المساعد الشخصي الرقمي

مشاهدة النسخة كاملة : ماابغى شي بس أفضي اللي في نفسي



الدمع الهتون
18/04/2003, 04:10 PM
بسم الله الرحمن الرحيم
أبغى أفضي اللي في قلبي لأنه ماعندي أحد اشكي له إلا رب العالمين
بس ماني قادرة أنام ماني قادرة أرتاح نفسيتي تعبانة حاسة إنه مالي قيمة في هالحياة ودي شي يفكني مزاجي عصبي جداً دايماً أصرخ على بنتي لما تبكي أو سوت شي غلط مو من قصدي خايفة عليها لما تكبر تتعودعلى العادات الغلط بس هالشيمتعبني خايفة بنتي لما تكبر تتعقد مثلي
وأنا ألحين متهاوشة مع زوجي وهذا حالنا الدايم بس والله كانت نيتي حسنة أسمعوا القصة : جبت مجلة الفرحة وهو نايم جنبي وسويت نفسي اقراها علشان يشوفها معي ويتعامل معي بنفس الطريقة علشان نرتاح احنا الاثنين وكان فيها رسوم مصورة لبعض اللمسات الحنونة واللي لها معول نفسي كبير على الشخص فتحتها وقلت له شوف بس قال لي قولي لنفسك تقري وماتطبقي وش الفايدة (مع العلم انه مايقراأبداً)فلت له مو بس للمرة حتى للرجال هه شوف قال اذا تعصبي علينا كيف تبغينا نسوي كذا قلت سوي عشان ترتاح نفسيتي ومااعصب واقرا عشان تعرف كيف تتعامل وياي اذا عصبت قال لا انا مايحتاج اقرا انا فاهم كل شي (مع العلم أيضا اني كل ماقلت له اقرا شي قال انا فاهم كل شي انتي تعاملي معي زين وانا احسن معاملتي قلت له اذا كل مرة اعصب بتطلع برة وتخليني او تنام عني وبالطقاق معناها تفهم بدل ماتجي وتعرف ليش عصبت ونتفاهم بهدوء ...... وكذا وشوي صارت سلفة طويلة عريضة
كرر فيها نفس الكلام اللي يقوله كل مرة واللي يحسسني اني عالة عليه
وافكر في بنتي وفي الي اسويه (مع أني ماأضربها أبداً بس أصرخ عليها )
وامسكها بقسوة)احس اني مالي قيمة في هالدنيا مالي مكان فيها
اذا كان زوجي اللي همي في هالدنيا كلها راحته ولاهو مرتاح مني ولامعي كيف ارتاح كيف انام الليل بدون مافكر ان زوجي ممكن يفكر في غيري يفكر في اللي تريحه وتسعده وانا دعيت على نفسي قدامه قلت ان شاء الله الله يفكك مني وترتاح وتاخد اللي تريحك وتسعدك
بس المشكلة مو راضي يقتنع انه لو قرا شوي بس ولوغير معاملته معي شوي كنت بتحسن دايما انا الي معاملتي سيئة معه وهو ... يالله ريحني من هالهم اللي انافيه ترى فيه بعد بلاوي مستخبية بس ماقدر اقولها
يالله اهم شي فشيت خلقي شوي معاكم
وادري ان فيه غيري اعظم مني في البلاوي
بس الله يساعدنا وياهم جميع
واعذروني على الاطالة
:(:( (u)

مرموم
19/04/2003, 06:59 AM
مش عارفة ايش أقولك..:(

لازم انتو الأتنين تقعدوا مع بعض تتفاهموا..

بلاش القراءة لو هوه ما بيحبها..انتي و هوه اقعدوا مع بعض و اتكلموا و اتفاهموا..كل واحد يوضح للتاني ايش اللي مضايقوا..هادي أحسن طريقة..

بعدين اعملوا اتفاقية ترضيكم انتوا الأتنين و ابدءوا في تنفيذها علطول..

