المساعد الشخصي الرقمي

مشاهدة النسخة كاملة : الغيرة العمياء حلها الطلاق ولافي حل؟؟



الشيخة
22/01/2008, 04:40 AM
السلام عليكم ورحمه الله

اخواتي الاعزاء

بدخل بالموضوع .. وشاركونا وقدموا لنا النصيحة بارك الله فيكم

جارنا اليوم جاي على بيتنا يشكي لامي -لانه يعتبرها خالته- حال خطيبته
الي حباها واخذها عن حب

بصراحه هالبنات كانت وياي بالجامعة وهو عرفني عليها وقال لها هذي اختى.. سلمت وتعرفت عليها هي بنت جميلة وطيبة نوعا ما
ما استلطفت صحبتها بس عشان قلت هو اخونا يلا اتحملها
لان كنت الاحظ انها وااايد تتكلم على الناس
وتسبب مشاكل بينهم ..
وبعد هالمعرفة بسنتين وشوي
صدفة مره شفت جارنا بالجامعة سلمت عليه .. وخبرته ان هالبنت تجي عالجامعة مهتمة بروحها ومظهرها .. طبعا هذا لا خلاف عليه بس ما تحضر ولا تدرس! .. وهو يدري عنها .. يقول لي نصحوها .. ولما كنا نكلمها كانت تغرب بوجهها عن نصايحنا
ووصلت المسألة الي طردها من الجامعة!

نصحت هالجار انه ما ياخذها لانه راح يتعذب معاها .. انسانة مو طبيعية تغار من زميلات زوجها وتغار منا! وحتى خواته الي اصغر مني ومنها تغار منهم!!
هو يشتغل بمجال فيه قاسم مشترك بين البنات والشباب.. وبحكم عمله عنده زميلات وأعمارهم متفاوته واغلبهم كبيرات وكلهم متحجبات ومتزوجات بعد .. تقول له ولا تكلم ولا وحده فيهم!!
انزين شلون يستوي الشغل؟؟

تخيلوا قاطعني لما نصحته!!
ولا يسلم علي سلام الله!!!
يقول لي شلون تبيني اخلف عهدي لها!

طيب انا ادري انك انسان نبيل وكريم واخلاق
عشان شذي نصحته نصيحه اخت لاخوها
لاني ابي له الشي الزين
وكفى بالله شهيداً

المهم
صار واول ما تخرج واشتغل راح بسرعة البرق الي بيتهم يتزوجها
بصراحه هو كان يحبها حب جنووووني وهم هي تحبه حب
فاتصلوا فيني الاثنين وبصراحه لا اخفي عليكم كنت سعيدة جدا .. اتصلوا عشان اروح عقدهم وكان قبل يوم من زفافي
لكم ان تتخيلوا!!
تركت كل شيئ ورحت حفلته .. وباركت لهم
لانه هالانسان جمايلة على راسي من فوق اخو ونعم الاخو
وما حبيت ارده وارد امه وخواته او اردها هي بعد

وبصراحه كنت مبسوووطة لخطوبتهم
مع اني كنت مش مقتنعة فيها .. بس لانهم يحبون بعض
حسيت ان الحب راح يكفيهم ان يعيشوا حياة سعيدة بإذن الله


إلى ان اتفاجا اليوم بكلامة وسلوكها معاه
تضربة!!
كل يوم تفتش تلفونة!! تطلب منه كشف المكالمات !!
تروح له الشغل تزفة ..!!
تتصل في ابوة تقول له ولدك يكلم بنات!! وتخلي ابوه يتصل فيه يزفه على شي مش مسوية!!
تتهاوش معاه قدام امها وخواتها وابوها ... تسويه مسخرة .. ويقول انا افشل شنو ارد!! حرقت وجهي جدام اهلها .. عيب علي ارد بشي بحضرة ابوها وامها !! اضطر اسكت واخذ روحي واطلع من بيتهم وانا مكسور النفس!! وارجع بعد ذلك اصالحها .. وترجع عالطير يلي!!!!
تاخذ معاشة كل شهر ولما هو يحتاج يطلب منها!!
تطلب منه بسمح كل الارقام الي يسيفها بتلفونة حق البنات!!
طيب هذولة ارقام بنات لمراجعه العمل!! تقول له ابداً .. تمسحهم كلهم
يطلع يوديها مجمع تمشي وتضربة تقول له انت تطالع البنات اني اشوفك!!
يحمل تلفونة يتصل تشيل التلفون من عنده تقول له من تكلمها!! تشيل اذنه مع التلفون!!
تطلع منه الدم!!
يقول اوديها مطعم .. شفت طفلة مسحت على راسها .. شان تقول لي انت تسوي روحك تلاطف الطفلة وانت قصدك تطالع الفلبينية!!!



والاعظم من ذلك
تنام وتحلم بانها تشوفه مع بنت .. تتصل فيه تقول له ضربتها ضرب بالحلم
تعاااااااال لي الحين وقول لي من هالبنت تكون!!!
يقول تصيح صياااااح تقول لي من هالبنت!!


هذي بنات شرايكم احس انها مريضة

يقول لنا خلااااااص اوصل لمرحلة ابي اروح المحكمة اطلق
بس قلبي ما يرضى عليها!



خواتي بارك الله فيكم شاركونا بالحل
عافاكم الله
عور قلبنا والله
اقول اعزمها عندي بالبيت اكلمها بحكم انها جت تتعرف علي بالجامعة
وجتني تبارك لي بزواجي
افكر ! اخاف تفهمني غلط وتروح تطلع عينه
عطوني حل اقدر اساااااااعده فعلا
في ناس تقول لي الغيرة مرض ماله علاج!!
اذا عندكم ايميلات فيها عضة طرشوا لي اطرش لها
انتوا شنو رايكم؟؟

التاجرة الصغيرة
22/01/2008, 05:14 AM
خليه يهددها يقولها يا إنج تصطلبين وتودرين هاي الحركات يا بطلقج ولا بفكر فيج حتى..
عنبو الإنسان له حدود طاقة له حدود صبر بس كم بيتحمل!!!!
هاي أبدا ما فيها أي ذرة من الإنسانية..
تحمد ربها محصله ريل صاينها جي!!!
صج بني آدم ما يرضى أبدا باللي عنده..
شفنا حريم يطلعون عين رياييلهم.. بس مثل هاي عمري ما شفت الصراحة ولا بشوف...
وخليه يقوي شخصيته يدامها ماخذتنه جي شراع وميداف...
أحس أنه هو بعد الله يهديه مول ما عنده أي شخصية...
يعرف يأدبها....

الشيخة
22/01/2008, 06:38 AM
مشكورة اختى التاجرة على المرور والمشاركة

وانتي تتوقعين ان طول هالوقت ما كان يهددها
إلا كان يهددها ويتوعد لها انه بيتركها
واكا كل يوم والثاني تاركها في بيت ابوها شان تتأدب وهي ابدا!!
تعدل الحال معاه ساعة ساعتين وترد على الطير يلي!!

وربي احسه وهو يتكلم متأسف على حاااااااااله!
ياربي على الجمال الي عليها !! ما تنشرى حتى ببلاش والله!
تغري كل من يشوفها بس فعايلها محد يدري عنها إلا من يقرب لها!



اهو الي مخليه بلا حيله معاها
حب لها
وهم يخاف يضغط عليها او يشد معاها وتسوي في روحها شي!

هنادي 2007
22/01/2008, 11:23 AM
بصراحة ما اعرف وش اقول شخصيته مره ضعيفه عشان هالشكل اهي مش محترمتة ولا عاملة له حساب
هاذي بداية حياتهم وكيف تعاملها بيكون بعد فترة من زواجهم

فراشة الإيمان
22/01/2008, 11:38 AM
انا رايى ان الطلاق هو الحل انسانة بهذه الطباع والاخلاق

ما اعتقد الحال ينصلح ابدااااااااا

الجوكره
22/01/2008, 12:14 PM
حبيبتي انا اشوف انه هذا الشاب شخصيته ضعيفة لابعد درجات مايصير يعني يااختي تضربه وتسويله مشاكل وكل هذا وهو ساكت عشان ايش كل هذه عشان حب والله نشوف رجال كثيره تحب حب ما بعده حب بس يوم توصل الحرمه انه تجرح رجولته والله على طول يتخد قرار صارم معاها هذا الشاب كانه معمول له عمل ا سمحيلي مااشوف انه هذا كله حب والا الرجال يكون نية كثيررررررر
حبيبتي لازم يوضع حد لحياته
الراتب تاخده هي وتعطيه لما يحتاج شي كانه محجور او اهبل وغيرة مابعدها غيره هذا شك او هي مريضة نفسيا وتروح تتعالج بعيد عنه
هو يشوف اذا في مجال انه البنت تتعالج مع انه اشسك بهذا شي او انه يوضع حد لهذه المهزله لانه صج صج اشوفها اكبر مهزلة يروح يطلق احسن ويرجع يحس برجولته لي صارت منعدمه معاها
الله يوفقه

halakhaled
22/01/2008, 01:33 PM
بصراحة هو شخصيتة ضعيفة مرة ازاى يرضى تصرخ فية وتضربة امام الناس
وهى بصراحة بنت موهزئة ازاى تعمل مع زوجها كدة
طبعا احسن حل معاها الطلاق
وانتى يا اختى اوعى تكلميها وتهزئى نفسك مع واحدة زيها
وربى يكرمك وقلبك طيب اوى وبتحسى بكل الناس

بحرينية أصل
22/01/2008, 02:02 PM
الطلاق مو الحل في البداية لان لازم احد يصلح ذات البين بينهم وان شاء الله تعقل وتترك افعالها الشينه

بس في اسلوب لازم يتبعه معاها هو يحبها والحمدلله هي تحبه بس في مشكله وهي الغيرة الجنونية وهي صدق مرض الله لا يبلينا ..

