المساعد الشخصي الرقمي

مشاهدة النسخة كاملة : رجاءاً عطونااا حل لـ هالمشكلة !



أمـ توجان
09/01/2008, 05:44 PM
السلام عليكم ورحمة الله وبركاته
مساءالخير خواتي .. أعرض عليكم الموضوع وأطلب شوركم
القصة ومافيها لأحدى الصديقات وهي صديقة قديمة وعزيزة وغالية ..
أستاذنت منها لأضع بين أياديكم قصتهااا ومشكلتهااا .. وجميع آرائكم تهمهااا كما تقول
قصتهااا :
.. هي سيدة مطلقة من كان عمرها 18 سنة وهي الآن في الـ 30 عندها بنت و ولد ..
تقدم لها كثير لكن ماحصل نصيب .. فكل ما كانت تصلي أستخارة يتفركش الموضوع
وكلن يروح لحال سبيله !
هي تقول أنها تبحث عن أنسان يكون رفيق للعمر ولا تبحث عن الزواج كزواج فقط .. !
الآن تقدم لها رجل في 35 وهو مطلق وعنده 4 أولاد أصغرهم عمره 3 سنوات
هو رجل بكل معنى الكلمة وعلومه علوم رجااال
سألوا عنه في كل مكان و كل الناس مدحوه وأثنوا عليه !
الأثنين أستخاروا الله .. وهي مازالت تصلي كل ليلة الأستخارة ..
وهي متطمنئة للموضوع ومرتاحة .. !
المشكلة أنهم اتفقوا في كل شئ إلا في أهلهم !
فـ أهله أعتراضوا على البنت بحجة أن (قبيلتها ماشي حالها) وهم من قبيلة معروفة ..
رغم أن الأنثين من نفس الجنسية !
خواته .. زاروا البنت في البيت ومالهم إي أعتراض عليها بالعكس عجبتهم كثير خلقة وخٌلق ..
بس أخوانه وعمانه رافضين الموضوع رفض قاطع .. !
والده متوفي و والدته لاهي موافقة ولاهي رافضة !
هو متمسك بالبنت وهي محتاره ..
بصراحة هي تعرف قديش هو يحب عائلته وتخاف تكون هي سبب تفرقتهم ..
هو يقول ماراح اتركك حتى لو تزوجنا دون رضاهم .. !
هو الآن يعرض عليها الزواج من دون علم أهله ..
هي خائفة أنهم إذا عرفوا تصير مشكله بينه وبينهم
وهي تقول أنها ماتحب تكون بداية زواجها بمشاكل
ويمكن مايتقبلونها حتى لو رضوا في نهاية الآمر
وفي نفس الوقت هي تحبه ولاتريد أن تخسره ..
هو يطمنها ويقول لا تخافين أنا أعرف أهلي .. راح يزعلون وفي النهاية بيرضون !
وصلتني معلومات أنه أهله يرفضون لمجرد الرفض ويبون يزوجونه على طريقتهم ..
هو قال لهم في أخر كلامه أنه شال فكرة الزواج من راسه وماراح يتزوج أبدا !
هو خايف إذا صارحهم بأنه هو يبي هذه الإنسانة بالذات يشكون في أمرهم
ويعرفون أن بينهم تواصل .. وهذا الشئ من المحرمات عندهم !
هي خائفة كذلك من ردة فعل أهلهاااا .. تخاف أنهم يرفضون فكرة الزواج بدون علم أهله!
هم مو صغار .. هم آباء لأبنائهم .. وقرارهم المفروض بيديهم ! هذا رأيي ..
مادري وش رأيكم أنتم ؟!
بصراحة هي عجزت من التفكير .. وكل إللى نقوله نعيده ونزيد فيه ..
فقلنا تشاركونااا بالرأي

rocky
09/01/2008, 05:52 PM
اذا السالفة سالفة قبايل..عزا الله محد بيتزوج!
اذا هم مستخيرين فليش التردد؟ هم سائلين ربهم وهذي تكفي وتسد!
واذا كان الشخص واثق بان الامور بترجع لمثل ما كانت..فليش التردد؟
واتمنى لو ان الشخص يذكر اعمامه بحديث الرسول عليه الصلاة والسلام..الي بما معناه ان الاخلاق هي مقياس الزواج مب الحسب والنسب!!
واتمنى لها التوفيق إن شاء الله

