المساعد الشخصي الرقمي

مشاهدة النسخة كاملة : مشكلتي مالها حل ..!!..



دمع الليل
03/01/2008, 01:56 PM
السلام عليكم ورحمة الله وبركاته

اكثر من 20 مرة ادخل القسم اكتب مشكلتي وامسحها من تيني الغبنة على حالي
تعبت خواتي ونفسيتي في الحضيضضضضضضض .. ولو في اقل من الحضيض هذي نفسيتي
مشكلتي طويلة عريضة واوقات احس مالها حل



باقول لكم اياها من البداية
خواتي انا متزوجة عن قصة حب من يوم كان عمري 16 سنة حبني انسان .. ويه قال لهلي باحجزها لين تخلص مدرسة وبنتزوج واهلي وافقوا ...
ويوم كملت 18 سنة خطبني وملكنا رسمي... وخلال هالفترة صج كان له نزوات وكلم بنات بس كل مرة يقسم لي بيتوب وانه يحبني وايد ...


بعد ملكتي بكم يوم وقبل الخطبة الرسمية بيومين جفت بغرفته رقم بنية وكاتبه عليها احبك واموت بحبك .. واتصلت لها وكلمتني وقالت اي هذا حبيبي بس ابتعدت عنه وسكت عن السالفة وهي دقت عليه خبرته اني اتصلت ويومها مد يده علي وقال لي مالج حق ..



بعدها بفترة الخطوبة مرت علي سم ولا يوم فيها تهنيت على طول يمد يده علي ويطقني .. ومع ان احنا مالكين واني مرته بس على طول اهلي كانوا يصرفون علي ولا يحب يطلعني مثل باقي الخلق والناس وعلى طول يتعذر ومرة سويت روحي بنية ثانية تكلمه بالنت و طرشت له رقم رفيجتي الروح بالروح وهي ما قصرت بس تدز مسجات عساس انه انا ..
وواعدته بمطعم ورحت مع رفيجتي ... وجفته هناك وقلت له عايشة "الاسم للبنت الوهمية " تسلم عليك ومطرشتني اييك بدالها ... و طلعت عنه وتم يلاحقني للبيت
وقررت حزتها اتطلق منه بس حسافه بعد كم يوم اكتشفت اني حامممممممممممل ..:confused::confused::confused::confused:

وهني تراجعت عن قراري والكل طمني بيعقل اول ما اييه الضنا
وانا عشان لا انفعل ولا شي ما تميت ادور باغراضه بفترة الحمال وكنت خايفه على جنيني لو مد يده او شي وصج مرت فترة الحمل بسلام لحد ما وصلت نهاية السابع وكان يراويني صورة صديقه في التلفون لقيت صور بنات وخذيت التلفون من يده ودورت كل شي فيه لقيت مسجات و بنات يحبهم ويطلع معاهم وكل شي ... هني نفسيتي تعبت وما رحمني وعلى فكرة هذا كله واحنا قاعدين بغرفةةةةةةةةةةةةةةةةةةةةة ةةةةةة وحدة في بيت عمي وشقتي مب زاهبه وكل يوم يقول لي نامي ببيت ابوج احسن لان شغلي شفتات مرة صبح ومرة عصر ومرة بالليل

واهلي يصرفون علي بعد وهوه ولا يعطيني ولا شي وكله يقول ما عنده .. فالح بس يصرف ع البنات ومكالماته لهم


وبعد ما ولدت كان اييني الغرفه ربع ساعه ويقول مشغول ..وانا والده بعملية وقبلها ترقدت اسبوعين نبضي ونبض الياهل كان تعبان من الهم والغممممم والتفكيررر و اخر شي بفترة الاربعين قال لي طلعي بيزات من البوك عطيهم اخوج يشتري شغله وانا فاتحته الا اجوف بطاقة تلفون ثانية وفتحتها ولقيت مواعيد غراميه وحب و دقيت ع البنية وعلمتني قصتها وان هيه طلعت معااه وتخيلو في سيارةةةةةةةةةةةةةةة ابوي ..
ابوي الي على طول يساعده واذا سيارته عطلانه يصلحها له و يعطيه سيارته الثانية اليديده عشان يستخدمها يقوم يخون الامانة ويطلع فسيارة ابوي مع بنية ثانية
ويراويهم صورة ولده يقول لهم ولد اخته وان نفسه يكون له عيال منهم مثل حلاته .......:confused::confused:
ويوم قلت له لقيت الرقم وكل شي طقنييييييي طق وفي بيت ابوي ومحد كان هناك واول ما يوا قلت لهم على طول بيتنا ودوني الشرطة اشتكي عليه و كتبوه تعهد ...
ومن يومها شوي ركد وعقل لاني ابتعدت عنه شهرين

وعقبها يه يصالحني ورجعت له

ويا ريتني ما رجعت له ..
صج تم معاي فترة تقريبا 4 شهور اوكي .. واحين سافر يدرس ورجعت بيت ابوي...
وهوه هناك اشتغل واصرف عليه وعلي
ويوم رجع في اجازته احين ... لقيت بالغلط في الهاي فايف صورته وايميل له وجربت باسووردات وطلع واحد صح ..
ولقيت بنات يكلمونه ووحده اطلعت معاه بالعيد وفي العيد يقول لي ما بنطلع لاني تعبااااااااااااان تخيلووو .
ويتصل لهم من هناك ومكالمات دولية غالية ..

واحين هو يوم كلمته تم ينكر .. ومسوي روحه زعلان
وعلى فكرة خواتي انا مهري خذاه حتى و الذهب خذاه يبيعهم ويستخدم البيزات على سياراته وخرابيطه ..
واذا رفضت يزعل وما يكلمني

احس صار مالي كرامة عنده مجروحةةةةةةةةةةةةةةةةةةةة ةةة ومحتارة خايفه اتطلق وولدي يضيع ..
وخايفة اتم معاه وافقد كل مسمى الانثى لاني صرت ضعيفه وعيني كلها رماديه من الهم والغم .. وما صرت اطلع ولا احب اقعد مع احد ويايني اكتئاااااااااااااااب حتى ولدي ساعات ما احب احمله اخليه بس عند امي ...

الكل تدخل في حياتنا اهلي و اهله يحاولون يصلحون بس ماكو فايدة .. صج خواته وهله يحبوني بس بعد وايد كانوا يتدخلون في خصوصياتنا وبسبب انا احنا عايشين بغرفه
الشقة مب قادر يجهزها ويكملها لان ما عنده بيزاتها

واحين طلع يدرس طيران واحاتي احين في البر مب قادرته باجر اذا صارت له اسفار ... اكيد بيخوني فكل مكان ..


بنات شوروا علي اتطلق منه وارتاح ؟؟؟؟؟؟؟؟؟؟؟؟؟؟؟؟ والا شسواة
على العلم على طول اتعدل له واتمكيج واسوي الحركات الحلوة اعزمه على مطاعم وعلى السينمات و افاجئه بهدايااااااااااااااا
واقصر على روحي واعطيه ...


قولوا لي شاسوي؟؟


في أمان الله

العروسه1358
03/01/2008, 02:03 PM
اختي ماعرف شقولج هاي وانتي تقولين كان بينكم قصة حب وغرام اي حب هذا اللي قاعد يلعب معاج انا لو مكانج عقب كل هاياللي مافاد معاه بتركه لفترة طويله عشان يحس وعقب اذا رجع نفس الشي بخليه علي طول شلفايده اتم مع واحد راعي البنات لا مب وحده كذا بنت مايصير اختي أنا أبيج تعطينه آخر فرصه واذا سوا نفس الشي خلاص روحي من عنده واللله يكون في عونج انتي وولدج اصلا هالانسان مايعرف معني الحب واشلون ياخذ مهرج والذهب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

ام احمد
03/01/2008, 02:33 PM
لاحول ولاقوة الا با الله
الله يعينك اختي على ما بلاك
ما ادري شقول لك
الحياة مع هذا الانسان صعبه جدا جدا
لو انا مكانك اكييييييد راح اطلب الطلاق بدون تردد
لان الرجال راعي بنات ولايفيد معاه اي شي
و وصلت عنده انه ينكر ولده و يقول للبنات هذا ولد اختي بس حتى يوصل للغراميات و خرابيطه
لكن الولد الي بينكم حراااااااااااااام يتشتت و يضيع
و انا من رأيي اذا انتي قادره تعيشي طفلك اطلبي الطلاق
و عيشي معززه مكرمه و صدقيني اذا زوجك يبغاك راح يرفض فكرة الطلاق و بشده
وراح يوعدك انه راح يبطل ها الحركات لكن انتي اصري على موقفك و روحي بيت اهلك
كم يوم حتى يحس انك انتي عازمه على كلامك و راح يفكر عدل في حيااته و هدام بيته
و اكيد اكيد راح يبيع البنات الي يماشيهم و يشتريك انتي و بها الطريقه راح تعرفي اذا هو يعزك و يبغاك او لا
ووقت الصلحه اطلبي الشروط الي انتي تبغيها و ان اي خيانه او عدم تنفيذ اي شرط من ها الشروط
هو في طريق و انتي في طريق

دمع الليل
03/01/2008, 02:39 PM
السلام عليكم ورحمة الله وبركاته

الاخت زينب العروسه
والاخت احمد احمد اشكركم جزيل الشكر على سرعة الرد

بس بوضح لكم شغله

مرة بفترة الخطوبة قررت انفصل عنه وقلت لاهلي وكانت اول مرة يعرفون انه يطقني وبعد تقريبا سنة من الطق والاهانات .. و قالت لي امي ما تروحين له لو شنو يصير و قام يتصل بعمتي اخت ابوي لاني وايد احبها ويقنعها انها تقنعني بالرجوع وحضرناه وكان ابوي وعمتي وزوجها قاعدين و قسم لي وتعهد ما يسويها مرة ثانية


وعقبها رجع يطقني و يخوني ويوم طقني وانا والد بعد خليته تقريبا شهر وتم يتاسف ويبجي وياني يوم ملجة اختي البيت وتم يتاسف ومتحسف وندمان وقال لي عشان ولدي


وبعد احين رجع مثل قبل

وانا اريدي فبيت ابوي بس حزة الي ازعل وكل شي ما اكلمه وابند تلفوني واخبر البيت لحد يخليه يدخل او حتى اذا اتصل ما ابي اكلمه

وانا طلبت منه الطلاق كذا مرة فسوالفه بس هوه ما يبي يطلقققققققققققققققققققققق ققق
ويقول لي لو تذبحيني ما طلقتج ؟؟...



ساعدونييييييييييييي خواتي احس روحي باموووووووووووووووووووووو وووووووت من الهمممممممممممممممممممممم ممممممممممم
في أمان الله

دمــ ـ ـوووع
03/01/2008, 04:04 PM
هلا ياقلبي

سمحي لي حبيبتي

الحين انتي تقولين قصة حب من انتي عمرك 16

هو كم عمره بالضبط؟؟

وايش اللي سواه علشان تقولين انه يحبك؟؟؟

في ناس تحط عينهم على بنات او عايله معينه لانهم مثلا يدرون

ان هالعايله هاااااديه وماتسوي شي او تتصرف...

طيب...

الحين هو مايصرف عليج

ويطقج

و مو مسكنج ببيت

ويكلم بنات

ومستهتر بكرامة ابوج

ومو مقدر ولدج

وحاقرج ومسويج مقصه

ويحلف كذب

وبعدج متحمله..!!!

سمحي لي يالغلا بس انتي الحين وش الفرق من يوم كنتي بنت ويوم تزوجتي؟؟

كرامتج صح....

الا اهله وينهم فيه؟؟؟؟

حبيبتي....هالانسان خساره فيه وحده حبوبه وطيوبه مثلج

واللي حلف وتعهد واقسم اكثر من مره ولا يوفي وش ننتظر منه بعد

هو استانس على حركة انج تسامحينه كل مره وانج تدرين عنه وتغفرين له

خلاص تعوووووووووووود....

وبالبدايه الرجال يسوي بالخفا علشان زوجته ماتدري...بس من يوم تدري وش له

يظل بالظلام...

روحي المحكمه وطلبي منه الطلاااااق....صحيح ابغض الحلال عند الله الطلاق بس

ولا انك تعيشين هالمذله والاهانه وبالطقاق فيه وخله في خرابيطه...

وصدقيني...

الدنيا دوارهـ...

بنوتة اماراتي
03/01/2008, 04:15 PM
و بعد هذا كله بعدج قاعده عنده؟؟؟

الحين يظربج انتي باجر بيظرب ولدج بعد .. حرام انتي تعيشين في هالجو
و ولدج بعد يعش فيه .. هو جي و الا جي ما يصرف عليج و لا يسوي شي
يعني انتي ساده عمرج
خلاص افتكي منه .. هذا عمره ما بيتصلح .. كم تاسف لج و اعتذر و قال انه ما بيعيدها
بس عادها مره و مرتين و ثلاث
يعني خلاص ... ما شي فايده منه ..هذا واحد يبا يلعب على كيفه

أموله الدلوعه
03/01/2008, 05:36 PM
الله يصبرج ويبعد عنج الاذى

حببتي انصحج انج تقعدين ويا هلج قصدي مثل ابوج وامج واخوج العود وعمتج
يعني اشخاص كبار ولهم خبره وتناقشون هالموضوع

واللي يشورونه عليج سويه
بس انتي بعد لا تخبين عليهم شيء وخليج صريحه وياهم بوقت النقاش يعني ما يقصرون وياج بالنصيحه

انا انصحج بهالشغله والله يوفقج
ولا تنسين تصلين استخاره

ولو الموضوع على ولدج فحضانته من حقج دامه صغير وانتي تقدرين تعيشينه بعيشه احسن من العيشه اللي راح يعيش فيها وياكم دامها كلها طق واهانات
وان شاء الله راح تقدرين تعوضينه عن الحنان والحب

الله يوفقج ياقلبي

فتافيت
03/01/2008, 05:37 PM
السلام عليكم
الله يكون في عونك أختي
بس الضرب ما ينحمل لازم تخلي أبوكي أو أخوكي يحاكيه
كل شئ الا الضرب

rocky
03/01/2008, 05:58 PM
الطق, والكذب,وعدم الاهتمام..والمحاولات الي صارت من قبل الأهل..والمحاولات الفاشلة..وسوالفه مع البنات ...في راي ماتدل على انه بيكون الأب المثالي لولدج؟ وفي راي لشخصي انتي خايفة على ضياع ولدج؟ انا اشوف ان ولدج لو شاف الطق والمهزلة الي تصير هني نقدر نقول انه ولدج بيضيع!
مهما كان فحرام انه يطق حرمته!وهذا شكله مايقدر الحياة الزوجية..
بس حاولي لعل وعسى الله يصلح حاله..
وبالتوفيق

ندايم
03/01/2008, 07:01 PM
(( كف صفعني نفعني ))

على كل اللي سواه بعدني بقولج...

انتي اللي غلطااااااااااااااااااانه من البدايه...

اصلا هو مافيه ذرة رجوله...(( اسمحيلي ))

براسلج على الخاص...

سماء الحياة
03/01/2008, 07:09 PM
الله يصبرج ويبعد عنج الاذى

yma
03/01/2008, 08:40 PM
اختي انتي من البداية غلطانة
ازا بفترة الخطبة بتسمحيلو انو يمد ايده عليكي
انا لو محلك او تنهد الدنيا ما برجعله من فترة الخطبة

شوفي اختي
انا بدي احكيلك شي
انا عمرها ما وحدة استشارتني في هيك موضوع و قلتلها اطلقي
بس انتي بقولك اياها و انا ضميري مرتاح على الااااااااااااااااااااااا خر
تطلقي
لان ابنك ما رح يصيرله شي
لانه اهلك على كل الاحوال هم الي بيصرفوعليكي و على ابنك
تطلقي و عيشي انتي و ابنك عند اهلك
وكملي تعليمك و عيشي حياتك بكرامة
حتى لو ما تزوجتي بعدها
بس على الاقل عايشة حياة مثل باقي الناس
تطلقي قبل ما تخلفي منه اولادكمان و ساعتها تكبر المصيبة

اعذريني اختي
بس بجد قصتك استفزتني

خيماوية
03/01/2008, 09:53 PM
سبحان الله ما أصبرج ........! احس اي وحده عندها مشكلة لازم تقرأ مشكلتج ... لأن أكيد بتهون عليها مشاكلها ..

أنا لو مكانج بكون نايمة فالمستشفى من الهم والغم ...

الله يكتب لج كل خير ....

