المساعد الشخصي الرقمي

مشاهدة النسخة كاملة : أنا وزوجي من شهر



الصفحات : [1] 2 3

ازهار مبعثره
29/12/2007, 10:09 PM
السلام عليكم ورحمة الله وبركاته

ابدأ على طول بموضوعي واتمنى مشورتكم
أنا متزوجه من 3 سنوات وعندي ولد وحامل الحين بالسادس ساكنه بشقه كامله في بيت اهل زوجي وهم الحمد لله ناس طيبه

انا زوجي حبيب وحليو
بس
مشكلته عنيد ومشغول
يعني لما يطلع من الشقه خلاص كانه ينساني انا احس بجذيه يعني نادرا ما يدق عليه وهو برى مايرسل لي مسجات ابدا حتى لو ارسل له مسج ما يرد و لما نكون تحت مع اهله يكون جالس في بيت الشعر مع خوانه ما يجي عندنا انا وامه داخل الا نادرا ومرات ما يجي هالشي تغير شوي لما جبت ولدي صار يجي يقعد معانا مرات عشان يالعب معاه واذا ما يالعب ما يتكلم ولا يسولف وحتى لما نروح نجلس معاهم في بيت الشعر ما يتكلم
وحتى لما يجي يجلس معاي بالشقه اول شي هو ما يطول يعني يجي بعد الغدا ومرات يتاخر تحت يجي يقعد شوي ويطلع و بالليل يجي ينام يعني ما بيننا سوالف كثيره ياكثر ما حاولت انا افتح مواضيع تخيلوا بس يسمعني دون اي تعليق ابدا اذا قال كلمه وحده نعمه فاتفشل ولا عاد اكمل لما سالته ليش جذيه قال انا ممله والا شنو مع العلم انا الكل والله العظيم يتمنى الجلسه معاي مرحه واونس تدرون شنو قال ؟؟ قال هذا طبعي موبس معاج شوفيني حتى مع اهلي
هو رجل اعمال يعني صج مشغول دايم بس عاد مو على احسابي
وتصير معانا مشاكل مثل اي زوجين عادي بس للاسف دايم انا اللي اجيه واراضيه والله مرات يكون اكبر الغلط عليه بس همن اقول ماعليه يستاهل مره سالته ليش انت ما تراضيني قال لان السالفه ما تستاهل ولاني خلاص تعودت تزعلين تزعلين وترضين من نفسج




المشكله الكبيره صارت قبل العيد باسبوع





كنت قاعده اقعده من النوم ولا رضى يقعد وهذا طبعه يالله يقوم بس مرات لا شفته بالمره معاند اخليه بس هالمره حرام كنت اقعده يودي اخته لموعد مقابله وظيفه فقعدت ازن عليه لين قعد لما صحى وراح يتريق جيته قلت ما صارت كل يوم جذيه يالله تقوم قال اذا مو عاجبج لا عاد تقعديني
اهنيه عصبت وطلعت من الغرفه ولما طلع ارسلت له رسالة عتاب قلت حرام عليك لا تحس ولا شي تكون غلطان وتزف كاني خدامه وانت ما تراعييني وانا تعباننه من الحمل ومن هالكلام
طبعا ما رد عاده ولا صعد بعد الغدا
لما جاء المغرب كنا بنروح السوق نشتري اغراض العيد دقت عليه عمتي قالت فلان موجود يقول انزلي بتروحون السوق طلعنا تسوقنا طبعا ولا كلمه بيني وبينه لما خلصنا واحنا رادين البيت ما دريت الا غير طريقه ووقف قدام مطعم قال تبين تتعشين قالها وهو يضحك
اهنيه انا خنقتني العبره والله من الفرحه اول مره يراضيني جذيه قلت كيفك تبينا نتعشى والا لا عاد سؤاله قلت كيفك تخيلوا عصب وحرك السساره ورد البيت واحنا بالطريق قلت خلاص بنتعشى ارجع قال ماني سواق عندج قلت عيني ما يحق لي اتغلى عشان تدلعني
ردينا البيت صعدت غرفتي وانا منهاره تعبت لاني حامل دقيت عليه وانا ابكي تعال انا تعبانه تخيلوا ما صعد دقيت مره ثانيه قال انا طلعت
دقيت على عمتي وجتني دقت عليه قالت تعبانه تعال ودها الطبيب تخيلو ساعتين لين جاء رحنا الطبيب في غرفة الفحص قلت له روح انتظار قال مالج شغل فيني قلت اطلع وجودك يتعبني وجودك يزيد حالتي سوء ادري قويه بس كنت صج ما عاد ابي اشوفه قاهرني وتعبانه يعني مو ناقصته وياليته يوم كان عندي يتكلم الا قاعد مطنقر شوي وطلع وقالوا لازم تدخل المستشفى دخلت وطلعت ثاني يوم لان حالتي ما كانت قويه
ورجعت وهو للحين ما يكلمني ولا حتى سالني عن حالتي ارسلت له رساله قلت له كل شي كنت اتوقعه الا انك ما تهتم فيني لهالدرجه ومايهمك الا نفسك ومن هالكلام طبعا لا حياة لمن تنادي
وصار ينام بالغرفه الثانيه ولا يكلمني ولا اكلمه حتى بالعيد ما شفته ولا عايدته ولا عايدته والله هذا حاز بخاطري حيل ثاني يوم العيد سافر طلع للبر 8 ايام ورد امس لما دش قالي السلام رديت عليه شخبارج قلت الحمد لله وعليها
ونام امس همن بالغرفه الثانيه واليوم قعد ولا حتى قام يخليني اسوي له ريقوق ينزل يخلي امه او الخدامه يعطونه

وش رايكم عن جد تعبانه ومحتاره
ما ابي انا اللي اراضيه لاني اشوف هو الغلطان صج اني قويه يوم طردته من غرفت الفحص بس كنت بحاله مايعلم فيها لا الله ولا زم يقدر لوز انه هو ما عصب لنا ما رديت عليه لما كنا عند المطعم بس هو يعني خلاص انا لما اراضيج احمدي ربج ترضين على طول
كم مره شوي واروح اراضيه او ارسله بس اتراجع اقول دايم انا اراضيه وهالمره الموقف قوي خل يعرف اني اراضيه اذا كانشي صغير بس لا زعلت زعلت

تكفون ابي رايكم بس ابيه يكون محايد وواقعي


تحياتي

الجوهرة السعودية
29/12/2007, 10:24 PM
البسي وتكشخي وسوي اكلة يحبها واذا جاء ينام في غرفة ثانية خذي فراشك عندة وصدقيني راح تكبرين في عينة

احلا بنوته
29/12/2007, 10:38 PM
واله عزيزتي ما ادريايش اقولك..انا اشوف انه مافي سبب يخليه ما يكلمك وكمان ينام بغرفة ثانيه
بس كل اللي انصحك فيه اكثري من الصلاة واطلبي من رب العالمين انه يصلح حال زوجك
والله يهديه

ازهار مبعثره
29/12/2007, 10:52 PM
الجوهره السعوديه
دايم اسوي جذيه
ليش مومره وحده هو يسويها خصوصا اني تعبت وتنومت ولا اثرت فيه
انا افكر اخليه بعد كم يوم يمكن يحن خصوصا انه يوم جاء من السفر صاير شوي احسن
والا وش رايج رايج يهمني
وتسلمين يالغاليه على ردج وتفاعلج


احلى بنوته تسلمين
يعني انتي معايه اني اخليه لين هو يراضيني

ازهار مبعثره
29/12/2007, 10:55 PM
تدرون شنو مشكلتي
اني ما احب أشكي لاحد
عمري ما قلت لامي او اختي الكبيره عن اي شي يصير بيني وبين زوجي
حتى هالمره ما قلت لاحد عشان جذيه اتعب لاني ما افضفض لاحد
واول مره اعرض مشكله لي على النت
فاتمنى وقفتكم خواتي

سرمدالليل
29/12/2007, 10:58 PM
حبيتي طولي بالج كل الريايل جذيه ...الله يهديه ويهون عليج الحمل ....اختي انتي اكسبيه باسلوبج الراقي عشلن تكبرين في عينه ...الله يهدي سركم.........

ازهار مبعثره
29/12/2007, 11:05 PM
سرمد يعني كيف يعني اكسبه باسلوبي
ترى انا مو مقصره يعني لما يطلب مني شي اقول انشاء الله وانفذ ولا اقصر حتى وانا وعلانه

شسوي بعد

dody mody
29/12/2007, 11:06 PM
حبيبتى غلط من الأول تعوديه انك انتى اللى تصالحيه ع طول

ولكن ده الأمر الواقع دلوقت

فحاولى انك لا تفتعلى مشاكل معاه حتى لا تضعى نفسك أمام كبريائك

وتضطرى إنك تروحى تصالحيه

إذا عاتبتيه لازم تذكريله ان الأفعال دى بتكبر الجفاء بينك وبينه وإنك الى الآن لا زلت تكنى له كل الحب والاحاسيس ولكن اطلبى منه ان يحافظ على احساسك من ناحيته وألا يدخل الهجر والجفاء والقسوة بينكم على أمور تافهه مصيرها مذموم

أتمنى من الله ان يفك كربك عن قريب ويحل النزاع بينكم ويولد فيكم الاشتياق آمين

dody mody
29/12/2007, 11:10 PM
تدرون شنو مشكلتي
اني ما احب أشكي لاحد
عمري ما قلت لامي او اختي الكبيره عن اي شي يصير بيني وبين زوجي
حتى هالمره ما قلت لاحد عشان جذيه اتعب لاني ما افضفض لاحد
واول مره اعرض مشكله لي على النت
فاتمنى وقفتكم خواتي

أنا معك فى ذلك
لأنك حين ما تحكي وتشكي لأمك وأختك ستضيق نفوسهم من زوجك نتيجة لحزنهم عليكى

وحين تصفى معه فلن يصفوا وسيظلوا متحاملين عليه

أحسن لا تحكى مشاكلك مع زوجك لأحد حتى أقرب الناس

ونحن معك وسندعى لك الله يفك كربك وكرب كل مهموم

**مسكته**
29/12/2007, 11:11 PM
الغلااا هذا طبع الرياييل ما في ريال يربع ركض على حرمته عشان يراضيهاا وزوجج بتصرفه يعبر عن ميات الرياييل

لي مثله ..كل وحده مرت بموااقف مع زوجهاا ولو بيصارحنج من بين عشر مواقف يمكن ثمان مرات مراضيه زوجهاا

ومرتين مراضنهاا الرياايل قلوبهم قاسيه مرات يعني الأمور الحسااسه بالنسبه لناا تافهه عندهم ....ويستغربون

إذا هالموقف زعلناا.. ونحن بحكم طيبتنا لازم نمشي هالأمور عشان حياتنا تستمر ..ومادام زوجج من النوع العنيد

لي ما يتكلم ولا يراضي لو غلط هذا النوع يباله حرمه حديدية ..وأنا أقر إنه غلطان في حقج والله ..بس الحل المناسب

إنج تلبسين وتسولفين وتضحكين وردي السلام إذا سلم وسوي ريوقه له وبخريه قبل لا يطلع للدوام بس بدون لا تكلمينه..وخليه على حالحال كمن يوم بتشوفينه لحاله جااي ينام عندج ويراضيج ..هااي نصيحتي عن تجربه

والله يخليه لج ويخليج له ويطمن بالج إن شاء الله

yakoutta
29/12/2007, 11:15 PM
الله يعينك اختي و يتمم حملك على ير والله ما ادري شنوا اقلك لكن الله يهدي زوجك و يسخرهولك وانتي استعيني بالدعاء و الصلاة والاستغفار و ان شاء الله المشكل ينحل بينكم قريب يارب

الجوهرة السعودية
29/12/2007, 11:21 PM
طيب اكتبي رسالة عتب وحطي امامة بشكل انة يشوفها واسلوب يكون فية تودد ونصيحة لاتكبرين المواضيع ولاتفرحين الشيطان يكفي انك تعاتبينة باسلوب حلوو وحطي وحطي وردة وكم كلمة حلوة في الرسالة

ازهار مبعثره
29/12/2007, 11:27 PM
[dony???
انا معاج بكل كلمه قلتيها بس انا بهالموقف وش اسوي

مسكته
والله انج صاجه يبيله حديديه بس شكلي من بلاستك هههههههه

إنج تلبسين وتسولفين وتضحكين وردي السلام إذا سلم وسوي ريوقه له وبخريه قبل لا يطلع للدوام بس بدون لا تكلمينه..وخليه على حالحال كمن يوم بتشوفينه لحاله جااي ينام عندج ويراضيج ..هااي نصيحتي عن تجربه
هو انا اشوفه عشان البس له
وبالنسبه للضحك والسوالف انا لما اكون تحت مع اهله ويجي يالعب مع ولده اضحك واعلق <<<< ياحليلي والله مو مقصره
اما اريقه هو مرات يقوم وانا نايمه ولا يصحيني متعمد ومرات يقعد واكون نزلت فعلى طول يروح يقول لاحد غيري
وتسلمين والله انكم صج ترفعون المعنويات

mahrat el3am
29/12/2007, 11:38 PM
اختي أنصحج إنج تفاجئين رجلج بوردة على الوسادة يوم ويوم لا تحطين شوفي وجربي يمكن يخلي يتحرك من الداخل والله يجمعكم

**مسكته**
29/12/2007, 11:42 PM
ما عليه ختيه حاولي تصحين قبله فترة بس ..عشاان تبين له قصوره فيج عدل

وإن شاء الله النتيجه بتكون مرضيه بس إنتي حاولي الصبح تسوين لي قلتلج عليه

والله يوفقج الغلا

اميرة السعاده
30/12/2007, 12:10 AM
حبيبتي اهم شي انك تهتمي بصحتك وصحه الجنين وبصحه البيبي الي عندك الله يخليلك اياه.
وبالنسبه لجاوزك حاولي معاه اكتر يمكن ربك يهديه .واصبري عليه حبيبتي ما بتعرفي شو ظروفو بالشغل .جاوزك تصرفاتو محصله سنين طويله من عمرو هوه تربى ونشأ كده .مش معقول حتغيري بمده قليله.
الله يغيرلك حالو:888345:
ويئومك بالسلامه
ولا تنسي ضل الابتسامه على وجهك كرمال ابنك:21_214:
















































































:9_28:

عنفوان أنثى
30/12/2007, 12:24 AM
أخــتي خيركمم من يبدء بالسلام

وانتي اكســري الروتين وغيري في حياتك ـشوي

سرمدالليل
30/12/2007, 12:38 AM
انا اوافق اختي مسكته ..وما قصرت قالت اللي اقصده وزياده ...:iagree:

كناري
30/12/2007, 04:53 AM
عندي فكره.............
في مثل يقول : لا تحارب عدوك بسلاحك،،حاربه بسلاحه........... ههههههههههههه
هو مش عدو صح.. بس يعني حرب خفيه,,
ومعنى المثل ان استخدم نفس اسلوب العدو..يعني الخصم،لان هو يحسه انه اقوى اسلوب .. وانتي لما تردي بنفس الاسلوب،،يحسه فعلا ضربه قويه له..
استمري بالطناش ولا تعتذري..خليه يحس بالالم لفترة ..
كلها كم يوم و يحتاجك :wink: وساعتها بيجي يتسف غصب (y)
اكيد فهمتي قصدي(6)
هههه
ورح ارسل لك ع الخاص شي..
(y):D

ازهار مبعثره
30/12/2007, 09:03 AM
yakoutta
الله يسعدج يالغاليه

الجوهره السعوديه
قد سويت هالحركه كم مره واحسه خلاص مل منها ولا عاد تنفع معاه
يا اختي سبحان الله افكارج نفس افكاري وكل اللي تقولينه كنت مجربته
بس ارجوا انج تراعين هالمره غير ابي شي غير
بعدين ليش مصره اني انا اللي اعتذر <<< وحده حقدت عليج هههههههههههه
لا اتغشمر معاج بالعكس افكارج كلها حلوه بس ابي شي جديد ولا يحسسه اني ضعفت

mahrat el3am
فكره حلوه


مسكته
انا قادره اقوم قبله
بس والله اخاف اقوم واسوي الريوق ويطلع ويخليه واتفشل
واكون بينت له اني ضعفت ومع ذلك ما استفدت
فاهمه عليه اكيد

اميرة السعاده
والله اني احاول ما اتعب نفسي ولا افكر واجد والدليل اني الفتره اللي سافر فيها مسحت الموضوع من ذاكرتي عشان ارتاح ولا ياثر على صحتي
وبالنسبه لكلامج انه هذا طبعه ولا زم اتحمل والله اني مقدره هالموضوع وقلت لج اني دايم اسامح

عنفوان امراه
كل مره اصير اصير خير منه وابدأ بالسلام ليش هالمره مو هو خصوصا اني مريت بوقت صعب
وبالنسبه للتغيير
ما تصدقين انا ماني متوظفه يعني متفرغه تماما له
كل يوم اسويله حركه وكل يوم اغير بشي مو انه هو ولا عمره سوالي شي بس اقول هو مشغول وانا الفاضيه
بس شتقولين مايبين بالعين


كناري
انتي اول وحده توقف معاي <<< استانست
كلامج صج
بس المشكله انج ما تعرفين طبعه عنيد لابعد الحدود مهما كان لو احلف انه راح يعاند ولا فيه شي راح يخليه يجي مثل ما تقصدين لو يموت ماتصدقين
وميرسي عالرساله الخاصه وصل المعنى
هو بس يعتذر ويبشر بكل خير
ههههههههههههههههههه






عن جد مدري شنو اقولكم وقفتكم جمبي ارفعت من معنوياتي بشكل كبير ما تتخيلونه
جميل ان الانسان يحس بوجود من يسانده اذا احتاج
وان شاء الله تنحل المساله عن قريب وراح ابشركم باذن الله
بس لا تحرموني من دعواتكم
لكم كل حبي

qshark
30/12/2007, 10:02 AM
ان شاء لله لقيتي حل مع زوجج

ما شاء الله كلام كناري وايد عجبني

قويه

مسك وعود
30/12/2007, 10:06 AM
البسي وتكشخي وسوي اكلة يحبها واذا جاء ينام في غرفة ثانية خذي فراشك عندة وصدقيني راح تكبرين في عينة


انا مع الاخت الجوهره السعوديه
يعني زوجك خلص لا تحلمين انه راح يراضيك
لانه تعوت كذيه
تنازلي ولا تزعلي روحي جلسي عند زوجك
بصراحه هو غلطان
بس لا تعالجي الامور غلط بالغلط
كوني انتي احسن منه
وراح تكبري في عينه صدقيني
طمنينا عليج

**ام يارا**
30/12/2007, 10:17 AM
انا مااشووف انو انتي غلاطاانه لاترضينه ليه هو الي يراضيكي

اوول شي غلط بحقك يووم دخلتي المستشفى وماسال عنك ايش هاذا تسمينه يعني هي مو شايله ولدك في بطنها وتعباانه فيه والله حرااااااااام

وبعدين انتي الي عودتي زوجك انو تراضيه حتى لو كااااان هو الغلطاان

انتي اصبري عليه كم يووم خليه يحس بغلطه واذا ماانفع لاتراضيه افتح معاه موضووعك بقوووه شووي وشوفيه

الى متى بيستمر على هاذا الحال ؟؟؟

والله يوفقك انتي وزوجك ياارب ويحنن قلبه عليكي

ام جعفرين
30/12/2007, 10:55 AM
اختي السالفة ومافيها انك للحين ماتعرفينه عدل يعني مادخلتي عقلة الباطن بتقولي لي انه هو ماعطاكي مجال ادري في رجال وااجد عندهم الانصياع وراء المرة هي يحط من قدرهم عند نفسهم وعند الناس وفي رجال عندهم لما يتزوجون مايبون يغييرون اطباعهم الاولية مثل طلعات الربع والقعدة وايه الاهل ويحسون انه الوقت القصير الي بيعقده معاك مثل ساعة قبل النوم هي كافية بعكس المرة الي على طول تبيه قاعد يمها او انه يطول قعداته انتي اختي باسلوبك لاترخصي بعمرك وايد بس كوني مرنة معاه يعني انت هامني بس مب لدرجة اركض وراك ليش ماتدقين عليه بالتلفون وتتناقشين في الموضوع اهو حاز في نفسه يوم المطعم مثل ماقلتين لاني وانا اقرا الموضوع حطيت نفسي مكانه كونه كان جاد لو حتى يضحك ويقول شنو تبين عشى انتي جاوبتي باستهزاء لو انه عادي كلامك بس ماكان في الوقت المناسب هي النوع من الرجال يبالهم سياسة وسهل انه يتغير ترى وبتشوفين
الرجال مايحب العتاب الوايد الحين تدرين ليش اهو مايبي ينام في الغرفة معاك لسبب واحد انه مايبيك تفتحي الموضوع معاه انتي طمنيه انك ماراح تفتحي الموضوع معاه بالمرة مب بالكلام بالافعال.... صيري ولاكانه شي صاير وراح اتشوفي انه رجع عادي

دمع الليل
30/12/2007, 10:59 AM
السلام عليكم ورحمة الله وبركاته


والله الغالية ما اقدر الا ادعي لج من كل قلبي الله يهدي ريلج ويصلح حاله ويسخره لج مثل ما سخر البحر لموسى

الغالية ما في جدامج الا التغلي ... تغلي عليه ... انا عندي قاعده الريال مثل الكورة شوتيها ترد لج ...
تغلي عليه حسسيه انج تسوين له كل اشياءه بس بثقل يعني مب مفتكرة انه زعل ما زعل كله واحد عندج وخلج انتي الزعلانة المرات اليايه فكل شي يسويه تمي زعلانةةةةةةةةةةةة ليما ايي يراضيج

وانتي حامل لا تضغطين على روحج في المشاكل مثل ما سويت في روحي باخر حملي تميت في المشاكل وع طول افكر واتعب وازعل واصيح ليما تعب نبض الجنين ونبضي ليما ولدوني في الثامن ...


في أمان الله

حيرانه في اسمها
30/12/2007, 11:13 AM
من رائي تخلينه في الاخر راح يجي وهني انتي بتكونين مصدر القوه تقدرين تقولين الي بخاطرج له طبعا بلطف وحنيه مثل هل نوعيه مايبا الشده معهم بذات اذا جا يراضي

والله يوفقج

halakhaled
30/12/2007, 01:52 PM
ربنا يهديه ويسخرة لكى ويفك كربك اختى

هو دة طبع الرجااااااااااااااااااااا ااااال

اسيل!
30/12/2007, 04:56 PM
الله يكوون بعوووووونك

بصراحه كذاالرجااااااااال

بس شخصهيه زوجك عنادي لامبالي

انت جربي كل الحلول وشوفي اش ينفع معاه

بعض الازواج لو حطيتيه في طبق من ذهب هو هو لايمكن ان يتغير

وبعضهم يجامل

وبعضهم يستحي

انا من رايي اهتمي بنفسك انت ودلليها وروحي عند امك وفضفضي لها بس ماتسيطر علييييييك
روحي مع صديقاتك
اشغلي نفسك بدراسة بدورات لاتهملي نفسك وتجعلي كل اهتمامك في زوجك
لكن مسالة النوووووووووووووووووووووو ووم
لا والف لا كونك متزوجه ماانصحك تنامي في رغفه وهو في غرفه روحي وراه لو فييييييييييييييييييييييين يكون
الله يساعدك يارب
ولاتنسين الدعاء
اللهم سخره لها واجعله قرة عين لها واقربهاعينها وسخره لها وحببه فيها اميييييييين

فتافيت
30/12/2007, 05:42 PM
حبيبتى غلط من الأول تعوديه انك انتى اللى تصالحيه ع طول

ولكن ده الأمر الواقع دلوقت

فحاولى انك لا تفتعلى مشاكل معاه حتى لا تضعى نفسك أمام كبريائك

وتضطرى إنك تروحى تصالحيه

إذا عاتبتيه لازم تذكريله ان الأفعال دى بتكبر الجفاء بينك وبينه وإنك الى الآن لا زلت تكنى له كل الحب والاحاسيس ولكن اطلبى منه ان يحافظ على احساسك من ناحيته وألا يدخل الهجر والجفاء والقسوة بينكم على أمور تافهه مصيرها مذموم

أتمنى من الله ان يفك كربك عن قريب ويحل النزاع بينكم ويولد فيكم الاشتياق آمين
(y)

ازهار مبعثره
31/12/2007, 08:33 AM
fatafeat
شرفني مرورج ورايك


اسيل2
والله معاج حق لازم اشغل نفسي يمكن كثر تدليعي له هو السبب


halakhaled
أميييييييييييييييييييييين
الله يجزاك خير



حيرانه في اسمها
طول كثير ... وانا اعرفه ماراح يعتذر بسهوله




دمع الليل
الله يجزاج خير
والله كنج شايفه من حملت وانا تعبانه الله يستر
والله بولدي الاول الحمد لله ماحسيت بشي لين ولدت لاني كنت مرتاحه نفسيا


ام جعفرين
هو مو معطيني فرصه اناقشه بشي
واتوقع حتى لو ادق عليه تلفون ويدري اني بناقشه راح يرفض زوجي واعرف طبعه


ام يارا
بحاول اصبر كم يوم وبشوف


مسك وعود
حتى انا ودي اسوي نفس اللي قالته جوهرة السعوديه
بس اعرفه ما راح اكبر بعينه بالعكس بيقول زعلت ازعلت ورضت من نفسها


qshark
لا والله ياقلبي ما لقيت للحين حل



تسلمون لي جميعا والله لا يحرمني منكم يا خواتي

ازهار مبعثره
31/12/2007, 08:40 AM
مرحبا

بقولكم اخر المستجدات

امس قبل ما انام قلت اني بقوم قبله واسويله ريوق واحطه عنده بالغرفه واروح غرفتي
يعني ابين له اني للحين زعلانه بس قايمه بحقك
شوفو شنو صار
قبل موعد قومتي قام ولدي الصغير حاولت ارقده ما نام اخذته ريقته وخلصنا يوم جيت ارجع ارقده ازعج ابوه وقعده
لما قام غسل وراح يلبس ثوبه بيطلع .. جيته قلت له مسويه لك ريوق تبي ... قال هاتيه
المهم حطيته عنده ورحت وتريق بروحه وطلع

حسافه قهر اكيد الحين يقول بنفسه اها ما سوته عشاني بس عشان ولدها قام اضطرت تسويلي معاه
شفتوا الحظ



اليوم افكر اسوي حركه بقولكم عنها وابي رايكم قبل اسويها
بما ان بكره بداية السنه الجديده فكرت احط له كرت حلو وعليه كلام احلى واكتب عليه
(( مهما صار بيننا وكبر لا يمكن اخلي السنه الجديده تبدأ بدون ما اقولك كل عام وانت بخير))
واحطه عند مكانه اللي ينام فيه بالغرفه الثانيه وانا اروح انام بغرفتي كالعاده عشان لا جاء ينام يالقاها ووش رايكم
؟؟؟؟؟؟؟؟؟؟؟؟؟؟؟

بالله ابي رايكم قبل يجي الليل
اسويها او لا

دمع الليل
31/12/2007, 08:55 AM
السلام عليكم ورحمة الله وبركاته

نصيحتي لج اختي ولويه الله ... بما انها سنه يديده مثل ما قلتي

يبي رسالة عتب ذكري فيها اغلاطه عليج بالسنة الي راحت وقولي له جفت هذا كله رااااااااااااح مع السنة الي راحت ومن اليوم بابتدي فيها صفحه يديده بس تكون معاي غير وكل هذا الكلام قوليه بعتب
عزميه على مطعم يبي له هديه حلوة ولا تقولين له كل شي اليوم لا تكثرين عتب
خلي الليلة تكون حلوة وباجر افضي للعتب ...

