المساعد الشخصي الرقمي

مشاهدة النسخة كاملة : ابي الستره لنفسي وامي تقول خليه يجيب شهاده



.::: وعـــد :::.
01/02/2008, 03:38 PM
السلام عليكم ورحمه الله وبركاته


بناااااات وربي فيني ضيق واحس اني بنفجر من القهر تعبانه وربي تعبانه نفسيا

مدري كيف ابدا بموضوعي وابيكم تساعدوني تكفووووون الله يخليكم لا ترردوني


انا عمري 22 سنه وادرس بالكليه والحمد لله خلصت الدبلوم وحاليا اكمل دراستي للبكالوريوس ورح اتخرج هالفصل الجاي ان شاءالله. المشكله اني حبيت بواحد كان يدرس معاي بالكليه الى كنت فيه زمان وانتقلنا مع بعض لكليه ثانيه عشان اتخرج بسرعه واتوظف ...... وهالولد ماشاءالله عليه خلووووق ومحترم ويحافظ على صلاته ولا يدخن ولا يشرب والحمد لله وهذا اكثر شي شدني فيه . هو يدرس معاي بس متأخر شوي من ناحيه دراسه لانه يشتغل بشركه ويدرس بالفتره المسائيه فيبيله سنه وشي عشان يتخرج بشهاده بكالوريوس. ومرة قال لى اكلم امي عنه وانه يبي يتقدم لى ولما فتحت لامي الموضوع سألتني اذا هو متخرج قلت لها تووه يدرس وكم سنه ان شاءالله يخلص . قالت لى يجي يخطب وهو عنده شهاده بكالوريوس قلت لها ليش شو دخل هالشي بالزواج ماله علاقه وبعدين صعب اني الاقي واحد مثله بهالجيل كل الشباب الحين ماينفعون وانا ابيه عشان الستره وبعدين عمري 22 واخاف ومابي ارفضه وبعدين يجي فتره اعنس . بتسألوني ليش خايفه بقولكم لانه السبب هي امي بشوووو؟؟ لاني الومها اي نعم الومها لانها ما عودتني اطلع معاها بزيارات ولاشي بنات لو اقولكم انه اوقات امي لما تنعزم لحفله عرس يعطونها بطاقتين واحد لها والثاني لاي قريب عندها بس امي كله ترجع البطاقه الثانيه ولامرة فكرت فيني اروح معاها للعرس وتخلي الحريم يشوفوني ويعرفوني ... مرة وحده تشتغل ويا امي تعرفني لان اذا تزوج احد من قريباتي امي تعزمها وتعزم بناتها ولما بنت هالحرمه تزوجت عطت امي بطاقه ولى بطاقه عشان احضر وامي رجعت البطاقه لها من غير حتى ما تسألني اذا اقدر اروح ولاشي .......ويوم عرفت انه بنتها تزوجت قلت لامي غريبه ما عزمتني واحنا دايم نعزمها ونعزم بناتها وترد امي تقول عزمتج هي بس قلت لها انج ما رح تجين لان عندج امتحان ..............انا هني انصدمت من كلام امي شوووووووووووووووووووووووو وووو اي امتحان عندي ماعمري قلت لامي انه عندي امتحان بذاك الفتره وقلت لها حرام عليج وليش ما سألتيني ليش ماتبيني اروح ؟؟ امي سكتت قالت بس انا كله عبالي عندج امتحان قلت لها يما انا ماقلت لج عندي امتحان وانتي على طول رجعتي البطاقه من غير حتى ما تسأليني ............... انا ماهمني احضر العرس بس الى يقهرني ودي اعرف امي ليش دايم تتركني بروحي بالبيت ولا حتى تخلي الحريم يعرفونني؟؟ وربي حتى اذا توفى احد امي تروح تعزي من غير ما تاخذني وبقولكم اني مستحيه من نفسي لاني ما اعرف اعزي احد والدة صديقتي توفت ومارحت لاني اخاف انفضح ماعرف شو بقول لها وكيف اعزيها والى يقهرني يوم تجي امي تقول كوني مثل بنات خالاتج بوقت العزاء يساعدون الحريم مو مثلج ...كلام يجرح طيب انا مرة قلت لج مابي اروح اعزي الغلطه مب غلطتي غلطت امي هي الى ماعودتني على هالشي وبنات خالاتي امهاتهم يصرووون عليهم يروحون اعراس ويعزوون الا انا امي غير ومب عارفه السبب ........ ومن قريب ولد عمة امي توفى وانا كنت ببيت خالي وطبعا كلهم راحو وانا ماقدرت ابقى لوحدي عشان اذا بقيت بيقولون لازم اروح وماقدر اقول لهم ماعرف اعزي ... ويوم رحت العزاء بنات خالاتي يسوون شي انا اقلدهم حسيت حالتي غريب ولما جو يضيفون الضيوف ماشاءالله كل وحده تعرف الا انا ولما بنت خالتي شافتني ماعرف شي قالت لي بوجهي فضيحه ماتعرفين تسوين شي بالعزاء وقدام الحريم يطالعون فيني وربي بغيت ابكي انجررررررررررررررررررحت يا ناس وبعدين اشوفهم لما يضيفون الحريم يسألون هاي بنت منو وهاي متى تتخرج الا انا كأني غريبه او خدامه ماحد يسأل عني شي