ام عمـار
03/01/2008, 11:05 PM
دموعة انا مصدومة و قاعدة ابكي

بس افكر بحل و لي رجعة

الله يعينك و يصبرك امين

ميسى كوول
04/01/2008, 12:05 AM
والله ياختي الله يكون في عونج وتذكري ان مااصابك لم يكن ليخطئك

ومااخطئك لم يكن ليصيبك

والشي الي استغربت منه واااايد انج بعدج وياه بالرغم من انه قاعد يظربج .. شو ها ؟؟؟وين سارت كرامتج .. تعرفين ها الي يمد ايده ع حرمه مب ريال .. وشو كان السبب ؟؟ اسمحيلى بس هذا همجى واسلوبه واااايد دفش,,,ولازم تاخذين موقف حااازم وياه ولاتسكتين له لانه بيهضم حقج وبيطلع حرته فيج كل شوى واهو اكيييد عنده نقص بشخصيته عشان جى يستعمل اسلوب القوة والظرب,,واذا اتجرأ على ضربج
باجر بيتجرأ على شي ثانى و هو ماله حق انه حتى يزاعق ابويهج,, وانتى شكلج تحبينه
وانا ما اعرف شنو يدور ببال هالشخص بس يقدر يستغل هالنقطة الضعف منج ويسوي الي يدور براسه ....واحنا نعرف ان الطق يهين من كرامة الانسان والضرب يستخدم للحيوانات كوسيلة تخاطب فما بالك مع البشر اكيد فيها نوع من الكرامة بغض النظر عن الالم الذي يتركه الضرب ,..... ويا اختي انتي عقلج براسج وبامكانج تختارين الانسب لحياتج ...بامكانج دوسين على قلبج من اجل تحافظين على كرامتج ..وياريت تصحين من السبات الي انتي فيه وتغسلين عيونج وتشوفين الحياة من يديد وراجعي قراراتج وحساباتج....
ومني لج الشكر الجزيل

#روحـ مغليها#
04/01/2008, 02:28 AM
اختي بصراحه الغلط منك ..!
اسمحيلي اذا كان يضربك وانتي في اول ايام حياااتكم وش بيسوي بعدين؟
وانتي ساكته ولا تصرفتي
كل شي ينسكت عنه يالغلا الا الضرب
الحمد الله الي معك ولد مو بنت واذا على خوفك انه يضيع اصلن وااضح من كلامك عن زوجك
انه مو مهتم في الولد كثير فيعني لو تطلقتي يمكن بس عشان يقهرك ويحرك يااخذه منك
بس بيرده
استخيري اختي
وانا بصراحه مااشوف فيه حل غير الطلاق
كافي الطق والخاينه وغير محترم ولا حتي يصرف عليك!!

الله يوووفقك يالغلا ويسعدك ويختااار لك الصاااالح

عنفوان أنثى
04/01/2008, 08:55 AM
أختــي هذا مايستاهل تجلسين عنده دقيقه وحده

Boo0ooBle
04/01/2008, 10:13 AM
اختي اسمحيلي انتي اخترتي ان تكون هذي حياتج ورضيتي على نفسج من البدايه..يعني جنت على نفسها براقش ..فترة الخطوبه هي فترة تعارف بين الطرفين ..وانتي عرفتي انه انسان ايده طويله ومغازلجي ..كيف ترضين اتكملين حياتج معاه على هذا النمط..
هذا انسان مايستاهل انج تعيشين معاه ..ولا تعيشين حياة نكاده وتعاسه..
والله المستعان

miss_com
04/01/2008, 10:23 AM
الدعـــــــــاااااء........ عليك به

ღ رآقيهـ ღ‏
04/01/2008, 01:00 PM
السلام عليكم ورحمة الله وبركاته

حبيبتي شو مصبرج عليه ؟؟؟؟؟؟؟؟؟؟؟؟؟؟؟؟؟؟؟؟؟

اسمحيلي بس الي يحب ما يسوي كل هذا بحبيبته صدقيني

كله كوم وانه ينكر ابنه كوم ثاني

هذا ما يصبر عن البنات والخرابيط

يضربك يوم اكتشفتي خياناته ؟؟؟؟؟؟؟؟؟؟؟؟؟؟؟؟؟ فعلا ما يستحي

نصيحتي الوحيدة لك

الاحترام بين الزوجين اهم من الحب

اذا هو ما يحترمك لا تتوقعي بكرا ابنك يقدر يحترمكم

اشتري راحتك ومستقبل ابنك على كل هذا

من غير تفكير طلاق واذا ما وافق بالطيب المحاكم موجودة

وعشان ما احد يلومك من اهلك

احكيلهم بالتفصيل حياتك معاه كيف

انتي كذا كذا عايشة بيت اهلك واهلك مو مقصرين عليكم

اطلقي منه يمكن بيحس وبيرجعلك ادمي واذا ما تعدل ولا رجع الدرب الي تودي

عساه ما رد

صراحة صراحة انتي صبورة وما يستاهلك ابدا

خاني-التعبير
04/01/2008, 02:06 PM
والله اختي سمحي لي اذا ردي قاسي عليج شوي،، شنو اللي جابرك تصبرين عليه تحبينه،، وشنو خذتي من الحب،، واذا على ولدج في عيال اباهاتهم ماتوا اعتبريه ميت بنظرج،، لان اللي يضرب مره لا حول لها ولا قوه وعلشان بنات غرب ما يستاهل تراب رجولك تكرمون،، ليش مستحملته بكره بيعلم ولده نفس الشي ما تخافين عليه،، لا هو يصرف ولا هو يحبج،، حتى يتمنى عيال من غيرج بشكل ولدج،، ليش وين كرامتج،، خلي عندج كرامه وتطلقي من عقب ضرب وانتي توج طالعه من نفاس،، ولا احترام للاهل اللي عازينه ومساعدينه انتيي شوفي له صفه زينه وقوليها،، مافي شي لان اللي يضرب مره مو رجال سمحي لي..

نصيحه رغم انه ابغض الحلال عند الله الطلاق بس تطلقي،، وقولي لاهلج السالفه كلها،، ومو على كيفه ما يطلقج روحي المحكمه وقولي ما يصرف علي ويضربني وبطلقونج على طول..

والاهم صلي استخاره وشوفي بعد والخيره فيما اختار الله..

الله يوفقج والله اني ادعي لج من كل قلبي:)

l-o-n-a
04/01/2008, 07:03 PM
اختي تدرين شو حلك..

انا قريت قصص كثييير عن نساء خانوهم ازواجهم...وساعدتهم دكتورة اسمها ناعمة الهاشمي واتمنى تكون ظروفك تنفع..

مش عارفة ليش حسيت انك لازم تلجئي ليها....


هدي نصيحتي وادا حبيتي رقمها انا رح ابعثهولك على الخاص...

جبتو مرة من النت...


اتمنالك التوفيق حبيبتي ودمتي بود...

~همس~
04/01/2008, 08:33 PM
عادي لا تمرضين ولا تتعبين
مشكلتك جدا بسيطه ولها حل
انتي الان في مرحلت الاستقلال
انتي الان حاسه ان فيه غلط وموعاجبك الوضع
اولا ولدك راح يكون معك فلا تخافي تقولين ابعده عن ابوه ولاشئ انتي ربيه تربيه صحيحه بعيده عن ابوه وعن تصرفاته المشينه
ثانيا تطلقي من زوجك
اذا هو ماوده يطلقك انتي ردي له المهر اللي ماخذه حسبي الله عليه
اكيد ابوك راح يساعدك انشاء الله لانه مبين انه رجال شهم وكريم
وخلاص انسي من قاموس حياتك زوجك وتصرفاته وابدئي حياه جديده ومستقله بعيده عن الكذب والخيانه والاهانه
وشوفي دائماالمرءه عاطفيه مب اذا قال لك انا اسف بتغير ترجعين لالالالالالالالالا تضعفين لوكان شمس كان من امس
انتي عطيتيه كل اللي عندك وسامحتيه كثير
وش اللي يحدك تجلسين معاه؟؟؟؟؟؟؟؟
انتي ابدئي مرحله جديدهاذا ما كملتي دراسه كملي واشتغلي تري الحياه ماشيه وراح تنسين كل شئ
بس انتي ابدئي وتوكلي على الله
وحتى تكون بدايتك صحيحه صلي ركعتين استخاره واستعيني بالله وتوكلي وصدقيني الله راح يسر لك امورك
واتمنى لك حياه جديده بالوان جديده
الله يكون في عونك خليكي قويه ولسانك مايترك هذي الكلمه حسبي الله عليه توكلت وهو رب العرش العظيم _<يكفيك الله همك
واستودعتك الله

umjana79
04/01/2008, 09:58 PM
رد البنات كافي ووافي

تطلــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــقي

تحياتي ام جنى

لوٍن المطرٍ
05/01/2008, 05:31 AM
الله يعينك ياقلبي

رأي إنك تجلسي ببيت أهلك فترة ولا تطلبي الطلاق الحين

بس لاتعطيه أي فلوووس خليه هوه يتحمل مسئوليتك ومسئولية ولدك

وخليه كمان يكمل الشقة

ولا تسكتي على ضربه لك راح يتمادى أكثر

خلي أهلك مادام عرفوا بالسالفة يوقفوه عند حده

والله يسعدك ياقلبي ويريح خاطرك ويسخر لك زوجك

روبا
05/01/2008, 06:12 AM
بالفعل مشكلتك ما لها حل غير الدعاء قومي الليل و صلي ركعتين ادعي فيها ربك يصلحه و ينظف قلبه و دمه من حب البنات و المغازل

دمع الليل
05/01/2008, 11:09 AM
السلام عليكم ورحمة الله وبركاته

مشكوووووووووووووووووووووو وووووووووووووووووووووورات خواتي وحدة وحدة ويزاكم الله خير على وقفتكم معاي
معظمكم اجمع على اني اطلب الطلاق عشان ارتاح ويرتاح قلبي من الهم

والي شجعني هو سافر امس الفجر وبالليل قبل لا يسافر ما فكر يجي يسال عني انا وولدي ولا يجوفنا وراح مر على ربعه كلهممممممممم وكان مسكر تلفونه عني
وانا حسيت انه اكيد طالع مع بنية كعادته ويوم اتصل لي تعذر انه ناسي تلفونه بالسيارة وانه قاعد مع الشباب
وما يييييييييييييييييييه يجوفنا ولا ياب طاري انه بيجوفنا قبل السفر وسافر
وقبل لا ينام بالليل كلمته عن سالفة الطلاق واني خلاص ما ابييييييييييييييييييييييي يييييييه ومثل ما دخلنا بالمعروف نطلع بالمعروف

ورده علي قال : اذا خلصت السنة والنص الباقيين علي بالدراسة يصير خير .. قلت له انا ما ابي اصبر سنة ونص زود من عمري اضيعه عشانك ... والف من يتمناني ويبيني زوجة له بتطلقني مليون يبون يتزوجوني وبيصونوني سواء انا معاهم والا مغتربين عني .. وكلمته بخيانته لي صرخ علي قال ااااااااااااااي انا العب وابي العب وبكيفي ومالج شغل فينيييييييييي في شي بعد

والله من قهري عليه دعيت عليه دعوات مظلومة ومحتارة بدنيتها

وقال لي خلج جذي ربي ولدي ليما يكبر وبيصير عمره سنتين وبعد السنتين عندنا في البحرين حضانة الياهل للابو
باخذه انا وبربيه ...
وهذا الشي اكبررررررررر شي يسكتني ويخليني اتراجع
انا اموووووووووووووت في ولدي وروحي فيه معلقه يروح عني مكان عادي امووووووووووووووت
شلون يا بنات ساعدوني شاقدر اسوي بحيث ما ياخذ ولدي مني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟



انا لحين مصرة ع الطلاق ... بس شالسواة خبروني ؟؟..
ويقدر يطلقني وهوه بالغربة ؟؟؟




اي وعن البنات الي سألوني شنو موقف اهله .. اهله ناس طيبين وايييييييييييد وانا وايد احب عمتي وابوه خواته ...
ودايما هم يمدحوني .. مع ان همه وايد يتدخلون في حياتنا وما احس لنا خصوصيتنا ... وهذا بحكم ان احنا عايشين معاهم وبغرفة وحدة ... بس فيهم شغله احسهم يعتبرونا انا وزوجي يهال وطبعا الي يده في النار غير الي يده في الثلج
وانا احترق وهم يدرون عن ولدهم وحضرهم ابوي البيت وقال لهم سوالفه وقت الي ضربني وانا بالنفاس
بس وطبعا لما طقني انا شمخت رقبته وتموا يحاسبوني يقولون انتي بعد طقيتيه ؟؟؟؟؟!!!... مع انه جسمي كان كله خضررررررررررررررر و حتى حلجي كان يطلع منه دم من فكي ... و عندي تقرير طبي وتموا يلوموني ليش اشتكيه في الشرطة ؟؟؟؟؟؟؟؟؟؟؟؟؟... انا حزتها صج تغيرت معاملتي معاهم مع اني احبهم بس همه اكيد يحبون ولدهم اكثررررررررررر وانا الغريبة
وبس يعاتبونه عتاب خفيف


وتدرون خواتي هو له اخت سالفتها صارت قبلي طقها ريلها والله قوموا الدنيا ما قعدوها ودخلوا عمامها واهلها كامل ورفعوا قضية طلاق وتموا يجرجرونه بالمحاكم 6 شهووووووووووور ليما جاب شيخ يصالحهم بعدين رجعت له ...
ومن واحد من ازواج بناتهم يغلط عليها بكلمة يابوها البيت وتزعل وما ادري شنو
بس انا عندهم كلللللللللللله عادي صج يكلمونه بس دايما يقولون تنازلي وصيري احسن منه احسهم يحتقروني لما يسوون لي جذي يمكن لاني صغيرة في السن بس هذا ما يعطيهم الحق


في أمان الله

الجوهرة السعودية
05/01/2008, 11:25 AM
هذا واحد مايستاهلك ولو انا منك اطلب الطلاق احسن من انك تعيشين ذليلة وتمين على ولد احسن من بكرة يجيك عيال كثيرين وبكرة يضيع شبابك الحقي نفسك والرزق على الله بيرزقك واحد احسن منة هذا رايي الشخصي وبعدين ايش مستفيدة منة لا مصروف ولا احترام وبعد يضربك انتي غلطتي يوم سمحتيلة يمد يدة كان من اول ماا مد يدة كلمتي ابوك يوقفة عند حدة وانتي حرة

عروس الموج
05/01/2008, 11:37 AM
دمع الليل

والله قطعتي قلبي خليتيني اصيح عليج يا اختي....برد عليج بعدين حبيبتي

ღ رآقيهـ ღ‏
05/01/2008, 11:41 AM
هلا حبيبتي

الله يصبرك و الله قلبي عورني عليك

شو يعني يصير خير لما اتخرج لعبة عنده انتي

لا تخافين على ولدج ما بياخذه منج لانه مو داري عن روحه ولا اتوقع اصلا بيعطونه

الافضل تسألي اي محامي اتوقع يصير غيابيا تطلقي ما ادري ها الامور الافضل تسألي المختصين فيها قانونيا ودينيا كيف

وعن وضع ولدج

وخل خرابيطه والبنات يفيدونه

ما يندرى يمكن نصيبج يكون لج ها الولد منه

وربي ييسرلك امورك حبيبتي

طمنيني عليك الغالية

~همس~
05/01/2008, 12:29 PM
أقول قوي قلبك واستمري وعلى الولد عندك سنتين ما ندري وش يصير فيها؟؟؟؟؟؟؟؟؟؟؟؟
والله العظيم رفع ضغطي
واسألي محامي انا ما اعرف نظامكم
هو الحين مب مصدق جالس يهدد اعلى مافي خيله يركبه
اهم شئ لا تكونين ضعيفه وتبكين لالالالالالالالا
تعاملي ببرود ولا تنسين الصلاة والدعاء
اسمعي خلاص لاعاد تكلمينه وتعطينه فرصه يقولك كلام انتي في غنى عنه!!!
ولا تكلمين اهله قلت لك ابدئي غيري في حياتك من دون ما تكلمين احد استخيري واستشيري احد تثقين فيه وبس..

سمنة غنم
05/01/2008, 12:35 PM
لااله الا الله العظيم الحليم سبحان الله اختي الله يكون بالعون انتي اختي اخطيتي في عدة اشياء الا وهو الغرام في اول حياتك ثاني شي المفروض اي وحده ماتظهر مشاكلها ايا كان الا اذا كان في حالة سكر لاتقدر عليه اختي انا لاالومك في تصرفك ولاكن لكي تكون الصوره واضحه للبنات وتعم الفائده ووالله اني ادعي لك من قلبي وانا اكتب الكلمات ان الله يصلح مابينكم اقول انتبهي الطلاق مو هو الحل لا اذا كانت هاذي قصتك مو حل الطلاق انتي لاتحسبين الازواج سعداء لا والله الي يقول مبسوط يكذب فالانسان يكابد في الدنيا قال الله سبحانه انا خلقنا الانسان في كبد )اختي تحملي اشوي واسمعي كلامي ووالله اني ناصحه لكي اذا كان زوجك من النوع العصبي استشيري طبيب نفساني راح يدلك على الطريقه الصحيحه اصبري وادعي الله سبحانه انا لاقول الكلام من فراغ ولاكن اختي في ناس قاسو الي انتي قاسيتي وصبرو والحمد لله الحين هم حياتهم طبيعيه ومرتاحين قال الله سبحانه (ان الله مع الصابرين) فاذا كان الله معك فمن ترجو اترجو الخلق لا والله اختي انا حاسه بالي انتي فيه والله يسعدك دنيا واخره ويحقق لك الي تبين ويرزقك الصبر تقبلو مروري اخواتي

عروس الموج
05/01/2008, 12:47 PM
دمع الليل..