واذا عندج احد تودين عنده ولدج ع الاقل اليوم او حاولي تنيمينه من وقت عشان تفضيلن لريلج


في أمان الله

ام جعفرين
31/12/2007, 09:00 AM
حبيتي فكرة ووايد حلوة وكونه رضى يتريق من يدك هي بداية هم حلوة وانه لانه من صوبك صح ؟ لانه الريال دايما يثور بسرعة ويباله وقت عشان يهدأ بصدق فكرة الكرت حلوة ورومانسية وتقدرين تدزينها لها مسج بعد

rose_rose7788
31/12/2007, 09:18 AM
الله ايسر امووورج اختي بس انتي حاول اطنشين ولو يومين وشوفي كيف بيركض وراج ... لا مسج ولا خرابيط

لا تتنازلين وااايد وخله عندج شخصية قوية امامه .....


رووووووووووووووووز

ازهار مبعثره
31/12/2007, 09:21 AM
دمع الليل
رايج احط رسالة عتب
والا اخليها بس على الكرت عشان ما ياخذه العناد
ويكفي اني احطها واروح غرفتي
بس خوفج اروح غرفتي ولا يجي وينام
عاد شنو السوات


ام جعفرين
والله العظيم
انج انتي وحتى باقي الخوات احرجتوني وغمرتوني باهتمامكم
طيب وش رايج بس اخلي الكرت واروح غرفتي والا اجي بنفسي بعد ما يقراها بشوي
يعني بالعربي اذا ماقرر انه يجي يراضيني <<< ناويه تتحرش

ازهار مبعثره
31/12/2007, 09:23 AM
rose_rose7788
يعني رايج ما اسوي الحركه اللي قلت باول هالصفحه اني بسويها الليله
شوفيها فوق اول الصفحه
انتظر رايج

rose_rose7788
31/12/2007, 09:27 AM
توني قريت فكرتج اختي .....


امممممممممممممم حلوة ها يالحركه ... بس ان شاء الله ينسى اللي صار بينكم واييلج جذيه بتكونين كسبتيه
وعاد لا تعكرين الجو بسوالف قديمه وابدئي صفحه يديده معاه .... بس لا تعتذرين عشان ما يشوفج بنفس اسلوووبج القبلاني ويقول هاي نفس الاستايل ما تغيرت لا ... اكشخي ويلسي في حجرتج وان شاء الله بييلج

وعلى فكرة اكتبي اخر شي في البطاقه خاطري اتعشى في المطعم اللي كنا نروح له في فترة الملجه عشان تاكلني بيييدك حبيبي يعني ها .... بيصدق عمره وبيييلج ان شاء الله

وكل سنه وانتي طيبة ....


روووووووووووووووووووووووو ووووز

دمع الليل
31/12/2007, 09:29 AM
السلام عليكم ورحمة الله وبركاته

الغالية انتي عدلي الغرفة سنعيهاااااا اخر تسنع وعلى سريركم نثري ورود و فوق الوسادة كتبي ورقة "" انتظرتك عمري كله وانت حلم ومرت الايام والله وانت حلم ليه تاخرت علي توه مرة واسال ..." هي عبارة عن قصيدة حلوة انا احبها ... بطرشها لج ع الخاص ...

والرسالة الي بتودينها له كتبي له "" هناك مــلاك صغير في سريرك ينتظرك ... او وردة عطشانة تبيك ترويها تنطرك او شي من هالقبيل وهوه اكييييييييييد بيتشوق اييج ...

في أمان الله

ام جعفرين
31/12/2007, 09:38 AM
دمع الليل
رايج احط رسالة عتب
والا اخليها بس على الكرت عشان ما ياخذه العناد
ويكفي اني احطها واروح غرفتي
بس خوفج اروح غرفتي ولا يجي وينام
عاد شنو السوات


ام جعفرين
والله العظيم
انج انتي وحتى باقي الخوات احرجتوني وغمرتوني باهتمامكم
طيب وش رايج بس اخلي الكرت واروح غرفتي والا اجي بنفسي بعد ما يقراها بشوي
يعني بالعربي اذا ماقرر انه يجي يراضيني <<< ناويه تتحرش

انا انصحش تحرشي فيه وانشاء الله بتكسبينه صوبك يارب

ازهار مبعثره
31/12/2007, 10:25 AM
شوركم وهداية الله

بس يا ويييييييييييييييييييييلي لو سكب لي وطنشني
كاني اقولكم من الحين وربي لموت من القهر لاني اكون ضعفت نفسي قدامه ومع ذلك ما كسبت شي

الله يهدي السنه الجديده لو متاخره كم يوم لين اتغلى شوي بعد

!looloo!
31/12/2007, 12:21 PM
توني أشوف موضوعج... بصراحة الله يكون بعونج والله يسهل عليج وتولدين بالسلامة...

وانا أقولج زيني الغرفه وشغلي موسيقى هادية وغيري ديكور الغرفه شوي ونثري ورود على السرير

وغيري اللحاف يعني من باب التغيير...

واتزيني واستشوري شعرج وحطي ميكب خفيف والبسي اللون المفضل عند زوجج.. واتبخري

واتعطري بالعطر اللي يحبه، وخلي ولدج عند امج ولا خواتج ولا رقدي من وقت.. واكتبيله رسالة حب

وشوق وعتاب واشكثر إنتي محتاجه له ومن هالاشياء..

وعقب طرشي له مسج على تلفونه باسلوب وكلام حلو بإنج تتريينه..

وإن شاء الله تتراضون وتكونون أحسن عن قبل..

حبيبتي ما في شي اسمه مذله ولا إنه ما يستاهل .. لو شو ماكانت المشاكل ما بينكم .. إنتي

الحرمه ولازم

تكونين عاقله وحاولي ما ترقدين وريلج زعلان منج.. لإنج لو فكرتي بس مره إنج تزعلين وتخلينه

يرقد غرفة ثانية

فتصير مشكلة والريال يتعود ويكون وعادي عنده..

سمحيلي حبيبتي طولت عليج في الرمسه.. والله يوفقكم ويسعدكم يـــــــــــــــــــــــا رب...

mf_suwaidi
31/12/2007, 05:10 PM
الحياه الزوجيه حبيبتى تبغي طولة بال وصبرو تبغي زوجه ذكيه كيف تتعامل مع الزوج والريال من طبيعته مو مثل الحرمه حساسه رقيقه تمر في فترات الحمل والولاده وقبل الدوره بحالات ما يفهمها الزوج ابد فحاولي مع زوجك تكلميه بالكلام الطيب وحاولى تتقربين منه تعطينه حنان واذا شفتيه ياي من برع استقبليه احسن استقبال وقبليه في الروحه والييه وجربي وبيي يوم يوم بيدخل هو اللي بيي يسلم عليج وبيقبلج وطرشيله مسجات حلوه واستمري في طريقتك هذي واصبري وبتشو فين النتيجه بس على شرط لاتفقدين اعصابك تراني مجربه والنتيجه كانت ممتازه

حبيبة اولادها
31/12/2007, 05:22 PM
الحياه الزوجيه حبيبتى تبغي طولة بال وصبرو تبغي زوجه ذكيه كيف تتعامل مع الزوج والريال من طبيعته مو مثل الحرمه حساسه رقيقه تمر في فترات الحمل والولاده وقبل الدوره بحالات ما يفهمها الزوج ابد فحاولي مع زوجك تكلميه بالكلام الطيب وحاولى تتقربين منه تعطينه حنان واذا شفتيه ياي من برع استقبليه احسن استقبال وقبليه في الروحه والييه وجربي وبيي يوم يوم بيدخل هو اللي بيي يسلم عليج وبيقبلج وطرشيله مسجات حلوه واستمري في طريقتك هذي واصبري وبتشو فين النتيجه بس على شرط لاتفقدين اعصابك تراني مجربه والنتيجه كانت ممتازه

ما شاء الله اختي كفت ووفت والصراحه باقي الخوات هم ماقصروا
بس ابي اسأل شنو بيحصلون من المعامله مو حرام هالتجاهل؟؟
اشوف حريم ما يسوون فلس وازواحهم يبوسون اياديهم عشان الرضى يرضون
ورياييل الصراحه دعل فوق دلعهم الماصخ يحاقرون وكان حريمهم خدم ولا لاقينهم بالشارع
لكن هذا ابتلاء يا اختي اصبري واحتسبي وان شاء الله يقلب قلبه على حبج وتلاقينه يموت بدباديبج

صدقت صديقتي بالنكته اللي طرشتها عن الازواج (( الادعل))
دايماً خلي صوره زوجج بالشنطه ومن تجيج مصيبه الله يكافينا الشر طلعي الصوره وقولي الحمدلله عندي مصيبه اكبر منها:tongue:

ازهار مبعثره
31/12/2007, 06:21 PM
لولو
تسلمين عالنصيحه


mf_suwaidi
والله العظيم يا قلبي اني مو مقصره ورغم اننا للحين باول المشوار ومع ذلك فاهمه كل الي قلتيه ومطبقته



حبيبة اولا دها
ضحكتيني وانا ما لي خلق
طيب اطلعي على الصفحه 4 اولها انا كاتبه فكره ناويه اسويها الليله
ياليت اعرف رايج فيها


انتظرج

حبيبة اولادها
31/12/2007, 06:44 PM
اليوم افكر اسوي حركه بقولكم عنها وابي رايكم قبل اسويها
بما ان بكره بداية السنه الجديده فكرت احط له كرت حلو وعليه كلام احلى واكتب عليه
(( مهما صار بيننا وكبر لا يمكن اخلي السنه الجديده تبدأ بدون ما اقولك كل عام وانت بخير))
واحطه عند مكانه اللي ينام فيه بالغرفه الثانيه وانا اروح انام بغرفتي كالعاده عشان لا جاء ينام يالقاها ووش رايكم
؟؟؟؟؟؟؟؟؟؟؟؟؟؟؟

بالله ابي رايكم قبل يجي الليل
اسويها او لا

هلا حبيبتي انتي

سويها عل وعسى يذوب هالثلج إللي بينكم (الا مو ثلج صقيع وجليد ومن الزين )

ولو اني اتمنى انج تكونين وياه وما تعطينه المجال يكون بروحه وشوية دلع وكلام حلو

وصدقيني يالغاليه ادري انج مو مقصره وما شاء الله عليج زينة البنات تحبين ريلج وتحاولين ترضينه

بشتى الوسائل

بس الله كريم يحنن قلبه ويبوس لج ايد ورجل قولي آمين

اتحملي يالغاليه هذا اللي اقدر اقولج وبتشوفين الله بيعوض صبرج خير

ازهار مبعثره
31/12/2007, 06:50 PM
تسلمين يالغاليه على الاهتمام والرد
خلاص بسويها وكاني اكتبلج وانا بغرفتي قاعده احط ورد وشموع حول الكرت
وبعدين لا ماراح اكون عنده يعني يقالي بثقل
ههههههههههههههههههه

بس ياويله ياسواد ليله ان ما اثر فيه <<<< كله كلام والله ما تسوين شي ماعندج ماعند جدتي

يالله انطروني بكره اجي اعطيكم الاخبار

ندايم
31/12/2007, 08:32 PM
اسمحيلي قريت موضوعج متاخر...

بس الغاليه هو قالج اياها...

تعود عليج تزعلين و ترضين بروحج...

يعني عااااارف وواااااثق من هالشئ...انتي اللي عودتيه...

مهما زعلتي الحين و ما كلمتيه يعرف انج بترجعين...

اما بمسج عتابي...و الا بدمعتين...والا...و الا...الخ

الغاليه...لما يقولج انتي ممله...قوليله غريبه الكل يقول العكس!!!!

و بعدين بالنسبه لموقف العشاء...

مبين انه زوجك يحب الحرمه اللي عندها قرار...

يعني عندها شخصيه و صاحبة رأي...

شو يعني يسألج تقوليله كيفك اذا تبينا نتعشى!!!!!!!

قولي ابغي اطلب كذا و كذا...

اذا ما لبى زعلي بعدين...اما انتي طلعتيه من طوره...

سألج مرتين و انتي تقولين كيفك!!!!

و بعدين لا تقولين كل يوم له ليش ما تكلمني

و ليش ما ترد علي بمسج...و ليش ما تنام عندي...و ليش...الخ

لا تقولين ندايم قاسيه بكلامها...

بس ندايم تتمنالج الاحسن...

لما ينام روحه روحي عنده نص اللي و قوليله خايفه...

ابا انام عندك...

و بعدين بالنسبه للبطاقه و الحركه اللي بتسوينها...

حلوه بس انصحج تروحين عنده و تقولين له الرسول ( ص ) قال:

الا اخبركم بنسائكم في الجنة؟ قلنا: بلى يا رسول الله،قال:

" ودود ولود اذا غضبت او اسيء اليها او غضب زوجها

قالت: هذي يدي في يدك لا أكتحل بغمض حتى ترضى".

عسى الله يهنيكم...

ازهار مبعثره
31/12/2007, 09:33 PM
نديم
شرفني مرورج
بس ترى هو ما قال اني ممله بالعكس انا سالته هل انا ممله
قال ابدا انتي عسل
نديم كلامج كله بمحله والله
وجزاج الله خير على الحديث
وتدرين طرت عليه فكره
بكتبها له بورقه واحطها جمب الكرت
لان صراحه للحين عزت نفسي مو راضيه تخليني اكلمه يكفي اني بوريه اني رضيت بس تعال
والله يا نديم اني انجرحت منه حيل خصوصا لما دشيت المستشفى ولا وقف جمبي
ورغم هذا شوفيني براضيه

كلها كم ساعه وتتضح الرؤيا
هو الحين بالديوانيه عنده رجال
واذا تعشى وخلص اكيد بيطلع ينام ونشوف شنو بيصير

اشكرج من كل قلبي
وابدا ما انتي قاسيه بكلامج انا لما حطيت هالموضوع ما حطيته عشان يجاملوني حطيته ابي النصيحه الطيبه

درة النخيل
31/12/2007, 10:04 PM
عفوا اختي البنات ماقصروا بالحلول الجميلة ووقفوا معك ومن باب الاخوة ابوقف معك بس في جانب اخر وهو ان لاتستعيني بمحرم اطلاقاسواء كا ن موسيقى او الاحتفال برأس السنه الميلادية فالسنه الميادية احتفال بميلاد المسيح عليه السلام من امه مريم وابوه الله (تعالى الله عمايقولون علوا كبير)(لم يلد ولم يولد) يعني هو احتفال بكفر اكبر فكيف تشاركين الكفار فيه
ودمتي بود

nahes
31/12/2007, 11:09 PM
بصراحه انا متعاطفه معك جدا وحاسه فيكي جدا جدا جدا لان لما تكلمتي عن زوجك وتطنيشه وعدم اظهار اهتمامه فيكي وبصحتك وحملك وعناده وعدم تنازله عن موقفه وانعدام الحوار بينكم وان انتي دايما تكوني الباديه بالكلام معاه والاعتذار بعد كل مشكله كأنك تتكلمي عني وعن زوجي وراح اقولك انه ماراح يتنازل ويبدأ بخطوه ايجابيه الا اذا ابتديتي انتي بمصالحته وانسي كل اللي صار لانك لو بتتكلمي وتعاتبي ماراح تطلعي بنتيجه غير انك تتعبي نفسيا وانا معاكي سوي الفكره اللي قلتي عليها وربنا يسمعنا الاخبار الطيبه ان شاءالله ويهدي بالكم ويسخره لك وعليك بالدعاء والاستغفار وعن تجربه

نجوم
01/01/2008, 02:07 AM
انا اقووول ... لو انج اطنشينه اشوي .. و تقللين من اهتمامج بيكون احسن ...

و بيني انج تعبانه من الحمل ... ولا تسالين عنه وايد ...

يعني خلج زعلانه .. لازم هو االلي يراضيج ..

لانه انتي عودتيه انج تراضينه عسب جيه هو ما سوا شي لين الحين ...

لكن لازم تعودينه انه هو يراضيج بعد ...

هممم والسموحه ...

وربي يوفقكم ويتمم لج حملج على خير ان شااااااااء الله

ازهار مبعثره
01/01/2008, 08:15 AM
درة النخيل
تسلمين


nahes
ما اقول الا الله يعيننا عليهم

ازهار مبعثره
01/01/2008, 08:17 AM
عاشقة الوصل
شكله مالي الا اللي قلتيه

ازهار مبعثره
01/01/2008, 08:27 AM
اخر المستجدات
آآآآآآآآآآآآآآآآآآآآآآآآآ آآآآآآ ه ياقلبي
تخيلووووووووووووو
تخيلووووووووووو
وش صار لما سويت الحركة اللي قلت لكم بسويها
اسمعووووووو

حطيت على طاولة الصاله اول مايدش شكل قلب بالورد المجفف وكتبت داخله بالحجر كل عام وانت بخير
وحطيت بالزوايا كم شمعه
رحت الغرفه الثانيه اللي ينام فيها وحطيت على الطاوله اللي يحط تلفونه وشغله عليه نثرتها بالورد وحطيت شمعدان مليان ورد وشمع وحطيت فوق وحده منهم كرت كتبت عليه
((مهما كان انا الغلطانه او انت ومهما صار بيننا وكبر حبي لك اكبر .. ولا اقدر اخلي السنه الجديده تبدأ وانا ما قلت لك كل عام وانت بخير))
وحطيت تحته ورقه كاتبه فيه الحديث اللي قالته وحده من الخوات

ورحت غرفة نومي
تتخيلون يوم جاء وش سوى

طبعا انا نطرت قلت اكيد بيحن ويجي ولا حياة لمن تنادي
اليوم رحت الغرفه تخيلوا ما حرك الكرت من مكانه يمكن حركه ورجعه بس لا والله ماحركه كل شي مثل ما انا حطيته الكرت تحته الورقه ما تحركوا
يعني بالعربي ولا عطاله بال
كانه يقول لو شتسوين ما همني ولا راح ارضي
وربي اني مقهوووووووووره ليش انه الحين بيقول هي تحاول تراضيني وهو اللي رافض يعني انقلبت الايه هو الزعلان مو انا

بالله شسوي الحين
انا افكر خلاص ولا اسويله ولا اقوله ولا كلمه اذا طلب شي اسويه بس كلام وحركات ابدا لين هالمره هو اللي يتحرك انا ما قصرت
وش رايكم

الجوهرة
01/01/2008, 11:19 AM
انا افكر خلاص ولا اسويله ولا اقوله ولا كلمه اذا طلب شي اسويه بس كلام وحركات ابدا لين هالمره هو اللي يتحرك انا ما قصرت

عداك العيب حبيبتي

قريت مشكلتك من البداية وماعرفت شاقول لك

لكن الحين خلاص سويتي اللي عليك وعاشريه بالمعروف مثل مايبي

ساكت اسكتي عنه

اش بتسوين بعد

لكن لازم ان احتجتي شي أو ناقصك شي مادي تقولين له واهو وذمته

وطرشي له مسج وقولي له ( أنا بنت ناس ومحد يرضى بهالمعامله،والله بيسئلك عني 0 وانت وراك خوات خاف الله فيني عشان أزواجهم يخافون الله فيهم ، وكما تدين تدان)

ولاتنطرين ردة فعله عقب هالمسج المهم انك تنبهينه وخلاص

والله يسخره ويهديه ولاتنسين الدعاء

¤¦¤ glbUaE ¤¦¤
01/01/2008, 11:33 AM
الله يوفقج ياا اختي ويصلح حالكمـ

.

ازهار مبعثره
01/01/2008, 11:44 AM
الجوهره
والله اني كنت ابكي كل شوي من صارت السالفه من تطري عليه اقعد ابكي بروحي
بس الحين والله ماقصرت مثل ماهو حط براسه تزعل وترضي انا بعد يزعل ويرضى وانا احسن منه ما قصرت

بس صراحه حاز بخاطري جاء العيد واليوم دشينا السنه الجديده واحنا جذيه وانا حامل وتعبانه
والله كنا اشحلاتنا بس طلع لاني انا كنت دايم اسامح واشيل كل شي

والا وش رايج


¤¦¤ glbUaE ¤¦¤
تسلمين يا قلبي والله تكفيني هالدعوه اللي من قلب
الله يصلح حال الجميع

سلومي
01/01/2008, 08:29 PM
5"]السلام عليكم ورحمة الله وبركاته

بصي يا بنت الناس انتي تصرفاتك كلها معه غلط في غلط انا اسفه علي الكلام اللي هقوله بس والله انا عاوزه مصلحتك .
يعني زوجك هو الغلطان وانتي ما عملتيو اي شئ غلط ليه تروحي وتعذري ليه زكرتيني بزوج اختي نفس الشئ بالظبط ونفس التصرفات حتي انه في مره قال لها نفس الجمله اللي قالها لكي زوجك (تزعلي او ما تزعلي مش مهم انتي كده كده هتصلحيني) وانا قولتلها نفس الكلام اللي هقولهولك.
فين كرمتك ليه تعملي كده في نفسك ومين اللي بيقول انه مفيش كرامه بين الزوجين الكلام دا غلط مئه بالمئه الانسان كرامه وكرامته اهم شئ في حياته. ما علينا نصيحتي ليكي انك تغيير اسلوبك معه الرجل ما يحبش المراءة اللي رميه نفسها عليه بالشكل دا حولي تشغلي نفسك بحاجات تانيه عندك ابنك ما شاء الله اشغلي نفسك بيه وسبيه لغاية لما يجي هو ويعتذرلك انت خلاص عملتي اللي عليكي وزياده.
وممكن تقوليه لما يرجع اليوم انه تصرفاته معاكي كلها غلط واسلوبه مش كويس وانك مش هتستحملي اسلوبه دا كتتير. وامشي وسبيه اذهبي اشغلي نفسك باي حاجة[/CENTER].

ازهار مبعثره
01/01/2008, 11:30 PM
عزيزتي
سلومي
اولا اشكرج على اهتمامج وردج
والله معاك حق انا الغلطانه هالمره اذا حاولت اراضيه لانه غلطان بحقي كثير
لكن بالنسبه للمرات القديمه خلاص انتهينا منها

والحين خلاص انا قلتها انا ماقصرت
ولا راح اتكلم لين يجي هو يعتذر
بس ادعيلي

نجمة الرضا
01/01/2008, 11:52 PM
ما أقدر اقول الا الله يكون بعونش

و أذا ما فاد وياه الطريقة الجميلة اليي سويتها أمسكية بقبضة يده و أعتذري منه و صارحيه بطريقتش الخاصه و أنش غلطانه و تبين السماح منه .... لا تمهلين أكثر حتى لا يجفى قلبة عليك و انتون في بداية الطريق

حيرانه في اسمها
01/01/2008, 11:57 PM
تصددقين كنت متوقعه هل حركه منه الي عندي فيه من ريلج بس انا اطنشه وفي الاخير يجيني بس كلمة اعتذار او اسف مستحيل يقولها لي

وانتي خليج عاديه جدا بس محاولات الاعتذار وقفيها وخليه مته مارضي يرضا دام انه حاس انج تدورين رضاه بيطلع فيها زياده خليه يولي ولاحد مته بيطول زعله في الاخير جاي جاي

ومثل ماخبرتج اذا جا يراضي لا تفتحين معه اي موضوع بعدين في لحظات الروقان نغزيه با الكلام وعلى سبيل الدلال والدلع وهني ابشري بعزج بتكونين اميره وطلباتج مجابه

اسئلي مجربه والله يوفقج حبيبتي

ا

ازهار مبعثره
02/01/2008, 06:44 AM
نجمة الرضا
شفتي شلون قهرني يوم مابينت بعينه
بس تبيني اعتذر منه واقوله بعد اني غلطانه ؟؟؟؟؟؟؟؟؟؟؟؟
بالله جد انتي شايفتني غلطانه؟؟

عموما انا اليوم عندي موعد عند دكتورتي بروح واتطمن بعدها بقولكم شغله ناويته <<<<ياكثر شغلاتج ولا هي نافعه

ازهار مبعثره
02/01/2008, 08:05 AM
حيرانه في اسمها
حياتي وربي اشكر لج متابعتج
وعن جد انا محتاجه احد معاي هالفتره اول باول
وخلاص انا ما قصرت بنصبر ونشوف شنو يصير
مع اني عارفه مسبقا شنو بيصير
اكيد لاحياة لمن تنادي
الله يعين

حبيبة اولادها
02/01/2008, 09:27 AM
اخ
اليوم رحت الغرفه تخيلوا ما حرك الكرت من مكانه يمكن حركه ورجعه بس لا والله ماحركه كل شي مثل ما انا حطيته الكرت تحته الورقه ما تحركوا
يعني بالعربي ولا عطاله بال


بل الله يكون بعونج حبيبتي

بالمره اللي طافت ما بغيت اقولج هالكلام قلت ان شاء الله يخيب ظنونه ويرجع ريلج وكلمتين حلوه منه وترجع المياه لمجاريها لكن الحين بقولج ان انتي تعرفين ريلج اكثر منا وكل وحده رح تعطيج رايها اللي تشوفه الصح بس محد قاعد معاه إلا انتي ...ساعات التطنيش يجيب نتايج سحريه وتلاقين الريل بيموت ولا تطنشه زوجته وما يقدر على زعلها لو ساعه وساعات خبر خير لا حياة لمن تنادي يعني ما يجيب فايده مع البعض الآخر ... أختي ريلج ما بيتغير الا بالدعاء صدقيني والله يا اختي ادعي وادعي والحي في الدعاء سبحانه مقلب القلوب انا سمعت وقريت عن ناس تغيروا 180 درجه

عامليه عااااااااااادي وياريت تشغلين نفسج شوي علشان تطردين هالافكار اللي تجيج والصراحه انتي ما تنلامين لو تضايقتي ولا فكرتي، حاولي تكونين عاديه قومي بواجباته اتجاهه بس بنفس الوقت ما يكون تغيرج الى الأسوء انج تتعمدين تطنيشه اكثر واكثر إلا ما يلاحظ الفرق ويحس بغلطه

سمعي هالقصه امي دايم تقولها في وحده زوجها تزوج عليها فراحت عند واحد يشتغل بالسحر وقالت له سولي عمل قالها جيبيلي 3 شعرات من السبع ( كنوع من التعجيز) فراحت المسكينه للسبع كل يوم تعطيه لحم لحد ما توالف معاها وبيوم راحت للساحر ومعاها السبع بكبره قالها الله واكبر منكم يالحريم سحبتي السبع وما تعرفين تسحبين ريلج تالي انتبهت لكلام الساحر وغيرت من نفسها وحاولت استمالة زوجها لها مره ثانيه ورجعته >>> شفتي كيف لو بغينا شي نسويه نسويه

اعذريني يا لغاليه على الإطاله بس والله احبج واحب اشوفج مستانسه ومتهنيه :)

ام جعفرين
02/01/2008, 10:54 AM
والله اختي القضية محيرتني:( ماابي ازيد الطين بلة بس حقريه شتسوين بعد تدرين شنو سوي
اليوم انشاء الله بس يرد من الدوام روحي ليه قولي لي شنو تحب تاكل والله اتصلي ليه كم مرة لين يرد لا تيأسين وقولي ليه شنو تحب على الغذاء مب طريقة جافة بطريقة حلوة من الي تعرفينهم :wink: يعني هالمايصات الي يعلقون الشباب بالتلفونات مب احسن منا في شي وطلبي اي شي حتى لو مب محتاجتنه انه يجيبه معاه وطبعا شكر قبل لا يجيب الشي الي يباه انتي اتقولي انه شهر صار لها السالفة معقولة ماصادتك احتياجات ولا انت كنت تجيبي احتياجاتك لوحدك ؟

اذا كنتي اتجيبي احتياجاتك لوحدك فهذا يمكن بعد من مسببات الجفاء انه حاس انه ماله لزمه وانت قاعدة تسوين كلشي ودايرة دفة المركب خليك مثل ذولين الي كل شي هات وهات الريال يحبون الي تركب على ظههورهم حتى لو قالوا العكس ترى ...