بنات اسفه طلعت من الموضوع من غير ما احس من القهر الى فيني وماني قادره افضفض لحد غيركم ................ الحين المشكله ابي اتزووووووج من هالولد الى احبه ويحبني وهو ينتظرني دايم يقول اقنعى امج انه رح نتزوج وهو يكمل دراسته ودام عنده وظيفه ما يمنع ............. بس هو وظيفته بشركه كبيرة عندنا ومعاشه ممكن يصرف علي بس المشكله وين نسكن والايجار نااااااااار الحين وهو يقول مابي ادفع لبيت ايجار ويجون باجر يرفعون السعر وبعده ننطرد من البيت ......... فقال لى عالاقل اتخرج واتوظف عشان نقدر نغطى علي بعضنا ونساعد بعضنا وهاذا كان من رأي امه بعد واعرف امه تبي له وحده تشتغل عشان اذا صار شي بالمستقبل عالاقل بمصروف الزوجه ممكن يساعد .... انا حسيت انه امه تهتم في هالشي لانه من يوم ما توفى ابو حبيبي الى هو زوجها مروو بظروف صعبه لان كلهم شباب ولازم كل واحد يكون نفسه لين ما يتزوج وانتم تعرفون كله مصاريف ولولا مصروف امه الى تشتغل كان بيعيشون بقسوه اكثر بس الحمد لله ربنا ستر عليهم .......... الحين يابنات شلون ممكن اتزوجه وامي رافضه لين ما يتخرج بكالوريوس وشلون اتوظف يناس وانا كل ماقلت لامي وين اقدم اوراقي عشان اتوظف تقول لى لا تستعجلين وانا تعبت بصراحه من عيشتي وابيكم تساعدوني ولا تردوني بلييييييز

.::: وعـــد :::.
01/02/2008, 04:46 PM
الله يخليكم لا تردوني حدي متضايقه عطوني رايكم بكلام امي وشو اسوي وربي كل شوي افتح موضوعي ومالقيت رد احد حاسه اني بموت ماني قادره افضفض لحد غيركم

احلام فتاه
01/02/2008, 05:10 PM
اختي لكان زين وطيب حاولي تقنعين امك انك تقبليه واذا تخرج توافقين عليه
والله يوفقك

.::: وعـــد :::.
01/02/2008, 05:10 PM
بنات وينكم ماحد رد علي و28 وحده دخلت وينكم وربي حاسه بضيق والله فكرو لو كنتو مكاني بليز عطوني رايكم عطوني حل اي شي لا تحبطوني انا تعبانه

فلورهـ
01/02/2008, 05:19 PM
اختي ادعي انه يكون من نصيبك

وفي صلاتك لما تسجدين قولي

ربي لاتذرني فردا

وان شاء الله يارب

موضوعك الجاي تبشرينا

بخطبتك له

والله يهدي امك ويحنن قلبها عليه

sarah_uk
01/02/2008, 05:27 PM
مشكلتك قريبه من مشكله بنت اعرفها هكذا اهلها يريدو انسان خريج ومدري شو وهي تحبه وللان يحبو بعض ومنتظرين النصيب يجمع بينهم
الله يوفقك تناقشي مع امك وكلميها بهدواء وربنا يوفقكم يااااارب

