المساعد الشخصي الرقمي

مشاهدة النسخة كاملة : انا خلاص تعبت ماني قادره اتحملهم!!



احبه بس
21/12/2007, 12:53 AM
السلام عليكم والرحمة

بنت خاالتي تقول لكم مشكلتها::


مشكلتي مع امي احسها ما تحني تحب اختي اكثر اي شي تطلبة تعطيها على طول مدلعتنها زيادة عن اللزووم

وانا كله تنازعني بدون سبب واختي الصغيرة تسبني بالفاظ بذيئة ويوم انازعها تشتكي علي عند امي وامي تنازعني عاادي عندها تقول هالكلام والله كلام ما ينقال:schmoll:


انا بموووت من القهررر :tears:


احس عمري وحييدة ومالي حد


خوااتي سااعدووني ولا طنشووني

انا محتاجتنكم

I Love Colors
21/12/2007, 12:58 AM
السلام عليكم

اختي قديش عمرك؟

ما اعطيتي تفاصيل كفايه

بس برايي انه ما في ام ما بتحب بنتها

احبه بس
21/12/2007, 01:02 AM
عمري 20 سنة

I Love Colors
21/12/2007, 01:05 AM
حاولتي تعرفي شو الاسباب؟؟؟

الي حواليكي حاسين انها ما بتحبك ولا بس انت حاسه هيك؟

احبه بس
21/12/2007, 01:50 AM
ياختي خالااتي كلهم كلمووها قالوا لها اعدلي بين بناتج وطلبت منهم ما يتدخلوون

خالتي حااسة فيه وحتى عمااتي وابووي

ابووي يقولي تحملي هاي امج



انا تعبااانة حييل :tears: حتى بالعيد تعق علي نغزات


بغيتها تحسسني بحنانها

روبا
21/12/2007, 04:43 AM
يا حبيبتي ما في ام ما تحب عيالها ...لكن طريقة التعبير تختلف من ام و أم ... اغلب الامهات لمن يغلط الصغير ما يعاقبونه من باب انه صغير و ما يفهم بعكس الكبير يفهم الصح من الغلط ... اسلوب امك اكييد غلط بس هذا ما يعني انها ما تحبك

تـــرانيم
21/12/2007, 05:02 AM
اجلسي مع امك وصارحيها بمشاعرك

علشان تعرفين الموضوع منها

والله يخليها لك ان شاء الله ويوفقك

الجوهرة
21/12/2007, 05:10 AM
حبيبتي ساعات الامهات ماينتبهون لها الشئ

كلميها بهدوء وقولي لها يمه أنا أحبك واحب ابوي وأتمنى اني اشوف محبتك لي وانتِ أهم شخص في حياتي

والله يخليها لكم

مافي حزن قد فرقى الأم

مادام انها حيه الله يخليها لكم تحمليها وحبي ريولها الجنة تحتها فديتك

والله يهديك

ريماني86
21/12/2007, 05:39 AM
حياتي لاتضايقين نفسج

صدقيني انا كنت نفسج وساعات كنت اكره نفسي حتى جدتي كانت ترحم حالي وانا ساعات اعصب وساعات اسكت

بس زوجة خالي قالت لي اذا شفتيها معصبه اهدي لاتقولين شي وحاولي تسولفين معاها وشوفي شنو تحب وشنو تكره وتعاملي معاها جذي

مثلا اذا طلعتي اشتري لها هديه بسيطه وقولي لها هالعطر والا هالقطعه دخلت في خاطري وتخليتها عليج
واذا انتي شريتي شي على طول قولي لها يمه شرايج في هالبدله حلوه علي

حاولي تفتحين معاها مواضيع،،لاتقولين ماراح يتغير شي بالعكس والله انا جربت هالشي والحمدلله الحين امشيه مع امي

