المساعد الشخصي الرقمي

مشاهدة النسخة كاملة : وقفوا معاي وشوفوا مشكلتي مع زوجي ،، يمكن القى لها حل عندكم ..



كشوره
06/02/2008, 03:01 PM
بنات ،، والله العضيم تعبت من هالموضوع وكتبته في اكثر من منتدى بس ما لقيت احد يفهمني ،، بعضهم يستهزء وبعضهم يقول ريلج معاه حق وووو ... الخ


طبعا بدخل في الموضوع على طول ،،

زوجي عنده هوس اسمه حب الايرانيات وعشق جمالهم ..

يذوووووووووووب في هالجنسيه من البنات مع انه انسان ملتزم بس عنده هذا واقع ويبيني اتقبله ..

تصوروا انه من كثر حبه لهم درس لغة فارسية ويتكلم في البيت بطريقتهم مع اني ما افهم شيقول ..

واذا سمع ان حد متزوج عجميه احسه يغبطه على هالاختيار ..

يعني لو اوصف من الحين لبكره واقول شيسوي وشيقول تجاههم ما بخلص ..



بس ادري ان افكاركم الجهنميه بتخليه ينسى هالشي

مادري شلون اغيره وشلون اقنعه .. طبعا مافي وحده ترضى ان زوجها يعجب بغيرها .. فلا تقولون لي ان الايرانيات صج جميلات .. حتى لو كانوا جميلات ما في وحده ترضى تسمع هالشي من زوجها ..

كركوبة
06/02/2008, 03:32 PM
الله يهديه والله يصبرج

غـــرااام..
06/02/2008, 03:38 PM
اقتراح جا في بالي على طول ...ممكن تتعلمين اللغة الفارسية..وتشاركينه في اهتماماته..وشوفي وش اللي يشده فيهم..وسويه ..هذا رايي ..وادعو ان الله يرده ويهديه ...الرياييل مأساة..

little kitten
06/02/2008, 03:56 PM
انا مع راي الاخت غرام

AREEN99
06/02/2008, 03:59 PM
انا مع الاخوات

مدلعه نفسي
06/02/2008, 04:10 PM
اممممممممممممم



انتي خلج حازمه معاه جاب طاريهم عصبي واطلعي من الغرفه


قولي له شنو انت متزوج جماد وحده ماتحس ؟؟؟ اوكي الايرانيات حلوين وبعدين سعندك شتبي توصل له ؟؟


كوني شديييده لاتتساهلين معاه وان شالله بيسكت

فجرالليل
06/02/2008, 04:12 PM
اختي

يمكن هو يحب فيهم حركات وطريقة لبسهم ...الخ

انت شوفي اش يعجبه وحاولي تلبسيله ..الخ

الله يسعدك اختي

فلورهـ
06/02/2008, 04:52 PM
اختي ذكرتيني بخطيبي

عنده الاجنبيات ( دارس برى وكان متزوج) افضل من بنات الخليج من ناحية

تدرين ايش سويت

طبعا حاليا انا متملكة فماقدر اسوي اكثر من اني
البس ستايل غربي
احط ميك اب طبيعي مثلهم
اغير في ستايلي
اتكلم معاه انجليزي
اذا فتح موضوع جريء احاول اجاريه بااني افتح منتديات وأقرأ واناقشه

والحين فكرته تغيرت مع ان عندي حدود معاه

انتي متزوجة يعني اسهل

مثل مااقترحت اختي تعلمي فارسي
وغسلي وجهك بماي ورد قدامه ليش شاتسوين بصير مثل الايرانيات دايما يشربون ويغسلون بموية الورد

اذا انتي بيضا شارايك ببياضي مو احلى من الايرانيات

يعني حاولي توريه انك احسن منهم

مو تحطين في خاطرك

فهمتي علي

سمسم33
06/02/2008, 04:57 PM
انا رايي من راي الاخت فلوريناااا....حاولي تهتمين باالاشياء اللي يحبها فيهم وجربي....