لا تجيبين سالفة الهوشة الحين نهائيا تدرين شنو الي قاعد يصير ترى زوجك مب جاحد او حاقد او عديم احساس !
اهو مجرد يمر بدورة يعيد فيها حساباته وكل رجال يمر بهالفترة ويكون في قوقعة الصمت الي متعود وعايش فيها هو مو مثل النسوان تركيبه الرجل معقدة اكثر سوي سيرش في قوقل وتبشوفين شلون طبيعة الرجل وفهم سيكلوجية الرجل راح اتحسين انه الي يسوي هو في نظره صح

بس لا تيأسين تذكري هي حبيبك وحياتك كلها ودنيتك وانت حياتك بدونه مالها طعم

جربتي انك تطرشي مسج رومانسي اليه ؟
بعد ماتتصلي بيه دزي ليه مسج رومانسي
"لستم صفحة في كتاب وانطوت ولا كلمات قد قيلت وانتهت ،ولا لحظات قضيناها ومضت ، ولا مجرد احساسيس مرت وتلاشت فمودتكم في القلب قد نقشت ، وأسال الله كما جمعنا في دينا فانية ان يجمعنا ثانية في جنة قطوفها دانية

برق ورعد
02/01/2008, 12:24 PM
عزيزتي أزهار مبعثرة
حاسة فيكي عزيزتي
لاني عايشه مثل هل المأسة
ولكني مصممة هل المرة ما اعتذر
بس المشكلة اني في الشهر السابع وأحس أني تعبانة من الحمل وأخاف اتجني آلام الولادة وهو نايم في غرفة ثانية ما يدري عني ، والمشكلة الثانية ان لازم ابتدي أجهز للولادة وهو خبر خير ما يسألني شنو قاصرك وشنو تبين كأنه يقول فكة من الطلبات .
طمنينية عن آخر التطورات
وانشاء الله البنات يشوف حل لك ولي

على فكرة انا بديت من ثلاث أيام وبنصيحة من عرايس المنتدى بقراءة صورة البقرة وانشا الله اكملها اربعين يوم عسى الله يهديه ويعتذر اشرايك تشتركين معاي وتبدين تقرين سور البقرة والله اشرايكم يا بنات

ازهار مبعثره
02/01/2008, 12:48 PM
حبيبة اولادها
ما اقول الا الله يعين
الظاهر لو يقولون جيبي راس بوش بجيبه بس زوجي ما اظن
ههههههههههههه <<<< شر البلية ما يضحك
بطنش واشوف


ام جعفرين
لا كم مره احتاج شي ويكون عندي موعد يا ادق عليه اقوله باسلوب عادي او ادز له مسج
هو المشكله مومقصر لا بغيت شي يجيبه يعني يقولي كاني مو مقصر
وبالنسبه للغداء انا سويته بس ما دقيت عليه لاني مع حمولتي ويوم انا اسوي الغداء يوم اخته او امه عرفتي
والله ما راح اطرش له مسج غرامي شنو بعد الورد والكرت ولا عبرني بعبرني بمسج
احنا واحنا مو متزاعلين ما يرد على المسج شلون الحين


برق ورعد
الله يعيني ويعينج على الحمل والرجال
خليج معاي وانا بضل معاج تابعيني واتابعج وراح ان شالله نساعد بعض ويراضونا قولي اميييييييييييييين <<<ماتحسين اقوله وانا مو واثقه


ياربي لا يحرمني منكم خواتي وقفتكم تعني لي الكثير يكفي ارفعت معنوياتي وخففت بعض من تعب الحمل قبل الرجال

برق ورعد
02/01/2008, 01:19 PM
أمييييييييييييييين يارب العالمين
الله يهديهم
بصراحة زوجي طيب بس أبليس ما يخلي احد

الجوهره 2000
02/01/2008, 02:34 PM
الله يهدي الجميع ان شاء الله

مثل قديم عند امهاتنا الله يطول بعمارهم

(لاتباعدت الجنوب تباعدت القلوب )

وحطوا هالشي في بالكم خواتي واتركو منكم المكابر ومشوالامور وخلكم طبيعيين

والله الدنيا ماتسوى ولا فيه سبب يستدعي ان الزوجه تظل بالشهر شايله على زوجها ومخاصمته

ولو اقولكم حاجه ماتصدقون

اختكم فالله كانت مثلكم تزوجة صغيره وعلى اتفه سبب مايشوف الا الدموع مغرتني

وتعودت انه دايم يراضيني وبعد فتره طقت كبده وصار ماعاد يعطيني وجه ويوم يومين عشره

خلاص نفذ صبري ماعاد احس بطعم الدنيا لاني بسما ولاني بأرض وجيت له وصارحته ليش تسوي بي كذا

قال الرجال مايحب زوجته تكون ظعيفه وتدور النكد على اتفه الاسباب كبري عقلك وخلي منك هالامور التافه

والسنوات اللي مرت اعتقد كفيله بانك تكوني فهميني وتعرفين الاشياء اللي تريحني وتزعجني

ومن بعدها خلاص قمت اعطيه حقوقه على اكمل وجه ولا اقصر معه باي حاجه وحتى لو صارت

اقل مشاده اومشكله ساعه ساعتين ونرجع كما كنا ولوفكرنا لو زعلنا يوم يومين عشره مردنا بنرضا

فليش نخلق لنا المتاعب والمشاحنات ونعكر حياتنا على اشياء ماتستاهل

والاهم من كذا يبغالنادائما نقيس السلبيات والايجابيات بين بعضنا ونقدم الخير على الشر


والله لايورينا فيهم مكروه والله لو يصير لهم خير بلا شر وخاصة وهم زعلانين علينا مردنا للنار

الخلاصه

هم جنتا ونارنا والرجال قوامون على النساء بما فضل الله

ولاتقول الوحده منا ليش اذل نفسي ودايم اراضيه واسامحه

واخليه يطيح فيني طيحه لا والله بالعكس بيقدر حبك ومعزتك له وانك ماتستغنين عن رضاه وحبه


ويزيد قدرك عنده واسأل مجرب ولا تسأل طبيب

والله يهدي سركم جميع ويالف بين قلوبكم ويجمعكم على طاعته اللهم آمين

( ايما امرأت نامت وزوجها غضبان عليها لعنتها الملائكه حتى تصبح )

rose_rose7788
02/01/2008, 03:00 PM
الله ايسر اموووووووووووووووووورج حبيبتي ... توقعت انه بيتحرك وبيسوي شي ...

للاسف انصدمت .... اكيد هو واااااااااااااااااايد حاط في خاطره منج .... بس ما عليه فترة خليه ولا تعبرينه وان شاء الله بيرد لج .... وربي يصلح امووووووووووووووووووووورج اختي


روووووووووووووووووووووووز

الجوهرة
02/01/2008, 03:29 PM
الجوهره
والله اني كنت ابكي كل شوي من صارت السالفه من تطري عليه اقعد ابكي بروحي
بس الحين والله ماقصرت مثل ماهو حط براسه تزعل وترضي انا بعد يزعل ويرضى وانا احسن منه ما قصرت

بس صراحه حاز بخاطري جاء العيد واليوم دشينا السنه الجديده واحنا جذيه وانا حامل وتعبانه
والله كنا اشحلاتنا بس طلع لاني انا كنت دايم اسامح واشيل كل شي

والا وش رايج





حبيبتي أدري انك حامل وتعبانه ومالك نفس لكن لاتخلينه يشوف الا اللي يسره

تعدلي كل يوم واكشخي وتمكيجي كأنك رايحه عرس

صدقيني بيستغرب

تكلم والا ماتكلم

بس اكيد صورتك بهالمنظر بتم في باله

وعليك بالدعاء وسورة البقره حاولي تقرينها كامله في اليوم قد ماتقدرين

وعليك بالدعااااااااء

وان كنتِ تقدرين تقومين قبل أذان الفجر بنص ساعه قومي وصلي ركعتين وادعي وادعي

بيبان الله مفتوحه لو حتى تسكرت بيبان الناس

والله يصلح مابينكم

والله اني متضايقه عشانك :confused::ss:

ازهار مبعثره
02/01/2008, 06:10 PM
الجوهره
الله يجزاج خير على هالنصائح
ان شالله اني بحاول اتبعها عسى ان يفرجها الله

ازهار مبعثره
02/01/2008, 06:26 PM
روز
اااااه شفتي شلون يازوز حلفتك بالله فيه اكثر من جذيه دلع
داشه بسببه المستشفى ومع ذلك قاعده اراضيه من بعيد لبعيد ولا عاجبه يبيها اشكره اجي واتراضي منه



الجوهره2000
والله العظيم اني عارفه كل كلمه قلتيها وانها دايم ببالي من تزوجت
وشوفي ردودي على البنات ما عمري قصرت او خليته لو حتى هو غلطان
بس الانسان له طاقه وانا انثى ابي احد بعد يعبرني يعني في لحظات اقول اشمعنا انا ابيه لو مره حتى لو ازعل على شي تافه يقولي اسف ياقلبي كل شي ولا زعلج ليش ما اسمعها ومع ذلك قلت ماعليه مشغول وهو يستاهل بس الموضوع هالمره اكبر انا تعبانه ودشيت مستشفى وطلعت ومع ذلك سويتله مثل ماقلت لكم قبل اكثر من حركه وعطيته فرصه انه يجي حتى لو ما يعتذر بس يحسسني انه فيه فرق عنده ببعدي وقربي
بس ما اقول الا الله يسهلها ويفرجها من عنده


برق ورعد
ما تصدقين لو اقولج ان زوجي كذلك يعني رغم ان عناده ما مر عليه مثله وشخصيته القويه الجباااااااااااره
الا انه طيب ويحبني
بس مثل ما قلت للجوهره 2000 وما ادري انتي مثلي او لا ابيه يحسسني انه يفرق عنده قربي وابعادي
ان كل المرات اللي انا سامحته فيها وراضيته معاي حق لانها ما تستاهل واللي يستاهل بس هو اللي يراضي فيه
بس هو جذيه خلاني اقول انها تستاهل او ما تستاهل مافرقت عنده المهم انج ماتنطرين مني شي راضي نفسج ولا بعد تعالي راضيني واشوف ارضى او لا
الله يكون بالعون
وان شالله ببدأ اليوم بقراءة البقره معاج
بس بعرف انتي ناويه تسوين له شي او تستسمحين او شلون يعني لا بغيتي تسوين شي قوليلي
وان حصل معاج شي وبدر منه اي تحرك ايجابي بشريني ان شالله يكون الين من اللي عندي ويجيج
الله يسعدك ويوفقج

ظبية دبى
02/01/2008, 06:31 PM
الغالية

هو كان كذا اول ايام ا لزواج ....

من كلامج ان زوج اشوى (اسمحيلى بالكلمه )شايف نفسه ...وانت من دلعج فيه قام يتغلى عليج اكثر واكثر ..

الغالية خليه شوى ....حسسيه انج زعلانه منه ..

بس لا تهملين امور بيتج ..ترى فى الاول والاخر انت زوجته ...

اتغلى انت عليه بعد ...واذا شفتى ما فى تقدم كلميه وواجهيه شو سبب هذى الفجوه الى بينكم

حبيبتى ما فيها شئ اذا الزوجة تعاتب زوجها وتخبره بالمضايقنها منه

ازهار مبعثره
02/01/2008, 06:41 PM
ضبية دبي
صاجه والله شايف نفسه انا اقولج
هو رجل اعمال وله مكانه بالمجتمع وبين الناس رغم صغر سنه
شخصيته قويه وحلوه مرحه وانسان عاقل يعني بصراحه اكبر من عمره بكثير بكل شي
يمكن صج هذا اللي خلاه يشوف نفسه طول هالسنين قبلي وانا جيت كملتها بدلعي له
لاني ما ني موظفه وبس قاعده بالبيت وانا بديره واهلي بديره
يعني بالعربي مكرسه حياتي كلها له دلع وحركات يعني لو اقولج من 3 سنوات زواج
هذي اول مره اعانده هالطريقه واوقف بوجهه تصدقيييييييييييين
فما ابي ابين بالاخير اني ضعفت عشان بس يحط بباله اني ما ازعل وادلع بس لا زعلت صج على شي يستاهل يعني مو زعل الدلع فأنا اقوى منه فهمتي عليه
والا وش رايج انتي
انطر رايج
عن جد راي كل وحده يهمني
لانكم من خواتي واعز
والله حتى خواتي ما يدرون بالقصه نفسها مو عاد التفاصيل والمستجدات مثلكم كل يوم اقولكم وش صار معاي
الله لا يحرمني منكم

حبيبة اولادها
02/01/2008, 07:03 PM
حبيبتي طمنينا عنج اول بأول

يارب يا رحمن يا رحيم

سبحانك تغير ولا تتغير

يا من تقول كن فيكون

يارب اهدي زوجها وحببه فيها

اللهم اجعلها قرة عينه

اللهم اسعدها ووفقها

هي وجميع المسلمات

(رنين)
02/01/2008, 08:11 PM
من اسلوبج يبين انج بنت ناس طيبه ومحترمه .. الله يكملج بعقلج ويسخرلج زوجج :) وان شاء الله تنحل مشاكلكم ..

ماقدر افتي فالموضوع لان وجهة نظرج صح .. يعني مايصير كل مره انتي اللي تراضينه حتى لو كان غلطان ؟ حتى هو شكله تعود على هالسالفه من جذي مايهتم ..
بس في نفس الوقت مابيج تخسرين ريلج بسبت كبرياء وعناد .. يعني اذا هو تفكيره جذي انا اللي ازعل وانتو راضوني .. خلاص مشي معاه شتسوين بعد .. بعدين هو شكله من النوع اللي مايعرف يعبر وايد او مب متعود على الاسلوب اللي في بالج .. انتي سايره ومع الايام بيتعلم منج وتتعلمين منه ..

وموفقين :)

ازهار مبعثره
03/01/2008, 01:11 AM
حبيبة اولادها
الله لايحرمني منج قولي امين
ابشري اصلا من غير ما توصين كل ماصار حدث راح اجي واقوله اهنيه لين ربي يفرجها وتنحل
لان مالي الا انتم ومن بديت اسولف لكم وانا احس نفسيتي متحسنه شوي



وردة قطر
ماتصدقين وبتقولين تبالغ ويمكن مغروره لو اقولج ان عقلي هو مشكلتي بالحياة
دائما احكم عقلي قبل قلبي
وهذا طبعي من يومي ما ادري هل هذا عيب او ميزه بالحياة الزوجيه
وانا خلاص عرفت له وراح اسايره وعارفه نفسي وعارفته انه راح نظل على نفس هالحال هو يزعل وانا اراضي
بس هالمره يعني حبيت اقوله اني اقدر اسوي كل شي بس حبك هو اللي مانعدي كل مره
يعني خلي هالمساله تنحل الحين وبعدين يحلها رب العالمين

الجوهره 2000
03/01/2008, 01:54 AM
ياعيوني طيعيني وما بتخرسين باذن الله

روحي يمه وهمزيه ودلكيه وسولفي وياه واكسري الحاجز اللي بينك وبينه خلاص يكفي

وحطي باعتبارك انك في امس الحاجه له وخاصة بهالايام بالذات عسى الله يسهل عليك بحله

واتتعبن نفسيتك ازياده على اشياء بسيطه

وطمنيني عن اخبارك تكفين والله خليتني على طول ادعيلك وماتروحين عن بالي

ويالله حبيبتي فرحينا بصلاح امورك يالغلا وريحي قلبك وقلوبنا ...

ازهار مبعثره
03/01/2008, 02:57 AM
وطمنيني عن اخبارك تكفين والله خليتني على طول ادعيلك وماتروحين عن بالي
اقسم بالله تحجرت الدمعه بعيني وانا اقرا هالجمل


ابشري والله لروح اراضيه بس خليه كم يوم عل وعسى والا وش رايج
تبين الصدق والله خايفه اروح له ويردني
عن جد اتحطم
فودي اخليه كم يوم منها اشوف يمكن يحن مع انه ماضنتي
ومنه يهدى شوي
اليوم كان عندي موعد وداني ولا حرف ولا كلمه بالسياره وقبلها لما دق يقول اطلعي
ومرات احس صوته فيه نفزه عارفه شلون يعني كانه للحين شايل

المغرب كنا قاعدين تحت وامه واخته موجودين قال لاخته سويلي سندوتش جبنه قلت بقلبي عادي كم مره هو يسويها عادي مره انا ومره اخته مافيه فرق
المهم راحت طلع مافيه جبن دقوا عالبقاله وبعد شوي وصل الجبن اول ما دخلوه
قمت انا من نفسي وقلت له تبي وحده والا ثنتين
قال ثنتين صراحه انا سويتها عشانه وعشاني استحيت عاد يقول لاخته ثاني مره وانا قاعده
وكاني جالسه للحين عالنت والاخ سهران برى والا بعد جاء وجالس تحت لانه واجد يسوي هالحركه
تخيلي مايسهر واجد برى البيت بس يتاخر تحت يتفرج على التالفزيون لا تقولين مع اخوانه والا شي لا حتى لو الحاله مع ان عندنا ترى تالفزيون فوق
بالله وش رايج

حيرانه في اسمها
03/01/2008, 12:27 PM
يا بعد عمري قلبي معاج وربي الله يهديه ويحنن قلبه عليج

ادعي حبيبتي ان شاء الله ربي يفرجها عليج

برق ورعد
03/01/2008, 01:33 PM
عزيزتي أزهار مبعثرة

بصراحة انا ما انتظر منه ان يتلفظ باعتذار أو يطلب السموحة مني لان الحب ألي بينه أكبر من أي اعتذار بس أبيه أهو يبدي يكلمني ويناقشني في المشكلة ألي سببت الخلاف بيني وبينه ، لان الهدف هو أن يعترف ويحس أنه غلطان وما يرجع حق ألي سواه مرث ثانية


الله يهديهم ويرجعهم لنا عاجلاً وليس آجلاً قولي أمين

ازهار مبعثره
03/01/2008, 04:03 PM
حيرانه
الله يخليج يارب



برق ورعد
اكيد ما نبي اعتذار وهذا شي اصلا ما يطري على بالي على قولتك بس ابيه هو يجي براسه
ويسلم راسه على قولتهم
بعدين تصدقين انا شبه قررت اخليه اسبوعين تقريبا يعني لين 17_1 ميلادي عندي موعد عن الدكتوره وناويه اسوي شغله عقب ما ارجع من عندها
(( ياضعفنا يالحريم شوفيني افكر لي بعد اسبوعين يعني واثقه انه ماراح يتحرك ولا يسوي شي لين انا اتحرك ))
الله يعين
بس حركتي هالمره بتكون اقوى ومنيه لين يجي ذاك الوقت يحلها ربك وان شالله تنحل قبلها

وان شالله انتي بعد طمنيني عليج تصدقين كل ما فكرت بمشكلتي طريتي عليه
الله يصلح حال الجميع بس انتي ما قلتي لي شنو مشكلتج
يمكن انتي اهون واخف ويمكن انك لو تصالحينه يكون احسن

اماراتية حيل
03/01/2008, 04:40 PM
شوفي ياقلبي ...انتي عطيتي وجه والله ...طاااااااااااااااااااااا ف ..عطيه بالطاف ....يعني خليه على راحته ..ومش كل شوية ....ترسليلو مسج ....لانه هو تعود وعرف حركاتك صار مش مهتم ...غيري من نفسك ..من أسلوبك ..خليكي ثقيلة شوي ...
يعني ....لاتعطيه وجه دايما ...مرات اذا يكلمك ..لاتردي عليه ....يعني بالاختصار المفيد ..مثل ماهو يتكبر عليكي ...
انتي كمان سوي بالمثل ....وأهم شي تغيري من نفسك ....

والله يسخره لكي ..يارب

الجوهره 2000
03/01/2008, 06:41 PM
الله يهديكم ويصلحكم جميع

بنووتة خياال
03/01/2008, 08:45 PM
نصيحتي لك
خليك على الزعل ولا تسوين له شي من الحركات اللي مافادت ولا ظنتي راح اتفيد
وكل اللي تسويه حسسيه ان الوضع فرق معاك وانك فاقد أشيا مو شي واحد
خليه يشوف الدمعة نازلة من عينك وانتي تناظريه و ان حسيتي انه لاحظها مباشرة امسحيها أو طيري على غرفتك خليه يحس أنك حزينه وانتي بعيد عن حضنه وانك ما تبين تبينين له هالشي
واحيان حسسيه انك سرحانة في حضنه ناظري اذراعه ,صدره اسرحي في عينه واتنهدي بصوت خفيييييف كأنك ماتبينه يسمع وخليه يحس أنك كنتي سرحانة وماكنتي قاصدة تناظريه وحسسيه بالأخير أنك انتبهتي وخلي عينك تمتلي دمع من دون ما تنزل وابتعدي عنه خليه يفكر في اللي تدارينه وسط قلبك

*ام عزيز*
03/01/2008, 09:05 PM
حبيبتي وفيها ايييه لو صالحتيه انت ؟؟؟؟؟انت راح تكوني الكسبانه رضاه ورضا ربك ان شاء الله ......معليش حبيبتي انا عارفة انك حساسة وقلبك رقيق خصوصا في هذه الفترة (الحمل) احتسبي الاجر عند الله حبيبتي وصالحي زوجك ولا تتركي الشيطان يدخل بينكم ترى الجفا يقسي القلب والبعد يقتل الحب

وفقك الله يا الغلا واعانك التزمي بالدعاء والصلاة في جوف الليل فانهما السحر الحلال الذي يغير كل كرب


حبيبتي صفا المحبة هههههه ولالالالالااجدع مسلسل مصري تسلمي يا رب

ღ الفلسطينية ღ
03/01/2008, 09:34 PM
اختي انتي اكيد كل يوم عندك روتين واحد حاولي تغيري حياتك وتقلبيها راسا على عقب حاولي تدخلي المرح ولابتسامه
وكل شي بحبه البسي لبس حلو تعطري واعملي اكله طيبه مع وزيني البيت بالورد والعطور وادعي ربك بانه يهيده
هوه حكالك انتي ممله حاولي تجددي في حياتك تعملي شي جديد مفرح ويريح بالو ارسليله رسائل غراميه وما تملي ولا تنسي الدعاء لربنا بانه يهديه وتوكلي على الله

ازهار مبعثره
03/01/2008, 10:26 PM
ايماراتيه حيل
والله مابقى شي ما جربته بس يالله يبقى الحال على ما هو عليه حتى شعار اخر




الجوهره
تسلمين لي ياقلبي على المتابعه
لا خلا ولا عدم



صفا المحبه
تصدقين كل شي سويته الا اللي انتي قلتيه
مدري شلون ما جاء ببالي
عن جد حلو ويمكن ما يبين اثره مباشره بس يكون له اثر اكيد
صج اللي عندي عنيد بس اشوى للحين اتوقع انه يحس



ام عزيز
بصبر كم يوم وبعدها براضيه وحيل الله اقوى انا اصلا من الاول كنت عارفه اخرتها براضيه
بس اكيد اكون علمته درس اني قويه واقدر اسوي اللي هو يسويه بس لاني احبه ما اسوي
فهمتي عليه
بالنسبه لمسلسل صفاء المصري والله عجبني مش بطال هههههههه


الفلسطينيه
عزيزتي انا ولله الحمد كل حياتي فرح وابتسامه
ودائم متعطره ولابسه
وبعدين هو ما قال اني ممله شكلك فهمتي غلط
انا سالته هل انا ممله قال لا بالعكس بس هذا طبعي
عرفتي
والله لايحرمني من دعائك

بنووتة خياال
03/01/2008, 11:09 PM
لا لا تعتذرين ولا شي
واذا ما أثرت فيه الحركات اللي كتبتها لك
أنصحك أنك في اليوم اللي تبين تعتذرين له فيه أنتظري ليما يجي الليل ونيمي ولدك من وقت وقعدي في حجرتك قبل ما يجي ينام وحسب زوجك أذا ممكن تصحينه من نومه أو لا ..ممكن قبل لا ينام روحي له ودمعتك على خدك وقولي له خايفة (خايفة من الموت وانتي تولدي ..........الخ) وقعدي بحضنه وانشالله يلين


واذا ما لان فزوجك حجر صوان مايحس ولا ينكسر ولا يمكن انه يلين ومالك الا الاعتذار وراح اتظلي طول عمرك تتحملينه وتتحملي مشاكله وما لك الا الأعتذار واحتسبي اجرك على الله

خيماوية
03/01/2008, 11:36 PM
والله أحس قصصكم تنفع تكون مسلسل "يوميات أزهار مبعثرة وزوجها المصون"
أسولف ترى .. لاتزعلين .. والله ان زوجك طيب .. بس يعني حاولي تسوين نفسج مرييضة واايد . . أو
منهارة او اي شي ..(بسم الله عليج طبعا) يمكن يحرك فيه اشوي .. أو حاولي تحبسين نفسج فالغرفة .. لاتطلعين يومين .. يمكن يحس!!

noonaah
04/01/2008, 02:44 AM
مرحبا اختي ازهار والله انا قاعده اسمــع اغنية وائل كفوري واقرا قصتج قطعتي قلبي وايد تأثرت فيها حدي عشت الجو وخنقتني العبره احنا يالبنات نكره الاهمال المتزوجه والمو متزوجه تبي الاهتمام من الكل شلون لو كان شريك حياتج سمعي يا بنت الناس هذا ابو عيالج ونصيبج بالدنيا مالج الا الله واهو000 ماله داعي تكابرين وطولين سالفه طيحي الحطب وروحي له بنفسج ابجي عنده مايهز الريال الا الدموع عاتبيه وقتها كثر ما تقدرين وصدقيني بتلقينه يسمعج وبراضيج ان شاء الله 000تأكدي انه مابينج وبينه كرامه ومادري شنو انتو عشرت جم سنه مو مخطوبين اللي في مجال انكم تنفصلون بسهوله عشان كرامتج ماتسمحلج 000تعوذي من ابليس وروحي له لاتخلينه يتعود على فرقاج ترا يشوف غيرج وبنات ابليس وايد لا تخلينه يلجأ لهم ووقتها شلون بتحلين هالمشكله اذا هذي مو قادره عليها الله لا يقوله سامحيني على الاطاله والله يسهل امورج

الجوهره 2000
04/01/2008, 04:31 AM
مرحبا اختي ازهار والله انا قاعده اسمــع اغنية وائل كفوري واقرا قصتج قطعتي قلبي وايد تأثرت فيها حدي عشت الجو وخنقتني العبره احنا يالبنات نكره الاهمال المتزوجه والمو متزوجه تبي الاهتمام من الكل شلون لو كان شريك حياتج سمعي يا بنت الناس هذا ابو عيالج ونصيبج بالدنيا مالج الا الله واهو000 ماله داعي تكابرين وطولين سالفه طيحي الحطب وروحي له بنفسج ابجي عنده مايهز الريال الا الدموع عاتبيه وقتها كثر ما تقدرين وصدقيني بتلقينه يسمعج وبراضيج ان شاء الله 000تأكدي انه مابينج وبينه كرامه ومادري شنو انتو عشرت جم سنه مو مخطوبين اللي في مجال انكم تنفصلون بسهوله عشان كرامتج ماتسمحلج 000تعوذي من ابليس وروحي له لاتخلينه يتعود على فرقاج ترا يشوف غيرج وبنات ابليس وايد لا تخلينه يلجأ لهم ووقتها شلون بتحلين هالمشكله اذا هذي مو قادره عليها الله لا يقوله سامحيني على الاطاله والله يسهل امورج

عز الله انك جبتي التايهه

وفعلا يا اتي لاتطولين المسافه وهي قصيره

وتحدينه على شي هو مايبغيه بس عندن فيك بيسويه

ولافات الفوت ماينفع الصوت وذيك الساعه مايفيدك الندم الله يكفيك الشر

وابو عيالك مافيه بينك كرامه لان كرامتك هي كرامته فيالله توكلي على الله وريحينا وريحيه

وريحي روحك من الضغوط النفسيه واللي انتى في غنى عنها

يالله بس يالله تعوذي من ابليس وروحي له وعيشوا في تبات ونبات

وخليفوا صبيان وبنات ولاتفوتون الجمعه ترى فيها اجر عظيم بس هاااا عاد لا تنسينا زييييين..

