المساعد الشخصي الرقمي

مشاهدة النسخة كاملة : فاكريني.. زوجي يحب غيري



المعذبه
30/01/2008, 07:03 AM
http://www.3roos.com/forums/t201795.html

متذكرين هالموضوع وهالمشكله

شقول لكم يابنات المشكله مازالت موجوده بس شقول لكم

زوجي اشوفه مثل ماهو بالعكس حالته اتزيد عن اول يحاول يعاملني عدل ويراضيني مايحاول يجرحني باي كلمه انا استسلمت للامر الواقع

انا انصعقت مده طويله مادخلت ولاشفت من بعد سنه قلت بنسى وتناسيت وللاسف دخلت ولقيت الامر بينهم متطور اكثر حب عنيف لاقصى درجه كلمات انا عمري ماسمعتها منه يحبها بجنون معقوله لهالدرجه لاتقولون لي يقص عليها ولاهي اتقص عليه انا باذني سمعت مكالمه لهم سمعتها اتصيح متعذبه انها اتحبه وتبيه بس ماتقدر سمعته باذني وهو يصيح عليها ويقول انا السبب علقتج فيني شقوول ولاااخلي

غير انهم اتركوا بعض من مده استغليت هالنقطه وحاولت قد ماقدر المشكله انه مثل ماهو مب مقصر معاي شطلع فيه قصور وهو مب مقصر وقلبه هناك ووقته كله مقضيه باشغاله ومن يوم تركها اشوفه قام يشغل روحه زياااااده

شسوي تعبت تعبت

loloalsageera
30/01/2008, 07:42 AM
السلام عليكم عزيزتي من خلال قرائتي لقصتج
ان زوجج يقص علي هذي البنت ومايحبها حتي لو قالها
كلام حلو اوعمره ما قاله لج؟
هو يقضي وقته معاها ولو يبيها جان تزوجها ؟
صدقيني هو يحبج بس الظاهر انج خحوله ومالج خبره
بالكلام المعسول والحركات الي تجذبينه فيها انصحج
تروحين ركن افكار وخبرات واستفيدي من خبرات البنات
وحاولي تتقربين منه وسويله مفاجئات وحركات تحاولين
تجذبين انتباهه لج وخلج جريئه وهذا حلال وانتي اولي فيه
والله يسر امرج ياااااااااااااااااااااااا ااااااااااااارب

المعذبه
30/01/2008, 07:52 AM
8
8
8
شقلتي ياختي يتزوجها

وليش عبالج مايبي يتزوجها روح قلبه ويتزوجهاااا بس مب قااادر

////nana////
30/01/2008, 09:44 AM
الله معاكي والله ماعندي الا الدعاااااااااء
وترا الدعاء كنز عظيم
انصحك بالجوء لله هو قادر ع حلهااااااا

umjana79
30/01/2008, 10:04 AM
السلام عليكم ورحمه الله وبركاته ..

اختي .. الحب معادله صعبه .. وايد صعب الواحد يفهمها .. انا بقولج شي ,, وادري ان الكل بيوقف ضدي ...

اختي ... دام يحبج ومب مقصر عنج .... خليه يتزوزجها .... وكسبيه اكثر .. وصدقيني بتكبرين في عينه ... والشي الثاني .. خليها صديقتج .. وراح ان شاء الله تؤجرين على هالشي .. باين ان نيه زوجك شريفه ... ليش تخلين قلبه بعيد عنك .. كسبيه وصدقيني .. هالشي .. بيصير في صالحج

عطيه الخيار .. اذا يبيها خل يتزوجها ... وانتي بتكونين معاه ... اختي الزوجه الوفيه والواثقه من نفسها تعرف ان مهما تعددت زوجات ريلها .. تقدر تكسب حبه ..

لا تقولون لو كان زوجي مكانه ... لو كان زوجي بنفس ... وضع زوزجها ... انا بخطبها بنفسي ... والله يشهد علي .... هاليوم اني بسويها ...

تحياتي فكري في كلامي واتمنى الله يهدي الامور

ام جنى

Om Arawy
30/01/2008, 10:40 AM
الله يصبرج والله حالتج صعبة بقوة
هالكلام واضح انه من زمان صح؟
ولا تغير زوجج عن حاله الا زاد

ام جنى كلامج يحييير
احس انه صح بس صعب والله صعب
وانا رايي من راي ام جنى

المعذبة انتي فكري احس لازم تواجهينه بس مو بعنف يعني قولي له ادري انك تحبها >>انا اقصد لو انا مكانج سويت كذا والله بس انتي شوفي لا تلتزمين برايي اول فكري
يعني اقول لج لو انا
كان جيت قلت له >>واكيد بصيح<< قلت له انت تحبها صح؟
بيقول ايه بقول له طيب ليش ماتتزوجها؟ اذا تبيني اخطبها لك انا ما عندي مانع بس ما تضل على هالحال
يعني انت اللي تسويه لنفسك وللبنت حرااام
حدد مصيرك معها اما تتزوجها او تترك البنت بحالها
واشوف وش ردة فعله


حبيبتي المعذبه مو تقولين اني مالي خبرة ومومتزوجة
انا مخطوبة بس تخيلت نفسي بهالموقف وقررت لوانا مكانج سويت هالشي والله
تعرفين لان احس زوجج على هالحال من فترة طويييييلة من زمان على هالحال ماتغير
من جد يبيها
بتقولين بتعذب اشوفه مع غيري
اهو معها معها كذا والا كذا
انتي قولي له وشوفي شيقول
بس ادري صعبه بيقول لج تراقبيني ومدري اييييش
بس شوفي لج حل مدري هالحين مافي بالي حل من هالناحية

بس من جد انا احس بعذابج ياقليبي والله الحين مشكلتج بتشغل تفكيري

والله بجلس افكر معاج وان شا الله اطلع بشي
ياااااااااااارب الله يحل مشكلتج ياااارب

gha1982
30/01/2008, 12:27 PM
أختي مع احترامي لجميع الردود السابقة لكني اعااااااااااااااااااااارض فكرة الزواج منها لاسباب سوف اذكرها :
حبيبتي الزواج ليس مجرد مشاعر وحب ووله ونظرات ............ولو كان الزواج كذلك لكان الاسلام وضع الركيزة الاولى له هو الحب والمقابلات (اعوذ بالله )!!!!!!!!
أختي امامنا ديننا الاسلامي الواضح والطاهر من كل بدعة ادخل عليها في الوقت الحاضر .....اختي لا أعارض فكرة التعدد لا والله لكن التعدد يظهر له اركانه من الاية الكريمة : (فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة ) اذا اختي أباح الاسلام التعدد في شرط العدل وانا ارى ان لكي يتزوج الرجل لابد من العدل المطلق (غير مائل بمشاعره لواحدة اكثر من اخرى ) ولو حدث ذلك انتفى مبدأ التعدد لانتفاء شرط العدل و عندما نرى الزواج خصوصا في وقتنا الحالي نجد ان الزواج وجد للاتي :
1-للعفة والابتعاد عن الزنى.
2-بناء اسرة وانجاب الاطفال واستمرارية الحياة .
3-الاستقرار و الهدوء والسكينة بالاضافة الى وضع ركيزة الاحترام والحب

وامور اخرى لكن اعتقد ان من وجه نظري ان هذه الاساسيات اهم شيء في الزواج ولكي يصمد هذا الزواج ايضا قبل الحب والمشاعر لابد من توافر المسكن المنفصل (في حالة التعدد خصوصا ) والماكل والمشرب و ضروريات وكماليات الحياة وانت بناء على كلامك انه مفلس ولا يمتلك شيء اذا لو انا ليس لي مال كافي لشراء ملابس كثيرة فاكتفي بالقدر الذي املك له مالا ! ولن اطيل عليك..... فكرة زواجه من هذه الثانية شيليها من راسك ولا تفتحي عيونه عليها وبعدين تقعوا في المشاكل المالية والنفسية (اعرف واحد كان مشاكل مع زوجه وتزوج اخرى رغم انه ميسور الحال ولاغاظة كل منهما الاخرى كان يرزق كل سنة طفلين وها هو الان يشكو نقص المال والراحة النفسية اكثر من ذي قبل ) اختي لا يعلم ما بالقلوب الا الله وتقولي هو يحبها فما ادراك ما بقلبه و كيف يحبها ؟؟؟!!!!فلو كان يحبها كما تقولين لاتزوجها باي ظرف كان !!!!!!! اذن اختي هو يتسلى و يضيع وقت ويريد ان يشعر انه مرغوب من النساء خصوصا وحدة حلوة على قولتك ...........

نصيحتي طنشي موضوع زواجه من هذه الفتاة و لا تبحثي ورى زوجك وتفتشيه وراه لا لشيء اتركي الخلق للخالق كي ترتاحي نفسيا وهو ان كان يريد ان يتزوجها فرغم عن الكل ورغم تفتيشك له لتزوجها وان لم يرد فيعود الامر له ........اختي لا تتعبي نفسك واهتمي بابنائك ونفسك ونفسك ونفسك واكرر نفسك لا لشيء لانك ان اشغلتي نفسك بعيدا عن نفسك فسيكون حجة قوية لابتعاد زوجك عنك ولهذا كوني صبورة واصبري عليه وعلى افعاله تكسبي الاجر العظيم و افتحي عينيه عليك وحاولي ان تعرفي ما الذي يحبه فيها جمالها او كلامها وحاولي تعوضي له وطبعا بالصبر ومع الايام صدقيني ستجدينه بجانبك وينتظر الدقائق والثواني ليكلمك ويراك ..........اظهري كل شيء له جميل و لا تتوقعي منه الاستجابة من اول مره هو يريد الوقت لكي يراك ويعرفك ويحبك وينسى اي مغريات خارجية ودافعي بكل قوتك عن هذا البيت وعن هذا الرجل ليس بالعصبية وانما بالذكاء فان الله اعطانا كيد عظيم (اسفة لكنه الواقع ) استفيدي من كيدك في جذب زوجك لك بالذكاء والفطنة والصبر وليس بالهياج والبكاء والصراخ ..........ارجو ان لا اكون ازعجتك بكلامي الكثير لكني فعلا مقهورة عليك ولا اريد ان اشعر انك سلبية تجاه بيتك فهذا بيتك ومن حقك شرعا دافعي عنه جزالك الله كل خير ........تحياتي

المعذبه
30/01/2008, 12:49 PM
مشكورين يابناااااات وحده وحده من ردت علي

كل بنت ردت علي قريت ردها اكثر من مره وياريت ماتخخلون عني

انا ابي اوضح لكم شغله وايد مهمه

يابناااات الزواج الثاني في عائلتنا ومحيطنا جدا عااادي انا ابوي متزوج 3 وابوه 4 وكل اعمامنا نفس الحاله بس مو معناه هالشي اني راضيه يتزوج علي

بس يابنات اااااااه شقول لكم بس بنات انتوا عارفين ايش يناديها يقول لها يازوجتي يامرتي ياتاج راسي واهي اتناديه زوجي وريلي شفتوا لاي درجه بتقوولون لي كلام ولعب ويزوجج يلعب عليها ليته كان يلعب وبتسلى ابرك مليون مره انه ميت صج وذااايب فيها

اما على سالفه زواجه منها فهاي منى عينه ويحلف لها وانا اعرفه مايحلف كذب انه يبيها ويبي يتزوجها بس مايقدر لانه مفلس ولايشتغل حتى ويوم اتقول له ومرتك يقول لها عادي بقنعهااا ومشكلتنا مب مرتي مشكلتنا ظروفي الماديه ومابي اقصر معاج وابعدج عن هلج وانتي من ديره وانا من ديره

انا البرنامج مسحته من زمان بس عندي باسسورد ايميله وهو مايدري اني ادخله

انا اخذت باسسورد البنت ضفتها شكثر ولاايميل اقبلت الاضافه عرفت رقمها ولارقم رضت اترد عليه لدرجه قامت وغيرت رقمها من كثر مادق وازعجها ابي اطفشها مو قادره مو عارفه ايش اسوي

كل مالها وتتمسك فيه اكثر حتى الحين وهم مفترقين وقريت كل واحد كاتب انه هاي هو الحل انهم يفترقون وينسون بعض صح مافي من مده ايميل من زوجي لها ولامنها بس يابنات زووجي كله سرحااااان سرحان

بنات انا يوم اقول له حبيبي يتنهد كان يقوول لها عيون حبيبيج يوم انا اقول له حبيبي يتم يطالعني بنظره مكسوره ويقول لي بس هلا امري

صرت افهمه خلاص من نظره عيونه اللي يحاول يخبيها

حتى لو صارحته ايش بتكون الفايده بس بيقول لي تركتهاا شبستفيد انا بينساها يعني

وهو في كل الحالات من يوم يومه حتى بايام زواجنا نفس معاملته لي قبل مايعرفها حتى

انا محتاره ارشدوني ايش اسوي

لو كان عندكم اي استفسار اسالوني يمكن هالشي يخليليني القى حل

بنت حوة
30/01/2008, 01:21 PM
الله اساعدج ويكتب للبنت نصيب ويقلب قلب زوجج على ما تحبين.... مالج غير الدعاء

gha1982
30/01/2008, 01:40 PM
الله معاكي والله ماعندي الا الدعاااااااااء
وترا الدعاء كنز عظيم
انصحك بالجوء لله هو قادر ع حلهااااااا

وانصحك ايضا بالدعاء والصلاة وخصوصا قيام الليل ...........

