المساعد الشخصي الرقمي

مشاهدة النسخة كاملة : ابيكم بنات تساعدوني ...



الغلا55
23/01/2008, 06:10 PM
السلام عليكم ورحمة الله وبركاته ..


اكتب لكم قصتي وابيكم تساعدوني بنات انا اعمل في وزارة من الوزارات الحكومية والمدير المباشر هو خالي ..
فبحكم ان المدير المباشر خالي فانا محرووومه من اهم مستحقات يعني اذا سقط اسمي من الكشوووف المكأفات يقول انه بنت اختي مش محتاجه وانا هاي الاشيااااااء مش مهتمه


بس ارجع واقووول ان الموووضوووع كبر اكثر من كذااا بصله قرابتي والكل اللي في الدووووام بعد ست شهور من عملي عرفوووا بصله القرابه بس قبل لا وما كنت اقووول اي شي يدووور في المكتب حق خالي ..
واذا كنت ابي اقووول كان قلت قبل ما يعرفون صله القرابه ..

والحين في موظفات جديدات في العمل وقاعدين يحذرون الموظفات الجديدات مني على اساس اني انقل كل كبيره وصغيره حق خالي وهو المدير ..
(( ويشهد الله اني دخلت وسمعت الكلام صدفه (( كأنه ربي يبي يكشفهم لي )) وانا ما اذكرهم الا بالخير (( صدق حسافه الطيبه معاهم ))
وماهمني الموضوع سكت وحتى ما قلت حق حد غير اني رجعت البيت اصيح وافكر ..(( ولا حد عرف عن الموضوووع ))

والحين الادهى والامر انهم يقولون عني وعن رفيجتي اللي انا كونت صادقه معاها من خلال العمل وهي رئيسة قسمي وصداقتي مو بس معاها االا مع بيتهم كلهم وهي كذلك ..الا انهم رايحين للمدير المحترم واللي هو خالي وقايلين ان صداقتنا زايده عن اللزوم يعني اكيد في شي بينهم اكثر من الصداقه طبعا هو ما كذب خبر اتصل فيني وهاووووشني وصك وما عطاني مجال ابرر في الموضوووع ..

ماعرف شاسوي يا بنات انا وااااااااااااااايد متضايقه وايد وايد ...ومن جيت من الدوام وانا اصيح ..

وطبعا مفكره اقدم استقالتي ..واذا رفضوووا بغيب عن العمل لين ما يرفضوووني ....

ابي رايكم خوووووووووووووواتي العزيزات ..
اسفه على الاطاله

ألم الروح
23/01/2008, 06:39 PM
صراحة ما أدري شو أقولج بس الله في عونج بس بخبرج ما حد بينضر من هاي الإستقالة إلى إنتي و هم بيتمون قاعدين و مستانسين إنج طلعتي و إنتي قلتي إن رئيسة القسم ربيعتج يعني مب روحج في المكان يعني في حد يونسج و خذيها نصيحة لا تتسرعين و كونيييييييييييي كوووووووووول و سيري عندهم فجأة و قوليلهم إنج سمعتي كل الي قالو و قوليلهم ما أقول إلى الله يسامحكم و ذكريهم بعاقبت الي يرمسون في أعراض الناس الله شو يسوي فيهم و قوليلهم خالج قالج على البنت الي وصلتله الرمسة ( بس أونه ما تبين تكبرين الموضوع ) و قوليلهم على العموم شكرا ( هاي وايد تعور لو واحد كان غلطان و شكرتيه ) و حاولي تخلين رمستج كلهة ضربة وحدة بحيث ما تخلين و حدة ترمس و إطلعي عنهم بغير ما يردون و خلي رمستج في كامل الهدوء يعني لا تصارخين أو تهددين حد يعني كوني في قمة الإحترام عسب ما تكبر السالفة ........

و الله يكون وياج حبيبتي و خبريني شو إستوى عقب ....