$sweet girl
09/01/2008, 06:03 PM
والله أختي مو عارفه شاقولج!!لان السالفه فيها قبايل وفزعه..أنزين نفترض إنهم تزوجوا..شرايج بأمه!!وأخوانه!!شلون بيكون ردة فعلهم....!!!

إنا إجوف بالاول...أنهم يصبرون ..وبعدين أهوا يقدر يقول ..أن أهوا أبو عيال..ومحتاج لحرمه يرتاح لها..ويكلم أمه عن الموضوع ..أهم شيء...إذا وافقه توكلوا..على الله ويروح يأخذها ....وإنا أجوف إن عمامه مالهم حق لان الرجال مب أصغير..واحد عمره 35 يعني نااااااضج...ما يحتاج حد يعلمه روح يمين وإلا يسار...
وإذا على أخوانه كل واحد بيروح لحال سبيله كل واحد فيهم بيتزووووج...وإنا هذا رائي..

الجوهرة السعودية
09/01/2008, 06:16 PM
انا وقفت عند هذة الكلمة ويعرفون أن بينهم تواصل .. وهذا الشئ من المحرمات عندهم التواصل مع رجل غريب محرم شرع وليس فقط عندهم هو لسة ماتزوجها احسن حل انة يصارح اهلة يقولهم انا ارتحت لهم وصليت استخاارة اذا فعلا صلى وارتاح وهي ارتاحت ولازم وقفة جدية هما مو صغار والاعتراض فقط على النسب ولافرق بين عربي ولا اعجمي الا بتقوة

لوٍن المطرٍ
09/01/2008, 07:03 PM
يحاول يقنع أهله وإن شاء الله يوافقوا عليها

وصلاة الاستخارة والاحساس بالراحة كافية لارتباطهم ببعض

إذا الله كتب لهم هالزواج صدقيني بيصير غصب عن كل اللي حواليهم

بس لايستعجلوا

الله يوفقها إذا لها خير فيه ويتمم زواجها على خير يارب

ميسى كوول
09/01/2008, 07:29 PM
هلا اختيه\\\
خليه يقنع اهله مرة ومرتين وثلاث هذا امتحان لهم من رب العالمين واهو الريال اهو اللى يتعنى ويقنع اهله بالنهايه مدام كان ريال ومستقل بنفسه وقراراته فاعتقد انه سيد قراراته,,لكن بعد ماننكر دور الاهل ويمكن ظروفهم ومجتمعهم فيه هاى الافكار,,ومب بسهوله ييى شاب او ابن ويشل عادات رسخت من زمااان بيوم وليله لابد من صبر وتعب لين تتحسن الامور,,اهم شىء يكونوا مقتنعين حق بع والاستخاره اهم شىء واللى فيه الخير الله يجدمه لهم
تحياتى^^

الشيخة
09/01/2008, 09:04 PM
ماشاء الله

الله يعينها ويعينه

لا هي غلطانه ولا اهووه
بس يستحسن ان يكون لعائلته فكره بموضوع زواجها

هذا لصالح البنت اكثر وضمان لحقها
لانه لو بعدين عرفوا اهله شنو راح يصير!
اكيد اكيد راح يفصلونها عنه .. لانه مثل ما قلتي يحب اهله
وباين من كلامش ان اهله ناس متشددين ومتحججين بعد!
يعني بسووون له من الحبة قبة

لا يعلنونها زواج قبل مصارحته لاهله بشكل حااااااااااااازم
اهو مش صغير ينتظر منهم الموافقة
و لما يقول لهم يخبرهم من باب الاعلام فقط ليس إلا
هذا اذا شاري البنت تمام


