المساعد الشخصي الرقمي

مشاهدة النسخة كاملة : خصوصيتي الضائعه !!



!بنونه!
31/12/2007, 09:46 AM
خلاص اليوم تأكدت وصار شكي السابق الى يقين :21_182:

من سنتين وأني اشك بس من يسمعني !!

من سنتين وأني أحس ببعض التغييرات اللي تصير بغرفتي لمن أكون محد

من سنتين وأني افقد بعض الاشياء الصغيره ..... :think:




واليوم بس عرفت الفاعل وتأكدت منه مع اني كنت شاكه فيه من البدايه


قبل أقل من ساعه طلعت المركز عشان تطعيم بنونه وكان دربي كله نصف ساعه


ولمن رديت لمست التغيير بشقتي كالعاده بس هالمره بالمطبخ وبرائحه المكان


أول ما دخلت شقتي كانت مقفله بالمفتاح كالعاده بس شممت رائحه فطور (( ريوق ))

:21_93:


ما أستغربت الامر و أبعدت شكوكي بالتأكيد وأتجهت للمطبخ ولمست الفرن لقيته صاخن

تحسست التوستر لقيتها أيضا سااااخنه وشفت بعيني قشور البيض !!!!


طبعا عرفت الفاعل من فعلته لأني وداخله البيت لقيته يفطر بالبيض :tongue:

:21_95:
*************




اللي خطر ببالي انه لو هالشخص أستأذن كان دخل مطبخي بكرامته مش زي الحراميه :sm2441:

بس هالشخص صار له سنتين مايكلمني بدون سبب والمصيبه أنه من أهل الدار .... :21_178:


**************


أنزين يا بنات مشكلتي أني من سنتين لمن أقول لزوجي في حد عنده مفتاح شقتنا غيرنا

يبصم بالعشره انه محد عنده مفتاح شقتنا ....... بس اللي أكتشفته الحين عكس ذلك :angry:


لو كنت لا تعلم عن الامر يازوجي العزيز فالأمر بان ووضح

وان كنت تعلم وتخفي عني ..الله يسامحك



خلاص يا بنات اني أطالب بخصوصيتي وخصوصيه مملكتي الصغيره
وما أحب حد يدخلها من وراي ويفتش يمين يسار ويعبث بممتلكاتي



ألحين يا بنات وش تنصحوني اروح أواجه الفاعل واخذ مفاتيح شقتي


لو أنتظر زوجي وأبين له كل شي ...

لو أغير قفل الباب واعطي زوجي المفاتيح الجديده بعد ما أخلص

@نورينااا@
31/12/2007, 09:53 AM
والله لو أنا مكانج باستخف ... قولي حق زوجج اللي شفتيه اليوم يمكن هو مايدري ان في حد ثاني عنده المفتاح .. و غيروا القفل ... ولا تطلبون المفتاح ولاشي ...

دمع الليل
31/12/2007, 10:29 AM
السلام عليكم ورحمة الله وبركاته


محددددددددددددددددد له حق يدخل البيوت بدون استئذان والرسول "ص" .. حرص ان الواحد يستاذن 3 مرات اذا ما لقى جواب ينصرف احترام لخصوصية اهل الي ساكنين الدار

وذيلين سبحان الله ما اادري شلون يفكرون

انا منج اخبر زوجي بالي جفته والي صار بالضبط واجبررررررررره على تغيير المفاتيح ...
واول ما اغيرهم اروح اتحجى يم الفاعل بدون توجيه الكلام مباشرة واقول .. اليوم غيرنا مفتاح شقتنا تحسبا لدخول اي طفيلي .. !!.. واللبيب بالاشارة يفهم ههههههههه

بس يايتني حرة بنونة ابي اعرف من الفاعل الي تجرا على دخول مملكتج ؟؟

في أمان الله

كريم كراميل
31/12/2007, 10:35 AM
بنونة كيفا البنوتة عساها بخير ؟؟؟... ذكرتيني بصديقتي اتزوجت وسكنت يشقة ببيت اهل زوجها ومن اول يوم عطوها مفتاح واحتفظوا بالنسخة التانية ... وبس تطلع الدوام وهم جرررررررري على شقتها ... بس القرق انهم ما يستحون يعني على عينك يا تاجر ياخدوا الحاجات الفي التلاجة ويستعملوا الحمام ... وعطورها من غرفة نومها ... وبعد هيك يقولون لزوجها زوجتك وصخة ... طلعنا الشقة ولقيناها تقرف ... شفتي كيف ؟؟؟

نصيحتي لا تواجهين الفاعل ولا شي ... يمكن ينكر فعلته ويتهمك باساءة الظن وتصير مشكلة كبيرة ... ودا اللي حيحصل غالباً ... ماعليكي ياستى الا انك تغيرى مفاتيح الشقة ونسخة عندك ونسخة عند زوجك وبس

Boo0ooBle
31/12/2007, 11:19 AM
اختي انا من رأيي أنج تخبرين زوجج وتغيرون المفتاح واللي عنده النسخه بيستحي على ويهه..