الشيخه فطامي
30/01/2008, 04:02 PM
حبييييييييييييييييييييييي يبتي والله قلبي عورني واااااااي سالفتج تعور القلب عاد انا مع هل السوالف عيوني تغورق بسرعه او قلبي ينكسر بس انا اقولج حاولي لا تيءسين
طلعي يوم وعزميه على مطعم او عل البحر مكان هادي سولفي معاه او جرجريه بالكلام او صارحيييييييييييييييييه ناديه باسمه لتقوليله حبيبي او عمري من هل الكلام لمن تسولفين معاه ناديه يافلان او قوليله قصيله كيف تزوجتو او شلون صار الكلام بينكم او لمن ياه تقدملج يعني استدرجيله جزء من حياتكم او بعدين صعقي قوليله انت ولد عمي او انا بنت عمك او مايهون علي اشوفكم مع وحده غيري او موشرط انه باهل تعدد الزيجات معناته انه احنا لازم نكون جي او واجهي بالحقيقه خليه هو يتكلم لا ترجعون البيت الا اذا هو متكلم او حاولي تروحون مكان هو يحبه اذا هو وايد رومانسي روحو البحر اوخليه يتكلم صدقيني راح توصلييين لحل او مدامج عرفتي بس لاتقوليله كيف عرفتي لانه هو بيقول شو كنتي تراقبيني او من هل الكلام لاتحاولين يعرف كيف عرفتي قوليله اي شي بس لا تقوليله انه صديقتج منزله البرنامج او جي او شوفي شي صير او حاولي تسوين هل الشي بسرعه او تعرفين منه او تتاكدين انه هو يلعب ولا لا اوخبريييييييييييييييييييي يينه شو يصير معاج ماراح ننساااج بالدعاء
الله يوفقج

نتالي6
30/01/2008, 04:29 PM
الله يساعدك والله

بس مقيوله لاتتزوجين لا طللييق ولاعشييق

الله يساعدك على بلوتك

بس صدقيني لو هي ماتبغي تهدم حياتك

كان سوت نفسها ماتحبه وكان عرفت انها تخليه يكرهها

على الأقل تقول انا اصلاً ماحبك ولي علاقه بواحد ثاني غيرك

او سبته حتى وفشلته بأي كلام

بس صدقيني انك ولاهمتيها بشي

لوفعلاً مابغي تهدم حياتك

ولكن للأسف هي تحاول تبني سعادتها على تعاسة غيرها

بس عسى يارب مثل مافعلت هالعشيقه هالشي ان يتسوى فيها بحق عزيز مقتدر

وحسبي الله على كل ظالم

ضيفيه عن ماسنجرك وسولفي وياه بس لايدري انك انتي بعدين راح يكتشف انه يحبك

joulia
30/01/2008, 04:55 PM
السلام عليكم أنا مع الاخت gh1982 والله انه الزواج كما قال الله تعالى مودة و رحمة ولم يقل حب وهيام
وانت يا اختي وشطارتك في استمالته ليكي حاولي لا تيأسي وادعي الله كثيرا وكان الله في عونك

بنت الاصالة
30/01/2008, 05:59 PM
الله يعينج غمضتيني..

صوت نبضي
30/01/2008, 06:21 PM
حبيبتي الله يعينك
انا من رأيي انك تخليه مايستغنى عنك يعني دايما خليكي معاه
حسسيه انك تحبيه واعطيه كل شي من قلبك بمعنى الكلمه
لا ترفضيله طلب ولا تخليه يحس بالوحده او لا تعطيه مجال يشتاق لها اصلا
غيري في شكلك وفي لبسك احضنيه خليكي معاه
اطلعي معاه مكان هادئ واتكلمي بهدوء حاولي تعرفي ايش يحب فيها
وسويه انتي عشان ينساها
ويارب ينساها مع الوقت


اللهم ياحي ياقيوم لا تفرق بينها وبين زوجها
ولاتجعل لأحد عليهم سبيلا يارب العالمين

اختك
نبض

آآآآآهات الصمت
30/01/2008, 07:44 PM
هذا هو حال النساء التضحية من أجل الزوج والولد

أو الخوف من المجتمع اذا تطلقت وخاصة اذا كانت متزوجة قريبها!!!!!!!!!!!


أنا بنصحك يا اختي أنك تحتفظي بالمحادثات اللي بينهم وتعملي أكثر من نسخة وتخبيها بدون علم زوجك

ثاني شيء صارحيه بالموضوع واذا أنكر وريه نسخة من المحادثات

واحكيله اذا ما بتحبني ليش عايش معي روح تزوجها ؟؟؟؟؟؟؟؟


وشوفي اجابته

اذا رح يظل في علاقته

أنا عن نفسي بصراحة بتركه لاني ما بقبل أعيش مع واحد ما بحبني وبحب وحدة ثانية

والأمر مرده لكي

وحيـــده
30/01/2008, 08:26 PM
ربنا يكون في عونك لانه حالتك صعبه كثير و انا لو مكانك و الله ما كنت اتحمل و بنفس الوقت ما اقدر افيدك بشيء

ربنا يصلح حاله معك و يصير الزوج اللي يرضيك و يرضي رب العالمين و اتمنى تكون علاقته مجرد نزوة يفوق منها بوقت قريب
بس انت حاولي تكسبيه على قد ما تقدري

الغالية 22
30/01/2008, 11:57 PM
والله عورني قلبي ما عرف شاقول اتعاطف معاج او معاه انزين ما تقدرين اختي تكلمينها او تقابلينها وتكلمينها بكل هدوء اهي شكلها عندها ضمير والدليل تقول له ما ابي اضايق احد هذا شئ تقدرين تستغلينه فيها انج تتفاهمين معاها بكل هدوء وطبعا بدون ما يدري قولي لها اذا انتي فعلا تحبينه خليه لحياته وبنته مالها ذنب ومن هالكلام ولا تنسين تبينين لها مدى تعاطفك معها علشان ترتاح لج اكثر ما تدرين يمكن لما تشوف اسلوبك الطيب ومعاملتك الهادئة تكبرين في عينها ويكون سبب انها تبعد عن زوجك ولكن قبل كل شئ تقدرين تواجهينها لأن ترى يبليها قدرة تحمل وهدوء اعصاب حتى لو كان بالتلفون والله يصبرك

جنى88
31/01/2008, 01:46 AM
وانا رايي من رأي الاخرين دائما اشغلي وقته سويله حركات ما سويتيها من قبل مثلا اذا ما رقصتي له من قبل ارقصي

البسي لبس ما لبستيه دائما سوي الاشياء اللي يحبها وابتعدي عن الاشياء الي ما يحبها وانا من رايي



لا تكلمينه عنها نهائيا عشان مايذكرها هو طبعا ما راح ينساها بسرعة بس انتي حاولي شوي شوي ولا تحسسينه انش

قاعدة تسوين هالاشياء علشانها لا حسسيه انش قاعدة تسوينها لانش فعلا تبغين تسوينها واعيدها لش مرة

ثانية وانتي حرة لا تجيبين طاريها نهائيا والله يعنش على بلاوش قلبي وياش والله

sarah_uk
31/01/2008, 01:48 AM
صارحيه يااختي صعب احس لا تكتمي الشي ماتقدري تتعاملي معاه من قلبك كلميه بس بهدواء
والله زعلت عليك ربنا يعينك ياااارب

حاملة القرنفل
31/01/2008, 01:56 AM
صراحة أختي أحييج على هالنفسية اللي عندج رغم معرفتج انه على علاقة بوحدة ثانية بس متعاطفة معاه !!!!!شوفي أختي بما انهم الحين مفترقين عن بعض انتي استغلي هالشي حاولي تقربينه منج بكل الطرق هذا زوجج أنتي حلالج بيني له شقد تحبينه حسسيه بحنانج وتقدرين حتى تحسسينه انج تعرفين انه يحب وحدة غير بس بطريقة غير مباشرة يعني مثلاً قولي له أنا أحبك رغم احساسي انك ما تحبني مثل ما أحبك بس أنت زوجي وأبو بنتي وكل دنيتي،، حاولي وحاولي وحاولي ومن تشوفينه سرحان تقربي منه لا تتعاطفين معاه وكأنه أخوج مو زوجج لا حبيبتي تذكري انه زوجج أنتي ولازم هالحب يكون لج أنتي بس خلي محاولاتج كلها تكون بحنية وبحب كبييير يلمسه منج. والله يعينج.

المعذبه
31/01/2008, 03:02 AM
حبيباتي

مشكورين كلكم سامحوني مابرد عليكم وحده بوحده بس برد عليكم كلكم قريت ردودكم ماقصرتوا فديت قلبكم

اول شي البنات اللي قالوا لي ماحاولتي اتكلمين البنت حاولت كنت اضيفها عالماسنجر بوايد ايميلات بس ولاايميل تقبل اضافته اتصلت على رقم تلفونها شكثر بعدها من كثر الاتصالات غيرت رقم تلفونها ولاواحد رددت علي فيهم حتى زوجي ايميله ضفته حاولت اشوف شلون بس نفس المشكله ماقبل ولااضافه منهم

الحين خلاص هم افترقوا لكن ياخوفي انهم يردون انتوا عارفين يابنات المشكله اكبر من مانتوا متخليين بوايد

زوجي يبيها وهي تبيه وفوق هاي كله اللي يعور القلب لو بتقولون ان زوجي يسبني عندها او يقول انا مقصره تخيلوا يابنات يمدحني عندها يقوول طيبه ومسكينه وتستاهل كل خير وماتقصر معاي واللي يحر زياده ان اهي اترد اتقول له انا هاي اللي يعور قلبي وانا ماتستاهل ولاتقصر وان انا يمكن اخرب بينكم ومن هالكلام يرد يقول لها ويحلف ان لو هي موجوده ولالا ماراح يحبني لو حبني كان حبني ايام الملكه وبدايه الزواج بس هو عادي دام تزوج خلاص مقتنع وواقعي ومب كل اللي متزوجين يحبون زوجاتهم بالعكس اهم شي انهم عايشين بهدوء والحياه ماشيه والحب مب كل شي بالدنيا طيب دام هاي نظرته ليش معذب روحه ومعذبني معاه انا مب قادره افهمه بالضبط

حاولت اشوف ايش فيها احسن عني قمت اشوف ايش اتقول له كل ماقلت له كلمه من اللي اتقولهم يتم يطالعني واحس بعيونه انكسار وحزن عيشني بكئاابه معااااااه كله حزين حزين حزين

كله طفشان كله متملل ومن يوم تركها صايره حالته اردى ونقعد في السياره بنروح مكان يحط اغاني فراق وحزن ووداع عيشنا بكئاابه مسوي انه روميو وجولييت عيشه اتزهق يابنااااات

انا لو بصارحه ماراح استفيد شي اعرف زووووجي بالعكس الابتزيد الحاله سووووء وكيف تتجسسين علي وبيقول اي احبها يمكن ومن هالكلام وانا مب مقصر معاج بشي وقلبي مب بيدي ومادري ايش

من يومين ماسك بنته ويلاعبها وهو مب ملاحظ اني اراقبه لاهي يقول حق البنت بحنان غريب احبج انتي نور عيوني ودنيتي ماتسوي بدونج وينج عني ومادري اسلوبه شوي ويصيح صح كل مره يقول حق بنته ويدلعها بس هالمره غيرر

وانا ايش الطوفه الهبيطه بهالبيت ايش اهميتي يعني معاها وبدونها نفس الشي خل يرحع لها عيل ويفكني من هالكئابه اللي هو فيها يمكن

بتقولون لي تقربي له هالفتره حااااااولت احسه يتهرب بطريقه غير مباشره كله يتعذر باشغاله وربعه وانا يابنات مب مفرغه روحي له 24 ساعه يعني عندي اشياء اتلهيني اهلي وزيارات ووايد شغلات

بس كل شي يبيغيه يحصله

انا صراحه يأست ومليت وحتى وايد مرات صار الشي عادي عندي كله اقول بالطقااااااق يموت من الحزن بالطقاق يطقه

sss_12
31/01/2008, 03:46 AM
الله يساعدك والله

بس مقيوله لاتتزوجين لا طللييق ولاعشييق

الله يساعدك على بلوتك

بس صدقيني لو هي ماتبغي تهدم حياتك

كان سوت نفسها ماتحبه وكان عرفت انها تخليه يكرهها

على الأقل تقول انا اصلاً ماحبك ولي علاقه بواحد ثاني غيرك

او سبته حتى وفشلته بأي كلام

بس صدقيني انك ولاهمتيها بشي

لوفعلاً مابغي تهدم حياتك

ولكن للأسف هي تحاول تبني سعادتها على تعاسة غيرها

بس عسى يارب مثل مافعلت هالعشيقه هالشي ان يتسوى فيها بحق عزيز مقتدر

وحسبي الله على كل ظالم

ضيفيه عن ماسنجرك وسولفي وياه بس لايدري انك انتي بعدين راح يكتشف انه يحبك

بثنـــه
31/01/2008, 04:26 AM
اتعرفون بنات ... الموقف صعب جد ...

وماأعتقد حد بيحس فيه كثـــرها ؟؟ كان الله ف عونها ...

عزيزتي كثر مابنقول ونعيد ونزيد الموقف شبه واضح ... انتي أدرى الناس بشعورج وقدرتج على التحمل وماأعتقد فيه حد يقدر يوجهج أفضل من توجيهج لنفسج وذاتج لانج انتي عايشه الوضع وانتي أدرى بزوجج ...

يمكن المواجهة أفضل ويمكن السكوت بعد أفضل انتي أدرى الناس بطبع زوجج .. وشو اللي ممكن يصير ان كتمتي أو واجهتي ...

واسمحي لي اني أحييج على صبرج وعلى مقدرتج على الكتمان .. والجئي الى رب العباد وباذن الله بيجعلج مخرج ...

اسيل!
31/01/2008, 04:52 AM
الله يفرج همك

الله يفرج همك

الله يفرج همك

Om Arawy
31/01/2008, 09:29 AM
قلبي
في وحدة من البنات قالت كلمي البنت
طيب مادام انهم الحين مفترقين

شوفي اذا اهي ماترد على الجوال ارسلي لها رساله
على الجوال مثلا انو تبينها ضروري
او زي كذا
يمكن ترد وقولي لها اذا كلمتج كلمييييييييها بهدووووووووووء
كأنج تبينين لها انج مو لاقيه حل مع زوجج وانج انتي مالج ذنب باللي يصير وانج متعذبة وانتي انسانة لج قلب يحس

وشوفي شتقول

بس لاتقولين ما اقدر اكلمها حاولي ارسلي لها بهدوووء الييييييين ترد
او بعد عندي حل ثاني
قولي لصديقتج تكلمها بس نبهي صديقتج تكلمها بهدوء ولاتتهور
يعني تقول لها انها كاشفتهم وتقول لها انج انتي ماتدرين
وانج كاسرة خاطها و
انج مالج ذنب وتحاول تبين لها انها تتساعد معها على حل هالمشكلة
انا احس مبين ان البنت عندها ضمير
واذا تبين الصدق
حتى اهي متعذبة انا مريت بمثل ظروفها بس العكس
انا اللي مخطوبة واحب غير خطيبي
وظلينا بعذاب من جد مانقدر نترك بعض انا وحبيبي بس مو متزوج
وحتى لو افترقنا مثل حال زوجج واعظم
بس الحمد لله عدينا على خير


بس اهم شي حبيبتي انج تحاولين بشي فعلي
الله يصبر قلبج والله اني امس دعيت لج
واذا صار شي جديد طمنينا

قطاف
31/01/2008, 10:20 AM
والله سالفتج تعور القلب، وصدقتي لما قلتي وجهه نظر زوجج في الحب غريبه وهو اللي جرب الحب؟؟؟؟

بس خلج صبوره معاه وعيشي حياتج وتناسي هالنظره في عينه ولا تسألينه عنها ولا إيجي يوم تفتحين معاه موضوع زواجه الثاني لأن لو بتحسبينها هي حبه وجميلة وساحرته بالكلام، وأعتقد لو تزوجها ما راح يكون لج وجود في حياته.