بنوتة اماراتي
23/01/2008, 06:43 PM
الصراحه ما اعرف شو اقولج
بس ليش ما تنقلين مكان شغلج ؟؟
اهم شي الوحده تكون مرتاحه في بيئه عملها .. حتى لو الراتب اقل
فكري في هالشي و شوفي

الجوكره
23/01/2008, 07:12 PM
برجع لبيت وارد عليك
لي عودة باذن الله

الجوكره
23/01/2008, 08:27 PM
رجعت



شوفي حبيبتي لو على كلام الموظفات ما راح يتنهي لانه على طول كلامهم موجوده
انصحك سوي حالك ماتسمعين او ماتفهمين ولله لو تحطي بالك بكلامهم اراح تنتهي انتي خالك رئيس مو ذنبك اهم شي تسوي شغلك مظبوط ولي ينطلب منك بمجال شغلك تسويه اما على كلام الموظفات فما رح نخلص
انا عايشه هذا الوضع بس مو من نفس مشكلتك بس عندهم فراغ هذه اتزوجت وهذه اتطلت وهذه ولدت هذه اشترت سيارة هذا ما تشغل زين على الرغم من انها تشتغل من صباح لله بس الكلام يظل كلام
ماراح تغييرين طريقتهم
اهم شي لي قلتلك انك تتهمي بشغلك وموظفات كلميهم بحدود الشغل مثل ماسوي السلام عليكم وعليكم السلام لااقل ولاكثر واذا شي بشغل اوكي ل تقعدين تتجمعين معاهم اصلا عشان يقولو انك توصلي الكبيرة والصغيرة بلشغل

لا تفكري تقدمي استقالتك بالعكس هذه نصيحتي من حكم تجربتي بالقطاع الحكومي

مسك وعود
24/01/2008, 01:02 AM
انتي ليش تصيحي وتعوري راسك
ما بينفعوك اللي طلعوا عليج الكلام
قهريهم وكوني احسن منهم

طنـــــــــــــــــــــــ ـــــــــــــــــــــــش تعـــــــــــــــــــــــ ـــــــــــش

*درب المحبه*
24/01/2008, 02:55 AM
اختي لاتزعلين

هذول الحريم
مامنهم الا الحجي الزايد


ماعليج من حد

Nooufy
24/01/2008, 09:34 AM
كلمي خالك وقوليله او اذا مستحيه قولي لامك تتفاهم معاه لاتستقيلين بسبب زي كذا واكسري الحواجز بينك وبينه

أنجيليكا
24/01/2008, 09:53 AM
دا م إنتي ما سويتي شئ ما عليج منهم طنشيهم

الغلا55
26/01/2008, 02:56 AM
شكرا بنات على كلامكم اللي يريح الواحد حتى لو كان معصب ومتنرفز ..

وان شا الله اقدر اسوي اللي وصيتوني عليه ..

واتمنى اني اشوووف ردود من خواتي الموجودات قبل يوم الاحد الموافق 27/1/2008 ..

crazy~cutie
26/01/2008, 06:43 AM
الغلا

الشغل عموما غير هالمشكلة..كيفك معه؟ مرتاحه لطبيعة العمل وساعات الدوام والراتب؟ يستاهل يعني تقدمين تضحيات عشان هالوظيفة؟

إذا الجواب ايه..خليك جالسة وماسكة وظيفتك وواجهييهم ..لا تسكتين..قولي أنتو ظلمتووني والظلم ظلمات يوم القيامة وما رح أحلل ولا وحدة فيكم لو ما اعتذرتوا !

ونفس الشي خالك روحي له ووضحي كلامك له بهدوء وعقلانية وإذا جتك الصيحة لا تخبينها قدامه خل يشوف أنك مظلومة

إما إذا الوظيفة مش مريحة لك ..دوري عن وظيفة ثانية وإذا ضمنتي وظيفة قدمي استقالتك من هذي


دعواتي لك :)

حييل---مقهورة
26/01/2008, 07:21 AM
حبيبتي طنشيهم وخليكي احسن منهم وخليكي في حالك وتركيهم يتكلمو لين بكرة مادام إنتي واثقة في نفسك وعارفة كلامهم كذب اخصريهم والخصران يقطع المصران عندنا يقولون شذي

حبيبتي نصيحتي لاتتركين عملك وبالعكس واصلي وحاولي تنجحين اكثر في عملك والله يوفقك