خله يوديها بيت ابوها ويخليها هناك لا يسأل عنها ولا يكلمها حتى ويروح يتفاهم مع اهلها يفهمونها عشان ترجع لعقلها وتترك عنها هالاشياء وهي بتخاف لان بتحس انها بتفقده للابد وبروح لبنت ثانيه

لا يحاول يبين ضعفه وخوفه عليها عشان ماتاخذ هالشي حجه ليه وكل شوي ترجع لسوالفها واذا حاولت اتمد ايدها لازم مايعطيها المجال لان هو الرجال هو اللي عنده الكنترول مو هي

والراتب لا يعطيها اياه اذا بتسوي له جذي يخليها تعتدل اول

وهي تحتاج احد يكلمها ترى جمالها مابينفعها وترى يالشيخه ناس واااااايد ماخذين جمالهم حجه في كل شي

الله يهديها ويعدل اخلاقها لان لمتى هو بيتحمل الله يساعد قلبه

lamsat fara7
22/01/2008, 03:30 PM
البنت يبي لها علاااااااج نفسي
جد و الله صدقيني
الطلاق مو حل خليه يعالجها

*~JeWeL~*
22/01/2008, 03:52 PM
هذي البنت مريضة نفسيا ومحتاجة علاج

( عيل حلمت فيه مع وحده وضربتها في الحلم وبعد ماقامت من الرقاد تتصله تسأله من هذي ...هههههههههه )

هذي مب صاحيه وهذي مب تصرفات ناس عندهم عقل وأدب

وبتظل هالانسانه على نفس الطبع هذي وما بتغيره

بو طبيع ما ييوز عن طبعه


الله يهديها ويصلحها

والله يعينه على بلوته معاها

أحب-زوجي-ومدلعني
22/01/2008, 05:20 PM
والله من رايي انه يكلم اهلها بينه وبينهم يفهمهم ان بنتهم تفعل كذا وكذا وانا احبها وباقي عليها وماودي اخسرها،، بس ياريت انكم تساعدوني باجيبها عندكم اني مو مستحب حركاتها وماراح ارد عليها ووو الخ.....

والشي الثاني انه هو من يردها بعد له دور راتبه ما يسلمه لها بس مصروفها الشهري،، ولازم يبين لها ان تجرات عليه برع عند اهلها راح يخليها عندهم مو مفتكر فيها وخل يسوي هالحركه صج اذا رفعت صوتها عليه عند اهلها خله يركب السياره ويروح ويخليها عندهم..

وبالمجمعات اذا تطاولت عليه يزقرها وهي مره وماراح تتكرر علشان هي ماتفشل عمرها،، والتلفون خل يحط عليه قفل..

والله انا اشوف هاي اسلم حل وياريت انتي ما تدخلين مو كل شي يناخذ بحسن نيه ترى..
الله يساعده ان شاء الله

الشيخة
22/01/2008, 06:53 PM
بصراحة ما اعرف وش اقول شخصيته مره ضعيفه عشان هالشكل اهي مش محترمتة ولا عاملة له حساب
هاذي بداية حياتهم وكيف تعاملها بيكون بعد فترة من زواجهم


هلا بيش اختى وبمرورك الطيب
احيانا مش الشخصية تخلي الانسان ضعيف
احيانا الطيبة الزايدة عن حدها
لو توقفين بفريجنا تسألين هالانسان زين .. بقولون لش طيب وكريم
ما عنده وصف اسهل من شذي
بس الله يهديها هي لاعبة بحسبته ..
هي مفكرة لانها هي البنت الجميلة الي يحبها موت فهي الي تتأمر وتتشرط عليه

بعد فترة من الزواج!!
مدري شنو بكوون؟؟
اصلا هو يوصل لمرحلة يقوم ما يبي يواصل

الشيخة
22/01/2008, 06:57 PM
انا رايى ان الطلاق هو الحل انسانة بهذه الطباع والاخلاق

ما اعتقد الحال ينصلح ابدااااااااا


هلا بش اختى ويسلم لي مرورش الطيب
تدرين! لما سألت عمي عن الموضوع شنو جاوب .. نفس جوابك بالضبط
حتى اقول له طيب عطني حلول بدل ما رحت لابغض الحلال كحل!! إلا يقول لي هذي مالها حل!مالها إلا الطلاق ومن الحين افضل ما يبتلي بعدين بعيال ومسؤليات
هذه مو عيشة بدنيا .. هذي تنغص عليه حياته طول عمره!!

:(
حرام يطلقون وهم ماخذين بعض عن حب
وااايد ناس تعرف عنهم شذي
وحرام الفشلة

الشيخة
22/01/2008, 07:08 PM
حبيبتي انا اشوف انه هذا الشاب شخصيته ضعيفة لابعد درجات مايصير يعني يااختي تضربه وتسويله مشاكل وكل هذا وهو ساكت عشان ايش كل هذه عشان حب والله نشوف رجال كثيره تحب حب ما بعده حب بس يوم توصل الحرمه انه تجرح رجولته والله على طول يتخد قرار صارم معاها هذا الشاب كانه معمول له عمل ا سمحيلي مااشوف انه هذا كله حب والا الرجال يكون نية كثيررررررر
حبيبتي لازم يوضع حد لحياته
الراتب تاخده هي وتعطيه لما يحتاج شي كانه محجور او اهبل وغيرة مابعدها غيره هذا شك او هي مريضة نفسيا وتروح تتعالج بعيد عنه
هو يشوف اذا في مجال انه البنت تتعالج مع انه اشسك بهذا شي او انه يوضع حد لهذه المهزله لانه صج صج اشوفها اكبر مهزلة يروح يطلق احسن ويرجع يحس برجولته لي صارت منعدمه معاها
الله يوفقه



يا هلا ومرحبا بش اختى الكريمة على مرورك الطيب
عزيزتي احنا ما نؤمن بأعمال ولا غيره الحافظ الله سبحانه وتعالى
" وان يمسك الله بضر فلا كاشف له الا هو "
هو انسان مؤمن ولا يسمع اغاني ولا غيره ومحافظ جداً .. والله يحفظ عليه

قولي إلا هذا بلاء من رب العالمين .. يختبر فيه عباده المؤمنين
وهو صابر .. بس فااااااااض بيه لانه صار له 7 شهور وهو على هذا الحال

ووشلون يا اختى نعالجها!
نوديها مصح نفسي .. تبينها تقلب عليه الدنيا!!
بتقول له سويتني مجنونة!!
يعني هذي مالها علاج عند مستشفى
في احد يغار على زوجه من امه وخواته وعماته وكله كووم وإذا جبتي طاري زميلة كوم ثاني عسى عمرها بالاربعين ومتزوجه وعندها عياااال .. بعد بتموت لو تسمع!


وحنا قاعدين نحاول عشان ما يحدث طلاق!
ابغض الحلال وان كان حلال لكنه بغيض عند الله
وانا مستحيل انصحه بهذا الشيئ
لكني راح انقل له كلامكم وردودكم عالموضوع

الشيخة
22/01/2008, 07:14 PM
بصراحة هو شخصيتة ضعيفة مرة ازاى يرضى تصرخ فية وتضربة امام الناس
وهى بصراحة بنت موهزئة ازاى تعمل مع زوجها كدة
طبعا احسن حل معاها الطلاق
وانتى يا اختى اوعى تكلميها وتهزئى نفسك مع واحدة زيها
وربى يكرمك وقلبك طيب اوى وبتحسى بكل الناس


مراحب اختى على مرورك الطيب
من ناحيتها حدث ولا خرج!
بس اهو متحملنها عشان حبه لها، ولانه يقول هذي امانه عندي
خذتها من بيت ابوها لازم اعززها واكرمها
مع انه اوقات وااايد يصارخ عليها بالتلفون وفي بعض طلاعاتهم يكنسل الطلعة ويردها بيت ابوها
ويتركها ويمشي
لكن هي ابداً
تدرين ليش لانه تدري انه يحبها وبيرجع لها من جديد

التاجرة الصغيرة
22/01/2008, 07:15 PM
لا مو حرام الفشلة في هالحالة... وإذا صج حرام فهي اللي يابت حق نفسها..
لا عيل تمد يدها على الريال.... هاي وحش اسمحيلي مو آدمية....
وأصلا حرام واحد مثله في وحدة مثلها.. هو يستاهل وحدة أحسن عنها...
والجمال مو كل شي.. وهي متى بتحس بهالشي.. يوم بيطلقها وبتلاقي نفسها في بيت أبوها..
حزتها ما بتتكبر وبتعرف إن الجمال ما يقبض الريال....
وهو كل ما تم جي أكثر... هي بتتمرد وبتقوى أكثر....
صدقيني بعدين بروحه بيندم على كل دقيقة من عمره ضاعت معاها ومتحملنها وهي لا حياة لمن تنادي..
لأنه حتى لو هو ما اشتكى وما تكلم.. نهاية الزواج اللي مثل هذا بيكون الطلاق..
مستحيل اثنين يستمرون مع بعض.... وهاي أنا أقول مو مريضة نفسيا....
هاي جمالها خلاها جي تكون وغرورها بنفسها...
الله يعينه والله لو أنا بدالها جان ما أعرف شو سويت في حالي...

*~JeWeL~*
22/01/2008, 07:17 PM
:(
حرام يطلقون وهم ماخذين بعض عن حب
وااايد ناس تعرف عنهم شذي
وحرام الفشلة


أيهما أهم راحته واستقراره

والا كلام الناس

حبيبتي من جعل كلام الناس مبلغ همه مات كمداً

وايش يفيد الحب في حياة ما فيها تفاهم ولا استقرار ولا طمأنينة

وطلاقهم ما بيكون اول ولا اخر طلاق يتم في الدنيا

ياما ناس حبوا بعض وافترقوا بعد سنين من التضحية والمعاناة

وتحسفوا بعدها على عمرهم اللي راح وهم عايشين في ضيم وقهر

كلام الناس ما بيفيدونه بشي والناس ما وراها الا الحجي والغيبه

انتي في ظنج ان الناس ما تدري عنهم .. الا بتلاقين الكل يدري ويتكلمون عنه وينظرون له بشفقة على حاله

كلام الناس ونظرة المجتمع ما بتخفف عنه مصيبته ولا بتغير حالهم

واذا هم في بداية المشوار وما عندهم عيال يفظل انهم يفترقون الحين

قبل ما يجون العيال وينظلمون معاهم

الشيخة
22/01/2008, 07:22 PM
الطلاق مو الحل في البداية لان لازم احد يصلح ذات البين بينهم وان شاء الله تعقل وتترك افعالها الشينه

بس في اسلوب لازم يتبعه معاها هو يحبها والحمدلله هي تحبه بس في مشكله وهي الغيرة الجنونية وهي صدق مرض الله لا يبلينا ..