حبيبتي الطلاق مب حل....انتي صغيره وعند ولد...ريليج مصيره يهتدي والهدايه من عند رب العالمين...انتوا خذتوا بعض عن حب فا كيف ينتهي كلشي بسهووله..اوكي ما ننكر انه ضربج وخانج...مليون حرمه غيرج ريلها مسح فيها الارض بس بعد ما طلبت الطلاق...

انتي لازم تفكرين وتخططين وترسمين عسب تردين زووج ويتغير عليج كلشي بإيدج انتي..

شو معنات الطلاق اوكي تتطلقتي اليوم وحصلتي ريل العن عنه شو بتسوين...انتي مب لعبه..

لازم تخلينه يقدرج...


وفي اخت ذكرتلج اسم الاستاذه ناعمه الهاشمي ترا الموقع الي ارسلتلج هذا موقعها وهي تشرف عليه ادخلي وشوفي البلاوي وتعلمي كيف يرد ريلج لج.....كلشي يباله صبر

صبرتي هالفتره كلها ما يمنعج انج تصبرين اكثر واكثر...


والبنات الي يقولوج اطلقي هم مب عايشن معاج واذا وحده منهم مرت في مشكلتج ما اضني تتطلب الطلاق الكلام وايد سهل بس الفعل اصعب...ترا معظم البنات الي موجودين ريايلهن يخونووونهم ليش ما يطلبون الطلاق...والخيانه صايره مثل الحلاوه بين الريايل..

ما في ريال مستقيم وحتى المطوع الي يخاف ربه يتزوج على حرمته ويقول الاسلام حلل اربع بدون ما يخاف على مشاعر زوجته او اي شي..

الجوهرة السعودية
05/01/2008, 01:13 PM
دخلت للمرة الثانية واقول اي رجال يمد يدة على زوجتة او على مراة مو رجاااال واللة يكسر يد اي رجااال يضرب مراة من غير سبب كبير زي شرف فقط اللهم اااامين

~همس~
05/01/2008, 01:22 PM
آآآآآآآآآآآمين

ام عمـار
05/01/2008, 03:26 PM
سلام دموعة

رجعتلك بعد ما حطيت نفسي بموقفك انا ما ابي اقولك شي سهل و عادي و اتحملي لا صراحة هذه مشكلة كبيرة

بس الطلاق مو هو الحل لان فهود راح يضيع و هو ماله ذنب و اذا اتطلقتي راح تنحرمين من ابنك و هذه اكبر مشكلة بالعالم

فانا برايي خلي اهلك بعرفون بكل شي و يقعدونه هو و اهله يعني تصير قعدة مصارحة و خلي اهلك يطلبون منه وعد على تصرفاته انها تتغير و بعد ما يمد يده عليك هذه اهم نقطة لان فهود قاعد يكبر و مو حلو يشوف امه تنطق

و شوفي شنو راح تكون ردة فعله ان شاء يتغير و الله اللي اسوء من عنده تغيروا بعدين مبين من تصرفاته انه صغير

صراحة هذا تصرفي اذا كنت بموقفك لازم نسوي اي شي يحمي اولادنا و ترى وجود الاب كلش مهم و حتى بالنسبة لوضعكم عشان دراسته لازم تحلونه لان البعيد عن العين بعيد عن القلب

و اذا ماكو فايدة قعدي مع محامي و شوفي شنو تقدرين تسوين عن حضانة فهود يعني باختصار حياتك يبيلها ترتيب انك تحطين النقط على الحروف

و الله يصبرك و يهدي زوجك و يرجعكم لبعض امين

و اسفة اذا اسلوبي مو متسلسل

دمع الليل
05/01/2008, 04:54 PM
السلام عليكم ورحمة الله وبركاته

والله خواتي ما قصرتوا بيض الله ويوهكم ورزقكم الله كل خير و كل ما تتمنوا وفي نياتكم اخجلتونننننننننننني
صج كنت خايفة من عرض مشكلتي بس احين اقول حق نفسي يا ليت من قبل خففت عن روحي باني اكلم احد واشكي همومي الله يخليكمممممممممممممممممممم ممممممممممم


بس انا احين احترت اكثر .... صج كنت مصممة ع الطلاق ومثل ما خبرتكم فاتحته بموضوع الطلاق ... وكنت مقررة اتصل بكرة بمحامي الصباح اساله ..

بس احين بعض الخوات خلوني اتردد ؟؟....
انا بالفعل دايما ادعي له بالهداية .. و حتى لما يطقني وابجي ادعي له ان الله يسامحه ويعقله ويركده اذا مب عشاني عشان ولده
وصحيح اني صبرت وكتمت
بس خايفة هالشي يطول واني بعدها اندم

انا سويت الحلول وخصوصا الي قالت عنه اختي ابرار الله يرضيها ويعطيها الجنة ان شاء الله ... ابوي اجتمع مع اهله وجابهم البيت
وعمتي مرة هي وزوجها جمعوا زوجي وانا وابوي وتكلمنا


بس يتوب فترة ويرجع للي كان عليه

مسالة الطق تخلصت من الطق العنيف باني شكيته في المركز وكتب تعهد وقعه على روحه بس احين لما يزعل يطق طق خفيف وبجذي ما يعلم على جسمي ولا اقدر اطلع تقرير واشتكي ...

وسالفة خيانته لحين مب قادرة اقضي عليها



عروس الموج حبيبتي انتي تسلميييييييييييين يا عمري
توني جايفه رسالتج لان كان عندي خلل الصبح بالرسائل ... الله يحفظج ويخلييييييييج وراح ارد عليج بمسج ع الخاص
وان شاء الله بدخل الموقع الي عطيتيني .. اياه والله يكون بالعون وان شاء الله بهالموقع الاقي الحل يا ربي


باقي الخوات انا بالدوام بس بارد ع كل وحدة بالتفصيل بعد ما ارجع البيت
في أمان الله

ابتسامة طفل
05/01/2008, 05:00 PM
المفروض كنتي تكسرين له يده في اول مره انمدت عليج حتى يحرم يعيدها

دمع الليل
05/01/2008, 05:05 PM
السلام عليكم ورحمة الله وبركاته

ابتسامة طفل هيه بالفعل انكسرت له ... ولحين يعاني منها
لانه وهوه يطقني صادت يده الطوف.. و من يومها صارت تالمه واييييييد وتعالج عنها وايد وانحطت بالجبس مرتين بس احين علاجه عملية لازم ...


في أمان الله

عروس الموج
05/01/2008, 05:17 PM
دمع الليل

الله يحفظج ياااارب


ومسالة الخيانه يا حياتي تعالي شوووفي كبارية الناس الي عدنا تسوي حفلات ودنيا ويوبون بنات يرقصووون ويناموون معاهم ترا هذا بعد خيانه بس حريمهم صابرين وما طلبووا الطلاق بس حريمهم ليش ما يطلبون الطلاق والله مب حبهم لأزواجهم بس صعب الوحده تتطلق هالزمن والشيطان يلعب دووور يا اختي

اصبري على مينوونج لا ايجي اين عنه....

خليه ربي بيهديه مصيره يعقل ويندم ترا انا شفت وايد مثا ها الحلات وهذا كله سبب صغر السن والخبره فالحياه الزوجيه بس مع مرورو الايام تنفتح عيووونهم ويشفوون شو الغلط الي سواااه ...


خلي الطلاق اخر شي وبدي الحين برسم خطه كيف تكسين زووج والموقع انصحج تدخلينة لان من خلالله بتتعلمين كيف تردين زووجج

.white Rose.
05/01/2008, 05:30 PM
كأنك كاتبة إنج تشتغلين وتصرفين عليه وعلى روحج ؟!!!!!

وكأنه قال بعد ما يكمل دراسة يصير خير ؟؟!!!!!!

شقصده يعني يبغيج تصرفين عليه لين ما يكمل فترة دراسته هناك؟؟؟؟

لا تطرشين له فلوس لا تعطينه شي
تعذري له بمصروف الياهل

عاشقة حتى البكاء
05/01/2008, 05:37 PM
لا حول ولا قوة الا بالله


حبيبتي لازم تاخذين موقف جدي


مو لازم تسكتين على خيانته وضربه مايصير كذا ياعمري

شوفيلك حل من هالرجال

اما عن نفسي كنت انصحك تطلقين وتتركينه لانه ما يستاهلج بس الولد وش ذنبه

ماعرف بصراحه ايش انصحك الله يعينك ويهدي

بعد ما قرات موضوعك بصراحه حمدت ربي اني كشفت خطيبي وسوالفه بايام الملكة وقررت انفصل عنه عشان ما اتعب بحياتي المستقبليه

والحمدلله بعد اني حافظت على نفسي طول فتره الملكة وماعطيته اي شي لهذا شفت الطلاق احسن حل


بس انتي وضعك يختلف حبيبتي انتي متزوجه وعندك طفل

بس بعد لازم تاخذين موقف ولا تسكتين على اهانته وضربه

عسى ربي يوفقك ويخلي لك ولدج ويعوضج خير يارب

الجوهرة السعودية
05/01/2008, 09:32 PM
اسأل الله الكريم انة يفرج همك ويعوض صبرك دخول للمرة الثالثة يارب تفرج همها وتسخر لها الخير يااختي استخيري واللي فية خير يختارة الله

فراشة بوظبي
06/01/2008, 02:48 AM
اختي ام فهد

مالج الا الاستخارة قبل لا تتخذين اي قرار بياثر على حياتج وحياة ولدج

الاستخارة وبس

ربج العالم باللي فيه خير لج

ان كان الخير في انج تكملين حياتج معاه او ان كان الخير لج في الطلاق بيبين

استخيري وربي يوفقج

عيون ريمي
06/01/2008, 09:12 AM
حبيبتي دمع الليل
أني عن نفسي
أقول ليش ما ليش الا الطلاق
قضية انه في ناس حياتهم أكثر سوء ويسوون اأكثر من اللي سواه ويخونون أكثر منه ما تخليش تصبرين على مينونش لا يجيش اللي أين منه

ثانياً اللي قالوا ولدش بالطلاق بيضيع يعني لما يكبر باجر ويشوف امه قاعدة عند ابوها يصرف عليها وابوه يوم اللي يجيها يطقها طق اليهد ساعتها بيعيش حياة زينة بالعكس بيكون عايش في عذاب على الأقل بالطلاق بيكون يشوف ابوه بروحه ويشوف امه بروحه ويدري انهم نتيجة لخلاف معين انفصلوا وهدا شي عادي وبيحصل في المجتمع مثله ناس لكن ويش حياته لما يشوف امه مهدورة كرامتها ليل نهار
وفعلاً هل هدفه من تأجيل الموضوع انه يخلص دراسته على حسابش الخاص وبعدين يقطش
وإذا على ولده هو يقول ليش جدي عشان يمسكش من اليد اللي تألمه وإذا هذي حاله فمعناته حتى بعدين ما ليه زاغر ولدش وتربيته يعني ما بياخده منش إدا ألحين وهو مو سائل فيه ويسافر ويجي بدون ما حيتى يصير خاطره يشوفه بعدين بتمسك فيه وهو حر طليق
وأني أقول ليش هدا واحد حتى الدعوة بالهداية خسار فيه وأني أدعي الله ياخد حقش منه عاجل غير آجل
وأقول وأكرر الطلاق الطلاق

~همس~
06/01/2008, 10:05 AM
يسلم فمك ياعيون ريمي
والله اني وضعت نفسي مكانها الوضع ما ينطاق طالما اهلي طيبين معي وش اللي يجلسني معه؟؟؟

برق ورعد
06/01/2008, 11:42 AM
دمع الليل
الله يعينك على زوج مثله
بصراحة ألي يمد يده على زوجته مرة ممكن يمدها ألف مرة
أحمي نفسك وولدك وطلبي الطلاق الخوف ان يمد يده عليك وسبب لك عاهة مستديمة الله لا يقول بعدين شنو بتستفدين أو شنو بيستفيد ولدك أو ينقل لك هل الأمراض الخبيثة من علاقاته الوسخة
اوقولك طلبي الطلاق وبيت هلك مب عيزان عنك

rose_rose7788
06/01/2008, 01:06 PM
الله يكون في عووونج اختي ....


مب عارفه شو اقووول بس حبيت ادعيلج ... والله يوفقج اختي


رووووووووووووووووووز

دمع الليل
07/01/2008, 07:53 PM
السلام عليكم ورحمة الله وبركاته

يزاكممممممممممممم الله خير خواتي والله ما قصرتوا ... كل ما افكر اتعب والله العظيم اخرتها سويت بنصيحتكم استخرت بالله والحمد لله حسيت روحي كل مالي اكرهه اكثر ..

وعلى طول اليوم اتصلت للمحامي .. وحددت معاه جلسة نقعد فيها بمكتبه نتفاهم ع التفاصيل وكل شي ...

انا لحين ما خبرت اهلي بس حبيت اسال المحامي قبل عن فرصة تطليقي وهوه بالغربة .. صج انه قال لي انها صعبة ولازم في الجلسات يحضر هو فيها وانا ما ادري متى اجازاته اليايه فبشرني انه بيلاقي لي حل ان شاء الله

وانا ناوية اليوم اصارح ابوي واكلمه عشان هوه يباشر معاي الموضوع ..واحط هلي بالصورة


وادعوا لي خواتي الله ييسر امري وارتاح وافتك من الهم الي انا فيييييييييييييييييييييييه


ومرة ثانية اشكرك جزيللللللللللللللللللللل الشكر وخصوصا الاخت مشرفتنا الغالية ندايم والله انها ادعمتني بشكل اكبر مما تتصورونه خواتي واشهد انها من افضل مشرفاتنا العزيزات في عروس يزاها ربي الجنة


ولكل من تدعي لي بتفريج الهم ... و الي ردوا علي


والله بجيتوني على وقفتكم معااااااااااااااااااااااا اي مستحيل انساها ابددددددددددددددددددددددد دددددد


في أمان الله

yma
07/01/2008, 08:48 PM
السلام عليكم ورحمة الله وبركاته

يزاكممممممممممممم الله خير خواتي والله ما قصرتوا ... كل ما افكر اتعب والله العظيم اخرتها سويت بنصيحتكم استخرت بالله والحمد لله حسيت روحي كل مالي اكرهه اكثر ..

وعلى طول اليوم اتصلت للمحامي .. وحددت معاه جلسة نقعد فيها بمكتبه نتفاهم ع التفاصيل وكل شي ...

انا لحين ما خبرت اهلي بس حبيت اسال المحامي قبل عن فرصة تطليقي وهوه بالغربة .. صج انه قال لي انها صعبة ولازم في الجلسات يحضر هو فيها وانا ما ادري متى اجازاته اليايه فبشرني انه بيلاقي لي حل ان شاء الله

وانا ناوية اليوم اصارح ابوي واكلمه عشان هوه يباشر معاي الموضوع ..واحط هلي بالصورة


وادعوا لي خواتي الله ييسر امري وارتاح وافتك من الهم الي انا فيييييييييييييييييييييييه


ومرة ثانية اشكرك جزيللللللللللللللللللللل الشكر وخصوصا الاخت مشرفتنا الغالية ندايم والله انها ادعمتني بشكل اكبر مما تتصورونه خواتي واشهد انها من افضل مشرفاتنا العزيزات في عروس يزاها ربي الجنة


ولكل من تدعي لي بتفريج الهم ... و الي ردوا علي


والله بجيتوني على وقفتكم معااااااااااااااااااااااا اي مستحيل انساها ابددددددددددددددددددددددد دددددد


في أمان الله

اختي انا اشجعك
لانها خطوة ايجابية
و ان شاء الله ربي ييسرلك الخير
و يفرج همك

و زي ما قالولك البنات قبل هيك
تهديدو باخد ابنك هدا مجرد كلام يخوفك فيه
و اذا لا سمح الله طالبك بالولد انتي بتقدري تثبتي انو غير اهل لتربية الطفل بسبب اخلاقه السيئة
و بذلك ما يقدر ياخد منك الولد
و الله يحفظلك ولدك يارب

الجوهره 2000
07/01/2008, 08:51 PM
أختــي هذا مايستاهل تجلسين عنده دقيقه وحده


هذا احقريه

واقعدي عند اهلك ليما الله يفرجها

ولاتطلبين الطلاق ابد

قولي له كلمه وحده بس قولي له اقعد في عمياك لين الله يردك وتشبع

وتتعبا من هالنزوات وتشبع نزواتك ذيك الساعه افكر ارجع لك والا لا..