ازهار مبعثره
04/01/2008, 04:39 AM
صفا المحبه
بقولج شغله انا في المرات اللي طافت ترى اذا هو يتحمل جزء كبير من الخطأ ما كنت اروح واقول اسفه
لاني ما سويت شي
فانا مو لهالدرجه هبله بس قلت لكم انا كنت من يبادر بالرضى
والنسبه لسالفة روحي ابكي قوليله خايفه من الولاده وربي انج خطيره بس للاسف انا الظاهر اني طلعت اخطر منج لاني سويتها قبل هالمره بس مو عشان كنا زعلانين لأ عشاني ابي اولد عند امي وهو يبيني اولد عنده
لان انا اهلي بالكويت وانا بالسعوديه واول ولد جبته عند امي بس هذا يتحايل عليه اجيبه اهنيه
فخطتج الثانيه ليست بالجديده <<< حسبي الله على الرياجيل قلبونا ارهابيات خططي وخططج



خيماويه
مو انا ناويه اذا انحلت السالفه
احولها فلم وثائقي تعليمي للمتزوجات لان ما فيه وسيله لجعل الزوج يراضيك ما استعملتها
((هههههههههههههههههههههههه هههههههه))

ازهار مبعثره
04/01/2008, 04:42 AM
noonaah
اعوذ بالله منك يابليس
وجعل ماتخنقك العبره على غالي يالغاليه
والله انج صاجه وانا فاهمه هالنقطه بس شسوي اول مره اركب راسي وازعل وعاند
فما ابي اطخ بسرعه يعني يطلع مشوار شهر بلا فايده

ازهار مبعثره
04/01/2008, 04:43 AM
الجوهره
يا اختي الغاليه
والله اني فاهمه كل هالكلام

ازهار مبعثره
04/01/2008, 04:53 AM
اخر المستجدات

امس كنت مصدعه فنمت بالليل قبل يجي انا وولدي ولانه سهران وعنده رياجيل تحت مدري متى صعد
بس حسيت فيه لما جاء بس كنت نايمه
المهم
صحيت قبل شوي الساعه 4 لقيته مو موجود بس ثوبه موجود والكمبيوتر محطوط عالارض
قلت يمكن نازل يجيبله شاي
بس انتبهت تلفونه مو موجود قلت يمكن راح يجيب الشاي ونوى يقعد تحت لين يخلص
بس شفت انه مفضي ثوبه من اغراضه فعرفت انه مبدل طالع برى البيت
صراحه انا خفت يكون فيه شي بس ذكرت انه هو مرات يجيه اشغال ضروريه تضطره يطلع برى
المهم
قلت انا برسل اساله منها صج لاني خفت يكون فيه شي ومنها جت من الله ابين له اني اطيب منه بس فقدته خفت عليه مو انا اللي تنومت ولا اثر فيه
ارسلت (( وينك لا يكون فيك شي صاير شي))
رد عليه (( رايح مشوار ))
رديت عليه ((اشوى بس مشوار تخرعت عبالي فيك شي دير بالك على نفسك ياقلبي ))والله اخر كلمه اطلعت غصب ولا هان عليه امسحها <<< ما تتوب مصره تتحرش فيه اربه يحس
طبعا طار النوم وكاني اكتب لكم
وبكره بنشوف اثر هالرساله عليه
ياويل قلبي شكله بيطلع على قولة صفا حجر صيوان

ادعولي

totoh2009
04/01/2008, 05:40 AM
الله يعينك طبعه صعب جدا

حيرانه في اسمها
04/01/2008, 06:05 AM
ان شاء الله يلين قلبه ويحس

قلوبنا معاج

ازهار مبعثره
04/01/2008, 06:09 AM
توته
ما اقدر اقول الا الله يكون بالعون
هذا النصيب وان شالله نصيبي حلو بس الحياة ما تخلى


حيرانه
امييييييييييييييييييييييي ين
تسلمين يا قلبي يكفيني متابعتج ودعوانج
وربي تعني لي الكثير

حيرانه في اسمها
04/01/2008, 06:33 AM
توته
ما اقدر اقول الا الله يكون بالعون
هذا النصيب وان شالله نصيبي حلو بس الحياة ما تخلى


حيرانه
امييييييييييييييييييييييي ين
تسلمين يا قلبي يكفيني متابعتج ودعوانج
وربي تعني لي الكثير

اخت وغاليه وربي وانا حاسه فيج لاني مثلج بعيده عن اهلي ..قبل كنت ادش ع الموقع احتار اي قسم اروحله بس من حطيتي مشكلتج وقريتها على طول ببالي واول مادش ادور موضوعج وادعي ان الله يهدي سرج ويحنن قلب ريلج عليج

umjana79
04/01/2008, 02:05 PM
مرحبا اختي ازهار ,, والله انا كنت من المتابعين بصمت .. شنو صار الحين بعد المسج ... ؟

ننتظر اخر اخبارج .....

تحياتي
ام جنى ....

بنووتة خياال
04/01/2008, 03:31 PM
صفا المحبه
بقولج شغله انا في المرات اللي طافت ترى اذا هو يتحمل جزء كبير من الخطأ ما كنت اروح واقول اسفه
لاني ما سويت شي
فانا مو لهالدرجه هبله بس قلت لكم انا كنت من يبادر بالرضى
والنسبه لسالفة روحي ابكي قوليله خايفه من الولاده وربي انج خطيره بس للاسف انا الظاهر اني طلعت اخطر منج لاني سويتها قبل هالمره بس مو عشان كنا زعلانين لأ عشاني ابي اولد عند امي وهو يبيني اولد عنده
لان انا اهلي بالكويت وانا بالسعوديه واول ولد جبته عند امي بس هذا يتحايل عليه اجيبه اهنيه
فخطتج الثانيه ليست بالجديده <<< حسبي الله على الرياجيل قلبونا ارهابيات خططي وخططج



لا موقصدي الي فهمتيه قصدي تقولين له خايفة تموتين وقت الولادة (بعيد الشر ) وانك تبينه يرضى عليك وقت الولادة ماهو انتي ما تدرين متى الولادة أما هالحين ماكو مشكلة يضل زعلان
وبالنسبة لهالوضع هو أكيد عارف ان خوفك من الولادة طبيعي والأهم خوفك على ولدك وكيف بيكون حاله من بعدك بعد عمر طويل

بنت عز بنظره تهز
05/01/2008, 01:52 AM
الله يعينك حبيبتى ويهدى زوجك ان شاء الله وصدقينى راح يجى يوم ويحس بغلطته معاك بس انتى ادعى الله واصبرى

الله يوفقك

ام جعفرين
05/01/2008, 12:18 PM
ويش اخت ازهار عطينا اخر المستجدات انشاء الله خير يارب

اختي جربي هالخدعة لين جيه ينام في الغرفة الثانية روحي ليه انشاء الله مايكون مقفل الباب وقعدي عند راسه وكلميه حتى لو هو نايم حطي لك من العطر الي خبرك الفواح وكلميه لين يقعد قولي ليه مب قادرة على فراقك ... وانتظري وابكي عدل حيل بصوت مافي اصعب من انه الريال يشوف انه الي يمه الي هي مرته محتاجته وانه هو الوحيد الي يقدر يسويه ولا تنسين انك ترمي نفسك في حضنه وتبكي

حيرانه في اسمها
05/01/2008, 12:27 PM
مابينت ازهار ان شاء الله رجعت المياه لمجاريها والمسج حرك مشاعره

دآآنتيل
05/01/2008, 02:27 PM
طمنينا اختي عليج ان شا ءالله الامور انحلت وكل شي رجع طبيعي ؟

ازهار مبعثره
05/01/2008, 03:25 PM
اعذروني تاخرت عليكم بس ظروف خارجه عن ارادتي وكان كل تفكيري معاكم ابي اجي اعطيكم اخباري واخذ ارائكم


بعد ما ارسلت له
ماجاء ذاك اليوم الا متاخر حزة العشاء طلب عشاه تعشى وصعد شقتنا صعدت انا وولدي
قلت بقلبي صاعد بدري اكيد القلب حن
لقيته فارش فراشه بنفس المكان الاولي الغرفه الثانيه ومشغل التلفزيون
ورحت وجيت عنده سويت نفسي اجيب اغراض واحط
ولا حياة لمن تنادي
رحت اخذت ولدي ونمنا بغرفة النوم
الصبح ولدي صحى الفجر قعدت معاه وشكله ازعج ابوه فصحى طبعا كان للحين الكل نايم الخدامه وعمتي
فقلت له تبي ريوق قال وبصوت حاد (( لا )) وطلع وجاء الظهر تغدى وطلع من عنده ماجاء داخل البيت
(( احنا عندنا بيت شعر بالحوش وهو تقريبا قعدتهم الدائمه العيال فيه ))

ما اقول الا يالله طولج يا روح
موقاهرني الا اني لما اسوي شي او اقوله شي بهدوء يرد بصوت حاد
وكانه يقول عبالج باللي تسوينه بتاثرين لا يابابا انا للحين زعلان

بالله شسوي بهالحجر الصيوان

الجوهره 2000
05/01/2008, 07:02 PM
اختي ازهار اسمحي لي ياوخيتي

ولاتلوميني والله اني حبيتك في الله ومن خوفي عليك انصحك


و ودي انك تشوفين هالموضوع وعسى ربي مايحسفك

http://www.3roos.com/forums/t73055.html


واللي جبرني احطك هالرابط قصة قريب لي من خوالي

نفس الظروف اللي بهالرابط صارت معا زوجته وظلت زعلانه عند اهلها بسبب

اشاعه اسمعتها انه بيتزوج عليها وفي اليوم المشؤم كان مارعليها وماخذ عياله اثنينهم

وجاي لامه من الكويت الى السعوديه وحصل له حادث بالطريق الله يكفينا وياكم شر الدنيا وراح فيها

والله ا نجا عياله وبغت تموت بذاك اليوم واندمت شديد الندم لكن وشهو بعده بعد فوات الاوان

واسأل الكريم المنان ان يمن عليك وعلى ابو عيالك بالهدايه ويؤلف بين قلوبكم .

doooo
06/01/2008, 04:31 AM
معليه اختي كل الرجال كذا الصبر زيييييييييييييييييييييييي ييين يارب تنحل كل اموركم

برق ورعد
06/01/2008, 07:46 AM
عزيزتي
بصراحة الله يعينج
أنا زوجي يكلمني ويسأل عني وإذا جاء من الشغل يساعدني في رعاية ولده وحتى في الليل كل شويه يدخل غرفة النوم يشوفني ويشوف ولده بس انا ألي معانده حتى في بداية المشكلة لمن كان يتصل علي أخلي ولدي ألي يكلمه وعلشان هو حساس وما يبي يزعجني صار ما يتصل يظن اني ما ابي أكلمه من صجي بس أنه أبي أحسسه انه غلطان لاني مثلما قلت لك أنا أبي نتناقس في المشكلة الاساسية ألي هو مو حاس انها مشكلة من الأساس
الله يهديهم انشا الله
ترى انا مواصلة على قراءة سورة البقرة وصاري ألحين خاتمتها خمس مرات
اشلون عنج انتي

rose_rose7788
06/01/2008, 09:09 AM
الله يصبرج اختي ... عيل لو تعرفين اللي فيني شو بتقولين خليها مستووورة بس انا ناوية انزل موضوعي جريب واسمع اراء البنات .... ابا النصيحه وربي يوفقج مع زوووووجج


روووووووووووووووووووووووز

ام جعفرين
06/01/2008, 09:21 AM
هلا اخت ازهار الله يعينش ويصبرك على مابلاك بس ليش ماتتكلمين وياه عادي سوي حملة انقلاب عسكري الليلة شيلي ولدك وروحي معاه بالغرفة الثانية وشوفي ردة فعله

ازهار مبعثره
06/01/2008, 09:41 AM
الجوهره2000
اقسم بالله ما حبيتي الا من حبك
والله يجزاج خير


doooo
تسلمين لي ياقلبي


برق ورعد
نصيحه من اختج اللي قاعده تمر بنفس ظروفج
هدي الوضع وخلي كل شي يرجع طبيعي وثاني يوم تتراضون
اقعدي معاه وقوليله انا بتكلم معاك بموضوع تسمح لي اتكلم ولا تقاطعني لين اخلص
اكيد بقولج قولي وعاد قولي كل اللي بخاطرج
لان اذا عاتبتي الزعلان ما راح يسمع ويعتبرها قويه
بس الراضي بيسمعج وبرد بهدوء
والله يسهل امورج يارب
نصيحه مني
ترى الزعل والتوتر والنفسيه الاكس مو زينه لج هالفتره


روز
الله يعين كلن له همه
بس يقولون لا شفت مصيبة الناس هانت عليج مصيبتج
تصدقين انا فيه شغلات واجد بحياتي الزوجيه كنت ابكي واقول ليش بس انا جذيه وليش وليش
لما سافرت لاهلي اخر مره شفت شغلات من من اخوي وزوج اختي
اقسم بالله قلت ياربي لك الحمد والشكر اثاريني بنعمه
بس بني ادم ما يشبع
وبعد صرت كل ما حسيت اني زعلانه وبتصير مشكله تصدقين صرت ادش اي موقع وروح لقسم المشاكل وربي اطلع وانا راضيه واحمد ربي على النعمه
جربي تسوين جذيه

ام جعفرين
انا اكلمه عادي
بس هو لا
عرفتي شلون





اليوم الصبح صحيت على صوت الكبت يتبطل ويصكر وازعاج رفعت راسي لقيته يجمع ملابسه بيسافر لظروف شغل
انا ما تحركت وخلص وشال اغراضه وطلع
بدون ما يقولي شي
ماعليه
الله يستر عليه ويرده سالم يارب
يعني يا ام جعفرين خطة الحمله العسكريه تفركشت

يعني خلال هاليومين سوف تستقر الاوضاع ونكون بهدنه
بس ناويه باذن الله افكر بطريقه اذا رد نرد طبيعي بفكر بطريقه لا تبين اني تنازلت ولا هو كذلك
وهذا شي نويته والله قبل افتح النت وبعد ما قريت كلام الجوهره خلاص باذن الله بس الله يرده سالم يارب
والله وانا اقرا كلام الجوهره دمعت عيني وكنت بدق عليه بس هونت لاني ادري عنده ناس والوقت مو مناسب

الله لا يحرمني منكم يارب

rose_rose7788
06/01/2008, 10:47 AM
صح اختي ازهار اذا شفتي مصيبت غيرج تهون عليج مصايبج بس تفرق والله ... مشاكل الناس تحسين فيها لكن مشكلتج تحسين فيها بعمق اكثر وتعيشينها بلحظاتها وتتالمين اكثر لانها خاصه فيج ومع الليل والنهار مامنها مفر

خليها على الله بس اختي .. بعد اشوي ان شاء الله بنزل الموضوووووووووع

والله يوفقج مع زووجج اختي ويرد لج بالسلامه
رووووووووووووووووووز

ازهار مبعثره
06/01/2008, 10:57 AM
ايه والله صاجه يا روز
الله يكون بعون الجميع

ام جعفرين
06/01/2008, 11:02 AM
اخت ازهار الله يكون في عونش على هالاشيا ء خسارة ماجربتي الطريقة الثانية الي قلت لك عنها امس انك تروحي ليه غرفته وتصيحي في حضنه عسب الله يحنن قلبه

خسارة الحملة العسكرية فشلت اليوم انشاء الله بس يرد يارب اتصلتي فيه يوم طلع؟
لو حتى كلمتيه ؟ جان سالتيه وين بتروح وقمتي ليه توضبي معاه اغراضه

خسارة لو كنتي تدرين عن سالفة سفرته كان قلت لك تخلي رسالة شوق وعتب في داخل ملابسه يشوفها لما يفتح شنطته في السفر

برق ورعد
06/01/2008, 11:05 AM
عزيزتي
ما أعرف شنو أقول المصيبة اننا تكلمنا في هل الموضوع بدل المرة ألف ويوعدني انه يترك هل الشئ بس كل مرة اكتشف انه بعد ما تركاه بصراحة مو مهم عندي انتراضاه أو لا الأهم أن يعترف بالغلط ألي هو فيه ويتركه لآنه المسألة بالنسبة لي مسألة كرامة

أدعولي الله يهديه

الجوهره 2000
06/01/2008, 12:15 PM
الله يكملك بعلك انشاء الله

ويرده لك سالم غانم

ازهار مبعثره
06/01/2008, 12:46 PM
ام جعفرين
انا تفاجأة بالسفر
وسالفة الرساله وسط شنطته
قد سويتها كم مره بس يعني تكون حركات رومنسيه ودلع ماقد صادفت عتب <<< هالادميه مابقى شي ما سوته لرجالها من الفراغه


برق ورعد
عموما كل انسان اعلم بظروفه واعلم بشخصية شريك حياته وشنو يناسبه وشنو ما يناسبه
واهنيه ناخذ افكار من بعض وناخذ عبره من الغير
ونختار ما يناسبنا
الله يصلح حالكم ويهديه لج يارب


الجوهره2000
الله يسلمج يالغاليه

سمنة غنم
06/01/2008, 01:49 PM
اختي( لاتكن لين فتعصر ولاقاسي فتكسر) دائما خليك وسط اذا غلط كلميه عادي بس خلك يتضح انك في نفسك شي وذا غلطتي راضيه بالمعقول ولاتضيقين على نفسك اذا زعل روحي لاهلك لايصير اكبر همك وذا رجعتي تكلمي معه عادي وسالفة الفراش اختي اذا هو غلطان اكيد خليه اول يوم بعدين اليوم الثاني قولي له تعال اذا مابغى خليه بعدين اليوم الثاني نامي عنده بس ابزعل يعني مهما كان الواحد له كرامته انا ماقول الكلام علشان تهجرينه لا والله ولاكن اقول الكلام علشان يحس اشوي ووالله اعرف وحده مثلك بالظبط والحمد لله الحين طبيعيه وقبل كل شي الصراحه كانت تقرأالبقره كل يوم مع النفث في ماء وتتصدق كل يوم ولو بريال واخر الشهر تطلع الصدقه واسمحي لي طولت بكلامي

سمنة غنم
06/01/2008, 02:00 PM
اختي اصبري واقرأي سورة البقره فإن اخذها بركه وتركها حسره ولا يستطيعها البطله وتصدقي بنية الاصلاح والشفاء فإالرسول صلى الله عليه وسلم اوصى بها داوو مرضاكم بالصدقه الله يحله يارب

ازهار مبعثره
06/01/2008, 02:12 PM
اختي( لاتكن لين فتعصر ولاقاسي فتكسر
سمنة غنم
وربي انج قلتي الكلام الصائب
ودائما انا حاطه هالمثل قدامي
بس الانسان له طاقه
وانا هالمره طاقتي نفذت

والله يجزاج خير
وربي مرورج بس على موضوعي يكفيني
((جميل ان يشعر الانسان هناك من يقف بجانبه ويشعر به))

أصغر عروسه
06/01/2008, 05:37 PM
السلام عليكم ورحمة الله وبركاته

اختي ازهار مبعثره والله انا مااعرف شقولج بس خواتي كفووا ووفووا بنصايحهم وانا متاابعتج بصمت بس حبيت اقولج موشرط انه يعتذر لج على الاقل ينسى اللي صاار ويرد عادي وطبيعي نفس قبل وترد المياه لمجاريها بس هو الله يهداه مايتحرك ولايجي شي من صووبه بس اصبري ان الله مع الصابرين ويمكن اذا ولدتي <<الله يسهل عليج ويهون يارب ,,يحن قلبه لكن الحين اهم شي انج تكونين قويه قدامه وتبينين له ان انتي طفشتي من سالفة انج تراضينه ومهتمه,, خلااااااااااص الحين سوي ((ستوووووووب)) تصرفي طبيعي وعاااااااادي ولاتهتمييييين له كلش وطنشي وحطي بالج بولدج واللي فبطنج ولبي له كل طلباات على انها من حقوقه مو كاهتمام ,,وسالفت المسجاات هاذي انا اقوول خليها واضحكي وسولفي مع اللي حولج وعاادي كانج مب متضاايقه من بعده عاد هو اهني بيحس انه فاااقد اهتماامج الساابق له صدقيييني مهماا طال الوقت والصبر بيرد وبيحن لكن اول ماتشوفين منه اشااره انه نسى اللي صار او حن لج على طوول استجيبي له بس بثقل ..وان شاء الله تشووفين كل الخير واهم شي انتي ماتكونين مقصره فحق ربج واقري صورة البقره مثل ماقالت لج اختي وكثري من الاستغفار والدعاء والله اني اتمنى لج كل الخير يارب..واسمحيلي طوولت عليج بهذرتي ..^_^

بحرينية أصل
06/01/2008, 11:11 PM
اللهم صل وسلم على محمد وآل محمد

طبع زوجج مايعجبني وانتي اللي عودتيه انتي انسانه ولازم يحس فيج وخصوصا انتي حامل يعني ماقاعد يهمه شي
حاولي اتحسسينه باغلاطه لاتسكتين عنه بس بعد بهدوء وعاتبيه بمحبه

وفي بعض الخوات يقولون ان مافي رجال يجي يصالح زوجته اني الصلاة على محمد زوجي بس ازعل حتى لو اني مزعلتنه يجي يراضيني على طوووول لاني عودته على هالشي

ماقول غير الله يساعدج وحاولي تتفاهمين معاه ولاتعودينه على اطباع وعقب تتحسفين

موفقه

خيماوية
06/01/2008, 11:26 PM
والله إني بديت أشك فزوجج .. معقووله طول هالفترة زعلان؟ يعني أبد لايشتاق ولا يحن؟؟؟!!
والله أخاف وحده لاعبه بمخه .. الله يهديه لج ...

~درر~
07/01/2008, 02:20 AM
والله إني بديت أشك فزوجج .. معقووله طول هالفترة زعلان؟ يعني أبد لايشتاق ولا يحن؟؟؟!!
والله أخاف وحده لاعبه بمخه .. الله يهديه لج ...