الجوكره
31/12/2007, 12:08 PM
انا من رايي انك تخبرين زوجك بلي صار وماتروحي تواجهيه لانه اكيد شخص ما يستحي لو كان يستحي ماكان دخل لبيتك من غير استاذان
خلي زوجك يبدل مفتاح شقتكم
والله يوفقك

laleeta
31/12/2007, 12:12 PM
كلمي زوجج اول قبل ما تتصرفين عشان ما يلومج عقب


غريبه السالفه شلون احد يدخل على كيفه شقتج؟

شمس حياته
31/12/2007, 12:22 PM
اختي انا من رأيي أنج تخبرين زوجج وتغيرون المفتاح واللي عنده النسخه بيستحي على ويهه..

اختي انا من راي الاخت الافضل انكم تغيرونه و تفادوا المواجهات و المشاكل اذا انتي اصلا ما تكلمين هالشخص يمكن ينكر.. و بهالطريقة ضربتوا عصفورين بحجر انه هالشخص ما يقدر يدش شقتكم و انه الرسالة بالكشف وعدم التطفل وصلتله ..انتي اهم شي عندج خصوصيتج و هذا كافي بضمانها ..غريبة كيف الناس ما تستحي وتدخل على بيوت الناس من غير استئذان او احترام و تنبش في و تستعمل اغراضها يا سبحان الله الله يهديهم لانه الصراحة شي استفزازي ....

ام عمـار
31/12/2007, 12:41 PM
اختي انا من رأيي أنج تخبرين زوجج وتغيرون المفتاح واللي عنده النسخه بيستحي على ويهه..

انا من راي الاخت

بس الشغلة تخوف يعني مو وقاحة و بس بعد جاي مدري جاية تتريق

و الله حالة الله يعينك بس لا تسكتين و غيري قفلك بسرعة و حتى زوجك خلي عنده بس نسخة

بـنـت الـشـيـوخ
31/12/2007, 12:58 PM
يـالله .. فعلاً شــئ يقهر ..
وبالعكس انتي صبورة انج صبرتي سنتين لين تقطعي الشك باليقين ..
لو كنت مكانج مادري شبسوي ..

بس الافضل انج تخبرين زوجج بالأول .. وتبيني له أنه الشغلات الي كنتي
تقولي له عليها مو من فراغ أو عدم .. وانما انج ملاحظة انه صج في شغلات
تختفي ..

لان صج مهما كان الشئ المختفي صغير وتافه الوحدة ما بتحاسب على الي اختفى
بتحاسب على انه تم دخول مكانها من دون استئذان وهي لها خصوصيتها

مثل ما اقترحوا عليج الاخوات تغيرين القفل للشقة ..

واذا استمر الحال .. واجهي الفاعل ,,

او تقدرين تبيني له من الكلام انج عرفتي ترى ..

وهالشئ ما يخفى ,,

وكل شئ واضح ,,

والله يكون في عونج حبيبتي ,,

تحياتي

دمــ ـ ـوووع
31/12/2007, 01:36 PM
شكلها بنت...

سلامات؟؟؟

داخله الحبيبه الشقه وتفطر بعد..

ياشيخه عطري المكان اقلها قبل لا تطلعين خخخخخخخخ

شوفي ياقلبي....

اذا واجهتيها بتتبلى عليكِ وبتقلب الكلام وبتخربط...بالعربي انتي بتطلعي خسرانه.....

خلي الموضوع عاااااااااااادي...

انتي تسوقين...روحي الله لايهينك لاقرب مكان تغيير الاقفال وغيريه انتي بنفسك

ومايبيلها شغله ولا شي....كلها برغيين وسكروب...خخخخخخخخ

واذا خفتي ان زوجك يسأل ما يسأل او ينحرج من اهله قولي ابد...مدري شفت القفل فجأه اخترب

مايقفل عدل...معلق...ألفي لك اي شغله ...وعطيه المفتاح....عطيه مفتاح واحد بس وخلي

الاثنين الباقي معااااااكِ...

او صارحيه وانتهينا وغيرو القفل.....

ذكرتيني يالغلا بقصه صارت لاختي مع جارتها

قبل زواجها وايام ماكانت تودي ملابسها واغراضها اللي شاريتها لشقتها

كانت دايم تدخل وتشوف الاغراض محيوس فيها..تقول يووووه مع ابن الناس

كله ماارتب يعفس ليه....