عليج بالصبر يا أختي والله يكون بالعون، وما لج غير الدعاء إن هالبنت تتزوج عشان تبعد عنه وينساها

مجدولين 11
31/01/2008, 11:16 AM
اختي اهم مافي الموضوع انه تركها
والبعيد عن القلب بعيد عن العين
وكلها فتره وتمر وينساها اهم شي انتي لاتذكرينه
ولا تنكدين عليه
حاولي تدخلين اشيا جديده يعني فيها وناسه ولا تقعدين تترقبين ردود فعل زوجك
ولا تفكرين انه ماراح ينساها
انا كان عندي وحده من صديقاتي توريني قصايد اخوها في وحده يحبها الرجال كان ميت فيها بجد بس ماقدر يتزوجها
وكان كاتب في وحده من خواطره انه لايمكن في حياته يحب احد مثلها كان صدق يعور القلب كلامه
ولما تزوج خلا امه تختارله وماشافها الا يوم العرس تدرين اش سوا راح يبكي عند امه يقول مابيها
بس ماقدر يطلقها على طول
سبحان الله << الحين له يمكن 5 سنين من تزوج <<<تغير 180 درجه
يموت على زوجته ولو يقدر يشيلها من الارض شيل
وهو ترا اخد فتره لين نسى حبه الاول
يعني لاتحطين في بالك انه لايمكن ينساها
ان شاء الله بينساها وينشغل فيك انتي وعيالك

rocky
31/01/2008, 01:31 PM
انا من راي انج تكونين ذكية في تصرفاتج معاه..لأن اي خطوة غلط منج ممكن تنقلب ضدج ويستغلها هو! والبنت الثانية لو فيها خير جان سوت بلوك وديليت ومحت معرفة زوجج من الوجود..مين اصلا انها تبغيه! والعلاقة محرمة! مستغربة كيف يتواصل معاها وينسى ان هالتصرف محرم! وكلمة محرم سهلة الظاهر بس وييينه من الله! حاولي معاه يا ختي وقوليله مثلا صديقتي متزوجة وتتكلم من ورا ظهر زوجها مع شخص ثاني..وانتي حاولتي تقنيعينها بانه تصرفها غلط بس مافاد معاها, وقولي ان بنتها الصغيرة قالت انها لما بتكبر وبتتزوج راح تكلم ريايل مثل ماما..(يمكن يتأثر؟)

**ام عبادي القمر**
31/01/2008, 01:37 PM
الله يفرج همك ان شاء الله
بحق محمد وآل محمد

المعذبه
01/02/2008, 04:51 AM
بنااااات اول شي البنات اللي سالوا عني وطرشوا لي رسائل خاصه شكرا من القلب

والبنات اللي بعثوا لي يسالوني عن اسم البرنامج ارجوكم سامحوني ماقدر كفايه اللي حصل لي

.................................................. ......................

بنات شوفوا اللي سويته انا الصراحه مبسوطه قدر انتصر عليها وابعدها عن طريجه نهائيا يعني بعد اللي عملته مستحيل اهي اتفكر ترجع له ثاني

انا امس قررت أأدبها وافرجيها قدرها بعد النار اللي كتمتها بصدري دخلت من ايميل زوجي لانه مسافر اخذت راحتي بعثت لها ايميل انه ادخلي ضروري واقبلي اضافتي بالماسنجر انا مب حبيبج انا صديقه وابي اخبرج شي مهم عنه انه مريض وحالته صعبه مالقيت الاهالشي اقوله عشان اخليها تدخل

وعلى طوول اقبلت الاضافه وكانت حاطه نك نيم اسم زوجي انا هنا انقهرت وانبطيت ليه اتحط اسمه

قمت على طول ماقدرت اتحمل غصبا عني قلت لها تدرين انك مو انسانه انتي اقل شي ينقال عنك حيواانه
ردت علي نعم شصاير شفيك وايش هالايميل اللي بعثته وانه الحين اتسبني قلت لها انا زوجه فلان ماصدقتني عبالها انه هو يعمل فيها مقلب حاولت بشتي الطرق اقنعها اني زوجته وخبرتها ان اهو قال لي عن علاقته فيها وعطاني ايميله والباسوورد وابرك حرتي فيها لانه كان يتسلى فيها مارضت اتصدق الايوم سمعتها صوتي اونو صوت بنت مو ولد بعدها اقتنعت اني زوجته واثبتت لها بشويه دلائل خلتها اتصدق

بردت كل حرتي وخاطري كان ودي احط المحادثه بس فيها كلام كبير وسب وكذا

بس قلت لها انو زوجي يحبني ويموت فيني وكان يضيع معاها وقت وانو اهو بنفسه اعترف لي انو كان على علاقه فيها وانو ندمان على معرفته فيها لانها ماتسوى شي ووحده صايعه ماتستحي خرابه بيوت وانو اهو مل منها ورماها مثل الكلبه وعطاني ايميله وانو هالشي يدل على انها ماتعني له شي وانو زوجته كل شي بحياته واهي بنت ماتسوي راحت ولاجت ردت علي قالت انو اقول لها بس انها انصدمت فيه صدمه عمرها وانو اتحملته رغم اشياء كثيره اتحملت تصرفاته معاها واتحملت مادري ايش وكلام كثير قالته واذكر انها قالت انها مابتلومني لانها ماتعرفني لانها يمكن لو كانت مكاني راح تعمل اكثر مني قلت لها كذابه اتسوين روحك مسكينه وانك ملاك وانتي اكبر خرابه المهم انو كمان قالت انو تبغى اتوصل لو رساله عن طريجي مثل ماهو وصل لها رساله كمان عن طريجي قالت لي اخبره انو حرام عليه اللي عمله فيها ممثله بارعه الصراحه واللي اهي عملتو فيني ماكان حرام اخذت زوجي مني الحين جايه اتقول اللي عملو فيها زوجي حرام يوم اجت السالفه عندها حست حرام

وكمان قالت لي اقول له ان اهي ماتبغاه خلاص لو ايش وماتوقعت يعمل فيها يوم كذا ويبعث رساله مع زوجته اتسبها هالسب كله وانها بنظره كذا انا فرحت يوم قالت هالكلام وايد انبسطت انها خلاص مافي امل اترد له بعد اللي فهمته انو مايبغاها وصدقت وانها ماتسوى عندو شي غير كان يتسلى فيها لااكثر ولااقل
قالت لي جمله قهرتني انو اقول لو اهي ماكانت ترضى عليه انه ينجرح ولااتاذيه ولااتاذي مشاعره بس هو اذاها وانو يتذكر عندو بنت والله مايضرب بعصا مثل مارماها وكانت يلعب فيها راح يصير ببنته كذا حرتني الكلبه هنا انا ماستحملت طحت فيها سب لين ماقلت بس ماردت علي حطت لي بلوك وحذف واطلعت

شرايكم باللي عملته خطوه كويسه

شـــوق العيـــون
01/02/2008, 05:44 AM
مره قصتك تقطع القلب ,,

لو انا مكانك افضل وسيلة علشان ارتاح اواجهه بكل شي وزي ماتجي تجي

لازم يكون في حد للموضوع ...

بس الخطوه اللي سويتيها جدا شجاعه ورائعه ماشاءالله عليك

وانتبهي عسى ما تقول له .. الله يستر

اذا وصله الخبر ماعليك الا تواجهينه بكل شي يكفي صابره وشايله بقلبك من زماان ..

um.3badee
01/02/2008, 06:37 AM
هلا بيكي يالغاليه والله عورني قلبي على قصتك
بس ابي اقولك زين ما سويتي فيها هذا من حقك انك تدافعين عن حياتك .........واذا عرف زوجك الي سويتيه فيها قوليله انا زوجتك ومن حقي اني ادافع عن حياتي ومستقبلي وياك لاني احبك وانته حياتي وفي الاخير انا بنت عمك
ولي لك نصيحه اختي اقراءي بعد كل صلاه سورة ياسين والحديد واسماء الله الحسنى وادعي بكل جوارحك انا ربي يحنن قلب زروجك عليكي ويسخره ليكي وكل ما تصحي بالليل ادعي بس واذكري الله خلي لسانك على طول بذكر الله ......واذا تقدري اختي طلعي صدقه

شوفي اختي انا كنت حامل وكنت توني داخله التاسع وانا في المستشفى قالتلي الدكتوره انا ماي الجنين ناقص وانا في خلال اسبوع لازم اولد لانه خطر على الجنين واذا ما ولدت لازم يسون طلق صناعي ........يختي بغيت اجن ما خليت عياده لا ورحتها علشان اتاكاد من الكلام رحت عند دكتوره وقالتلي لازم تولدين الماي واجد ناقصه ومستحيل تزيد انا طلعت من عندها واقول في نفسي ما في شي مستحيل على رب العالمين ..........ياختي جلست اقراء سورة ياسين وسورة الحديد وادعي باسماءالله الحسنى والحصن الحصين وكل ما اصحى بالليل ادعي ........وكنت كل يوم اروح مستشفى يقولون الماي ناقص ومر الاسبوع وانا رايحه يوم الجمعه قبل صلاة الجمعه دخلت ونمت على السرير وادعي واقول الخيره فما اختارها الله وصحة الجنين اهم الا الدكتوره تقولي ماي الجنين جدا طبيعي .........يختي صحة صياح ..... ورجعت البيت وصليت صلاة شكر ......واتصلت في ذيك الدكتوره الي تقولي مستحيل الماي تزيد اقولها انا الماي زاد وما في مستحيل على رب العالمين


اعرف اني طولت عليكي بس حبيت احكيلك قصتي انك لا تياسي ابدااا ربك موجود اذكريه في كل وقت وراح يذكرك

يارب اسالك بحق اسمائك الحسنى جميعها مجتمعه التي علمناها والتي لم نعلمها .....واسالك بحق سيدنا وحبيبنا محمد صلى الله عليه وسلم .....واسالك بحق سور وايات القراءن العظيم انا تسخر زوج اختنا الغاليه لها ولابنتها وان تحنن قلبه عليها يارب العالمين انك سميع الدعاء وصلى الله وسلم على سيدنا محمد وعلى اله وصحبه اجمعين وان لله وانا اليه راجعون

رقيه وسكينه
01/02/2008, 03:28 PM
انا من رائي غلطتي لانها مصيرها راح تعاتبه وانتي فتحتي على نفسج باب يمكن ما راح تقدرين تسدين واهي اتحبه وراح تستناه و تعاتبه وراح تقوله كل الكلام الي قلتيه من الحين دوريلج حلول على ردت فعله والله يعينج ويعينه

دمــ ـ ـوووع
01/02/2008, 04:34 PM
امبيـــــه

والله انك شي

والله ماالومك لأني لو كنت مكانك كان سويت اكثر من كذا

اصلا ماكان استنيت كل هالمده

بس يابعدي...عسى بس مافيه مكالمات تلفون بينهم؟؟

والا بتقوم القيااااااااااااااااااااا اامه بينكم

فديتك....

شوفي....انشالله مايكون بينهم مكالمات

وانشالله هالوسخه ماجلست تمثل عليك انها متحسفه

وبعدين تنتقم انها تخرب بيتك مع زوجك ...

شوفي يالغلا..احفظي المحادثات الخطيره اللي عندك بسي دي

واهم شي محادثتها معك...يمكن زوجك يفرمت الجهاز او شي

وزي ماقالت حبوبه لا تنسين تحطين خروج من المنتدى هذا

لا يبلشنا...بعدين يطلع حرته فينا كلنا ههههههههه

طيب ليه ماتكملين الخطه وترسلين ايميل جديد على ايميل زوجك

على انها من هذيك وتهزأين زوجك ونها كرهته هههههههه<<< شريره

وانها بتحذفه من ايميلاتها...

وانتي احذفي ايميلها من مسنجر زوجك ....

مااتوقع انه حافظ ايميلها بعد ..

مابيشك فيك لانه مايدري ان انتي تدرين...

وبهالاثناء انتي سويه ملك...دلليه..دلعيه...لاتحسسين ه انك ملانه من وضعه

هو لأنه مصدوم ومنقهر منها بيلجأ لك

شوفو معاه افلام رومانس بس مافيها فراق ودموع

شوفو افلام خيانه هههههه علشان يعتبرها خاينه ويكرهها

هو اول يسرح لانه يعتبرها ملاك خصوصا ان هي الوقحه تمثل عليه انها

تحبك وانك ماتستاهلين وانها ماتبغى تخرب..اكيد الرجال بينجن بيقول اي

هذي هي تحبني وتخاف علي ومدري ايش...

لكن لو صحيح هي خايفه عليه وعليك كاااااااان سفطته وعطته اشكل

بس هي حاطه عينها عليه....خطافة الرجال...

لكن اذا جلس يفكر فيها انها تركته وماعادت تحبه ومستحقرته وانه بما انه يخون زوجته

اكيد بيخونها...صدقيني بيكرهها..والكره بعد الحب اشد واعظم..