........................

doooo
07/01/2008, 04:33 AM
لا يا ازهار مبعثرة هو قاعد يتغلى شوي ورح يرجع لك حتى لو لعب بمخة الف وحدة وما الحب إلا للحبيب الأول

ازهار مبعثره
07/01/2008, 09:25 AM
أصغر عروس
تسلمين لي يالغاليه على مرورج
وكلامج صحيح والستووووووووب انا باديه فيها من نويت اسكت ولا اراضيه
وانا قلت قبل هالمره ما ابيه يجي يقول اسف بس يرجع كل شي طبيعي يكفيني <<< ياناس قنوعه بس من يقدر ههههههههههه


دموع الكوثر
والله انج صاجه انا اللي عودته
وطبعه ساعد اكثر على وقوى
وبالنسبه ان زوجج عودتيه هو اللي يعتذر اول شي ماشاء الله تبارك الرحمن وعسى ربي ما يغير عليج
بس بقولج ترى طباع الرجال تختلف انا اعرف زوجي وعرف طباعه ابو طبيع ما يخلي طبعه



خيماويه ودرر
والله ياخواتي كل شي جايز بالزمن وهالايام الوحده تخاف وهو راضي عليها مو عاد وهو زعلان
بس ممكن اقول اني استبعد هالشي
انا قلت لج هو رجل اعمال يالله يلحق على عمره انا كان يالله يلحق عليه
ومسالت ما اشتاق ماحن
قلت لج انسان عنيد يدوس على كل شي اهم شي يمشي اللي بباله



doooo
فديتج انا ((وما الحب الا للحبيب الاول ))
بقعد اعيدها طول النهار عشان اطمن نفسي
ههههههههههههههههههههههههه ههه
بعدين كل هذا تغلي الله يقلعه من تغلي صار لوعة جبد

انا قلت لكم انه سافر ويمكن ياخذ ثلاث ايام اربع ليمن يرد
تصدقون محتاره للحين مرات اقول اول ما يرد بروح وادور سبب وفكره تخليني اكلمه ونتراضى
ومرات اقول لا خل اخليه بعد كم يوم يمكن يحن <<<< للحين عندها امل
واذا عدت يومين ما صار شي عاد خلاص انا بروح له وانهي الموضوع

وش رايكم

Kayan
07/01/2008, 10:42 AM
اختي ازهار مبعثره
و الله اني حاسه بكل كلمه تقوليها و اقسم لك بالله اني توني موقفه بكى و فتحت النت عشان انسى همومي
شوي و قريت موضوعك .... انا مشكلتي مثلك تماما وانا الحين جاني الولد الثاني قبل كم شهر و نفس الحال ما تغير ... و لو ان وضعي اكبر كثيييير من و ضعك ... تخيلي انا لما كنت حامل في الشهر الثامن لما اطلب ان يفضي نفسه لي كان يضربني و يشدني من شعر و يسحبني على الارض تخيلي و انا حامل و مريضه بالقلب ... رجال مثل هالاشكال ما يستحقون زوجات مثلنا و تخيلي ما اقدر اشتكي لاحد لاني احس ان الوحده لما تشتكي ينحط اللوم كله عليها و انا ما ابي يكون لي هالشي اللي فيني يكفيني بس عندنا رب العالمين علام الغيوب
ياخذ بحقنا ممن ظلمنا و الله يصبرك

ام جعفرين
07/01/2008, 11:01 AM
اخت كيان الله يصبرك على مابتلاكي وهي الشي ماينسكت عنه الضرب حرام حرام حرام سواء انت حامل او لا ليش عاد اهو جذي والله صدق مايستهالك اختي بس شتسوين عشان عيالك الله يحفظهم ويسخر زوجش لك يارب ويهديه ويندم على كل الي سواه فيكي

ازهار مبعثره
07/01/2008, 11:29 AM
ام جعفرين
والله انج صاجه

الله يهدي لنا ازواجنا اجمعين يارب

ازهار مبعثره
07/01/2008, 11:38 AM
كيان

وربي انعقد لساني ولا عرف شقولج
الله يكون بالعون
انتي معاج حق الوحده لازم ما تدخل اي انسان بينها وبين زوجها
بــــــــــــــــــــــــ ـــــــــــــــس
انها توصل للضرب
لا يالغاليه غلطانه
كان لازم توقفينه عند حده الرجل اذا ضرب اول مره ولا لقى اي ردة فعل او احد يوقف بوجهه تاكدي بيعيدها لو بعد حين
اذا كان عاد السالفه معاج
نصيحه من اختج لاتسكتين دخلي احد من اهلج حتى لو يحطون اللوم عليك بينهم بس بيوقفون معاج قدامه وهذا هو المطلوب


الله يهدي ازواجنا ويسخرهم لنا
المشكله الحريم العوب والقويات واللي ترد على زوجها ولا تقدره هم اللي ازواجهم يدورون رضاهم
واحنا الحنونات المادبات اللي نحط حياتنا الاسريه والزوجيه قدامنا قبل اي شي
مو ضعف اكثر منه عقل
رجالنا مستقوين
الله يعين

Kayan
07/01/2008, 11:53 AM
و الله يا بنات اني اخر مره مد يده فيها كنت اقوله عيب انك تضرب زوجتك و ام اولادك بدون سبب و قدامهم
بس كاني اكلم حجر و كل ماله يزيد و اقسم لكم بالله اني مو مقصره معاه في شي ابدا و مهتمه بشؤنه و بلبسه و بكل شي يخصه و يخص اولادي و الله ان اخوانه دايما يقولون ان الله يرزقهم بزوجه مثلي و بخفة دمي و اخلاقي و على كل هذا اني ملكة جمال و بدون اي مبالغه و الله العظيم لدرجة انه حرمني من طلعه البيت بسبب كلام الكل عني بس صاحب النعمه مو مقدر
بس ما اقول الا حسبي الله و نعم الوكيل

(دمعة فرح)
07/01/2008, 12:12 PM
الله اعينج والله واصبرج

بس كل الريايل شي

منوة_القلب
07/01/2008, 12:51 PM
أختي عليج بقراءة صورة البقرة يوميا فإن قرأتها بركة وتركها حسرة ولا تستطيعها البطلة ( السحرة) صورة البقرة تفك إلي ما ينفك وتصهر لج الحديد وتيسر لج كل أمر عسير وتحل عليج البركة والراحة والطمأنينة لج ولأسرتج لكن دااااااااومي على قرأتها وراح تشوفين العجب العجااااااااااااااااااااب في تغيير في حياتج الزوجيه .
تحياتي لج

برق ورعد
07/01/2008, 01:40 PM
(الله يهدي ازواجنا ويسخرهم لنا
المشكله الحريم العوب والقويات واللي ترد على زوجها ولا تقدره هم اللي ازواجهم يدورون رضاهم
واحنا الحنونات المادبات اللي نحط حياتنا الاسريه والزوجيه قدامنا قبل اي شي
مو ضعف اكثر منه عقل
رجالنا مستقوين
الله يعين)

والله صاجة يا أزهار
بس صراحة زوجك وايد صعب يعني كل ألي سويته له من مسجات وحركات وما لان
الله يعينك

برق ورعد
07/01/2008, 01:48 PM
بالنسبة للأخت كيان

كل إلا الضرب لا تسكتين على هذه الإهانة ما في أحد يستاهل اضحين عشانه حتى أولادك
يعني شنو بيستفيد اولادك اذا تسبب الضرب في عاهة مستديمة لك الله لا يقول أو تطول زوجك ومد يده على أولادك وما فكرتي بالقعدة النفسية لما يشوفون امهم كل يوم تنهان جدام عينهم

بصراحة لازم اتوقفينه عند حده ومستحيل ثم مستحيل احد بيلومك لو عرفوا الحقيقية ولا تخلين زوجك يحسسك بالذنب مثل بعض الأزوج يفهمون المرة انج أنتي تدفعينه لضربك ويلبسك الغلط
والله يعينك

um-3iosha
07/01/2008, 01:53 PM
هلا أختي
هذا فالنهايه أبو عيالج والازواج ما كثير يهتمو لضيقتنا ولا يتعبهم هالشي عكسنا بنسهر نصيح ونصبح نصيح
بس فديتج احسن تراضيه لانج فالنهايه انتي اللي بترتاحي
وتريحي البيبي اللي فبطنج
وبعد ما تتصالحو طلعو انتي وياه ع العشا وصارحيه وخبريه كل اللي فخاطرج وذكريه بالايام الحلوه اللي بينكم
والله بيحن ودايما لحي عليه بهالموال

اسيرة قلبه
07/01/2008, 03:30 PM
اختي ازهار
اعانك الله
اكيد نفسيتك تعبانه من زوجك صدقيني العلاج بيدك انتي اولا حاربي كل الافكار المزعجه بالتحدي
مثلا تقنعين نفسك بأنك بتقاومين اي شي يزعلك وبكذا ما بتضرين الجنين وماتتصرفين بتهور او تكثرين عتاب عند اي ردة فعل من زوجك
ثانيا خليك بارده ولاتتشرهين ولاتعصبين واي حركه تزعجك ولاكأنك تشوفين
بعض الرجال مايحبون اللوم وانتي اقطعي كل شي حتى لو انك قليله باللوم
وانتبهي على نفسيتك ترا فيه علاقه بين الاعصاب والجنين ويتأثر البيبي ويبهذلك بتربيته وفطامه
ولاتنسين كثرة الاستغفار فهي سهله وفائدتها كبيره وعظيمه وكذلك صلاة الليل
وفقك الله وسخر لك زوجك

ازهار مبعثره
07/01/2008, 05:21 PM
اسيرة قلبه
تسلمين لي يالغاليه
وهذا اللي قاعده احاول اسويه
ابعد تفكيري عن اي شي مزعج عشان ما اتاثر لا انا ولا النونو

loveway
07/01/2008, 05:28 PM
افضلي جمبه وصالحيه المره دي

وان شاء الله كل امورك هتتحل .......وادلعي عليه هينسي كل حاجه في ثانية
ده راجلك

ازهار مبعثره
07/01/2008, 05:30 PM
دمعة فرح
دعائج يعني لي الكثير


وحش
كنج تشوفين
كاني باديه اقرأها
الله يسهل الامر



برق ورعد
شفتي شلون
وربي زوجي موصعب وبس الا حجر صيوان
تصدقين اني من قبل ما اتزوج كانو صديقاتي يستشيروني بحياتهم وكنت انصحهم ويستفيدون وكنت ابتكر لهم الحركات والرومنسيات وازواجهم ينهبلون
شوفي الدنيا كل هذا مع زوجي انا ما نفع
الحمد لله على كل حال



um-3iosha
حبيبتي
انا عارفه اخرتي انا اللي باخذ الخطوه الاولى لاني انا اللي برتاح <<< اجل ليش كل هالمشوار ههههههه
بس يعني مره من نفسي اوريه اني اقدر اسوي نفسه بس انا اللي ما ابي

ازهار مبعثره
07/01/2008, 05:32 PM
loveway
شكرا يالغاليه على النصيحه
وان شالله بسويها بس بصبر يوم يومين
والا وش رايج

أغـــااااديــــر
07/01/2008, 05:35 PM
اشلونج اختي ازهار توني قريت موضوعج كاااااااااااااااااامل وردود أخواتي

انتي سويتي اللي مايتسوى ماشاء الله عليج كل شي سويتيه والسبب انج تبين رضاه وتحبينه

مع انج مو انتي الغلطانه

كل هذا وانتي حامل والنفسيه اللي تشين مع الحمال والله يساعدج ويسر لج كل امورج

الحين زوجج مسافر وهذي فرصه ذهبيه بتقولين لي كييييييييييييييف ؟؟؟!!!

بقولج يابعدهم الحين فكري شنو راح تسوين عدل وحطي لكل شي تسوينه ردة الفعل اللي تشوفينها

مناسبه من زوجج يعني لو قلت كذا شنو تتوقعين بيرد عليج فهمتي قصدي طبعا

ومن وجه نظري لج حلين

الاول انك تطنشين لانه المساله ماعادت مساله عناد صارت تكبر وقهر وربي

يبا عطيه طااااااااااااااااااااف واسحبي سيفون ولكن

حطي احتمالات ممكن يعاند وتطول المده

ممكن لا سمح الله يروح وتاخذه منك وحده وساعتها ابجي

لاتزعلين انا احط لك التوقعات اللي ممن تصير


ثاني احتمال انج تروح وتراضينه عشانك وعشان ولدج لانه هالحاله والله تعبج

انتي عودتيه انج تراضينه وكانت حياتج ماشيه 3 سنوات عسل

ليش الحين صارت عندج عناد

يبا اشتري مخج انتي زوجته وهو زوجك خلاص ابلعي السالفه


وسامحيني بس انا صريحه وابي بصلحتج وعطيني رايج

فمان الله

ازهار مبعثره
07/01/2008, 05:58 PM
اغادير
شفتي هذي والنفسيه اكس سويت كل هذا
وانا داريه انه مستانس وحاس
بس على قولتج صار تكبر
ومسالت ليش هالمره صرت عنيده
صراحه لان ما قد صار بيننا شي يوصل لهالدرجه
يعني صراحه بيني وبينج كان كله شي بسيط وممكن يكون ناتج عن دلع وتغلي فاطخ لاني ادري ان جذيه افضل


وبصراحه اكبر
انا ناويه ارجع المياه الى مجاريها بشكل سريع لعدت اسباب
اولا احبه <<< حبته القراده هههههههههههههه
ثانيا حامل وتعبانه حيل ولا فيني تعب نفسي اكثر
ثالثا ببدأ اجهز لولادتي ومحتاجه يوديني هههههههههههه <<< مصلحه
واهلي بيطلعون بالربيع للبر وودي اطلع معاهم صج انه صعب علي وانا حامل بس والله ودي ارتاح نفسيا اروح اوسع صدري معاهم من رمضان ما شفتهم طبعا لاهم بديره وهم بديره

فبالعربي بطخ بس متى الله وعلم
بس عن قريب
انتظروني
هههههههههههههههههههههههه
صرت مسلسل رمضاني
ههههههههههههههههه <<< شر البلية مايضحك

تصدقون لولا وقفتكم جمبي ما كنت اتوقع اني برد طبيعي واتغشمر واضحك
الله لا يحرمني منكم جميعا

الجوهره 2000
07/01/2008, 09:12 PM
اي كذا الله يكملك ابعقلك هالحين عجبتيني

والله انا يالنسوان عقولنا صغيره صحيح

انسبب بيننا وبين ازواجنا فجوه حنا في غنا عنها

وانجيب لروحنا عوار الراس وحنا عارفين وجازمين انا مردنا بنرضى طال الزمان او قصر

فا لمن نكون مدركين النقطه هذا ليه ماناخذ الموضوع من بدايته ونحل مشاكلنا بود وتفاهم وندحر ابليس ونزيد غمه

لان اكثر ما يعجب ابليس ويزيد جبروته لمن تصير مشكله بين الزوج وزوجته ويبدا يحشر الواحدمنهم على الثاني لحد ماتوصل معهم وتصير الفرقا لاقدر الله


نسأل الله الهدايه لنا و لجميع المسلمين ان شاء الله

ومثل ما قلت لك ياختي والله العظيم الرجال زي ماتعطينه تاخذين منه وجربي وشوفي

ونصيحه لك من قلب يحبك لو صار اي سوء تفاهم اوزعل انتبهي تصير بينك وبين الرجال مشاده

صدي من وجهه وهدي الوضع وخليه لين تهدى اعصابه ويروق تعالى واجلسي جنبه جلسة حوار هادي

واتفاهمي معه بهون ان كان مخطي وضحي له النقاط اللي عندك واذا الخطا منك اعتذري له وبين له وجهة نظرك
مع اعتذارك وبعدها اخذي منّه اللي تبغين

والله ان يعطيك ولا يقولك لا وبصدر رحب

ازهار مبعثره
07/01/2008, 10:12 PM
الجوهره
يعني شقولج
كلمات الشكر ماتكفي والله
تواصلج ومتابعتج يا اختي الغاليه وربي بروحه مكسب






اخر خبر طازه
زوجي رد المغرب فجأه من سفره مع اني كنت متوقعه ماراح يرد الا يوم الجمعه بس اسمعه يقول لامه خلص شغله ورجع عنده شغل اهنيه اهم
طبعا اول ما جاء سلم انا وعمتي قاعدين سلم سلام عام رديت انا وعمتي بعدها صعد يغير
اشوى اني مرتبه الشقه تصدقون العاده اذا كنت واثقه انه ماراح يجي اخذ اجازه يعني تالقين كل مكان فيه شي طايح ههههههههههههه <<< شاطره
بس اليوم سبحان الله الظهر ما نمت وقعدت اسنع غرفتي وانظفها خيره سبحان الله
بعدها نزل وتقهوى معانا وطلع برى البيت
بس الظاهر الظاهر ان الوضع على ما هو عليه ماتغير شي
(( الحجر عمره مايلين ))
اليوم ماني ناويه اسوي او اقول شي بكره ناويه ابدأ الهجوم<<< عاشت عاصفت الصحراء هههههههههه
بس للحين محتاره اي خطه هجوميه بالضبط اختار تكفون الحقوني ضعت بين افكاري وافكاركم
ياربي
الحقوني بافكار سنعه ما ابي ابين له اني ضعفت ورجعت
ابي شي يجي كانه طبيعي

الجوهره 2000
07/01/2008, 10:24 PM
اقول اخت ازهار ماتجين عندي شوي >>>>>> وحده بطيتي كبدها

والله الظاهر موهو الحاله راسه يابس الله جمع وشبه

واقولها لك والا اصرررررررخ ليتني عندك بس

يابنتي طيحي الحطب وخلاص اخلطي العيش مع العيش

وصدقيني اهم لحظه عنده هاللحظه وقت رجعته اذا ماشاف اللهفه عندك

واثبات قدره في قلبك راح يزيد الفراغ اللي بينكم

وانا هنا طالبتك اذا تعزيني صحيح خلاص يكفي تكفين علشان اولدك واللي في بطنك

كسري الحواجز وجهزي الجو واتصلي فيه قولي له افلان الحق علي تكفى وبتشوفينه جايك طاير

وان شاء الله تزيين

وتكفين لاترديني وتكفى ترى تكفى تهز الرجالجيل يابنت الرجاجيل بردي كبدي ياشيخه

قشطة الفريج
07/01/2008, 10:46 PM
حبيبتي والله اني احس اللي في قلبج

سمعي حياااتي

صح انه انتي اللي دايما تراضينه وكان مفروووض ما تعودينه على جذي لازم يكون وسط مرات انتي تراضينه ومرات اهو بس احين انتي حاولي تراضينه وترجعين له بس ما تبينيين انج قاعده تراضينه .. انا اقولج كيف

يعني حاولي انج ترجعين حياتكم عاديه شوي شوي بالتدريييج مو مره وحده بس بدووون ما يحس انج تراضينه وانج تنازلتي رحتي تطلبين رضاه ... ورضى الزوج شئ مهم والوحده لازم تتنازل... بس انتي هالمره حاولي تسوين هذا كله بس بدون لا يحس بتنازلاتج ... لان اصلا اذا اهو زعلان على سالفه المستشفى انا اجوف انه هالسالفه ما يبيلها زعل فانتي ما سويتي شئ غلط عشان تتاسفين ... مثل ما اهو يمر بمواقف يخليه يعصب وانتي تراضينه .. هالمره صار العكس انتي عصبتي ولازم اهو اللي يراضيج .. بس لانه متعود انج انتي اللي تروحين تراضينه فيمكن اهو مشتاق لج فعلا بس ينتظرج تراضينه ... فجوفي حبيبتي

انتي اذا جفتيه راح رقد في حجره ثانيه ... انتظري شويه 5 دقايق او 10 دقاايق .. بس لا تنتظرين واااايد لين ما يرقد وينخمد .... يعني لين بعده اهو منبطح في الفراش ... روحي دقي الباااب واذا ما رد عليييج افتحي الباااااب اذا مو قافله ... وقولي له مو متعوده انام بروحي ومشتاقه حق حظنك الدافي وروووحي جنبه او قووولي له بردااانه دفيني لوول ... وروحي جنبه وقعدي عنده وقولي له ممممم والله بما اني مب متزوجه فللحين ما اعرف شو الحوارات اللي تصييير بس ممم مثلا ساليه تعشيت .... مو ناقصك شئ ونامي معاه بنفس الغرفه و اليوم الثاني ابداي انتي معاه بالكلام اي شئ ... قولي صباح الخير ... ممم شو حاب تتغدى اليوم .... وان شاااء الله حواااار ورى حواااار

وراح تجوفييين اهو اللي راح يجييلج ويقولج صباح الخير ويسولف معاج وكل شئ ... يعني انتي بهاطريقه تكسبين رضاااه بس بدووون ما تحسيسينه انج قاعده تتنازلين وجذي

عاد حبيبتي سامحيييني اذا كلامي ما كان منطقي او شئ بس انا ما عندي خبره بالحياااه الزوجيه

وسامحيني طولت علييييج واااايد ويمكن كلامي ما يفيدج ... معنه اتمنى انه يفيدج
وما رااااح انساااج بالدعااااااااء

وطمنييينا عليييج ... ولا تشيلين هم عشان صحتج ... وان شااااء الله لين اتجيبين البيبي يتغير عليج زوجج للاحسن .... وحاولي تقولين له يا بو فلان شو ناوي تسمي البيبي وجذي


عاد انا بفكر في طرق واساليييب ثانيه تفيدج وتنفعج

واتمنى من اصحااااب لخبره يفيدونج اكثر

ولي عووووده

قشطة الفريج
07/01/2008, 10:59 PM
هييييه تذكرت شئ


اذا جفتيه قاعد يتغير للاحسن لا تفتحين معاه مواضيييع من الماااضي او تقولين له ليش يا بو فلان انت جافيتني او عصبت علي في السالفه الفلانيه وجييه ... عشان ما يتكدر ويرجع مثل ما كان

خلاص مثل ما اهو نسى انتي انسي .. وحتى اذا اهو ما نسى خليج اذكى منه وانسي كل السوالف والمواضيع اللي من الماضي اللي تجرح وكسر الخاطر


اييييه .. جوفي الريايييل عندهم الثوب او الكندوره او الدشداشه الوااان صح ... اذا جفتييه انه في لون من الالوان مثلا البييج جفتيه من زمااان ما لبسه روحي طلعيه واكويه وجهزي له وقولي له يا بو فلان من زمان ما جفتك لابس هاللون ومشتاقه اجوفه عليك ... يعني انتي اكوي وجهزيه وعلقييييه واذا ياه سال قولي له الكلام اللي قلته لج من شوي .... حتى لو اهو على حالته بس سلام وخلاص ما يتكلم و يقول شئ ... وسالج مين مطلع هالكندوره قولي انا وقولي الكلام وبس طلعي من الحجره ... في حال انه عصب بس اسكتي ولا تضايجين عمرج وطلعي ... اذا ما عصب ولبس امدحيييه وبوسيه على خده وقولي يازينك بالهثوووب وجيبي المبخره وبخريييه .... واذا ما لبس .. بس سكتي عنه ولا تقولين له شئ ... اللي في المصران يقطع الحقران


لكن حاولي ما تبدين معاه الكلام عن الزعل وهالسووووالف ... ابدي معااااه باشياااء ثانيه ومع الايااام بينسى الزعل وبينسى السالفه ولا عاد تفتحين له الموضوع وخلاص عيشو حياتكم


الله يسهل لج امووورج جبيبتي

I Love Colors
08/01/2008, 12:59 AM
حبيبتي

طمنينا عنك؟؟؟؟؟

الله يهديه ويحنن قلبه عليكي

موجه الشرق
08/01/2008, 03:16 AM
متابعه بصمت وهدوووووووووووووء
الله يفرج همج وييسر امورج

doooo
08/01/2008, 03:46 AM
اختي أزهار مبعثره هاه طمنينا بصراحة شكل زوجك حاب يتدلع عليك بس صدقيني مو من قلبة بس جاز له الدلع خلية مسيكين من يتغلى علية إذا ماتغلى على زوجتة حبيبتة يااااااااااااااارب أمورك تصير تمات ويجي البيبي الجديد بكل خير بس حاااااااااااااااااااااااا فظي على زوجك وعائلتك الصغيرة مهما كان وبعد انتي اتركي العناد تعرفين الرجاجيل فيهم عزة نفس زايدة ولازم نتنازل حنا شوي

وسام1
08/01/2008, 07:58 AM
اسمعي انا متابعة بهدوء يالشاطرة المفروض من اول ماجاء طلعتي معاة وحضنتية وبينتي لة انك اشتقتي لة حيل وانك ماتقدري تعيشي من دونه
الحين خلية لين يطلع برا وشيلي اغراضة من الغرفه الثانية ووديها غرفة النوم ورتبيها وشيلي فراشة الثاني وخبية وقفلي الغرفةبالمفتاح وخبي المفتاح واذا جاء يبي يدش الغرفة قولي لة ممنوع الدخول اليوم حاجزة لك في غرفة النوم معاك مع الابتسامةطبعا ودخلية الغرفة ولازم تكوني في ابهى حلة ...................................والباقي مايحتاااااااااج
اكيد فهمتي
والله يفرج همك ياااااااااااااااااااااااا ااااااارب

برق ورعد
08/01/2008, 08:03 AM
أزهار
يله خبرينه عن الخطط السنعة
ويا الله نلاقي عندك فكرة تراضينه من غير ما يحس انك تبين تراضينه وانطبقها على النحيس ألي عندي

ازهار مبعثره
08/01/2008, 11:15 AM
كله منكم
انتم اللي قعدتوا تعيدون وتزيدون عليه راضيه راضيه ابدي انتي ابدي انتي وشوفوا وش صار

امس كنت خلاص بروح انام ولا لي نيه اسوي شي بس دشيت الموضوع وشفت البنات خلاص راضيه ومدري شنو
قلت يالله اذا هي فينا فينا ليش التاجيل
ارسلت له
((صار لي اسبوع احلم احلام مفزعه وكلمت شيخ وقالي هذي عين وهي السبب بمشاكلكم الزوجيه اكثروا الاستغفار والصلاة والقراءه يعني لا انا غلطانه ولا انت وكمل عليها نفسيتي خلاص الانسان والانسانه اللي طافوا وكل اللي سووه ننساه
اشتقت لحظنك واشتقت لك لا قلت لي ياحبي لحظنك الدافي اشتقت لك لما تقولي لا جيت عندك ارتحت..لاتتاخر يكفينا تاخير ..الله يكفينا شر انفسنا وشر الناس))
ارسلتها 12 ونص
وطرت تعدلت ورحت استناه بغرفتي
يوم جت الساعه 2 ونص شرف الامير ولا كان شي صار راح سوى فراشه في الغرفه الثانيه ولا اهتم
قلت ما عليه يابنت دامك بديتي كملي واخلصي من الموضوع انتي المستفيده واهم شي راحتج وسلامت ولدج
قمت رحت له الغرفه الثانيه قام يطالع فيني رفعت البطانيه ونشيت معاه ونمت بحضنه وقلت احبك اشتقت لك
وربكم ما تكلم اخذت شوي ساكته وهو ولا حركه حتى عيونه غمضها
قلت له ما ابي شي بس ابيك تقول احبك
وعدتها مرتين ثلاث ما رد
قلت انا تعبانه وهالكلمه تريحني
فجأه صاح ورفع البطانيه وقال قومي خلاص روحي الغرفه الثانيه
قلت ما ابي ابيك قام يصيح اقولج روحي ابرك ما تكلمت وصرت ابكي
قال قومي والا بقوم
قلت اقولك تعبانه ابيك تقول قومي
زاد صياح قومي احسن قومي قومي
قلت بقوم بس قلي وش السبب
تخيلوا قام يلبس ثوبه بيطلع قلت اقولك تعبانه تدري ان اللي ببطني همن بيتعب ويضعف نبضه و
قال (( جعله بالموت ))
قلت الموت لهالدرجه الموت وصرت اعيد الكلمه وهو طالع
وراح وانا انهرت ورديت غرفتي ونمت من كثر ما تعبت
صحيت اليوم توقعت ما القاه لقيته نايم مكانه
شوي صحى ولدي وصحى هو لبس وطلع
حسبي الله ونعم الوكيل
يعني لو انتم مخليني اخليه ينطق اسبوع اسبوعين ان شالله شهر
مو كان احسن
للاسف ما طلع قلبه حجر صيوان طلع اصلا ماله قلب
تو ارسلت له (( جعله الموت .. غالي والطلب رخيص ... ابشر))
ما ادري ليش ارسلت هالمسج ولا وش اقصد فيه ما دريت الا وانا مرسلته