خله يوديها بيت ابوها ويخليها هناك لا يسأل عنها ولا يكلمها حتى ويروح يتفاهم مع اهلها يفهمونها عشان ترجع لعقلها وتترك عنها هالاشياء وهي بتخاف لان بتحس انها بتفقده للابد وبروح لبنت ثانيه

لا يحاول يبين ضعفه وخوفه عليها عشان ماتاخذ هالشي حجه ليه وكل شوي ترجع لسوالفها واذا حاولت اتمد ايدها لازم مايعطيها المجال لان هو الرجال هو اللي عنده الكنترول مو هي

والراتب لا يعطيها اياه اذا بتسوي له جذي يخليها تعتدل اول

وهي تحتاج احد يكلمها ترى جمالها مابينفعها وترى يالشيخه ناس واااااايد ماخذين جمالهم حجه في كل شي

الله يهديها ويعدل اخلاقها لان لمتى هو بيتحمل الله يساعد قلبه



مراحب اختى يسلم لي مرورش الطيب
يا اختى حاااااااول كذا مررره
يوديها بيت ابوها ويحفل عليها 3 ايام ما يروح لها
وما يروح.. ولما يرجع لها بعدها تصير اوكي ساعة ساعتين وتبدأ تطحن عليه
يقول إذا افكر اطلعها نتعشى برى اطلع مليون مرة غلطان!
يقول ما احس اني نفس الناس اقدر اطلع طلعه عشوة هنية رومانسية!!! تخيلي!

هي مفكرة جمالها دايم لها!! ابداً والله
وهو اساسا مش مفتكر في جمالها هو خذها بكل بساطة لانه يحبها
اما بالامانة .. في بنت كانت معجبة بشخصيته ولو تشوفين هالبنت تقولين يالله احفظي ما عليش
بس سبحان الله النصيب .. وغير كذا كل بنات عماته بيض وعيونهم خضر وحلوين ويتمنون ظفرة اهيه ما توصل لهدرجة ترى ..
ومدري بنات يقولون لي اني ابالغ هي اصلا ما فيها حلاوة
بس مدري انا احس انها حلوة الوجه
بس الاخلاق .. ولا ذرة

بوصل له كلامش اختى وبشوف رده

طمبحلة
22/01/2008, 07:23 PM
انا رايى ان الطلاق هو الحل انسانة بهذه الطباع والاخلاق

ما اعتقد الحال ينصلح ابدااااااااا

حرااااااااااااااااااااام عليكم
ما ابسط كلمة الطلاق على لسانكم:eek:
طيب يمكن تكون مريضه خلاص الكل يتخلى عنها:(
لاوالله حرام:mad:
ويمكن يكون هو الي مخليها تشك فيه من كلامه ومن تصرفاته ترى والله اعرف وحده كانت نفس المجنونه والسبب كان زوجها دائما يحاول يغيضها بكلام ويشككها فيه وبعدين يستنكر كل تصرفاتها ويشتكي للناس منها
وبعدين هو اصلا شخصيته ضعييييييييييييييييييييييي ييفه:(
وحتى لو طلق وتزوج غيرها راح تتعامل معاه بنفس الاسلوب والسبب شخصيته الضعيفه

يا بنات خلكم محظر خير:mad:
سمعي يا حبي حاولي تغيرينها بطريقه غير مباشره ،حاولي تاخذينه معك وين ما تروحين واعزميها عندك وعطيها افكار للتعامل مع الزوج على سبيل النقاش لا التوبيخ:)
صدقيني راح تقدرين تاثرين عليها باذن الله وانت وشطارتك(f)(y)
حسسيها انك صديقتها وانك حابتها وبنفس الوقت اعطفي عليها لان محد يعرف شنو سبب هالغيره الزايده


وجزاك الله خير على كل ماتبذليه من اجل استقرارهم

الشيخة
22/01/2008, 07:24 PM
البنت يبي لها علاااااااج نفسي
جد و الله صدقيني
الطلاق مو حل خليه يعالجها


مراحب اختى على مرورش الطيب

إذا الطلاق ما ينفع !!! وروحه مستشفى مستحيل توافق !!!
برايش شنو الحل؟؟

الشيخة
22/01/2008, 07:31 PM
هذي البنت مريضة نفسيا ومحتاجة علاج

( عيل حلمت فيه مع وحده وضربتها في الحلم وبعد ماقامت من الرقاد تتصله تسأله من هذي ...هههههههههه )

هذي مب صاحيه وهذي مب تصرفات ناس عندهم عقل وأدب

وبتظل هالانسانه على نفس الطبع هذي وما بتغيره

بو طبيع ما ييوز عن طبعه


الله يهديها ويصلحها

والله يعينه على بلوته معاها


مراحب اختى على مروش الطيب
متخيلة شلوون!! تحلم وتتصل فيه يفسر احلامها بعد! مدري كوابيسها
هههههههههه
صراحه لما سمعت انا ضحكت بنفسي .. وقلت مو معقووولة!! مجنونة

ولا ازيدش من الشعر بيت
متصلة فيه وهي تصيح وتبكي تجي الحين الحين تقول من هذي!!
تخيلي! احس الحياة وياها مأساة

انا بس قعدت اتخيل لو تزوجوا وصارت يمه بالسرير شنو شان سوت فيه
شنقته مو بعيدة!!

يا كافي الشر

الشيخة
22/01/2008, 07:35 PM
والله من رايي انه يكلم اهلها بينه وبينهم يفهمهم ان بنتهم تفعل كذا وكذا وانا احبها وباقي عليها وماودي اخسرها،، بس ياريت انكم تساعدوني باجيبها عندكم اني مو مستحب حركاتها وماراح ارد عليها ووو الخ.....

والشي الثاني انه هو من يردها بعد له دور راتبه ما يسلمه لها بس مصروفها الشهري،، ولازم يبين لها ان تجرات عليه برع عند اهلها راح يخليها عندهم مو مفتكر فيها وخل يسوي هالحركه صج اذا رفعت صوتها عليه عند اهلها خله يركب السياره ويروح ويخليها عندهم..

وبالمجمعات اذا تطاولت عليه يزقرها وهي مره وماراح تتكرر علشان هي ماتفشل عمرها،، والتلفون خل يحط عليه قفل..

والله انا اشوف هاي اسلم حل وياريت انتي ما تدخلين مو كل شي يناخذ بحسن نيه ترى..
الله يساعده ان شاء الله


مراحب اختى ويسلم لي مرورش الطيب
راح اوصل له كلامش .. ان شاء الله
وخليه يقوم بهذه الخطوة

مع ان يفضل المشاكل لما تنحل تنحل بينهم
بدون تدخل الاهل

وانا بصراحه ما ابي اتدخل .. لكن هو اجانا وهي ما تدري عن جيته
قلت بطرش لها ايميلات قصص للعضة او شيئ يهدي بالها .. ايميلات اسلامية يعنى

خله تراعي الله فيه هالمسكين

الشيخة
22/01/2008, 07:43 PM
لا مو حرام الفشلة في هالحالة... وإذا صج حرام فهي اللي يابت حق نفسها..
لا عيل تمد يدها على الريال.... هاي وحش اسمحيلي مو آدمية....
وأصلا حرام واحد مثله في وحدة مثلها.. هو يستاهل وحدة أحسن عنها...
والجمال مو كل شي.. وهي متى بتحس بهالشي.. يوم بيطلقها وبتلاقي نفسها في بيت أبوها..
حزتها ما بتتكبر وبتعرف إن الجمال ما يقبض الريال....
وهو كل ما تم جي أكثر... هي بتتمرد وبتقوى أكثر....
صدقيني بعدين بروحه بيندم على كل دقيقة من عمره ضاعت معاها ومتحملنها وهي لا حياة لمن تنادي..
لأنه حتى لو هو ما اشتكى وما تكلم.. نهاية الزواج اللي مثل هذا بيكون الطلاق..
مستحيل اثنين يستمرون مع بعض.... وهاي أنا أقول مو مريضة نفسيا....
هاي جمالها خلاها جي تكون وغرورها بنفسها...
الله يعينه والله لو أنا بدالها جان ما أعرف شو سويت في حالي...


