المساعد الشخصي الرقمي

مشاهدة النسخة كاملة : احترت شو اقوللها



Missing Some One
07/02/2008, 05:48 PM
مرحبا بنات
انا بكتبلكم المشكله بس المشكله ما تخصني تخص ربيعتي
وبكتبلكم بعد رايي في الموضوع وشو انا نصحتها واريد رايكم

هي كانت اتحب واحد من سنين وهو يحبها والكل كان يعرف انهم يموتون في بعض
حاول يخطبها كذا مره كان يصير شي

وهي ياما تقدملها ناس وكانت ترفض .. اتطلع فيهم عيوب لو ما فيهم
ومرت اسنين على ها السالفه والبنت كبرت .. اهل حبيبها خلاص ماعادو يبونها وهو كم حاول يقنعهم بس هب راضيين وطبعا هي ما تقدر تتزوج الا برضى امه وامه الله يهديها هب راضيه

حبيبها مريض مرض مزمن ومحتاج عنايه وعمليات من فتره للثانيه

هي اتفقت وياه انه يكلم امها ويرتب هو وياها السالفه ويتزوجون من غير رضى الاهل
في البدايه كان راضي
والحين بدا يتردد لانه ما يريد يخسر اهله

المهم في هاي الفتره اتقدملها شخص من وجهت نظري ما ينقصه شي ابدا
اخلاق ودين وريال متفتح ومن اهلها ومسولها قدر بس ما اعرف اذا يحبها او لا

انا قلتلها ترضى فيه وتتوكل لانه ما بتلقى مثل ها الانسان يتقدملها مره ثانيه
وهي بعدها اتفكر ابحبيبها .. على انه 99% مستحيل يتقدملها

قولولي كيف اقنعها شو اقوللها اخافها ترفض ها الانسان وتندم واخافني انصحها تاخذه واخلاف اتلومني لانها خلت حبيبها
اريد رايكم

أنجيليكا
07/02/2008, 06:33 PM
حبيبتي قوليلها خلها تقوله وتشوف رده فعله وخلها إتفكر في نفسها وما تفكر فيه يمكن ما ياخذها ولا يحب وحده ثانيه ولأن الريال لو عمره 50 يبونه بس البنت لأ.

المؤمنة دائما
07/02/2008, 09:28 PM
الله يوفقها ان شا الله

سماء الحياة
07/02/2008, 10:28 PM
نصيحتج لها صح
وتفكير ربيعتج غلط 100%
ربيعتج راكضة ويا مشاعرها ومشاعرها في الهواء
أحسلها تاخذ الريال دام ما يعيبه شي
ربيعتي شراتها ركضت ويا حبها وتاي ماحصلت شي وتزوجت ريال لايحبها ولاتحبه والحين صايرين سمن على عسل

الجوكره
08/02/2008, 02:40 PM
وهي تحب وهو بعد واامه موراضية ولحد ساعة مو راضية ومااظن ترضى عن نفسها تاخد واحد اهله مو موافقين عليك
اتقدم لها رجال وعلى قولتك مايعيبوا شي عيل شنو نتنظر لاتقعد تجري وراء مشاعرها البنيه تكبر وفرص الزواج تقل
هي تقول لهذا الشاب انه تقدم لي رجال وانا راح اوافق لو انت مالقيت حل
اذا اهله رضوا كان بها واذا لا خليها توافق على هذا الرجال طالما مافي شي يعيبه
واهم شي تصلي صلاة الاستخارة والله يرزقها لي فيه الخير
قوليلها الفرص لي بتجي بحياة مو كثير ولا بتنعاد والعمر بيجري والحب ماراح يدوم على طول

البنت الدلوعة
08/02/2008, 03:22 PM
قوليلها اصلا لو ما اتقدملها أحد..
ما ينفع تتزوج من حبيبها من غير رضى اهله..
يمكن في البداية تكون سعيدة ومبسوطة...لكن حياتها بعد كدة رح تتعب فيها..
يعني ما تقدر تروح لأهل زوجها اللي ما يبغوها زي العالم والناس..
كيف كرامتها تسمحلها..

يعني هي لازم تفكر في عواقب زواجها من غير رضى اهله وكيف هو نفسه رح يعصي امه ويغضب ربنا عشان يتزوجها..
يعني هل هي تتوقع انه ربنا رح يوفقهم وزوجها امه مو راضية عنه..!!

وكيف عيالهم ممكن ينحرمو من حماتها وحنانها وحبها..
يعني لاتفكر في الحب بس..
لانه والله مو كل شي..
ما يكفي الحب عشان ينجح الزواج..
يحتاج الاستقرار والتفاهم ورضى ربنا أكيد..

فأصلا زواجها من حبيبها خليه تشيله من راسها..
وخليها تستخير في اللي اتقدملها والله يوفقها ان شالله ..
لاتخلي الحب يعميها لانه ما رح يفيدها في شي ابدا..

فنفوشة
08/02/2008, 03:33 PM
الله يوفقها

واهو مدام ما تقدم لها لمن الحين يعني اكيد ما راح يتقدم لها

واكيد ما راح يخسر امه واهله علشانه

واكيد راح يسمع كلام امه مدام امه مو راضية اكيد اهو ما راح يتزوجها من غير رضا امه

انتي انصحيها انها توافق على هذا قبل لا يطوفها القطار

احلام فتاه
08/02/2008, 03:36 PM
قوليلها اصلا لو ما اتقدملها أحد..
ما ينفع تتزوج من حبيبها من غير رضى اهله..
يمكن في البداية تكون سعيدة ومبسوطة...لكن حياتها بعد كدة رح تتعب فيها..
يعني ما تقدر تروح لأهل زوجها اللي ما يبغوها زي العالم والناس..
كيف كرامتها تسمحلها..

يعني هي لازم تفكر في عواقب زواجها من غير رضى اهله وكيف هو نفسه رح يعصي امه ويغضب ربنا عشان يتزوجها..
يعني هل هي تتوقع انه ربنا رح يوفقهم وزوجها امه مو راضية عنه..!!

وكيف عيالهم ممكن ينحرمو من حماتها وحنانها وحبها..
يعني لاتفكر في الحب بس..
لانه والله مو كل شي..
ما يكفي الحب عشان ينجح الزواج..
يحتاج الاستقرار والتفاهم ورضى ربنا أكيد..
اوافق رايها

فأصلا زواجها من حبيبها خليه تشيله من راسها..
وخليها تستخير في اللي اتقدملها والله يوفقها ان شالله ..
لاتخلي الحب يعميها لانه ما رح يفيدها في شي ابدا..

Missing Some One
09/02/2008, 11:57 AM
مشكورين على تواجدكم ومساعدتكم
والله يوفق الجميع ان شاءالله