اعطيج طريقه حلوه واااايد،،اذا امج تحب الطبخ وجذي خليها جنبج ودخلي قسم الطبخ وقولي لها يمه شرايج نجرب هالطبخه واذا كان في صور بيعجبها الموضوع وبتستانس<< مجربه هالطريقه ^_^

حاولي ماتتضايقين ولاتعتبرين الموضوع شخصي،،واختج الصغيره بعد حاولي تكسبينها خصوصا اذا كانت توها وفي بداية مراهقه بالعكس بتحسين براحه،،اخذيها معاج يوم تطلعين واشتري لها حلويات وجذي وهي يوم ترجع بتستانس وبتقول حق امج

انا ماعندي خوات يعني وحيدة امي،،بس عيال خالاتي الصغار دايما اطلعهم معاي ويستانسون علي ودايما يرقدون عندي،،حاولي تتعاملين مع اختج على انها كبيره وتسولفين معاها بس تدلعينها على انها صغيره اتمنى فهمتي قصدي

واذا احتجتي اي شي طرشي لي رساله وماراح اقصر معاج انشالله ^_^

ادعي لي ربي ييسر اموري ويحقق الي فبالي قريب

nelufar
21/12/2007, 03:18 PM
لا شيء يجدي مفعولا مثل القسوة أولا قاطعي أختك لا تكلميها لا زين ولا شين هذا ما يسميه السياسيين اللاحرب واللاسلم و لتغير أمك أسلوبها عاميلها بقسوة أيضا ولكن باحترام حاولي الإبتعاد عنها لاتأكلي على طاولة واحدة معها أو مع أختك فإذا كانت فعلا أمك تحبك بما يكفي سوف تتضايق من جفاءك لها وتحاول ان تصلح ما أفسدته وسيعود الود لسابق عهده بينكما أما حكاية الطبخ والهدية وكل تلك الأمور التي تتحدث الأخت ريماني فأراها تملقا لن تجني منه نفعا مع احترامي لوجهة نظرها فهذا يشبه أن تعتذر ممن ضربك وفي هذه الحالة سيحتقرك مرتين مرة لضعفك ومرة لنفاقك فما سمعنا من قبل أن المجروح يعتذر من الجارح وأيضا لا أستبعد أن تكوني مخظئة في بعض الجوانب فحتى الطيبة الزائدة تكون أحيانا عيبا وربما كانت أختك الصغرى ذات شخصية قوية وأنت ذات شخصية ضعيفة ولهذا تحاول دائما استفزازك لهذا أقترح أن تغيري أسلوبك فاجئيهن جميعا أنك أيضا قوية ومختلفة عما يظنون ويقال الحياة مسرح كبير.

احبه بس
21/12/2007, 06:18 PM
انا بحاول اسوي اللي تقولونه

بس اليوم ابتسمت لها قامت صفعتني وعقتني ع الارض


ها يزاية؟؟

بسمـة أمـل
21/12/2007, 06:26 PM
أختي الغاليه أتمنى من الله أن يحل مشكلتك

و أن يلين قلب أمك أكثر

و بادري أنت بالتقرب إليها بالهدايه و الكلام الطيب و لا تعصيها في أمر

الله يوفقك أختي


:flower:

ريماني86
21/12/2007, 09:16 PM
لا شيء يجدي مفعولا مثل القسوة أولا قاطعي أختك لا تكلميها لا زين ولا شين هذا ما يسميه السياسيين اللاحرب واللاسلم و لتغير أمك أسلوبها عاميلها بقسوة أيضا ولكن باحترام حاولي الإبتعاد عنها لاتأكلي على طاولة واحدة معها أو مع أختك فإذا كانت فعلا أمك تحبك بما يكفي سوف تتضايق من جفاءك لها وتحاول ان تصلح ما أفسدته وسيعود الود لسابق عهده بينكما أما حكاية الطبخ والهدية وكل تلك الأمور التي تتحدث الأخت ريماني فأراها تملقا لن تجني منه نفعا مع احترامي لوجهة نظرها فهذا يشبه أن تعتذر ممن ضربك وفي هذه الحالة سيحتقرك مرتين مرة لضعفك ومرة لنفاقك فما سمعنا من قبل أن المجروح يعتذر من الجارح وأيضا لا أستبعد أن تكوني مخظئة في بعض الجوانب فحتى الطيبة الزائدة تكون أحيانا عيبا وربما كانت أختك الصغرى ذات شخصية قوية وأنت ذات شخصية ضعيفة ولهذا تحاول دائما استفزازك لهذا أقترح أن تغيري أسلوبك فاجئيهن جميعا أنك أيضا قوية ومختلفة عما يظنون ويقال الحياة مسرح كبير.