واتركيه لاعاد تعترفين فيه واللي له اهل مايضيع وش يجبرك تصبرين على هالظيم

واهلك حيين

هذا مافيه من الرجوله شعره وفرقاه تجيب المطر

ما عليك الا كثرة الاستغفار واكثري من قراءة القرآن ففيه راحه نفسيه عظيمه

ماتحسين فيها الا اذا قريتي لك جزء والاجزئين بتحسين وكأنه جبل ينزل من راسك

وربي قادر يهون لك معاناتك ويفرجها عليك من اوسع ابوابه ..

saudi.eyes
07/01/2008, 09:40 PM
صاحبتي متخصصةفي علم النفس وطبيبة نفسية
والنقاش دار بيننا على موضوعك
الطلاق والطلا ق والطلاق
هو الحل الوحييييييييييييييييييييد وماعليك من الي يقول غير كذا ولو لجأت لأي طبيبة نفسية او اخصائية اجتماعية ترى راح تقول نفس الشي

ليه ليه صبرتي من البداية لماكنت في البر
واحد نسونجي مغازلجي تصرفين عليه مسافر والله يعلم يدرس ولا لا وطبعا هو اكيد كل يوم مع وحدة هناك لادين لا خلق لا قوامة مب رجال
وبعدين ليش ليش تصبرين انابموت من القهر انت ماتخافيت تجيك امراض تناسلية مثلا وبدين لا يمكن يتوقف عن ضربك ترى هذا توقف مؤقت
حطي شي في بالك في فرق بين نزوة وطبع النزوة مرة وحدة تقدرين تغيرنها لكن الطبع استحالة تتغير واللي بزوجك طبع والله الهاد ياحبيبتي .
الولد راح يكون معاك لا تخافين اسفة ابغا اقول شي ا نت جدا خوافة توكلي على الله وماعليك اهم شي اصري على موقفك لا تغيرين رايك انقطعي عنا تماما لا ترسلين شي لا فلوس ولا غير ه وانت صغيرة يعني تطلقي
موتصبرين ليما تكبرين وتعجزين ترى ممكن يتعرف على غيرك ويتزوج غيرك ويطلقك وانت كبيرةولا تصدقين اللي يقول وجود
الأب مهم لما يكون طبيعي دين وخلق ايه مهم لكن الي حاصل عندك العكس
والله يوفقك يارب معليه ردي قاسي بس من قهري عليك

Elanoor
07/01/2008, 11:38 PM
=") غلاتي بقولك ^_^!..
انا اول ما قريت مشكلتك كانت امي توها جاية ويا ابوي
من برع قلت لها يمه شنو تنصحين وحدة زوجها يطقها و راعي بنات وما يصرف عليها
و يقول انه يحبها ، و لها ولد منه!

قالت لي : الطلاق !

مع ان امي قبل لا ترد دايماً تفكر تفكير سديد وتنصح!
حتى انا استغربت من اجابتها
والي عرفته =") انه اجابتها هي صح!


/
،
غلاتيه غلطة سويتيها بحياتج انج عرستي عليه وعمرج 16!
توج صغيرة ومراهقة ما شفتي من الحياة شي وما اوتعيتي
وفي هالعمر انت مب متفتحة !!!! ولا خذيتي تجارب !!

جد هالعمر مب مناسب .......!!!!
لكن الي راح فات وما ينفع الندم احين !


ما علينا الغالية
انا اقول اتطلقي منه وولدج ربيه عندج
اذا على مسألة الحضانة ما اعتقد انه عقب ما يكمل السنتين بياخذه منج
لوول ما اعتقد يبا يصرف عليه ويخسر فلوسه!!

بعدين وش هالحب الي تسمينه!
ما فيه اي رجال يرضى هل زوجته يصرفون عليها وهو حيّ
!! الرجال الصجي يعتبر هذا ذل ويقوم يراكض عن شغل
ولا يخلي هلها يصرفون عليها !!
الشي الثانية !! ، اي حب تسمينه لو هو يحبج!
حشمج وما قام يراكض ورا البنات والله ما مليتي عينه قام يراكض ورا غيرج !!!

/
،

طلقيه خليه يعرف قيمتج
مثله ما يستاهلج !!

=") توج صغيرة و مية واحد يتمناج غيرهـ!
والحياة معه معدومة!

انا عادة ما انصح حد بالطلاق!!
بس اسمحي لي هذا مب رجال ؟!!!!!!!
يمد يده عليج ! وما يصرف عليج وبعد راعي بنات !
لا حول

=")

الله يهديه ويعينج

ام عمـار
08/01/2008, 01:02 AM
دموعة الله يوفقك و يريح بالك

مع اني ابدا ما ائيد انه فهود بعد عمري يتبهذل

بس اكيد انتي ادرى بمصلحته

اهم شي انك تتاكدين انه فهود يضل عندك

الله يوفقك من كل قلبي

بكبك
08/01/2008, 01:09 AM
وعليكم السلام والرحمه..

أختي دمعه شكله زوجك ماراح يتوب عن حركاته عشان كذا احسن تنفصلين عنه بعد الاستخاره

انتي قلتي انه يقول بياخذ الولد وطبعا انتي ماتقدرين

في نفس الوقت اذا تميتي بعصمته ماتضمنين نفسك يمكن يكون حامل مرض بسبب علاقاته المشبوهه

بس انا جتني فكره انه اذا كلمك او كلمتيه قولي له انك خلاص ماتبينه ومصره عالطلاق

بيقولك الولد والولد قولي له خلاص انا فكرت فيها لقيت انه مو من صالحي انه يكون معي

لاني اذا تطلقت منك ابي اتزوج واحد يعوضني على كل شي ووجود ولدك اكيد راح يعيق

زواجي عشان كذا انا موافقه انك تاخذه لانه بالاول والاخير هو ولدك بعد


>>>>>>>>>>>>>>>>>>>>>>>>> طبعا هذي كلها خطه وهو اكيد بيعصب وبيحس

انه مافي شي يقدر يهددك فيه واكيد راح يعاند وبيقول لالا ما أبيه ولاباخذه




انتي سويها وان شالله تنجح الخطه مادامه يحب يعاند

ولاتنسين تطمنينا عليك

! أنــثــى !
08/01/2008, 04:24 AM
قطعتي قلبي دمع الليل !

الله يكتب اللي فيه الخير !

و واصلينا و فضفضي لنا لا تتعبين لحالك !

عيون ريمي
08/01/2008, 07:46 AM
عين العقل قرارش يادمع الليل ورجوعش لمحامي من البداية بيخليش في الطريق السليم ان شاء الله
ومو عيب الواحد يغلط (سكوتش عنه من البداية) بس الأهم انه يكون جريء ويصلح غلطه حنى لو تأخر الوقت
وفهود ليه رب يحافظ عليه ويخليه في حظنش وبين اياديش الحنونة ومثل ما حفظه تسع شهور في بطنش وهو ما زال علقة ونطفة بيسلمه ليش وهو أرحم من الأم على ابنها بس ادعي ليه ليل نهار
واله ان شاء الله ينتقم ليش منه على شبابش وعمرش اللي انهدر وياه

دمع الليل
08/01/2008, 11:08 AM
السلام عليكم ورحمة الله وبركاته

تسلمون خواتتتتتتتتتتتتتتي الله يخليكم

مثل ما قلتوا صج انا احاتي اكثر شي ان احد عقب تربيتي وحمالي بولدي ياخذه مني ومن الي بياخذه واحد لا عنده ذمة ولا ضمير

تدرون بنات من بعد ما كلمته عن الطلاق صار انذل من قبل واسمحوا لي على الكلمة

قام يكتب للبنات الي في الهاي فايف علانية ويكتب لهم ايه عليكم ويعلق على صورهم ووايد بنات مب زينين هناك بحرينيات وكويتيات واردنيات .. ويقعد يطرش لي عشان اجوف شكاتب لهم

كلام ماكو احسن منه عشان يقهرني ويحر قلبي

ويضيفهم في ايميلاته



انا قلت له ولا اهتم ولا افتكر فيك هذا قدرك وهذا مستواك البنات ال.....


بس مشكلتي بنات اكيد مشكلة اكثر البنات القلب لرهيف وايد متعلقه فيه وكل ساعه يدي تحكني ابي اتصل له ابي اكلمه

ابي اسمع كلمة حلوة منه لو بالغلط ....
مع اني ما ابي اكلمه لا ياثر علي او شي ...


ويقول لي انتي منج بتضيعين ولدي وحياته .. ويدعي علي كأني والله انا الغلطانة مب هوه .. ويقول لي فكري بعقلج مب عاطفتج .. يعني معناته الاخ يبيني ادوس على قلبي وعقلي واحاسيسي عشان هوه يلعب وياخذ راحته


وقالها لي بصريح العبارة ... اي ابي العب كيفي عندج مانننننننننننع

ويوم الي خبرته بالطلاق كانه ياه الفرج انه يلعب ويستانس وياخذ راحته


صج يا بنات ابي الطلاق بس والله قلبي يعورني واقعد على اعصابي ابي اكسر كل شي ابي اطلع حرتي في شي بس اهدا .. ما ادري شفيه هالانسان احس مسويين له عمل مب صاحيييييييييي


ما يحس ما يشعر ...
المشكلة يا بنات السالفة انه معاند والمحاكم ما تطلق بسرعه احين ... وقال لي اللي ما يخاف الله والله رفعي علي القضية وانا بطلبج في بيت الطاعه

المشكلة انا ما اعرف في القانون شي ولا اعرف شحقوقي


بنات البحرين الي تعرف افضل المحامييين تخبرني عنهم ... ابي محاميين منعوتين
لانه انا خايفه منه زوج اخته محامي ومن افضل محاميين البحرين يعني هوه ما بيخسر شي ع القضية كثري
ومعروف عن زوج اخته وايد يفوز في القضايا ما شاء الله عليه وهم خايفة من هالنقطة :confused::confused::confused::confused:


ما ادري والله يابنات شاسوي ما ادررررررررررررررررررررري



في أمان الله

منال الكويت
08/01/2008, 11:38 AM
الحين الهاي فايف مليان بنات مو زينين من كل الجنسيات مو بس


بحرينيات وكويتيات وأردنيات !!!!!!!!!!!!!!!!!!!!!!

دمع الليل
08/01/2008, 11:52 AM
السلام عليكم ورحمة الله وبركاته
انا اختي ما قصدت اهين احد لا حاشى وكلا وانا بحرينية اولا واخرا وكتبت بحرينيات اول شي

بس انا تكلمت عن الي يضيفهم عنده بنات البحرين والكويت و الاردن هذا قصدي بس ... والسموحة منج يا الطيبة


في أمان الله

أريج البنفسج
08/01/2008, 02:54 PM
روحي لزوج أخته المحامي وخليه يكون محاميك إذا شفتي إنه بيكون مع الحق

! أنــثــى !
08/01/2008, 04:22 PM
منال الكويت ، يا اختي اللعيبات بكل الدنيا مو بس هالدول ! و البنت ما قصدت شي بكلامها .. بس لانك كويتية و ذكرت اسم الكويت ؟ هاي بدل ما تواسينها ؟ الحمدلله و الشكر !

المهم اختي دمع الليل .. اللي اعرفه انه قضايا الطلاق تطول واجد ، و ابدا ما ياخذون بشهادة احد من اهلك ..

اللي بتستفيدين منه هو التقرير الطبي اللي عندك لما ضربك ! ، لانه لو رفعتي قضية طلاق ماراح تستفيدين شي لو هو نكر !

القضاة يبون اثبات .. و انتي عندك و شوفي ..

ياريت اعرف محامي بس للأسف ماعرف ! ،

اختي انا اعرف وحدة زوجها يبي يطلقها بسرعة ، و هو رجل دين و يعرف معارف ، بعد 3 ايام من اتخاذه القرار طلقها ، لانه خابر واحد من معارفه من القضاة و تطلقو .. انتي ما عندك معرفة اذا كان لك احد قريب يعرف قاضي و يتوسط لكم حتى بسرعة تتم ؟

ربي يوفقك و راح اواصلك !

أم كرومي
08/01/2008, 08:31 PM
يا حبيبتي الله يعينك و يصبرك

حبيبتي اخذي وقتج انج تلاقين احسن محامي اذا كنتي مصرة على الطلاق

بس انا ما اشجعك علشان فهود ,,,, بس انتي ادرى بمصلحته

صلي استخارة مرة و مرتين و كثري استغفااار و الله يكتبلج اللي فيه خير :)

اسيل!
09/01/2008, 01:55 AM
ممكن يتووووووووب ويبعد عن هالخرابيط بس متى ماادري

ادعي له امكن ربك يهديييييييييييييييييييييي ييييه

عيون ريمي
09/01/2008, 07:52 AM
دموعة اسمعي خلش قوية ولا تتراجعين ترى كل مرة تردين له بيرجع ألعن من قبل
لأنش بتكونين أضعف وأذل
ومثلما قلت ليش فهود افضل ليه الطلاق من تبهدل امه قدامه كل يوم
ودوري المحامين ولا يهمش تهديده وشلون كان رد فعل ابوش وأمش

umjana79
09/01/2008, 10:34 AM
السلام عليكم ورحمه الله وبركاته

صج الي قالو كلن في قلبه شقى ليله .. الحين البنت قاعده تتكلم عن الي صار لها ,, ما خصت احد فيكم .. ولا سبت يعني هي في وين وانتو في وين ..

أول شي ماعليج منه .. وخلج قويه .. المحامي مهما كان شاطر .. مايقدر يثبت ان زوجج مب مقصر ...

احتفظي بكل الي يطرشه لج عشان يصير دليل لج ... ضده بالمحكمه .. بالنسبه للمحامي .. اذا انتي واثقه بالمحامي الي عندج خلج معاه ...

وانا بشوفج لج بعد احسن محاميه او محامي .. وخليه يهدد

ولا تضعفين هذي وساوس شيطان .... اختي ... خلج قويه وصامده .. اعتبري نفسج في حرب ... وضحي عشان ولدج .. كل الفواتير الدي تدفعينها خليها عندج كل شي من الخبز لين المستشفيات والثياب وكل شي ....

وكل شي اذا تقدرين احفظيه عندج بالكمبيوتر ,,, فوق شينه سواد عينه المفروض يخليج هالشي تكرهينه .. بقولج .. اعلى مافي خيله خل يركبه وولدج ما يقدر ياخذه منج ... ابدا ,, حتى لو تزوجتي امج الي تيود ولدج .. واذا كبر ولدج يقدر يختار من يبغي امه ولا ابوه ...

صدقني كل الي يسويه هو مرض نفسي لا عمل ولا شي ... كنتي نزوه مراهقه بالنسبه له بس لج .. هو كان حبج الاول ..
معلش اختي خلج قويه وانا معاج ... لاخر الدرب .. واتصلت في ناس مهمين .. عشانج وبطلع لج احس محامي واي شي برد عليج القانون في صفج يمعي لج كل الادله ضده من فواتير من صور من مسجات كل شي اختي ...



ام جنى

ميلادا
09/01/2008, 11:33 AM
الله يفرج همج عزيزتي ..... بقولج شي الايميلات اللي ايدزها والصور والمسجات اللي فيها سوالف البنات ..... خزنيها لانه بتقدرين اتقدمينها ضده وبجذي مايقدر ياخذ ولدج لانه غير كفء للتربية

rose_rose7788
09/01/2008, 11:39 AM
الله يهدي النفوس والسراير يا رب



روووووووووووووووووووووووو ووز

بريق الأمل
09/01/2008, 02:36 PM
الله يساعدج اختي ويصبرج

اذا فكرتين ترجعين له .. بيعتبرج تراكضين وراه وماتقدرين تستغنين عنه وبيزيد في نحاسته وعناده وبيقول لج مهما اسوي بتمين تحبيني وراضية فيني .. يعني لاتتنازلين له وخلج عايشة بكرامتج احسن لج

لو يوم من الايام مد ايده عليج والا قط عليج كلام وسخ وسب .. هذا طبعاً كله بيكون مدرسة لولدج يتعلم منه ... بينعدم احترام ولدج لج لأنه يشوف الكبير مايحترمج .. وفي المستقبل بينعكس على صورة ولدج وبيعامل حرمته نفس مايشوف ابوه يعامل امه

وش بتستفيدين لو ظليتين معاه وقلتين يمممكن الله يهديه ويتغير؟؟
بتكتشفين نفسج لاسمح الله مصابة بمرض انتي وولدج .. وبيخليج منبوذة حتى من أقرب الناس لج يخافون لاتعدينهم وبتخسرين حياتج كلها بسبة واحد مايسواج

فكري زين واستشيري وماأعتقد حضانة الأب في البحرين من عمر سنتين .. اعتقد انها من سبع سنوات .. تأكدي أفضل ومن الحين لي سبع سنوات يحلها ربي

بالنسبة لأهلج .. دام انج تثقين في عمتج .. اعتقد من الافضل انج تخبرينها بكل شي بدون لايدرى ابوج وامج .. وانصحج انج تسوي لها برنت من ردودج على الموضوع حتى تكون عندها الصورة واضحة .. سلميها الاوراق وقولي لها اقريهم زين حتى تفهمين الموضوع كامل وبعدين مستعدة اقعد معاج واشوف المناسب كونها أخبر منج في الحياة .. وعلى الاقل يكون احد من اهلج يوقف معاج

ولااااتنسين تسجلين مكالماته معاج حتى تكون دليل ضده ومحادثاته على المسنجر لين كان يكلمج وخرابيطه كلللها بدون لايدري طبعاً

واختي صح قلب المرأة رقيق وماتقدر تستغني عن زوجها .. بس الزوج السنع اللي يصون زوجته مو لاسمح الله يجيه يوم يحرضج على الحرام .. اتركيه فترة بدون مكالمات وحتى لين عورج قلبش تبين تكلمينه سمي بسم الله وصلي على محمد وآله وقولي قراري صح وماراح تأثر فيني العواطف وخلي التلفون بسلام .. جربي ماتكلمينه شوفي يفتكر فيج والا في ولدج؟؟

كلما شافج اختي تركضين وراه وخاطرج فيه بيزيد عناده وذله لج

سامحيني وخيتي بس حارقني قلبي على شبابج وولدج
لو يبي يتغيييير انجاااان مااعترف بخطأه وأصر عليييييه ومفتخر انه يعاكس ويغازل

عروس الموج
09/01/2008, 07:45 PM
والله صدق صدق مستغربه من عقولكم يا بنات اسمحوووولي يعني

اتقولوون للبنت خلج قويه ولا تتراجعين واصري على الطلاق

بس والله كنت اتمنى وحده اتقوللها خلج قويه بربج وادعي له بالهدايه وعسى ربي يفتح عليج ويرد زووج لج...

