المساعد الشخصي الرقمي

مشاهدة النسخة كاملة : اللي بتساعدها بدعي لها من قلبي ..وغلاتي عندكم ردوا علي..طلبتكم



*عيون الريم*
09/02/2008, 02:34 PM
السلام عليكم ورحمة الله وبركاته

هذه مشكله بنت خالتي ورجيتكم وغلاتي عندكم ساعدوها



الله يسلمكم هذه حبت واحد من اربع سنين من قبل سنتين كلمته في التلفون وما كان بينهم اي شي حرام والعياذ بالله مجرد حب الشخصية والاخلاق الطيبه علما بأن الولد يخاف ربه وهي بعد تعرف ربها
قبل ثلاث ايام هي قرات في موقع انه كلام البنت للولد الاجنبي لا يجوز للخوف في الانجرار للوقوع في الحرام وقررت انها تشتري الاخرة بالدنيا وتتركت الولد لانها تخاف من ربها وتخاف عليه من العقاب
الولد رفض في البداية لانه يحبها بجنون وبدرجه محد يتصورها بس هي فهمته انه الدنيا ماتسوى والاخره كل شي واقنعته وتركوا بعض
حالتها المسكينه تكسر الخاطر وهو بعد ومو عارفه شتسوي قلت لها بكتب لبنات عروس وان شاء الله يساعدون

ملاحظه
" ام الولد واخواته عندهم علم بالبنت وهو يبي يتقدم لها بس هي مو راضيه لانها تقول ان امها مستحيل تقبل لانها صغيره وان تقدم لها الولد بصير لها سالفه"

وهي المسكينه صارت تذكر ربها وايد عشان تشيله من بالها بس ما فيه امل
قلت لها تكثر من الصلاة وقراءة القرآن وعملت بنصيحتي بس بعد للحين مو قادرة وانا خايفة عليها تمرض وخصوصا انها في المدرسة وماابغي دراستها تتأثر


طلبتكم ساعدوها

قلب الامارات
09/02/2008, 02:42 PM
الله يصبرها و يتوب عليها

حبيت أخبرج أنه صعب على الإنسان إنه يتوب من الشي بسرعة يعني إنه الشيطان يبدأ يأثر عليه عشان يرد للخطأ بس مع الإستمرار إن شا الله تقدر تتغلب على مشكلتها

و إن شا الله البنات يفيدونج

فتافيت
09/02/2008, 02:59 PM
السلام عليكم
أختي خليه يتقدم لخطبتها الان بس ربط كلام يعني وبس تخلص دراسة بيتزوجوا
ويمكن أمها توافق ما حدا بيعرف
أحسن شي تددعي ربها لأنه لا يرد القضاء الا الدعاء تدعي في كل وقت وكل صلاة وكل ويوم وان شاء الله يصير خير
هي كم عمرها يعني؟؟؟؟؟؟

مريوم القطريه
09/02/2008, 03:10 PM
السلام عليكم
أختي خليه يتقدم لخطبتها الان بس ربط كلام يعني وبس تخلص دراسة بيتزوجوا
ويمكن أمها توافق ما حدا بيعرف
أحسن شي تددعي ربها لأنه لا يرد القضاء الا الدعاء تدعي في كل وقت وكل صلاة وكل ويوم وان شاء الله يصير خير

مع كلام اختي ،،

المؤمنة دائما
09/02/2008, 03:11 PM
السلام عليكم
أختي خليه يتقدم لخطبتها الان بس ربط كلام يعني وبس تخلص دراسة بيتزوجوا
ويمكن أمها توافق ما حدا بيعرف
أحسن شي تددعي ربها لأنه لا يرد القضاء الا الدعاء تدعي في كل وقت وكل صلاة وكل ويوم وان شاء الله يصير خير

*عيون الريم*
09/02/2008, 03:31 PM
عمرها 17 سنه

وهي ممتازه بدراستها بفضل الله وثم بدعمه

هي متأكده ان امها ما بتره يعني امها عمر الزواج عندها 21
يعني ما اعتقد بترضى


ساعدوها الله يخليكم احلفكم بالله خواتي

مريوم القطريه
09/02/2008, 03:39 PM
حبيبتي لو في نصيب بتـاخذه !!

ومثل ماقالوا الاخوات الدعاااء ،، الدعاااء ،، والله سبحانه كريم

*عيون الريم*
09/02/2008, 05:09 PM
بنات وين الفزعه


حرام والله مااقدر اشوفها دوم دمعتها على خذها

تحبه البنت تحبه موت وهو يحبها والولد تعبان بعد حلتهم تكسر الخاطر

ردوا علي لا تنطنشوني وغلاتي عندكم

Bint -qatar 2008
09/02/2008, 05:50 PM
مرحبا حبيبتي

انا من رايي يتقدم واذا الله كاتبه لها كنصيب فالدنيا راح تحصله وبعدين امها شبتسوي لو تقدم شنو بتطردهم

حبيبتي خلهم يتوكلون على الله ويروح يتقدم لها والله يوفقهم انشاء الله

سماء الحياة
10/02/2008, 12:06 AM
حبيبتي لو في نصيب بتـاخذه !!

