المساعد الشخصي الرقمي

مشاهدة النسخة كاملة : توتة البحرين وذوات الخبره فزعتكم



شوق العيوووون
15/12/2007, 11:30 PM
السلام عليكم والرحمه

أختي توتة البحرين وأخواتي ذوات الخبره محتاجه فزعتكم

بنتي مااااااااتاااااااااااكل عمرها الحين 8 شهووووور ووزنها 6 ونص :tears:
حجمها مرررررررره صغيره هو مو ضعيفه بس حجمها صغير
يعني اللي يشوفها يقول عمرها 4 شهوووووووووور بس

مع العلم أنا جبتها ووزنها 2 وربع وقالو لي بتكبر
غيرت لها الحليب أكثر من مره

ومابديت معها اكل الا بعد ماخصلت 6 شهوووور
في البدايه حبت الاكل وعادي تاكل
وبعدين صارت ترفضه بقوووه
الين اظطريت اسويه لها سااااااااااايل مره واحطه لها بالرضاعه
هاليومين شوي صارت تستجيب معاي بس مستحيل تاكل وجبتها كامله

بليز بليز أنا أم جديده وساعدوووني شوي من خبرتكم
يعورني قلبي يوم اطلع فيها ويقولون لي صغيره مره :tears:

أختي توته اذا ماعليك كلافه تجاوبيني على أسئلتي ...
كم وجبه المفروض تااخذ ؟؟
وكم كمية كل وجبه ملعقه كبيره اثنين أكثررر ؟؟
وبخصوص السوائل والماي والحليب شلون اوزعهم ؟
وش نوع الأكل اللي تحتاجه هي الحين ؟؟
وبعد انا امس شريت لها ملتي فيتامين من الصيدليه وفي نفس الوقت يفتح شهيتها
تتوفعين بينفع وياها ؟
أدري اسئلتي كثيره بس اسمحيلي وماتقصريييين
بس ارجع واقول الحمد الله أهم شي صحتها كويسه

تحياتي

! أنــثــى !
16/12/2007, 05:27 AM
اختي .. بقولك تجربتي المريرة مع ولدي بالاكل !

مثل بنتك بالظبط .. بالبداية ياكل زين ، بعين صار كل ما اخلي الاكل بحلقه يطلعه بنفس الوقت بعد مااتعب و اطبخ له ! و مرات اصيح و مرات ازعل منه كأنه كبير !

الحل :

لا تخلين بالك و أكلها ! ، لان راح تتوترين و هم شي عندك تاكل ! و اذا ماطاعت تاكل بتتعبين مثلي .. !

لما تقدمين لها الوجبة و ترفض فزي من مكانك و نظفيها و ماعاد تعطيها الا لما تصيح جوعانة !

اشغليها بأناشيد التلفزيون او بألعاب مميزة تصدر اصوات ، بتلهي و بتبلع من غير ماتدري ..

غيري في وجباتها ، يمكن ملت من بعض انواع الاطباق الا تقديمها لها !

و انا بعد لاعت جبدي من كثر ما يقولون ولدك ضعييييييف و اصفر ! بس ماعلي من حد اهم شي انا اسوي اللي علي و خلاص ..

سوي لها مهلبية سميد و راح تتقبلها و تسمنها ! و مفيدة كمان .. !

و ان شاء الله بينفع معاها الفيتامين !

شوق العيوووون
19/12/2007, 04:53 PM
أختي أنثى ...

مشكوره يالغلا انك رديتي علي وماطنشتيني
وبصراحه مثل ماقلتي كلام الناس يتعب وين مااطلع قالو صغيره :(

بحاول اسوي مثل ماقلتي وبشووف ان كان ينفع معها
يمكن لو طنشتها هي تجوع وتستسلم مع اني ماأكلها الا اذا جاعت مررره
بس ماترضى تجلس تصيح واظطر اعطيها الرضاعه ....

بس لو ماعليكـ أمر حبيبتي شلون أسوي مهلبية السميد هذي
ومشكووووووووره يالغلا

تحياتي ...

توتة البحرين
27/12/2007, 02:43 PM
لعزيزتي كل اسئلتك جوابها في السلسله الغذائيه اتبعي الجدول وان شاء الله خير


طبعا مع نصائح وتجربه الاخت انثى

ياريت تخبريني عن الاطباق اللي تحبها او الاصناف وانا اعد لج اكلات منها وان شاء الله تنفع