حسبي الله ونعم الوكيل
وش رايكم الحين

منوة_القلب
08/01/2008, 11:49 AM
طيب خلي عمتك تكلمه وتعرف شنو هي أسباب هذا الصد عشان تحطوا النقط على الحروف

غناته
08/01/2008, 11:54 AM
اختي من كلامج عرفت انكم عايشين مع اهله ...طيب هم ملاحظو هل شي مفروض امه او اخته تقول له عيب الي يالس تسويه بحرمتك الله يعينج ويهون عليج قلوبنا معاج فديتج

ازهار مبعثره
08/01/2008, 12:13 PM
ما تتخيلون لو اقولكم يمكن مالاحظوا
مشكلتنا ما طلعت برى شقتنا
يعني لما انزل اخلي كل مشاكلي ونفسيتي بشقتي
وانزل فرش واسولف واذا حده حده اجلس ساكته ويكون مو باين شي
وبالنسبه له هو عادي قلت لكم مو من كثر ما يقعد بالبيت شغله ماخذ كل وقته
واذا جلس طبعه يكون ساكت او يطالع التلفزيون

يمكن يمكن ملاحظه ان فيه شي بس ما اتوقع تدري عن شي او عن حجم المشكله
وانا بعد ما ودي احد يتدخل
اليوم مفروض انا اسوي الغدا وربي ما كان لي نفس اطلع من شقتي
دقيت على عمتي وقلت لها تعبانه ولا اقدر اسوي الغدا قالت ما عليه بس وش فيك لا يكون تعبانه حيل قلت لا بس شوي
يعني ما عندها خبر بشي
ولبست ولدي وريقته وقام يبكي يبي ينزل ودقيت عالخدامه تاخذه

ياربي يصلح الحال
بس خلاص انا نفذ صبري منه ما قصرت فيه

ema_uj
08/01/2008, 01:24 PM
اختي ازهار مبعثره والله العظيم كأنك تتكلمين عن زوجي نفس الانفعالات والتصرفات المبالغه ولاسباب تافهه وكنت كل مره انا اراضيه حتى في شهر العسل . لاكن الي يشفع له اني احبه موت .حتى لما تقولي انك تحرصين انك ما تبيين شي قدام اهله لكن الفرق ان زوجي لما يزعل مني يزعل من الكل ويبن زعله وان دايما اقله مفروض مشاكلنا ما يحس فيها احد لكن لا حياة لمن تنادي .شوفي حبيبتي اسمعي كلامي الرجال زي الاطفال عامليه زي طفلك ولا تعوديه على الهجران لانه بعد كذا رح يستمر الزعل اكثر من شهر اسأليني .شوفي حبيبتي والله حاسه فيك لما تستصعبين كل مره انتي تراضينه لكن خليك انتي الكبيره هذا لو زوجك يستاهل واظنه كذالك لانك ماذميتيه بالعكس احسك تموتين فيه .شوفي باعطيك اهم النقاط للتعامل مع هذا الصنف من الرجال.1_لما تصير المشكله احرصي ما تتصرفين اي تصرف يضايقه علشان هذا الصنف حقود زي زوجي كلمه وحده تجلس تاكل في قلبه ويقول انتي قلتي وانتي سويتي وللاسف ما يشوف اغلاطه 2_اذا خرج وهو زعلان لا تدقين عليه ابدا ولا ترسلين له ابدا حتى تهدون الاثنين ولا حتى اعتذار ولا كلام حب فاهمتيني . 3_بعد ما يرجع لا تكشرين في وجهه ولا تظحكين خلك طبيعيه وكانه ما في شي ادي واجباتك كامله علشان مايمسك عليك زله كلميه عادي وطبعا الكلام لسبب واذا ما رد عليك كرري عليه لانه شكله زي زوجي يحب يتغلى ولكن اكرر عليك اياك تعتذرين لهلانه رح تحلو له كل مره انتي تعتذرين.4_وتحملي سكوته لانه كما يقال السكوت من ذهب احسن من ان يمد ايده عليك صح ولا لاخليهم يسكتون يريحون ولا تحرقين اعصابك. 5_وان شاء الله يرجع الود بينكم والاهم من ذا كله دائما احرصي في اوقات الصفا تذكرينه انك تتعبين مره لما يهجرك وما يراعي مشاعرك وان انتي مليتي من انك دائما السباقه للصلح وانك تتمنين لو يبدأهو بالصلح ليثبت حبه لك وانه بكذا رح يكبر في نظرك وما رح تركبين على راسه زي ما يفكر كثير من الرجال بالعكس. واخيرا اتمنى من الله ان يجمع بينكم دائما وان يجعلكم من السعاء في دنيا الفناء.

برق ورعد
08/01/2008, 01:25 PM
عورتي قلبي
وانا كنت اظن ان زوجي قاسي طلع زوجك (السموحة) اخس
والله انتي ما قصرتي معاه في شيئ وحدة غيرك وأنا منهم ما تسوي ربع إلي سويته
وعلى شنو ما اعتقد المشكلة إلي صارت تستاهل كل ألي يسويه
شوفي مع أني مو الشخص المؤهل ألي يمكن ينصحك لاني مو قادرة أساعد روحي أشلون باساعدج
بس عندي فكرة
دامج تعبانه طلبي من احد ياخذج على الدكتورة وخبريها أنج تعبانه وخليها تنومك في المستشفي كم يوم وشوفيه يسأل عنك أو لا وبعدين تقدرين تحددين شنو اتسوين
والله يعنيك حبيبتي

أريج البنفسج
08/01/2008, 01:59 PM
اقولك حبيبتي ريحي نفسك وقولي حق امه احسها تحبك وتخاف عليك اكثر منه "السموحه"

انتي صبرتي عليه كثييييييييييييير وقولي لها كل شي وخصوصا آخر شي صار واللي قاله


الله يريحك

تحايا القلب
08/01/2008, 02:07 PM
غاليتي : أزهار ,,

قلوبنا ودعانا معك حبيبتي ’’ امس كنت أقرأ موضوعك ومرررررره تأثرت ,,

الله لايحرمك أجر كل ثانيه ودقيقه صعبه مريتي فيها ..

وزي ماقلتي هذي الحياة وشي أهون من شيء ’’

حبوبه أنا عارفه أنك مصدومه ومجروحه من اللي صار .

أحتسبي أجرك عند ربي أوصيك تدعين هذي الدوعوه :

اللهم ياجابر القلوب المنكسره أجبر بخاطري يارب :(

يارب أجبر بخاطري وسخر لي زوجي :(

وأنت شوفي لإيش الشي اللي تبغينه :

تغبين المشكله والجفا يروح .

اوك , أنا رأي من رأي الأخت اللي فوق , أنك تبدين تشلين هذي الحواجز بالتدريج

زي ماقلو الأخوات , يعني مو مره وحد كذا تجين تنامين معه وحضنه ومدري ايه ,

ولا أنك تسمرين بالجفا ,

أحسن شيء بالتدريج حبه حبه ,

أدخلي عليه مره وقولي له تصبح على خير ’

والمره الثانيه جبيله كاس مويه ,

والثاله أجلسي عنده لين ينام وغطيه ,

سلوفي معه بأي شي أفتحي أي موضوع ,

يعني حبه حبه ,

باين من كلامك عن اللي صار أنه يحبك ولارفض وجودك في البدايه لكنك

يوم أصرتي وقلتي ليه قل كمه أحبك

عصب ولاأتحمل ,

ترى صعبه على الرجال يقول هذي الكلمه وقت الزعل ,,

واحسن شيء الوسط ..

يعني لاتصرين لينه مره ولاقاسيه مره ..

آه ياقلبي أنتي وربي حاسه فيك ,,

ومو متأكده إذا كلامي صح لأني بعدي صغيره ,,

لكن وربي متأثره لك ,, :confused:

الله يصلح الحال ,, :)

طمنينا عليك حبيبتي ,, :o

ازهار مبعثره
08/01/2008, 02:11 PM
ema_uj
اختي
انتي الحين تعطيني حلول وافكار للمستقبل
انا ابي الحين اعرف شنو اسوي بعد اللي سواه امس


برق ورعد
انتي عارفه سالفة تنويمي الاولى ما اثرت فيه
واخاف اروح واتنوم وانا صج محتاجه اتنوم ارتاح شوي
بس اخاف يسال عن حالتي يقولون زينه بس يبيلها رعايه
واحنا نومناها على حسب طلبها
ذاك الحين صدق اللي ماراح تترقع

نصيحه من اختج رجعي لزوجك وراضيه ترى الجفاء شين ولا تخلين الشي يكبر


اريج البنفسج
تدرين شنو المصيبه واللي يقهر
اني ادري انه يحبني واكثر مني يمكن
بس مشكلته شخصيته
وانا للحين ما ودي يطلع شي من مشاكلنا
اولا لاني ما احب هالشي ولا عمري فكرت اسويه انا ما قلت لامي واختي عن الموضوع اروح اقول لامه
وثاني شي اعرف طبعه نفسي ما يحب احد يتدخل بتصرفاته وحياته يعني متاكده لو تدخل احد بتكبر السالفه بشكل يروع
زوجي واعرفه


عموما تسلمون لي
عن جد تعبانه
الله يصلح الحال يارب

ازهار مبعثره
08/01/2008, 02:13 PM
تحايا القلب
انا ما جيته فجأه وصرت بحظنه
انا صارلي شهر وانا وياه حالتنا حاله واذا كنتي شفتي الموضوع كامل بتعرفين اني مهدت لهالحركه كثير
ونفس اليوم ارسلت له
وش عاد ورى

حسبي الله ونعم الوكيل

وهج الحب
08/01/2008, 02:37 PM
انا مع مسكته كلامها صحححححح

وهج الحب
08/01/2008, 02:43 PM
صلي وادعي وااااااااااااايد

ام جعفرين
08/01/2008, 02:53 PM
انا ااقو ل الوقت ماكان مناسب لكلمة احبش هي الي فركشت الموضوع يعني انتي كنتي خلاص راح تحبكين الموضوع

بكره بكمل ليش اني بمشي وانشاء الله يصير حل يارب

قشطة الفريج
08/01/2008, 03:12 PM
حبيييييبتي والله انه قلبي معااااااااااج

انا مساااعه قريييت الرد وما قدرت ارد عليييييييج .... طول الوقت فكري معاااج وانا اتغدى افكر فييييج ومن شوي صليييت ودعيييت لج والله يشهد

اختي .... اكثري من الدعاااااء والله ان شااااء الله ايسر اموووورج

صلي قياااام الليييل ترى صلاه قيااااام الليل وااايد زييينه والدعااااء فيه مستجااب

حبوووبه ... اهم شئ صحتج واللي في بطنج ... لو شو ما يصيييير لا تهملين اللي بطنج وحاولي انه ما تصيحين وااايد وتعصبين وااايد عشان البيبي وعشان صحتج

و لا تكثرين من ارسال المسجاااات ... حاولي بدل المسج انتي تقولين له الكلام اللي تبينه وجها لوجه

وحبيتي اذا عصب على اي شئ قلتيه او سويتيييه .... لا تعصبييين وحاولي تكونيييين ريلاكس وهدي شوي عشان صحتج وصحت النونو ... وادعي لزوجج بالهدااااايه دايما ادعي له يمكن الله يهديييه ويرجع مثل قبل واحسن

عزيييزتي ... يوم يطلع زوجج للشغل يعني لين ما يكون موجود في الشقه ... حاولي تقعدين وتقرين على شقتج وعلى نفسج وعلى ولدج وعى كل زاويه في الشقه ... وشغلي سورة البقره .. واستمري على هالشئ وان شااااء الله تهدى الاحواااال.... بس لا تقرين على شقتج في وجود زوجج ... يمكن يقولج ليش تسوين جذي على بالج عين صابتنا او شئ ويمكن تكبر السالفه .. عشان جذي اقولج في غيااابه يكون احسن والله يسهل امووورج


اختي بس حبيت اقولج شئ ... حاولي ما تقولين له انه اللي قاعد يصير لنا يمكن حسد او عين صابتنا لان في واااايد ريايييل ما يحبون هالسوااالف ووايد منهم يعتقدون انه هذا خرافاااات وفي رياييل تصغر الحرمه في عينهم اذا سولفت في هالامووور ..... فانتي لا تفتحين معاه سوالف الحسد بيعتقد انه في حد حاشي راسج بهالموضوع مثلا او شئ شياته


ولا تفتحين الموضوع مع امه ولا خواته ولا اي احد .... لان يمكن في يوم من الاياااام ترجع المياه لمجاريها ان شااااء الله وساعتها تقولين ياريتني ما علمت فلانه بالموضوع او شئ ... فاحسن انج ما تخبرين حد

واذا عن انج تبين تفضفضين .. فنحنا هني خواتج ما نقصر معاج


الله يهون علييييج اختي ويسهل لج امورج وما راح ننساج بالدعاااء
واهتمي في نفسج وصحتج وطمنينا عليييييج

والسموحه طولت علييييج يالغاليه ^^

الجوهره 2000
08/01/2008, 03:33 PM
حبيييييبتي والله انه قلبي معااااااااااج

انا مساااعه قريييت الرد وما قدرت ارد عليييييييج .... طول الوقت فكري معاااج وانا اتغدى افكر فييييج ومن شوي صليييت ودعيييت لج والله يشهد

اختي .... اكثري من الدعاااااء والله ان شااااء الله ايسر اموووورج

صلي قياااام الليييل ترى صلاه قيااااام الليل وااايد زييينه والدعااااء فيه مستجااب

حبوووبه ... اهم شئ صحتج واللي في بطنج ... لو شو ما يصيييير لا تهملين اللي بطنج وحاولي انه ما تصيحين وااايد وتعصبين وااايد عشان البيبي وعشان صحتج

و لا تكثرين من ارسال المسجاااات ... حاولي بدل المسج انتي تقولين له الكلام اللي تبينه وجها لوجه

وحبيتي اذا عصب على اي شئ قلتيه او سويتيييه .... لا تعصبييين وحاولي تكونيييين ريلاكس وهدي شوي عشان صحتج وصحت النونو ... وادعي لزوجج بالهدااااايه دايما ادعي له يمكن الله يهديييه ويرجع مثل قبل واحسن

عزيييزتي ... يوم يطلع زوجج للشغل يعني لين ما يكون موجود في الشقه ... حاولي تقعدين وتقرين على شقتج وعلى نفسج وعلى ولدج وعى كل زاويه في الشقه ... وشغلي سورة البقره .. واستمري على هالشئ وان شااااء الله تهدى الاحواااال.... بس لا تقرين على شقتج في وجود زوجج ... يمكن يقولج ليش تسوين جذي على بالج عين صابتنا او شئ ويمكن تكبر السالفه .. عشان جذي اقولج في غيااابه يكون احسن والله يسهل امووورج


اختي بس حبيت اقولج شئ ... حاولي ما تقولين له انه اللي قاعد يصير لنا يمكن حسد او عين صابتنا لان في واااايد ريايييل ما يحبون هالسوااالف ووايد منهم يعتقدون انه هذا خرافاااات وفي رياييل تصغر الحرمه في عينهم اذا سولفت في هالامووور ..... فانتي لا تفتحين معاه سوالف الحسد بيعتقد انه في حد حاشي راسج بهالموضوع مثلا او شئ شياته


ولا تفتحين الموضوع مع امه ولا خواته ولا اي احد .... لان يمكن في يوم من الاياااام ترجع المياه لمجاريها ان شااااء الله وساعتها تقولين ياريتني ما علمت فلانه بالموضوع او شئ ... فاحسن انج ما تخبرين حد

واذا عن انج تبين تفضفضين .. فنحنا هني خواتج ما نقصر معاج


الله يهون علييييج اختي ويسهل لج امورج وما راح ننساج بالدعاااء
واهتمي في نفسج وصحتج وطمنينا عليييييج

والسموحه طولت علييييج يالغاليه ^^



الله يرحم والديك اختي قشطه كل اللي ودي اقوله كفيتيني اياه

الله يعينك اختي ازهار والحين ماقدامك الا انك ترحمين نفسك وجنينك

من هالمتاعب وقطي كل الهموم ورى ظهرك لان ماحد بيتأثر الا انتو الاثنين

والزمي الاستغفار وانتي قايمه وقاعده لا تغفلين مع تشغيل سورة البقره يوميا لاحظي يوميا لا تغفلين عنها وعسى الله يسهل ماكان كايد ويرد المياه لمجاريها
(( وقل استغفروا ربكم انه كان غفارا يرسل السماء عليكم مدرارا ويرزقكم بأموال وبنين
ويجعل لكم جنات ويجعل لكم انهارا ))
((ومن يتق الله يجعل له مخرجا ويرزقه من حيث لايحتسب ))

وعن قريب نفرح ان شاء الله برجعتكم احسن من قبل بحيل الله وقوته

ازهار مبعثره
08/01/2008, 03:43 PM
ما اقول إلا
الحمد لله على كل حال

وانا سويت اللي عليه وزياده بعد
الحين خلااااااااااااااص
كل شي صار بيده
انا ماقصرت بشي والحمد لله
مهما صار راح اكون مرتاحه لاني من البدايه انا كنت احسن منه

الله يكتب اللي فيه الخير


وانا الحين مداومه على تشغيل سورة البقرة بالبيت
يمكن صج عين
انا لما فكرت بهالسالفه
اكتشفت ان مشاكلنا بدت من اول رمضان وذيك الفتره كان فيه احداث كبيره تصير وكان زوجي فيها وكان كل انظار الناس علينا وعلى منصبنا وعلى مالنا
فيمكن صج عين ماصلت على النبي
احنا من اول حياتنا تصير بيننا مشاكل بس الخفيفه وتصير من وين ووين مو نفس جذيه
لانه صج من ذيك الايام واحنا مايمر اسبوع الا فيه تتش بيننا
لين جت عاد السالفه الكبيره اللي قبل العيد
فانفجرنا احنا الاثنين

يارب تصلح الحال

ازهار مبعثره
08/01/2008, 03:46 PM
قشطه الجوهره
انا مو بس مداومه على تشغيل السوره يوميا
انا اشغلها باليوم اكثر من مره طول الوقت شغاله بالشقه

nahes
08/01/2008, 05:20 PM
والله قلبي معاك وربنا يفرج همك ويسخرلك زوجك ويكفيكم من كل شر لاني مجربه هالشي واحيانا انا وزوجي نقعد 5 و6شهور كل واحد في وادي وبعدين ترجع المويه لمجاريها واحسن من اول بعد بس كثري من الاستغفار والدعاء والله يكون في عون الجميع

ازهار مبعثره
08/01/2008, 06:44 PM
nahes
دعائج يكفيني يالغاليه

6 او 5 شهور اكون مت حرام انا على وجه ولاده
الله لا يطول الشر

بس حلو انك تعرف ان فيه ناس تقعد كل هالوقت ويرجع كل شي طبيعي
الحمد لله يعني انا باول المشوار والدنيا سهالات

الجوهره 2000
08/01/2008, 07:32 PM
اللهم يافارج الهم وزائل الغم

فرج كرب اختنا ازهار ويسرلها امورها وسخر لها قلب ولب فؤاد زوجها

واجعله لايرى غيرها واجعلها في نظره احسن الخلق وحببها اليه

فلا يسمع غير صوتها ولا يهمس الاباسمها وسخرها له واجمع شملهم

على ماتحبه وترضاه واجمع بينهم بخير يارحمن الدنيا ورحيمهما

اللهم ارحم ضعفها وقلة حيلتها لكسب ونيل حب زوجها ورضاه فرضّه عنها

ولين قلبه وسخر جميع جوارحه لها عاجلا غير آجل يارب العالمين

الجوهره 2000
08/01/2008, 07:40 PM
بسم الله الرحمن الرحيم
السلام عليكم ورحمة الله وبركاته

خمس آيات غفل عنها المسلمون في فك الكرب

قال الإمام البصري:
عجباً لمكروب غفل عن خمس آيات من كتاب الله عز وجل وعلم فوائدها. قال تعالى:

• "وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ . الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ . أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ " [البقرة 157:155]

- صلوات: تزكية وثناء ومغفرة منه تعالى -

• " وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ . فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ " [غافر 44]

- نهاية الحوار الرائع بين مؤمن آل فرعون وقومه -

• " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ . فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ " [آل عمران 173]

هذا كان فى غزوة حمراء الأسد بعد غزوة أحد مباشرة


" وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ . فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ " [الأنبياء 88]


• " وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ . فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ " [الأنبياء 83]

ازهار مبعثره
08/01/2008, 07:55 PM
لا إله الا الله
ولا حول ولا قوة الا بالله
الله يكفينا شر انفسنا وشر الناس
ما ضاقت الا اتسعت

الحمد لله على كل حال

بنووتة خياال
08/01/2008, 08:47 PM
آآآآآآآآه ياقلبي
أموت من القهر لا عرفت عن رياييل يحبون زوجاتهم لكن يكابرون ولو كانت هذي شخصيتهم
صج حاسة بغبنة الله يهديه ويرده لج تايب وكاره المكابر

أحسن شي تبعدي عنه يومين ماتشوفينه ليما تهدى السالفة شوي وحبة حبة ترجعين عادي وخليه هو اللي يبدا حتى لا تلاقين منه كلام يحرق الأعصاب
وكلما لقيتي منه اللي يقهرك حاولي تهدين نفسج وتطلعين اللي بخاطرج في أي شي
والتزمي على سورة البقرة وقيام الليل
وعيشي أجواء رومانسية بينك وبين نفسك شعلي شموع واقري كتاب تساعدك على الأسترخاء وخلي همك باللي في بطنك
ومتى ما حب يرجع المياه لمجاريها تكوني انتي مرتاحة ومو محتاجة اللي يريحج ولا محتاجة تتكلمين عن المشكلة وبكذا تكون المشكلة انتهت باذن الله

قلبي معاج حبيبتي

ازهار مبعثره
08/01/2008, 09:45 PM
خلاص
ما ابي
ابي اروح لاهلي
ما عاد اقدر اشوفه حتى

موجه الشرق
08/01/2008, 09:47 PM
الله يساعدج ويفرج همج مادري ليش تعاطفت مع مشكلتج
يمكن لا ن حسيت من اسلوبج انج وايد طيبه
انا نصيحتي لج استفتي قلبك وان افتوكي لان اهل مكه ادرى بشعابها
وانتي اكثر وحده تعرفين زوجك ونفسيته

ازهار مبعثره
08/01/2008, 10:06 PM
ارسلت قبل كم ساعه
قلت له اصعد ابي اتكلم معاك بهدوء
اذا للحين لي عندك مكانه اصعد يكفي اللي صار امس
احنا اعقل واكبر من جذيه
وعمتي بدت تنتبه وكل شوي دلقه تتطمن عليه
ما ابيها تصعد تشوفني وتعرف حالتي لاني ابي كل شي يظل بيننا مثل دايم من تزوجنا))
مارد ولا صعد
ارسلت((لو سمحت بس خمس دقايق من وقتك))
دقيت مارد
بعد نص ساعه صعد عبالي عشاني
قلت ابي اكلمك ما رد قعد يبدل ثوبه ورش عطر يبي يطلع للاستراحه
مع انه هو اصلا مو من كثر مايحب يروح هناك
وقفت بجمبه مسكته وخر ايدي
قلت انت تدري اني اسوي جذيه لاني احبك
ما تكلم
جاء يطلع
قفلت الباب ومسكت المفتاح وقلت انا اهم اقعد بنتكلم
قال ردي المفتاح احسن لك قلت ابشر برده بس لاتفاهمنا جره من يدي وفتح الباب وطلع
ارسلت له
((رح استانس مو انا حيوانه عندك لاتحس ولا تشعربس انت اللي تتاثر من الكلام وتحس..
تذكر اني حاولت وانت حتى ماكلفت نفسك تسمع..
مع انك انت الغلطان بس قلت ماعليه
اذا انا كنت غلطت مره بنظرك فكان لي عذري
لكن انت دايم الغلطان ومع ذلك نتغاضى لاني احبك ليش انت لا
حسبي الله ونعم الوكيل))





حسبي الله ونعم الوكيل
لا تقولون انتي الغلطانه ليش اصلا رديتي وحاولتي معاه هذا زوجي هذا هو حياتي
مو معقوله اقعد على اعصابي ونفسيتي تعبانه جذيه
كنت ابي انهي الموضوع
كنت ابيه يصيح عليه ويطلعني غلطانه كان عندي ابرك من اني اقعد جذيه

ياربي وش سويت انا عشان يصير كل هذا معاي

وسام1
08/01/2008, 10:07 PM
انا مع انك تدخلين عمتك بشكل غير مباشر تشرحين لها الموضوع بكل وضوح وتخلينها تجلس معة وتبين له انها ملاحضة عليكم الزعل وماحد قالها شي وتبين له ان لو اخواتة وقعو في نفس المشكلة مارح يرضى فكيف يرضى في بنت الناس ومن هذا الكلام
والله يفرج همك ويسعدك

غناته
08/01/2008, 10:18 PM
صدقيني اذا تميتي تحاولين تراضينه بيعاند خليه لين يهدي شوي والله انتي الحينه يالسه تنفخين في قربه مقطوعه ولا حياة لمن تنادي خليه كم يوم وان شاء الله خير وقلوبنا معاج

جوااهر
08/01/2008, 10:18 PM
لا حول ولا قوة الا بالله حبيبتي
انا متابعه مو ضوعج من اوله وصج مقهوووره حدي عشانج

ليش يعاملج جي....انتي مااذنبتي في حقه ولا غلطتي عليه
المفروض يراعي مشاعرج شوي اقلا ويرد على مسجاتج


حبيبتي الي سويتيه كله صح من اول المشكله الين الحين

ورايتج بيضه...

مادري شنو اقولج والله ومو عارفه شلون تتصرفين معاه
اخاف اقولج روحي عند اهلج كم يوم عشان يفتقدج ويحس انج زعلتي و يجي يراضيج
بس اخاف يصير العكس يعصب زود وتكبر السالفه...
حاولي تكلمين امه لا تقولين لها الي صار بالتفصيل لا عطيها نبذه انكم متزاعلين وان هالزعل ماثر على نفسيتج وايد وبياثر على الياهل في بطنج...يمكن هي تكلمه وتصلح الحال بينكم


بدعليج حبيبتي ان الله يفرج همج ويهون عليج ويصلح حال زوجج ويهديه لج

ادعي حبيبتي اللهم اهدي لي زوجي وسخره لي ...