ايماني بالله قوي
10/02/2008, 12:56 AM
السلام عليكم :حبيبتي بنت خالتك مو صغيره ماشاء الله عروسه خليه يتقدم لخطبتها واذا أحواله الماديه كويسه وبغى يتزوج فعمرها للزواج بعد ما تخلص الثانويه ممتاز وتقدر تكمل دراستها واذا تقدم قوليلهالاتخافين واجهي أمك وقوليلها ان المعرس عجبني وخليكى مصره عليه من غير ما تخبرينها انك كنت تعرفينه قبل هذا اذا كان الولد ما عليه أي غباروكان صالح (y)

رنو333
10/02/2008, 01:02 AM
اول شي ياقلبي مايجوز تحلفين بغلاتك الحلف بالله فقط
وبعدين بنت خالتك لو صدق تبي تنساه كان نسته
هذا لانها اساسا ماتبي تنساه
وبس هذا اللي عندي

عيون وليد
10/02/2008, 03:15 AM
اشفيكم معقدين الموضوععع

مافي الا انه يخطبهااااااا حتى لو صغيره عادي خطوبه بس واذا خلصت مدرستها تتزوجه

ماعتقد ان امهااااا راح توقف بطريق سعادتهاااااا

الله يفرج همهاااااا

frawla
10/02/2008, 03:32 AM
لا حول ولا قوة إلا بالله العلي العظيم ..

اهي جم عمرها ؟

إذا كان سنها للزواج مناسب ليش ما تتوكل على الله مدام اهو يحبها وشاريها .. !!

ومدام أم الولد عارفة بالموضوع بعد خلاص ..

و خليه يتقدم لها وتحاول ترضي أمها إنها توافق ..

الله يتمم عليها ويهديها يارب ..

والله إني مادري شنو أقول .. !

بس مشكلة نتايج هذي المكالمات وعواقبها ..

الله يسهل أمرها ويهدي لها الي تبيه ..

تحياتي لج ولها ..
frawla ..

:9_33:

الجوهره الثمينه
10/02/2008, 04:20 AM
أولا أختي حابه أوضحلك أمر...بالنسبه لعنوان موضوعك لاااااايجوز الحلف بغير الله, كثيرا مايقع من بعض البنات وبشكل ملحوظ أما لجهل بالحكم أو عدم أهتمام أسأل الله للجميع الهدايه فيجب الانتباه لهذا الموضوع لانه خطير وهو شرك بغير الله واذا أردت الاستزاده اليك هذا اللينك
http://go.3roos.com/NWv6zyw0sYm

وبالنسبه للموضوع لاتجووووز المكالمات الهاتفيه بين الفتاة والشاب قبل الارتباط الشرعي
واذا هي تابت فالافضل عدم الرجوووع الى هذه العلاقه لانها من الاصل محرمه ولكن اذا كانت التوبه من الطرفين وارادو الامر بالشرع فالبنت تعتبر مؤهله لسن الزواج وما ارى انها صغيره لان البنات الان كثير وفي عمرها يتزوجون...

**دموع الفجر**
10/02/2008, 08:33 PM
الله يعينها ويعطيها الصبر ويعطيه الصبر ويتقدم وان شاء الله يصير نصيب والا يستناها الي ما تكمل دراسها عليها باوقات استجابة الدعاء بالذات قيام الليل وساعة من يوم الجمعة واسالي مجرب بها الاوقات الله يكون في العون والله حاسة فيها لان صديقتي مثل حالتها

B.1
10/02/2008, 08:38 PM
ياارب تاخذه
الله ييسر عليهم

الجوكره
10/02/2008, 08:43 PM
اسمعيني حبيبتي عمرها 17 صح انه اشوف انها صغيرة بس ممكن يكون الزواج خير لها
وطالما هي بغت تتخلى عن كل شي عشان ترضى ربنا فاكيد راح يكون جزاها كبير
خلي الولد يجي يخطبها وبس يكون كلام بين الاهل واهلها لين تنتهي من دراستها او يصير عمرها 21على قولت امها
وحاولوا بعد ما يجوا الاهل عندهم انها تقنع الوالده بهذا الشي ونتي بعد عيون الريم حاولي تقنعي خالتك بهذا الشي
وتحط شي ببالها انه لو لله كاتب لها هذا الشي مافي احد يرفض
تصلي صلاة الاستخارة
وان شاء الله الوالده ترضى
الله يوفقها