الريال باين انه طااااااااااااايش وانتوا منوا عسب تحكمووون انه مثل هالنوعيه ما تووووووب ابا اعرف ماشاء الله عليكم استويتوا عالمين الغيب...

ليش ما في وحده منكم قالت يا ام فهد عليج بدعاء وخلها تذل عمرها لرب العالمين كلشي بيد رب العالمين مب بيد الانسان..

ليش يمكن هي تتطلق وهو ياخذ وحده غيرها والبنت تكون اذكى عنها وتصلح الرجال....

معظمكم يقوللها انتي صغيره اطلقي شو يعني صغيره...ليش الشيطان يعرف صغيره ولا كبيره خافوا ربكم والله فالبنت ..

بعدين الريال يوم مد ايده على حرمته لانها تفتش تيلفوونه وهذا الشي الي مخرب العلاقه بأكملها...بس لو هي تجاهلت كلشي ويلست تلعب صح جان الحين قدرت على الاقل تحافظ شي بسيط من زواجها..

يعن كل مره يضربها فيه لانه فتشت تيلفوونه...يعني الريال ما يحب حد يفتش تيلفوونه...هو ما يا ضربها مني والدرب

بعدين انتوا مب وياها في بيت واحد يعني محد يعرف الحوار الي صار من بينهم...

حد يعرف شووو في قلوووب الاثنين...يمكن هوو يمووووت فيها بس مقهور في نفس الوقت لان يشوفها تكابر في الشي وهذا شي طبيعي في الريايل يالله معرووف الريال يوم يبى يقهر حرمته يتزوج عليها فامابالكم هوو صغير اكيد يقهرها ببنات الشوارع..


ام فهد والله لو لا انتي مب عزيزه عليه جان مرديت اكتب في موضوعج بس من القهر الصراحه كتبت..


ادعي ربج وان شاء الله انا بحطلج ادعيه...والله اعرف ريايل اخس عن ريلج مخدرات وشرب وبنات ولهو الدنيا تعالي شوفيهم الحين احسن منهم ماشي والله حريمهم يدعلوهم بالهدايه 24 ساعه في السيره والييه...

انا اعرف وحده من ربعي كان ايب اربيعته البيت ينام جدام حرمته وياها والله صبرت صبر والله فرج عليها..


لا تنسين رب العالمين وما بيضيعج صدقيني ادعي في كل وقت ربي يهديه

وبحطلج الادعيه الي عندي...

عروس الموج
09/01/2008, 08:05 PM
يقول الله عز وجل "واذا سالك عبداي عني فاني قريب اجيب دعوة الداعي اذا دعان فليستجيبوا لي وليؤمنوا بي لعلهم يرشدون"

اللهم انهم استقووا علي بقوتهم على ضعفي فارني قدرتك فيهم

"اللهم ملكني قلب من احوجتني اليه يا رب العالمين"


"اللهم انا امتك ابنة عبدك ابنة امتك ناصيتي بيدك ماض فيني حكمك عدل في قضائك اسالك اللهم بكل اسم هو لك سميت به نفسه او انزلته في كتابك او علمته احدا من خلقك ان تجعل القرآن الكريم ربيع قلبي ونور صدري وجلاء حزني وذهاب همي"


" اللهم اجعله لي من لدنك سلطانا نصيرا"

اللهم صب محبتي في قلبه صبا وارني ذلك"
"اللهم سخره لي كما سخرت البحر لسيدنا موسى والن قلبه لي كم النت الحديد لسيدنا داوود فانه لا ينطق الا باذنك ناصيته في قبضتك وقلبه بين يديك تقلبه كيف تشاء " اللهم يا مقلب القلوب والابصار ثبت قلبي على دينك

" اللهم اهدني سواء السبيل وسواء الصراط"

" اللهم ان ارادو بي سوءا او كيدا او لزوجي فرد كيدهم الى نحورهم واجعل تدبيرهم في تدميرهم"

" اللهم اكشف ما اعمى بصيرته عنهم يا ارحم الرحمين"

لا تنسين انج مظلوومه وتذكري كلام رب العالمين انه يقول للمظلوم (وعزتي وجلالي لانصرنك ولو بعد حين)

عسى ربي يرد زوجج لج نادما راغبا انه ولي ذلك وعلى كل شيء قدير



اللهم اذهب غيظ قلبي واجرني من مظلات الفتن

ادعي له بدعاء الرسول عليه الصلاة والسلام للرجل الزاني لما وضع ايده على قلبه وقال له " اللهم اغفر ذنبه وطهر قلبه وحصن فرجه"



ادعي وانتي متضرره لرب العالمين لو صدق تبين زوجج ربي يهديه يا ام فهد..لان الهدايه من رب العالمين.

وتصدقي كثر ما تقدرين وياااارب يرجع من هالسفره ندمان لج يارب

جـروووح
09/01/2008, 08:16 PM
الله يكون بعونك يا أختي ،،،

وأنا مع البنات اتركيه ولاترجعي له حتى تتأكدي أنه تاب ورجع إلى الله ،،،

واستشيري أهلك دائما ً ،،،

وادعي ربك بين الأذان والإقامة ،،، وفي كل وقت ،،،،

وأكثري من الاستغفار ،،، وداومي على قراءة القرآن الكريم لأنه يزيل الهم ،،،

هذا ابتلاء من الله سبحانه وتعالى حتى يختبرك ،، فاصبري يا أختي ،،، عسى الله يعوّض صبرك خير إن شاء الله ،،

ربي يسهّل أمورك ،،، وإن شاء الله تبشّرينا بالأخبار الطيبة ،،،

عيون ريمي
13/01/2008, 09:04 AM
وينش حبيبتي دمع الليل

نحاتيش
طمنينا عليش
وهل إرادتش قوية وعزمش وإصرارش متسلحة بهم


وبرد اقول ليش
من باعنا بعماه ولو كان غالي
وحتى القرآن يقول إمساك بمعروف أو تسريح بإحسان
مو أمساك بإكراه وعدم تسريح

يعني حتى اللي يحاولون يقنعونش أنش تصبرين وياه وتدعين ليه
المرأة اللي تقعد مع رجلها بدون كرامه لا تترجى بيحس بقيمتها أبداً واعرفي انش من ترجعين هالمرة بيكون أجرأ عليش من قبل بألف مرة

umjana79
13/01/2008, 09:40 AM
والله صدق صدق مستغربه من عقولكم يا بنات اسمحوووولي يعني

اتقولوون للبنت خلج قويه ولا تتراجعين واصري على الطلاق

بس والله كنت اتمنى وحده اتقوللها خلج قويه بربج وادعي له بالهدايه وعسى ربي يفتح عليج ويرد زووج لج...

الريال باين انه طااااااااااااايش وانتوا منوا عسب تحكمووون انه مثل هالنوعيه ما تووووووب ابا اعرف ماشاء الله عليكم استويتوا عالمين الغيب...

ليش ما في وحده منكم قالت يا ام فهد عليج بدعاء وخلها تذل عمرها لرب العالمين كلشي بيد رب العالمين مب بيد الانسان..

ليش يمكن هي تتطلق وهو ياخذ وحده غيرها والبنت تكون اذكى عنها وتصلح الرجال....

معظمكم يقوللها انتي صغيره اطلقي شو يعني صغيره...ليش الشيطان يعرف صغيره ولا كبيره خافوا ربكم والله فالبنت ..

بعدين الريال يوم مد ايده على حرمته لانها تفتش تيلفوونه وهذا الشي الي مخرب العلاقه بأكملها...بس لو هي تجاهلت كلشي ويلست تلعب صح جان الحين قدرت على الاقل تحافظ شي بسيط من زواجها..

يعن كل مره يضربها فيه لانه فتشت تيلفوونه...يعني الريال ما يحب حد يفتش تيلفوونه...هو ما يا ضربها مني والدرب

بعدين انتوا مب وياها في بيت واحد يعني محد يعرف الحوار الي صار من بينهم...

حد يعرف شووو في قلوووب الاثنين...يمكن هوو يمووووت فيها بس مقهور في نفس الوقت لان يشوفها تكابر في الشي وهذا شي طبيعي في الريايل يالله معرووف الريال يوم يبى يقهر حرمته يتزوج عليها فامابالكم هوو صغير اكيد يقهرها ببنات الشوارع..


ام فهد والله لو لا انتي مب عزيزه عليه جان مرديت اكتب في موضوعج بس من القهر الصراحه كتبت..


ادعي ربج وان شاء الله انا بحطلج ادعيه...والله اعرف ريايل اخس عن ريلج مخدرات وشرب وبنات ولهو الدنيا تعالي شوفيهم الحين احسن منهم ماشي والله حريمهم يدعلوهم بالهدايه 24 ساعه في السيره والييه...

انا اعرف وحده من ربعي كان ايب اربيعته البيت ينام جدام حرمته وياها والله صبرت صبر والله فرج عليها..


لا تنسين رب العالمين وما بيضيعج صدقيني ادعي في كل وقت ربي يهديه

وبحطلج الادعيه الي عندي...

السلام عليكم ورحمه الله وبركاته ..

أختي .. من يقول ان احنى نحرضها على الطلاق .. من غير ما ننصحها .. انتي قريتي الموضوع عدل ... وقريتي الردود مالت البنت ... ؟.

لو قريتها جان شفتي ان البنت من قبل لا تتزوج الريال بيومين كان يخونها .. ومن بعد الزواج هم تم يظل يخونها ..

البنت من تزوجت تصرف على كل شي بروحها .... زوجها يضربها مو بس لان كانت تفتش في تليفونه كان يضربها كل ما يصير خلاف بينهم ... البنت مايات تشتكي هني عشان هي متسببه على الريال ..

الاا من عقب ما خلصت الحلول جدامها .. الريال سافر وهو ما يخسر عليها فلس حمر .. ومخسر كل فلوسه على المكالمات الخارجيه والخيانات ... والليالي الحمرا مالته ... لمه واجهته بالخيانه ينكر وبعد يضربها ...

لمه عطته سياره ابوها .... رد الاحسان بإن يخونها في سياره ابوها ... اختي كم بنت بالمنتدى خانها زوجها ... وشوفي نصايح الاخوات .. كلهم نصحهوم بالصبر والتحمل وانها تحافظ على زوجها ..

بس هذي الزوج .. ماعنده بنت او ثنتين عنده بنات الخليج كله قاعد يخونها معاهم وغير الي بالانترنت والي عرفهم والي يطلع معاهم والي مواعدهم بالزواج ,, والله يعلم كان ينام معاهم بالحرام او لا ..

ليش تصبر على هالذل .. ويكبر ولدها ويشوف امه تنطق جدام عينه ,, عشان يكبر وشخصيته مهزوزه .. في ناس في امل انهم يتعدلون ... وهي تقعد على يمكن يتصلح ويمكن ما تصلح ,, حتى لو البنت تطلقت .. خل تدعي له ان الله يهديه .. يمكن ينصلح حاله ... بس الي يكابر ,, ويفاخر بالخيانات مالته ... هذا مب ريال ...

حطي نفسج مكانها .. وزوجك يفاخر بالبنات الي تعرف عليهم ويطرش لج صورهم ... وايميلاتهم . ويضربج عشان عيونهم . بتفرحين ؟؟ وتدعين له .... ماعتقد اختي

محد نصحها بالطلاق الا من الي شافوه يسويه فيها ... وانا للحين معاها بالطلاق .. ومافي اي شي يضمن ان الريال يتغير ... خل يطلع لها سكن ..مثل الناس بدل ماهو مقعدها في بيت ابوها .. وصارف دم قلبه على البنات ,, وهي دينار حمر ما تشوفه منه ...

ويوم اشتكت على الريال ان يضربها ... ( لو قريتي الرد عدل ) تقول صار يضربها ضرب ما يبقع عشان ما يبين على جسمها وتشكتي في ريال صاحي يسوي جذي ...

متزوجه انتي اختي ؟ لان مافي متزوجه ترضى على هالشي .. لو كان الزوج يخون .. بس مو مقصر عليها .. من شي .. جان قلنا صبري وادعي له ..

بس يخون ,,, ومايصرف,, ويضربها .. ويشاهر بالخيانه .. وما عنده لها سكن ... شتبي منه بعد ؟

اتمنى ما تلومين البنات ,, وفي الاخير كلن له وجهه نظر

تحياتي لج
ام جنى

نجمة سهيل *
13/01/2008, 10:06 AM
اه
قلبي تقطع الين اسمع هالسوالف
ما ادري الناس ما في قلبهم رحمةالله اساعدج على بلواج

اتذكر بنت جيرانا كانت حالاتها مآسات مع زوجها كل ما يدش عليهم ينزل الطق عليها وعلى خواتها لانها مسكينة ما كانت عندها اخوان وابوها شايب الين ما الله اخذ روحه وصار له حادث فطيع ..
والحين مسكينه عايشة مع اولادها اثنين يكسرون الخاطر واهل زوجها محد يزورها ولا كأن عندهم اولاد منها..

شايه
13/01/2008, 12:21 PM
موعارفه شاقولج انتي استحملتي وااايد طق وخيانه واهانات ومايصرف عليج وياخذفلوسج والخ

ليش مستحملتنه؟

انتي فكري بينج وبين نفسج؟

انتي اصلا ماتعتبرين متزوجه؟ كانج لعبه فقط متى مابغاها جاها والغير للونااسه

انا لو منج اطلعه برع حياتي نهائيا

حتى ولده مومهتم فيه ولا حاط له حساب ويقول للمغازلجيات ولد اختي يمه شو اكبرها

خلاص يااختي طلعيه من حياتج

بتقولين ولدج ؟ هو مش مفتكر فيه وهو صغير بيفتكر فيه وهو كبير

وعلى قولتج بيخلص دراسه وبيسافر وخياناته بتكثر

واللي في دمه خيانه ماتروح صعبه لو يمسك عمره سنه بيرجع يلعب وخصوصا لو لقي بنت بتستجيب له وحلوة والله مكثر هالبنات في هالزمن

~همس~
13/01/2008, 02:06 PM
الله يا ام جنى ردك اثلج صدري
ما في كلام بعد كلام ام جنى
دموع وش صار معك؟؟؟

عروس الموج
13/01/2008, 06:42 PM
نووووووره 1979

اولشي انا ما قلت للبنت سيري حبي ريله

انا قلت اذكري ربج وادعيله....يعني خلاص اذا صارت اي مصيبه ما نلجاء إلى ربنا...

وكيف اتقولين اذا كان يخووون ويصرف جان قلنالها اصبري عزيزتي الصبر في كلشي مب بس في هذا الشي...


الانسان ينصح بس بكلام معقوووول بس اغلب ردوود البنات احس انهم ناسين شي اسمه رب العالمين يعني ياخذون القرارات رواحم وكلشي بيد رب العالمين هو الي يقوول كن ف يكووون..

احنا منوو عسب انقووول تتطلقي ولا تمي ولا شووو بعد الواحد يوم بيقدم النصيحه يقدم نصيحه معقووووله تدخل فيها حكمت رب العالمين..لان هو الي بيده كلشي.....

شدراكم يكمن يرد الريال تايب لربه وكلشي يرد احلا عن قبل شوو بتسون بتقولووه صدقيني بيخوونج رمه ثانيه تتطلقي احسلج؟؟؟؟؟؟؟؟؟





بعدين تساليني اذا انا متزوجه او لا.....

