المساعد الشخصي الرقمي

مشاهدة النسخة كاملة : صديقتي عندها مشكله مهمه بالمره



برلنتي2004
24/04/2003, 09:26 AM
بصراحه صديقتي هذي غاليه علي بالمره وانا وياها مثل الخوات واكثر يعني تعلمني بكل شي واعلمها بكل المهم ان قصتها الي علمتني فيها بصراحه متخوفه منها واحب اقولها لكم وياليت تردون علي واهي انها كانت داخله النت ودخل عليها واحد بالماسنجر وافقت تتعرف عليه وتقول انها بالبدايه تخوفة لما عرفة انه شاب المهم تقول اني هزئته وقلت ناي راح احذفك من الماسنجر المهم صار يتكلم معها ويحاول على كلامها انه يطمئنها وصار كل يوم يكلمها بالماسنجر وتقول انه علمها بكل شي في حياته يعني من ناحية عمره وشكله واهله وين ساكن وش يشتغل وتقولي فيه اشيا دقيقه بالمره في حياته قاله لها وتقول باين عليه انه دين ودايم يرسلها ادعيه وانا شفتها بصراحه اذا قريتي كلامه مادري تحسين انك مطمئنه منه وعلمها انه ساكن في جده وانه يروح للمسجد الحرام ودايم اذا كانت ليلة الاثنين او الخميس ينصحها انها تصوم وهو بعد راح يصوم المهم شكلي طولت عليكم بس حبيت اعطيكم الصوره واضحه عقب هذا كله طلب منها انه يتزوجها ويجيبها تسكن معه في جده وهي طبعا ساكنه في الرياض بس المشكله انه يبي يشوف صورتها واهو راح يرسل صورته ويقول اذا عجبتك ارسليلي صورتك واذا ماعجبتك لاترسليلي واذا وافقتي على طول راح يجي لمها ويخطبها..........المهم انتم وش رايكم اتمنى تردون علي لانها بصراحه بمثابة اختي وودي انصحها فانتم وش رايكم توافق ولا لا

برلنتي2004
24/04/2003, 09:48 AM
بنات وينكم الله يخليكم ردو علي :confused::confused:يعني لهدرجه مو مهتمين

سفر الليل
24/04/2003, 10:01 AM
انا في اعتقادي سالفة الصورة شوي تاجلها الواحد يخاف والنت وسيلة اتصال مهما حست ان الشخص انسان رائع وصادق في كلامه ظل بعض وانا عندي فكرة إذا تعرف هي احد من جدة او احد قريبين لها ليش ما تاخذ اسم الشاب وتسال هنه وتتطمان عليه ، وليش مايختصر المسافة ويجي يتقدم واشوفها ومن حقه اشوف البنت وهي بعد وإذا في نصيب بكونون لبعض انشاء الله بس لا تستعحل في شيء ابدا
واتمنى اليها التوفيق

اختكم
سفر الليل

سماهر
24/04/2003, 10:17 AM
مرحبا اختي

انا من رايئ ما ترسل الصوره له بصراحه الواحد ما يطمن لمثل هذي

العلاقات يعني يحط في باله احتمال ان تكون السالفه مجرد تسليه

من قبل الشاب

انا اقول جذي لاني ما اؤمن ابدا بالعلاقه اللي تكون عن طريق

الماسنجر او الشات واحس انها مجرد لعب

ما ابغي اخوفج بس سالفة الصوره اللي طلبها تخلي الوحده ما تطمن

شوفي بطريقه معينه تقدر تسأل عنه من غير صور

رعبوب العين
24/04/2003, 02:35 PM
هلا اختي:
ابصراحه انا من راي ماتعطيه صورته لن علاثات النت مب مضمونه وياماسمعنا سوالف عنهن .
وبعدين اذا اهو يباه يتقدمله ومن حقه يشوفه واذا ماعجبته مب مشكله.
بس ديري بالج لاتعطينه صورتج.

برلنتي2004
24/04/2003, 04:29 PM
مشكورات حبيباتي على الرد وبصراحه انا نفسي قلتلها هذا الكلام واذا كان يبيك يجي ويخطبك من اهلك وتقول انها قالتله هذا الكلام وانه يقول ماعندي مانع بس ابي اشوف صورتك بالاول واذا كان فيه نصيب جيت وخطبتك واذا ماكان فيه فالحمدلله المهم ان معنى كلامه يعيد ويزيد في انه يشوف لها صوره وهي بصراحه تقول اني خايفه وتصدقون قبل شوي كلنتها وتقول انه كتبلها رقم جواله علشان تتاكد فانتم وش رايكم انا بصراحه من ناحيتي مره اخاف منه ومره احس انه صادق معها بس والله مادري وش اقوله وانصحها فيه على فكره بنات اذا مثلا كلمت على الاتصالات يقدرون يعلمونها الرقم باسم من او لا الله يخليكم علموني:):confused:ولا تسفهوني علشان تتاكد