الله يوفقج ويهديه ان شاء الله

أم لطفلي الصغير
06/02/2008, 05:35 PM
الله يستر والله الرياييل تخبلو مايعيبهم الا مال الغير واذا بينتي له انج مضايقه بيتم يزيد ادعي الله يهديه بس على بالي المغربيات الأحلى هههههه

اسيل!
06/02/2008, 05:37 PM
لاتعصبين ولاشئ

اذا قال انا احب الايرانيات

قولي حتى انا احب الايرانييييييييييييييييين هههههههه

وحدة بوحده

واكثري من الدعاء فوالله انه سلاح المؤمن الفتاك

وقولي اللهم كرهه في كل امراه غيري

وحببه فيني

واجلني اجمل امراه في نظره

اللهم امييييييييييييييييييييييي يين

دُوا الروح
06/02/2008, 08:04 PM
:)

صح الايرانيات حلوات ، وما شاء الله عليهم عيون وحواجب تجنن << بتعصب عليج الحين ههههههه

فديتج ادري كافي عليج ريلج ، بس والله يوم قريت مشكلتج قلت مافي غير انج تقعدين وياه وتتعلمين اللغه الفارسيه ، انتي قولي له ابي اتعلم علمني انت :) منها بتقعدين وتتونسوين معاه ومنها بترضينه من ناحيى حبه للايرانيات
.
واممم شنو بعد مدري بس مثل ما قالوا البنات ، حاولي تبينين له انه انتي احلى من الايرانيات واحسن :)

الله يوفقج يا ربي ، ويهدي لج زوجج ياااااااا رب

Boo0ooBle
06/02/2008, 10:02 PM
الله يعينج والله ..وكلام أختي فلورينا صحيح ..

والله يهدي زوجج ..


http://up.qatarw.com/u/files/b04kpn3tc8w8i63aqqy8.gif (http://go.3roos.com/jabT73EljEq)

عيوش 5
06/02/2008, 10:08 PM
البنات ماقصروا كفوا ووفوا الله يجمع بينك وبين زوجك بالمحبة ويجعله مايشوف غيرك حبيبة له

الريـــــــــــــم
06/02/2008, 10:28 PM
مثل ما قالوا بنات شاركيه بطريقه غير مباشره و بعد انتي قولي له احب الايطاليين و تغزلي فيهم عشان يغار و يهون هههه

الله يحفظكم لبعض

قشطة الفريج
06/02/2008, 10:35 PM
انا رايي من راي الخوات

اتعلمي اللغه الفارسيه وحاولي تتكلمين معاه بهاللغه وحتى لو تعلمتي لج كمن كلمه .. خليه اهو يعلمج واذا ما بغى يعلمج .. انتي تعلمي من يا حد او روحي معهد وفاجائيه انج تعرفين فارسي واذا قالج وين تعلمتي او ليش تعلمتي قولي له لانج تحبينه فتحبين اي شئ يحبه وقولي حبيت اشاركك شويه في هاللغه .. ويوم يرجع البيت من الدوام رحبي فيه باللغه الفارسيه مثلا وجذي فبيستانس .. ومب دووم تكلمينه وتنسين عربي هههههههه

وحاولي انج مراااات مب دايما يعني انج تغيرين من استايلج وتخلينه استايل البنات الايرانيات .. حاولي انه في ركن من اركان البيت تخلينه ركن استايله ايراني .. وانا لين قلت لج لا تغيرين من استايلج دايما عشان ما يقول ليش تغيريتي وانتي مو اللي كنت اعرفها وانتي مو فلانه القبليه وجذي .. فخليج طبيعيه ومثل ما انتي واهو اكيد راضي بيج وباستايلدج ولا جان ما خذاج ... فبس غيري ه الاستايل بين فتره وفتره عشان يستانس ويعرف مدى حبج له .. وبيني له غيرتج عليه بس لا تكثرين عاد وتصير سالفه خخخخخخ .. ليش بس الرياااييل اللي يحق لهم الغيره .. نحن الحريم بعد لنا الحق نغار و نحن بشر ونحن


اتمنى اني افدتج

والسموحه طولت عليج

سلام الكون
06/02/2008, 10:40 PM
عزيزتي انتي اسأليه شنو المميز يعني في الايرانيات اهو صج في بعض الايرانيات حلوات بس هم فيهم العادية واللي مب حلوة....في كل مكان في هالتصنيف!!!!!!!!!
وانتي سوي اللي قالو البنات وان شاء الله يوفقج ......