الله يوفقك انشاءالله ويبعد عن دربك هالبنت ويحقق لك اللي تبغينه




حبيبتي طمنينا عليك

دموع العراق10
01/02/2008, 05:56 PM
والله انج خطيره يمه منج يمه بس تدرين الي سويتيه والله الج الحق فيه بس ادعي ربي ليل نهار انه مايعرف انج متصله عليها وانا متابعه قصتك احزنتني كثير بس بعد هاي الخطوه الي اخذتيها فرحتيني كنت اقول عنج حبيبتي البنتفقيره

محترمه
02/02/2008, 05:10 AM
يا اختي والله اعرف وحده مثلك وزوجت زوجها بعد مرورشهر من الزواج الثاني مل من الثانيه وجلس يترجى ام عياله ترجع من عند اهلها يقول انتي كل شي حلو بحياتي ما اقدر اصبراعيش بلاك حب الزوجه الاوله ماهواي حب لانها اول انسانه في حياته الله يوفقك ويخليكم لبعظ بس انتي اصبر الله معك...

wmmm
02/02/2008, 06:20 AM
والله يا اختى انا فاكراك وفاكرة موضوعك قريته من سنة ونصف تقريبا" تأترت معاك بس والله انتى ما شاء الله عليك وعلى الصبر اللى عندك وكلامك ليها خطوة مهمة وما تتلامى على اللى طلع منك ليها والله مريت بموقف مشابه لموقفك تتمنى جميع الشتايم هداك الوقت تحطيهم انشاء الله تكون ها الخطوة نهاية لعلاقتهم والله يكون معاك ويرجعلك زوجك ويباعد عليه بنات السوء وخرابات البيوت وبعدين ما يغرك كلامها وتمستيكها هى لو تبى الخير ما كانت علقت نفسها برجل متزوج ولو كانت ما تدرى امتى عرفت المفروض قطعت العلاقة مش تقول حرام زوجتك وبعدين اتقوله ما اقدر استغنى عليك صدقينى هى تبى فرصة وتتزوج بيها لا حب ولا خرابيط بنات مايعات وخلاص ربى يبعدهم علينا يا ربويكون معاك ويردلك زوجك امين

غناته
02/02/2008, 11:25 AM
الله يعينا ع هل ريال مب عارفين شوه يرضيهم وشوه يدور بريسانهم وان شاء الله تبعد عنج بنت ابليس هاي الي متخاف ربها

عندي سؤال شوه الحكمه انج خبرتيها انج حرمته ..يمكن ترد حق ريلج وتخبره با السالفه اكيد بتقول حرمته سوت هل حركه تباني ابعد عنه..ويمكن فعلا هي راحت بحالها والله لا يقولها يمكن ترد له تبا تتاكد او تنتقم منج

انا اشوف لو قلتيها انج واحد من ربعه راح تكرهه وبتحس انها بجد لعبه وكان يتسلا فيها وعقب مامل منها عطاها ربيعه جذيه بتحس انها رخصيه عنده ولا لها قيمه والله يحفظج ويحفظ بنتج من كل شر بس بيلززز فهميني شوه كان براسج لما خبرتيها انج حرمته خليني استفيد منج يمكن نظرتي للموضوع غلط

نتالي6
02/02/2008, 03:01 PM
كلللللللللللللللللللووشش

والله انو من فرحتي قمت انطط

واصفج بيدي

ياااااااااااه

الله ينصرك ويوفقك

بس شوفي لاتواجهينه ولو هو واجهك تنكري للموضوع وسوي نفسك مو فاهمه شي

خليه يضيع

ولو واجهك سوي نفسك مصدومه وحرجيه وقولي للأسف هذي ثقتي فيك بس لك رب ٍ مو ظللام << هذا لو واجهك وان شاء الله مايواجهك

لو هو قعد حزين لايهمك انتي ضحكي وفرحي وثقي في نفسك

والله انك قوتك ( ماشاء الله ) قوة جبل ماتهزها ريح وكذا تعجبينا كلنا

ياااااااااااااا رب انصرها تراها اصبرت لوجهك وحباً فيك وحباً لزوجها فانصرها وارزقها حب زوجها آمين بارب العالمين

ثقي في نفسك وحطي تحت هالكلمه خط احمر

وبخصوص رد الأخت غناته صحيح كلامها وفكره ذكيه

يارب ينصرك تابعي

دموع العراق10
02/02/2008, 03:40 PM
اي صحيح حبيبتي انا مع البنات اذا صار وان شاء الله مايصير وسئلك اذا انتي متصله فيها ومن هل السوالف سوي نفسك ماتعرفي شي وقوليله لا حبيبي اكيد انت تمزح معي شنو انت تعرف بنات من وراي وبعد يتنكرن بسمي ويتعاركن عليك وسوي روحج كلش ماتعرفي السالفه راح يدوخ ويسد الموضوع هوه بس بهاي الفتره عفيه حبيبتي ابد لاتخليه ولا لحضه يشغل فكره بغيرك كول ليله البسي وتمكيجي وروحي عنده يعني دلليه بزياده وتعلمي اكثر ادري انك مومقصره بس والله عبالك احجي وي اختي بنت امي دلليه بسالفت استحي اقول بسالفت اليل هوايه دلعيه طفي الكلوب وخليه يحس فيك اوكي والله معك يردلج ابو بيتج يارب العالمين وينصرج على القوم الضالمين

مدلعه نفسي
02/02/2008, 06:02 PM
جوفي زييييييييين سويتي فيهاا الكلـبه هيهي تستااااااهل تستاااااااااااهل تستاااااااااهل اتخرب بيوووت


بس الخوف انها تتصل بزوجج وتعاتبه وتسوي نفسها المسكينه وتقوووله كل شي عقب من طيبتها المزعومه ((لاتسوي لها شي لاني لو مكانها بسوي نفس الشي )) ومن هالكلام ان مكرهن عظيييييييم



حسبي الله عليها وعلى اشكالهااا المهم الحيين دوري لج كلام وعدليه وخططي اتقولين له لي صارحج

مثال انا ماااقدرت استحمل ادري عن علاقتك وساكته ظالمني معاك نكد

خذي موقف القويه لا تخلين له مجال لي قالج شي ردي عليه

مثال القلب ومايهوي ,,, انااااااااا شذنبيييييي؟؟؟ دامك تزوجتني حبني انا ولا طق راسك بالطوفه محد قالك تزوج بنات الناس وتعذبهم معاك انت مب مقصر علي بالماده بس انا ابي اعيش مثل غيري احب واعيش قصه حب مع زوجييي لو ماحبيتني من البدايه لييييييش تزوجتني لييييييش خربت حياتي معاك ومن هالكلام

وتكلمي بطريقه انج واثقه من نفسج مب طريقه تكسر الخاطر خليهااا هوشه



الله يهون علييييييج الله يهون علييييج

حسيــ(أم)ــن
02/02/2008, 06:25 PM
والله ماعرف شاقولج حبيبتي
زوجج دام هو متعذب انتي مابتقدرين تسوين شي
انا بصراحه مع الاخت الي قالت خليه يتزوجها
ترا لين مايختفى هالحب الي بقلبه انتي صعب تغيرين فيه شي واتخلينه متعلق فيج
خصوصا انه يكلمها يعني شي موفي باله وخلاص
لا في علاقه بينهم > هاااااي شي صعب

الله يكون في عونج ويفرج همج ياااارب

esraa.i.s
02/02/2008, 11:17 PM
سلام عليكم ورحمة الله
اختي قلبي معك الله يسهلك ويكون بعونك والله انا قلبي معك يعني صعبه انه يحب غيرج بس نصيهة الج
لاتصارحيه ااااااااااااااااااااااااا اااااااااااااااااااابد والله بتندمي وتصير حياتج اتعس لانه راح يصير امر واقع ويمكن يرجع لهة وماراح يمه شيء لانج ازحتي عنه اكبر هم الا هوة شلون يواجهج لااااااااااااااااااااتصار حيه

nono 2008
03/02/2008, 12:46 AM
مقصرتي بردتي اقلوبناء بس اذا وجهك بشى هذا قولي له انا سمعت عن الهكرز حراميت الكمبيوتر يمكن دخلين على ايميلك او اميلها ونكري انك حتي متعرفين بالكمبيوتر شى والله معاكي

wmmm
03/02/2008, 01:06 AM
شنو يا اختى شو صار معاك رجع من السفر زوجك ولا مازال طمنينا وانا الصراحة ما عاد عرفت وين اتابع موضوعك هنى ولا الموضوع المفتوح التانى تلخبطت

عاشقة حتى البكاء
03/02/2008, 01:08 AM
حبيبتي الله يوفقج ان شالله


بس شوفي لو صار وكلمت زوجك وخبرته انك متصله فيه ومكلمتهها


وواجهك هو


انكري تماما


وقوليه انت على ايش تتكلم ؟؟


وانت تعرف وحده ؟؟


وحاولي تكوني مصدومه كدامه


وخبريه انك كنتي شاكه فيه بس ماكنتي تصدقين هالشي


وخبريه انك ماعندك معلومات وخبرة بالكمبيوتر والنت



لا تطيحجين وتعرفين تراها تطلع بصورة الملاك اللي اهانتها زوجته


وطمنينا عنك باقرب وقت

نجمة الرضا
03/02/2008, 01:23 AM
أني وية البنات

لما يسألش زوجش أنكرررررررررررررري سوي روحش منصدمه بأنه يعرف بنات

فاقدأحبابي
03/02/2008, 01:52 AM
حرااااااااااام

البنت شو ذنبهــاا ..؟؟!!

الحين انتوا كلكم حطيتوا الغلط على البنت وكانها هي المجرمه ،، طيب زوجج مشارك بهاذي الجريمه ليش ما واجهتيه ،، ليش واجهتي هالبنت ،، أكيــــد وأبصملج بالمليون انه زوجج اللي علقها فيه وانها ما لحقته وقالتله تعال بحبك وببعدم عن زوجتك ....!!

وبعدين منو قال الحب حرااام ..؟؟!! كل انسان له احساس ومشاعر ويحب لكن بطريقته وفي احاديث للرسول تؤكد على وجود الحب وانه ما للحب الا الزواج ... برايي الحل انه يزوجهاا ..

ومن كلامج عن محادثة زوجج وياها عنج انتي لاحظت انهم ما يقصدون الغلط عليج وانه هم الاثنين مهتمين لامرج ،، ماظني بنت صايعه راح تفكر هالتفكير وتتكلم بـ هالمنطق ..وبعدين هم ابتعدوا وأكيد ابتعادها كان لانها ما تبا تخرب عليج حيااتج .. البنت مهتمه فيج وبحياتج ويا زوجج وانتي ما عرفتي تستغلين هالشي ..

زوجج هذا صح وابو عيالج وتحبينه وتغارين عليه ،، لكن المفروض انج تتركين المركب يمشي على ما هوو ،، هم ابتعدوا وانتي حاولي انج ما تشكين ولا تتبعين مكالمات زوجج لانج بهاي الطريقه تفتحين لنفسج ابواب انتي في غنى عنها ...



ولو تكلمت ما بخلص ،، ع العموم الله يرد لج زوجج وينسى حبه و يهنيكم مع بعض ..

المعذبه
03/02/2008, 05:36 AM
بنات الحقووووني

صارت مشكله ثااانيه

زوجي رجع من السفر وكان عادي على حاله طبيعي

لكن اليوم الثاني انقلب علي مره وحده اقرب منه يبعدني يرد علي بنفس خايسه ومعصب حده اقول له شفيك يقول لي مالك شغل احاول اهديه اروح احظنه ابوسه يبعدني عنه ويزيحني بيده تخيلوا لاي درجه مب طايقني يقول لي مالي خلق اشوف وجهك اذلفي عن وجهي ولو اتروحين بيت اهلك كمن يوم ارتاح منك ومن شكلك تخيلوا بنات فجاااااه كذا لين اساله ابي اعرف يصدني مايكلمني يرد علي باسلوب خشن جدا جدا

انا خايفه انه عرف لكنه ماسالني اخاف اواجهه مو عارفه ايش اسوي ارجوكم دلوني

Doll*FaCe
03/02/2008, 06:29 AM
صراحه .. انا مابي اقول شي ويكون بذمتي.. مابي اخرب علاقتكم ...
لكن لو انا منج ماراح اطيق اعيش مع إنسان يعاملني بخياس نفس عشان في بحياته وحده غيري وانا زوجته أولى بكل شي...
هو لو كان يبيها ليش ماتزوجها؟؟..ليش ماخطبها قبل زواجكم ؟
حرام عليه يعذبج.. انتي ليش ماتكلمينه؟؟ لو هو شايف عليج هالشي شبيسوي؟ بيهينج ويمكن توصل لمرحلة الضرب بعد..
ليش انتي ماتهتمين لمشاعرج وتقولين له الصدق؟؟ ان انتي عرفتي كلشي بس مب لازم تذكرين المصدر
صارحيه...
وان لو وحده غيرج ماطيق تقعد عنده بس لانج تفكرين بعقل وماتبين تهدمين اسرتج ماتهورتي للحين.. وانج صابره ومفوضى امرج لله
وذكريه ان الله يمهل ولايهمل والحق مرده يبان ,,,, ولو عصب ذكريه انج زوجته ولج حق عليه وقولي له لو انت مكاني وشتسوي؟؟ لوماحبك ماسويت كل هذا ... انا مابي اخسرك ومابيك تضيع من يدي لكن انت بهاللطريقه تبعدني عنك.. ليش تهدم علاقتنا... فكر بالمستقبل وبعيالنا لو صار شي بسبة هالبنت.. وشذنبهم يضيعون ... صار حب هالبنت اكبر من حبك لعيالك واسرتك؟؟
وقولي له لو انت تحبها تقدر تروح لها وتخطبها .. لاتطلبين الطلاق... خل يروح لها وانتي وكلي امرج لله وادعيه واقري البقره لان اخذها بركه وتركها حسره
خل يتزوجها مردها العلاقه تنهدم وصدقيني مابني على باطل فهو باطل.. دام بدوا علاقتهم بالحرام وبالمكالمات التلفونيه وهالكلام و الي يدور بينهم مو بالحلال.. خليهم يتزوجون وشوفي شلون بيشك فيها وبيتعقد منها ومرده لج.. بيحس بالفرق ان كانت بين يده امراة صالحه طاهره ماخذها من بيت اهلها شريفه عفيفه.. وبين بنت لاقطها من مادري وين....
ترى كل صاقط وله لاقط ...
ومرده لج..........
مالج الا الدعاء يالغاليه والتوكل على الله .....
لاتهدمين بيتج بسبة وحده ماتستاهل.... ذكريه انه مالقاج بالشارع ذكريه انج بنت ناس ومتربيه.....
وماترضين بالذل والإهانه والي مايبيج .. خليه ..واحقريه.. خل يروح للي يسميه حب بين شخصين والشيطان ثالثهم.. العلاقه ماراح تستمر حلوة زي ماكانت
مرده لزوجته الي ماترضى بالعيـب الي تسويه حبيبته

عيون ريمي
03/02/2008, 11:41 AM
موقع الأستاذة ناعمة الهاشمية
ومن الموقع بتشوفين طريقة الإتصال
صدقيني قبل لا تتضخم الأمور والحقي على اللي بقى

رورة
03/02/2008, 12:04 PM
انا رأيي حاولي تخدي رقم تلفونها وتكلميها.. اوك

بعدين كلميها بكل احترام وقوليلها انا زوجة فلان وهي شكلها انسانة محترمة من عذاب ضميرها

كلميها وقوليلها ان المكالمة دي تفضل سر بينكم عشان لو جوزك عرف ممكن بيتك يتخرب وعيالكو يتشردو

اطلبي منها انها تبعد عن زوجك بهدوء وبدون أي مشاكل.. وهدديها بطريق غير مباشر انك لو في مكان أي زوجة تانية من الغيرة كان ممكن تبعثي لأهلها المحادثات الي تخصها وصورتها عالكاميرا وتفضحيها.. وقوليلها انك مسجلة كل حاجة واثبتيلها عن طريق مثلا انك تذكري محادثة مرة صارت بينهم

المهم اطلبي منها انها تبعد عن زوجك بهدوء وانه يكون في موقف معين هي تخترعه عشان يكرهها ويبعد عنها زي مثلا انها تقوله انها تحب واحد ثاني .. وبالتدريج ما ترد على مكالماته وهكذا..

وذكريها بالله والخيانة
وتكلمي بهدوء..

