المساعد الشخصي الرقمي

مشاهدة النسخة كاملة : كيف اعاملـه



احبه بس
02/02/2008, 04:02 PM
السلام علييكم والرحمة

بنات انا مالجة..ولما اتصل حق ريلي دائما مشغول شوي يقولي ويا ابووه وشوي يقولي بظهر ويا ربعي او بروح العزبة وبيلس ويا هلي

بس انـا؟.

انا مالي اهميية عنده ..يقهرني دوم مشغول ملييت وطفرت احس بالنقص وياه احيانا يقص عليه الشيطان يقولي تعرفي على غييره احسسن بيعرف قدرج استغفر الله

انا ماحب الخياانة

بس يوم اتصل فيه دووم بزيي واصك من عنده معصبة واقول مرة ثانية ما بتصل بس اييني شوووق واروح اتصل واندم مرة ثااانية


كيف اتعامل معااه ..كيف يحس بقدري
:(

أحب-زوجي-ومدلعني
02/02/2008, 04:13 PM
يا قلبي انا ماعرف شنو ظروفكم بس عامل كما تعامل،، اتصل ردي اتصاله ما اتصل طنشيه خلاص ليش يذبحج الشوق وهو لا،، واذا مو قادره عالبعد تناقشي معاه بهدوء يمكن له وجهه نظر بهالموضوع..

وان شاء الله البنات يفيدونج اكثر،، والله يوفقج ياقلبي:)..

غلا سهيل
02/02/2008, 04:15 PM
هلاا خيتوو

وانا اقرى موضوعج ذكرتيني بنفسي

انا ريلي ايام الملجه كان نفس الشي

كله مشغوول

ويقوول بيتصل وبعدين ما يتصل ..

سمعي انتي اتغلي عليه

لا تتصلين فيه .. خليه هو اللي يتصل


عادي يومين والا ثلاثه لا تدقين امسكي نفسج

واذا اتصل وقالج وينج ما دقيتي ...

قوليله انشغلت اشوي

وكانت عندي ظرووف .. المهم طلعي له اعذار

.. وفي شي ثاني بعد


اذا خلاص ما قدرتي وتبين تدقين له .. لا تطولين معاه

قولي له ولهت على صوتك بغيت اسمعه .. وااذا شفتيه استانس

لا تطولين معاه قولي بخليك الحين .. امي تباني والا ابوي

اتعلثي بشي


خليه يتهلف عليج

.. انا جيه كنت اسوي وكان هو اللي يتصل ..


سلاامي

اختج غلا سهيل

$sweet girl
02/02/2008, 04:15 PM
إول شيء ..مثل ما هو مو معطيج وجهه لا تعطينه ..صدقيني بكره بيركض وراج...

وراده إراجع موضوعج

المملوحهss
02/02/2008, 04:18 PM
انا اقول طنشيه بمعنى الكلمه وراح اهو اللي يركض وراك وراح اتشوفين
لانك انتي الحين تركضي وراه باختصار سوي اللي يسويه فيك مو معنى كلامي شر لاسمح الله لا والله
بس الرقاله هيك اذا شاف المره وراه وراه استانس ويقول ليش انا اسأل عليها او اكلمها وهي كل شوي ناطه علي اعذريني كلامي شوي قوي بس اقولك الصراحه زي ماقلتلك سوي نفس اللي يسويه فيك مره لاتردين ومره كلمه وعلى قولتهم ورد غطاها ومره قولي مشغوله بيجونا ضيوف انا ماقووووول دائم صرفيه لا بس خليه يشتاقلك زي ماانتي تشتاقين له وشوفي0

احبه بس
02/02/2008, 04:27 PM
استااانست يوم شفت تفااعلكم وياااية

اليوم بروح بييت يدتي وانا عاادتي اذا رحت هناك ويا امي نطول ليين الفيير
فبخلي تلفووني فالبييت عسب ما اتصل فييه واذا اتصل ما يحصل رد وبعدين بقوله نسيت تلفووني في البيت

بصراحة هو يحبني بس انا لازم اثقل عسب يحس بقدري لأني نفس ما قلت لكم كله ويا ربعه
..وبخبركم باي شي يستوي
ادعواا لي ياا بنااات

m_f_t_r
02/02/2008, 04:55 PM
,؛.ربنا يسهلك أمورك ان شاء الله
و انا مع البنات اتقلى لحد ما يحس بقيمتك و يتلهف عليكى
هما كده الرجاله لازم الحاجه تبعد عن أيدهم عشان يحسوا بقيمتها
ربنا يوفقك