هلا الغاليه

طريقتج حلوه بس انا اتكلم عن تجربه شخصيه

صدقيني سويت الي قلتي عنه وبعد طلعت انا الغلطانه،،امي عصبت وراحت اشتكت عن خالاتي ويدتي مع انهم كانو واقفين معاي بس يوم قالت لهم،،كلهم قالو لي هذي امج ومايصير تزعلين عليها وتجفينها عشان جذي عطيتها الطريقه الثانيه

حبوبه هذي مش تملق لان هي امها والرسول الكريم وصانا عليها مهما صار وبالعكس الطريقه الي قلت لها انشالله راح تنفع وتخلي امها تلين،،والواحد لازم يحاول اكثر من مره عشان يحصد

ريماني86
21/12/2007, 09:18 PM
انا بحاول اسوي اللي تقولونه

بس اليوم ابتسمت لها قامت صفعتني وعقتني ع الارض


ها يزاية؟؟

حياتي اختج كم عمرها؟؟

ليش ماتقعدين معاها وتقولين لها انا احبج واحنا خوات ليش مانكون مع بعض ونسوي اشيا حلوه مع بعض,,والا ابتدي معاها على اساس قصه قولي لها وحده من ربعي سوت جذي مع اختها شرايج احنا نجرب بعد؟ حاولي معاها مره ومرتين وراح تستجيب لج لاتياسين ^_^

وبشرينا شو يصير معاج

halakhaled
21/12/2007, 10:17 PM
جبيبتى حاولى تكلمى مع امك وتقوليلها ما فى قلبك

yasimine_2007
21/12/2007, 10:31 PM
الله يحنن قلب امك عليك ويهدي اختك للطريق الصواب يا رب تكون نصائح الاخوات مفيدة لتحسين علاقتك مع والدتك واختك. فعلا يا اختي انا حاسة بيك ما في شي بالدنيا يبغض قلوب الاخوة بين بعض في البيت اشد من التفرقة والتمييز بينهم واعطاء الحب والعطف لواحد دون الاخر هذا اصعب واحقر شي يعملو ه الوالدين في ابنائهم حاسين انو المسالة مافيها شي لكن الابناء يحسو بهذا الفرق فيؤدي هذا الى الظغينة وكره بعضهم البعض
لكن لولا ان الله وصانا بالوالدين وقال لنا اطيعوهم ولا تعصوهم كان ممكن يكون تصرف تاني معاهم
اختي انصحك بالصبر وربي يفرج عنك عن قريب بحول الله يمكن تتزوجي وتتحسن علاقة امك بك وكذلك اختك
الله يكتب لك السعادة بالدنيا والاخرة ويحقق كل ما تتمنيه يا رب

احلام فتاه
21/12/2007, 10:45 PM
يا حبيبتي ما في ام ما تحب عيالها ...لكن طريقة التعبير تختلف من ام و أم ... اغلب الامهات لمن يغلط الصغير ما يعاقبونه من باب انه صغير ولا يفهم انا مثلك بس عادي ماازعل اغلب الامهات كذا لازم الصغير او الولد يتدلل اكثر عادي