الله يوفقها
ويستر عليها

الجوكره
09/01/2008, 10:02 PM
من الاول تبدأ المشاكل انهم مابيوافقوا
اصبري وهو يكلم اهله مره ومرتين وثلات لين يوافقوا
وصبري لاتفكرين انك تبتدي حياتك الزوجية من الاول بمشاكل
هم انسان كبير وعاقل مو صغير عشان ما يعرف مصلحتوا وين ان شاء الله بيكون من نصيبها
ولازم تحط شي ببالها انه اذا الله كاتب لها انها تتزوجه مافي احد لا امه ولا اهله بيقدرون يمنعون هذا الشي
الله يوفقها

Boo0ooBle
09/01/2008, 10:15 PM
هي مابيدها شي ..الحل عنده هو ..لازم يقنع أهله وانه كبير يقدر يختار اللي يباها..

الريـــــــــــــم
09/01/2008, 10:44 PM
والله يا عزيزتي الطرفين مش صغار و كل واحد مر بتجربه و صعب يلقون طرف متفهم لوضعهم و هم لقوا بعض الحمدلله

الحين الرجال مب كبير ولازم تكون له وقفه و مثل ما قالت الاخت "الشيخه" الي المفروض يسويه من باب الاعلام فقط لا غير و يقول لهم لا تخسروني ولا أخسركم انا هذا البنت شاريها ومحد بيغير رايي عنها

ومهما كان ما لهم بد منه و بيتقبلون الامر اذا شافوه متمسك ولا ناوي ينصاع لكلامهم

الله يوفقهم ويتمم الموضوع على خير =)

#روحـ مغليها#
09/01/2008, 10:51 PM
والله احس كلهم كبار وعارفين مصلحت انفسهم .!
من رئيي يبلغ اهله ويتوكلون على الله ويتزوجون دامه عارف اهله بيزعلون ومصيرهم بيرضون
الله يوفقهم ويختار لهم الصااااالح

أمـ توجان
10/01/2008, 05:14 PM
rocky
$sweet girl
الجوهرة السعودية
لوٍن المطرٍ
ميسى كوول
الشيخة
الجوكره
Boo0ooBle
الريـــــــــــــم
#احلى الصبايا#
أشكركم حبايب قلبي..
والصديقة صاحبة المشكلة تشكركم أيضاً على زخم تواصلكم وآرايكم الطيبة
في أنتظار باقي البنات ..
(f)

الشيخة
10/01/2008, 07:21 PM
اختى الكريمة

الموضوع مش مشكلة في حد ذاتها عشان الاراء تختلف من وحدة للثانية
الموضوع بسيط وسهل جدا!
فقط المسالة بيد الزوج الان

انه ياخذ بادرة منه ويبلغ أهله بزواجه ويتوكل عالله
اذا البنت عمرها بالثلاثين يعني هو بأي عمر!! عشان يتخوف من هله!
هو الحين صاحب القرار النهائي في الموضوع
ولا ينسى انه عنده ولاد صغار وهالبنت اكيد اكيد راح تشرف على تربيتهم ورعايتهم! فمش قليل بحقها انه يروح يبلغ اهله .. إلا هذا اقل حق يأدي لها

ومثل ما كلنا عارفين ان الزواج اعلاااااان واشهاااااااار
واي زواج يخرج عن نطاق اخبار الناس .. بعض ها اقول بعضا من رجال الدين لا يجوز هذا الزواج اساسا

طيب هو ما فكر في اهلها! ليش البنت مقطوعة من شجره!!
يعني ما عنده أخو او أبو راح يعترضوا على كون الموضوع لو مشى بيكون سر!!

