المساعد الشخصي الرقمي

مشاهدة النسخة كاملة : مشكلتي اني احب ولد عمي



بنت^البدو
24/04/2003, 05:55 AM
السلام عليكم
انا حبيت اشكيلكم عن مشكلتي ولو انها مب مشكله بس انا اعتبرها جذيه ..جفت ردودكم على اللي عندهم مشاكل وحلولكم ..قلت خليني اشكيلكم ومتأكده بتحصلولي حل..وعلى فكرة المنتدى وايد حلوووو...


أنا احب ولد عمي لكن اهوا مايعرف وطبعا اهوا ماجافني ولا مرة لأني اتغشى(اغطي ويهي)انا عادي عندي اذا ماتغشيت لكن بيت عمي متشددين ومضطرة اني اتغشى لما اروحلهم..وانا دوم اجوفه ودوم خواته اييون عندنا ويكلموني عنه صج صج اعجبت فيه وحبيته..بس كيف اعترفله بحبي هذي مشكلتي ..لو قلت لخواته شو بيسون بيعصبون علي ومابيخلون احد ومابيقولونله يعني بفتضح المشكلله متشددين وااااااااااايد ..انزين قولولي كيف اقوله اخاف يخطب او اي احد يخطفه مني..
ربيعاتي كل وحده قالتلي رايها:
في وحده قالتلي انتي قمر ولو جافاج بيعجب فيج وااااايد قالتلي لما تروحيلهم واتجوفينه طيحي الغشوة اونج ماتقصدين يعني غصبا عنج طاحت..بس والله ماقتنعت بفكرتها مااااااادي اخاف اسويها
وفيه وايد قالولي افكار بس مب مقتنعه اسويها اخااااااااااف
قولولي شو اسويييييييييييييييييييييي ي :confused::confused:

حنووووونه
24/04/2003, 06:30 AM
انا صراحه ماعندى حل بس انشاء الله البنات مايقصرون معاك

بنت^البدو
24/04/2003, 07:11 AM
ياريت والله

بنت^البدو
24/04/2003, 11:47 AM
يعني اجوف مطنشيني...مااااشي امل يعني
اظاهر جذيه....خلاص ماني محتاجه لاحد بحاول بروحي احسن

عذبة الروح
24/04/2003, 12:04 PM
السلام عليكم ..

الله يكون في عونج اختي بنت البدو ..

و انا مع ربيعتج .. عن فكرة انه اطيح الغشوة من دون قصد ..

بس تأكدي انه يكون منتبه لج .. و انه ما تبين شي من مفاتنج ..

يعني بس ويهج الي يبين له ..

و الله يوفقج ان شاء الله ..

ان شاء الله تبشرينا قريب ..

تحياتي

البائسة
24/04/2003, 07:30 PM
عزيزتي هل تريدينه ان يتزوج من دميه جميله الشكل يلعب و يلهو بها فقط؟
هل تقبلين ان تكوني في بيتك مجرد تحفه جميله المنظر؟
اذا كان جوابك بنعم فافعلي ماقالته لك صديقتك واذا كنت حقا جميله لدرجه كبيره فاكيد سوف يعجب بك

اما لو كنت تريدين ان يختارك زوجك لشخصيتك و اخلاقك فلا تفعلين هذا..
فانت بطريقتك هذه تجعلين محو انتباهه لجمالك و شكلك فقط..
وبعد الزواج بتشتكي و تقولي ليش مايكلمني و ليش مايناقشني بمواضيع حياتنا..
كثير من البنات يضايقون لما يشوفوا ازواجهم مهتمين بهم فقط بسبب جمالهم الخارجي و لكنهم لايهتموا بكيانهم..فماهو السبب؟
السبب هو انها في اول مره قابلت به الشاب كانت على سنغه عشره..
وانت شوفي كيف البنات يسالون اذا بيتقدم لها شاب اش البس؟ اش اسوي موديل بشعري؟ مكياج؟ و لكن ولاواحده تستفسر عن الكلام الذي سوف تتكلمه معه..
فانت بدخولك لاول مره ورؤيته لك بهذا الشكل الجميل فبالتاكيد سوف يكون له دور فعاااااال.....وسوف يكون تركيزه على الشكل اكثر شئ..
يعني البنت نفسها ويمكن حتى دون ان تنتبه لفتت نظر الشاب لشكلها..
تصدقي..انا اذا تقدم شاب لا اضع اي نوع من ادوات المكياج نهائياااااا..

انت مالذي لفت نظرك له؟ هل كانوا يتغزلون بشكله؟ ام بشخصيته و اسلوبه وتفكيره؟

على كل حال القرار راجع لج...ومثل ماقلت لك يعتمد على ماترين به نفسك و شخصيتك...
ونشوف راي الباقيه..... :)

محتارة بالحيل
24/04/2003, 11:44 PM
يعطيكم العافية...


اختي بنت البدو...اذا مكتوب لك انك تتزوجينه راح تتزوجينه وان شاءالله خير

وربي يوفقك...


اختي البائسة ابي اسالك شلون يعرف تفكيرها واسلوبها واخلاقها والخ
؟؟؟؟؟؟

وهو ولا قد حكى معها ولاشي ولاشافها!!!