وربنا معاكي

اماراتية حيل
03/02/2008, 12:45 PM
حكايات النت وهالحب وهالقصص الخرافية ويحبها ويموت فيها .....ماتستمر ..أبد ...
لاتخلينه يتزوجها ..اكسبيه ..هذا زوجك ...حاربي لأجل مملكتج ....وبعدين دام سوى هالأشيا ..ومقابلات وشوفة ..وغيرها .يعني هذا انسان سوى حرام والعياذ بالله وكيف يرضى لنفسه انه يحب بنت تكشفه لنفسها وكلام حب وغزل ...الناس ماتفهم انووو الحب مو شرط بهالشي ..والله هو احين يدوس نعمة رب العالمين الا وهي الزواج ..اللي هو بالحلال ..هاذي هدية من رب العالمين بس الناس ماتفهم هالشي ...
والله انك تستحقينه اكثر منها ...يابنت الحلال....لاتخلي أحد يغلبك في هالشي..هذا ستر لكي وله كمان..
ياااااااااااااااارب ...بجاه محمد وآل محمد ..انه يهدي زوجك ويقوي ايمانه ويسخر قلبه لكي ...آمين
والله يقويكي ويسعدك ويوفقك ان شاء الله ...

المعذبه
03/02/2008, 07:48 PM
يابنات شوفوا ايش صار انا بمصيبه

زوجي اليوم الظهر كان معصب حده قلت له شفيك اتعاملني كذا واتكلمني كذا قال لي شبغيتي قلت له شفيك علي ليه اتعاملني بهالطريقه انا ايش عملت لك قال لي اللي عملتيه بتزوجهاانا هنا قلت له ايش شتقول انا مش فاهمه قال لي لاتسوين روحك غبيه وماتدرين انا عارف ودراي وماتمشي معي هالحركات قلت راح اواجه وصلت فيه يقول لي يتزوجها قلت له من حقي احافظ على بيتي وزوجي انا زوجتك ولي حق عليك وكل اللي عملته احافظ على بيتنا وحياتنا من بنات الشوارع هو هنا عصب يوم قلت بنت شارع تخيلوا ايش قال لي قال مهرها طلاقك احترمي نفسك احسن لك قلت له وصلت فيك اتسوي لي كذا
قال اللهم صلي على محمد وهدى وتم يكلمني باسلوب اهدا قال لي شوفي يابنت الناس انتي بنت عمي وزوجتي وام بنت انا ماقصرت معاكي بشي عاملتك عدل طول سنين زوجانا ماقصرت باي شي معاكي قمت قلت له امبلا قصرت كثير وطحت لي حب وخنتني قال لي انا ماخنتك قلت له ايش اتسمي اتعرف بنت ابليس هنا عصب قال لي اذلفي عن وجهي قلت له ماتقدر اتبرر لنفسك اصلا ايش بتقوول ماراح تقدر اتقول اي شي قال لي انا مو خايف منك لو ابي اسوي الشي بسويه علني انا اقدر اهينج واجرحج بس مارضيت عليج بالاذيه قلت هاذي بنت عمي وام بنتي انا رجال لو ابي اقدر اتزوج 4 مو 1 اقدر اسوي اللي ابي لكني مارضيت عليج ابدا قلت له مارضيت علي وسويت فيني هذا كله قال لي ايش سويت قلت له سنين طويله وانت اتغشني واتكلم هاالبنت من وراي وطايح لي حب فيها وانا زوجتك ماتحبني قال لي انا ماسويت جريمه انا قلبي مب بيدي كفايه ماقصرت معاج كفايه ماهنتج وجرحتج شوفي الرجاجيل الباقيين ايش يسوون بحريمهم لكن انا ماسويت فيكي شي انتي اللي ماتحسين انا تعذبت كفايه حرماني عنها وهي محرومه مني انتي ايش كاني عندك ويمك لكن هي بعيد عنها ومقصر معاها طلع اخرتها يشوف انه مقصر معها وانا مو مقصر ويقول لي الحب مب كل شي بالدنيا دام مب كل شي ليه هاي كله صاير بينا قال لي انا لو اقدر خذتها من زمان مانطرت لين اليوم لكن مابي اقصر معاج ولامع بنتج احاول قد ماقدر لو كنت مثل الرجاجيل طنشتك وخذتها ومادفعت لكم وقصرت عليكم كل دقيقه لو انا مثل الرجاجيل لو انا مثل الرجااجيل ويقول ويتكلم كاني انا الغلطانه وهو الصح وانه ماهو غلطان قال لي اخر شي انا راح اخذها واقول لك من الحين لو ادفع عمري كله باخذهاا قلت له خذها ماتم معاك دقيقه قال لي انا شاريج وانتي عالعين وعالراس بس راح اخذهااا وغصبا عن الكل ومحد له دعوه فيني قلت له اتبيعني وترخصني عشانها قال لي قلت لك راح اخذها بقواه عين يقول باخذها تبغيني تمي معاي وانا مابقصر معاج ومثل ماكنت وبصير احسن معاج قلت له وقلبك هناك وتتزوج علي قال لي قلب الانسان مب بيده انتي عزيزه وغاليه وانتي اللي نبشتي وراي وهذا اللي جاكي من غبااءك تخيلوا يقول لي كذا

وبس من وقتها طلع من البيت ولحد الان مارجع

ايش اسوي ماني عارفه دلووووووني

دمــ ـ ـوووع
03/02/2008, 08:12 PM
يوووووووووووووه حبيبتي

والله طار عقلي يوم قريت اللي صار

الحقيره النذله سوتها

توقعت انها تسوي هالحركه

عملت عليك مثاليه وانها طيبه وكرهته

واثاريها تمثيل في تمثيل

والله هذي يبغى لها حرررررررق

وكلمته مهرها طلاقك يوووووووووووووووووووه

والله ادعي لك من قلبي ياعمري ماتستاهلين

مدري شقول لك ..

بس الحين الوضع مشربك ومتوتر...

يعني يحبها لهدرجه ؟؟!والا لاهفه عقله بعمل وياكثر السحور

يوم انه يحبها ليه ماتزوجها قبل لا ياخذك وفكك

انا اللوووووووم كله احطه عليها مو على زوجك

لان الرجال مهما كان عقله صغييييييير زي البيبي

وهي رسمت روحها ملاك بعقله اللي ماتخاف ربها

ما لك الا صلاة الليل والدعاء بحرقه

ومااعتقد انك بتتقبلين فكرة انه يتزوجها لاني لو كنت مكانك مابسوي روحي الطيبه

وبقول اقبل..لا يابعدي حريمته وعلى جثتي حتى لو الشرع حلل اربع....

امممممم طيب شوفي امه...اذا امه او اخته طيبين وحليوين شوفيهم...خل يكلمونه

وقولي لهم عن علاقته خارج نطاق الزواج...


وربي ادعي لك يالغلا وانشاء الله الامور تتصلح ويرجع لك ويتركها

الله لايوفقها الزفته الشينه الكريهه النذله خرابة البيوت سراقة الرجال اللي ماتستحي

Om Arawy
03/02/2008, 08:57 PM
يووووووووووه ياربي ليش كذا
قلت لك من الاول ياقلبي انه يحبها ومابيتخلى عنها
لانه متعلق فيها
ماراح اقول ليش وليش وليش سويتي كذا
بس خلينا نشوف حل

شوفي انا اقول لك تراه حاط في باله انه بياخذها
بس انتي اذا جلستي معه
لااااااااتصارخين حاولي تمسكي نفسك
انا الحين مو عارفة افكر زييين
بس اللي ببالي انك تجلسين معه وتتأسفين منه صدقيني بتكبرين بعينه
لانه عرف لعبتك والله عرف لعبتك انك كلمتيها وكذبتي عليها
لان اكيد اهي اتصلت عليه وصاااااحت
وغيره وغيره

فانا من الحين اقول لك هو عارف لعبتك عارفها
انتي وش تسوين ..؟ .....انا اقول لك
روحي له تأسفي منه قولي له بهدوء انا اعترف باللي سويته بس من جد لأني اغار عليك وأحبك وأشوفها تاخذك مني
ولا تسبييييييييييييينها عنده لأنه بيكون معها وبيقول في باله هي احسن منك وانها تسوى اكثر منك
وماقال لك غبية ((وماعليك منه هذا من حرته)) ماقال كذا الا انه مصر انه ياخذها وقال كذا
لان في باله اظن يقول لو انك مو غبية كان قدرتي تكسبيني >>>شفتي شلون
يعني في امل انه يتصلح
بس انا بصراحة احس انك تتهورين
حبيبتي قلبي انتي
فكري زين باللي قلت لك
وتأسفي منه وبهدوووووووء معه وحاولي تتفاهمين معه
وحتى لو قال لك مع هالتفاهم كله قال انا ما اقدر ابتزوجها قولي له
بهدووووووووء بس انا شذنبي انا احبك
ما تحس ان قلبي يتقطع اشوف حبيبي مع وحدة ثانية
وقولي الله يخليك حبيبي اذا انا غزيزة عليك لا تخليني وقولي له اعرف انه قلبك ماتقدر تتحكم فيه بس فكر زيين قبل تسوي
شي
ياقلبي عليكي والله
وبعد وش اقول لك اسمعي
قولي له حبيبي انا اسفة اني سويت كذا و>>يعني انك سبيتيها
بس انا اعترف اني ساعتها كنت مو حاسة باللي اسوييه من حرتي

مادري بعد وش اقول لك

بناااااااااااااااااااااات فكروا معي كلامي اللي كتبته صح؟؟
وادعوا للبنت الله يفرج همها ويسخر لها زوجها

ashjaani
03/02/2008, 09:24 PM
حرااااااااااام

البنت شو ذنبهــاا ..؟؟!!

الحين انتوا كلكم حطيتوا الغلط على البنت وكانها هي المجرمه ،، طيب زوجج مشارك بهاذي الجريمه ليش ما واجهتيه ،، ليش واجهتي هالبنت ،، أكيــــد وأبصملج بالمليون انه زوجج اللي علقها فيه وانها ما لحقته وقالتله تعال بحبك وببعدم عن زوجتك ....!!

وبعدين منو قال الحب حرااام ..؟؟!! كل انسان له احساس ومشاعر ويحب لكن بطريقته وفي احاديث للرسول تؤكد على وجود الحب وانه ما للحب الا الزواج ... برايي الحل انه يزوجهاا ..

ومن كلامج عن محادثة زوجج وياها عنج انتي لاحظت انهم ما يقصدون الغلط عليج وانه هم الاثنين مهتمين لامرج ،، ماظني بنت صايعه راح تفكر هالتفكير وتتكلم بـ هالمنطق ..وبعدين هم ابتعدوا وأكيد ابتعادها كان لانها ما تبا تخرب عليج حيااتج .. البنت مهتمه فيج وبحياتج ويا زوجج وانتي ما عرفتي تستغلين هالشي ..

زوجج هذا صح وابو عيالج وتحبينه وتغارين عليه ،، لكن المفروض انج تتركين المركب يمشي على ما هوو ،، هم ابتعدوا وانتي حاولي انج ما تشكين ولا تتبعين مكالمات زوجج لانج بهاي الطريقه تفتحين لنفسج ابواب انتي في غنى عنها ...



ولو تكلمت ما بخلص ،، ع العموم الله يرد لج زوجج وينسى حبه و يهنيكم مع بعض ..

والله انا رايي من راي فاقد احباابي

كلكم حطيتوا الغلط عالبنت ونسيتوا الزوج

فكروا شوي فيها هالبنت اذا بتحطون الغلط فالغلط الاول والاخير على الزوج لاعلى الزوجه ولاعلى البنت اللي يحبهاا

اول شي الزوج هو اللي علق البنت وحبها وانتوا كلكوا اتقولون اهي بنت ابليس واهي مادري ايش وطحتوا فيها وانها خرابه بيوت مو هي اللي خرابه بيوت انا اشوف الزوج نفسه هو اللي يبي يخرب بيته دام هو راضي على خراب بيته اهي شدخلهاا كانها هي مجرمه انا شفت من الكلام بالعكس البنت مب عاجبها الوضع حسيت وكمن مره تطلب منه يتفارقون وانها مب مرتاحه وضميرها يعذبها انتوا يابنات قلتوا لاهي تلعب عليه عشان تكبر في عينه انا راي العكس اشوف واحس ان البنت صادقه والزوج هو الغلطان هو قلبه متعلق فيها ويبيها ولاحظوا الرد اللي كتبته المعذبه قالت اهم مفترقين من فتره واهو كله زعلان وحزين من يوم فارقها كانوا مفترقين اختي المعذبه راحت كلمتها واهم مفترقين كانت خطوه غلط ومن حقهاا بعد كلام المعذبه مهما كان اتقوله انتوا قمتوا وسويتوا البنت انها خرابه ومجرمه يوم قالت له طيب انا اقول لكم حطوا نفسكم بمكانها هالانسان اللي حبيته اخرتها تكتشف انه كان يلعب فيها وراح خل مرته تتشمت فيها واتكلمها عالماسنجر هي اتوقع ببالها جذي وانه يشوفها بنت شوارع من حقها سواء كلمته او هو كلمه لازم اتقول له وانتوا لاحظوا عدل كلام المعذبه يوم اتقول ان يناديها بزوجتي واتناديه بزوجي يعني معناته علاقتهم كانت وايد قويه انا مالوم البنت ولاالزوجه قد مالوم الزووج لو هو يبي يحافظ على بيته ولاحطوا شغله مهمه اصلا حتى الزوج ماقالت ماعاملني عدل اهي بنفسها قالت مايقصر معااي ويسوي لي كل شي وكلامه يوم يقول لها انا ماقصرت معاج والانسان قلبه مب بيده وانتي بنت عمي وعالعين وعالراس والله لو واحد غيره مافتكر اصلا

احنا كلنا بنااات حطوا نفسكم بمكان هالبنت قبل ماتطيحون فيها جذي وانتوا عارفين الرياييل وطبعهم وخيانتهم شلون الاولى كلكم اتلومون الزوج مو البنت

واحنا اهني نبي انحل مشكله بالعقل والهدوء عشان نتوصل لنتجه ودامنا نبي نوصل لنتيجه اول شي انشوف اطراف وجذور المشكله ومن الغلطان مو تبدون رايكم قبل ماتسالون البنت عن طبيعه حياتها معاه شلون صح قالت المعذبه ماقصر معاه طيب شلون ماتدورن انتوا شلون حياتهم قبل ماتحكمون

