المساعد الشخصي الرقمي

مشاهدة النسخة كاملة : للاسف .. مشكلتي مع امي .. ساعدوني



جناح الطير
18/12/2007, 05:32 PM
امي انسانه متدينة تعرف ربها وتصلي وتقرى القران ،،

ربتنا انا واخواني واحسنت تربيتنا ،،

تغيرت امي وايد بعد ماتزوجنا انا واختي وخطب اخوي ،،

صارت ماتهتم بالامور الدينيه ،،

وصار شغفها وحبها لربها ودينها يقل ،،

وللاسف هي قدوتنا وعماد البيت ،،

وسبحان الله صج اللي يبتعد عن الله ، الله يبتعد عنه ،،

باخر سفره للاسف امي المنقبة شالت نقابها ، وماكتفت بالنقاب ،،

تحررت من عباتها ، الخلاصه امي قاعده تعيش مراهقه متاخرة ،،

ونست اننا محتاجين لها كام تنصحنا وليس كام نحن ننصحها ،،

صرنا مثل الهم ، ماتحب تسمع منا شي ،،

ودايما تتشكى من ابوي ،،

احس انها ماقامت تحبنا ، وبالاخص انا لاني دايما اواجهها بنفسها ،،

واقولها انتي ليش تغيرتي ؟؟

تغيرت وااايد ،،

قولولي شسوي ، انا ابي امي ترجع مثل قبل ، انا محتاجه لامي ، موب لشخص يزيد همي ..

الجوكره
18/12/2007, 06:51 PM
لاحول ولاقوة الا بالله العلي العظيم
حبيبتي ليش ماتخلي ابوك يكلمها وبعدين اذا هي شالت نقابها فالمفروض زوجها يخاصمها انتم ماتقدرون تهاوشوها لانها بالاول والاخير امكم بس ابوك لازم يكلمها
انتم بعد قعدوا معاها وفهموها بالتى هي احسن انه شي لي تسويه مايصير وحطي الرقية الشرعية بالبيت لماتكون هي موجوده وادعوا انه الله يهديها

ريومه حلاها غير
18/12/2007, 08:02 PM
صراحه مدري يالغلا احترت وش اقولك او ايش انصحك لا كن باقولك انتي ولا خواتك ولا اخوانك ينفع تكلمونها لازم واحد كبير في العايله يفضل خالتك او عمتك يجلس معها ينصحها يذكرها بالاخره ويعلمها بانا الي تسويه غلط في غلط صدقيني فيه بعض الحريم الكبار بالسن اذا تقدموا في العمر يظهر تصرفات خاطئه وفي نظرهم انهم على صح هي مايبيلها الا واحد يصحيهااا من غفلتهااا لانها شايفتكم ساكتين فكرت انها مو مسويه شي غلط همتكم ياقلبي لا تسكتوون قبل يجي ملك الموت وامكم لاهيه وتكون الخاتمه الله المستعان وعقبها تندمووون <<الله لا يقوله >>

ندى دبي
18/12/2007, 08:07 PM
الله يهديها يا اختي

يمكن فيه شي شاغل بالها

او انكم طلعتوا من البيت وتمت بروحها وقامت بتغير روتين حياتها

ادعولها اختي ... وكثفوا لها من الدعاء

فتافيت
18/12/2007, 08:13 PM
السلام عليكم
لا حول ولاقوة الا بالله
ادعيلها بالهداية أختي دعاء الولد لأبويه مستجاب
وهي فترة وبتمر اظن أنها تعاني من مشكلة نفسية خلتها تعمل هيك لتلفت الانظار لها والله أعلم
وأنتي بتقولي انك وأختك تزوجتوا وأخوك خطب يمكن حست بقلة اهتمام من قبلكم وصارت تعمل شئ للفت النظر والله أعلم

