المساعد الشخصي الرقمي

مشاهدة النسخة كاملة : بنات حبايبي اشوي اشوي ...



الغلا55
14/02/2008, 01:01 AM
اول شي السلام عليكم ورحمه الله و بركاته .. ثاني شي اشلونكم و شخباركم يأحلى بنات في الكون سواء عرايس او انسات حلوات مثلي .. >> احم احم :o

بنات حبايبي اشوفكم في هالقسم و في وووايد مشاكل يكتبونها الاعضاء انه بعض الاعضاء ممكن يتحسب على البنت و له يجرحها و الله ادري انه من خوفكم عليها و تبون تحسسونها بعظم المشكله الي هي فيها بس هي ما أكتبت لكم الموضوع الا تدري انها غلطانه و تبي حل و بعدين حتى لو ما تدري اعتقد الانسان ما يجي بالقوه حاولوا تجونها بالين .. و بدل ما تحسبون عليهم ادعولهم بالهدايه ..

بس تدرون و الله علمتوني درس انا كنت دايما يوم انصح خواتي اسوي نفس ما تسون اعظم الامور و اهاوشهم لين ما وحده من خواتي قالتي انتي ترى اسلوبج ينرفز مع انه كلامج مقنع بس تكبرين الموضوع و تحسسينه انه احنا كفار .. و الحين من ردودكم على البنات حسيت ترى صج الواحد لين بغى ينصح لازم يجي بالين مب بالقوه لانه الانسان الي عنده مشكله بروحه يكون مستضيق و يبي أي يد تنمد له و تساعده ...

و جزاكم الله خير و انا عارفه انكم تحبونهم بس هدووو ..

أختكم :
الغلا55

#روحـ مغليها#
14/02/2008, 01:18 AM
اي والله واعترف انا عن نفسي احيان اكون قاسيه في بعض الردود

لكن شوفي لماا تكون المشكله كبيره وضررها قائم مو على شخص واحد بس

يكون على ناس كثير وحست صاحبة المشكله ان الجميع واقف معها
راح تعتقد ان هالشي الي تسويه عادي وجائز

لكن لو شدينا عليها تعرفن انه غلط ومرفوض من المجتمع

وحنا مانشد الا في الامور المحرمه والي ماايليق بالمسلم انه يسويها
يعطيك العاااافيه خيتو على حرصك وتنبيهك

frawla
14/02/2008, 01:18 AM
صحيـــح كلامج يا الغلا 100 % ..

واحنا دايما ً في هذا الركن بالخصوص وبباقي الأركان عموما ً ..

نحرص عدم استخدام القووة ..

لأن هذا الشي ماراح ينفع أبد مثل ما تفضلتي ..

بل أن الدعاء بالهداية شي حلووو و يظل أثره طيب بالنفس ..

شكرا ً لج على الطرح الجميل ..

وأتمنى من الجميع الإستفادة منه ..

تحياتي لج ..
frawla ..

:9_33:

N O U R
14/02/2008, 01:27 AM
فعلا حبيبتي كلامك مية مية صح عشان

احيانا واحد يرد برد عشان يقنع صاحبة المشكلة برد الصحيح

والطريق السليم ليس قسواة بس تكون جواب واقعي وصريح

جزاكي الله خيرا حبيبتي

علي طرح هذا الحوار الرائع

مشكورة

بسمـة أمـل
14/02/2008, 01:32 AM
أنا أيضا أحب أن أنصح صديقاتي و أخواتي

لكني لا أحب أسلوب القوة و الأمر والتهديد

فحتى لو كانت صاحبة الموضوع غلطانه أدعي لها بالهداية

والكلمة الطيبة لها أثار كبير على النفس

مشكورة أختي على الموضوع

عيوش 5
14/02/2008, 03:30 AM
مشكورة

مهاا والحلا لهاا
14/02/2008, 08:07 AM
اي والله صدقتـــي ياأختــي النصيحــه ماتجي بالقووه


بارك الله فيــج غاليتـــي

**ام يارا**
14/02/2008, 08:20 AM
انا كلامي من كلام الاخت #روحـــ مغليها #

100%

مشكووره عـ التنبه

سوسنا
14/02/2008, 08:44 AM
صباح الخير..

صح كلامج..بس تدرين ساعات من خوفنا على الشخص انصارخ عليه بس ما ننتبه لأنفسنا انه احنا صارخنا الا بالاخير..بس المفرووض انه النصيحة اتيي بهداااااوه وبدووون عصبيه..والله يبعدنا عن المشاكل..

ويعطيج العافيةة على الموضوع..

أم سلمان الحلو
14/02/2008, 09:02 AM
السلام عليكم و رحمة الله تعالى و بركاته،،

مشكورة أختي و الصراحة كلامج لا غبار عليه .. و وايد زين إنج فتحتي هالموضوع .. يعني بالضبط مثل ما تدعو إليه الآية القرآنية في قول الله تعالى : (ادع الى سبيل ربك بالحكمة و الموعظة الحسنة و جادلهم بالتي هي أحسن) .. بالذات إن بعض المشاكل تنطرح من قبل مراهقات و التعامل معاهم لازم يكون بحكمة و إلا ممكن يجيب نتيجة عكسية ...

الجوكره
14/02/2008, 03:50 PM
صح كلامك
بس ساعات المشكلة تكون كبيرة ونتنرفز معاها والرد يكون قاسي بس بمصلحة صاحبة المشكلة
بس اكيد ولاشي يجي بالعصبية

تسلمين حبيبتي

الغلا55
14/02/2008, 03:55 PM
#روحـ مغليها#

frawla

kind gril

بسمة أمل212

هديل5

مهاا والحلا لهاا

**ام يارا**

سوسنا

أم سلمان الحلو ..

الجوكره

تسلمون خواتي عالرد و على تقبلكم الموضوع و ردوكم حسيت منها اشكثر تحبون البنات و الله يخلينا لبعض و يجمعنا في جنت الفردوس ان شاء الله ..

المؤمنة دائما
14/02/2008, 06:30 PM
اي والله صدقتـــي ياأختــي النصيحــه ماتجي بالقووه


بارك الله فيــج غاليتـــي

Miss JO
14/02/2008, 06:32 PM
أحيانا الكلام القوي والجارح يكون مثل الصفعه الي تصحي الشخص ..

عيون وليد
14/02/2008, 07:30 PM
ههههههههههههههههههههههههه هههههههههههههههههههه وربي انك صادقه توني راده على وحده حسيت اني بكسر الكيبورد من كثر ما رفعت ضغطي خخخخخخخخخخخخخخخخخ

يعطيك الف عافيه وكلامك بمحله المفروض نسيطر شوي على انفعالاتنا :)

دمتي بكل خير

الغلا55
15/02/2008, 12:51 AM
simsimaty3

Miss JO

عيون وليد



تسلمون خواتي عالرد و على تقبلكم الموضوع و ردوكم حسيت منها اشكثر تحبون البنات و الله يخلينا لبعض و يجمعنا في جنت الفردوس ان شاء الله ..

**دموع الفجر**
15/02/2008, 04:19 AM
تسلمين اختي الغلاه كلامك واااايد حلو وانا معاك في هالنقطة اللين وليس القسوووووووة لانها تنفر