وشكرا

:) :) :)

بنت^البدو
25/04/2003, 12:29 AM
هلا حبيبتي البائسه
هل تريدينه ان يتزوج من دميه جميله الشكل يلعب و يلهو بها فقط؟
هل تقبلين ان تكوني في بيتك مجرد تحفه جميله المنظر؟

طبعاااااااااااا لااااااااااااااااا
بس كيف بيعرفني..كيف بيعرف اخلاقي وشخصيتي..اهوا مايعرف عني شي ابدا ..انا افكر اول شي يجوفني احسن وبعديييييين لو لو لو صارت خطبه بعدين بنتفاهم وبنتكلم وبيعرف عني كل شي لأن ماااااافيه غير جذيه

انت مالذي لفت نظرك له؟ هل كانوا يتغزلون بشكله؟ ام بشخصيته و اسلوبه وتفكيره؟
لااااااا بنات عمي ماعندهم هذي السوالف بالشكل يعني لو كان اخوهم ملك جمال مابيمدحون على شكله بالعكس كله يمدحون فيه انه زيييين واخوي طيب .....الخ يعني من هذا الكلام ..اول شي لفتني فيه طبعا كلامهم..وبعدين الشكل لأنه حللووو


هلا اختي عذبه الروح
انا افكر اسويها مافي غير جذيه وطبعا اكيد مابطلع شي من مفاتني
وعلى فكرة في شي نسيت اقوله
لما كنت بصف ثالث اعدادي كنت ببيتهم يالسه بغرفه اخواته وكنت :confused:مالابسه عبايتي ولاشيله:confused:ويالسه عندهم ولا اهوا مايدري اني في غرفه خواته فدخل فجأة وانا صرت جذيه:eek:واهوا بعد صار جذيه:eek: بعدين طلع ..وخواته كان يطالعوني مفتشلين ..قالولي والله اخوي اكيد مايدري انج اهنيه ومايقصد يدخل ..قلتلهم عاااادي ماعليه
يعني جافني..طبعا انا في هذا السن كبيرة وشكلي لما كنت ثالث اعدادي نفس الحين...بس ماعرف باجوووووووف يمكن اسوي طريقه اربيعتي

محتارة بالحيل
هلا اختي صح اذا مكتوبلي اتزوجه بتزوجه
لكن انا بعد لازم احاول

دلوعة
25/04/2003, 05:02 AM
انا مع محتاره حيل:p

برلنتي2004
25/04/2003, 08:11 AM
اتمنى من البائسه انها توضح كلامها اكثر يعني وشلون يعرف اخلاقها وتفكيرها وانا نفس الشي اذا جا احد يخطبني بصراحه مراح اهتم بالمكياج لاني ابه يعجب بشكلي الطبيعي :oبدون اي مبالغات مع انه توي مكمله 21 بس هذا تفكيري وياليت توضحين فكرتك ياخت بائسه:)

البائسة
25/04/2003, 09:59 AM
خخخخخخخخ

ماكنت متوقعه ان ردي يعجبكم :D
على كل حال ودي اقولكم شئ بس مو الحين..خليه في نهايه الرد علشان تبقوا بنفس الحماس :)

شوفي حل واضح و مضمون انا لايوجد لدي..ولكن انا اعطيت رأي بطريقه صديقتك..
بس بعد ماقرات ردودكم قعدت افكر فيها..
شوفي انت تقولين انك احيانا تشوفيه و لما تشوفيه بطيحين الشيله..صح؟
طيب هل في هذا الوقت يكون مثلا قاعد, يمر من جانبك ,او انه واقف مع اخواته او ماذا؟
انا طريقتي هو انك لو تقدري تتكلمي او تقولي شئ يدل على ذكائك او افكارك او مثلا على دينك فماداموا انهم متدينين فاكيد هذه ممكن تجذبه اكثر..
حاولي انك تختاي جميله ذكيه و ملفته للنظر...
وحاولي انك تكرري هذه الطريقه اكثر من مره...
المهم ان تحسني اختيار الكلام...لانه لو كان كلام عادي او راي عادي فلن ينتبه و سوف يعتبره مثل اي كلام اخر
يعني تخيلي مثلا بنت تشوفيها لاول مره و تكلمت..من الجمله الاولى تقدري انك تاخذي فكره عنها...صح؟
انت لازم تسوين نفس الشئ...

ممكن مثلا انك تسوي شئ كبير او ملفت للنظر وتقولي عنه لاخواته فممكن هم بالتالي لما يرجعون بيتهم يقولون اش انت سويتي وهو يسمعهم و يعجب بتصرفك..
يعني بهذه الحاله بيصير معه نفس الي صار معاج..
واذا عندك اي تعليق على كلامي قولي فممكن الاقيلج حل ثاني...

********

برلنتي..المشكله هي ليست المنظر...بس تخيلي مثلا انك خرجتي للشاب بدون مكياج و قعدت تكلمني معه و سولفتي معه و بعدين يكون ردهم بالرفض لانك مش حلوه او انك عاديه..
ولكن لنتخيل انك انت نفسك مع نفس الشاب و نفس السيناريو السابق و لكن كنت مرتبه شكلك و واضعه علبه المكياج كلها على وجهك...فيتم القبول...
صحيح انه واضح انه اختراك علشان جمالك و لكن هذا يوضح لك ايضا طريقه و مستوى تفكيره...يعني هو نسى كل شئ عن شخصيتك لانك مش حلوه..
الهذا الحد المظاهر مهم بالنسبه له؟ و بعدين لاتنسين انك لو تزوجتيه لن تبقي طوال حياتك واضعه مكياج...صح؟

الي ابي اقوله هو اني لست كبيره...يعني لاتاخذون كلامي و كان لدي خبره في الحياه..
انا عمري من عمر برلنتي....واحد و عشرين :D