مراحب اختى تاجره
والله كلامك سليم 100% وهم امي قالت نفسه
قالت هالولد ضيع عمره يوم فكر ياخذ له وحدة ما تستاهله
لا مش بس انتي وامي .. حتى اهله واخوة والبنات الي بالجامعة لما يعرفون بقصتهم
يقولون حرام هذا بتاخذه وحدة مثل هذي لسانها سليط وشر

ترى هو الولد وصل حده ونارة حميانه
واحنا نهديه .. لانه ما نبي يحصل مكروه حاليا
نحاول نحاول .. وهو بصراحه يقول لو احاول هذي فرصتها الاخيرة انها تتعدل

ببلغه بكلامش

الشيخة
22/01/2008, 07:47 PM
أيهما أهم راحته واستقراره

والا كلام الناس

حبيبتي من جعل كلام الناس مبلغ همه مات كمداً

وايش يفيد الحب في حياة ما فيها تفاهم ولا استقرار ولا طمأنينة

وطلاقهم ما بيكون اول ولا اخر طلاق يتم في الدنيا

ياما ناس حبوا بعض وافترقوا بعد سنين من التضحية والمعاناة

وتحسفوا بعدها على عمرهم اللي راح وهم عايشين في ضيم وقهر

كلام الناس ما بيفيدونه بشي والناس ما وراها الا الحجي والغيبه

انتي في ظنج ان الناس ما تدري عنهم .. الا بتلاقين الكل يدري ويتكلمون عنه وينظرون له بشفقة على حاله

كلام الناس ونظرة المجتمع ما بتخفف عنه مصيبته ولا بتغير حالهم

واذا هم في بداية المشوار وما عندهم عيال يفظل انهم يفترقون الحين

قبل ما يجون العيال وينظلمون معاهم



مراحب اختى الكريمة
والله كلامش عين العقل
وهم انا قلت بنفسي شذي
بس مدري ليش لما بجبون طاري الطلاق .. نتنكر له
احسه مدري يبالنا بعد نحاول .. عشان ما نظلمها
وهذا الشيئ ما بصير إلا اذا هو انقطع عنها وما راح لها
وهني يبداون الاهل يتكلمون معاها اما تعقل ولا خلاص طلعته ما منها رده


بوصله كلامك

طمبحلة
22/01/2008, 07:50 PM
"لا تضحك تبلا"
ياريت الكل يحاول الرد على اي مشكله بدون الاستهزاء بصاحبها لانه حرااااااااااااااااااااام وستحاسبون على كل كلمه كتبت سواء على سبيل الضحك او السخريه
"اللهم عافنا"
لان الموضوع يحتاج حل وليس الضحك
لنكن اصحاب كلمه يستفاد منها




وجزاكم الله خير على كل ما كتبتوا لحل مشكلت هذه البنت
وبعدين حاسبوا انفسكم
هل يوجد احد بلا عيوب
لا والله
اذا لكل واحد عيوب ولكن تتفاوت
لذلك لابد ان نبحث عن حل ولا اعتقد ان الطلاق حل
قد تكون هذه البنت تعرضت لموقف قبل الزواج جعلها تشك بهذه الطريقه
قد تكون محاطه ببنات لاتجد منهم النصح والارشاد
قد تكون ............................
في حديث للرسول صلى الله عليه وسلم بما معناه انه يجب ان نبحث للشخص 70 عذر واذا نفذت نقول لعل هناك عذر نجهله
اتمنى ان لا تزعلوا من حديثي هذا ولكن احببت ان نزرع في ما بيننا الاخوه
ماتعرفون يمكن ينصلح حالها بكلمه
وقد نجدها باذن الله منظمه لنا لهذا المنتدى وتكون باذن الله نعم الاخت والصديقه
فيجب ان نبادر نحن بالدعاء لها
ومنك انت ياعزيزتي ان تحيطيها بكل العطف والحب وكأنك أختها
لاننا حتما لا نرضى هذه النهايه التي حكمتوا بها اذا كانت هذه البنت اخت لنا






اسفه على الاطاله
جزاكم الله خير

الشيخة
22/01/2008, 07:59 PM
حرااااااااااااااااااااام عليكم
ما ابسط كلمة الطلاق على لسانكم:eek:
طيب يمكن تكون مريضه خلاص الكل يتخلى عنها:(
لاوالله حرام:mad:
ويمكن يكون هو الي مخليها تشك فيه من كلامه ومن تصرفاته ترى والله اعرف وحده كانت نفس المجنونه والسبب كان زوجها دائما يحاول يغيضها بكلام ويشككها فيه وبعدين يستنكر كل تصرفاتها ويشتكي للناس منها
وبعدين هو اصلا شخصيته ضعييييييييييييييييييييييي ييفه:(
وحتى لو طلق وتزوج غيرها راح تتعامل معاه بنفس الاسلوب والسبب شخصيته الضعيفه

يا بنات خلكم محظر خير:mad:
سمعي يا حبي حاولي تغيرينها بطريقه غير مباشره ،حاولي تاخذينه معك وين ما تروحين واعزميها عندك وعطيها افكار للتعامل مع الزوج على سبيل النقاش لا التوبيخ:)
صدقيني راح تقدرين تاثرين عليها باذن الله وانت وشطارتك(f)(y)
حسسيها انك صديقتها وانك حابتها وبنفس الوقت اعطفي عليها لان محد يعرف شنو سبب هالغيره الزايده


وجزاك الله خير على كل ماتبذليه من اجل استقرارهم



مراحب اختى وتسلمين على مرورش
هي فعلا مثل ما ذكرتي مريضة .. بس شنو المطلووب انه يتحمل مرضها !!
طيب متحمل صار له اكثر من 3 سنوات .. وبعد الخطوبة زادت بزودة الحالة عندها
لانه خلاص تملكته .. لامتى يصبر!!
علاج !! مستحيل تتعالج اصلا لو فكر يقول لها مدري شبصير فيه!!

شلون يخليها تشكك فيه!!
اذا هو طوووول اليوم بالشغل .. وشغله بمكتب بروحه
بس المراجعات تكون اتصالات مع سكرتاريات بنات ,, واغلب هالبنات متزوجات وعندهم ولاد شكبرهم


انزين تركي عنش الزميلات
روحي لبيتهم في وحده تغار على زوجها من خواته و امة او عماته!!

هذي حتى بيت اهله ما تبي تروح ولا تبية يرووووووووووح شوفي لاي درجة!!!
وغير كذا جاينا المسكين على كل المصاااااايب الي صاير وياه
يقول خلااااص بعلنها زواج عليي اشغلها بالاولاد وتفكنا من الغيرة!!!
شوفي لي شقة!!
اقوله وبيت ابوك فوق عندكم سعه
يقول هي قالت لي مستحيييييييل تقعد في بيت ابوي
وهذا مش بس هو يقولة لا هي بنفسها لما زارتني تقول لي عن اهله انها ما تحبهم ولا تبي تقعد معاهم وانهم دون المستوى وانهم وانهم وطلع المستور!!! يعني لو تشووف شنو في بيتهم تجي تقول هذي تصرفات!!!
تصدقين مرره شرت له قميص اقسم بالله كل الجامعة درت انها شرت له!!
تقول اليوم صاير انيق لانه انا ملبسته!!!

في رجال شذي يتحمل!!! سؤال بس؟؟
في؟؟
ولا لو غيره الطريق الي ما يودي


عزيزتي انا ما كتب لكم هالمشكلة إلا انها فعلا باتت مشكلة
هو بين نارين يحبها ومو قادر على تصرفاتها معااااااه

وازيدش من الشعر بيت قال ان صار وما تعدلت
بطلقها .. وما بتزوج بعد خلااااااااااص كفرت بتجربتي معاها
يقوولها وهو مقهور
اني اعرفه يحبه مووووووت مستحيل يتخيل حاله ويا غيرها

الشيخة
22/01/2008, 08:12 PM
"لا تضحك تبلا"
ياريت الكل يحاول الرد على اي مشكله بدون الاستهزاء بصاحبها لانه حرااااااااااااااااااااام وستحاسبون على كل كلمه كتبت سواء على سبيل الضحك او السخريه
"اللهم عافنا"
لان الموضوع يحتاج حل وليس الضحك
لنكن اصحاب كلمه يستفاد منها




وجزاكم الله خير على كل ما كتبتوا لحل مشكلت هذه البنت
وبعدين حاسبوا انفسكم
هل يوجد احد بلا عيوب
لا والله
اذا لكل واحد عيوب ولكن تتفاوت
لذلك لابد ان نبحث عن حل ولا اعتقد ان الطلاق حل
قد تكون هذه البنت تعرضت لموقف قبل الزواج جعلها تشك بهذه الطريقه
قد تكون محاطه ببنات لاتجد منهم النصح والارشاد
قد تكون ............................
في حديث للرسول صلى الله عليه وسلم بما معناه انه يجب ان نبحث للشخص 70 عذر واذا نفذت نقول لعل هناك عذر نجهله
اتمنى ان لا تزعلوا من حديثي هذا ولكن احببت ان نزرع في ما بيننا الاخوه
ماتعرفون يمكن ينصلح حالها بكلمه
وقد نجدها باذن الله منظمه لنا لهذا المنتدى وتكون باذن الله نعم الاخت والصديقه
فيجب ان نبادر نحن بالدعاء لها
ومنك انت ياعزيزتي ان تحيطيها بكل العطف والحب وكأنك أختها
لاننا حتما لا نرضى هذه النهايه التي حكمتوا بها اذا كانت هذه البنت اخت لنا






اسفه على الاطاله
جزاكم الله خير


مشكورة اختى على مداخلتش
بالفعل كلامش سليم
وفي مثل يقول " شر البلية ما يضحك "
احيانا يا اختى البلاء يضحك فعلا ليس بالقصد ولكن بدون القصد

وهذه الضحكات ليست مسخرة
وكفى بالله شهيدا

علي عيني اوقف معاها شان ينعدل حالها
لكن شلون اعدل وحدة وهي يجري بدمها حب النميمة على الناس!! واخراج اسرارهم ومكنوناتهم
اصلاً اخاف اجيبها عندي البيت والله!
واخر مره التقيت معاها .. حديثها كالعادة عن البنات تذم في فلانه وعلانه وكلهم راعت جميل عليها! وعن اهل زوجها
وكانت لسه راجع من العمرة! سبحانك ربي تهدي من تشاء
على الرغم من انها تعلم بان اهل زوجها جيرانا .. والله وصى بعد على سابع جار!
شلون تتكلم عليهم بكلام ما فيهم! واسكت واسمعها لاني ادري لو قلت لها شيئ بتقول اني اكرها لانها هي تفسر كلام الناس الي ينصحونها شذي

وبعدين اهلها ناس زينة وطيبة
مدري ليش ما طلعت على معدنهم!
سبحانك ربي

ندايم
22/01/2008, 08:21 PM
الله يعوض صبره خير...

بغض النظر عن علاقتكم فيه...