zazlan
24/04/2003, 07:26 PM
هذه طريقة لعب لو قال إلى قال يبيها يخطبها مو يتدرج وبعدين يأخذ منها شىء صورة خرابيط وبعدين حرام تخونين أهلك اللى وثقوا فيك وهذا اللعب من الشيطان وقال تعالى " ولا تتبعوا خطوات الشيطان" واللي يبيج من الباب يجيء والذئاب الوحشيه الحين أعوذ بالله تبدأ بأدعاء الدين والصلاح ويويلهم من الله ولو كان ملتزم ما تكلم بالشات والخرابيط المخربطه أعوذ بالله قولى له تعال أخطبنى على سنه الله ورسوله مثل الناس وهذه الكلمه هى الأختبار وأقطعى الصله تماما وبعدين يمكن نصيبك ما يكون معاه وباكر يفضحك بأمه محمد أختى أبتعدي الله يهديك ، اللهم انك كريم تحب العفوا فأعفوا عنى.

محتارة بالحيل
24/04/2003, 11:51 PM
انتبهوووووووووووووووووووو ووو من سالفة الصور

هاذي حركة جديدة ارسلي صورتك وابي اخطبك ومدري وشو من الخرابيط ذي


بعدين شباب كثير يلعبوون يسوون انفسهم راعين دين وهم من جنبها


اذا هو رجال وصادق بكل شي يخطبها زي الخلق



اما سالفة الاتصالات اذا دقيتي عليهم مايعطونك الاسم ممنوع لكن اذا عندك

واسطة يجيب لك الاسم ومن وين بعد...



هذا اذا طلع فاتورة لكن اذا طلع من ارقام البطاقات سوى او واصل

يقدر يطلعها بااي اسم..........


ويعطيكم العافية

سحاب الأمل
25/04/2003, 12:11 AM
مرحبا ...

صورتك؟؟ هذي اشارة واضحة على انه مخادع !!!!

لو كان يحبها كان خاف عليها وعلى سمعتها .....

خليها تتركه .... وتنساه نهائيا ...

تحياتي

سحاب الامل ,,,

برلنتي2004
25/04/2003, 07:55 AM
مشكورات يابنات وراح اوصلها كلامك كله خليها تقتنع انه جالس يلعب عليها لاني قلتلها وماصدقتني بس الحين راح اخليها تشوف ردكم علشان تصدق انه مو صادق معها لانها هي بصراحه طيبه زياده عن اللزوم تعتقد ان كل الناس صادقين بمشاعرهم وللاسف ماتدري بالذيابه الي يدورون حواليها:mad:بس اتمنى انشالله يجيها ابن الحلال الي يبعدها عن ذي المشاكل ويستر عليها ومره مشكورين وجزاكم الله الف خير واجعلكم ممن يتبعون الاعمال الخيره وينصحون بها:D:D وبصراحه لازم نصحي البنات من الاعيب الشباب على فكره بعض البنات يحسبونها انا ترى والله العظيم مو انا الي في المشكله والله انا صديقتي ومثل اختي بعد

جزيرة الكنز
28/04/2003, 10:17 AM
اختي الحبيبة هذا لو كان متدين كما تقولين
لما دخل على بنت في النت هذا اولا
ثانيا ماكان طلبها ترسل صورتها وهو يعرف ان هذا حرررررررام وما يجوز
ثم ترى اي واحد يقدر يعطي ادعية ويقدر يقول انه يصوم وانه يصلي في المسجد الحرام وهو كذاب
للاسف صاروا الشباب حتى بالدين يلعبون علشان يحققون مطالبهم
الله يكفينا

bonbona
28/04/2003, 11:44 PM
أنا من رأى الاخت سفر الليل
شوفى صورته واذا عجبج اطلبى منه يتقدم ويشوفج
اذا حصل نصيب بيرد يتصل فيك

برلنتي2004
29/04/2003, 07:57 AM
مشكورات يابنات على هذا الاهتمام وانا نصحتها قبل ماطلب منكم النصيحه يعني نصايحكم ابيها زياده علشان تثق في كلامي وان بصراحه شاكه فيه انه جالس يلعب عليها لانه كل يوم يقولها راح ارسل صورتي ولايرسلها لها:mad:مو شي غريب يوعدها والا الان مافيه شي المهم انا حذرتها وقلتلها ياويلك ترسلين صورتك الشي الممتاز الحين انه الى الان مارسلت له الصوره وهو طايح فيها مدح وانك بنت متربيه وانك بصراحه عجبني مضمونك بس لازم اشوف شكلك ومن هذا الكلام كل يوم وهي تقول اني مو معطيته وجه كثير :(اتمنى تنتهي قصتها على خير

