المساعد الشخصي الرقمي

مشاهدة النسخة كاملة : تعبانه ساعدوني



نونا الغندوره
07/02/2008, 04:49 AM
السلام عليكم ورحمه الله وبركاته

مااعرف ايش اقول بس لقيت الدنيا ضايقة فيا ومالقيت غيركم بنات انا لي متزوجه 3سنين ومن يوم ماتزوجت ماشفت ولايوم حلو في حياتي حتى ايام ماكنت بنت في بيت اهلي ماكنت مرتاحه لاني كنت عايشه مع مرت ابوي وامي ماتت وانا صغيره مررره كان عمري 10 سنيين بس انا مررره مضايقه انا عندي ولد صغي عمره 2 سنتين وزوجي مررره قاسي عليا مع انه حنون على كل الناس واهلو دايم يقولولي انو يحبني بس انا ماحس هذه الحب ال يقولو عنه انا مرره طفشت يحرمني من اعز ناس على قلبي وهم اخواتي واهلي هم دايم يسالون عني بس انا ماقدر يبغاني كل يوم عند اهله مايقول شي بس لما اقوله اهلى كان عفريت ركبهنفسي ارتاح اسويله كل شي يبغاه اجي من المدرسه واطبخ وانا مو كبريه انا 3 ثانوي بس اعرف اطبخ وانظف واغسل واسويله كل الى يبغاه حتى اني بعض احيان اقعج مانام الين صار وزني 48 كل الي يشوفني يقولي ايش صار فيكي من جد يابنات مره تعبت مو قادره استحمل استحملت ايهانتو هو واهلو وبرضو اسكت يسبون ويهزئوني قدام الى يسوي والا مايسوس وبرضو اسكت وانا اروح اعتذر وبرضو مو عاجبه فوق هذه كله يقول انه هوه الى بيضحي مو انا المهم لا اطول عليكم وشكرا لانكم اهتميتو لموضوعي

أريج البنفسج
07/02/2008, 05:47 AM
حبيبتي الله يعينك ويساعدك

بس احب اقول لك انتي غلطانه

ايه حبيبتي يغلط عليك ويسبك ويهينك هو واهله قدام اللي يسوا واللي ما يسوا على حسب كلامك وتسكتين وبعد تعتذرين لهم بصراحه انتي الغلطانه من الأول المفروض تسوين لنفسك هيبه واحترامك تفرضينه على الكل واللي مو عاجبه يزعل ويرضا بعدين واذا ما رضا بكيفه وهذا انتي الحين لسه صغيره وعندك ولد ومالك غير ثلاث سنوات وتعبتي هذي حياتك الحين ومو معقول حتجلسي طول عمرك وانتي متحمله السب والإهانه منه ومن اهله بعد يعني صغيره ما تردين عليهم


انا اقول لك لا تسمحين لأحد من الحين ورايح يهينك واللي ما يعجبك تكلمي يمكن تشوفيها صعب بالأول لكن عودي نفسك انتي انسانه ولك شخصيه وكيان لا تسمحين لأحد يهز ثقتك بنفسك

وفي الأخير ادري طولت عليك بس ما حبيت اطلع وما اقول كل اللي بقلبي واني بكيفك تسمعين مني او لا واتمنى تشوفين راي الخوات وتقررين تغيرين حياتك

تحياتي

المؤمنة دائما
07/02/2008, 07:19 AM
ياقلبي الله يكون بعونك ويفرج همك يارب ..

مغروره بس مجبوره
07/02/2008, 07:56 AM
حبيبتي والله
الله يعينك ويهدي لج زوجج بس انا اقول لو اتحاولين اتغيرين اسلوبج مع زوجج ومع اهله وتصيري اقوى من كذا
يكون احسن يعني ماتنزلين نفسج حق احد عشان ايسوون لج حساب ولاتنازلين على حقج لو وشوو

ثاني شي واهم شي صدقيني اذا بتسوين هالشي وربي كل اللي تبينه راح ايصير
اقري سوره البقره كل يوم مره اهي صج طويله بس جزئيها اهم شي مره وحده في اليوم لمده 7 ايام وبتشوفين النتيجه سبحان الله اي شي ايقوله الرسول صلى الله عليه وسلم ماعليه كلام

اعرف واحده حياتها جحيم مع زوجها ومع اهلها وبعدين كانت تقرا سوره البقره اتقول والله العظيم ان حياتها اتغيرت 180 درجه وزوجها بعد ماكان انسان متسلط لا يصلي ولايدل المسجد صار الحين احن منه مافي
والحمد لله

الله يخلي لج زوجج وولدج ويهديهم يا رب
والله يساعدج ويوفقج مع زوجج وولدج ويخليهم لج يا رب

Um.Abdullah
07/02/2008, 08:55 AM
هذي الدنيا وكانه عايشين في غابة، القوي ياكل الضعيف... بس انتي خليج اقوى من كذا، لا تعطين احد فرصة يهينج او يذلج، حتى لو كان زوجج، خليه يلومج، يهاوشج، يقول اللي يبيه، لكن حقج لا تضيعينه ولا تسكتين عنه، واللي مو عاجبه بكيفه، قوي شخصيتج، واللي يقول لج كلمة من اهله ردي عليه بكلمتين بس طبعا في حدود الاحترام علشان تبينين لهم انج احسن منهم وانج ما تنداسين،،، حاولي تصبرين فترة علشان ولدج، واذا ما قدرتي ما اقول الا الله يعينج، ولكن لا تخافي، بيجي يوم والله بيفرجها عليج،،، ياما سمعت قصص بنات والله رجاجيلهم كانوا يضربونهم واصبروا والحين عايشين احسن عيشة، وهذا بفضل الدعاء،،، ادعي ربج دوم ان يفرجها عليج وقومي الليل وانتي تدعين، والله بيسر امورج

الجوكره
07/02/2008, 12:58 PM
ياحبيبتي احسك انك مره على نياتك وطيبة بزمن مايرحم
حبيبتي انتي غلطتي لما خليتيه هو واهله يشتموك قدام الكل مايصير كنتي من الاول توقفيهم عند حدهم وتخلوا بينكم احترام وبس

بالنسبة لي زوجك حاولي تغيري من اسلوبك وتكوني اقوى من كذا ماتخليه يهينك كوني واثقه بنفسك واهم شي خلي الاحترام يكون متبادل واقنعيه انه مايصير تمنعني انه اشوف اهلي واخواتي عيب والله يخلي لك ولدك اصبري عشانه وحاولي تغيري اسلوب حياتك ولو مانفع هذا كله معاه هذيك الساعة له حل اخر واهتمي بدراستك توك صغير
والله يصلح حالكم
لاتنسى الاستغفار واطلبي من ربنا انه ييسر امورك لاتنسى اختي

سماء الحياة
07/02/2008, 11:32 PM
لأنك صغيرة كذا يعملوا
كوني قوووووووية