فانتي غريبه عنهم...و بما انها تغااااار...ما انصحج انج تتدخلين...

لانها راح تفهمها غلط...

دام صار لهم 7 شهور من تزوجوا و من قبل الخطوبه و هي على الحال...

من راي انه يقعد مع ابوها و امها...و يحط النقط فوق الحروف...

و تكون هي موجوده عشان كل شئ يكون و اضح و صريح...

خل يقولهم كل شئ يضايقه...خل يقول تحاسبني حتى على الاحلام...

و يقول انه صبر عليها اكثر من مره...

و كل مره تقول انها بتتغير بس ترجع حليمه لعادتها القديمه...

خي يقول انه متزوج عشان يحصل الاستقرار النفسي و العاطفي...

متزوج عشان احصل بيت هادئ الجأ له بعد يوم متعب...

احصل حنان من زوجتي حبيبتي بعد ارهاق...

لكني تعبت و ما قدر اتحمل...خل يعطيها فرصه اخيره...

و يفهمهم هالشئ...اذا ما تصلح الحال كل حد يشوف نصيبه...

دام مافي يهال...ان ابغض الحلال عند الله الطلاق...

بس هو عطاها فرص وااااايد...

و الانسان محتاج الراحه...الله يعوض صبره خير...

و الله يهديها و يسر امورها...

الغيره مرض مرض مرض

التاجرة الصغيرة
22/01/2008, 08:46 PM
نحن ما ننكر إن كل إنسان مب خالي من العيوب..
لكن العيب يكبر يوم ننصح والطرف الثاني ما يستجيب ويزيد من أخطاءه..
شو ذنب الولد يعيش مع وحدة بهالمواصفات وهو اللي كان جاد يوم دور الحب، الحنان والاستقرار والطمأنينة؟؟؟!!
هذي حتى أطفالها ما بتقدر تربيهم وهي بهالحالة وبالعكس الموضوع بيزيد سوء...
وخلي الولد يتخذ خلاص قرار قوي من ناحيتها.. لأنها مصختها زيادة عن اللزوم..
وإذا تمردت قوليله لا تخاف ولا تهتم....
ووافينا بآخر الأخبار..

#روحـ مغليها#
22/01/2008, 09:23 PM
بصراحه اشـــك ان هالشخص فيه ذره من رجوووووووله اسمحيلي لها الدرجه وصل الحد
تذله وتشتمه وقدام اهلها ويرجع يصالحها..!؟
مااعتقد في رجــل عنده ذره من رجوله ونخوه يرضها
اجل وش بقى اذا تفتش تلفونه وتضربه ههه بصراحه انصددددددمت
مااعتقد في رجــل زي كذا
مع احترامي هو المريض مو هي لانها طبيعيي جــدآ اي وحده بتسوي سواياها لاشفت انها تصل لضرب وهو ساكت
اعذريني انا مااحرض الزوج على زوجه لكن هي لو شافت يوم جت تمد يده عليها قام هو وضربها كان مااتجرئت تزفه وتهزئه في الجمعيات وعند اهلها
هو الي المفروض يتعااالج ويااقف وقفة رجــال
لايسوي فيها عقل المره مااتحب الرجل الضعيف يكون قدامها
شلون تحس معه بالامان وهو اصلن يخاف منها ..!
هذي مو غيره هذي ضعف في شخصيته الرجل
ربي قال الرجال قوامون على النساء
خل يجرب يهجرها يشد معها
وش بقى دام حتى راتبه تاخذه والله انقلبت الأيه
وخل يكون هو صاحب الكلمه الاولي والاخيره في االبيت
خل تزعل شهر اثنين ثلاث مو مشكله
وبلعكس مصيرها هي ترد له وبتكووون هذيك السااعه افخر حرمه بزوجها
لاتحملينها هي الغلط هي مالقت رجال تستند عليه ...!!؟
الله يهدي الجمييييييييييييييييييييع

$sweet girl
22/01/2008, 11:13 PM
بصراحه أجوف أن عيشتهم هم الثنين صعـــــــــــــــــبه..
لو إنا مكانه..جان عرفت شلون أأدبهاا..وليش يعيطها معاشه كله...؟؟على إي إساس؟؟ ..هو رجال البيت هو العااامود..شوفي إنا من رايئ إن يطلقها ...لان هذي وحده ما تحبه لو تحبه جان ما سوت فيه جي..عيل أكوا مرآه تضرب ريلها ..والله يبيلها حد يكسر يدها شوفي لو مرة ثانيه بس صرخت عليه ..خله يلتها كــــــــــف لين ما يطير راسها الصوب الثاني .. والله شنو هلبنآدمه...!! والي ذابحني قهر إن معيها وجهه والله ...كلميه تكفين ...يعور قلبي والله إلف وحده تتمناه ..

وراجعه إقرأ ردج..

Boo0ooBle
22/01/2008, 11:25 PM
يستاهلون الريايل نسوي فيهم جذيه..!!

هههه ..لا أمزح معاج .. بصراحه إذا هو قطعج ولايسلم عليج عشانها .. المفروض ماتتدخلين..ولا لج خص..

ابتعدي عن المشاكل .. ولاتطرشين لها مسجات ولاشي ..هذي شكلها مشكلجيه..

وهو لو كان ريال بيطلقها .. لأن العيشه مع أنسانه مثل هذي تقصر العمر..

والله يعينه..

http://up4mb.com/up/uploads/284706e919.gif (http://go.3roos.com/siVZ2nAj9QJ)

رؤى القلب
22/01/2008, 11:42 PM
مساااء الخير عليكم جميعا ..
انا قريت المشكله كااامله وبما انه موضوع مطروح للمناقشه ولاخذ
الحلول والاراء حبيت بس اضيف رايي وبكل صراحه ..

اختي ..الموضوع انتي كبرتيه وعطيتيه اكبر من حجمه
باعتقادي ان هالشخص اللي تكلمين عنه هو رجل كبير
وراكز وعارف مصلحته اكيد ..يعني حل المشكله كامله بيد
الرجل لانه هو اللي سمح للموضوع بانه يتمادى اكثر ويكبر
خصوصا انه شارك اظراف خارجيه بالموضوع والمفروض لو في
مشكله بينهم يحلها بينهم او يدخل احد من اهله او من اهله
ويكون اهل للثقه وواعي وفاهم ..
يعني مع احترامي لج انتي تكلمتي عن الموضوع وكان الموضوع
يخصك انتي ..
حبيبتي لازم تعرفين ان مهما كبر الموضوع ومهما كانت الصله بينكم
فالمفروض ماتدخلين بمشاكلهم لانها مشاكل خاصه بينهم فقط والاولى
حد كبير وفاهم وعنده خبره بالحياة هو يحل المشكله ..
الاخ اللي تكلمين عنه للاسف هو المسؤول اولا واخيرا عن هالمشكله ..
تعرفين ليش ..
لانه هو بنفسه تمادى وتغاظى عن اشياء كثيره من البدايه
شخصيته كانت مهزوزه وضعيفه وهالشي قلب عليهم اهما الاثنين
لو كان رجل حازم ووضع للامور حد من بدايتها ماكانت في مشاكل من
اصلها ..يعني بالعربي الرجل ماعنده شخصيه ابدا فلازم يتحمل عقبات الامور ..
لازم يعيد نظره كامله لحياته ويحاول يحل مشاكله بنفسه ..ويحاول مره واثنين والف
لو كان فعلا يحبها ويحاول يغير من شخصيته ولو مانفع يوكل حد من اهلها او من
اهله يكون على ثقه ويحلون الموضوع بكل عقلانيه ..
اسمحيلي حبيبتي انتي مالك حق تدخلي بهالمشكله لانك وبصراحه وبدون زعل
انتي قلتي عنها انسانه تحب النميمه وانتي بنفسك نميتي فيها للاخر ..
بعتقد هذا يكفي وربنا يهدي ..

دمتي بحفظ الله[/SIZE]

الشيخة
23/01/2008, 12:17 AM
الله يعوض صبره خير...

بغض النظر عن علاقتكم فيه...

فانتي غريبه عنهم...و بما انها تغااااار...ما انصحج انج تتدخلين...

لانها راح تفهمها غلط...

دام صار لهم 7 شهور من تزوجوا و من قبل الخطوبه و هي على الحال...

من راي انه يقعد مع ابوها و امها...و يحط النقط فوق الحروف...

و تكون هي موجوده عشان كل شئ يكون و اضح و صريح...

خل يقولهم كل شئ يضايقه...خل يقول تحاسبني حتى على الاحلام...

و يقول انه صبر عليها اكثر من مره...

و كل مره تقول انها بتتغير بس ترجع حليمه لعادتها القديمه...

خي يقول انه متزوج عشان يحصل الاستقرار النفسي و العاطفي...

متزوج عشان احصل بيت هادئ الجأ له بعد يوم متعب...

احصل حنان من زوجتي حبيبتي بعد ارهاق...

لكني تعبت و ما قدر اتحمل...خل يعطيها فرصه اخيره...

و يفهمهم هالشئ...اذا ما تصلح الحال كل حد يشوف نصيبه...

دام مافي يهال...ان ابغض الحلال عند الله الطلاق...

بس هو عطاها فرص وااااايد...

و الانسان محتاج الراحه...الله يعوض صبره خير...

و الله يهديها و يسر امورها...

الغيره مرض مرض مرض




مراحب اختى بمرورك الطيب
بالفعل يا اختى كلامك مقتنع وسليم
راح ابلغه انه يتجه للعائلة لحل المشكلة معاها
وبخبره بكل كلامك فهو سليم 100%

وان شاء الله ما يحصل البغيض
وعالله تعقل

الشيخة
23/01/2008, 12:20 AM
نحن ما ننكر إن كل إنسان مب خالي من العيوب..
لكن العيب يكبر يوم ننصح والطرف الثاني ما يستجيب ويزيد من أخطاءه..
شو ذنب الولد يعيش مع وحدة بهالمواصفات وهو اللي كان جاد يوم دور الحب، الحنان والاستقرار والطمأنينة؟؟؟!!
هذي حتى أطفالها ما بتقدر تربيهم وهي بهالحالة وبالعكس الموضوع بيزيد سوء...
وخلي الولد يتخذ خلاص قرار قوي من ناحيتها.. لأنها مصختها زيادة عن اللزوم..
وإذا تمردت قوليله لا تخاف ولا تهتم....
ووافينا بآخر الأخبار..