طبعا الي ما ترضى لاهلك لا ترضى لبنات الناس



الله يوفقها ويوفقه
ويسهل لهم
ويجمعهم على خير

قلم انثــى
11/01/2008, 12:18 AM
انا متاكده اذا السالفه فيها قبايل

صدقوني ماراح تتم المسئله على خير

انا ما اتشائم بس والله هذا الحاصل

وهذي علوم القبايل الي ذبحتنا

مع اننا كلنا من طينه وحده :)

@نبع الجود@
11/01/2008, 12:24 AM
الله يسهل أمورهم أختي بس سالفة أنهم يتزوجون بالسر ليش ان شاء الله هو حرام الزواج من قبيله ثانيه وهذا الشي راح يسبب لها متاعب كثير لانهم في النهايه راح يعرفون عيلته وتكبر المشاكل وراح يكرهون صديقتك مع انه اصلا مالهم خص بالموضوع هم كبار ويعرفون مصلحتهم بس سر مايصلح <<<وبعدين هو لازم يحاول مع عمانه واخوانه اكثر من مره الى ان ربي يسهلهم ويوافقون

**مسكته**
11/01/2008, 12:43 AM
هلا ختيه سلمي عليهااا وقولي لهااا هااي مشكلته هو وأهله وكيف يخليهم يقبلون بالموضوع

بعدين هو ريال وأب مب ياهل فالمفروض أهلة ما يخصهم فيه لأنه ريال كامل مسؤول عن تصرفاته

وخليهاا بعد تفكر في عمرهااا من ناحية إسلوب هله وكيف بتربي 6أولاد

أنا من رأيي تبعد عنه لين ما يحدد هو شو يباا مرضاة هله أو سعادته

والله يكتب لي فيه الخير

أمـ توجان
12/01/2008, 03:01 PM
الشيخة .. قلم أنثى .. نبع الجود .. مسكته
وباقي الأخوات مايهنون ..
كلامكم منطق وعين العقل .. جزاكم الله خير
لاتنسوهااا هي وكل بنات المسلمين إللى مابعد تزوج من دعاكم ياكريمات فـ دعاء المسلم لأخيه المسلم في ظهر الغيب مقبول ومستجاب.. !
الله لايخيب ظن كل مؤمن ومؤمنة
كل الشكر مرة أخرى وتقبلوا تحياتي
(f)

أمـ توجان
17/01/2008, 01:31 PM
السلام عليكم
يابنات حبيت أقولكم .. اليوم راح يتقرر مصير صديقتي وخطيبها
هو اليوم سافر لأهله وراح يأخذ منهم الكلمة الأخيرة .. !
وبصراحة هي حاسته بين ناريين وهي متعلقة فيه مره وهو بعد بس أهله مازالوا معندين !
دعواتكم لهم يا خواتي ..
الله يجمع بينهم بحلاله أو يصرفهم عن بعض وقلوبهم راضية بماكتبه الله لهم

ورود بلا اشواك
17/01/2008, 01:53 PM
اولا يجب ان يذكر اهله بقول النبي صلى الله عليه وسلم (( لا فرق بين عربي واعجمي الا بالتقوى ))

ثانيا لازم يفهم اهله دام انها امراة على خلق ودين وراضيه فيه فالحمد لله يمكن يختارون له امراه ثانيه وتكون دنيئة الأخلاق او ما يرتاح لها قلبه وامهم رايه في هالموضوع اهم شي ان يكون مرتاح ومايل قلبه لها والله يجدم اللي فيه الخير والصلاح

hebafarouk
17/01/2008, 02:31 PM
السلام عليكم -- الاهم انها تتأكد انه فعلا بيحبها و عايزها و مش حيستغنى عنها -- و هو لازم يصمم امام اهله انه عايزها هى او مش حيتجوز غيرها -- و صدقينى مع تصميمه غالبا حيرضخوا لطلبه

mlsooonh
17/01/2008, 09:40 PM
كيف تقدر تعيش مع انسان وهي منبوذه من اهله ...

المفروض تشيل هذي الفكره بتاتا من راسها ...