الفت
30/04/2003, 04:43 AM
اهلين أختي برلنتي2004

نصيحه لي صديقتك لاتعطيه صورتها الحذر واجب ربما يكون هذا الشخص يلعب على صديقتك من يعلم ذلك الحذر كل الحذر اخيتي امنعيها من ذلك في ذئاب البشر لهم اساليب عديده بالقبض على الفريسه

تحيااتي الفت

زهرة الفل
30/04/2003, 05:03 AM
يا حبيبتي افرضي انة شاف صورتك وبعدين ما اعجبتيةويش يكون موقفك اكيدتزعلين وراح تكرهينة اذا كان صادق وملتزم زي مايقول راح يروح عندها ويخطبها بدون صور حذاري حذاري من حكاية الصور تحياتي :cool::cool::cool:

7anayeen
30/04/2003, 05:12 AM
هلا أختي برلنتي
حبيت أني ابدي راي في مشكلة ربيعتج لأانه صدق مشكله ، أنتي تعرفين شباب الحين والله مالهم امان ، وبعدين هو قال أنه يبغيها هذا يعني أنه حبها كشخصيه لا كشكل ، ليش بعدين طلب صورتها ترا من الأول كان يكلمها على المسنحر من دون ما يشوفها شو الي صار الحين ، ولو فرضنا أنه نيته كانت صادقه مع أنه ها الشي في الوقت الحالي نسبته قليله مب مشكله أن طرش لها صورته لأنه الريال ما يعيبه أي شي لكن البنت فرضا لو طرشت صورتها واحد أخذها من الهكرز شو بتكون الفايده أنه سمعتها بتتشوه وقوليلها بالنيابة عني أنها لا تجازف بهذا الشي ولو الله رايد الخير بيستوي حتى من دون ما هي تشوفه ويشوفها .
والسموحه أني طولت عليكم
:o :o

nrlove4ever
30/04/2003, 09:38 AM
أبدا لا تسمحيلها إن طرش صورتها بعدين شو عرفها إن هذه صورته و إن هو يصوم و يصلي و إن بعد ما طرشله صورتها بيخطبها

تحياتي

جهينة اليقين
30/04/2003, 10:21 AM
أنا نصيحتي لوجه الله انه لا ترسل صورتها بأي حال من الأحوال مهما كانت

الشاب اذا يبي يشوفها يجي بالبيتها مع اهله ويطلب يدها وعقب يشوفها

الشرع حلل النظر الى الخطيبة فليش المخاطر واللي يبي الحلال يجي من

الباب

لاتزعلين مني بس انا اعتبرتكم مثل اخواتي وخيفة عليكم من حكايت الصورة هذي

ولأمر راجع لكم

برلنتي2004
30/04/2003, 09:17 PM
:):):)اناوالله ماتتصورون وش كثر فرحتي بسبب اهتمامكم في هذا الموضوع وعلى فكره الغريب انه له:eek:ثلاث ايام مادخل عليها يمكن لانه طنشته يعني تركته كل مايسال عن الصوره تقوله اجل الموضوع بعدين يعني انشالله انها افتكة من شره

برلنتي2004
02/05/2003, 08:00 PM
:):):)اهلين تتذكرون لما كلمتكم عن مشكلة صديقتي مع الشاب الي تعرفة عليه عن طريق النت يمكن صار له اسبوع مايدخل النت او بالاصح الماسنجر وقبل امس الخميس :)جا لمهم ضيوف او بمعنى اصح شاب يخطبها هو واهله تدرون مين طلع (a)طلع الي يكلمها بالماسنجر وموافق على اي شي يبغونه وكلمها بالماسنجر امس الجمعه وقالها انه فعلا كان داخل عليها صدفه بالماسنجر ويقول انه زاد اعجاب وتعلق فيها بسبب ردودها عليه وانه اعجبه الحيا الي فيها وازداد اعجاب لما رفضة تعطيه الصوره لما طلبها منها :):D:)وش رايكم في هذي النهايه بصراحه انا فرحانه بالمره لما علمتني صديقتي والله يتمم عليهم بالعفو والعافيه ويحفظهم من كل شر :):cool:لانها هي بصراحه كانت دايم ترسله احديث واشعار ومواعظ وحكم عن العلاقه الي بينها وبينه وانه حرام وماتنفع وتتمنى ان الله يهديه .........وعلى فكره كان صادق في كل شي قاله لها من ناحية عائلته وشغله وفي كل شي :oطولتة معليش والله من الفرحه اتمنى انكم تردون علي