مشكورة اختى التاجرة على المتابعة المستمرة معاي بالموضوع
عالله تعقل عندها فرصة حاليا اتمنى تستثمرها في رضى زوجها ورضى الله
وتراعي الله في هالانسان

الشيخة
23/01/2008, 12:27 AM
بصراحه اشـــك ان هالشخص فيه ذره من رجوووووووله اسمحيلي لها الدرجه وصل الحد
تذله وتشتمه وقدام اهلها ويرجع يصالحها..!؟
مااعتقد في رجــل عنده ذره من رجوله ونخوه يرضها
اجل وش بقى اذا تفتش تلفونه وتضربه ههه بصراحه انصددددددمت
مااعتقد في رجــل زي كذا
مع احترامي هو المريض مو هي لانها طبيعيي جــدآ اي وحده بتسوي سواياها لاشفت انها تصل لضرب وهو ساكت
اعذريني انا مااحرض الزوج على زوجه لكن هي لو شافت يوم جت تمد يده عليها قام هو وضربها كان مااتجرئت تزفه وتهزئه في الجمعيات وعند اهلها
هو الي المفروض يتعااالج ويااقف وقفة رجــال
لايسوي فيها عقل المره مااتحب الرجل الضعيف يكون قدامها
شلون تحس معه بالامان وهو اصلن يخاف منها ..!
هذي مو غيره هذي ضعف في شخصيته الرجل
ربي قال الرجال قوامون على النساء
خل يجرب يهجرها يشد معها
وش بقى دام حتى راتبه تاخذه والله انقلبت الأيه
وخل يكون هو صاحب الكلمه الاولي والاخيره في االبيت
خل تزعل شهر اثنين ثلاث مو مشكله
وبلعكس مصيرها هي ترد له وبتكووون هذيك السااعه افخر حرمه بزوجها
لاتحملينها هي الغلط هي مالقت رجال تستند عليه ...!!؟
الله يهدي الجمييييييييييييييييييييع


مراحب اختى وتسلمين على مرورش
صدقتي في كلمه .. لو لقت منه رد فعل او لما فكرت تمد يدها او تمد لسانها
شان عرفت قدرها
وبالعكس هو مش مريض .. ربما الايمان والصبر في هالايام يعتبر مرض! لا اعلم
بس لا اخفى عليك بانه ليس شديد في التعامل اطلاقا
طبعه هادئ وصبور
وهو رجال ويعتمد عليه باشياء وايد
والدليل قبول اهلها له بدون نقاش فيه! .. بس المحبة تخلي الانسان ذليل
بصراحه اذا جينا نقارن الاخلاق
فكل الي حواليهم عارف اخلاق الثاني

هي مشكلتها شوفها لنفسها
وقلة ايمان يا كافي الشر ما تفكر ان الله بعدين بحاسبها
وما راعت الله في الامانة الي عندها
مثل ما هو شايلنها بعيونه امانة
لازم هي تقدم له نفس الشعور

الشيخة
23/01/2008, 12:39 AM
الشيخة

اتمنى ماتاحذين كلامي بحساسية

انتي المفروض ما تتدخلين بالمشكلة بالمرة

حتى لو كان اخووووك فعلا من امك وابوك

خلك بعيدة وكيفهم

والستر زين

هو رجال ويقدر يحل امورة بنفسة



مراحب اختى عذب القوافي
تسلمين على ردش والمرور

لا تحاتين يا اختى لا اتحسس ولا شيئ
بالعكس اصلا انا للحين ما سويت شيئ عن السالفة
لاني ما عندي النية اني اتدخل اطلاقا!
هو الي اجا يشتكي وكنت انا وزوجي في بيت ابوي
وسمعته وقال لي نصحيها كلميها ضاق خلقي منها
وقلت له بحاول .. بس للحين ما سويت شيئ .. ومن ردود البنات ذكروني باشياء واايد
يكفي انها قبل سوت بيني وبين صديقتي مشكلة ... وظلينا زعلانين من بعض فترة
لكن الحمدلله ردينا لبعض بقوة .. بعد ما عرفنا انها هي ساس البلة
ونسيت لها الي سوته. بس تذكرته من ردود البنات على الموضوع


وش اقول!؟
ترى هي مو بس تعرفت عليها سلام عليكم السلام
لا هذي صارت تقعد وياي يوميا ويا ربعي
والله البنات قالوا لي لا تجيبينها وياش كله تتكلم على الناس!! وتعيب!
وتسوي مشاكل!!
بس انا كنت استحي اخليها بروحها
وبعدين ابتعدت شوي شوي سوت لها شلة بروحها


الله يهديها

الشيخة
23/01/2008, 12:46 AM
بصراحه أجوف أن عيشتهم هم الثنين صعـــــــــــــــــبه..
لو إنا مكانه..جان عرفت شلون أأدبهاا..وليش يعيطها معاشه كله...؟؟على إي إساس؟؟ ..هو رجال البيت هو العااامود..شوفي إنا من رايئ إن يطلقها ...لان هذي وحده ما تحبه لو تحبه جان ما سوت فيه جي..عيل أكوا مرآه تضرب ريلها ..والله يبيلها حد يكسر يدها شوفي لو مرة ثانيه بس صرخت عليه ..خله يلتها كــــــــــف لين ما يطير راسها الصوب الثاني .. والله شنو هلبنآدمه...!! والي ذابحني قهر إن معيها وجهه والله ...كلميه تكفين ...يعور قلبي والله إلف وحده تتمناه ..

وراجعه إقرأ ردج..



اختى الكريمة
يسلم لي مرورش عالموضوع
والله يا اختى كلمه تستاهله وحده ثانية .. من زماااااان انقالت
وبعد .. حتى في من الفريج امهات يقولون لامه طالعي بنياتنا شحلاتها شان تبينها لولدش!!
شوفي الامهات تخطبه لبناتهم!!!! وهذي صار جدامي وكنا راحين عرس

بس سبحان الله شوفي شلون! هذا حظة!
يحب وحده والمصبية انها تقول تحبه
ومش عارف كيف تحافظ عليه!!

وينه ووين لطراق او الكف
لو اقوله بقولي ما عندي قلب
ما يضرب ترى!!! ولا يمد يده ولا لسانه!!
مؤدب بكل ما في الكلمة من معنى

الشيخة
23/01/2008, 12:54 AM
يستاهلون الريايل نسوي فيهم جذيه..!!

هههه ..لا أمزح معاج .. بصراحه إذا هو قطعج ولايسلم عليج عشانها .. المفروض ماتتدخلين..ولا لج خص..

ابتعدي عن المشاكل .. ولاتطرشين لها مسجات ولاشي ..هذي شكلها مشكلجيه..

وهو لو كان ريال بيطلقها .. لأن العيشه مع أنسانه مثل هذي تقصر العمر..

والله يعينه..

http://up4mb.com/up/uploads/284706e919.gif (http://go.3roos.com/siVZ2nAj9QJ)


مراحب اختى تسلمين لي على مرورش
والنصيحة

بالفعل انا خليت نفسي بعيد بعيد
صدقتي هي مشكلجيه ومشكلتنا من قبل
وامى وزوجي رافضين انى ادعيها او اكلمها بشيئ

وسبب زعله
يتوقع اني ظنيت فيه انه انسان ممكن يخونها ويخذلها
وهو كان مستحيل بعد ما وعدها بالزواج ..يتراجع عن القرار

الشيخة
23/01/2008, 01:05 AM
مساااء الخير عليكم جميعا ..
انا قريت المشكله كااامله وبما انه موضوع مطروح للمناقشه ولاخذ
الحلول والاراء حبيت بس اضيف رايي وبكل صراحه ..

اختي ..الموضوع انتي كبرتيه وعطيتيه اكبر من حجمه
باعتقادي ان هالشخص اللي تكلمين عنه هو رجل كبير
وراكز وعارف مصلحته اكيد ..يعني حل المشكله كامله بيد
الرجل لانه هو اللي سمح للموضوع بانه يتمادى اكثر ويكبر
خصوصا انه شارك اظراف خارجيه بالموضوع والمفروض لو في
مشكله بينهم يحلها بينهم او يدخل احد من اهله او من اهله
ويكون اهل للثقه وواعي وفاهم ..
يعني مع احترامي لج انتي تكلمتي عن الموضوع وكان الموضوع
يخصك انتي ..
حبيبتي لازم تعرفين ان مهما كبر الموضوع ومهما كانت الصله بينكم
فالمفروض ماتدخلين بمشاكلهم لانها مشاكل خاصه بينهم فقط والاولى
حد كبير وفاهم وعنده خبره بالحياة هو يحل المشكله ..
الاخ اللي تكلمين عنه للاسف هو المسؤول اولا واخيرا عن هالمشكله ..
تعرفين ليش ..
لانه هو بنفسه تمادى وتغاظى عن اشياء كثيره من البدايه
شخصيته كانت مهزوزه وضعيفه وهالشي قلب عليهم اهما الاثنين
لو كان رجل حازم ووضع للامور حد من بدايتها ماكانت في مشاكل من
اصلها ..يعني بالعربي الرجل ماعنده شخصيه ابدا فلازم يتحمل عقبات الامور ..
لازم يعيد نظره كامله لحياته ويحاول يحل مشاكله بنفسه ..ويحاول مره واثنين والف
لو كان فعلا يحبها ويحاول يغير من شخصيته ولو مانفع يوكل حد من اهلها او من
اهله يكون على ثقه ويحلون الموضوع بكل عقلانيه ..
اسمحيلي حبيبتي انتي مالك حق تدخلي بهالمشكله لانك وبصراحه وبدون زعل
انتي قلتي عنها انسانه تحب النميمه وانتي بنفسك نميتي فيها للاخر ..
بعتقد هذا يكفي وربنا يهدي ..