so0oso0o
01/02/2008, 05:55 PM
قهررررررررررررررررررر رديت اول وحده ولا طلع الرد والله تعبت وانا اكتب
بس مو مشكله لعيونك وعوده بكتب مره ثانيه
حبيبتي امج غلطانه انها ما تهتم فيج ولا تاخذج معاها بس هم انتي بعد غلطانه لا تنتظرين من امج انها كل شوي تقولج تعالي و تعالي انتي ادخلي فيها عرض وبيني لها انج تبين تروحين معها عزايم ومناسبات او حتى عزا مثل ما قلتي بعدين المفروض انج استغليتي الموقف اللي صار لج مع اخوالج وقعدتي معاها وبينتي لها انج انحرجتي من الموقف وشوي شوي صارحيها بكل اللي في خاطرج ودقي انتي على بنات اخوالج وتعرفي عليهم اكثر يمكن انتي السبب في اهمال امج انج مو اجتماعيه وزي ما قلت لج وقفي لها على كل طلعه وانتي زاهبه وقولي لها ابي اروح >>>> انواع القلق
وبالنسبه للشاب اللي يبي يخطبج بقولج شيء حبيبتي مافي رجال في الدنيا يحب ان زوجته تصرف عليه اي رجال في الدنيا لان الرجال يحب ان كل شيء بيده ما يحب ان زوجته تشاركه في الصفه هذي لكن لو هي اصرت عليه وسوت نفسها تحب بجنون ومتفانيه في الحب على بالها مسويه زحمه بيقول ليش ارفس النعمه خليها مو هي تبي تصرف ؟؟؟؟؟خلاص براحتها هذي نقطه خليها في بالج زييييييييييين
النقطه الثانيه استخيري ربج قبل اي شيء وبعدين توج حبيبتي 22 سنه تووووووج لا تستعجلين انتي قلتيها قلتي الدنيا والاسعار نار لازم انج تأسسون حياتكم زين بكره بتجيبون عيال فكرو في مصاريفهم لو مافي وظيفه زينه تأمن لكم حياه كريمه
وغير كذا اسالو عن الرجال و اجلي كل شيء الين يخلص دراسه ويصير يتحمل مسؤليه بجد واذا هو فعلا يبيج لشخصج مو عشان شهادتج وانج تعتبرين فرصه بالنسبه له صدقيني راح يجي اذا خلص ويطلبج رسمي
بخصوص الوظيفه لا تنتظرين من امج تقعد تدور لج دقي واسئلي وابحثي انتي عن وظيفه اعتمدي على نفسج وعززي ثقتج بنفسج
هذرت وايد احسج بتقولين مصختها ذي ما صدقت تمسك الكيبورد اعذريني عالاطاله
الله يفرج همج وييسر امرج
اختج so0oso0o

.::: وعـــد :::.
01/02/2008, 06:17 PM
مشكووورين خواتي على اهتمامكم بموضوعي الي من جد متعبني


اختي فلورينا شكرا ودعواتج لي يارب ييسر اموري ويسهله


اختي جاوان مشكورة على ردج ابوي موجود بس خايفه افتح له الموضوع وعلى حسب مافهمت من امي انها تناقشت ويا ابوي بالسالفه ومدري شنو طلع رده هو بنفسه وربي خايفه ومن كذي اتهرب من ابوي ولا افتح له السالفه عشان اذا رفض بنحبط اكثر وبتضايق .......اااااااااااه يارب يسر لى امري وسهله علي يارب

اختي so0oso0o حبيبتي وانا اقول اشوفج موجوده بموضوعي من ساعه وماشفت منج رد بذاك الوقت مو مشكله حبيبتي اسفه تعبتج وياي واشكرج وايد قلبو بالنسبه لكلامج انه ابين لامي ابي اطلع وين ما تروح ....امي تشتغل بشركه وماتخلص الا ع الساعه 6 واوقات تخلص بدري شوي وانا كم من مرة جبت لها بطريقه مباشرة اذا في عرس اقول لها يما في بطاقه لى ولا لا؟ بتقول لى لا وبعد فتره اتصل ببنات خالي واتفاجئ انهم معزومين ولما يخلص العرس والزفه وكل شي اجي اقول لامي كيف بنات خالاتي عازمينهم وانا لا تقول لى نسيت انه كان لج بطاقه او مثلا لو كان عزيمه ببيت خالاتي ويحضرون حريم وناس بنات خالي يقولون تعالي ويا امج ولما اروح اقول لامي بتقول لى مافي نسوي لهم زحمه هم عامزين حريم وايد وبعدين خالتج ماقالتلى اجيبج وياي ؟؟؟ليش انا طفله يعني علي انا بس بيصير زحمه ليش امي ماتبي سعادتي وعلى كل شي تقول لي لا شو فيني انا ليش دايم تخليني منعزله عن العالم ؟؟ اااااااااااااااااااااه بس ودي افهم شو الى بيدور براس امي استغفر الله العظيم بنات وربي كل ما افكر بهالشي احس اني ما احب امي اكيد بتستغبرون كم مرة حاولت اتقرب ليها بأي شي وهي ماتفكر اني اتعذب احاول ارمي كل شي ورا ظهري لانها امي واعرف تعبت 9 شهور وانا ببطنها بس الى تسويه فيني يقهرني موووووووووووووووووت والله وانا جالسه اكتب ابكي ومايته من القهر

