك حبيبتــي...........

**دموع الفجر**
16/02/2008, 10:06 PM
استخيري ولاتتسرعي ي ردك وانا اوافق كلام عيون ابوظبي

mero_717
16/02/2008, 10:40 PM
انا كنت واقعة فى نفس مشكلتك

بس الحمد لله اهلى رفضوه لما شافونى انى مرضت منهم وكنت هموت من المرض

اختى اطلبى اولا ان تجلسي معه مرة اخرى واحرصى ان تتوضأى قبل دخولك عليه واقرأى ما تيسر لكى من القرءان وربنا بأذن الله هيوفقك ولا تستحى ان تطلبى الجلوس معه مرة اخرى

طيف السلام
16/02/2008, 11:04 PM
ارفضيه خلاص اوقفي ضد الكل وارفضيه على الاقل من اللحين اهون افضل من ما ترتبطون وتظلمين نفسج

والرجال وان شاء الله انتي بيجيش نصيبج وهذا الشخص ما يعيبه شكله وبيحصل ان شاء الله افضل البنات

بنيسا
17/02/2008, 03:22 AM
اختي انا رايي تصلين الاستخارة كذا مرة واذا ما زلتي حاسة بنفس الاحساس خلاص ارفضي هذا زواج مو لعبةالله يوفقك

لحن الاشواق
17/02/2008, 05:12 AM
شوفي يالغلا اول شي حطي في بالك الرجال مخـابر مو منـاظر زين وغير كذا مو كل مره راح يجي شاب يخطبك وممكن يجون اسوء من الي قبلهم عشان كذا فكري بالموضوووع زييييين عشان ماتندمين انك فوتي فرصه جات لعندك
وبعدين ناظري بقلبك هل انتي مرتاحه له ولو جزء بصير ولا لا لان قلب المسلم دليله
ثانيا استخــيري زيين وادعي ربك ان يختار لك الصالح اذا خير يهيئه لك واذا شر يصرفه عنك
واذا مازلتي مو مرتاحه ومو مقتنعه فيييه فرفضيه لانه هاذا زواج وعشرة عمر مو لعبه ..
على العموم الله يختارلك الصالح ومووووفقه ان شالله ..

روبا
17/02/2008, 07:38 AM
بأخلاقه و تعامله معاك بتشوفينه أجمل زوج بالعالم.....وأتركي عنك المظاهر الكذابة

laleeta
17/02/2008, 08:22 AM
أكييييييد أهم شي دينه وأخلاقه بس بعد اذا انتي مو مرتاحه له تقدرين ترفضينه بعد ما تصلين الاستخاره طبعا.. لأن أظن ان في وحده راحت للرسول صلى الله عليه وسلم وقالت له انها تبي تتطلق من زوجها بالرغم من انه خلوق ومتدين بس انها مو مرتاحه معه فالرسول (ص) قال لها ترد عليه حديقته وتتطلق اتوقع جذي القصه.. يعني مهم انج تكونين مرتاحه بس بعد انتي قعدي معاه مره ثانيه بس قبل حطي في بالج ان الشكل مو كل شي وشوفي يمكن ترتاحين له.. الله يوفقج أختي

جوااهر
17/02/2008, 12:58 PM
حبيبتي اهم شي الراحه والقبول الحسن

لو حسيتي براحه اول ماشفتيه وقبول حتى لو هو مو حلو وقبيح..ممكن توافقين

بس دامج ماحسيت براااحه ابد ولا قبوووول بالعكس حسيتي بضييييق

فخلاص ليش تغصبين روحج...هذا مو اخر ريال في الدنيا

وانتي بعدج صغيره 25 العمر جدامج...

صلي استخاره ولو ماتغير شعورج خلاااص صممي على موقفج حتى لو زعلوا اهلج عليج
لما تعدي السالفه بينسون الموضوع وبيرجعون معاج طبيعي...

دعواتنا لج بالتوفيق

عنودي
17/02/2008, 03:26 PM
والله خاطري اهلي يشوفون كلامكم اباهم يفهموني

قالت لي خالتي اونه انزين وافقي على الخطوبه وكلميه وسويله اختبارات يمكن شخصيته تطغي على شكله

بس اذا طلعت شخصيته مب حلوه اونه اتركيه صح كلامها ولا لا؟؟؟؟؟؟؟ بليز ردوا علي

قلــب دلــوع
17/02/2008, 03:30 PM
لا تحكمين على الشكل ..