شوووفي الرابط من وين بييب العيال يعني؟

بريق الأمل
13/01/2008, 09:42 PM
اسمحي لي اختي عروس الموج

دام الريال متجاهر بمعاصيه ومصر انه يمشي بهالطريج ويراويها بلاويه حتى يحرها
اشتبي فيه بعد ازيد؟؟
حتى لو رجعت له بتتم تذكر مواقفه وياها وبتكره العيشة معاه ..
تهقين المرة سهل تنسى بلاوي الريال خاصة الخيانة؟؟
اهي لو بس مجرد شكت مابتقدر تعيش معاه .. مو الا شافت بعينها

لو صحيح يبيها وشاريها بيبين لها الصورة الحسنة له مو يكره روحه فيها
مو يراويها بلاويه حتى تقول له انا ماابيك ..
هالحركة ماهي الا خطة للتخلص من زوجته .. يمكن يكون يبي يتهرب من دفع المهر لو هو بادر بالطلاق
خل تطلب الطلاق هي وتدفع له المهر هي وتعيش بكرامتها معززة مكرمة والله بيخلف عليها بغيره وبيعوضها ان شاء الله بأفضل منه

dede2021
13/01/2008, 10:11 PM
الله يصبرك عليه.المهم يا اختى انا نصحتى ان اول شئ تدعيله ان ربنا يهديه.وتانى شئ لو انت مقصره معاه فى شئ حاولى تصلحيه .وحسسيه انك اتغيرتى فى كل شئ ابتداء من المحاظه على الصلاه حتى تكونى قدوة له ويحس ببشاعه اللى بيعمله وتانى شئ التغير فى المظهر خلى شكلك واحده تانيه خالص اهتمى بنفسك وغيرى فى اسلوبك يعنى اهتمى بيه اكتر وبطرق مختلفه تعبر عن الحب والرمانسيه حاولى انك تغيرى من طريقتك اثناء الجماع .شوفى ايه اللى بيعجبه فى البنات التانيه الدلع ولاطريقه لبسهم ولا طريقه كلامهم ولا حركاتهم من الاخر حسسيه انك دلوعه ومرحه ورومانسيه واشبعى غريزته بالطرق اللى بيحبها وده مش عيب.بعد التغير ده متحسسهوش انك عارفه انه بيكلم او بيقابل بنات.وحسسيه انك متاكده انه اتغير ومبيعرفش بنات دلوقتى.حاولى اجذبيه ناحيتك بالطرق اللى انا قولتهالك.ومن فتره لفتره اعرفى هل هو اتعدل ولا لسه . من الاخر جربى انك تكونى حببته وعشقته لو لزم الامر.وقوموا صلو كل يوم الفجر مع بعض.والله لها نتاج كبيرة ومتجربه.بس مش تعملى كده لمده شهر وتقولى متصلحش لا اصبرى فترة كفايه.علشان متندميش.ولو بعد كل ده متصلح انصحك انك تسيبيه وتبدائى من الاول مع حد يقدرك.وربنا عمره مهينساكى وهيكون ريدلك اللى احسن منه

دمع الليل
13/01/2008, 10:14 PM
السلام عليكم ورحمة الله وبركاته

هلا فيكم خواتي .. شلونكم شخباركم . .والله استحيت منكم يا بنات عروس .. ومب عارفه اودي ويهي وين ..

الاخت : أريج البنفسج ... صعبه وخيتي اروح لزوج اخته لانه يعرفهم من زمان صديقهم قبل لا يتزوج بنتهم ووايد يحبهم ومرتبط فيهم وقبل مترافع بقضية على زوج بنتهم لانه كان يطقها بعد ويخونها و خلوها تجي بيتهم 6 شهور ما تجوووووووووووفه .. ومستحيل يوقف بصفي ضده ..


! أنثــى! .. الله يجبر بخاطرج حبيبتي يا أم السادة .. التقرير الطبي وموجود وعند مركز الشرطة ..
وللاسف الشديد ما عندي واسطات بالمحاكم بالمرة ... وبروحي ادور محامي شاطر ... ومعروف ..


انوار الحب .. والله اني كل مرة اخذ الاستخارة وكلها تطلع بصالحي اني ابتعد عنه ... وربج كريم يا خيتي

اسيل امين يا رب الله يهديه تسلمين

عيون ريمي .. مشكوووووووووووووووورة وخيه ام حمود على وقفتج معاي .. من زمان وانتي اخت عزيزة وغالية ..
وباصدمج لاني لحين ما قلت لهم بس احس ان امي واختي يدرون لان همه بعد يتابعون منتديات عروس وهاليومين من ادخل على امي وهيه تطالع المنتدى تنزل الصفحة واحسهم يلمحون لي بالموضوه يبوني انا ابتدي فيه ..
واعطيج قرنتييييييييي وابصم لج بالثلاث لو قلت لامي بتقول لي فرقاه عيد ومن احين بعد لان هيه من درت عن سوالفه ما تخليه يطب البيت وتكرهه ولا تحب اهله صارت ...


noor1979 وعليكم السلام ورحمة الله وبركاته ..
سويت بمثل ما قلتين يا وخيتي كل شي محتفظه فيه بس ما ادري هل الايميلات وهالشغلات ياخذونها كادلة بعدين او لا ؟؟..

والمحامي الي اتصلت له ما اعرفه ولا قط مرة سألت عنه بس جفت اسمه في النت واتصلت .. ويا ريت يا اختي لو تعرفين محامي معروف تخبريني حتى لو باسمه وانا بطلع رقمه او باسال عنه
وبخبرج بعدين بالرد الي عقب شصار معاه وخلاني اتذكر كلامج زين واصييييييييييييييييح من الخاطر واعافه واكررهه

مفتاح قلب ..
تسلمين اختي وهمنا وهموم جميع المؤمنات مفرجة ان شاء الله
كل شي احتفظت فيه على حسب نصيحتكم لي ..

روزروز .. امييييييييييييييين يا رب العالمين


بريق الأمل..
انا تاكدت من السن 3 سنوات لان الطفل ما يحتاج رضاعه طبيعية ... وبعدين اذا كمل ال 18 يختار الي يبيه
وعمتي فكرت في اني اقول لها واييييييييييييد بس احس كل واحد لاهي بظروفه ومشاكله وهيه ما شاء الله عندها 8 عيال وكلهم يهال احس باثقل عليها مع انها دايما تقعد معاي على صوب وتسالني مرتاحة او لا وكله خايفة علي وتحاتيني ..

وتسلمييييييييييييين عمري الله لا يحرق قلبج يا وخيتي على حبيب يا رب تسلمين عمري



يتبع ..

دمع الليل
13/01/2008, 10:25 PM
السلام عليكم ورحمة الله وبركاته

بعد قلبي والله عروس الموج يا وخيتي عارفه ان قلبج علي لاني اختج وانتي اختي ..
وتحاتيني مثل ما احاتيج الله يطول بعمرج ..
لا تعصبين على البنات في ردودهم لان كل وحده لها وجهة نظر وهمه وانتي على عيني وراسي
بس يا وخيتي والله على طوووووووووووووووووووول ادعي له اكثر مما ادعي لروحي..
بس بقول لج .. شي من اعظم الاشياء ما حبيت اقولها للبنات من قبل ... لانه شي بينه وبين ربه

زوجي ما يعرف شي اسمه صلالالالالالالالالالالالا لالالالالالالالالالالالال الالالالالالاة .. ما يصليييييييييييييييييييي
ما عمره رفع قران وقراه ما يحب يصووووووووووووووووووم .. اغصبه على شي غصيبه لاني يايه من عايلة محترمة ومحافظة على الصلوات والقران وخوف الله ..
وقبل الخطوبة امه كانت على طول تنعت فيه يصلي ويروح المسيد ويصوم وووو .. واحنا صدقناها لانها مرة مؤمنة بس هيه ما تدري عن ولدها ما يعرف الله ...
وانا ما ييت افتش في تلفونه لان تلفونه على طول ارقام سريييييييييية والا صاكه عني مرة انا وهوه كان يراويني صور جفت بالصدفة صور البنات

واول ما دريت عن سوالفه بالملجة كنت فاتحه درجه وانا وي اخته يمي وجفت الورقة وخليتها بشنطتي ... الي قلت لكم عنها

وصج يا وخيتي الزم ما على الانسان كرامته صح ؟؟.. صج فهودي احسه بيضيع بس كلام الخوات اقنعني ووعاني لوايداشياء
ليش احنا نرضى عن الظلم والساكت عن الظلم شيطان اخـــــــــــــــــــــــ ــــرس ؟؟.. ادعي له دايما بالهداية ما اقول لا ... بس احس ان ربي يبي يبعدني عنه لانه مب مناسبني
واشكررررررررررررررررررررر ررررررررررررررررررررررررر ررررررج مليوووووووووووووووووووووو ووووووووووووووووووون مرة على الادعية يزاج الله خير ورحم الله والديج
والله يخلي لج مروان ويهدي لج زوجج ويسخره لج ويحفظ لج جنينننننننننننننننننننننج ويتمم حملج على خير ياااااااااااااااااااااااا ا رب


يتبع ..

دمع الليل
13/01/2008, 10:34 PM
السلام عليكم ورحمة الله وبركاته

جروووح..
الحمد لله سبحانه وتعالى على ابتلاءه ان شاء الله اكون صابرة وقد ثقة رب العباد فيني ...
مشكووووووووووووووووووورة حبيبتي على مرورج وتعليقج ريحتي قلبي عسى الله يريح قلبج دنيا واخره


نجمة سهيل سلامة قلبج يا وخيتي ..
مسكينة فجعتي قلبي فيها فقيرة الله بس الله سبحانه ما يضيع اجر الانسان في تعبه وحراق قلبه الله يحفظ لها عيالها ويعوضونها عن ابوهم والدنيا كلها

كريشما.
تصدقين يا وخيتي هذا احساسي بالضبط صار لين كرهت روحي اني لعبه عنده وشهوة ونزوه مب انسانه ولا ادميييييييييييييييييييه
كرهت دنيتي استغفر الله العظيم


بريق الأمل .. يا حسرة يا وخيتي اي مهر الي هوه خذاه هه خليها على الله يا ختي ...


في أمان الله

دمع الليل
13/01/2008, 10:41 PM
السلام عليكم ورحمة الله وبركاته


بنات وانا قلبي يحن له قام طرش لي مسج حلو من الصبح يصبح وغزل وغيره صج قلبي هف ناحيته بس قلت خل اتاكد واقطع الشك باليقين

سويت لي بروفايل في ال hi5 وضفت تعليق عنده و طرش لي رسالة وااضافه وكلمني
وقال يبي صوري وطرشت له صور بنت في الهاي فايف حلوة
وتم يتغزل في الصورة وجمالها والى اخره وقال لي على اعتبار اني وحدة ثانية انا متزوج وعندي ولد لكني بطلق زوجتي ويااااااااااااا ريت اتزوجج

وفوقها تم يتكلم عني اني انا اخونه و اني اشك فيه وهوه كره العيشه معاي ((-- قلب الآيه علي .. وقال ان الحياة معاي جحيم كلها مشاكل واني مااتوووووووووووب

وفوق كل هذا قال شي خلاني صجججججججججججججججججججج اصر على الطلاق

قال انا كنت بايام بداية الزواج ناوي اطلقها .. لاني كنت اكلم وحدة ثانية وحبيتها من خاطري ونويت اتزوجها بس بعدين اكتشفت حمل زوجتي ... وهوننننننننننننت عشان البيبي
وان انا كنت نزوة مراهقة وتسرع في زواجه مني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟!!!!!!!!!!!!!!!!!!!!!!!!!!!!!!!!!!!!!!!


وبعدين عقب ما انا حملت بعد اكتشف من حبيبته الثانية قالت له انها مو عذراء ومن جذي غير رايه ...


من قال جذي يا بنات حسيت الارض انشقت وتبي تبلعني وهني عقبها اعترفت له ان هذي انا الي اكلمه وتم يضحك وعادي عنددددددددددده وقال لي احين ارتحتي يوم عرفتي كل شي

والله العظيم يا بنات مت من القهر قلت له لحين عندك الفرصة ما ضاعت طلقني قال لي عشم ابليس تبين روحي اول شي تغربلي في المحاكم وتلتهي بعدين اذا قال القاضي طلق باطلقج

وادري فيه وحاسه انه يبيني اتنازل عن حقوقي

بس مستعده اتنازل عن كل شي الا النفقه يا خواتي ... و ولدي


والله العظيم كرهتتتتتتتتتتتتتتتتتتتتتت ته ويوم عن يوم اكتشف عنه اشياء يديده واعرف انه ما بيتوب

وخصوصا ان دراسته طيررررررررررررررررررررررر ررران يعني بكره اذا صار طيار ان شاء الله مستحيل اثق فييييييييييه وحياتي كلها بتصير جحيمممممممممممممممممممممم مممممممممممم

من جذي متعزمة حدي على الطلاق ومستحيل اتم معااااااااااااااااااااااا ااااااااااااااه


في أمان الله

دمع الليل
13/01/2008, 10:48 PM
الله يصبرك عليه.المهم يا اختى انا نصحتى ان اول شئ تدعيله ان ربنا يهديه.وتانى شئ لو انت مقصره معاه فى شئ حاولى تصلحيه .وحسسيه انك اتغيرتى فى كل شئ ابتداء من المحاظه على الصلاه حتى تكونى قدوة له ويحس ببشاعه اللى بيعمله وتانى شئ التغير فى المظهر خلى شكلك واحده تانيه خالص اهتمى بنفسك وغيرى فى اسلوبك يعنى اهتمى بيه اكتر وبطرق مختلفه تعبر عن الحب والرمانسيه حاولى انك تغيرى من طريقتك اثناء الجماع .شوفى ايه اللى بيعجبه فى البنات التانيه الدلع ولاطريقه لبسهم ولا طريقه كلامهم ولا حركاتهم من الاخر حسسيه انك دلوعه ومرحه ورومانسيه واشبعى غريزته بالطرق اللى بيحبها وده مش عيب.بعد التغير ده متحسسهوش انك عارفه انه بيكلم او بيقابل بنات.وحسسيه انك متاكده انه اتغير ومبيعرفش بنات دلوقتى.حاولى اجذبيه ناحيتك بالطرق اللى انا قولتهالك.ومن فتره لفتره اعرفى هل هو اتعدل ولا لسه . من الاخر جربى انك تكونى حببته وعشقته لو لزم الامر.وقوموا صلو كل يوم الفجر مع بعض.والله لها نتاج كبيرة ومتجربه.بس مش تعملى كده لمده شهر وتقولى متصلحش لا اصبرى فترة كفايه.علشان متندميش.ولو بعد كل ده متصلح انصحك انك تسيبيه وتبدائى من الاول مع حد يقدرك.وربنا عمره مهينساكى وهيكون ريدلك اللى احسن منه




السلام عليكم ورحمة الله وبركاته

اشكر لج اهتمامج حبيبتي ..

بس والله العظيم واقسم بالله من تزوجنا لحين ما كملت شهرين بنفس اللوك .. على طوووووووووووووووووووووووو وووووووول اقص شعري والا مرات اخليه يطول و اصبغه واتعطر له و اتنظف واسوي الحركات واتشرى فيها من المنتدى سواء الالعاب الزوجية والخوات التاجرات شاهدات الي شريت من عندهم
والا الانجريهات اخذ من اغلى شي واحدث الحركات الحلووووووووووة

و اتكشخ و كل شي انوع فيه و كل ليلة سهرة ثانية .. و مرات اخليه له ورود وهدايا انا مصروفي من ابوي كله عشااااااااااااااان خاطره اتدين من اختي من امي عشان اسعده

والصلاة انا دايما محافظه عليها ووقت الي ياذن يسوي روحه تعبان وينام حتى لو افرش السيادة له واقول له قوووووووووووووووووووووووو م يسوي روحه نايم


اطلعه على حسابي نتعشى في المناسبات
اعزمه على سينما

كل شي سويته له والله وربي ما خليت شي ما سويته ولاني كريهةةةةةةةةةةةة ولا بشعه بالعكس بيضة ولله الحمد وشعري ناعم ...

ووايد بالجامعه يعاكسوني والا بالشغل ويعرضون علي الزواج وانا ما اكلم رجاااااااااال راسي دايما بالارض استحي .. ومتحجبة ..

بس رفضت الكل عشانه هو ... ودايما مغرور بجماله لانه وسيمممممم ... وعنده ماكو بالخلق اجمل منه ؟؟..!!!

وياريته لاقي شي بالي يكلمهم والله كل وحدة ابشع من الثانية بس يكلمهم لانهم مب زينييييييييين
ويعطونه كل الي يبيه
في أمان الله

خفايا الم
13/01/2008, 11:14 PM
ربناايكون بعونك عزيزتي.. ويهدي لك زوج ..

صحتك الزم ماعليك ..

اكثري من الدعاء لك ولة بالهدااية وربنا يهدية هو القادر على كل شيء..