تتخيل لو كان عندها ولد .. ترضى ان ولدها يسوي شي من دون شورها ...

وبعدين العرق دساس ويضرب لراس ...

الواحد يوم يتزوج ياخذ المره اللي يفتخر فيها عند هله ما يستحي بأصلها ...

انا ضد هذي البنت

الــوافــيــه
17/01/2008, 10:22 PM
اذا السالفة سالفة قبايل..عزا الله محد بيتزوج!
اذا هم مستخيرين فليش التردد؟ هم سائلين ربهم وهذي تكفي وتسد!
واذا كان الشخص واثق بان الامور بترجع لمثل ما كانت..فليش التردد؟
واتمنى لو ان الشخص يذكر اعمامه بحديث الرسول عليه الصلاة والسلام..الي بما معناه ان الاخلاق هي مقياس الزواج مب الحسب والنسب!!
واتمنى لها التوفيق إن شاء الله


اختى الكريمة

الموضوع مش مشكلة في حد ذاتها عشان الاراء تختلف من وحدة للثانية
الموضوع بسيط وسهل جدا!
فقط المسالة بيد الزوج الان

انه ياخذ بادرة منه ويبلغ أهله بزواجه ويتوكل عالله
اذا البنت عمرها بالثلاثين يعني هو بأي عمر!! عشان يتخوف من هله!
هو الحين صاحب القرار النهائي في الموضوع
ولا ينسى انه عنده ولاد صغار وهالبنت اكيد اكيد راح تشرف على تربيتهم ورعايتهم! فمش قليل بحقها انه يروح يبلغ اهله .. إلا هذا اقل حق يأدي لها

ومثل ما كلنا عارفين ان الزواج اعلاااااان واشهاااااااار
واي زواج يخرج عن نطاق اخبار الناس .. بعض ها اقول بعضا من رجال الدين لا يجوز هذا الزواج اساسا

طيب هو ما فكر في اهلها! ليش البنت مقطوعة من شجره!!
يعني ما عنده أخو او أبو راح يعترضوا على كون الموضوع لو مشى بيكون سر!!

طبعا الي ما ترضى لاهلك لا ترضى لبنات الناس



الله يوفقها ويوفقه
ويسهل لهم
ويجمعهم على خير



عين العقل

وهالريال عود مب صغير عشان يشاور أهله وأعمامه هو حر

يتزوج اللي يبيها مدام الله سبحانه مريحنهم حق بعض

فخليهم يتزوجون ولا يترددون

هالريال راح يكون عزوه وستر لعيالها حرام تخسره بأسباب

تافه الحسب والنسب إحنا عائلتنا معروفه ( السويدي )

بس أنا تزوجت من واحد عائلته ( البلوشي )

وعند العرب هالشي معروف ان العرب مايناسبون الا العرب

بس أنا فديتني خخخخخ كسرت القاعده وحطمت

الركورد وهالغروووووور اللي بعائلتنا وخذت بلوشي هههههه

زين سويت كسرت خشومهم

حبووووووبه خلي ربيعتج تكبر عقلها وتفكر في عيالها

الله يخليهم لها واللي الله كاتبنه بيصير...

الجوهرة
18/01/2008, 12:20 PM
اووووووووه هالسوالف قديييييمه

روحوا شوفوا الطبيبات ماخذين من كل الجنسيات

وياما وياما بناااااات خذوا ناس مب قبايل

اشلون الريِال ؟؟؟؟؟؟؟؟؟

صراحه إذا يبيها بيحط أهله جدام الأمر الواقع وبياخذها

والله اني أعرف ناس ولدهم يبي مصرية مايعرفون عنها شئ وصمم ثلاث سنين مايبي غيرها وأصلا شايفها في مصر وخذها والحين عندهم عيال

وواحد يبي بعد مصرية بس هني في قطر وعقب سنتين وافق أبوه انه ياخذها والحين مالكين وبيزوجون قريب

وبعد واحد قطري قبيلي خذ وحده مالها أصل خضيريه والحين عندهم بنتين وأهله مب موافقين ولاحضروا العرس ولاحد يكلمها ولايعرفونها ولاتعرفهم

الحين هذي عندها عيال واهو بعد يعني يتزوجون ويربون عيالهم أبرك

يابنات إذا انتوا الصغار تعقدون الأمور اشلون العيايز!!!!!!!!!