انا اشوف ان المشكله كبيره وايد واهي طلبت مساعدتنا بنات عروس لازم انفكر عدل وبهدوء ومانتعصب ابد ان كله البنت والبنت طيب والزوج وين دوره والزوجه وين دورهااااا ماتدورن الغلط من مين بالضبط قبل ماتتاكدون

wmmm
03/02/2008, 09:46 PM
اه يا اختى والله حكايتك عجب ها البنت اخدتها لصالحها مكالمتك ليها وقلبتها عليك وزوجك بصراحة لقاها حجة يتحجج بيها ويطلعك غلطانة وينفى غلطه وانتى الللى سويتيه من حقك ما تخليه يلومك بالعكس حسسيه بغلطه واهانته ليك وصبرك عليه وادا ما اقتنع حاولى اتكلمى حد تثقى فيه ويتدخل والدعاء وقيام الليل المعجزة الوحيدة اللى راح تغير زوجك بادن الله بس اهم شى خليك انتى المضلومة مو تنقلب الادوار ويعيشك دور الضالمة يعنى حسسيه بغلطه وصبرك عليه وان غلط فيك وجرحك وسكوتك عليه هده تضحية منك لاستمرار حياتك معاه وبعد هدا كله انشاء الله تكون غمامة وتنزاح وتقى برب العباد واللى يكتبهولك انشاء الله فيه الخير
معليش يا اختى انا عندى استفسار هو مو وقته بس والله مقهورة معقولة حسب ما شفت فى مجتمعكم الى هده الدرجة الزواج التانى عندكم بكل بساطة يعنى الحديث اللى دار بنك وبين زوجك يقولك يتزوج بكل بساطة وحتى اهلك قلتى نفس الشى قوليلى هنى وين العدل اللى شرطه الاسلام فى التعدد ويقولك حقى حاشاه الدين من هده الاعدار اى عدل وهو واضح من الان عقله وقلبه ليها مستحيل يصير عدل من الراجل الا ما يقع الضلم على وحدة فيهم وتلقى الحياة ماشية بس لانها ساكتة وقانعة نفسها وهى مقهورة من الداخل اعدرنى اختى بس والله مستغربة من اللى اقرا فيه فى المنتدى فى مجتمعكم على الزواج التانى وكيف امبسطينه والشرط اللى قائم عليه التعدد عادة غير موجود واسفة على اطالتى

خليج عدن
03/02/2008, 10:09 PM
الله يعينك ويصبرج والله مادري ويش اقول قلبي عورني عليج الله يعينج

Om Arawy
03/02/2008, 10:36 PM
ashjaani
انا معاكي ومع فاقد احبابي
انا اعرف ان البنت مو مالها ذنب لها ذنب
بس بعد اهي هذا هي تحاول تتركه وهو اللي متعلق

بس الله يهديها المعذبة جات وتهورت
وخربت زيادة
بس ما الومها بعد لان من حرتها على نفسها وعلى بيتها

فاقدأحبابي
04/02/2008, 12:18 AM
خل يتزوجهاا ،،

هاا أفضل حل دام انه قال لج ما راح يقصر معاج وبيتم يحبج وزياده بعد ...

دموع العراق10
04/02/2008, 12:28 AM
شنو اخواتي الي قلتو البنت موذنبها والذنب كله بيد الزوج والله هاي صاقطه وبنت شوارع ولا تعرف للحرام ذره
والله ما الوم اختي المعذبه من حرت نفسه ودها تحافظ على بيتها بس هاي شلون راحت اتصلت بيه الله ياخذها ان شاء الله والله ما حسبت هلنذله تتصل عليه الله يكطعها شوفي اختي مالج غير الدعاء والله العضيم لو التزمتي الستغفار 500 بليوم والله جربتها هاذي الايام والله صار شي ابد كلت ماينحل بس ربج كريم حلها استغفري اختي والله معاج

الجــــوري
04/02/2008, 12:47 AM
اختي س حبيت اقولج اني على ثقة ألف بالميه انه لة تزوجها صدقيني مردهم بيتركون بعض لأن من البدايه علاقتهم غلط بغلط والغلط عمره مايستمر هو بس متعلق فيها ويبيها لأنها بعيده عنه ومب طايلها بس صدقيني لو تزوجها وصاوا مع بعض مع الأيام بيحسون ان علاقتهم غلط وانهم ماراح يقدرون يكملون هي يمكن شهوة ويمكن يشوفها ملاك وميت فيها ويشوفها هي الغالية اللي مايقدر يستغني عنها لأنها بعيده مب طايلها بس إذا عاشرها بتبين على حقيقتها وثقي ثقه تامه انه مرده لج انتي صدقيني مهما لف ودار وراح بعيد في النهاية بيرجع لج وماعليج حبيبتي إلا الصبر والله معاج وطمنينا عنج ياقلبي

حييل---مقهورة
04/02/2008, 01:07 AM
الله معاكي والله ماعندي الا الدعاااااااااء
وترا الدعاء كنز عظيم
انصحك بالجوء لله هو قادر ع حلهااااااا

انا مع اختي نانا

Doll*FaCe
04/02/2008, 01:14 AM
ليش مو ذنب البنت.. ياهل هي؟ ماتميز بين الصح والغلط؟؟ ماتعرف انها بهالطريقه بتهدم اسرة وبتفرق زوجين......؟؟
ليش ماتبتعد وتشوف نصيبها والله حرام عليها الي تسويه لكن عسى الله يبليها بزوج يحب بدالها عشر بنات... ذيك الساعه بتحس وبتقتهر.. والي ردوا قالوا حرام وحرام
لو ازواجكم سوو هالشي والله تنهارون وودكم لو البنت هذي قدامكم وتاخذون حقكم منها.....
خل يتزوجها مافي عير هالحل .... توكلي على الله وادعي وادعي ترى دعوة المظلوم ماتنرد...........
وحاولي تكونين احسن منها خل يتحسف انه تركج ....

ashjaani
04/02/2008, 02:40 AM
شوفي بنات انا اقول مالها ذنب

ومايصير تدعون عليها ولاعلى اي انسان بالموت والبلى والشر

شوفوا الحين انتوا قطيتوا كل الغلط على هالبنت وين الزوج

ماشوف انسانه فيكم قالت ان الزوج هو الغلطاااااان والله الغلط كله عالزوج هو اللي سمح لنفسه يكلم غير زوجته هو اللي ينلام ولاحظوا بكلام المعذبه قالت هم ابتعدوا عن بعض راحت اهي كلمتها بعد مافترقواا صح خطوتها غلط واحنا مانلومها من حرق قلبها

بس الغلط اللي انا اشوفه انكم تدعون عليها كانها جد هي المذنبه الوحيده بالسالفه واتقولوون انها ماتعرف اتميز بين الصح والغلط وليش الزوج مايعرف يميز بين الصح والغلط ولاهو اتشوفونه مب غلطان يعني وليش هو شنو قاصر ولاايش مايعرف يميز يعني اتقص عليه شلون يعني لو هو ماعنده نيه بشي لو مو اميه بنت الامليون بنت ماراح اتقص عليه لو ايش

انا اشوف الغلط الاول والاخير على كلام المعذبه هو الزوج

لكن انتوا ماسالتوا المعذبه عن تفاصيل حياتها ماسالتوها عن طبع زوجها عن حياتهاا شلون قبل ماتحكمون على اي شي واتقومون هجوم وتدعون واتسبوون حرام جذي والله

~همس~
04/02/2008, 03:35 AM
السلام عليكم يابنات______> ردوالسلام
والله اني مقهوره اني شفت الموضوع متأخر
شوفوا الانسان مب متعلم وكل يوم يتعلم سوا من خطا او من تجربة غيره
وانا رائي لاحد يزعل منه
انا اشوف الغلط من الزوجه
يعني اتحملتي سنه ما قدرتي تتحملين زياده !!!!
الصراحه انتي تهورتي كثير مع زوجك وانتي وصلتيها لخطوط حمراء
المواقف هذي يبالها كثير من الحكمه والصبر والتخطيط والدهاء
وانا والله ما كان تفكيري كذا من قبل ما ادخل موقع الدكتوره ناعمه الهاشمي
واعتقد الاخت ريمي قالت لك عنها
انا بشرح لك شئ واتمنى انك تستفيدين منه تمام
انتي على المحك هدي اللعب والدكتوره شرحت في قصصها شئ عن الحب والاحترام والعشق وراح احطها بمعادله بسيطه!!
الاحترام والحب=انتي
الحب والعشق=حبيبته
ولاحظي اللي يحب ويعشق يدمر اي شئ يوقف في طريقه
فاانتي اقلبي اللعبه لصالحك
اصبري فتره
اختاري يااا انك تكلمين الدكتوره وتمشين معها
او انك اذا ماقدرتي ادخلي الموقع وادرسيه دراسه جديه
وبعدين ابدئي التخطيط
وعلى فكره اللي سويته كان مره غلط في غلط مكان وقته الحين لان موقفك ضعيف!!!!
وانا معك لو تبين اي شئ

المؤمنة دائما
04/02/2008, 08:20 AM
الله معاكي والله ماعندي الا الدعاااااااااء
وترا الدعاء كنز عظيم

غناته
04/02/2008, 12:42 PM
اختي ....

خلاص الي صار صار وانا توقعت انها تسوي جذيه والله يستر اذا ما حطتنج براسها هي الحينه الكره بملعبها وهي الاقواء لان ريلج ميت فيها ..توقعي منها في الفتره اليايه الانتقام منها تبار تبرد نارها فا عليج با الصبر ثم الصبر حبيبتي ........ولا تسمعين كلام البنات الي قالو لج زوجي ريلج ترا هل خطوه بتكون جمره بقلبج بعيد الشر عنج
حافظي عليه ولا تستسلمين ....روحي حق الدكتوره ناعمه واشتركي با الدورات وان شاء الله تستفيدين وريلج يرجع لج بس احذرج تزوجينه ترا ماحد بينكوي بنار غيرج
والله يستر عليج ويعينج

المعذبه
04/02/2008, 06:15 PM
بنات شكرا لكم وحده وحده

هاي اخر الاخبار

زوجي منقهر مني حده ومب طايقني

ويقول لي البنت ماتبيه وهو زعلان حده وكله مبووووز

ولاحتى يكلمني

شمس أبوظبي
04/02/2008, 08:13 PM
انصحيه انه يتزوجها ... يمكن اذا تزوجها يكرهها

wmmm
04/02/2008, 08:36 PM
بعد اللى صار كله وتقولى ما عاد يكلمينى ليش منى الزعلان انتى ولا هو مين اللى مفروض يراضى التانى وغلطان فى حقه انتى ولا هو شن ها التنازل والتساهل هدا كله انا الصراحة يا اختى ما عاد راح ارد على موضوعك لان الواضح انى مش فاهمة طريقة تعاملكم وتعايشكم مع المراة الاخرى او الزوجة التانية واضح ان الزوج واخده بكل بساطة ومفيش اعتبار لمشاعر الزوجة
اعدرينى يا اختى بس انا كتبتلك استفسار فيما سبق فى احد الردود لان فعلا" مشكلتك اتعايشت معاها وما جاوبتينى انتى معدورة من اللى تمرى فيه بس خلاص الان فهمت ان الوضع مختلف تماما عما كنت اتصور
الله يسهلك

مدلعه نفسي
04/02/2008, 11:09 PM
ترااااااااااااااااضينه انتي مينوووووووووونه ؟؟؟؟؟؟؟؟؟؟؟



اسفهييييييييييييييييييييي يييييييه ماقصرررر؟؟؟؟؟؟؟؟ الخيااااااااااااانه بروحهاا تقصييييييير

أمل عائد
04/02/2008, 11:21 PM
_ فرج الله همك , ونفس كربك ,. وشرح صدرك .,


وجمع شملكم بقلوب صافية متحابة .,"


* أختي *

نحن بشر ولا حول لنا ولا قوة إلا بالله العلي العظيم .,"


* أطلبي من المولى فلا خاب من التجئ إليه .,’ أبوابه مفتوحة .,:


لحل الإشكال عليك بكثرة الإستغفار ,’

ولك منا خالص الدعاء واصدقة .,

تحياتي لك

نجمة الرضا
05/02/2008, 01:01 AM
بنات شكرا لكم وحده وحده

هاي اخر الاخبار

زوجي منقهر مني حده ومب طايقني

ويقول لي البنت ماتبيه وهو زعلان حده وكله مبووووز

ولاحتى يكلمني


الحمد لله الليي صار أن البنت ما تبيه وحتى لو على قولتش موطايقنش فأهم شي هو الحين معاش في البيت و عليش بالدور ..... دشي قسم أفكار و خبرات و طبقي أحد الدروس (y) مثل هدية أعتذار بطريقة رائعه و رسالة أو مسجات (f) غيري فيها مجرى حياتكم و انتين و شطارتش(y)

المعذبه
05/02/2008, 01:36 AM
شكرا بنات انا قريت كل ردودكم وحده وحده واهتمامكم ورسائلكم الخاصه

واقول للاخت اللي ردت علي باسلوب خشن wmmm
انا قريت كل كلامك وانا مارديت على استفسارك ومارديت عالبنات وحده وحده لاني على عجل

ومن قال لك يااختي اني راضيته او تنازلت له وصالحته بالعكس انا جدا زعلانه منه وماكلمه

ويابنات اللي اتقول الزواج الثاني عادي عندي انا مو عادي عندي مافي زوجه ترضى على زوجها ياخذ عليها بس اقول لكم ان عائلتنا كلهم متزوجين كثير على زوجاتهم ابوي وابوه واعمامنا وكذا يعني لو يبغى يتزوج الاهل ماراح يعارضونه فهمتووني يعني كلهم بيقولون ايش فيها ومن حقه ورجال صعب تغير فكرتهم هم كذاا

وانا يابنات ماقول لكم كان مقصر معاي بالعكس كان وايد كويس معاي انا مرات اتمنى ماعرفت كل هاذاا كان تركها وانا مادريت وعشت حياتي مثل ماكنت احس هالشي قلب حياتي جحيم

واهو عمره ماوصلت معاه يكلمني بهالاسلوب من سنين اول مره يعاملني ويكلمني كذا

انا صدق تسرعت يوم كلمت البنت مثل ماقالتوا لي لكن مادري لحظه تهورت وكان المفروض افكر بعقل اكبر واتهدى واتروى لانهم مفترقين انا خربت على روحي

وانتوا يابنات اتقولون سوي له واعملي له لكن انا اعرف زوجي والله مافي فايده دام شغله براسه وعنيد

صح المفروض ماستسلم بس مابيدي اعمل اكثر من اللي عملته

انا لورحت واشتكيت عند اهلي اواهله بيلوموني انا بيقولون لي هو يبغا يتزوج ذحين بالحلال ترضين انه يعرف بالحرام افكار العايله كذا تطبعوا كذا ماقدر اغير فيهم كلهم من كذا انتوا مو فاهمين الوضع