و دايما أدعي ربنا يهديكي و يهدييه ان شاء الله :)

و طمنينا عنك دايما

تحياتي :)

المكسوره
19/04/2003, 07:21 AM
حبيبتي ابغا اقولك شي وابغاك تحطينه حلقه باذنك
ازواج شراكه بين اثنين وهالاثنين اكيد لازم يكونون فيه اختلافات بينهم
يعني مو لازم يكون كل الطرفين متشابهين بالصفات والاخلاق وعشان تستمر الحياه لازم الانسان يتغاظى عن بعض الاشياء ويزعل للقوي
مثلا اذا جاغء زوجك من العمل واخذتيه بحضنك وقلتيله وحشتني وبعض الكلام الزين راح يصدك لاوالله يمكن يستغرب في البدايه لكن اذا قلتي انك مشتاقه له ماراح يستغرب واذا عودتيه على هالكلام في كل لحظه صدقيني راح يرد عليك بكلام احلى منه وهذا مو صعب لان صديقتي كانت حياتها جحيم ماينطاق وكانت على وشك الطلاق لان كل الاثنين عنيدين وبعد خمس سنين زواج جربت هالطريقه واللي يشوفها الحين يقول عروس من كثر ماهي مبسوطه وياريت انتي تجربينها وتتغاظين عن كثير من الاشياء اللي تزعجك وصدقيني الرجال مثل الطفل بكلمه حلوه يلين ويصير عجينه سهله تشكلينها مثل ماتبين وبكذا بتسير السفينه اما اذا بدققين على الوحده صدقيني بتتعبين













وشكرن واتمنا انك تجربين وتردين على

pinkyq8
19/04/2003, 07:22 AM
عزيزتي مع اني مو متزوجه بس كل اللي اقدر اقوله لك انك تحاولين تفهمين زوجك وتحاولين تراضينه بالطريقه اللي تريحه واذا كان معصب لا تكلمينه في وقتها لما يهدا حاولي تكلمينه بهدوء و تحاولين تشرحين له اللي في بالك وانشاءالله الله يهدي نفوسكم
:)

الدمع الهتون
19/04/2003, 08:11 PM
بسم الله
مشكورين وماقصرتوا
والله ريحتوني لما شركتوني على الاقل واسيتوني شوي
المشكلة الاولى اني كل ماقلت له خلنا نقعد مرة قعدة حلوة ونتفاهم بهدوء قال يصير خير بس هو مايقع في البيت واذا كان موجود اما نايم او مشغول بشي واذا جيت بكلمه وقت النوم يعني قبل ماينام واحنا عالسرير قال لي هذا مووقته علي عمل بكرة ولازم انام بدري
انا مو قاهرني انه مايحب القراءة هو لو قالها كذا ماكنت بقول شي بس انه يدعي انه فاهم كل شي هذا اللي باط كبدي وشكرا اخت مرموم على هالمشاركة الطيبة
واختي المكسورة كلامك كثير حلو واقتراحك احلى صدقيني عجبني كثير
بس المشكلة اخاف من التنفيذ مادري اخاف يفشلني مع انه اليوم لما طلع سوا لي كذا وفرحت كثير بس ان اشاء الله اقدر اسوي اللي قلتي لي عليه ومشكورة كثيييييييييييير
المشكلة يااخت بنكي في عصبيتي انا بعد انا اشد وادهى اذا شبيت ما انطفي بس والله كله من الضغوط النفسية ان شاء الله اقدر اتغلب عليها وكمان مشكورة مرة ثانية على المشاركة والله ماقصرتوا
وسلام

دلوعة
24/04/2003, 06:01 AM
انا مع مروم

محتارة بالحيل
25/04/2003, 12:13 AM
طولي بالك ووسعي صدرك

وحاولي اذا عصبتي ولا شي عدي من 1 الين 3

وتعوذي من ابليس

:) :)

جزيرة الكنز
28/04/2003, 09:39 AM
السلام عليكم
يا اختي الرجال صعب تظبطينه
لكن صدقيني اذا ظبطت نفسك وتركتي عنك العصبية راح تلاحظين
الفرق في معاملته معاك

فمثلا اذا عصبت اطلعي من المكان اللي انت فيه وتوضي واقري قرآن
واكيد الشيطان ماحيخليك لانك بكذا تصغرين المشكلة وهو يبغاها تكبر
فلازم تتعوذين من الشيطان وتذكرين الله طول وقتك ولا تخلين سفاسف الامور تنكد عليك حياتك اللي ماتملكين اثمن منها
وبالنسبة لزوجك جربي تمدحينه كثير لما تجلسون مع بعض وتشيدين بانجازاته وتخبرينه انك افتخرتي فيه قدام اهلك على شيء سواه ومن هذا الكلام بس لا يعرف انك تبالغين وتكلمينه عن الايجابيات اللي فية
ولما يتكلم اسمعي له باهتمام
والله يصلح لك زوجك