ازهار مبعثره
08/01/2008, 10:19 PM
وسام
مايسمع كلام احد
واصلا اذا احد تدخل بموضوع خاص فيه يزيد عند ويكابر انه انا اخبر انتم وش دخلكم حتى لو امه
شلون عاد مشكله خاصه نفس هذي بيني وبينه

nahes
08/01/2008, 10:20 PM
انا برايي انك تقولين له دام اني ماني عارفه اتفاهم معاك خلاص بكلم احد من اهلك يعرف يتفاهم معاك احسن مني وشوفي ردة فعله يمكن يتحرك ويقول شي لشافك معزمه دخلين احد من اهله بينكم وينهي الموضوع

ازهار مبعثره
08/01/2008, 10:27 PM
غناته
خلاص
وهالمره مو مثل المره اللي طافت خلاص ورديت
خلاص خلاص
اذا بجي هو والا ما يشوف شر لو يقعد شهور



جواهر
اصلا حتى لو ابي اروح لاهلي ما اقدر
الا اذا معناته ابي اتطلق لا سمح الله اهلي مو جمب البيت ولا بالديره عشان اروح لهم يومين
انا بديره وهم بديره
للاسف يمكن هذا اللي مخليني من اخذته كل وقتي له يعني لا اروح ولا ارد ولا اشتغل
وانا اللي خربته عليه بتدليعي فوق ما هو طبعه خربان خلقه

وسام1
08/01/2008, 10:28 PM
اللة يفرج همك
رح اتابع معك الى النهاية وعسى ان نسمع اخبار حلوة ولا تياسين من رحمة ربك ومافية حد يفضل على حالة الا الله جل شانة
والله يكون معك

الجوهره 2000
08/01/2008, 10:45 PM
هدي هدي ياوخيتي

والله يعينك على مابلاك بصراحه صحيح قلبه صخر الله يلينه ويصلحه

خليك على وضعك ولا تدخلين احد بينكم وانتظريه لين يجي

واذا جاك ردي السلام واذا ماسلم هم ردي السلام

وقولي له شوف يابن الحلال انا حاولت معك بكل الطرق وانت الا اللي سكرتها

واستنفذت معك كل الحلول وبدون فايده وانتي اللي ركبت راسك وسديت في وجهي كل الخطوط

وحط هذا في اعتبارك

وانا الحين ما بغي منك الا حاجه وحده رجال بتجلس معي نتفاهم هالساعه

والا انا الحين نازله لعمتي وشكيلها همومي معك هي تتصرف

والله يهون ماكان كايد ومن نواكم بسو ربي يرد كيده بنحره ويشغله بنفسه اللهم آمين

الجوهره 2000
08/01/2008, 10:56 PM
الله واكبر نسيت حاجه مهمه راحت عن بالي

اختي سبحان الله صارت لها مشاكل كبيره بين زوجها وعيالها

وكانت كاتبه هالدعاء عندها

وسبحان الله بنفس اليوم اللي صلت وقرت هالدعاء ربي فرجها عليها من اوسع ابوابه

والدعاء هذا تصلين ركعتين تالي الليل وقبل لا تسلمين تطلبين ربك وبخشوع

وتلحين عليه بالدعاء وبعدها تسلمين


وهذا هو
يا ودود يا ودود ،
ياذا العرش المجيد ،
يا مبدئ يا معيد،
يا فعالا لما يريد,
أسألك بنور وجهك الذي ملئ أركان عرشك،
وأسألك بقدرتك التي قدرت بها على جميع خلقك
و أسألك برحمتك التي و سعت كل شيء،
لا إله إلا أنت يا مغيث أغثني ،
ثلاث مرات
وسوفه ينفرج همك بأذن الله تعالى


وفيه موضوع عنه بانزله هالحين في الاسلامي واتبعي طريقته بكل دقه

والله ولي التوفيق

ازهار مبعثره
08/01/2008, 11:00 PM
لا يالجوهره
لا خلاص ما عاد لي معاه كلام
خلاص
ان كان رجال وعاقل مع الناس
فالابدا انه انه يسترجل بمواقفه معاي مو يستخدم رجولته وقوته على حرمته

ازهار مبعثره
08/01/2008, 11:08 PM
الجوهره
الله يجزاج خير
والله لايحرمني منك اخت عزيزه وغاليه لي

جوااهر
08/01/2008, 11:13 PM
حبيبتي هدي اعصابج وريحي بالج انتي حامل مو زين عليج

ان شاء الله يرجع الحين وتكون اعصابه هاديه ويحاول يكلمج ويراضيج


ادعي حبيبتي وصلي وربي يفرج همج الليله

ياااااااااارب ياكريم حنن قلب زوجها عليها الليله


لا تخليها تنام االليله الا وهي مستانسه وقلبها متطمن وزوجها مراضيها

jolya
08/01/2008, 11:14 PM
نصحية من اخت مجربة بس انا مشاكلي مع ام زوجي يعني خليها على الله بالنسبة لموضوعك حولي تلتزمين الصمت مع زوجك وخلية لين يهدئ ولادخلين عمتك ولا اهلك لان الموضوع راح يكبر بس اهم شي لاعاد تتكلمين معاه لانة اكيد زوجك من النوع الي يزعل بسرعة ورضاة يأخذ وقت وربي لا يفرق بينكم اهتمي بصحتك ولدك انا زوجي مثل زوجك اغلب وقتة برة يعني انا احتياط وياكثر مااتمشكلنا واتهوشنا وعرف ان الصمت افضل وسيلة لدرجة انه اخذ اجازة سافر فيها وانا حامل ويوم وحد جلس معنا والباقي كلها طلعات مع اصحابة والله مايعلم بالحال الا الله عشان كذا استغعري واملائي وقت فراغك وكلي ربك يحنن قلبة

المغرمه
08/01/2008, 11:15 PM
اهلين اخت ازهار
انا من المتابعين لموضوعش وصراحه مادري ويش اقولش انتي سويتي اللي عليش وزياده ماقصرتي رايتش بيضه ولو وحده ثانيه في مكانش ماسوت اللي سويتيه انتي بس كله محسوب عند رب العالمين يااختي
المهم الحين خلاص اتركيه يومين لين يهدأ لاتراضيه ولاتترجيه انه يسامحش وخلش طبيعيه في معاملتش معاه لازعلانه ولا راضيه وقومي بجميع واجباته معاش
ومسأله انش تشتكي عند ام زوجش صراحه انا مو مأيده حق هالفكره لانش تقولي انه مايرضى احد يتدخل في مشاكلكم فاذا كلمتي ام زوجش بيزعل وماتدري ويش بيصير بعدين :mad:

واهم شي انتي خلي نفسيتش زينه ومرتاحه لاتعبي حالش وفكري في البيبي اللي في بطنش وفي ولدش اللي عندش وخلي كل اهتمامش فيهم وخلي مسألة زوجش على ربش
وانشاء الله ربش بيفرجها عليكم قريب

ازهار مبعثره
08/01/2008, 11:23 PM
جواهر
ايه هين يرد وهو راضي هو شهر كامل ما غيره خلاه يرضى تبينه يطلع يرد راضي
صج عنج امل


جولي
الله يكون بعونج وعون كل من يعاني من اي مشكله اين كانت


المغرمه
لا اصلا ما فكرت اقول لاهله ولا لاهلي
لاني ادري المساله مهما طالت بتنحل
بس انا كنت ابي اختصر الوقت

بس بالنسبه للنفسيه خليها على الله وربي لولاكم كان الله يكون بالعون

بنووتة خياال
08/01/2008, 11:52 PM
قلبي معاج

سمعي الكلام ريحي نفسك هاليومين وبعدي عن عينه وشوي شوي ردي طبيعية
واذا حسيتي أنه مصر على حاله سأليه ماتبي تشوفني؟ أبعد عنك ليما ترتاح؟ وانشالله يهدى الوضع ويرجع لك مشتاق ونادم

أريج البنفسج
09/01/2008, 12:07 AM
وين يهدا ياناس ياعاااااااااااالم

لو يبهدا كان من أول اسبوع او اسبوعين يعني معقول الحين لكم شهر وتقولون يمكن يهدا وبعدين ايش العذاب هذا أنا كنت مثلك ما كنت اكلم احد عن مشاكلي وصارت نفسيتي زفت وكان مبين علي دايما تعبانه واقول ما فيني شي تعبانه بس أو ما نمت زين أي عذر بس ماحد يدري باللي بيننا

أنا اقول اشتري راحتك وماعليك فيه ما اتوقع بيزعل أكثر من الزعل اللي فيه اقلها يزعل على شي

وإذا على إنك قلتيله اطلع لما كنتم بالمستشفى فهو منه
والين متى بتستحملين واللي عرفته أن اهلك بعيدين عنك وانتي حامل يعني مو ناقصه تعب

انتي ارسلي له قولي له"أنا تعبت معاك وماعاد أقدر استحمل اللي تسويه فيني وإذا مو هامتك ولاولدك هامك أنا هامني وانا اقولك الحين انا ارسلت لك الرساله هذي عشان أنا بقول لأمك كل اللي صار وهي تتصرف معاك دامني موهامتك للدرجه هذي انت تعرف اني بسوي كذا وانا مابي وما احب اسوي كذا لكن ماعاد عندي شي اسويه لك وانت مو معبرني اذا تبيني اسكن واستحملك بعد عطني أمل ارسلي كلمني أنا مابي اضغط عليك بس كفايه اللي صار إذا شايف انه في أمل اننا نرجع كل شي طبيعي قولي لاتعذبني يكفيني اللي فيني"

ادري الرساله طولت بس خذي منها اللي يريحك بس كل هذا لأني مقهووووووووووووره مره عليك
انتي ما تستاهلين هذا الشي وبعد زوجي احيان يسوي فيني كذا يعني حاسه فيك


وكمان قولي "مش نفس الصيغه لأنها قويه شوي حاولي بشكل ثاني"عندك ساعه ترد علي وإلا على وعلى اعدائي مثل مايقولون ولاتجي تلومني بعدين وتقول قلتي لفلانه وعللانه



الله يعينك ويساعدك ويريحك من العذاب والهم هذا اللهم آميييييين

yakoutta
09/01/2008, 12:14 AM
والله اختي كل ما ادخل لموضوعك لا حتى قبل لا ادخل للمنتدى بيكون عندي امل اني الاقي مشكلتك انحلت لدرجة اني صليت استخارة في موضوع يهمني و قلت يارب تكون نتيجت الاستخارة بشرى ان اختي ازهار انحت مشكلتها بس ربك لسا ما اراد ... يمكن لما تعرفي انك سويتي الي عليكي و بديتي بالصلح و كنتي حرمة و مثال للزوجة الصالحة بيريح ضميرك و هدا ان شاء الله بيكون مصدر قوتك عشان تتحملي الظروف الي انتي فيها لانك فعلا ما قصرتي وسويتي كل الي ممكن تسويه عشان ترضي زوجك بس الله يهديه ما ادري كيف قدر يردك بكل هده القسوة و يقولك الكلام الي قالوا بس اكيد انوا من وراء قلبوا و هدي ضيقة و مهما طالت بتعدي و بيعرف غلطوا و يقدرك .. من رايي روحي لبيت اهلك وطبعا هدا بعد ما تستادنيه و يوافق عن طيب خاطر قوليلوا احس اني مضيقة عليك وحاسة اني غريبة ببيتي بتركك تفكر لان هدا الوضع ما يرضي لا الله ولا رسولوا ما اقدر اكون معاك بمكان واحد وانت ما تكلمني ولا معطيني الفرصة اكلمك قوليلوا انوا بيوحشك و بيتك بعد واكيد مارح تلاقي راحتك الا وانتي معاه و هو راض عنك بس كمان قوليلوا انك سويتوا كل الي تقدري عليه و صنتي العشرة وما يهون عليكي زعلوا بس انت احسك مغير علي وكلام من هدا قوليلوا الي تقدري عليه و اتركي لوا كمان رسالة يقراها في غيابك وحطيها بغرفتكم بعد ما تكوني قولتيلوا رد لغرفتك انا الي كنت حرمتك منها بروح عند اهلي و لا تنسي تحددي الفترة الي بتقعديها يعني يومين اسبوع مثل ما تحبي عشان يكون عارف متى بترجعي وما تخرجي لين تكوني رتبتي الشقة و حطيتي فيها من لمساتك و نثرتي عطرك الي بيحبوا وممكن تتركي لوا رسالة في اي مكان ممكن يروحوا يعني بالمطبخ المكان الي بقعد فيه وكدة و طبعا حببتي لا تخبري اهلك ولا اهلوا هدي اكبر غلطة ممكن تسويها لانوا هو بيزيد يزعل و بتكبر السالفة و الدعاء و قراءة القران ما يفارقك و كمان اطلبي من ولدتك تدعي معك بالتوفيق بدون ما تعرف شو الي صاير اشايء مهمة جدا وربي يوفقك يارب .. ويوم تتصالحي مع زوجك بيكون يوم عيد عندنا بالقسم لانوا فعلا كلنا متعاطفين معاكي و لا تنسي ديري بالك على البيبي مين عارف يمكن يكون بيغار منوا لانوا بيزيد ياخد اهتمامك هههههه ليش لا الرجال عقولهم اصغر مما نتصور

بنووتة خياال
09/01/2008, 12:37 AM
قمت رحت له الغرفه الثانيه قام يطالع فيني رفعت البطانيه ونشيت معاه ونمت بحضنه وقلت احبك اشتقت لك
وربكم ما تكلم اخذت شوي ساكته وهو ولا حركه حتى عيونه غمضها
قلت له ما ابي شي بس ابيك تقول احبك
وعدتها مرتين ثلاث ما رد
قلت انا تعبانه وهالكلمه تريحني
فجأه صاح ورفع البطانيه وقال قومي خلاص روحي الغرفه الثانيه
قلت ما ابي ابيك قام يصيح اقولج روحي ابرك ما تكلمت وصرت ابكي
قال قومي والا بقوم
قلت اقولك تعبانه ابيك تقول قومي
زاد صياح قومي احسن قومي قومي
قلت بقوم بس قلي وش السبب
تخيلوا قام يلبس ثوبه بيطلع قلت اقولك تعبانه تدري ان اللي ببطني همن بيتعب ويضعف نبضه و
قال (( جعله بالموت ))
قلت الموت لهالدرجه الموت وصرت اعيد الكلمه وهو طالع
وراح وانا انهرت ورديت غرفتي ونمت من كثر ما تعبت
صحيت اليوم توقعت ما القاه لقيته نايم مكانه
شوي صحى ولدي وصحى هو لبس وطلع


من القهر صرت أقراها وأعيد وازيد لاحظت غلطة أنتي ارتكبتيها
لما نمتي بحضنه وقلتيله أحبك لو اكتفيتي ونمتي يمكن كان ظل هادي ونام وكأن شي لم يكن وشوي شوي يرد اللي بينكم
يعني أول غلط طلبك أنه يقول لك أحبك
ثاني غلط ألحاحك عليه يقولها وهالشي ضايقه أكيد لأنه حاس بحاجة لك وهو موب راضي يعترف حتى بينه وبين نفسه بهالشي
ولما صرتي تبكي كسرتي خاطره :16: والرجال عاشق ومكابر فماتحمل قال ياتقومي يا أقوم لأنه مو متحمل يشوفك بهالمنظر
ولما دعا على ولده كان من برى قلبه
يعني الموضوع مكابر في مكابر

ربي يهديه ولين قلبه

sss_12
09/01/2008, 02:25 AM
الله يختار لكي الخيرة انتي واولادك يارب ةان شاء الله نسمع عنكم اخبار تفرح وطمنيناااااااااا

الجوهره 2000
09/01/2008, 06:46 AM
وينك يا أخت ازهار

شغلتي بالنا عليك طمنينا وش صار معك

rose_rose7788
09/01/2008, 07:31 AM
الله يهدي زوووووووووووووووووجج يا رب ويرد لج في اقرب وقت يا رب



روووووووووووووووووووز

برق ورعد
09/01/2008, 08:21 AM
من القهر صرت أقراها وأعيد وازيد لاحظت غلطة أنتي ارتكبتيها
لما نمتي بحضنه وقلتيله أحبك لو اكتفيتي ونمتي يمكن كان ظل هادي ونام وكأن شي لم يكن وشوي شوي يرد اللي بينكم
يعني أول غلط طلبك أنه يقول لك أحبك
ثاني غلط ألحاحك عليه يقولها وهالشي ضايقه أكيد لأنه حاس بحاجة لك وهو موب راضي يعترف حتى بينه وبين نفسه بهالشي
ولما صرتي تبكي كسرتي خاطره :16: والرجال عاشق ومكابر فماتحمل قال ياتقومي يا أقوم لأنه مو متحمل يشوفك بهالمنظر
ولما دعا على ولده كان من برى قلبه
يعني الموضوع مكابر في مكابر

ربي يهديه ولين قلبه

أنا مع كلام الأخت صفا المحبة الظاهر زوجك مثل زوجي ما يحب الزوجة ألي تلح وايد وما يحب الحنة مثل ما يقول
اعتقد بسك محاولات يائسة في إرضائه لانه باين كل ما حاولتي أكثر زاد اعناد أكثر
خلي الأمر على الله وواصلي على الدعاء والاستغفار مثل ما انصحولك باقي الأخوات
والله يكون في العون

برق ورعد
09/01/2008, 08:45 AM
من القهر صرت أقراها وأعيد وازيد لاحظت غلطة أنتي ارتكبتيها
لما نمتي بحضنه وقلتيله أحبك لو اكتفيتي ونمتي يمكن كان ظل هادي ونام وكأن شي لم يكن وشوي شوي يرد اللي بينكم
يعني أول غلط طلبك أنه يقول لك أحبك
ثاني غلط ألحاحك عليه يقولها وهالشي ضايقه أكيد لأنه حاس بحاجة لك وهو موب راضي يعترف حتى بينه وبين نفسه بهالشي
ولما صرتي تبكي كسرتي خاطره :16: والرجال عاشق ومكابر فماتحمل قال ياتقومي يا أقوم لأنه مو متحمل يشوفك بهالمنظر
ولما دعا على ولده كان من برى قلبه
يعني الموضوع مكابر في مكابر

ربي يهديه ولين قلبه

أنا مع كلام الأخت صفا المحبة الظاهر زوجك مثل زوجي ما يحب الزوجة ألي تلح وايد وما يحب الحنة مثل ما يقول
اعتقد بسك محاولات يائسة في إرضائه لانه باين كل ما حاولتي أكثر زاد اعناد أكثر
خلي الأمر على الله وواصلي على الدعاء والاستغفار مثل ما انصحولك باقي الأخوات
والله يكون في العون

الجوهره 2000
09/01/2008, 09:46 AM
يالله عسى خير

وعسى الامور انحلت وانجلى الهم والكدر بشرينا

اختي ازهار طمنينا وطمني حالك

زوجك تراه باقي عليك ويعزك بس يبي يثبت لك انك كلما طولتي الزعل عليه

بيطول هو في هجرانك وعلشان هالمده الطويله اللي ذبحتيه فيها حب يحسسك بحجك غلطتك

علشان تحرميّين وماعاد تزعلين عليه بالايام الجايه وانا مجربه وماره بنفس هالموقف ويوم واجهته

قال انتي اللي حديتني على كذا علشان تعرفين ان كل يوم يمر بخصام بجازيك بومين بداله جتى تحرمين

ولاتطولين بالزعل ابرك لي وابرك لك

وانتظري والايام بتثبت لك صحة كلامي

وعسى الله يجمع شملك وشمله عاجلا غير آجل يارب العالمين ..

ام جعفرين
09/01/2008, 09:54 AM
وينك ياازهار ردي علينا طمنينا عليش يارب تنحل في القريب العاجل وتفرحين وتفرحينا

الحين هدنة حبيبتي شكلك مثل طبعي ماتبي الامور تاخذ مجاريها تبين انت الي تسيرين الامور والصبر مب من اطباعنا نبي حل سريع وجذري بس انشاء الله هانت يارب اهم شي تخلي نصب عينش انك تحبيه وانك راح تسوي اي شي انك ترضية روحة بيت اهلك الغيها لا تعودين زوجك على غيابك حتى لو ماكان في غرفتك انتي خلاص سويتي الا عليكي وازيد بس راقبي تقدم الاوضاع بصمت يعني الى متى مرده لك اختي لو ويش لاتحاتين بجيش ويذعن اليش بس عطيه فرصة اهو الي يقدم بالخطوة هذية

حبيبة اولادها
09/01/2008, 09:58 AM
ازهار تكفين طمنينا

عن جد مشغول بالنا عليج :(

ورد الخريف
09/01/2008, 10:16 AM
ازهار مبعثرة

قريت موضوعك من البداية وتوقعت راح ينحل كل شي سلمي

واليوم اشوف تصاعد خطير ومو طبيعي في الاوضاع ...

اختي في البداية انتي انسانه وبنت ناس ولش حقوق عند ريلج

انتي سويتي اكثر من اللي عليك

شوفي نصيحتي لج بس حطي بعين الاعتبار هل ريلج راح يتقبلها او لا

لأنه ريلج وانتي ادرى فيه

اولا ..فكرة المسجات الغيهاااااااااااااااا تماما

ثانيا .. الاتصال للضرورة القصوى فقط

ثالثا .. كسري عينه بحسن تبعلك طيعيه لو فكر يطلب شي و خلج على اناقتج

رابعا .. لا تفكرين ولو بذرة انج تدخلين احد بينكم مهما كان

خامسا .. لا تبينين له انج متكدرة باي شكل وخصوصا في وجوده حاولي تضحكين مع اهله

وتحاشيه عل وعسى يحن لضحكتج

سادسا .. اهتمي بصحتج وباليهال اللي ببطنج

سابعا .. اذا صالحج لا ترفضين الصلح

وفي النهاية بدعي لج من كل قلبي

~همس~
09/01/2008, 10:18 AM
الله المستعان!!
والله اني من بديت اقرء القصه وانا مرفوع ضغطي ودمي فاير
شوفي حبيبتي ازهار في مبدئ اللي يبيعك بيعه
وزوجك ماادري كيف طريقة تفكيره؟؟الصراحه مب معقوله زعلان من لاشئ؟؟
وش ذا الزعل والحقد؟؟!!
والله لوكان ايش اللي سويته فيه مايسوي كذاا
يمكن احد لاعب في راسه او احد حشاه ماادري انا اقول يمكن
تصرفاته معك من جد مب طبيعيه
انا ابي اعرف حاجه وحده بس
انتي متاكده انه يحبك ؟؟اسمحيلي هذا مب حب!!
عندك حلين 1\يا امك تحقرينه وتبيعينه وتكملين معاه حياتك بنفس اسلوبه لين يتعدل
او2\تكلمين احد من اهلك من الرجال عشان يعقله ويعرف وش نواياه وعلى ضوئها تصرفي
الوضع اللي انتي فيه ماينسكت عليه ابد
وبعدين فيه نقطه ودي اقولها للبنات مررره رافعه ضغطي
مب كل ما زعل الزوج نروح حنا المساكين ونعتذر ليه؟؟؟ما عندنا كرامه اذا انا غلطانه ارجع المياه لمجاريها من دون اعتذار وهواذا غلطان اسحب عليه اذا اعتذر كان بها واذا لا عادي اعامله بجفئ شوي وخلاص مب اتحايله واطيح نفسي عنده هو راح يكرهني وانا راح اكره نفسي
والله ذا الكلام من خبره
وما يخرب الرجال الا دلعنا الزايد
وعلى فكره الرجال يحبون المره القويه بس ضعيفه في اوقات
الله يكون في عونك اكثري من الاستغفار والصدقه
واسال الله لك الفرج من عنده وان يهدي زوجك
كل يوم عيشيه بيومه
ابدئي كل يوم باحساس جديد بروح جديده بتفاؤل جديد
ولاتنسين ان عندك طفلين هم ابتسامتك الجديده وحياتك الجديده
وملاحظه مهمه جدا
خلاص لاتتحرشين في زوجك
لو لو انا اقول لو تكلم كلميه ببرود وكملي حياتك بهدوء
مب ترجعين ملهوفه عليه لالالا
واتركي عنك الرسايل لو كان شمس كان من امس

nono 2008
09/01/2008, 10:49 AM
صح السانك يالحديديه 0همس0 فيه شى الاخت بسكوتها ومتعلم احد لامها ولا اخوها او اختها يكلمونه ويعطونه العين الحمراء اشوى وذيك الساعه تبين نيته اذا خاف اشوى ودرا ان لها اهل تستند عليهم والله يحسبلها الف احساب ونا اشى هذا امجربته لاننا اذا تمشكلنا وعصب وقام يقط خيط وخيط يقولى علشان امك وبوك مخليك هههههههههههه ونا مقصدى اهلى مخوفينه بالعكس علاقته زينه معهم بس اذا جاء الصحيح وصار شى كلموه وعرفو السالفه كالعادة اطلع انا الغلطانه بس برضو ماخلى شى ابقلبى علشان ميجينى وجع قلب وسكر وضغط

nono 2008
09/01/2008, 11:23 AM
ازهار ردى علينا ليكون تصرفت تصرف ذكى وودها لهلها

ام جعفرين
09/01/2008, 12:04 PM
هلا اخت ازهار هل من مستجدات حبيبتي طمنينا عليش

ام جعفرين
09/01/2008, 12:47 PM
مرحبا ازهار مبعثرة شلونش شلون النفسية انشاء الله احسن

ازهار مبعثره
09/01/2008, 12:48 PM
صفا المحبه
ماعاد فيه يومين ثلاثه عشره
ان شاء الله شهر شهرين انا خلاااااااااااااااااااص
الحين هو متى ما بغى يجي حياه الله
وان قعد على ما هو عليه مايشوف شر


اريج
لاعاد احد يقولي ارسلي وسوي خلااااااااص


yakoutta
الله يجزاج خير
انا ما عاد ابي الا دعائكم
والله لا يحرمني منكم

ام جعفرين
09/01/2008, 12:52 PM
اليوم مافي بوادر حق شي اشغليه بولده اذا جه ترى مصخة عساه بس مب مقصر ويه ولده

ازهار مبعثره
09/01/2008, 12:56 PM
sss_12
تسلمين لي يالغاليه


روز
دعائك يعني لي الكثر ويكفي ان لي خوات مثلك في هالمنتدى



برق ورعد
الله يكتب اللي فيه الخير
ويعيننا على هالازواج


الجوهره
انتي معاي من اول الموضوع وشفتي اني عطيته اكثر من فرصه انه يرد بس عاد
شقول ان شالله ربي يكتب اللي فيه الخير