عمي لدرجه يبغا مرات يزوجه الثانيه بس هو كان مايبغى انا يوم كنت اسمع ابكي قهر بس عارفه لويبغي راح يتزوج ومابيكون بيدي شي حتى لوتزوج علي الطلاق صعب ومستحيل لو رحت عند اهلي هم الاولين اللي راح يلوموني

انا جد موعارفه ايش اسوي

انا الحين ابغى منكم انكم تعطوني حلول جديه يعني لوبغيتوا تسالوني كيف حياتنا ووضعنا اسالوا يمكن هالشي راح يساعدتفهموا الوضع وتعطوني حلول ادق

سمراءالسودان
05/02/2008, 02:02 AM
نبدأ بالحل رقم واحد :: طنشيييييييييييييييييييييي يييييييييييييييه

جـ22ـوري
05/02/2008, 02:02 AM
الله معاكي والله ماعندي الا الدعاااااااااء
وترا الدعاء كنز عظيم
انصحك بالجوء لله هو قادر ع حلهااااااا

سمراءالسودان
05/02/2008, 02:04 AM
تابع الحل الاول

أ_اياك تراضينه

ب_خليك مرحه وسعيده

ج_اشغلي نفسك بشي يفيدك ( رياضه _دراسه معهد_اي شي يجذبه ويفيدك))

د_خليك دايما مبتسمه بس دون ما تكون شخصيتك ضعيفه

wmmm
05/02/2008, 02:37 AM
اعدرينى يا اختى وانا ما رديت عليك باسلوب خشن متل ما دكرت بالعكس انا متعايشة مع مشكلتك من بدايتها يعنى من الموضوع الاول وجدا" زعلت لاجلك لكن الصراحة اندهشت كيف زوجك يكلمك ويلومك على البنت بكل بساطة لا ومو حاس انه غلط هدا اللى فهمته من كلامك ان الحق كله وقع عليك وهو نافى غلطه ومعتبره من حقه انى هنا اندهشت مين اللى بيزعل من التانى من وجهة نضرى انتى المفروض زعلانة وهو اللى يبحت كيف يراضيك لين ما ترضى ويحس بغلطه حسيت من موقفك محتارة ودورى رضاه وزعلانة لزعله هدا اللى فهمته من كلامك الحقونى زوجى ما يكلمنى واسفة لو فهمتينى غلط لانى ما ابى ازيد عدابك وفعلا" متل ما سبق وقتلك انا اقترحت عليك من واقع الحياة والمجتمع اللى انا عايشة فيه لان لو كنت مكانك كانت العيلة كلها نبدت زوجى وهو مكانش ليه عين يتكلم معاى على اللى يحبها ابدا" مهما كانت بس بعد ما اطلعتينا عن اسلوب تعايشكم مع الوضع فى عيلتكم اقولك فعلا" الله يعينك وما ليك غير الدعاء والصبر وقيام الليل وربى مع المضلوم اسفة مرة اخرى وربى يسهلك

.. عروس محمد ..
05/02/2008, 04:40 AM
السلام عليكم ..


بالنسبة لسؤالك ( ماذا تفعلين ) ..

اختاري أحد أمرين ::

.. أما أن تخبري الأخوات هنا بما يجد وتطبقي توجيهاتهم بدون تهور ..
.. أو تفعلي ما يحلو لك ..


في حال اختيارك للأول ::

أريد أن أخبرك بأن خطر الفتاة لا يزال ..
لا تستغربي إن أخبرك أنها وافقت على الزواج به ..


وعندما يفعل ..
لا تتهوري وتتلفظي عليها فقط قولي له ( اعمل ما يريحك ) واتركييييييه ..
أنت قلت أن زوجك يفعل ما يريد ولا شئ يغير رأيه ..
كما أنك لم تستطيعي ردعه عن الحرام .. فكيف بالحلال ..

إذن لا داعي لعمل شئ أمامه .. حتى البكاء ..


فيما عدا ذلك ..

مارسي حياتك الطبيعية .. وكأنه غير موجود ..



أخيراً ..
الحل الوحيد في حالتك هو الصبر ..
وأن تطبخ الأمور على نار هادئة ..


دعواتي لك بالفرج ..


.. عروس محمد ..

.. عروس محمد ..
05/02/2008, 05:11 AM
أريد أن أوجه كلمة للأخوات هنا ..


لنكن عمليات قليلا ..

المشكلة هنا ليست فيمن المخطئ ..
وليست فيما يفعله زوجها ..


المشكلة باعتقادي هي أن ( المعذبة ) تريد حلولا تطبقها مع زوجها لــ ...... هي نفسها لا تعلم ليصبح ماذا ؟؟
إنها لا تسعى لأن يحبها وكأن الأمر ميئوس منه !!
أو كأنها تعتقد أنها لا تستحقه !!

المشكلة هي أنها لا تشعر بأنها إنسانه تستحق الحب .. لها كبرياؤها وكرامتها التي لا تمس ..
أنها تحس وكأنها لاشئ أمام تلك ( وغيرها ) .. وأنه ينقصها الكثير ..
المشكلة هي أنها تعتقد أنها معذبة .. وتكتفي بالتحسر والتمني والــ ياليت ..



وأنا أعتقد أن الحل هو أن ترضى ( المعذبة ) عن حياتها وتغير اسمها لآخر أكثر بهجة سواءً تزوج زوجها بأخرى .. أو طلقها .. أو عاش معها كجسد .. أو عشقها حد الثمالة ..

لأن حياتها ببساطة ليست محصورة في زوجها فقط ..


طبعاً لا يمنع ذلك أن نرشدها لحل سليم يجعل زوجها يعشقها ( ولو بعد حين ) ..



هل توافقنني على ذلك ؟؟

أليس من الأفضل أن نسعى جميعاً لحل واقعي ..
بدل ردود لا تغني ولا تسمن ؟؟


بانتظاركم ..



.. عروس محمد ..

ندايم
05/02/2008, 05:25 AM
انا اعرف زوجي والله مافي فايده دام شغله براسه وعنيد

بس عارفه لويبغي راح يتزوج ومابيكون بيدي شي

ليتك استشرتي قبل لا تخطين اي خطوه...

ليت حطيتي اقتراحك عن الايميل و المسنجر...

بس يلا الحمدلله على كل حال...

اكيد هو متغير لانه عرف...

يمكن عاتبته و لامته على الحركه...

بينت نفسها مظلومه و هو انصدم...

الحب بينهم بيزيد...و بيكره الحركه اللي سويتها..

و اللي يسويه الحين رد فعل طبيعي للي سويته...

كانه يادبك...اذا تبين تتاكدين اذا عرف و الا لا...

شوفي ايميله غير الباسورد ؟؟؟

حاليا لا توقفين له في الطلعه و الدخله...

بوسه و الا حضن و الا....الخ

كوني ثقيله...و لا تهتمي...عشانك انتي قبل لا يكون عشانه...

ثقي في نفسك...لاتقولين خانني لاني مقصره...

بالعكس قولي لانه ماعنده نظر...

دلعي نفسج...مساجات...نادي...رياضه... صالون...الخ

و الحين ابي منك شئ...

تتذكرين محادثاتهم في المسنجر...

شو كان الرابط الاساسي بين جميع المحادثات؟؟؟

يعني هل المحادثات عن

الجنس...عن السياسه...عن الرياضه...عن العلم...الخ

يعني اباك تعصرين مخج و شوفي شو اللي كان يجذب زوجك لها...

شو اهتمامه فيها...لا تقوليلي جمالها...

الجمال و كلام فااااااضي بيكون فتره قصيره و بيمل...

و بالنسبه للاقتباس اللي حطيته فوق...

انتي قلتيها...لو كان يبي يتزوج كان تزوج من زمان...

يعني فعلا كان مجرد نزوى...او حب مراهقه...فتره و تعدي...

لا تقولين لانه مفلس!!! لو فعلا ناوي...حتى لو يتسلف...

حبيبتي الرجال اذا بغى شئ بيسويه...

بيتسلف من البنك من ابوه من صديقه لو بيحفر الارض و يطلع منها فلوس...

هذا لو كان فعلا مخطط...بس الله يهديك استعجلتي...

المهم الحين خلينا في المحادثات و اللي يربط بينهم...

و اذا بغيتي اي شئ الغاليه...

راسليني على الخاص...

تَنْثُرُ الكَونَ عِطرَاً
05/02/2008, 12:20 PM
أذكر قصة نفس قصتك

ولكن الزوجة كانت أكثر عقلانية وحكمة فى تعاملها مع الأمور

فلم تظهر لزوجها شيئا من غضب ولا نفور ولكن اتجهت بكل مافيها الى الله تعالى من دعاء وصلاة وقيام ليل إلى ان صرف الله زوجها عن غيرها وعاد لها

وارى ان هذا هو الطريق الوحيد والحل العملى فى حالتك

فإلجأى لمن بيده القلوب يقلبها وصرفها كيفما يشاء عز وجل

خذى الأمور بهدوء وتروى وفوضى امرك لله فما شاء الله كان وما لم يشأ لم يكن

joulia
05/02/2008, 12:30 PM
أذكر مرة قرأت قصة نفس قصتك

ولكنها كانت أكثر عقلانية وحكمة فى تعاملها مع الأمور

فلم تظهر لزوجها شيئا من غضب ولا نفور ولكن اتجهت بكل مافيها الى الله تعالى من دعاء وصلاة وقيام ليل إلى ان صرف الله زوجها عن غيرها وعاد لها

وارى ان هذا هو الطريق الوحيد والحل العملى فى حالتك

فإلجأى لمن بيده القلوب يقلبها وصرفها كيفما يشاء عز وجل

الله يعينك ويصبرك

دمــ ـ ـوووع
05/02/2008, 05:57 PM
هلا حبيبتي

والله اني احاتيك

وربي حتى خوياتي اللي معي بالدوام قلت لهم قصتك وهم كل يوم يسألوني عنك وعن جديدك يالغلا

والله والله ان هذاك اليوم يوم قريت سالفتك ورحت قلت لهم اليوم بطوله كان عندنا بالدوام هم

ونفكر فيك وندعي لك....يمكن مانعرفك صحيح...بس في قصص تأثر بالنفس وتحسين انك عايشه

معاها المعاناه ...

بعد عمري والله ...

شوفي .. اول شي.....انا ألوم البنات اللي قالو الغلط اكثر شي على الرجال...هو صحيح بط كبدي

ومستحيل أكون متحيزه للرجال بس بعد البنت في مقدورها انها تتركه وتقدر تحقره..واقلها يوم هزأتيها

ابتعدت بدون مشاكل وبدون ماتقول له حتى..لكنها سخيفه...والدنيا دوراه صدقيني....اقسم بالله

الدنيا تدور بأسرع مما نتصور...اليوم لك وبكره عليك...

ثانياً....احسن انها زعلانه وبالطقاق فيها جعلها ماترضى...انتي استغلي هالنقطه لصالحك

شوفي...

سوي له ليله رومانسيه...

جهزي له شموع وحركات ولبسي فستان زفافك او فستان حلو..مو شرط تكون ليلة ذكرى زواجك..

تكشخي....روحي كوافير اذا استلزم....نثري الورد على الدرج وشموع بالمكان ورسايل حب في كل جهه

....جهزي العشا الحلو....وحطي رومنس ميوزيك...وباقي الشغلات اللي اكيد تعرفينها......

وشغلي شريط زواجكم وعلقي البوم صور الزواج.....

خليه يعيش الجو...

كتبي له رساله رومانسيه فيها اعتذار بس مو تنزيل من كرامتك...يعني اعتذار بحجة انك تحبينه وهو

بو عيالك وان جنونك باللي سويتيه لانك تبغينه لك كله وماتسخين بأحد يشاركك فيه....

كوني دلووووووعه موووووووووووووووت

تدللي ولا تعصبين

وكل مابغى يفتح الموضوع بعصبيه حطي اصبعك بدلع على شفاته وهمسي له بكلمات رقيقه...

مافي مانع تاخذينه برقصه رومنس وتتكلمون بهدوء عن كل شي.....

يعني بإختصاااااااااااااااااار خلييييييييييييييييه يذووووووب

<<<<< هههههههه والله انا حركااااات

ومدام هذيك اللي ماتنطرى طاقه الصنوه( يعني زعلانه) اتوقع انه بيلين.....

هو بيزعل يوم يومين بس بالنهايه ماله غناة عنكم....

وليما يرضى لاااااااااااااااااااااااا ااتعصبينه ابد.....

اي وبعد في شغله.....

لااااااااااااااااااااا تلومين نفسك ابد ابد حياتي...

لان اللي صار صار وخلاص وانتي ماتنلامين....واذا بتمين تفكرين بتعصبين وبتثورين بوجهه......





حبيبتي والله

طمنينا عليك بآخر اخبارك

وقلوبنا ودعواتنا معك

&إحساس وجداني&
05/02/2008, 08:45 PM
المعذبه أبي أعطيك حل وقسم باالله البشر ماراح تساعدك بشي حنا نقدم النصيحه بس ولا كل وحده ملتهيه بعيالها وزوجها والزيارات يعني كل الحريم الي باالمنتدى ملتهيه بشؤنها الخاصه وأنا وحده منهم.

وقسم باالله أني نقهره من زوجك المتعجرف لو تبادلتو الادوار وانتي صرتي مكانه وش راح يسوي فيك والله راح يكون ألعن منك ويبهذلك بس وش راح نقول.................. حسبي الله ونعم الوكيل .
وضعك جدا صعب لا أهلك يوقفون معك ولا زوجك الخاين بعد.
طيب وش ذنبك يدوس عليك وعلى كرامتك علشان وحده نسي الي بينكم خلاص والله العظيم أني أكتب لك وبي خصهه وأنا الحين أبكي والله العظيم أبكي علشانك مقهوره عليك .
ياعمري مالك غير رب العباد روحي لربك ناجيه أقرعي باب السماء أسمع صوتك رب العباد أشتكي لله أشتكي وأبكي وترجي ربك أنه يحنن قلب زوجك عليك والله ماراح ننفعك بشي .
مارسي حياتك الطبيعيه وحاولي لسانك يلهج باالاستغفار راح تصير عندك عاده مع الوقت وإذا جاء وقت الليل صلي ركعتين وإذكري ربك وأدعي باالسجود ويعد أحسن في كل الصلوات لان الله يكون أقرب للعبد وهو ساجد
وأقرئي قرآن وأبكي وأنتي تدعي لعل وعسى يشوفك وأنتي في الحاله ويستحي على دمه.