دمتي بحفظ الله[/SIZE]


اختى بس اشكر مشاركتك بالمنتدى اولا
عشان فقط تردين على الموضوع
وتصبح اول مشاركة لش هي بمواضعي
شكرا جزيلا

وأوضح لش نقطة
اني لما جيبت اتكلم عن مشكلة .. ما نميت في احد!!
ولا عطيت احد اكثر ولا اقل من الشيئ الي فيه
وكل الي يجون هالركن يتكلمون عن اشخاص يأذونهم بدون ذكر اسمائهم
وفي بنات يجون يشتكون في اقرب الناس إليهم
فهل هذه تعتبر نميمة منهم؟! من وجهك نظرك!


في فرق هي تنم عن الناس باسمائهم وبالاشارة إليهم وبالتويح إليهم تحديدا
لكني لم اذكر لا اسمها ولا شخصها
بل ذكرت مشكلتها ومشكلة زوجها الي هو اساسا طالب حل لمشكلته

اتمنى لك قضاء وقت ممتع في منتدانا الغالي
:)
حياش الله

الشيخة
23/01/2008, 01:13 AM
يا جماعة الخير

السؤال طارح نفسه في العنوان

هل الغيرة العمياء لها حل!!؟

دبــي
23/01/2008, 01:31 AM
عوذ بالله هاي أكيييييييييييييييييد مب صااحيه

بحرينية أصل
23/01/2008, 01:43 AM
مراحب اختى يسلم لي مرورش الطيب
يا اختى حاااااااول كذا مررره
يوديها بيت ابوها ويحفل عليها 3 ايام ما يروح لها
وما يروح.. ولما يرجع لها بعدها تصير اوكي ساعة ساعتين وتبدأ تطحن عليه
يقول إذا افكر اطلعها نتعشى برى اطلع مليون مرة غلطان!
يقول ما احس اني نفس الناس اقدر اطلع طلعه عشوة هنية رومانسية!!! تخيلي!

هي مفكرة جمالها دايم لها!! ابداً والله
وهو اساسا مش مفتكر في جمالها هو خذها بكل بساطة لانه يحبها
اما بالامانة .. في بنت كانت معجبة بشخصيته ولو تشوفين هالبنت تقولين يالله احفظي ما عليش
بس سبحان الله النصيب .. وغير كذا كل بنات عماته بيض وعيونهم خضر وحلوين ويتمنون ظفرة اهيه ما توصل لهدرجة ترى ..
ومدري بنات يقولون لي اني ابالغ هي اصلا ما فيها حلاوة
بس مدري انا احس انها حلوة الوجه
بس الاخلاق .. ولا ذرة

بوصل له كلامش اختى وبشوف رده


خيتو المفروض مو يخليها 3 ايام ويرد يرجع لها عشان اتحس ان هالمرة غير لازم يخليها فترة طويله عشان اتراجع نفسها وتحس بالغلط اللي سوته وهو بعد فترة نقاهة بالنسبه له خله شوي يرتاح

بس كلش ما اتمنى انهم يتطلقون لان دائما في حل واذ كلش الامور تعقدت اهني يفكرون في الطلاق
سبحانك ربي الطلاق يهتز له عرش الله مو سهل كلش خوااااااااااااااتي

حاولي الشيخه تصلحين ذات البين وهذا في ميزان حسناتش

m_f_t_r
23/01/2008, 02:13 AM
بصراحه زعلت أوى عليه
فى ناس كتير فعلا كده عمرها ما بتحس بقيمه الحاجه اللى فى أديها الا لما تروح منها.
و هى عمرها ما هتحس بالنعمه اللى هى فيها
الا لما تلاقى واحد يضربها و يقرفها فى الرايحه و الجايه,
بس هو برده غلطان لأنه مش عرف يحطلها حد من أولها,
المفروض كان وقفها عند حدها من أول يوم جواز
بس بيتهيألى انها مريضه
اصل مش ممكن دى تكون تصرفات حد طبيعى,
يأما عاجبها اللى هى بتعمله و أنها هى اللى ممشيه جوزها و الكلام العبيط ده كله..
لازم يوديها لدكتور أو يكلم أهلها أو لو معرفش يلاقى معاها حل
يبقى أفتكر ان الطلاق هيكون أنسب حل
ربنا يهديه للخير
اللهم أمين

كناري
23/01/2008, 02:18 AM
هاي مريضه نفسيا..ولاعندها دين ولا اخلاق..طالما هاي تصرفاتها .. يعني ما تلزمه.
والباب الي يجيك منه الريح سده واستريح... الطلاق خير حل في هاي الظروف..
مو مستعد يقعد يسوي معالج نفسي ولا هو شكله بيصير مريض نفسي زيها؟؟
ناقصها شي مهم .. ناقصها يعطيها كف من جد يربيها.
و يطلقها.. خليها تتزوج واحد عادي لا تحبه ولاتكرهه .. الغيره بتروح وبتعيش معه حياه طبيعبه.
بدل م تاخد واحد تغار عليه ولا قادر تتخلص لا غيرتها ولا هو قادر يتخلص منها..
هاي مريضه نفسياً وهو معدوم الرجوله بمعنى الحرف .بلا شك.

الشيخة
23/01/2008, 02:21 AM
خيتو المفروض مو يخليها 3 ايام ويرد يرجع لها عشان اتحس ان هالمرة غير لازم يخليها فترة طويله عشان اتراجع نفسها وتحس بالغلط اللي سوته وهو بعد فترة نقاهة بالنسبه له خله شوي يرتاح

بس كلش ما اتمنى انهم يتطلقون لان دائما في حل واذ كلش الامور تعقدت اهني يفكرون في الطلاق
سبحانك ربي الطلاق يهتز له عرش الله مو سهل كلش خوااااااااااااااتي

حاولي الشيخه تصلحين ذات البين وهذا في ميزان حسناتش



مراحب اختى دموع
قلت له يتركها مده طويلة.. يقول لي وشلون اتأكد انها بخير
ماهي بذمتي ولازم اسأل عنها!!

اقولش انا ادري انه يحبها موووت

وان شاء الله ان شاء الله ما يحصل البغيض
بس يا اختش انا احترت والله :ss:
مو عارفة كيف اقدم مساعده!!!

اتوقع دعواتي لهم بالهدايا هما الاثنين
ترضيني

انت بشنو تنصحين ؟؟ عطيني لو حل واحد!


للاسف انه ما عنده اخت كبيرة تتكلم وتساعده!
خواته صغار وهي ما تزورهم
وانتي تدرين لو تكلمت امه او عماته !! هذولة نسوان كبار
وبيني وبينش كانوا مش موافقين عليها بعد لولدهم
بس هو اقنعهم انه يحبها ويباها
وممكن تصير مشكلة كبيرة لو دروا عن ولدهم يصير له الي يصير


الله يعينه بس
:(

الشيخة
23/01/2008, 02:28 AM
بصراحه زعلت أوى عليه
فى ناس كتير فعلا كده عمرها ما بتحس بقيمه الحاجه اللى فى أديها الا لما تروح منها.
و هى عمرها ما هتحس بالنعمه اللى هى فيها
الا لما تلاقى واحد يضربها و يقرفها فى الرايحه و الجايه,
بس هو برده غلطان لأنه مش عرف يحطلها حد من أولها,
المفروض كان وقفها عند حدها من أول يوم جواز
بس بيتهيألى انها مريضه
اصل مش ممكن دى تكون تصرفات حد طبيعى,
يأما عاجبها اللى هى بتعمله و أنها هى اللى ممشيه جوزها و الكلام العبيط ده كله..
لازم يوديها لدكتور أو يكلم أهلها أو لو معرفش يلاقى معاها حل
يبقى أفتكر ان الطلاق هيكون أنسب حل
ربنا يهديه للخير
اللهم أمين




تسلمين لي اختى عالمورو والمشاركة

اني الي بستغربة يا اختي
ان الزوجة تكووون بقمة سعادتها لما الزوج يصرف عليها ويجب لها كل الي في نفسها
وفوق كل هذا هي تاخذ الراتب منه .. وبعد مش عاجبنها. اصلا ليش تأمره ان الصرف يكون بيدها!

لما الانسان يكون طيب
ويحترم زوجته وما يمد يده عليها
ويصرف عليها الغالي والنفيس
تكون رد الجميل بهذا السلوك!!

لكني صدقيني ساعات اقول يستاهل
لانه حذرناه وحذروه اهله امه وعماته وما نفع وياه
هو يحبها ...
بس حرام عليه يتبهدل ويطلق وهو بعده صغير
وهم هي صغيرة ..

الشيخة
23/01/2008, 02:55 AM
هاي مريضه نفسيا..ولاعندها دين ولا اخلاق..طالما هاي تصرفاتها .. يعني ما تلزمه.
والباب الي يجيك منه الريح سده واستريح... الطلاق خير حل في هاي الظروف..
مو مستعد يقعد يسوي معالج نفسي ولا هو شكله بيصير مريض نفسي زيها؟؟
ناقصها شي مهم .. ناقصها يعطيها كف من جد يربيها.
و يطلقها.. خليها تتزوج واحد عادي لا تحبه ولاتكرهه .. الغيره بتروح وبتعيش معه حياه طبيعبه.
بدل م تاخد واحد تغار عليه ولا قادر تتخلص لا غيرتها ولا هو قادر يتخلص منها..
هاي مريضه نفسياً وهو معدوم الرجوله بمعنى الحرف .بلا شك.