سفر الليل
28/04/2003, 12:22 PM
اختى العزيزة صح لست متزوجة او مخطوبة ولكن الذي نراه من هذه الأامور والمشاكل تكفينا للرد عليها وبالعكس تالمنا هذه المواقف وسوف اجاوب عليكي من واقعي

اولا
انا معاكي في انك تصرخي على بنتك بس ما تصرخي عليها بدون سبب وكأنك تحطي غلطة الأب او تحمليها اياه والمفروض وقت الخطأ تمنعيها بأسلوب تحببيها فيه مهما كان سنها حتى الشيء لايأخذ عليها في الكبر

ثانيا
اما مسالة المجلة صديقني اعتقدها طريقة خاطئة ، والدليل رد الموقف زوجك عليكي بالعكس وقال قولي لروحك مو لي انا ، انا فاهم كل هذا الكلام ؟؟؟!!
مسالة الرجولة تلعب دورها لذلك دور المراة يكمن هنا ، عليكي ان تتحدثي معه بكل هدوء وتحببيه في كلامك وصدقيني راح يرتاح وراح يسمعك مهماك كانت عصبيته ، على شرط تعرفي تتعاملي معاه
بطبع الزوج يحب الهدوء من الجنس الأاخر لذلك من خلال هذه الفترة حاولي تمسكي اعصابك وتبيني الهدوء وتتغيري تغير ملحوظ من داخل نفسك ،وراح تشوفي هو راح يفكر بقول حاس في تغير ، ولا تعصبي بالعكس اخذي اسلوب التفاهم معاه وحتى لو بفرض عصبتي وراح نام عنك او خرج روحي له وتكلمي معاه بهدوء بدون عصبية وراضيه بكل كلمة حلوة ومودة

لاتفهمي كلامي اني مع زوجك لا ابدا بالعكس انا معاك ، لكن لكل رجل اسلوبه وطريقة تفكيره وانا اللي لمسته من كلامك انه احب الهدوء والتفاهم وقال اليكي لا تعصبي وتعاملي معي صح وراح تشوفي مثل الشيء من عندي

بالعكس انت انسانه رائعة والله العظيم والدليل انك فكرتي في المشكلة وانك تحبي هذا الزوج حاسة باللي فيه وبالجو اللي تعيشيه وصدقيني بيدش تخلينه اسعد زوج في كل هالدنيا ومستحيل افكر في وحدة غيرش

وعتقد من كلامش عنه انه بعد احبك بس يتمنى ان اسلوبك يتغير ، جلسي مع حالك وانظر لمستقبل بنتك ترى هي اهم شيء والمرأة مالها إلا زوجها في هذا الزمن لإنها تعيش معززة مكرمة معاه وابدا لاتفكري ان زوجك افكر في اللي تريحه لإنكي انت سر سعادته وانتي اللي بتريحيه

اتمنى اليكي كل خير وانشاء الله قريب اسمع منك كل طيب والله اوفقش يارب انت وعائلتك الكريمة
وبنتك وزوجك حطيهم في عيونك

وتفاءلي بالخير وسوف تجديه انشاء الله

تحياتي اليكي
اختكي

سفر الليل

العتب
01/05/2003, 11:48 AM
رد على رسالتك يا أختي العزيزة وما أريد أحبط منج وأزيد عليج الهم ولكن ياأختي أنا حاسه أن زوجج رجل محترم ومهذب وخلوق وأكبر دليل على هذا أن لما تصير مشلكله معاج يتقاضى عنها ينام ، يخرج المهم يهرب حتى لا تكبر السالفه وكلمة على كلمة الشيطان لعين يفرق بين الأحباب طيب نفرض أنه قعد وتكلم أنت عصبية مثل ما تقولين بيتحمل مرة ومرتين وثلاث بس مش من طبع الرجل التحمل أكثر كلمه وحدة منه تخرب البيت وتقعده على خراب وهي طالق طبعاً راح يقولها يوم بتخرجينه عن طوعه أوبيزيد عليه الزود وما بيقدر يتحمل يا أختي العزيزة العني أبليس ويوم يجي زوجج ذاا معصب خففي عنه وإذا مضايق شيلي عنه وإذا ضحك شاركيه ضحكه وطنشي لال تقعدين تحاسبينه على كل صغيرة وكبيرة ترى في بعض الأمور والله معظم الرجال ما يعرفونها ولا يحطونها بالهم مثل الرمانسيه اللى نبيها والحنان والحب والأشياء هذه وترى هذي الأشياء من واجبنا أحنا الله خلقها فينا نحن الحريم وخصها في فطرتنا ، والله الله ببنتج ترى ما لها غيرتج وغير أبوها وكل ما عصبتي لعني أبليس وصلي ركعتين وتعوذي من الشيطان الرجيم . الله يهدي سرج ويطول بالج ويوفقج أنت وهالزوج