*عيون الريم*
22/12/2007, 01:41 AM
السلام عليكم
اول شي انا الصراحه عندي مثل المشكله بس الفرق انه اختي اكبر مني وامي مدلعتها وتفرق بيني وبينها وانا مفوضه امري لله والله كريم وانا ابغي الحل والله وبوضح اني صارحت امي وامي زعلت مني وقالت لا تقولين اني افرق انتون عندي واحد وكلام من هالقبيل
شكرا

الجوكره
22/12/2007, 04:37 PM
حبيبتي مافي ام ما تحب اولادها بس تختلف حسب طريقتهم وتصرفاتهم وانتي بعد يمكن حساسة شويه عشان هذا كل الوقت تسوي مقارنات بينك وبين اخواتك وعشان هذا الشي ما يزيد من الحساسيات اقعدي مع الوالده وكلميها وقوليلها بكل لي تحسي بيه واكيد هي بالاول وبالاخير تحبك لانها امك والله يخليها لك

Hazal Kaya
07/10/2009, 12:01 PM
اختي انتي تحسي كذا

ماما اكيد بتحبك كثيرررر..قلب الأم حنون



بس انتي بتحسي كذا

عسكريمة
07/10/2009, 12:49 PM
جوفي حبوبه مااااافي ام تكره بنتها ماااااااااااااااااااااااا ااااااااافي

انا بعطيج مثل بسيط اختي متزوجه وعايشه برا البحرين حلو وانا اربعه وعشرين ساعه مع امي اللهم غير انه اذا كنت في الشغل او طالعه مع خطيبي اذا ماكان هو في الشغل

من جم يوم قاعده معاها في الصاله اله اتقول اي لو اختج هني جان ونتني بعيالها وسوالفها، جان اقوم وقولها عيل بقوم اروح اقعد في حجرتي وانتي نطري بنت لسبوع الياي اتيج هي وعيالها وتونسج فيهم وبسوالفها قامت تضحك علي وتقولي هبله ضحكت انا قلت لها اي هبله وخلي حبيبتج الغاليه العاقله ((آ وانا امزح ))

عيل قلت امي ماتحبني وتكرهني؟؟ انزين اختي لصغيره ماشالله عليها ماشالله عليها تفكيرها وعقلها وكلامها كانها وحده في العشريين مو بتروح رابع ابتدائي

اذا اطلب منها شي اقولها سوي لي شي او جيب لي شي ماترضى وتعطيني من الكلام الزين الي استحي انا الي اكبر منها ارد عليها واروح اقول لامي اتقولي ياهال ماتفهم

اقولها ياهل ماتفهم اترد علي جذي؟ اتقولي اي بعدها ماتستوعب

عيل اقول امي ماتحبني وتدافع عن اختي؟؟

لا والله حشى فديتها امي ماعمرها حسينه انها تفرق بين وحده فينه، بس تعرفين قلب الأم واختي في غربه لازم بتحن لها وهذي صغيره وتربت بين كبار محد يشره عليها ومردها بتكبر وبتستوعب الي تقوله

وانا اسوي جذي عشان اضحك امي وعشان اعرف شكثر اتحبني، وهي فديتها ماترضى علي بولاشي الله يخليها وطول في عمرها يارب.


خلها تشيل هالامور من بالها وامها اكيد اتحبها بس يمكن ماتعرف اتبين لها هالشي

اتمنى الجنة
08/10/2009, 02:12 AM
حبيبتي اصبري احتسبيها عند ربك
انا زيك بس معا اخواني

شجون إمرأة
08/10/2009, 03:07 AM
مافي ام ما تحب اولادها صح

بس الحب درجات يمكن تحب فلان اكثر من علان بس لا زالت تحبج


شنو تسوين مو لازم تسوين شئ طنششششششششششششششي

مو لازم تحبج اكثر اهم شئ انها تحبج وبس

اختج الصغيره مردها لج بتحتاج وبتجي

وجد1111
09/10/2009, 12:56 AM
لاحول ولا قوة الا بالله..الله يفرج همك