.::: وعـــد :::.
01/02/2008, 06:18 PM
اختي so0oso0o مشكورة على ردج و ابد ما طولتي عالكلام بالعكس فديتج حسيتج فاهمتني الله يعطيج الف عافيه ودعواتج لي خيتو

مهاا والحلا لهاا
01/02/2008, 08:35 PM
والله مادري شنو اقولج ماعندي غير ادعيلج من كل قلبي ان الله يرزقج الزوج الصاالح ويستر عليج ويحنن قلب امج

درة النخيل
01/02/2008, 08:47 PM
حاولي يأختي تكونين صريحة مع الوالدة الله يخليها لك ويحنن قلبها عليك مثلا حاولي تقترحين عليها زيارة بعض الاقارب ولاتنتظرين انها تقرر

ثانيا يمكن هذا الرجال اللي انت متعلقه به مو نصيبك وان الله بيعوضك احسن منه

ررووزي
01/02/2008, 10:03 PM
اختي ما اعرف احس ان امك في شي مستحية منه واعتقد هو
يا انها ما بتحب فرضاطريقة لبسك
وحلي هذا المضوع اساليها شو بتحبي تغيري في يا نور حياتي

يا انها بتحس بوجودك انها كبرت بالسن
حاولي تعززي ثقتها بنفسها وانها كتير حلوة ومش مبين عليه الصغر

اختي انا اعرف وحدة كانت تحب واحد بدون حكي وهو ملتزم وهي ملتزمة لمدة 4سنين وكانت ما تتخيل انه في حد احسن منه وكانت بس يجيها حد تقول يارب اختارلي الاحسن وما يصير نصيب وكان هدفها الاول ربنا يختار مع انه قلبها معاه بس اخر شي ربنا كتب نصيبها على انسان وهي هلا بتحكي ما اععتقد انه في حد يحبها قده وهو في كل ما تمنت ما شالله عليه ادعولها بتمام الزوج عخير

.::: وعـــد :::.
01/02/2008, 11:04 PM
اختي مهاا والحلا لهاا مشكورة على دعواتج لى قلبو و اتمنى دعواتج لى كل يوم ويارب ييسر لى امري يارب



اختي درة النخيل مشكورة على ردج والله ثم والله حاولت معاها بس كل عذرها توني راجعه من الدوام وتعبانه اذا تبين روحي لوحدج وطبعا هالشي مستحيل يتنفذ لان امي ترجع بالمغرب وانا ماعرف اسوق سياره غير سيارتها واصلا اهلي مايوافقون اطلع لحالي بالليل يعني شو الحل اكثر من كذا؟؟؟ انا اكبر وحده واخواتي الصغار عليهم مدارس وماقدر اعطل عليهم لان كل اسبوع عليهم امتحان



اختي ررووزي مشكورة على ردج قلبو من ناحيه اللبس الحمد لله انا اهتم بنفسي وايد وبهتم بلبسي مابعتقد تستحي مني من ناحيه لبسي لان اصلا كل ما اشتريت شي اخذ راي امي فيه بعدين واذا ماعجبها اغيره او اذا مثلا بموت في اللبس الى اشتريته اطلع فيه بمكان مناسب مب مع امي ادعيلي ربي يوفقني وييسر اموري

*كلي شموخ*
02/02/2008, 12:14 PM
ربي يوفقج حبيبتي وحااولي مع امج لان اذا ربج كتبلج بتاخذينه ... والله يفرج همج

.::: وعـــد :::.
03/02/2008, 04:42 PM
يسلمو اختي شموخ عالرد ...............يالله يا كريم خفف لى همي يارب بنات ابي دعواتكم تكفوووون