الداعيه لكم بالخير دائماً
العتب

عروووسة
02/05/2003, 12:50 PM
عيوني ZOMZOMAH
كيف حالك اليوم؟؟؟؟
ان شاء الله الحال صار أحسن...

غاليتي....
مثل ما قالت الاخت اللي قبلي ...
إنت إنسانة رائعة وطيبة...
و لو ما إ،ت كذا ما كان اهتميتي بمسألة المشاكل بينك و بينه...
و تقولين إنه عندكم بنت وحدة ... يعني بأول حياتكم بعد.... و ان شاء الله ما يكون أي من المشاكل اللي بينكم تشهدها البنت لأنها ترى راح تتعقد ...
فياريت تبعدوها عن كل هذه الأجواء...
عيوني
صح أنا لسة ما تزوجت....
و عصبية جدا ....
بس تدرين أول نصيحة نصحتني إياها ماما لما انخطبت شو...؟؟؟؟
قالتلي الرجال صعب عليه إنه المرأة تكون عصبية.... و خاصة عليه....
لأنه إذا المرأة كانت عصبية... فشو خلينا للرجال...؟؟؟؟

حبيبتي حاولي دائما تكررين بينك و بين نفسك كلمة
أنا إنسانة هادية....
أنا أحب زوجي...
أنا أسعد زوجي.....
و من هذه العبارات الإيجابية....
دايما ردديها و راح تشوفين النتيجة...
و إذا تتوقعين إنك ممكن تنسيها....
اكتبيها في كل مكان... في المطبخ...
في دولاب ملابسك ...
و راح تتحول حياتك بإذن الله لهدوء...
و أمر آخر الفكرة اللي قالتها إختنا قبلي ... جدا مفيدة...
المعاملة الرومانسية....
حاولي مثلا بكرة...
تجهزيله فطور شكله حلو....
حطي له وردة... في نص الصينية ...
إصحي قبله...
و جيبيله الفطور على السرير.....
و حاولي تكونين متزينتله....
و و اجعلي الابتسامة دائما على وجهك....
و لا تتكلمي كثير...
حاولي يكون كلامك بالعيون... بنظرات حب و صدق....
و لا تنسين الدعاء و الصلاة...
و لا تنسين تخبرينا لأنا كلنا قلبنا عليج...
و عسى ربي يسعدك أمين....
تحياتي