دلوعة زوجي 2007
05/02/2008, 10:03 PM
حبيبتي قلبي معاج والله

تقربي من الله وتمسكي بايمانج

وحاولي تكسبين زوجج يا الغاليه وبينكم بنت ما اعتقد

انه يحبها يتسلي معاها انتي صيري له الزوجه والحبيبه

والام والاخت املي عليه حياته وغيري من روتين حياتج وحسسيه بالاهتمام

احسج مب مقصره بس حاولي تكسبينه باي طريقه كانت

ولا تخلين هالبنت تاخذه منج لانج انتي الاساس يا قلبي ..

نانا حلوة
05/02/2008, 11:53 PM
الله يسر امرج ياااااااااااااااااااااااا ااااااااااااارب

مريم ن
06/02/2008, 11:54 AM
الله يسر امرج ياااااااااااااااااااااااا ااااااااااااارب

nono 2008
06/02/2008, 12:16 PM
بقولكم قصت جارتي زوجها حب عليها وحدة يوم عرسه عليها والله العظيم
وزوجه الثانيه اثبتت الكلام هذا قالت لنا نفس الكلام يوم تزوجها وصارن الثنتين فوقي بالملحق
لانه جمعهن مع بعض بالملحق المهم صارت قصت حب بينه وبينها مدة ثمن سنوات وبعدين ضبط اورقها وتزوجها وجبها وعاشن مع بعض بالملحق الاولئ رضت ابنصيبها لانها من اول يوم تزوجها وهو حاط وحدة اباله عشوا ثلاثتهم سنتين من الغيرة والمشاكل من الثانيه ولاولئ صبرة وسكته وصارت احسن من اول والثانيه شيشه وقيمه اقيمتها للان راح بعيد الضحيه الديرتهم الاصليه وتعرف على وحدة ثالثه ومثقفه وجمعيه وصرت قصة حب جديدة وطنش الثانيه بسبت مشاكلها معد اهتم فيها وكلام الحب خلص مع مشاكل الزوجات المهم جاب صورت الجديدة لهن ويوريهم ايها وقول هذي الشيخه مو انتو وبيوم من الايام جتني الزوجه الاولئ وتقولي قبل كان يسوى فيني كذا مع الثانيه وكنت اكتمها بقلبي وسكت والحين صار عندها عادي اذا شفت صورت المثقفه بس الثانيه تنهبل وتسوى مشاكل مع زوجها ونكدت عيشتهم والاولئ تتفرج عليها وعل الزوج وتقول الدنيا دوارة

كركوبة
06/02/2008, 03:17 PM
الله يشوف من حالج ويصبرج لانه ماحد عايش فهاد الدنيا سعيد ضروري من مطبات

كناري
07/02/2008, 01:53 AM
ياا ويلي عليكِ حبيبة البي انتي :(
والله شي يجيب الجلطه..
لي عوده بعد قراءة التعليقات والردود !

مـارية
07/02/2008, 02:09 AM
طيب اختي ما دامه يحبها ليش اصلا يتزوجك ظلم نفسه وظلمك انتي معاه
وصارحيه صدقيني يمكن ترتاحين
حاااااااولي وخليك قويه مهما كانت ردة فعله لا تندمين او تضعفين الي كاتبه لك ربج بيصير
ومالك الا الدعاء والصبر
وعسى ربي يفرج همك ..

المعذبه
07/02/2008, 03:04 AM
مرحبا بنات

راح اقولكم اخر الاخبار

زوجي جاني يبغا يكلمني انا اول شي ماعطيته وجه هو تم يتكلم

تم يقول لي انا ادري اني قسيت عليك وغلطت وانتي ماتستاهلين وانك تستاهلي كل خير وانتي ماقصرتي معي بشي واني عزيزه وغاليه وام بنتنا وانه زعلي مايهون عليه وهو عارف انه غلطان ويبيني اسااامحه

قلت له انت ماسويت شوي سويت كثير خدعتني وخنتني قال لي معترف اني غلطت بحقك قلت له ليه عملت كذا انا ايش سويت لك عشان اتعذبني كذا قال انا اسف وانا غلطان كل ماقلت له شغله قال لي غلطان ويبغاني اساامحه قلت له اساامحك بس على شرط تحلف لي انك تقطع علاقتك بهاذي البنت وماتكلمها ابدا سكتت قلتها احلف واسامحك قال لي الحلف مو كويس وحرام قلت له انت حر تبغاني اسامحك احلف تم ييقول لي وعد ومن هالكلام ومارضى يحلف تم يتاسف لي وانه قسى عليا وكذا وطلعنا تعشيناا وتصالحنا

بس انا قلبي مب مرتاح احس انه حركه عملها عشان ياخذ راحته مادري كذا قلبي ناقزني انتوا ايش رايكم

وللبنات اللي سالوني اذا ايميله غير الباسوورد ايميله ماغير باسورده نفسه بس مافي اي رساله منه ولامنها انا احسه عمل له واهي عملت ايميل جديد غيره

طيب وانا ايش اساسا يضمني انه مايطلع برى يكلمها

عملت له اجواء رومانسيه وكذا احسه يبغى يراضيني لااكثر ولااقل وحاسه انو مجرد حركات تمويه مو انو من جد يبغى يشيلها من باله احسه يخطط لشي اكبر انو ياخذها ويحطني قدام الامر الواقع

ايش رايكم

Doll*FaCe
08/02/2008, 05:22 AM
دام اعتذر منج يالغاليـة حسسيه انج دايماً بتكونين له الزوجه الحنونه الي ماتقدر على فراق زوجها لحظة ..
ولاتبينين له الشك .. حسسيه انج واثقه فيه وايد وشكثر كنتي مشتاقة له بهالايام..
واظهري له كل الحـب عشان يحس بقيمتج لو كان مخطط لشي كبير,..
مهما كبر الشـك ومهما زادت الظنون ... تجاهليها
وتصرفي بذكـاء واملكـيه !
غيري من لبسج وشكلج .... وحاولي تكونين بأجمــل صورة بهالايام وعبري له عن مدى ساعدتج بوجوده قربج...
قربيه منج ولاتنامين الا وانتي حاضنته ..
واملئي حياته بالمفاجئات .... بختـصار , ارضيه بقدر الإمكان
عشان ينكسر خاطره عليج ويقول زوجتي تموت فيني:cool:
ولو بعد عنج او راح لها... يتذكر معاملتج له وبتسامتج وسعادتج بوجوده قربج..
وراح يتذكر ان زوجته الي تموت فيه تنتظره بالبيـت على احر من الجمـر .. ومحضرة له احلى الليالي..
ولاتنسـين هذا كله بتسوينه لانج شاكه انه ناوي على نيـه..
وبالحيله ابعديه عنها وعلقيه فيج..:15:

Om Arawy
08/02/2008, 04:59 PM
بصراحة اختي
انا احس انه يقص عليج
يعني بس يسكتج
والله بدون ما تقولين لي من اول ما شفت تصرفه معاج حسيت كذا
بس بعد ما اقدر ااكد لج هالشي
انتي اخبر بزوجج

مدري شقولج ... احس تعبت وانا افكر مو لاقية حل
كل ماجبنا حل انا والبنات احس يطلع شي جديد من زوجج مانتوقعه وما نعرف وش نسوي

الله يعينج ويسخر لج زوج
قسم بالله انج شاغلة بالي
والله كل يوم ادعي لج
اتمنى البنات ما يقصرون
واانا بكتفي اني اشوف وش صار معج لاني ماني لاقيه حل

حمامة الـــوادي
09/02/2008, 09:05 AM
حسبي الله ونعم الوكيل عليهم وربي قهروووني وبكيت عليك ربي يكون بعونك ويصرف قلبه عنها
يارب يتعلق بحبك ولا يشوف ولا يسمع احد غيرك وينساها

غلادبي
09/02/2008, 06:58 PM
الله يعيينج والله ادعي واكثري من رب لاتذرني فردا وانت خير الوارثين

غلادبي
09/02/2008, 07:18 PM
الله يعينج والله لو انا مادري ليش كنت بسوي يمكن خليت الناس كلها تكرهه وذبحته بس انتي ماشاء الله صبورة الله يعينج

بكبك
12/02/2008, 05:16 AM
قصتك مررررررررره تقهر احس شوي ودموعي بتنزل

ليش كذا ليش .... هو اعتذر لك بس مارضى يحلف لك انه يتركها

اخشى انه يكون الهدوء اللي تسبق العاصفه

عالعموم انتي راح تحسين عليه اذا تغير ولا لا

الله يعمي عيونه عنها وصدقيني حتى لو سوا اللي براسه بينصدم فيها

لانه الحين مايشوف عيوبها ... استغفر الله حتى وانا اصلي قاعده افكر بسالفتك


طمنينا عليك يالغاليه

بكبك
12/02/2008, 02:24 PM
أبطا النوم ماجاني من كثر التفكير بقصتك

احاول ادور حلول ... انا مستغربه من تصرف زوجك بعد ماكان يقول مهرها ورقة طلاقك

وبعد ماكان يقول ابتزوجها وش اللي خلاه يعتذر لك .. انتي بيني له انك منتي مصدقته

لانه ماحلف لك يتركها ... وفي نفس الوقت اذا عندك ايميلها او رقمها قولي لها ترى صورتك

عندي ومع شوية تعديلات بخليها صوره فاضحه وبنشرها في النت دام انك مصره بعلاقتك مع زوجي

أبفضحك بالاسم والصوره وعلي وعلى أعدائي

طبعا انتي قولي لها هالكلام من باب التهديد ... واذا هي فعلا مستمره مع زوجك اكيد بتقوله عن السالفه



مادري اذا يأيدوني البنات في الفكره اولا
بس والله من قهري عليك هذا اللي طلع معي

nono 2008
12/02/2008, 10:09 PM
انا مع بكبك ان لم تكن ذئب اكلتك الذئاب

Om Arawy
13/02/2008, 09:46 PM
اختي المعذبة
وييييييينج ؟
طمنينا شو صار؟
ترا شاغلة بالي

>>اذا تذكريني >>:ان اسمي(فراقك ذبحني)

بس طمنينا تكفين

المعذبه
17/02/2008, 05:11 AM
بناااات اشتقت لكم كثيييير

هاذي اخر الاخبار

زوجي احسه يحاول يكون كويس معاااي بس احسه بدون نفس

انا قلت له لو مابغيتني طلقني ماتسوي فيني كذا احسك معاي جسد بدون روح

واللي يقهرني انه كل وقت يتاسف ماعنده غير الاسف واللي يقهر زياده احسه يتصنع الضحك والفرح وكانه ذاابحه له احد

صدقووووني مااخدعكم احس اني عفته قلبه مب معاي مهما سويت احسه تمثيل انا انثى واحس

مادري بالضبط لين متى بتم على هالحال تمنيت اتطلق وافتك منه ماحس اني طايقته

لكن ادري باهلي ماراح يرحموني

رورة
17/02/2008, 11:46 AM
حبيبتي.. شوفي بأة اسمعي الكلمتين دول مني واعملي بيهم

اقعدي مع نفسك كدة واسألي نفسك.. هل انا عيزة اتطلق ؟؟ هل انا هرتاح في الطلاق؟؟

وضعي هيكون إيه بعد الطلاق؟؟ ووضع أولادي؟؟ وهو طبعا هيتزوجها.. هل انا هكون مرتاحة؟؟

حطي لنفسك اجابات واضحة وصريحة.. وشوفي من جواكي انتي راضية عن الإجابات دي ولا لأ

لو لئيتي نفسك لسة بتحبي جوزك.. وهتقدري تسامحيه .. وتحاربي من أجل حاجة انتي بتحبيها.. ومش هتستسلمي..

خدي قرار بينك وبين جوزك انكو تنسو الموضوع دة خالص ومتتكلموش فيه تاني ابدا ابدا ولا أكنه حصل.. لأن يا حبيبتي انتي كدة عايشة فنكد انتي وجوزك والراجل مبيحبش النكد..

اتكلمي معاه بشكل جدي وقوليله انا مش هرغمك انك تحبني.. بس انا بحبك وهسامحك لأنك جوزي وأبو عيالي وأول حب لي.. سدئيني الكلام دة ممكن يحرك حاجة جواه.

واتفقي معاه انكو متتكلموش في الموضوع دة تاني

هيفضل يمثل شوية بس الأيام بتنسي.. وأكبر نعمة النسيان

انسي موضوع البنت دي خالص وقولي انا هعمل الي علية وزي ما تيجي تيجي.. وكلت أمري إلى رب العالمين

لو ربنا قدر انه يتجوزها هيتجوزها غصبا عن بوزي.. لو مش مقدر مش هيتجوزها حتى لو وقف علا حواجبه..

خلاص الي مكتوب عالجبين هتشوفه العين.. تاعبة نفسك وتاعبة جوزك ليه.. طول منتي حطاها فدماغك مش هتعرفي تعيشي

شوفي انتي ايه الي ناقصك..

لو سمينة خسيله.. اصبغي شعرك وجددي فنفسك والبسي لينسز.. خليكي دايما واثقة من نفسك وخاصة ادامه

كل يوم لما ييجي ينام نامي جنبه ومشي ايدك علا شعره ونيميه واقرئي عليه وادعيله وخليه يسمعك وانتي بتعملي كدة هيحس بحنان والله والله الرجالة بتموت من الحركات دي

ومن ناحية تانية اسهري الليل .. قراءة قرءان وصلاة ودعاء .. الدعاء سهام بترد القدر..

والله ما حد هينجدك من الي انتي فيه غير الله وحده.. هو وحده مقلب القلوب وهو الي فإيده يخليه يحبك..

ادعي على اد ما تقدري

خليكي وراه وهو بيلبس وريله انك مهتمة بأناقته.. قوليله كلام حلو.. بخريه واقري عليه ابل ما يمشي

وهكذا.. يعني اعملي الي عليكي واعتبري نفسك في حرب وانتي الي كسبانة ان شاء الله

~همس~
17/02/2008, 12:49 PM
^
^
^
انا مع روره
لا تدققين والله ماراح احد يتعب الا انتي وخلاص فكيها
وتوكلي على الله مب كل ماصار مشكله ولا شئ الطلاق هو الحل
تري هذي الحياة يوم حلو ويوم بصل ونكد
ومابعد العسر الا يسر
وان الله مع الصابرين

Om Arawy
17/02/2008, 01:47 PM
اخييييرا جيتي على الاقل ريحتيني انج رديتي
بس اختي ما انصحج تتطلقين
كلللللل شي الا الطلاق
فكري زيييييين
ومثل ما قالوا البنات تناسي الموضوع ولا عاد تجيبين طاري
وشوفي الوضع يمكن يتغير
او انج تقولين لزوجج اساليه : وش نهاية الموضوع معك قولي له وش اخر قرار لك بهالموضوع؟

بس ياليت تنفذين اللي يقولون البنات بعد ماتفكرين زين
والله يسخره لج يارب ويبعده عن هالبنت ويبعدها عنه