مرموم
03/05/2003, 12:50 AM
الله يهنيهم و يسعدهم مع بعض....:)

لحن المشاعر
03/05/2003, 02:50 AM
قصة ولا في الأحلام و الله أنا سعيدة من أجلها :D
أتمنى لها السعادة من كل أعماق قلبي ;)

ديـدي
03/05/2003, 03:02 AM
قصه مفرحه ربنا يهنيهم ويسعدهم
ديـدى:D :D :D :D :D

moon14
03/05/2003, 03:27 AM
الله يهنيهم و يسعدهم مع بعض
بس مو كل نهاية التعرف عن طريق الانترنت هو الزواج

سيدة الثلج
03/05/2003, 03:38 AM
:o الله يهنيهم ويرزقهم الذرية الصالحة

أم فارس
03/05/2003, 03:58 AM
الله يهنيهم يسعدهم ويرزقهم الذريه الصالحه:) :) :)

برلنتي2004
03/05/2003, 07:44 AM
مشكورين حبيباتي وفعلا صدقتي اختي moon14 موكل الصدقات الي في الانترنت تنتهي كذا تقدرين تقولين لانها هي الحمدلله متمسكه بدينها ومتحفظه عليه وربي وفقها

احساس انسانه
03/05/2003, 09:36 AM
:eek: طيب والزبده انت تشجعين هالشي؟؟؟

بعدين موب ايبنت ترمس واحد في المسنجر مدري الشات يعرس عليها

اعتقد ان ردي مافيه زعل لاني اعتقد اني في قسم القضايا والحوار :)
عموما اذا زعلتي :D دقيراسج في الطوفه قهن قهن قهن
امزح :)

العسل
03/05/2003, 11:39 AM
الله يهنيهم يسعدهم ويرزقهم الذريه الصالحه

زي العسل
05/05/2003, 03:51 AM
أول شي ابي اقولك الله يوفقهم ويسعدهم وثاني شي في حب حقيقي عن طريق الماسنجر بس نادر للاخوات الي يقولوا انه مافي
ويارب اجمع شمل كل حبيبين بالحلال
آآآآآآآآآآآآآآآآآآآآآآمين

visitor
05/05/2003, 04:31 AM
........................................






:mad: كله عاد ولا مسالة الصور .........وانت ما تضمني حد هاي الايام

ونصحي صديقتج وخليه ما ادز له صورتها .........







وبعدين ليش ما اي هو عند اهلها ويشوفها كذا احسن له واحسن الها



لو كان يحبها صحيح ؟؟؟؟؟؟؟؟؟؟؟

Nova
05/05/2003, 05:06 AM
برلنتى اختى الغاليه انصحيها ماتفكر ابدا تعطيه

صورتها مهما يكون ..

اولا مفروض انها ماتمادت معاه ابداا لان صدقينى

اللى يحاول يتعرف على بنت يتزوجها عن طريق النت

غالبا ( وليس دائما ) يكون شخص مرفوض شكلا وموضوعا

ولا مايلجأ للنت كوسيله للعثور على ام لعياله ..!!

بعدين بما انها حكت معاه خليه يوريها صورته اللى احتمال

ماتكون له ..؟؟ واذا اعجبها تخليه يتقدم لها رسمي علما بان

اهلها لو ماوافقوا ممكن من حاله الغضب اللى تنتج عنده

يفضحها ..!! ولو وافقوا عليه تحط فى بالها انها بتتحمل

حركات مالها داعى كثير منه ..منها الشك الغيره

صفتين عاده تقتل الموده والمحبه بين الزوجين وتعيشهم

فى جحيم .. الا اذل كان على مستوى عالى جداا من التفهم

وطبعا بعد مايعمل لها كم اختبار كيذا حتى يثق فيها

واذا نجحت ممكن يفكر يكمل معها وينسى طريقه تعارفهم

اذا اقتنع انها ممكن تكون زله كانت معه ..... وهذى احتمالات


عموما حبيبتى موضوع الصوره خلايها تنساه تماما لانه ممكن

يكون وسيله لعذابات مالها اخر ....

اسفه على الاطاله عزيزتى بس زى ماقلتى موضوع مهم جداا

وحبيت افيد فيه باللى قدرت عليه ...

برلنتي2004
05/05/2003, 11:55 AM
مشكوره بالعكس اختي وعلى فكره احب اقول انه انتهى الموضوع على خير