المساعد الشخصي الرقمي

مشاهدة النسخة كاملة : تعبت وابي حل :(



ميمو22
06/02/2008, 08:35 PM
السلام عليكم ..

انا سالفتي لها سنه تقريبا وانا كل يوم اتكلم واتكلم تعبت مافيه فايده من كلامي.. انا عندي بنت عم قبل اتزوج كانت صديقت عمري كل مكان معاي كنا اكثر من خوات مااستغنى عنها ولا تستغنى عني.. تزوجت انا بعد مامر شهر على زواجي جا واحد خطبها اهلها مو موافقين عليه وقفت وقالت ابيه واهلها رفضوا بس كان ابوها راضي المهم اخذته وكانوا اعمامي وعيال عمي وبنات عمي كلهم مو راضيين قاطعوها كلهم وقالولي اتركيها وغصب عنك تتركينها ومانبيها ومن هالكلام المهم زوجي شافهم كذا صار معاهم وقالي انسي هالبنت قعدت فتره مااكلمها بعدين ماقدرت صرت اكلمها ماسنجر بس اللحين انا احس خلااص مو قادره اتحمل انفجرت عند زوجي وقلت له برجع لها زي اول وهو مو راضي انا انبح صوتي وانا اقنعه ويقول اهم شي اهلك انا مو عارفه شسوي والله تعبت ومابي اسوي شي من ورى زووجي وتصير سوالف ابي حل تكفون والله تعبت من هالسالفه :(

عيون وليد
06/02/2008, 09:18 PM
يالغاليه ياليتك وضحتي وش السبب ماعتقد يكون السبب انها عشان تزوجت واحد هم مايبونه !!!!

بعدين وش دخلهم ؟؟؟ اهم شي ابو البنت وهو على كلامك موافق يعني موب مسويه شي غلط ...

قبل كل شي البنت تسير قريبتك يعني كل الي مقاطعينها من غير سبب عليهم اثم

لايدخل الجنه قاطع رحم ادخلي لزوجك من هالباب هذا اذا كانت البنت اخلاقها معتدله وطيبه

وبالعكسس حاولي تصلحي بين البنت وقرايبهااااا لاني موب شايفه شي غلط في الموضوع .

ميمو22
06/02/2008, 09:34 PM
الغلط اللي سوته انه اهل الولد مو زينين بس هو زين

Boo0ooBle
06/02/2008, 09:40 PM
يابنت الحلال زوجج أهم شي فى حياتج ..ولازم تسمعين كلامه ..والله مابيحاسبج إذا قاطعتيها ..بس بيحاسبج إذا عصيتي زوجج ..

الله يعينكم ويصلحكم..


http://up.qatarw.com/u/files/b04kpn3tc8w8i63aqqy8.gif (http://go.3roos.com/jabT73EljEq)

شذى الجوري
06/02/2008, 10:10 PM
ميمو الله يعينج مقدره و حاسه بس مدري شقولج ..

حاولي تقنعين زوجك ..بكل حب ..و كلميه انه البنت كويسه و زوجها كويس و مو ذنبه انه اهله مو كويسين ..

بكل لباقه و بكل حب لا تنسي ..كلميه و كلميه و لا تيأسي..و صدقيني كثر الدق بفك اللحام ..


و الكلمه الحلوه تسوي هوايل ..

استغلي اوقات الصفاء و النقاء و الحب عند زوجك ..و كلميه عن صديقة عمرك و انه الوضع الحالي مضني و متعب بالنسبه لك و لها ..و اتمنى لكم لم الشمل من جديد ان شاء الله ..

تقبلي مروري

dody mody
06/02/2008, 10:21 PM
عشان متعمليش حاجة غصب عنه اقعدى معاه واقنعيه بوجهة نظرك لازم يكون فيه لغة حوار بينك وبينه وطالما البنت محترمة هى وزوجها يبقى ان شاء الله هتوصلى لنتيجة مع زوجك حتى يوافق انك تكلميها ف التليفون بس من غير ما تقبليها

سماء الحياة
06/02/2008, 11:22 PM
الله يساعدج يالغالية ويصلح حالكم

Um.Abdullah
07/02/2008, 09:05 AM
اختي حاولي تكلمينه اكثر من مرة وتقنعينه ان البنت زينةوزوجها صالح،،، ومو غلط اذا عرضتي عليه انه يجرب يقعد معاه ويحكم عليه بنفسه
والله لا يفرق بينج وبينها

حلومه البطه
07/02/2008, 10:25 AM
يابنت الحلال زوجج أهم شي فى حياتج ..ولازم تسمعين كلامه ..والله مابيحاسبج إذا قاطعتيها ..بس بيحاسبج إذا عصيتي زوجج ..

الله يعينكم ويصلحكم..


http://up.qatarw.com/u/files/b04kpn3tc8w8i63aqqy8.gif (http://go.3roos.com/jabT73EljEq)

(y)(y)

حلمي اكون عروسه
07/02/2008, 11:01 AM
يابنت الحلال زوجج أهم شي فى حياتج ..ولازم تسمعين كلامه ..والله مابيحاسبج إذا قاطعتيها ..بس بيحاسبج إذا عصيتي زوجج ..

الله يعينكم ويصلحكم..


http://up.qatarw.com/u/files/b04kpn3tc8w8i63aqqy8.gif (http://go.3roos.com/jabT73EljEq)

كلاااااااااامج صح(y) أختي في كل كلمه قلتيها(y)
بس انت حاولي انج تقعدين مع ريلج وتقنعينه ومهما صار انتو أهل
ولااااااااازم صلة الرحم ,, فالرحم يفضل معلق لين يوم القيامه

الله يجمع شملكم ويهديكم ان شاء الله
حاولي مرة مرتين ثلاااث لين ما يقتنع
ربي معاج أختي ,و الله يعطيج على قد نيتج

الجوكره
07/02/2008, 01:59 PM
حبيبي اذا البنت ماسوت شي غلط وابوها موافق ايش دخل بنات اعمامها واعمامكم بهذا الشي
انتي كلمي زوجك وحاولي تقنعيه واذا مااقتنع ومارضى حاولي ماتسوي شي من دون رضاه حبيبتي اهم شي زوج كيكون راضي
والله يصلح الحال

ميمو22
11/02/2008, 09:04 PM
الله يعطيكم الف عافيه وسوري على التأخير بس ظروفي أخرتني... واشكركم على مروركم والله يكتب اللي فيه الخير ان شاء الله

احلى ظفاريه
11/02/2008, 09:47 PM
مرحبا اختي,,

انتي جمليها بعينه وجملي زوجها وخليه يحط نفسه مكان زوجها لو هله مانهم زينين اعوذ بالله بس هو زين طيب يريد الناس يعاقبونه على شي هو ما سواه على شي غيره مسؤولين عنه؟؟؟

واقنيعيه بدون عناد...

والله يوفقك يارب...