مراحب اختى يسلم لي مروش الطيب
لا هو خلاص اتوقع خلاص صار مريض
الحال الي خلاه يجي يشتكى وهو انسان صابر

يعنى وصلت معاه حد لا يطاق

الله يشافيه ويشافيها

رؤى القلب
23/01/2008, 09:10 AM
اختى بس اشكر مشاركتك بالمنتدى اولا
عشان فقط تردين على الموضوع
وتصبح اول مشاركة لش هي بمواضعي
شكرا جزيلا

وأوضح لش نقطة
اني لما جيبت اتكلم عن مشكلة .. ما نميت في احد!!
ولا عطيت احد اكثر ولا اقل من الشيئ الي فيه
وكل الي يجون هالركن يتكلمون عن اشخاص يأذونهم بدون ذكر اسمائهم
وفي بنات يجون يشتكون في اقرب الناس إليهم
فهل هذه تعتبر نميمة منهم؟! من وجهك نظرك!


في فرق هي تنم عن الناس باسمائهم وبالاشارة إليهم وبالتويح إليهم تحديدا
لكني لم اذكر لا اسمها ولا شخصها
بل ذكرت مشكلتها ومشكلة زوجها الي هو اساسا طالب حل لمشكلته

اتمنى لك قضاء وقت ممتع في منتدانا الغالي
:)
حياش الله



حبيبة قلبي اشكرج على ردج ..
بس انا ماشاركت عشان ارد على موضوعج بس ..
انا شاركت لان المنتدى فعلا منتدى مميز وحبيت
اني استفيد وافيد فقط لاغير ..
حبيبتي ..بس حبيت اوضح لج شغله وحده
النميمه انواع بغض النظر عن ان فيها ذكر اسامي او لا ..
يعني انتي لو حابه تساعدين وتطرحين قضيه الكل يشراك
فيها ويستفيد منها لازم تكونين طرف محايد ..
يعني ع الاقل لو انتي منحازه لطرف معين بالمشكله ماتذكرين
كل عيوب الطرف الاخر بطريقه تفصيليه ومنفره للاخر ..
اكيد البنت في لها حسنات مثل مافيها سلبيات عديده ..
ومافي حد خالي من العيوب ..
بس حبيبتي اللي حبيت اوضحه لج ان طريقة حلج او طرحج للمشكله كانت
غلط ..
وبعدين حبيبتي الغيره اكيد في لها حلول وحلول وايده بعد
لو احنا فعلا نحب هالانسان اللي معانا ولو احنا حابين التغيير
الفعلي صدقيني رح نلاقي ونوضع حد لمشكلة الغيره ..بس للاسف
الاخ الي انتي طارحه مشكلته لازم يصلح نفسه بالاول عشان يقدر
يحل مشاكله ويفكر بالطلاق ..
وبعدين حبيبتي الغيره الزايده والمشاكل في السنوات الاولى من الحياة
الزوجيه امر وارد وعادي ...
يعني شي طبيعي هالمشاكل بس المهم هو ان الواحد يعرف لمن يلجأ بمشاكله
بعد مايكون نفذت معاه كل الحلول ..اما مسالة الطلاق فانا باعتقادي انه
يبتعد تماما عن هالفكره ..
حبيبيت ..كلمة طلاق او لفظ مطلقه صدقيني شي مب هين لا على البنت
ولا على اهلها ..
نسب الطلاق ارتفعت عندنا بالخليج وبشكل كبير ليش باعتقادج ؟؟!!
لان الناس خلاص ماعاد فيها صبر لحل مشاكلها بنفسها تلاقين الزوجين
ماكملوا ثلاث سنين الا وهم مطلقين ..انزين ليش ؟؟!!
لان مافي توعيه بحجم المشكله اللي يسببها الطلاق
ومافي توعيه قبل الزواج
ومافي توعيه اصلا بادراة المشاكل بين الزوجين خصوصا بالسنوات الاولى


اسفه ع الاطاله بس انا انصحج انج تكونين
مصلح خير بين الاثنين حاولي تنصحين على قد ماتقدرين
مع اني افضل ان مثل هالامور ماتتدخلين فيها
لان اهلها واهله اولى بحل بمثل هالخلافات

شكرا لج عزيزتي
واسفه ع الاطاله

طمبحلة
24/01/2008, 08:41 PM
حبيبة قلبي اشكرج على ردج ..
بس انا ماشاركت عشان ارد على موضوعج بس ..
انا شاركت لان المنتدى فعلا منتدى مميز وحبيت
اني استفيد وافيد فقط لاغير ..
حبيبتي ..بس حبيت اوضح لج شغله وحده
النميمه انواع بغض النظر عن ان فيها ذكر اسامي او لا ..
يعني انتي لو حابه تساعدين وتطرحين قضيه الكل يشراك
فيها ويستفيد منها لازم تكونين طرف محايد ..
يعني ع الاقل لو انتي منحازه لطرف معين بالمشكله ماتذكرين
كل عيوب الطرف الاخر بطريقه تفصيليه ومنفره للاخر ..
اكيد البنت في لها حسنات مثل مافيها سلبيات عديده ..
ومافي حد خالي من العيوب ..
بس حبيبتي اللي حبيت اوضحه لج ان طريقة حلج او طرحج للمشكله كانت
غلط ..
وبعدين حبيبتي الغيره اكيد في لها حلول وحلول وايده بعد
لو احنا فعلا نحب هالانسان اللي معانا ولو احنا حابين التغيير
الفعلي صدقيني رح نلاقي ونوضع حد لمشكلة الغيره ..بس للاسف
الاخ الي انتي طارحه مشكلته لازم يصلح نفسه بالاول عشان يقدر
يحل مشاكله ويفكر بالطلاق ..
وبعدين حبيبتي الغيره الزايده والمشاكل في السنوات الاولى من الحياة
الزوجيه امر وارد وعادي ...
يعني شي طبيعي هالمشاكل بس المهم هو ان الواحد يعرف لمن يلجأ بمشاكله
بعد مايكون نفذت معاه كل الحلول ..اما مسالة الطلاق فانا باعتقادي انه
يبتعد تماما عن هالفكره ..
حبيبيت ..كلمة طلاق او لفظ مطلقه صدقيني شي مب هين لا على البنت
ولا على اهلها ..
نسب الطلاق ارتفعت عندنا بالخليج وبشكل كبير ليش باعتقادج ؟؟!!
لان الناس خلاص ماعاد فيها صبر لحل مشاكلها بنفسها تلاقين الزوجين
ماكملوا ثلاث سنين الا وهم مطلقين ..انزين ليش ؟؟!!
لان مافي توعيه بحجم المشكله اللي يسببها الطلاق
ومافي توعيه قبل الزواج
ومافي توعيه اصلا بادراة المشاكل بين الزوجين خصوصا بالسنوات الاولى


اسفه ع الاطاله بس انا انصحج انج تكونين
مصلح خير بين الاثنين حاولي تنصحين على قد ماتقدرين
مع اني افضل ان مثل هالامور ماتتدخلين فيها
لان اهلها واهله اولى بحل بمثل هالخلافات

شكرا لج عزيزتي
واسفه ع الاطاله





حبي
انا مع الاخت رؤى القلوب
والله ماتعرفين قد شنو انا مهتمه بموضوعج وحابه انج ما تزعلين علي اذا كنت قاسيه بأسلوبي بس والله موضوعج مهم مب بس للطرفين بل للكل لان كما اسلفت الاخت بأن نسب الطلاق مرتفعه جدا وذلك لعدم وعي الشباب سواء بنات واولاد بطريقة التعامل مع بعض
تجدينهم من ابسط الامور ينفرون من بعض ويفكرون بالطلاق
قد تكون هي اخطأت ولكن ماذا عنه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
صدقيني يا غاليتي هو من طريقته في الحياة سمح لها.
اذاً هو مخطئ، لذلك يجب عل الطرفين تعلم طرق التفاهم والنقاش ومواجهت المشاكل والعقبات .


عزيزتي جزاك الله خير على مابذلتي لهم
ولكن وبكل صراحه من خلال قرائتي لردودك وجدت انك قد حكمتي على العلاقة بالفشل من الاول
وانت بما انك تريدي حل المشكله كان لا بد من ان تكوني طرف محايد
ولكن للأسف:( انت منحازة له وتدافعين عنه
ولكن بالنسبة لها فلم تعطي احد فرصه حتى ان يحاول قول مبررات لها،وكذلك كنت مع كل عضوة تنتقدها اوحتى تسخر منها(للأسف):(

اقول لك وبكل صراحه ياعزيزتي انا اتوقع انك مازلتي صغيره في العمر لذلك لم تستطيعي تحليل الامور بالطريقة السليمه
وصدقيني الانسان يجب ان لا يغضب اذا اي احد وجه له اتهام لانه يجب ان يتعلم من أخطائه




جزااااااااااااااااااااااا اااك الله خير ياحبي

اتمنى ان لا اضايقك بكلامي هذا فأنا اعتبرك أختي بما انك عضوه في هذا المنتدى


ولك جزيل الشكر على ماقدمتي

وانا ايضا اقول
اسفه على الاطاله
لك كل الحب والاحترام والتقدير

عنفوان أنثى
24/01/2008, 09:56 PM
أختي كل التصرفات اللي قلتيها

ماتدل على غيــره

تدل على مرض نفسي المفروض يعرضها على طبيب نفسـي يعالجها

معقوله فيه رجال شخصيته ضعيفه كذا

اختي خليه يشووف الردوود
يمكن يقتنع

كيف عااايش معاها معقــول يعني تضــربه وين عايشين احنا

ربي كرم بني أدم بالعقل وهي ماعندها عقــل عذارا يعني بس اللي تسويه مايسويه عاقل فاهم

حتى في الحلم مسويه مشكله
الحمدالله والشكر على نعمك ياااااااااااااااااااااااا ااااااااااااااااااارب

رقيه وسكينه
27/01/2008, 09:37 PM
اقولج شغله بكل اسف هذا مش ريال والاحرمته تضربني بضربها وبضرب بوها عندها ويليتني امه بقص راسه وراسه وش فايدة الجمال بدون ادب واحترام