بس لو انتي تحسين انج مستحيييل تتقبلين شكله شو ما يستوي و شو ما يسويلج ..

لا توافقين .. و اهلج اكيد بيفهمونج ..

لان الزواج مب لعبه .. يعني لو وافقتي و انتي ما تبينه بتخربين حياتج و حياته ..

صلي استخاره و شوفي شو بيستوي .

لو ارتحتي وافقي .. و لو ما ارتحتي لا توافقين ..

و عن اهلج .. قولي لهم انج انتي اللي بتتزوجينه مب هم .. !!

و لو صليتي استخاره و مارتحتي قوليلهم هالشي ..

و بالتوفيق ..

قلــب دلــوع
17/02/2008, 03:35 PM
والله خاطري اهلي يشوفون كلامكم اباهم يفهموني

قالت لي خالتي اونه انزين وافقي على الخطوبه وكلميه وسويله اختبارات يمكن شخصيته تطغي على شكله

بس اذا طلعت شخصيته مب حلوه اونه اتركيه صح كلامها ولا لا؟؟؟؟؟؟؟ بليز ردوا علي

انا ما اوافق خالتج في كلامها ..

لان لو وافقتي يمكن هو بعدين ما يتخلى عنج و بتكبر المشاكل بينكم ..

و بعدين هالشي بيأثر عليج انتي بعد ..

يعني بعد ما تتعرفين عليه و يتعرف عليج يكون صعب وااايد تنفصلون ..

فعشان جيه .. فكري من الحين في مستقبلج و في حياتج يكون احسن من بعدين ..

انفينيتي
17/02/2008, 04:40 PM
مدام نفسج عايفتنه
لاااااااااااااااتوافقين عليه
بتتعذبين وبتعذبينه وياج وهو ماله ذنب

ولا توافقين عليه عشان ترضين أهلج
لأنج انتي اللي بتعيشين وياه

ونصيحتي صلي الاستخارة كل يوم لين
ما تستقرين على راي

aNa QaTaRia
17/02/2008, 05:03 PM
والله خاطري اهلي يشوفون كلامكم اباهم يفهموني

قالت لي خالتي اونه انزين وافقي على الخطوبه وكلميه وسويله اختبارات يمكن شخصيته تطغي على شكله

بس اذا طلعت شخصيته مب حلوه اونه اتركيه صح كلامها ولا لا؟؟؟؟؟؟؟ بليز ردوا علي

احس حرام لان يمكن اغلب الظن انج بتتركينه وبعدين هو شذنبه الريال المسكين واهله انهم يفرحون بولدهم معرس وخلاص صارت الخطوبه واخرتها يمكن مايعجبج وتفركشين الخطوبه .. وخاصه انج من البدايه بعد مب عاجبج

يمكن ينعجب فيج وانتي بالمقابل ماتنعجبين فيه كلش ..

ليش تفتحين عليكم باب وانتي مب متأكده شلي بيجي من وراه

لو انج حاسه ان في امل تكلمينه وتنعجبين فيه اوكي ممكن توافقين عالخطوبه وتفكرين اكثر.. بس انتي عايفته كلش .. وبجذي ماحس خطة خالتج تصلح

مادري انتي شرايج؟ :ss:

مدللة
20/02/2008, 02:08 PM
شوفي حبوبه دامج مب متقبله شكله نهائيا لا توافقين

صح الشكل مب كل شي بس رسولنا قال لازم تتقبلينه شكليا واذا انتي مب متقبله خلاص ليش توافقين

لا توافقين ونتي مغصوبه واهلج ما بينفعونج يوم بتعيشين متعقده وحياتج نكد

loveway
20/02/2008, 02:14 PM
بصي مش بالشكل ناس كتير حلوه وطبعها زي الزفت ويمكن ترفضيه وتندمي بعد كده

متضيعيش فرصه واحد بيحبك وكويس

عموما استخيري ربنا ولو ليكي نصيب تاخديه هتتجوزيه وتبقي مبسوطه

ربنا يوفقك ياقمر