والله انه فيه وحده في فريجنا خضيريه وماخذها قبيلي وهو عنده عيال وهي بعد وهي عيوووووووز ومات عنها والحين ولده ماخذ بنتها وعايشين أحسن عيشه ومدلعين بعض وعندهم عيال

متى بنتقدم بس واحنا ماهمنا غير المظاهر والتفاهااااات

اغلاهم ويسواهم
18/01/2008, 01:38 PM
لازم يرجع ويحاول يقنع اهله لان هو اللي راح يتزوج مو عمامه واخوانه فلازم هو اللي يختار وعسى الله يقدم اللي فيه الخير

لآلئ الكون
18/01/2008, 01:58 PM
لاتتسرع وتتخذ القرار النهائي الابعد مايقنع أهله ألحين الناس وهم مقتنعين بالبنيه وعلى اختيارهم أحيانا تكون مشاكل فما بالك لو كانت من قبيلة غير ومنبوذة أصلا والله يكتب اللي فيه الخير والصالح.

أمـ توجان
17/07/2008, 10:15 AM
السلام عليكم
كيفكم ياحلوين
رجعت لكم اليوم ولهذا الموضوع بذات و أنا أحمل لكم بشارة
أتمنى بعد ماتعرفونها أنكم تدعون لصديقتي وأن الله يتمم لهم على خير
حبيباتي ابشركم أن صاحبة هذه المشكلة وإللى هي صديقتي المقربة
تمت ملكتها البارحة على خطيبها هذا بعد أن حل المشكلة ودياً مع أهله
والحمدلله أعطوه الضوء الأخضر بعد ماشفوا قديش متعلق فيها .. والحمدلله
والفضل يعود لله عز وجل ثم لدعواتكم الصادقة وقوة تمسكهم ببعض وصدق نيته مع الله عز وجل (f)
وكمان الموضوع مايخلو من مكر النساء .. وإللى أضطرت لأستخدامه صديقتي :wink:
والحمدلله جاب نتيجة وأثبت لها وللكل أنه صدق يحبها ولايقدر يستغني عنها :15:
وزواجهم ثالث أيام العيد بإذن الله عز وجل .. وترى الكل معزوم :)
كل الشكر لكم ولدعواتكم الطيبة ونصائحكم الخيّرة والله يتمم لهم على خير
قولوا أمين (})

المهم / نصيحة لكل بنت وشاب يحبون بعض أن يصدقو النية مع الله ويكثرون من الدعاء ويبعدون قدر الإمكان عن مانهى الله عنه و العقبى لكم حبيباتي .. أهم شئ مايدخلنا القنوط واليأس ونتمسك بالإيمان والأمل (f)

أمـ توجان
17/07/2008, 10:21 AM
كيف تقدر تعيش مع انسان وهي منبوذه من اهله ...

المفروض تشيل هذي الفكره بتاتا من راسها ...

تتخيل لو كان عندها ولد .. ترضى ان ولدها يسوي شي من دون شورها ...

وبعدين العرق دساس ويضرب لراس ...

الواحد يوم يتزوج ياخذ المره اللي يفتخر فيها عند هله ما يستحي بأصلها ...

انا ضد هذي البنت

الله يسامحكِ ماقول غير كذا .. هي وصلها تعليقك ولاتحمل لكِ إلا كل محبة :15:
ولو تدرين أنها من بيت أعزهم الله بالعلم والدين .. ونصيحة أخيرة ترى الألقاب ماتكبر "صغير" !
والله يعطي كل واحد على قد نيته

(f)