غلا روحي mm
03/02/2008, 05:04 PM
حبيبتي لاتهتمين ولا شيء من ناحية الطلعة بعض نسوان يحبون بناتهم فالبيت مو بس انتي بعضهن تطعن امهاتهن وترضخن وبعضهن توقفن وتعارضهن الين ماخلاص تعود امها عالطلعات وعادي انما ما اقولج بالغصب بس حبة حبة وكذا اما انج ماتعرفين تتصرفين في عزى او حفلة عادي مايبله شيء وقبل اي روحه اسالس وش اسوي وش اقول لازم انج تظهرين حتى لوما احد يبي يظهرج خلج عادي حطي في بالج هالمقوله اذا تستحي ما تعيش وبس هذا اللي اقدر اقوله واما من ناحية الريال خليه ين تكملين ويكمل دراسته ويشتغل يعني يصير عمركم 24 وفوق تكونون ناضجين اكثر وتتحملون المسؤلية اكثر وبس

عنفوان أنثى
04/02/2008, 03:52 AM
من جد غريــبه

اكثــري من الدعاء اختي خليه يتقدم رسمي لج

وملكوو على مايخلص دراسته

ورد الخريف
04/02/2008, 07:54 AM
امج شكلها مخططة لج على واحد من الاهل

وفي النهاية راح يتزوج غيرج

هذي مشكلة منذ الازل الى اليوم

اهلج وينهم ما عندج ابو او اخوان


انتي اصري عليه

والله بيوفقج
واذا كان متمسك فيج
راح يبان مع الايام

.::: وعـــد :::.
05/02/2008, 01:12 AM
تسلمووووون على ردودكم خواتي



غلا روحي mm : انا صحيح كنت من النوع الخجوله وايد بس الحين تغيرت والحمد لله صرت اتكلم وعادي اسولف مع الناس يعني احاول اصير اجتماعيه اكثر ......... اختي الرجال الى احبه ويحبني يشتغل والحمد لله بس بنفس الوقت يدرس علشان يحصل شهاده دبلوم العالي وبعدين البكالوريوس ... بس امي كان كل قصدها تبيه يتقدم لى رسمي بعد ما يتخرج من البكالوريوس فهمتي علي وهذا رح ياخذ سنه وشي تقريبا وانا الحين صاير لنا سنتين مع بعض ..........بتقولين بعدكم على علاقه وماتعرفون بعضكم زين بس انا الحمد لله عرفت عنه كل شي خليت بنات خالاتي يسألون عنه وقالو الرجال خلووق ماشاءالله وانا بصراحه الى جذبني فيه اكثر شي انه يصراحني بكل شي يعني حتى لو شي سواه غلط يجي يقول لى عشان نتفاهم ويا بعضنا ومايكبر المشكله بس طبعا الاشياء الى اقصدهم مب اشياء خطيرة وكبيرة وايد ..........اشياء عاديه بس يحب يخبرني كل شي سواه وصريح واااااااااااااااااايد . ونسيت اضيف انه هو اكبر عني بسنتين يعني هو 24 سنه




rugaya : تسلمين عالرد .... والله حاولت بس تعرفين تعبت نفسيا والحين قلت بس اتخرج من الكليه وربي لأجلس على راسها واقول لها ابيه واخليه يجي يتقدم لى ان شاءالله انتي بس ادعيلي ربي يوفقني وييسر لى اموري .



عنفوان أنثى : ادعيلي ربي يوفقني ان شاءالله ......شكلي مارح انتظر لين ما يكمل البكالوريوس اهم شي انا اتخرج وهو اكيد يتخرج بعدين ان شاءالله تراني اقول لامي هو مب اول واحد ولا اخر واحد يتزوج ويكمل دراسته في كثار يسوون نفس الشي



مرايم السعودية : والله ما اعتقد لان اولاد خوالي بوايد عني واولاد خالاتي اغلبهم متزوجين ومنهم بنفس عمري يعني لسه مب مكونين حياتهم .... ومن اهل ابوي مافي اولاد .....واحنا اصلا مو كثير نتزوج اقارب يعني تقريبا بنسبه 1%.......انا اكبر وحده وعني اخ اصغر عني بسنتين وابوي اخاف اكلمه لان مثل ما فهمت من امي انها ناقشته عن الموضوع بس ماعرف شو كان رأيه واخاف اكلمه لان اذا رفض رح انحبط اكثر بس الله يصبرني يارب وادعيلي بالتوفيق يارب