أريج البنفسج
07/02/2008, 07:26 AM
شوفي حبيبتي انا الحين بقول لك شي وبيخليه ينتبه لك ويحبك

اول ما قبل ما يطلع من البيت الصبح قولي له
خدا حافظ...يعني مع السلامه..... او..خدا نكهدار..نفس الشي
هو عاد بيقول شنو قولي دارس لغة فارسيه ومو عارف وش اقول وعيديها قولي صح نطقتها؟؟وشوفي وش بيقول


وشيكي على الخاص وانتي وشطارتك عاد

تحياتي

عنفوان أنثى
07/02/2008, 07:32 AM
صح اختي شاركيه اهتمااااااامه

الجوهرة السعودية
07/02/2008, 09:38 AM
صرراحة الايرانيات يلفتون الانتباة غصب انا رحت المدينة المنورة وشفت ايرانيااات ولله من جمالهم سرنا كلنا نتكلم يالحريم عنهم عموما الله يعينك وصلي وادعي ان الله يصرف قلبة عنهم ولاتبينين انك مقهورة عشان مايستفزك الله يحببة فيك ويخلية ماايشوف غيرك يارب حااولي كل مرة تطلعين بشكل وبلك جديد الرجل يحب المراة المتجددة

الجوكره
07/02/2008, 01:40 PM
والله حبيبتي على تتساهلي معاه شنو ايرانيات وجمال وماادري ايش اوكي ايرانيات جميلات ماقلنا شي بس كون انه زوجك معجب بيهم وتعلم لغتهم عشان هو مخبول بيهم عيل ليش تزوجك من الاول كان راح تزوج شي وحده من ايران ابرك له
حاولي تشديه معاه بهذه النقطه انتي ماتقصري معاه بشي وحاولي على طول تكوني مهتمة بلبسلك وحالك
وشددي معاه بموضوع يعني لو كلمك على سالفة الايرانيات عصبي عليه واعطيه كلمتين يوعوه شوي لحين هو متزوج مو اعزب
انا مع الاخت مدلعه نفسي
خليك صارم معاه بهذا الموضوع

كشوره
07/02/2008, 04:08 PM
والله مشكوووووووووورين بنات ما قصرتوا عن جد تعبتكم معاي ..


ان شاء الله انفذ كل شي قلتووووووووووه ونشوف النتيجه الفتاكه مع هالريااااااااااال


خيلي ممنون:cool:

بــروووق
07/02/2008, 09:33 PM
أقترح عليك

انك تعرفين بالضبط وش يحب فيهم
وبكل بساطه انتي تسوينه باسلوبك .. ( يعني مو تقليد اعمى )


:]
بالتوفيق ..

المؤمنة دائما
07/02/2008, 09:40 PM
الله يخليكم لبعض ان شا الله

سماء الحياة
07/02/2008, 10:42 PM
انا رايي من راي الاخت فلوريناااا....حاولي تهتمين باالاشياء اللي يحبها فيهم وجربي....

kholoud_sa
07/02/2008, 11:50 PM
اممممم

انا مب متزوجه

بس اتوقع لو قالي يحب الايرانيات ويعجبونه بقول له انا بعد احب جمال الرجل الايطالي وبتعلم ايطالي خخخخخخخخخخخخخخخخخخخخخخخ



بصراحه الله يكون بعونج

بس نصيحه تعلمي فارسي ولو تقدرين تتعرفين من غير لا يعرف على ايرانيه وتشفين شو يساوون لرجالهم وتتعلمين منها


الله يهديه ويوفقك يارب