بصرااحة انساان مثل هذا خساارة تكوني زوجة لة لان بجد مايستاهلك وين بلاقي مثلك صاابرة وفوق كل هذا تصرفي علية ...
من رئيي تحاولي تجلسين معاه جلسة مصارحة ونقااش تسألية ليش هو كذا وش ملاقي بغيرك مو ملاقية منك حااولي تحتوية وتكوني حنونة بالكلام معاة تكون الصدر الحنون والزوجة العطوف اذا فاد خير وبركة واذا مافاد ولافي نتيجة..
من رئيي تبعدي عنة ببيت اهلك مايكون بينك وبينة اي وصل لاتلفون ولا غيرة ولا تصرفي علية ابداا خلية يحس بقيمتك..واكثر من الدعااء بهااففترة ان ربنا يهدية ..
اذا ردع واعترف بغلطة وتااب ارجعي لة وتكون المرة الاخيررة وبيني لة انها المرة الاخيرة ون كل هالتسامح مو عشانة عشان الطفل اللي بينكم .. واذا شفتي مافي فاايدة مافي حل غير الطلاق حتى لو توصل للمحكمة يطلقك غصب عنة وخصوصا انك ماسكة علية غلطات كثير وغزل..توك صغيرة ويمكن ربنا يعوضك بافضل منة]

أم كرومي
13/01/2008, 11:48 PM
ياقلبي عيل ما يفيد بعد إلا ندعيلج ان الله يسهل امر طلاقج منه و يارب تخلصين منه بدون تعببب

والله اني ما بنساج بدعائي الله وياج ان شاء الله .... صدقيني صحيح هو وراه محامي شاطر

بس انتي عندج الاكبر عندج رب العالمين اللي بياخذ حقج منه لانج مظلومة ,,,, الله كريم حبيبتي

بريق الأمل
14/01/2008, 12:06 AM
أخت دمع الليل
والله فوتتي على نفسك فرصة يوم اعترفتي له انك انتي
كان المفروض انك تكشفين مافي نفسه وبس حتى تحددين موقفج
دوسي على قلبك اشوي واتركيه ونشوف آخرتها معاه ..

قريت مقال بخصوص الخيانة وحابة اعرض لج مقتطفات منه يمكن يقنعج او يعطيج افكار
راح احاول انزله لج بعد اشوي

موفقة عزيزتي

بريق الأمل
14/01/2008, 12:13 AM
هذا هو المقال اختي عجبني حسيته واقعي ومتأكدة أنه بيفيدج ونقلته لج

إلى كل زوجة استباح زوجها ماحرم الله

كما هو واضح من عنواني موضوعي هذا موجه لكل زوجة لكل أم

هي مسؤولة ومحاسبة على ماأنعم الله عليها

من نعمتي الزواج والإنجاب

لكل إمرأة مستسلمة قانعة ساكتة عن الحق وكأنها شيطان أخرس

لفت نظري في الأونة الاخيرة كثرة المواضيع والمشاكل الزوجية

التي يكون محورها العلاقة الخاصة بين الزوجين

وطلبات بعض الأزواج من زوجاتهم التي تعدت حدود العقل والدين

ومايفاجئني أكثر عندما يسأل أحد الاعضاء الأخت صاحبة المشكلة

هل زوجك يشاهد الأفلام الإباحية ؟؟؟؟

فتجيب بكل استسلام بل هو مدمن للأفلام الإباحية !!!!!

أقسم بالله إني لأصدم من هذه السلبية ومن هذا الاستسلام

أقرأ حججها فلا أرى أنها سببا كافيا للصمت

كثيرات من يتحججن بالحب أو الأبناء

أو الأهل الذين يرفضون الطلاق

(إن كان هو الحل)

وتجدها تقول في نهاية المطاف

ليس أمامي سوى الدعاء لعل الله يفرج عني ويهدي زوجي

أنا لست ضد الزوجات اللاتي يحافظن على بيوتهن

ولست ضد من تصبر على طغيان أو ظلم

بل أؤيدها وأقول لها اصبري فإن مع العسر يسرا

اصبري لابد أن تفرج فالله لايرد دعوة مظلوم

ولكن ماجعلني انفجر

الاستخفاف بعظم الذنب

فتلك تجد زوجها لوطي

والثانية زوجها زاني

وأخرى شارب للخمر

ومنهم تارك للصلاة وغيرهن كثر

فإلى متى هذا التخاذل وهذا السكوت

هذه حرم الله تستباح

ونغض الطرف عنها من أجل ماذا؟؟

الحب !!!

أي حب هذا الذي يجعلك تولينه مرتبة أعلى من الله ورسوله

أوليس من ترك شيئا لله عوضه الله بأحسن منه

أم أن حبك لزوجك أعماك عن رؤية الحق

والتفريق بينه وبين الباطل

وأي قلب هذا الذي ينبض بالحب لرجل استباح ماحرم الله

لرجل لم تؤثر معه موعظة ولا نصيحة وجاهر بمعصيته

وفوق هذا وذاك رجل قد استهان بأنوثتك

هذا والله ليس بحب بل هو الشيطان استحوذ عليك فأعمى بصيرتك

وأخرى تقول الأبناء!!!

فأجيبها أي قدوة هذا الزوج لأبنائك لتتركيه يعيش بينهم

اليوم أبنائك صغار لايفقهون أما غدا فسيفهمون ويعلمون

فهل أنت مستعدة لتريهم على طريق والدهم ينهجون

ثم كيف ستقدرين على تربية ثمرتك بين غبار الفساد وأتربة الفجور

وهل ستنمو لتغدو ثمرة طيبة ؟؟؟

وفيكن من تقول الأهل ونظرة المجتمع للمطلقة!!!!

فأقول لها : مطلقة أم زوجة لمدمن الخمر ؟؟

مطلقة أم زوجة تستهان كرمتها وتتمرغ بأقدام الساقطات من بنات الهوى والليل؟؟

مطلقة أم زوجة آثمة لم تملك في نهاية المطاف إلا وأن تستجيب لشهوات زوجها ؟؟

والأهل مابهم ؟؟

قد يوجد فئة منهم من يسكت ويجبر ابنته على العيش مع أشباه الرجال أولئك

ولكن الأغلبية إذا علموا الحقيقة خافوا على عرضهم وعلى بناتهم

وفتحوا لهن قلوبهم قبل بيوتهم

فإن كانوا كذلك فنعم الأهل هم

وإلا فالله هو الأهل لكن والله هو المتصرف بشؤون عباده

كيف نطمح أن ننتج جيلا يحرر القدس؟؟

كيف نطمح أن نكون أمهات يدفعن أبنائهن للذود عن حمى الإسلام والمسلمين؟؟

كيف نطمح لأن نربي جيلا سويا بعيدا عن الإنحراف والشذوذ ؟؟

كيف نطمح لكل هذا وأكثر ونحن مستسلمات قانتات وبهذا الضعف؟؟

ألم تثبت الإحصائيات أن التربية والجو الأسري السيء

من أهم أسباب انحراف الأبناء

ومع ذلك لاتقنعنا هذه الإحصائيات ونختبئ وراء عبارات خاوية

هذا زوجي ولابد لي من الصبر

لابد لي من المحافظة على بيتي وأبنائي

الدنيا لاتكتمل لأحد

بالله عليك لو ضربك زوجك ماذا تفعلين؟؟

تحملين ثيابك وعلى منزل أهلك تتجهين والويل والثبور له

ولا يغفر ذنبه إلا بعد تنفيذ شروطك وبعد أن يقطع الوعود بأن لايكررها ثانية

أين هذه الكرامة والحمية عندما يحمل كأسه

أين هي عندما يشاهد مايشاهد من أفلام الإنحلال

أين هي هذه الكرامة المهدرة عندما تستسلمين له وتحلين معه ماحرم الله

لما الكرامة تنبت فجأة في تلك المواقف وسرعان مانقتلعها عند حدود الله

أفقن يازوجات ياأمهات المستقبل ياصانعات الأجيال

أفقن وانقذن أنفسكن من هذا الذل والهوان

انتشلوا ابنائكم من براثن أشباه الرجال

انشلوا أبنائكم من أجواء الكبائر ودنيا الرذيلة

دافعوا عن شرفكن وكرامتكن بكل بسالة

دافعوا عن أنوثتكن الضائعة الممتهنة

قفوا في وجه من رزقه الله الحلال فتركه ليبحث عن الحرام

قفوا في وجهه واتخذن موقفا وكن أهلا له

أخواتي انتبهن !!!

ليس بالضرورة أن يكون موقفك الطلاق

وليس هو ماادعو إليه

بل ادعوا إلى وقفة صارمة مع النفس أولا ومن ثم مع هذا الشريك

لتقررا كيف ستكملان المشوار

كيف ستكملان بقية حياتكما وتكونان أهلا لهذه الأمانة التي قد رزقكما الله بها

كيف ستنشئان ابنائكما في جو إيماني

كيف ستحترقان سويا لتضيئا دروب ابنائكما

كيف ستزرعان في نفوسهم الثقة

وتجعلوهم رافعي الرأس معتزين بأنفسهم وأسرتهم

والله هذا مااريده لك

من أجل اسرة محبة متناغمة تتربى في طاعة الله

والا فعلام أحتفظ بهذا الشريك الذي لايسمن ولا يغني من جوع

بل إن وجوده هو سم في اسرتي يتغلغل ببطئ

نعم هو سم يتغلل ببطء ولن تشعرين به الآن

فأبنائك صغار والسم لاتظهر نتائجه عليهم الآن

ولكن إن انتظرتي أكثر فستصدمين بالنتيجة

أخواتي هذا السم إن كان سيصل إلى أسرتي ولو بعد مائة عام فالبتر له أولى

أخشى عليكن أن تستيقظن ذات يوم لتجد إحداكن نفسها ضحية مرض

أو أن تقفي ذات يوم أمام ابن من ابنائك سار على نهج أبيه

أو حتى تقعين أنت بين يدي صديق سوء أدخله زوجك في حالة سكر إلى منزلك

أو تجدي نفسك قد استبحت ماحرم الله

أو أو أو أو كثيرون هم ضحايا هؤلاء الرجال وخشيتي عليك دفعتني لنصحك

أعلم بأن كثيرات منكن سيقرأن كلماتي ويقلن

لأنها لم تمر بهذه التجربة تقول ماتقول ولن يشعر بالنار إلا واطيها

فأرد عليكن وأقول لابد أن أكون خارج السرب لأوجهه

فصاحب المصيبة تعميه مصيبته عن التفكير السليم ولابد له من معين

قوية باااس
14/01/2008, 02:18 AM
أول شي صباح الخير ((دمووع الليل )) ....

أحب أقولج أن موضوعج واااجد شدني وهذي أول مشاركه لي بهالمنتدى وحبيت أرد عليج لأن بصرااحه موضوعج حساس انا ماراح أزيد على اللي أنقال بس بقولج حاجه معينه فيه مثل يقول (( عز نفسك تلقاها))
أنتي صبرتي وان شالله ربي بيعوضج على هالصبر الجميل بشي أحسن من اللي أنتي اللحين محصلته
مع هالشخص الأناني اللي الظاهر ليما اللحين عايش مراهقته وأنتي لاتنسين أنج توج صغيره وعشتي هالتجربه الصعبه مع أنسان أذا جاز التعبير عنه بهالوصف قاسي فكل اللي أبيه منج تحطين حد له وللي يعتدي عليج لان اذا ماصرتي قويه من داااخل محد بيقويج والمصيبه اللي ماتكسر الشخص تقوييييه ...
وفالاخير أتمنى لج حياه أحلى مع أنسان يعرف قيمتج أكثر وهذا خليه للحين الدنيا ماعلمته باكر بيندم...

وعلى الظالم تدور الدوائر....

al-ryaaan
14/01/2008, 07:20 AM
وانا بعد انصحج بالابتعاد عنه فتره اكثر من شهرين او اكثر يمكن يهتدي واذا شفتيه مثل ما هو فاحسن لج الابتعاد عنه للابد الحمد لله انه عندج ولد واحد والمسكين ماله ذنب وربيه وعلميه لا تكرهينه لانه عطيه من رب العالمين
لاني اعرف وحدة عندها خمسة ولين الحين ريلها يخونها وما بقت شي ما سوت له وبعده على الحرام للاسف ما تقدر تسوي شي لانه عيالها اكثروا واكبروا والله يصبرها ويهدي ريلها ان شاء الله

عيون ريمي
14/01/2008, 09:12 AM
أعتذر أخواتي يمكن أختلف معاكم في جلسة المصارحة وسالفة الإبتعاد يومين
قالت ليكم آخر شي مكلمتنه في الهاي فايف وكاشفتنه على الآخر ويضحك بعد شنو عقب هدا
أختي تصدقين من تفاعلي معاش خاطري أكلمش بالتيلفون أو أشوفش وآخذش في حضني

وما أملك إلا بالدعاء انه يسهل عليش أمور الطلاق والبنات اللي قالوا بيشوفون ليش محامي شاطر في هالسوالف ان شاء الله يتوفقون والله معاش وهالأيام أختي أيام فضيلة توجهي لرب العالمين بأحب الناس إليه وإن شاء الله بيسر ليش كل شي

اَخر العنقود
14/01/2008, 09:48 AM
إختي الغالية
و الله قصتج قطعت قلبي...

باقول لج شي من واقع خبرتي البسيطة فلحياة:
" القطو العود ما يتربى و بوطبيع ما ييوز عن طبعه"

إختي الريال باين عليه لعاب و اللعاب مستحيل يقدر يعيش بدون علاقات
قصتج ذكرتني بوحده بعمر أمي إبتدت مع ريلها بقصة حب و ألحين الريال في الخمسين و مازال مراهق وراعي بنات و علاقات... تخيلي صار يد "جد" وعنده أحفاد و للحين المره متعذبه معاه و عياله متعذبين معاه

إختي قصري على روحج طريج الشقا و العذاب
إنتي أم و الأم تقدر تصير مكان الأبو و تصير إهيه كل شي بحيات عيالها
لا تقولين باعطيه فرصه
أهوه غريزة الأبوه ماتحركت فيه
و مشى ورا غريزته الحيوانية تبينه عشانج يعتدل...؟؟؟؟
الريال الدنيا ماخذته و خلدنياه تنفعه
ترى أشكاله نهايتهم صعبه صعبه وايد و الدنيا دواره و ربج مايطق بعصا
إختي انتي صغيره و الحمدلله إللي فهمته من كلامج إن أهلج معاج علخط و مو هادينج و مساندينج وهذي بحد ذاته نعمه كبيره من رب العالمين
جوفي إللي مايخاف من ربه ترى ينخاف منه ....

و نصيحتي إستخيري ربج و شوري الكبار و ذوي الحكمة من أهلج و وكلي أمرج لله و خلي عندج يقين إن الله إللي بيكتبه لج وبيسره لج أهوه الصلاح لج سواء تميتي على ذمته أو كل واحد فيكم جاف طريجه....

الله معاج و مع ولدج يارب

كريم كراميل
14/01/2008, 01:50 PM
ياقلبي يادموعة ... والله كسرتي خاطري ... الله يعينك اختي ...طولت بالي قد ما اقدر وكنت اتابع موضوعك وكل يوم اتمنى اشوف ولو بارقة امل انه زوجك ينصلح حاله بس للاسف ريلك مصخها كل ماله قصتك متعقدة ... واشهد لك حبيبتي انتي صبرتي عليه صبر جميل والله يجزيك عنه خير ... بس خلاص كفاية ريلك مافيه خير ... ولا حيكون فيه خير ... اختي اللي ما يعرف ربه مايعرف لا زوجته ولا ولده ... واللي ما يخاف ربه ما يخاف منك اكيد ...


مايصرف عليك وياخد منك فلوس كمان
يضربك ومن اول ايام اللي مفروض كلها عسل
راعي نسوان ورذيلة
يجاهر بالفجور
خاين للامانة
مايعرف للابوة شي وناكر ولده

والادهي والامر مايصلي ولا يعرف ربه

اختي واحدة بس من صفات ريلك تسبب الطلاق اشلون كلها ... هادا مو انسان هادا ابليس بعينه شو بدك منه؟؟؟ ... خله يولي وفي ستين داهية ... وربنا قادر يعوضك باللي احسن منه ... وبالنسبة لفهود _قلبي انا فهود _ احسنله يكون بعيد من ابوه ... هادا اللي متل ريلك تخافين على ولدك من اثاره السالبة لا يتطبع بطباعه وييصير متله -لا قدر الله ولا اراد- واصلاً اللي مثله مااظن يقولك بدي ابني اربيه ... طفل صغير اكيد يقيد حريته ومايخليه يتفرغ للهلس والمصخرة ومسئولية هو عارف نفسه مو قدها ... مااظن يجيب لنفسه وجع الراس لكن للضمان شاوري المحامي وقبل مشاورة المحامي عندي نصيحة :

شاوري ربك كريم ... اكثري من الاستخارة .... لو كان فيه خير تتركيه ربك راح يسهلها ...