ملابسها تسفطهم...تشوفهم مفرودين..

عطوراها جدد تشوفهم مستعملين..

الاندر وير مطلعين برا الدولاب..

ظلت فتره...ومره راحت وشافت السرير معفوس يعني احد منسدح عليه...


يوووووه انجنت...قالت لخطيبها لا تجلس تعفس ولا تنام بالسرير قبل مانتزوج نام ببيتكم...

مسكين قال والله انا احسبك انتي تعفسين بالاغراض...وهي تحسب هو....

المهم..هي عرفت ان في احد يدخل وغيرت القفل بس تبغى تعرف ميييييييييييييييييييييييي يييين...

هذاك اليوم تسولف مع جارتها..اللي بالشقه الثانيه وهذا قبل لاتسكنها اختي...تخيلي وش قالت...

اثاثكم من وين شريتوه ؟؟

قالت اختي من المحلات الفلانيه

قالت لا..انا قصدي الكنب الاخضر اللي بالمجلس...

طبعا اختي تبلعمت..وهذيك انتبهت انها خرت السالفه...خخخخخخخخخ

بس اختي سكوووته ماكلمتها...

اما سالفة ان جارتها من وين خذت المفتاح فهذي حكايه طويييييله

ما اصدع راسك بهذرتي ههههههههههههه

بس لا تنسين تغيرين القفل بسررررعه

بنوتة_بوظبي
31/12/2007, 02:10 PM
أنا من رايي تخبرين زوجج،، وتغيرين المفتاح احسن عن المشاكل،، والله يكون ف عونج الصراحة

بنوتة_بوظبي
31/12/2007, 02:15 PM
دمووووووع
انتي روعه هههههههه سوالفج والله حلوة،، فديتج

!بنونه!
31/12/2007, 05:39 PM
والله لو أنا مكانج باستخف ... قولي حق زوجج اللي شفتيه اليوم يمكن هو مايدري ان في حد ثاني عنده المفتاح .. و غيروا القفل ... ولا تطلبون المفتاح ولاشي ...



ومن يقول اني مب مستخفه ههه

إن شاء الله راح أخبر زوجي ولين ما اقتنع بالفكره على طول بغيير المفاتيح
بس بالأول بشوف آراء بنات عروس يمكن أتوصل لحل أفضل




السلام عليكم ورحمة الله وبركاته


محددددددددددددددددد له حق يدخل البيوت بدون استئذان والرسول "ص" .. حرص ان الواحد يستاذن 3 مرات اذا ما لقى جواب ينصرف احترام لخصوصية اهل الي ساكنين الدار

وذيلين سبحان الله ما اادري شلون يفكرون

انا منج اخبر زوجي بالي جفته والي صار بالضبط واجبررررررررره على تغيير المفاتيح ...
واول ما اغيرهم اروح اتحجى يم الفاعل بدون توجيه الكلام مباشرة واقول .. اليوم غيرنا مفتاح شقتنا تحسبا لدخول اي طفيلي .. !!.. واللبيب بالاشارة يفهم ههههههههه

بس يايتني حرة بنونة ابي اعرف من الفاعل الي تجرا على دخول مملكتج ؟؟

في أمان الله



هلا بأم فهود شخباارج


أني معاج بكل كلمه وان شاء الله ماراح اسكت ولا أرتاح إلا لمن اسوي الشي اللي يريحني

والفاعل الله يسلمج من أهل البيت يعني من دمنا ولحمنا .. الله يسامحه على فعلته








بنونة كيفا البنوتة عساها بخير ؟؟؟... ذكرتيني بصديقتي اتزوجت وسكنت يشقة ببيت اهل زوجها ومن اول يوم عطوها مفتاح واحتفظوا بالنسخة التانية ... وبس تطلع الدوام وهم جرررررررري على شقتها ... بس القرق انهم ما يستحون يعني على عينك يا تاجر ياخدوا الحاجات الفي التلاجة ويستعملوا الحمام ... وعطورها من غرفة نومها ... وبعد هيك يقولون لزوجها زوجتك وصخة ... طلعنا الشقة ولقيناها تقرف ... شفتي كيف ؟؟؟

نصيحتي لا تواجهين الفاعل ولا شي ... يمكن ينكر فعلته ويتهمك باساءة الظن وتصير مشكلة كبيرة ... ودا اللي حيحصل غالباً ... ماعليكي ياستى الا انك تغيرى مفاتيح الشقة ونسخة عندك ونسخة عند زوجك وبس




هلا هلا كريم كراميل كيفك وكيف تالا حبيبه قلبي

مدري هالناس وين عايشه

وأني متأكده أنهم مايقبلون على انفسهم ولا على بناتهم حد يتدخل ويكشف خصوصيتهم

واللي مايرضى لنفسه كيف يرضون لغيرهم







اختي انا من رأيي أنج تخبرين زوجج وتغيرون المفتاح واللي عنده النسخه بيستحي على ويهه..