#روحـ مغليها#
18/12/2007, 10:28 PM
لاحول ولا قوة الا بالله
مدري شقولك بس انصحيها باستمرار
الله يهديه

al-ryaaan
19/12/2007, 12:46 AM
لا حول ولا قوة الا بالله
الله يهديها شوفي مين يرابعها من صديقاتها يمكن صديقاتها

بسوووومه
19/12/2007, 03:16 AM
السلام عليكم
لا حول ولاقوة الا بالله
ادعيلها بالهداية أختي دعاء الولد لأبويه مستجاب
وهي فترة وبتمر اظن أنها تعاني من مشكلة نفسية صعبه شوي خلي ابوكي يحاول يتقرب منها ولا ييئس الامر يبغاله شوية صبر وان شاء الله كل شي بيرجع مثل الاول واحسن

halakhaled
20/12/2007, 01:56 AM
لا حول ولا قوة الا بالله
ربنا يهدى امك بس بالراحة عليها وبالهدوء وكل حاجة هتكون تمام

الجوهرة السعودية
20/12/2007, 01:24 PM
اهدية اشرطة دينية عن الحجاب اوشغلي الشريط اذا كانت موجودة انصحيهااا بطريقة غير مباااشرة

lulu-b777r
20/12/2007, 01:42 PM
الله يهديها ويصلحها لكم

على فكرة لما تبين تنصحين أحد لاتواجهينه بعيوبه أفضل طريقة وخاصة لأشخاص تعدو سن ال 21 أنج تجيبينها لهم بأسلوب قصص وروايات سمعتيها عن ناس بس بدون مبالغه لاتنسين أنج تتعاملين مع شخص راشد

ورافجيها بمعنى صادقيها عشان ماتحسج ضد لها فماتسمع نصحج

ومب كل ماشفتيها اطيحين فيها اتنقاد لأنها بعدين راح تقطعج أعوذ بالله بس انصحيها بطريقة مبهمه مب واضحة لأن الأمهات مايحبون يسمعون من حد أصغر منهم وبشكل خاص من بناتهم

وحاولي بأخوج وأبوج وخاصة أبوج لأنه له سطوة عليها

والله يرجعها نفس قبل وأحسن

آمين

دوحانية
20/12/2007, 01:55 PM
السلام عليكم ورحمة الله وبركاته


الله يهديها ويصلحها لكم

على فكرة لما تبين تنصحين أحد لاتواجهينه بعيوبه أفضل طريقة وخاصة لأشخاص تعدو سن ال 21 أنج تجيبينها لهم بأسلوب قصص وروايات سمعتيها عن ناس بس بدون مبالغه لاتنسين أنج تتعاملين مع شخص راشد

ورافجيها بمعنى صادقيها عشان ماتحسج ضد لها فماتسمع نصحج

ومب كل ماشفتيها اطيحين فيها اتنقاد لأنها بعدين راح تقطعج أعوذ بالله بس انصحيها بطريقة مبهمه مب واضحة لأن الأمهات مايحبون يسمعون من حد أصغر منهم وبشكل خاص من بناتهم

وحاولي بأخوج وأبوج وخاصة أبوج لأنه له سطوة عليها

والله يرجعها نفس قبل وأحسن

آمين


مع الأخت في رايها ..

الله يهديها ..

جناح الطير
21/12/2007, 06:40 PM
اشكر مروركن جميعا

ما ابي منكم غير الدعاء

واشكر فيكماهتمامكم بمشكلتي

ومثل ماقلتوا انا واخواني مانقدر نكلمها

دعائكم انشالله مستجاب

الله يهدي الجميع انشالله

بنوتة اماراتي
21/12/2007, 07:57 PM
الله يهديها يا رب
حاولي تعرفين اسباب تغيرها
و مثل ما قالو خلو القرءان شغال في البيت
و تكلمي مع ابوج في الموضوع .. شوفي رايه
و ليش هو ساكت .. و انتو اللي بس قاعدين تحاولون..؟

dimoned
26/12/2007, 12:17 AM
ادعي لها بالهداية والدعاء هو الحل الوحيد لمشاكلنا.