الدمع الهتون
02/05/2003, 04:05 PM
السلام عليكم
مشكورييييييييين خواتي وماقصرتوا والله ريحتوني بكلامكم على الاقل حسيت ان فيه احد مهتم ويشاركني في همي
وانا الحين مضايقة بعد لاني من شوي كنت متزينة له وهو بره ومستانسة لاني صار لي فترة ماتزينت كويس قلت يمكن لاجا بيقول لي كلمة حلوة على الاقل بيعلق على شكلي أبدا جا وهو معصب لانه تاخر عن النوم وكان يدور اغراضفي المحلات وماحصلها بسرعة وهذا الشي اخره دخل بعصبية وتعشى وغسل اسنانه ونام وانا ولاكاني موجودة وعمري ماحسيت اني موجودة بحياته دايما مثل الخشبة
على العموم مشكورة اخت دلوعة واخت محتارة بالحيل
اخت جزيرة الكنز مشكورة بس ماعليش هذا اذا كان احنا نجلس اقصد اذا كان هويجلس معي او يحب يتكلم معي انا بلعكس اقرا وفاهمة الامور وعارفة ان المفروض لما يتكلم الرجال اسمعه وهو يتكلم عشان يحس ان انا اهتم لكلامه بس تعالي شوفيه لما انا اكلمه كيف يتمسخر او انه مايسمعني وكاني قاعدة اكلم صخر وهذا الشي اللي يقهرني ياما قلت له
خلنا نجلس مع بعض ونتكلم بالحاجات اللي تضايقنا من بعض عشان نتفاهم بس ماكو فايدة 00 يالله امري الى الله
اخت سفر الليل
ماتقصرين ..كلامك وااايد حلو وريحني بس صدقيني انا ماعصب الا لان نفسيتي تعبانة من اشياء وايد اولها احساسي بعدم اهتمام زوجي
وثانيها جسمي اللي تخرب من بعد الولادة وماني قادرة ارجع لوزني الاول
تخيلي قبل الولادة كان وزني 50 كيلو والحين 63.5 كيلو معاني صارلي اكثر من سنة ونصف بس كل اللي نزلته كيلو ونصف انا موهمني هذا بكثر التعليقات اللي اسمعها من قرايبي عاى شكل جسمي اللي تغير وكاني الوحيدة في هالدنيا اللي صار لها كذا وكان الذنب ذنبي انا في زيادة وزني هذا الشي يتعب نفسيتي يخليني احس ان شكلي مو مقبول بهالطريقة وان اكيد زوجي بعد مو عاجبة وبعد وبعد .............
بس والله اني لما اصرخ عليها اندم وفي الليل اقعد افكر باللي قاعدة اسويه ممكن يعقد بنتي والله خايفة كثييير عليها وساعات اقعد ابكي ..
وانا والله لما جبت المجلة كان قصدي حسن كنت ابغى نرتاح من بعض بس المسألة انعكست علي انا
وهو اصلا على اقل شي يصير مني يعلق ويهذر هذرة هذي طولها وعرضها ومايسكت وهذا الشي بعد يعصبني لاني ماحب هالاسلوب ومو بس انا اللي لاحظت فيه هالشي اهله كلهم يقولوا عنه نفس الشي بس انا طبعا احبه ولا ارضى احد يتكلم عليه مهما كان حتى لو اهله او اهلي
انا قلت له مرة كتبت له رسالة وقلت له فيها ان انا كل همي في هالدنيا وناسته وراحته عشان كذا نفسيتي تعبانة لاني طول االيل افكر فيه وانه مو مستانس ولا مرتاح معي وانا اتمنى انه يحبني مثل ما انا احبه وكيد انهم في عيوني ومشكورة مرة ثانية

الدمع الهتون
02/05/2003, 04:33 PM
اووووه اسفة ضغطت على التنفيذ مرتين وانا مادري ....ماعليش عذروني
وعذروني بعد عشان طولت في الرد عليكم بس صار لي اكثر مناسبوع مافتحت الانترنت
اخت العتب مشكورة
بس هو صحيح مهذب وخلوق ومحترم مثل ماقلتي والحمد لله الكل يشهد له ويصلي في المسجد بعد ولاهو راعي شغلات بطالة وصحيح انه لما تصير مشكلة ينام وانا انطق اوطلع من البيت وماعليه مني بس لما يجي البيت مايكلمني ولايعطيني وجه وانا اللي اراضيه في الاخير دائما حتى لو كان هو الغلطان في الاساس
مشكووورة وايد اخت عروووسة
هذي المشكلة ان احنا لسة باول الطريق مثل ماقلتي مصار لنا ثلاث سنين
يمكن سنتين ونصف واحنا هذي حالنا الله يستر من تاليها
انا اللي مخوفني انه ابوه متزوج ثنتين غير امه يعني المجموع ثلاث ومن زمان ناوي عالرابعة وخايفة يكون مثل ابوه في المستقبل لاسمح الله
صدقيني والله انا بطبعي انسانة هادية حتى الناس اللي يعرفوني برة البيت يعني صديقاتي لما اقول لهم اني اعصب يضحكوا يقولا مانصدق انتي تعصبين لوتحلفين يقولون لي وش تسوي بالضبط لما تعصبين
مسخرة يعني لاني برة البيت هادة واعصابي باردة ولو يصير مايصير ماتحرك او اني ماتكون ردة فعلي مثل غيري بس في البيت العكس تماما
ولاتسالوني ليش لاني ماعرف
وكل اللي قلتيه سويته بس مادري في وين المشكلة هو يقول انه تعبان نفسيا ولما اساله عن السبب واحاول اتكلم معاه قال مووقته ومتى يجي وقته الله اعلم
المهم المعذرة خواتي طولت عليكم
بس مشكوريييييييييييييييييييي يييييييييين كلكم
وسلاااااااااااااااااااااا ااااااااااام
:( :( :( :( :confused:

لين الشرق...
02/05/2003, 04:54 PM
الله يهديك ويهديه ويهدي سركم ياااااااااااارب ويحببه فيكي ويحببك في قااااااااااااااااادر ياكريم انا وانت وكل من امن على دعاااائي ...

ღ رآقيهـ ღ‏
07/05/2003, 06:37 AM
السلام عليكم اختي الكريمه انا بصراحه مش متزوجه ولا مخطوبه اهي اهي يلا معليه
ما اعرف راح تسمعي لي او لا
انا لي وحده من صاحباتي متزوجه لها سنه تقريبا وأحس ن شخصيتها نفس شخصيتك تعصب وتتحسس من كل كلمه وخاطرها يكون زوجها رومانسي وانه ما يطلع ولا يدخل الا معاها
اختي انا ما أبغى انتقدك بس احس زوجك من النوع الطيب ولا تزعلي مني احسك تعملي من الحبه جبه مثل ما يقولوا
حبيبتي حاولي تكسبيه باللطف زوجك طيوب مثلا لو جالس يصارخ عليك ابتسمي بوجهه وقولي له والله انك عسل بس مش دايما يعني لما يكون فيه مجال انه يضحك :) وأحيانا قولي له وهو متضايق ويصارخ احبك
ها الكلمات والله تلين من الرجل لو ايش ما كان عصبي وحاولي تخلي نفسك معاه البنوته الصغيورنه ولا تحاولي تتفلسفي عليه ترى الرجال لو مين ما كان يحب انه هو الي عيلم البنت سواء اخته او بنته ما بالك وانتي زوجته وانتي اكثر الناس الرجل يحس انه هو راجلها مثل ما يقولوا وبعدين بنتك لا تبالغي بتهزيئها ترى والله ها الشي ممكن بعد يزيد تضايق زوجك منك ويحس انك حتى ها الطفله ما تعرفي تتعاملي معاها

أختي أرجوكي لا تزعلي مني بس أنا فعلا تالمت لكلامك واحس انك متضايقه من الي يصير
وتعرفي المفروض انك على طول تهوني أي مشكله تواجههكم وما تحاولي تدققي فيها
تحياتي وطمنينا عليكي ترى والله نتمنى الله يوفقك يا رب
بنات قولوا ااااااااامين لله يوفقها
وادعولي اني انخطب وأكتب مشكلاتي هنا :s تعبت وأنا بس اقراء مشاكلم

الدمع الهتون
07/05/2003, 04:25 PM
مشكووورة اخت ملاك عالرد مشكورة كثير وكلامك حلو كثير
انا ماانكرت بالعكس انا قلت انه طيب كثير وهو اطيب واحد في اخوانه والكل يشهد له من اهله وانا صحيح متضايقة من حالي ولا هو عاجبني وضعي بس الله يعين ولاهو انا اللي اسوي من الحبة قبة بالعكس هو اللي من اقل شي سواها كبيرة بس مع ذلك احبه وهو طيب وينحب بس مثل ماقلتي ودي يكون رومانسي وقضي وقت معاي اكثر من كذا ولأن مثل ماقلتي كمان صايرة اتحسس من اقل شي بس والله زي ماقلت لكم نفسيتي تعبانة مرة زين شفت لي شي اقضي وقتي فيه وانسى الهموم وهو الانترنت لاني مومن زمان صار لي مشتركة فيه تقريبا شهر وشوية بس
يالله ..معليش العذر والسموحة بلشناك بمشاكلنا
الله يوفقك ان شاء الله الله ويرزقك بابن الحلال ...ولا تياسي اخت زوجي كذا ايست من هالموضوع لحد ماخطت الثلاثين ..بس الحمد لله تزوجت العام اللي فات ..والحين عندهم بنوتة صغيرة
مشكورة ..وسلام
:) :)