الجوكره
02/02/2008, 05:37 PM
طالما انتي تتصلي وعلى طول تسوي الواجب وهو يوم مشغول يوم مع اصحبه يوم ماادري وين
احسن شي ثقلي وخليه هو لي يتصل ولا تخليه يتعود على انك انتي لي تتصلي وانتي لي دوم لي تكلميه
اثقلي شوي وطنشيه ولو اتصل كلميه عادي ولاكنه شي صاير وخليه لين يتعود انه هو لي يتصل
لله يصلح الحل

مغروره بس مجبوره
02/02/2008, 06:20 PM
حبيبتي لاتقولين احبه والا ماحبه انتي دوسي على قلبج شوي ماعليه راح تتعبين بس راح تطلعين بنتيجه زينه

طقعي له فتره طووويله اهو هني راح يستغرب ويقول وينها مادقت يوم يومين ثلاث ....الخ

وماراح يقدر يصبر وبيقول خلني ادق عليها انتي اهني قولي له نفس اعذاره والله انا كنت مشغوله وجذي

الرجال بطبعهم يحبون البنيه الثقيله يركضوووون وراها

وسبحان الله يمكن اهو عن جد مشغووول ومضغوط مايقدر ايكلمج وووايد بس انتي بتكونين في قلبه وهاي اهم شي والا ماكان اختارج زوجه ؟؟؟

انتي الحين يمكن اتشوفين الناس اللي حولينج كل وحده ايدق عليها زوجها كثيرر ونتي اهني تزعلي بس نصيحه لاتشوفين للناس كل واحد وطبعه وريلج يمكن ايكون هاي طبعه مايتكلم وووايد

انتي لاتخربين كل شي خليج ذكيه ولين تتزوجو ان شا الله ذيك الساعه اتفاهمي وياه عدل

وربي يوفقكم

خليج عدن
02/02/2008, 06:24 PM
يمكن انتي تتصلين بوقت مو مناسب اثقلي شوي وطنشيه ولو اتصل كلميه عادي ولا كنه شي صاير

احبه بس
02/02/2008, 07:23 PM
هو لو كان جي من البداية عاادي

بس قبل لازم الصبح يتصل ويرمسني ساعتيين
والعصر جي ربع او نص سااعة والمغرب ع المسن وبعدين من 12 الفليل لين 1 او 2
ويوم اقوله بااي يقولي ما شبعت منج

وكنت مستانسة وخبرت ربيعتي قالت لي حظج ليش خطيبي ما يسوي لي نفس اللي يسوي لج اياه
اونه اغاار

وانا الغلطة مني اني كنت اقولها
كانت تغاار بطريقة مب طبيعية ..تقول بدلي ريلي بريلج

قهرتني

مادري حسد ولا

بنت الغالي
02/02/2008, 07:34 PM
هو لو كان جي من البداية عاادي

بس قبل لازم الصبح يتصل ويرمسني ساعتيين
والعصر جي ربع او نص سااعة والمغرب ع المسن وبعدين من 12 الفليل لين 1 او 2
ويوم اقوله بااي يقولي ما شبعت منج

وكنت مستانسة وخبرت ربيعتي قالت لي حظج ليش خطيبي ما يسوي لي نفس اللي يسوي لج اياه
اونه اغاار

وانا الغلطة مني اني كنت اقولها
كانت تغاار بطريقة مب طبيعية ..تقول بدلي ريلي بريلج

قهرتني

مادري حسد ولا



حبيبتي العيــن حق

اول شي اعذريه ولو قالج مشغول لاتجادلينه ( الرجل مايحب العتب ) قوليله ان شاءالله خذراحتك وتحمل بعمرك وسكري ( هو بيفكر وبينكسر خاطره )

لمايقولج مشغول ويسكر لاترجعين تتصلين بعدها انتظري لين يتصل ولين اتصل وسأل قوليله انت مشغول وانا خليتك على راحتك


اناماقولج لاتهتمين فيه بالعكس اهتمي لو هو اهتم ...


بس هالفتره دام انه مشغول ويتعذر اعذريه وعطيه وقته وهو بنفسه بيحس


اهم شي ماتعصبين ولاتقولين له مب متصله ومادري شنو


وحصني نفسج حبيبتي وتعلمي ماتقولين كل شي لاي حد العين حق


الله يهدي سركم ان شاءالله