ونعم الراي... وهذا اللي شكلي راح أعمله



الجوكره

لاليتااا

شمس حياته

أبرار الجنه

بنت الشيوخ

مشكورااات أخواتي على ارائكم والله أنكم لخوات بالفعل


بنت الشيوخ فعلا كلامج صحيح وهالشي مو بس يقهر والا ينرفز عدل




دموووع والله انك ضحكتيني على القهر اللي فيني

عليييج افكااار خطيره ..........

وسالفه الجاره صدق صدق تبط الكبد وتفقع المراره

عالأقل اني الفاعل من أهل الدار ومنا وفيناااا


بس جاااره لالالالا والف لا شي يقهرررر


بنوته بو ظبي وهذا اللي أن شاء الله راح اقوم به دام هذا رأي الأغلبيه

ومو بس مفاتيحح شقتي اللي بغيرهاا ,,,, راح أغير مفاااتيح كل باب بالشقه

الغريبة 111
31/12/2007, 06:12 PM
السلام عليكم ورحمة الله وبركاته


محددددددددددددددددد له حق يدخل البيوت بدون استئذان والرسول "صلى الله عليه وسلم" .. حرص ان الواحد يستاذن 3 مرات اذا ما لقى جواب ينصرف احترام لخصوصية اهل الي ساكنين الدار

وذيلين سبحان الله ما اادري شلون يفكرون

انا منج اخبر زوجي بالي جفته والي صار بالضبط واجبررررررررره على تغيير المفاتيح ...
واول ما اغيرهم اروح اتحجى يم الفاعل بدون توجيه الكلام مباشرة واقول .. اليوم غيرنا مفتاح شقتنا تحسبا لدخول اي طفيلي .. !!.. واللبيب بالاشارة يفهم ههههههههه

بس يايتني حرة بنونة ابي اعرف من الفاعل الي تجرا على دخول مملكتج ؟؟

في أمان الله

هههههههههههههه والله كلام أختي يبرد القلب ..

ندايم
31/12/2007, 06:22 PM
السلام عليكم ورحمة الله وبركاته


محددددددددددددددددد له حق يدخل البيوت بدون استئذان والرسول "ص" .. حرص ان الواحد يستاذن 3 مرات اذا ما لقى جواب ينصرف احترام لخصوصية اهل الي ساكنين الدار

وذيلين سبحان الله ما اادري شلون يفكرون

انا منج اخبر زوجي بالي جفته والي صار بالضبط واجبررررررررره على تغيير المفاتيح ...
واول ما اغيرهم اروح اتحجى يم الفاعل بدون توجيه الكلام مباشرة واقول .. اليوم غيرنا مفتاح شقتنا تحسبا لدخول اي طفيلي .. !!.. واللبيب بالاشارة يفهم ههههههههه


رأيي من راي الاخت...و لا تأجلين سالفة تغير القفل...

روبا
31/12/2007, 11:42 PM
أفضل شي انك تغيرين المفتاح و تقولين لزوجك أنك ضيعتي مفاتيحك و وتخافين انها اطيح بيد احد ما يخاف ربه ويسرق البيت و بكذا تبعدين عن المشاكل وما تحرجين زوجك

دلوعه خطيره
01/01/2008, 12:04 AM
منو الي دخل!!!!!! وبصراحه شي يطفر محد له حق يدخل بيتكمن غير اذنك

خبال أنثى
01/01/2008, 01:21 AM
يا الغلا.. خبري ريلج احسن.. عشان يتصرف.. ويغير قفل البيت..
هذه شقتج ومحد لازم يدخل فيها غيرج انتي وريلج..

راعية الفراري
01/01/2008, 01:33 AM
اختي اول شي تسوينة
تكلمين رجلج في الموضوع وقوليله لازم نغير قفل الباب
وخلاص خليه يغيرة
لكن ان انتي تروحين بنفسج وتغيرينة من دون علم زوجج لا

استغرب على الناس اللي جذي والله
هذي خصوصيات والله عيب اللي يسونة كلش مافي ذرة احترام

اسيل!
01/01/2008, 08:49 AM
والله لو أنا مكانج باستخف ... قولي حق زوجج اللي شفتيه اليوم يمكن هو مايدري ان في حد ثاني عنده المفتاح .. و غيروا القفل ... ولا تطلبون المفتاح ولاشي ...




(y)(y)(y)(y)