mo00on14
10/02/2008, 09:30 PM
الحمد لله انها اعرفت تفرق بين الصواب والخطأ

وابعدت عن طريق الحرام

وقولي لها من ترك شيئا لله عوضه باحسن منه

وبما انها اختارت الطريق الصحيح اكيد الله بيعطيها

الأفضل في حياتها اذا كان هالشحص واذا لا فأكيد

هالشي فيه الخير

والحمد لله على كل حال

fire lily
11/02/2008, 12:03 AM
الله يثبتها

بس عادي تتزوجه وهي صغيره

فوق ال 17 مثلا

احسن من انها تنجرف فالغلط لاسمح الله

والله يوفقها ويعطيها على نيتها ان شاء الله

والبنيه مبين عليها معدنها طيب

M!ss Paris
11/02/2008, 12:59 AM
السلام عليكم :حبيبتي بنت خالتك مو صغيره ماشاء الله عروسه خليه يتقدم لخطبتها واذا أحواله الماديه كويسه وبغى يتزوج فعمرها للزواج بعد ما تخلص الثانويه ممتاز وتقدر تكمل دراستها واذا تقدم قوليلهالاتخافين واجهي أمك وقوليلها ان المعرس عجبني وخليكى مصره عليه من غير ما تخبرينها انك كنت تعرفينه قبل هذا اذا كان الولد ما عليه أي غباروكان صالح (y)

mokaneh_al5ali
11/02/2008, 05:53 PM
والله مادري شقولج صدق هالشي وايد صعب خصوصاً انها تعودت عليه ومن اربع سنين !!!

بس مافي حل الا الدعاء والاستغفار والله بيهديها ان شاء الله

مهاا والحلا لهاا
11/02/2008, 07:50 PM
حبيبتي عيــون الريــم خليه يتقدم لهـــا رسمــي شدرااج يمكن امهاا تواافق الله اعلــم

وتكمل دراستهــااا عاادي وبعدين يتزوجوون مافيهــاا شي ,, واهي مرااهقــه صعب تنسى بس بالعزيمه والأراادة والدعاااء راح تنسى ان شااءالله ... بس خليها تستغفر كل يووم اكثر من 100 مره

والله يسعدهاا ويهدي امهاا ويرزقها الزوج الصاالح ويكثر من امثاااالج ياعيون الريــم

*عيون الريم*
16/02/2008, 12:02 AM
تسلمون والله حبايبي مو مقصرين وسامحوني والله ما حطيت بالي للعنوان وان شاء الله ما تتكرر


اختي المها مشكورة حبيبتي والله الزين فيج ويكثر من امثالج ما شاء الله عليج



خواتي انا متأكده ناه خالتي ما بترضه عطوني طريقة نقنعها فيها

روح ملكية
16/02/2008, 08:41 AM
طيب هي تخلي الولد يخطبها
يعني يخلون اخواته يروحون لام البنت ويخطبونها ويقولون احنا البنت سمعنا عنها كل خير ونبي نخطبها
وش دراكم براي الام يمكن تقبل اذا شافت الولد زين ويباها

هذا رايي حبوبه

taaaz
16/02/2008, 03:13 PM
حبيبتي أستغفري الله وأبتعدي عنه ونصيبج عند الله وخلي هاللعب عنج لأنه هالشي حرام هذا من ملذات النيا إلي توديج للتهلاكه والله--الله يوفقج

moon_elq8
16/02/2008, 03:42 PM
>> نفس المشكله بالضبط !!

=( ,,,

بـس انا مابي اتزوج الحين ! احس اني صغيره :$

شذى لبنان
16/02/2008, 05:53 PM
أختي خليه يتقدم لخطبتها الان بس ربط كلام يعني وبس تخلص دراسة بيتزوجوا
ويمكن أمها توافق ما حدا بيعرف

بعتذر للأخت عاقتباس ردها

نانا حلوة
16/02/2008, 06:12 PM
يعطيك العافيه
والله يرزقك الزوج الصالح
ويفرج همك عن قريب
يــــــــــــــــــــــــ ارب

غلا أمي
16/02/2008, 06:12 PM
إنزين حبيبتي ..إنتي تقولين إنها عارفة إنه أمها ما بترضى وبتصير لها سالفة .. فـ ليش تعذب عمرها أكثر من جذه ؟!! أصلا هيه عارفة نهاية الموضوع من بدايته .. إنتي حاولي تنسينها الموضوع وإقنعيها بطريقتج .. والله حرام تتعذب وهيه فـ هالعمر .. قلبي عورني عليها:( .. قولي لها تشغل عمرها بدراستها أو قولي لها تشترك ف مراكز تحفيظ القرآن .. والله بتنساه وبتنسى طوايفه بعد لووولز^^

قولي لها يمكن تقتنع باللي قلته ^^
وإذا حبت فكرتي (إنها تشترك ف مركز تحفيظ) راسليني ع الخاص .. ترى أعرف خووووش مركز لووولز .. وأنا كنت مشتركة فيه .. ^^ وإن شاء الله ف الصيف بكمل .. ^^ حياها الله ..

والسموحة ع القصور ..

روبا
17/02/2008, 07:52 AM
اسئل الله الثبات لها...ومثل ما قالت وحدة من العضوات خل اهله يتقدمون مو خسرانة شي.

اختي كلمة وغلاتي عندكم من الحلف بغير الله اتمنى منك تغيير العنوان

مكسورهـ الخاطر
17/02/2008, 09:33 AM
الله يصبرها حبيبتي..

وان شاء الله بتنساه اذا ماكان لها فية نصيب بالحلال..

صدقيني قولي لها شوية وقت وتنسين السالفة كلها..


وان شاء الله ربي يرزقها بالرجل الصالح..