اسفة اذا كلامي مو مترابط بس من حرتي ... بصييييييييييييييييييح

~همس~
14/01/2008, 02:07 PM
والله احس انه بيغمى على من كلامه اللي قاله ومن طريقه تصرفاته
والله شوي واصيح من القهر
واللي قهرني زود انه يقول تغربلي في المحاكم
حسبي الله ونعم الوكيل
حبيبتي طالما انه مايصلي وهذي البلوي صدقيني ربك معاكي
بس انتي دئما قولي حسبي الله لا اله الا هو عليه توكلت وهو رب العرش العظيم
والله سبحانه يكفيك همك
الله يعينك ويسر لك امورك

الحورية الجميلة
14/01/2008, 02:33 PM
السلام عليكم
حببتي صراحة صراحة الله يعينيك وما في اي وحدة بتتحمل اللي انتي بتتحمليه بس لازم تبعدي وفترة طويلة علشان يتعلم وتشوفثي النتيجة وصراحة لازم تفكرين كثير بمستقبلك وانا اعرف اشخاص انفصلوا بعد اربعة وخمسة اولاد انهم كانوا تاركين الوضع للأيام لعل وعسى يتغيروا بس للأسف فأنت لازم اول شي تبعدي فترة طويلة وبعدها انت تشوفي الوضع وخذي رأي اهلك وربنا معك ان شاء الله ودائما حسبي الله ونعم الوكيل

ام جعفرين
14/01/2008, 02:44 PM
واالله ماكو حل وياه هذي متعلم على تعدد البنات الله يبعد السوء عنا وعن جميع المؤمنين الله يهديه ويصبرش عليه

ام عمـار
14/01/2008, 03:02 PM
حبيبتي على قولة اختي انوار دام انتي مصممة على الطلاق مالنا الا ندعيلك انه الله يخلصك منه باسرع وقت بدون عذاب

و يحفظلك فهود و تفترقون عن بعض طول العمر

سمراءالسودان
15/01/2008, 12:43 AM
شيكي ع الخاص ان شاء الله تستفيدي

سمراءالسودان
15/01/2008, 01:09 AM
(n



دمع الليل..

حبيبتي الطلاق مب حل....انتي صغيره وعند ولد...ريليج مصيره يهتدي والهدايه من عند رب العالمين...انتوا خذتوا بعض عن حب فا كيف ينتهي كلشي بسهووله..اوكي ما ننكر انه ضربج وخانج...مليون حرمه غيرج ريلها مسح فيها الارض بس بعد ما طلبت الطلاق...

انتي لازم تفكرين وتخططين وترسمين عسب تردين زووج ويتغير عليج كلشي بإيدج انتي..

شو معنات الطلاق اوكي تتطلقتي اليوم وحصلتي ريل العن عنه شو بتسوين...انتي مب لعبه..

لازم تخلينه يقدرج...


وفي اخت ذكرتلج اسم الاستاذه ناعمه الهاشمي ترا الموقع الي ارسلتلج هذا موقعها وهي تشرف عليه ادخلي وشوفي البلاوي وتعلمي كيف يرد ريلج لج.....كلشي يباله صبر

صبرتي هالفتره كلها ما يمنعج انج تصبرين اكثر واكثر...


والبنات الي يقولوج اطلقي هم مب عايشن معاج واذا وحده منهم مرت في مشكلتج ما اضني تتطلب الطلاق الكلام وايد سهل بس الفعل اصعب...ترا معظم البنات الي موجودين ريايلهن يخونووونهم ليش ما يطلبون الطلاق...والخيانه صايره مثل الحلاوه بين الريايل..

ما في ريال مستقيم وحتى المطوع الي يخاف ربه يتزوج على حرمته ويقول الاسلام حلل اربع بدون ما يخاف على مشاعر زوجته او اي شي..


لا لا لا

اختي حتى ناعمه الهاشمي وقفت عاجزه امام الرجل المتعدد العلاقات هذا طول عمره بتم كذا

وانا اعرف ومتاكده لاني شفت بعيني وانا نفسي عايشه مع رجل منهم ودحين عندي 4 بنات كل يوم اسب نفسي ليش ما اتطلقت من يوم ما كان عندي بنت وحده ولكن ايضا مصره ع الطلاق بس في ظروف تمنعني
مع ان زوجي احسن شوي فهو يصرف علينا وكل ما اقفشه يبكي ويبوس رجولي (( بعد ما يضربني هههه) ويقول ما يعيدها

ويرجع يعيدها

خلاص انا كرهته هدي مو حياة هدي عذاب

دمع الليل
15/01/2008, 09:01 AM
السلام عليكم ورحمة الله وبركاته


مشكوووووووووورات خواتي ما تقصرون


والطلاق مالي رجوع عنه .. لانه حتى صديقاته وعشيقاته صار يقول لهم اني طليقته

والادهى يا بنات انا مخبره عشيقاته بايميلات انه خاين وانه متزوج عشان يتحذرون منه تعرفون معظمهم مراهقات والواحد يخاف عليهم

فهوه طرش لكل وحدة يعتذر ويقول ان "" طللللللللللييييييييقتتتتت تتتتتتتتتتته " الي هيه انا اخرب عليه حياته اليديدة

يعني مستحيل بعد هذا اتنازل عن حقي في الطلاق

وصار يراضي عشيقاته على حساب كرامتي


الله كريم .. بعد ما تهدا النفوس وادور بالمنتدى راح ارجع ارد على كل وحدة بوحدة

ومملكة بلقيس يزاها الله خير عروس الموج عطتني وصلة الموقع وانا اتصفحه حاليا اجوف الي فيه من مواضيع اقراهم

في أمان الله

rose_rose7788
15/01/2008, 09:24 AM
الله يكتب لج اللي فيه الخير يا رب .....

وربج هو الحافظ ... صدقيني فهووود بيكون في حضنج اذا لا سمح الله صار الطلاق بس انتي توكلي على الله وما عليج من ريلج ... هل النحس


رووووووووووووووووووووووز

سمراءالسودان
15/01/2008, 11:34 PM
السلام عليكم ورحمة الله وبركاته




والادهى يا بنات انا مخبره عشيقاته بايميلات انه خاين وانه متزوج عشان يتحذرون منه تعرفون معظمهم مراهقات والواحد يخاف عليهم







يااا الله على طيبه قلبك يا دمع يا الله

والله ما تستاهلي انا لو مكانك والله اكون حاقده عليهم غصب عني ااقرائي ردي في الاعلى

و

اللهم اصلح حالها وحالي اللهم عوضنا يا رب اللهم لا تقهر قلوبنااللهم اجعل لنا في ابنائنا قرة اعين

آمين

..M!ss-P!nk..
16/01/2008, 12:07 AM
يالغاليه انا اقول اطلعي منه هذا مايترك خرابيطه انتي ماراح تندمين على شي


لأنك حاولتي :(

وولدك مايضيعه ربك

ياما اطفال ربوهم امهاتهم بدون اباء أحسن تربيه


انا اقول تلاحقي على عمرك واطلعي :(

اخاف يجيب لك امراض بعد :(

اللهم عافيه ولا تبلانا

والله يكون بعونك ويفرج همك :(

crazy~cutie
16/01/2008, 06:32 AM
يا قلبي لو ما طلقك أطلبي الخلع وأهلك ما رح يقصرون معك
ودام ولدك ذكر الحضانة من حقك يا عمري بس جيبي محامي شاطر وهذا شرع ربي ما يقدر يقول فيه شي

الله يهون عليك يارب وأنتي توك بعز شبابك الله يوفقك يارب

al-ryaaan
16/01/2008, 06:45 AM
ما قلتي شو اخر اخبارج
ريلج امبين عليه يبي يطلق دام انه مخبر عشيقاته بانج طليقته ما تخافين شكله بيطلق بضغط من اهلج
الله يوفقج

rose_rose7788
16/01/2008, 09:41 AM
الله يصبرج اكثر واكثر اختي دمع الليل .....

وثقي بالله عزوجل ان شا ءالله بيكون معاج وبيردلج حقج ....


روووووووووووووووووووووز

ام احمد_24
16/01/2008, 11:43 AM
الله يكون في عونج والله والله انه قصتج امجننى ودى اتواصل معاج اذا في عندج ايميل

دمع الليل
16/01/2008, 05:53 PM
السلام عليكم ورحمة الله وبركاته

rose_reose .. الله يسمع منج .. يا ريت والله يتم فهود بحضني ليوم الي الله ياخذ امانته وافتك من الدنيا لاني صرت ما اجوف بالدنيا الا هوه ...


سمرا ءالسودان تصدقين حبيبتي سويت بنصيحتج وهوه كل يوم يطرش لي مسجات بياخذ الياهل وبربيه وما ادري شنو قلت له ولا يهمك خلص دراستك و بعطيك اياه تربيه وتتكفل به ... وانا وقت الي بتزوج مرة ثانية بيصير عندي يهال بعد

تدرين اتصل باخته عشان ياخذونه ؟؟!!... وهو خبر اخته بالموضوع كامل .. وطبعا طلعني الظالمة وما ادري شنو
وان انا ما ابي ولدددددددددددي :confused:

miss pink تسلمييييييييين حبيبتي ع الدعاء الله يخليج

crazy cuti .. اعتقد المحاكم البحرينية تخلي الحضانة لسن ال3 بس ؟؟... يمكن انتوا عندكم غير
بس يا ريت اقدر اتفك منه بأي طريقة تريحني


al_ryaan
يا ريتتتتتتتتت والله ربي يسمع منج ..



rygaya تسلمين انتي وزوجج الله يحفظه لج ذخر طول عمرج والله يسمع منج يا الغالية

ام احمد .. تسلمييييييين حبيبتي وبسم الله عليج من الجنون

جيكي الخاص يا الغالية بطرش لج ايميلي

دمع الليل
16/01/2008, 06:02 PM
السلام عليكم ورحمة الله وبركاته

خواتي اشكركم جزيلللللللللل الشككككككككككككككككككر على مساندتي

لان الله يشهد شقد هاليومين نفسيتي تعبانةةةةةةةةةةةةة وانا بين الناس وانا احس مخي بيفتر علي من كثر ما افكر

الناس تسولف معي بالبيت وبالشغل واسرح واقعد افكر وافكر وبعض الاحيان عيني تدمع

خصوصا لما اجوف زوج وي زوجته مستانسين اصلي ع النبي وفي بالي دايما احسهم يشفقون علي ..

واحس اجوف الشفقة بعين الكل واخاف اتكلم اخاف اقول اي شي لاي حد زين مني تشجعت وكتبت لكم ...
حتى الأكل ايوع واروح اشتري لي او احط لي واكل الربع بس والباقي اخليه


ابي دعائكم لي من كل قلبكم ربي يفرج علي بحق من عنده الفرج ...


وحتى خواتي بالمأتم لا تنسوني من دعائكم الله يخليكم ... وحتى هوه حتى لو كان ظالم ادعوا له ان الله يهديييييييييه ويعقله


في أمان الله

سمراءالسودان
16/01/2008, 06:21 PM
دمع لا تخافي ترى هدي تهديدات انتي كلمي د ناعمه الهاشمي متاكده بتجيب ليك حل حلو لا تهتمي في اللس يسويه ومحد يقدر ياخد ولدك منك بس عشان لا يستخدمه في الضغط عليك عشان لا تطلبي الطلاق

الله يعينك يا غاليه والله قلوبنا معاكي اقرائي سورة البقره

يا رب تزيل همها يا رب

ام احمد_24
17/01/2008, 10:07 AM
اختي دمع اليل انا هذه ايميلى الماسنجر ضيفينى عندج[email protected]

سمراءالسودان
18/01/2008, 02:24 AM
دمع يا غاليه فينك

loveway
18/01/2008, 02:34 AM
لا حول ولا قوه الا بالله

ربنا يكون في عونك وربنا يصبرك

دخلي اهلك في الموضوع ولازم يتصرفوا

ام عمـار
18/01/2008, 01:03 PM
دموعة ما يصير تغيبين عنا وايد ترى بالنا يمك

لآلئ الكون
18/01/2008, 02:18 PM
والله ماأعرف شقول بس البنات ماقصروا في ردودهم وأنا ماأقدر الا ادعي لك ان ربي يهديه ويرده لك ويفككم من المشاكل اللي مالها أول ولا آخر يارب.

wardat_7ob
29/01/2008, 10:54 PM
اختي دمع الليل
الله يكون في عونج وهذي هيا حالتنا ويا الرياييل
وتذكري حبيبتي دوووووووووم رحمة رب العالمين وانها فوق اي شي

وبغيت اسئلج انتي قلتي انج خذتيه وانتي صغيرة يعني كنتي مراهقة فهل كنتي ماخذته عن قناعة او مجرد حب والسلام وهل اهلج سئلو عنه او احد حذركم منه ومن تصرفاته يعني شلون سمعته بين الناس؟؟ اذا كانت سمعته اوكي ومحد خبركم عنه شي فالغلط منه لانه لحين يبي يعيش مراهقته او يبي يسكتشف اللي مااكتشفه قبل واذا كنتي قبل ماترتبطين فيه عارفة عن سوالفه او سمعته او احد حذرج فيه وانتي ولا همج ذيج الحزة>>>على قولتهم الحب اعمى فالغلط بيكون منج لانج تسرعتي وخليتي عواطفج تتحكم فيج...

وفيه نصيحة صغيرونة ممكن تقدر تساعدج تتغلبين على عواطفج اللي تحسينها بين الحين والاخر تجاهه وهي حركة تقدرين تسويها باي وقت ييبي لج ورقة وقلم وقعدي بروححححححححححج وكتبي في الورقة قبل ارتباطج فيه شنو مواصفات فتى احلامج كانت وشنو تبين زوجج يكون وعقب ارتباطج فيه شنو الصفات اللي فيه من فارس هالاحلام وعقب كتبي صفاته الايجابية والسلبية كزوج وسوي المقارنة وحسب كلامج ان سيئاته اكثرررررر فحطي القرار اللي تحسينه فعلا يستحقه وكتبي كل الذكريات السيئة اللي تذكرينها عنه
وحطي روحج مكان اي بنت ثانية كأختج او صديقتج المقربة وشوفي شنو تنصحينها وابتعدي كل البعد عن عاطفتج... واخر شي كتبي شنو استفدتي من هالتجربة لان كل تجربة بحياة الانسان ومهما كانت قاسية تعلمه شي وتخلي علاقته بربه اقوى واقوى من قبل وكل ماتحنين له وكل ما يلعب ابليس بعقلج طلعي هالورقة واقريها عشان تقتنعي اكثر بالقرار الي اخذتيه

واهم شي تذكريييييييييييييييه ان عندج اهل وعندج بيت ثاني يضمج وخلي بالج على صحتج لانها اهم شي لاتستهينين فيها وخبرج فيه هو يلعب ومايندرى يطلع ويا من وشنو يسوي وهالزمن يخررررررع ياكافي الشر كله اراااااااض غريبة فلازم تخافين على صحتج المستقبلية
وبسج من التفكير والمحاتاة لانها بتتعب اعصابج وبترفع لج ضغطج بس خططي ونفذي وخلي سلاحج ايمانج القوي بالله ولايهزج لا كلامه ولا اهله

وطمنينا عليج عزيزتي باقرب وقت

صمت المحبه
30/01/2008, 02:26 AM
الله يعينك ياختي

الدعااء ان الله يفرج همك ويغنيك بحلالك عن حرامه وبه عمن سواااه


واختي فكري بعقلك ومثل هالزوج مايستاهل تضيعين حياتك علشانه وانتي ماشاء الله حلووه وراح تلقين اللي يسعدك ويعوضك عن اللي شفتيه

وبالنسبه للحضانه حتى لو لاسمح الله باخذ ولدك ماراح يقدر يربه حتى لو اخذته اخته كم تستحمله يوم يومين ثم بترجعه مافيه احد اللحين يتحمل عياله عشان يجيب عليهم عيال غيره


خليكي قووووووويه واعزمي امرك ودوسي على قلبك انتي تضعفين له لانك محتاجه للحب والحنان حتى لو انه وهم بس راضيه فيه

بس اصحي راح يجيك واحد يستاهل حبك وحنانه ويبادلك نفس الشعوور


امشي في قضيتك وتوكلي على الله وادعي باخر الليل ان الله يفرج لك همك ويعوضك في مصيبتك وياجرك عليها وان يحفظ لك ولدك

ولاتحاولين تشوفين اخبار زوجك ولاتسالين عنه ولاتفتحين جوالك له

عشان القلب مايتحرك ناحيته


الحياه قصيره فلا تعيشيها بهم ونكد


وسعي بالك وان شاء الله بيفرجها عليك


واشغلي نفسك بالقران والصلاه هي اللي بتريح صدرك وتفرج لك همك



والله القادر على كل شي


والله يفرج همك ويعوضك عن اللي شفتيه ويحفظ لك ولدك لك

rose_rose7788
30/01/2008, 08:19 AM
الله يكتب لج الخير يا رب اختي العزيزة .. ويفرج همج وغمج باذن الله وينور لج طريجج وولدج الغالي يتم في حضنج دهوووووووووور يارب ...

الله يهدي ريلج يا رب ويترك عنه سوالف الحريم اللي ما منها فايدة يا رب .. ويهون عليج مصيبتج بحق محمد وال محمد يا رب

روووووووووووووووووووووووو ووز