حبيبة اولادها تسلمين يالغاليه
وربي احرجتوني باهتمامكم


مرايم
اللي قلتيه هو اللي قاعد يصير بالضبط
وتسلمين لي على الاهتمام

ام جعفرين
09/01/2008, 01:07 PM
وربش اخت ازهار خليكي قوية ولا تنهارين احس من اسلوبك انك بديت تضعفي خليكي اقوى من جذي عشان مملكتش يالغالية

ازهار مبعثره
09/01/2008, 01:08 PM
همس
هههههههههههههههههه
على قولتج الله المستعان
هذا وانتي بس تقرئين ارتفع ضغطج
اجل انا وش تتوقعين
وبعدين ايه متاكده انه يحبني حبته القراده ههههههههههههه <<< شر البلية ما يضحك
وترى انا لما اقول المرات اللي طافت اعتذر ما اقصد اني اروح واقول اسفه الا اذا كنت صج غلطانه
بس كنت اهدي الوضع وابدأ ارجع الوضع طبيعي لين يرد كل شي من نفسه
مهما كان انسانه لي كرامه وعندي احسان
واعرف اقدر المواقف



نونو
لا ابشرج ما رحت لاهلي للحين عنده يعني بقعد مثل العود بالبلعوم يا يبلعه يا يقطه هههههههههههههههه
مو دائما تدخل الاهل يكون له اثر ايجابي
زوجي اعرف طبعا ان تدخل احد راح يكبر اللي براسه يصير شي انا اندم عليه
وحده من الخوات قالت وهي صاجه (( اهل مكه ادرى بشعابها)) وانا ادرى بزوجي
وانتي صاجه لازم الواحد يفضفض عشان ما يتعب ويمرض
وانا لله الحمد يمكن كنت اتضايق لما يصير شي بيننا ولا اقدر اقول لاحد
بس ممكن اقولج انها ما عمرها وصلت لهالدرجه
والحمد لله وربي شاهد اني احمد صج
انه لما صا معاي هالمره كنت بينكم
الله لايحرمني منكم


ام جعفرين
تسلمين يالغاليه على السؤال
وابشرج لا مو مقصر مع ولده
بالعكس نفس قبل واكثر يالعب معاه ويضحك ويدلع
الحمد لله

ازهار مبعثره
09/01/2008, 01:09 PM
ام جعفرين
بالعكس
ما ضعفت انا الحين قويه لاني ادري ان الحق معاي ولا قصرت
يعني فيه خير يقولي مقصره بشي
والله يعين ويصلح الحال

الجوهرة
09/01/2008, 01:11 PM
الغاليه كل ماادش المنتدى اشوف موضوعك

الله يهديه ويسخره

عليك بالدعاء وبس

مادام جذي جاسي الله يصلحه ويلين قلبه

خلاص هدي بالك واهتمي بنفسك وجنينك

والله يقومك بالسلامه

واذا تقدرين روحي اولدي عند هلك وقعدي هناك فترة النفاس

تريحين اعصابك هناك واهو الله حسيبه

ام جعفرين
09/01/2008, 01:13 PM
ليش مااادام انه يقعد في البيت خلي الوضع عادي يعني كلميه عادي بدون جفاف مع الاصرار على عدم فتح موضوع الخلاف لانه في المرتين الي طافوا كانت محاولاتش في وضع حل لنقطة الخلاف من جذي حاولي تبتعدين عن هي النقطة انسى ويش الي صار لاني وربك للحين احس الموضوع مايسواى خليه يخليه وراء ظهره ماله داعي كل ذي وعيشوا حياتكم

ازهار مبعثره
09/01/2008, 01:14 PM
ابشركم























شنو تتوقعون
شنو تنطرون اقولكم >>>>> ((جاء راضاني))
بتبطون ما سمعتوها والله عندكم طموح
ههههههههه
بس امس كنت صج تعبانه وشفتوني اقول بروح لاهلي لاني ما ابي اشوفه
يعني كنت ادري اذا راح عن وجهي بهدأ شوي
اليوم الصبح بعد ما قام طلع ورد جمع ملابسه
وطلع للبر
الله يجزاااااااااااااااااااااا ااااااااااااااااه خير
وربي امس قبل ما انام اني ادعي انه يطلع للبر عشان يرتاح واريح
خصوصا اني انا ما اقدر اروح لاهلي
الله يجزاه خير سوى فيني وفي نفسه خير

ام جعفرين
09/01/2008, 01:20 PM
اختي شي مجرب ونفع ويه كذا وحدة خخخخخخخخخ التمثيل

جربي مثلي انه معاش حالة نفسية من الي صار وامشي في البيت بذهول سوي حركة اكشن يعني بيني انك مصدومة من شي لين يجي ويسالش خليك مب طبيعية بالمرة حتى خلي ولدش يسالش شنو فيش ماما سوي فيلم لين يجي هو يسالش واحاولي كم دقيقة بعد مايسالش انك تتجاوبي معاه وقعدي في الارض مثل المرعوبة من شي والله بس بتبدي بالمسرحية هي راح تشوفي نتائج مبهرة عقب وانتي وشطارتك

ام جعفرين
09/01/2008, 01:21 PM
والله ازهار اختي شكلك بتصيدين التمثيلية الي قلت لك عنها لاني بصراحة الحين رجف قلبي يوم قريت الرد

umjana79
09/01/2008, 01:29 PM
خلاص اختي ريحي نفسج الحين وفكري بالبيبي ولاتضغطي على عمرج .... اختي ... وان شاء الله تتنفسين عند اهلج ويمكن بعد الولاده يرجع كل شي كما كان ,,,,, تحملي بروحج وانتي سويتي الي عليج وزياده

تحياتي ام جنى

ازهار مبعثره
09/01/2008, 01:38 PM
نووووووووووور
حرام انتي شايفه ان ما راح يصير شي لين اولد
يعني باقى 3 شهور
لا حول ولا قوة الا بالله
لا ان شاء الله يصير ابكر من جذيه
3 شهور وربي امووووووت قهر
لا ادعي ما يعدي شهر الا كل شي طبيعي




ام جعفرين
اخاف اسوي تمثيليتج
يقول الحرمه انهبلت فوق ماهي معانديه طلعت خبله وما يردني الا بيت اهلي
ههههههههههههههههههههههههه هههههه
لا خليني على عنادي بس صاحيه ابرك
هههههههههه

ام جعفرين
09/01/2008, 01:46 PM
لا والله جربيها انت تعرفين قول الله تعالى( انه كيدهن لعظيم ) والله بالخدع يمشي الريال مااادري ليش

ام جعفرين
09/01/2008, 01:50 PM
لا تخافين ولا شي يوم ثاني اتكوني طبيعية شوي بعد التمثيلية

اسمعي اذا سويتيها وشافك بين بكاء وهستيرايا مب صراخ تعرفين شلون يعنى؟
بين وبين يعني حالة نفسية مؤقتة وطبعا لا تكشفين عن روحش بس يرد سويها هي احسن مناسبة
واذا كلمش اش فيش التفتي اليه قولي شنو ويش لا لا ماادري وسوي روحك تنسي الاشياء قولي من انا ليش يعني كله خربطة في خربطة سوي شي غير طبيعي خليه يلتفت اذا ردت المياه الى مجاريه ونام عندك قول في الليل قولي وانت تسوي روحك نايمة حرام ماسويت شي والله ماسويت شي وصيحي وانتي نايمة حتى لو حاول يقعدش قعدي كانك توك ناشة من النوم يعني ولا كانه شي صاير

عاشقة الكوفي
09/01/2008, 01:52 PM
أزهار مبعثرة

كل إلا أبي أقوله لج بارك الله فيش و الله انج خوش حرمة يابخته فيج و الله

إنسانة و زوجة بكل معنى الكلمة .. و نعم الزوجة والله بس خلج على رايج لا تخبين أحد بالسالفة

لأن من حواراتج معانا حسيت أن زوجش ما يحب أحد يدخل وهالطبع موجود في معظم الرجال





نيصحة أخيرة : لا تسوين أي شي من الحركات و التمثيليات خلال هالفترة ولاشي

واذا تصالحتو وانشااااااااااااااااااااا ااااااااااااااااااااااااا ااء الله يكون قريب بعد ردته من البر

لا تفاتحينه بالموضوع لان اللي اشوفه ان زوجش من النوع الا مايحب النكد و لا يحب ينعاد الماضي

هذا طبع الرجال و انتي ما عليج الا الصبر ...


والله يكون بعونج يا وخيتي .. ماعليج الا بالدعاء

بلا مسجات ... بلا حركات رومانسية .. بلا تمثيليات



والله معاج

ام جعفرين
09/01/2008, 01:52 PM
اخت ازهار بطرش ليش شي على الخاص اقرائيه اوكيه

عاشقة الكوفي
09/01/2008, 01:56 PM
حبيت شي أذكره لش يا اختي أزهار

أن اذا رد اهو وكلمج و لو من طرف خشمه

بشر يخير انه رضا عنج وكلميه عادي و لا كأن شي صاير

لان زوجش من النوع المغروووووووووووووووووووو ووووور الا ماينزل نفسه

و انتي عاد بشطارتج لا تقولين خله يولي خله يراضيني

لاااااااااااااااااا حبيبتي زوجش مو من هالنوع انتي بس قولي انشاء الله يطلب شي

ومباشرة سويه وكأن المياه عاد لمجاريه

وخلي التغلي لوقت ثاني

وتذكري شنو صار لج يوم تغليتي صوب المطعم .. فرصة يتج و روحتيها من بين ايدينج

انشاء الله تييج فرصة ثانيية و قريب يا رب

عاشقة الكوفي
09/01/2008, 02:01 PM
لا تخافين ولا شي يوم ثاني اتكوني طبيعية شوي بعد التمثيلية

اسمعي اذا سويتيها وشافك بين بكاء وهستيرايا مب صراخ تعرفين شلون يعنى؟
بين وبين يعني حالة نفسية مؤقتة وطبعا لا تكشفين عن روحش بس يرد سويها هي احسن مناسبة
واذا كلمش اش فيش التفتي اليه قولي شنو ويش لا لا ماادري وسوي روحك تنسي الاشياء قولي من انا ليش يعني كله خربطة في خربطة سوي شي غير طبيعي خليه يلتفت اذا ردت المياه الى مجاريه ونام عندك قول في الليل قولي وانت تسوي روحك نايمة حرام ماسويت شي والله ماسويت شي وصيحي وانتي نايمة حتى لو حاول يقعدش قعدي كانك توك ناشة من النوم يعني ولا كانه شي صاير

أم جعفرين

هالأفكار حلوة و راح تمشي و تنجح لو كان وضع زوجها مثل الزواج الباقية الا ترضى بسهولة

زوجها معاند و ضارب العناد لفوق راسه عليها بالتزام الهدوء حاليا و خل نفسيته ترتاح اهو بعد شوي

زوج أزهار مثل الياهل ليما تضرب الصيحة براسه و لا يسكت لان خلاص كبرت الصيحة براسه

الحين زوج ازهر بالمثل مثل الياهل زعلان و ضارب الزعل لفوق يبي له هدووووووووووووووء

اتمنى انج ما تزعلين مني و لا من كلامي .. لانه يصب في مصلحة أزهار :o

ام جعفرين
09/01/2008, 02:10 PM
لا والله اختي مب زعل احنا قاعدين نعطي افكار وهي تاخذ منها الي يناسبها

ازهار مبعثره
09/01/2008, 02:34 PM
ام جعفرين
وربي انج رهيبه
بس ما اتوقع اسويها
تدرين ليش
لاني خلااااااااااص وربي الكلمه هذي طالعه من قلبي
مليت من كثر ماسويت
كل اللي ابيه الحين
الهدوووووووووووووووء وانه يطول كم يوم بالبر وما يجي الجمعه كالعاده ابي هدوووووووء
وبعدها ربج يكتب اللي فيه الخير


عاشقة الكافي
وربي كنج شايفته هذا صج طبعه
عموما خل ولد ابوه ياخذ راحته لين يطخ اللي براسه ويجي
وبالنسبه لسالفة خليج طبيعي واذا طلب شي سويه
اصلا انا من اول الزعله حتى قبل ما احاول اخليه يرضى وانا بعز غضبي
كنت ما اقصر معاه
وان شالله ان ارجعت المياه لمجاريها يعرف قيمة اللي سويته
واني احسن منه

rose_rose7788
09/01/2008, 02:44 PM
الله ايسر عليج اختي ازهار ... وبشرينا بكل جديد ... وان شاء الله اييج من البر وهو ناسي كل شي يا رب


رووووووووووووووووووووووز

ام جعفرين
09/01/2008, 02:46 PM
انشاء الله اختي بس انتي شوفي الي طرشته لك ولك الاختيار حبيبتي والله يكملش بعقلش ولو اني اعتقد انه هالسالفة تطير العقول خخخخخخخخخخ والله هالرجال مشيبين روسنا من يصدق انا للحين في العشرين الي قدنا ماتزوجوا وحنا شيبنا من الهم والزعل والنكد

ازهار مبعثره
09/01/2008, 03:52 PM
ام جعفرين
بخش هالخطه لوقت لاحق
بس الحين no way
تعبت ابي ارتاح ابي فترة نقاهه والله لولا اهلي بعيد كان قلت له بروح لهم
بس يالله يكفيني ان شاء الله هاليومين اللي طلع فيها للبر


والله لا يحرمني منج ولا من خططج

أريج البنفسج
09/01/2008, 05:30 PM
تدرين اختي

انا صار لي مع زوجي نفس الحركه هذي وتقريبا
اذكر الزعل كان انو طريقة كلامي مافيها احترام وانا والله بس هو سألني سؤال حسيت ماله داعي وجاوبت وليتني ما جاووبت وصارت مشكله واحنا بالسياره بعد ورحت لأهلي يقول تتكلمين معاي باحترام وإلا مابيك

المهم بعدها صار إذا زعل وسوا زي كذا ولا اعبره ولايهمني بعد اقول دلع واعنده سالفه
عادي ما افكر فيه والسالفه هذي بعد 3سنوات من زواجي

واتوقع انك وصلتي للمرحله هذي خلاص بعد اللي صار واللي سويته ما اتوقع عندك شي بعد اللي سويته لك الله مع ان زوجي احبه موووووووووووووت وتزوجته وانا صغيره ماعرفت بالدنيا غيره ه حياتي ودنياي وكل شي حلو بحياتي
لكن كل شي له حد وانا صرت ما استحمل دلعه الزايد حتى اهله يعرفونه كذا وهو يحبني وانا متأكده من هالشي
بس إذا سوا لي كذا اقول دلع يبي يزعل وبس


الله معاك

ازهار مبعثره
09/01/2008, 06:25 PM
اريج
احنا اصلا ما خرب رياجيلنا الا هالدلع
صراحه انا زوجي مدلع من امه وابوه حتى قبل ما اجي انا وزيده دلع
انا مثلج بس صراحه تزوجت بعد الجامعه يعني كبيره بما فيه الكفايه
بس على قولتج

ماعرفت بالدنيا غيره ه حياتي ودنياي وكل شي حلو بحياتي
وازيدج من الشعر بيت كنت احبه قبل اخذه من كنت صغيره وهو يحبني نفس الشي بس سمعتي عن الحب العذري هذا احنا
لا كان يدري عني ولا انا ادري عنه
لين ربي كتب وتزوجنا واعترفنا بحبنا <<< اخس ياروميو وجولييت
بنقلب قصتنا فلم عربي
هههههههههههههههه

اقوووووووووووول
الله يصلحهم ويسخرهم لنا
ويلين روسهم اليابسه ويعرفون يدلعوننا مثل ما اندلعهم

الجوهره 2000
10/01/2008, 12:18 AM
http://www.3roos.com/forums/t301735.html


هذا رابط لدعاء المظطر يااختي ازهار ادخلي عليه وطبقيه الليله

والقابله ان شاء الله فالثلث الاخير من الليل وربي يزيح همك ويفرج لك

ولاتنسين اضافه للدعاء الاستغفار والصدقه لاوصيك ...

ازهار مبعثره
10/01/2008, 12:36 AM
الجوهره
الله يجزاج خير وربي ما قصرتي

little girl77
10/01/2008, 01:15 AM
اختي الغاليه ترا والله تقدرين تغيرين تعامل ريلج معاج

السر في انج تفهمين الرجل كيف يفكر
ترا الرياييل ما يفكرون مثلنا و تفسيرهم للكلام غير عن تفسير النساء له


و انا لاحظت عليج بعض الاشياء اللي غلطتي فيها معاه

النصيحه اللي بقدمها لج: لا تلومينه ابدا
لانه هذا بداية النكد و مافي حد فالدنيا يحب النكد

تلومينه ليش ما يطرش مسجات

انتي تقولين هو رجل اعمال .. و الريال لما يكون في الشغل ما يفكر غير فالشغل
يفكر في شي واحد بس

اما المرأه فتقدر تفكر بعيالها ووظيفتها و زوجها و صديقاتها و اهلها كله بنفس الوقت


هني لا تقطعين عنه المسجات ..
ارسليله مسجات ما تنتظرين منها جواب
تفديه قولي فديت المشغول .. اسفه عالازعاج بس حبيت اقلوك ولهت عليك و ما قدرت اخلي هالكلمه في خاطري
او مثلا بدل ولهت عليك قولي احبك قولي اي مشاعر ايجابيه تحسينها تجاهه ولا تذكرين اي شي سلبي سواه
و ترا مو بس الرياييل يعصبون لما تلومينهم على شي سلبي سواه .. لا لا كل الناس يتنرفزون
ويحسون بسوء تجاه الشيخص اللي لامهم

و تقدرين تقوليله كلمه حلوه مثل حياتي او حبي .. و بعدها سالفه صغيره صارتلج و تعتقدين انها بتعيبه

طرشيله ادعيه يوم الجمعه مثلا ترا و الله يستانس
حتى لو ما قالج انه فرح


وثانيا قلتي انه ما يتكلم فالبيت ..

و اعتقد الكل يعرف انه عدد الكلمات اللي يقولها الرجل في اليوم اقل بكثير من عدد الكلمات
اللي تقولها المرأه فاليوم

واللي يصير انه يتكلم في الشغل و يتكلم مع ربعه بسوالف اللي الشباب يحبونها
و ايي البيت يكون كلامه مخلص

ولكن يمكن الزايد مع زوجج انه بطبعه كتوم
و الناس اجناس

و ذكرتيني في طريقه قريتها مره في منتدى عن سكوت الزوج
وحده كانت تقول حق ريلها (( حتى صمتك حلو )) و الله انا جربتها و كل ما يسكت اقوله حتى صمتك حلو كأنها طالعه من قلبي
وتلقينه كان سرحان و يبتسم .. بس ما اضمن ردة فعل ريلج تكون نفس الشي

وياحبيبتي الريال ياي من الدوام تعبان يدور مكان ينسى فيه تعبه .. لما ايي البيت لازم تستقبلينه بحفاوه و تنسينه ارهاقه
او تخلين ولدج الصغير يستقبله وانتي تشوفينهم و تضحكين من بعيد


لا تخلين فكرة انه مقصر معاج تسيطر على تفكيرج
والله انا جربتها يتني فتره كله احس انه مقصر معاي
لكني بعدين صرت افهمه و اتفهم ليش يسوي جيه
وعاهدت نفسي اني لو احبه ماراح اضايقه و اللي يحب يضحي
وصرت ما اهتم لو ضايقني بشي بسيط لأني مستحيل اني ما راح اضايقه في يوم
و مع الوقت عرفت انه سعادتي لما انا اسعده

وهاذي الفكره اللي اتمنى منج تحطيها في بالج
ولا تخلين الشيطان يفرق بينكم لانه هذا هدفه .. ربج رحيم و ريلج مبين عليه طيب
بس مثل ما قلت لج الناس اجناس

دوري الطيب في داخله .. و اجتنبي السيء
وأجرج عند الله عظيم
لانه اللي يصبر على اطباع الناس ويسايرهم مأجور .. لانه بعض الاطباع تكون خلقة
واصحابها مب في ايدهم تغييرها


و هني انا بعاتبج عتاب اخير
بس اتمنى تعتبرينه عتاب محب من اخت لأخت

خلج دايما إيجابيه معاه .. و ابتعدي عن النكد
لا تعصبين منه اذا ما قام من النوم .. اغلب الرياييل نومهم ثجيل
ولا تقوليله ماراح اسويلك الشي الفلاني لانه اكيد راح يعصب

يعني اسلوبج في حل المشكلات .. يصنع مشكلات جديده

اعتمدي الرفق في كل حديث و تعامل معالانه الرسول عليه الصلاة و السلام نصحنا فيه

و ترا الدعاء ماشي غنا عنه
بس لا تنسين انه الله لا يغير ما بقوم حتى يغيرو ما بأنفسهم
ثقفي نفسج اكثر في طرق كسب الزوج و تجنب المشكلات و الغضب
والمواضيع في المنتديات لا تعد ولا تحصى و انا شخصيا استفدت و طبقت الكثير

و اكرر ابتعدي عن السلبيه و النكد و كوني إيجابيه


تنجرح رجولته بهالطريقه .. حسي في كبرياءه و حسسيه برجولته
امدحيه على ذكاءه و الاشيا اللي سواها

و هني استخدمي مكر الحريم .. اذا بتمدحينه امدحيه جدام امه لما ما يكون يالس معاكم
لكن يقدر يسمعكم .. و لما يسويلج شي يفرحج ابتسمي ابتسامه خفيفه جدامه
و بعدين روحي الغرفه مثلا و الباب مفتوح و شققي الحلج وطلعي ابتسامتك اللي تبين انج تحبييييييييينه و مستانسه على اللي سواه علشان لو مر يشوفج
بس وسوي نفسج مستحيه اذا شافج

والله راح يستانس
انا اثق فيج و متأكده انج تقدرين تطيرين عقله

و الله الكلام اللي عندي وايد لو بتكلم من اليوم لين باجي ما بخلص :D


وفدييييييييييتج عاد سامحيني طولت عليج .. بس ماقدرت امر بدون لا اعطيج من خبرتي

و عليج بالمنتديات :wink: لا تقصرين في المواضيع


الله يوفقج و يسعدج دنيا و آخره يا رب و يتفرحين بعيالج و يفرحونج لما يكبرون

أغـــااااديــــر
10/01/2008, 01:28 AM
الله يوفقج يا اختي أزهار واحنا ويااااج ياقلبي

محد كاسر اظهورنا غير الحب

ماعرفنا بزمان طيب

اضحكي ولايهمج شي

nono 2008
10/01/2008, 10:54 AM
ا
لسلام عليكم


انا اليوم بضحكم على بس اقول اول شى ان زوجك ميجى من البر الى الي براسه طيح بقولكم انا ايش اسوى مع ابو الشباب اذا تزعلنا زعله محترمه وفيها اكشن ومضربات بس مقصدى الى بقوله ان الاخت ازهار تطبقه لان زوجها شوى صعب مو مثل الى عندنا يزهقون من الزعل وحنون للمرة علشان مصلحهم
الخاصه ههههههههههههههههه انا مثل ازهار مصبر على زعله لو يوم ولاطفال بعد يحسون اذا كانت بين امهم وبوهم
مشكله المهم الزبده اذا حسيت الزعله بطول وهو اصلن معمرة رضني علطول انا الى ارضيه بس مابى ارضيه مسويه ثقيله ايش اسوى
البس نقابى وتنقب عنه وكل مدخل شفنى متنقبه وخذلى يومين حسيت الرجال يفتر بالبيت ولا يطلع يقول بخاطرة من صجها هذى تتغطاء عنى ميمر يومين الى يجى ويضحك على ويرفع النقاب او البرقع وبعدين يحاول يقير الجو ويلطفه وتاتى دموع التماسيح اها اها اها وسورى على الاطاله بس حنا نحب البربرة كثير

ازهار مبعثره
10/01/2008, 11:10 AM
نونو
خطييييييييييييييييييييييي ييييييييييييييييييييره
بس انا اتوقع لو يجي يشوفني لابسه نقابي عباله اقوله بروح لاهلي عاد تقوم القيامه قبل اشرح له
ههههههههههههههههههههههههه ههههههه



أغادير
الله يسلمج يالغاليه
وربي ما ارجعت لي الضحكه وارتحت نفسيا الا بعد ماصرت وسطكم وقعد اتكلم معاكم
الله لا يحرمني منكم يارب

ازهار مبعثره
10/01/2008, 11:18 AM
little girl77
اولا وقبل كل شي شكرج من كل قلبي
واهنيج على مناقشتج الراقيه
وبعدين والله اني مو من طبعي الومه على شي يعني اذا قلت شي يكون من سنه وسنه
وبالنسبه للمسجات انا من اول سنه عرفت طبعه وصرت ارسل له اي شي يجيني
وانا ادري انه ما راح يرد بس من نفسي يعني
وحتى الاتصال ما اتصل عليه كثير لما يطلع اقول لانك مشغول وعنده رياجيل يعني ما مو فاضي
يعني انا دايم مراعيته
وقلت قبل هالمره يمكن هذا اللي خلاه هالمره ينهبل وينصدم من موقفي لانه اول مره يشوف مني هالمعامله فحزة بخاطره


عموما تسلمين مره ثانيه وثالثه
والله لايحرمني من ارائج ونصايحج
اخت وغاليه

صاكين
10/01/2008, 11:47 AM
السلام عليكم
مسامحة يا أخت أزهار قصتج مع زوجك كثير شدتني بس الحل إلى موقف زوجك أنا في نظري ان انتي تستخدمي معاه كيد النساء وهو علشان اتشدي انتباه تعملي حالك مريضة مثلا أو نفسيتك تعبانة من الي يحصل وأنك ماتركزي على الأشياء ولكن في نفس الوقت اتشدي انتباه بشي أخر انت تكونين دائماً لابسة ملابس جميلة مغرية مع وضع أجمل العطور والمكياج هذا الشيء بلين قلبة شوي شوي حتى لو كانت النتيجة غير ملحوظة من قبل زوجك بس في داخلة سوت اثر كبير ويوم بعد يوم بتشوفين النتيجة انا عارفة الكلام اللي اقولة ممكن تكونين سمعتيه من قبل بس هاي الكلام ينفع ويه كل الرجاجيل وادري ان انتي بتقولي ان هذا بخسر فية كرامتي بس اذا كنت زوجة عاقلة بتعرفين وين نقاط ظعف زوجك وبتعملين المستحيل علشان تكسبيه وترجع حياتك طبيعية وأكثر من قبل والله يوفقش

ازهار مبعثره
10/01/2008, 12:08 PM
صاكين
تسلمين لي يالغاليه
الله يكتب اللي فيه الخير
بس مثل ما قلت انا الحين ماخذه فترة نقاهه
هو طلع للبر
وانا ما ابي افكر باي شي صج اليومين اللي طافت كانت اصعب يومين طول هالشهر وزود
اشكرلج اهتمامج عزيزه وغاليه