المساعد الشخصي الرقمي

مشاهدة النسخة كاملة : 000 ابي حـــــــــــــــــل ضرورررري 000



mimo chic
10/12/2007, 12:16 AM
هلا هلا

خواتي

رفيجتي عندها مشكله وبليز ابيكم تساعدووني لان ماعندي حل لها .........

الله يسلمكم اهي بحرينيه راحت عرس من اهلها بالامارات وشافتها خطابه واخطبتها حق واحد يصير لها بعد اماراتي..

وجااها البحرين يشوفها بعد وكلم اهلها وتكلموا بالفوون وتعلقووا فبعض حييييييييل وخلاص جريب ويملجوون

جان تتدخل الخطابه بكل شي وتخرب عليهم كل اللي بنووه من أ- ي بالكامل وتتدخل بكل شي

والريال قام يسمع الخطابه ومخه توشوش وتكنسل كل شي والبنت حالتها حاله صياح ونياح ...

اهي تبيه لحد احين حتى لو يخطبها مره ثانيه واهو مانعرف شنو يفكر حتى اهله مايعرفون شنو يبي.........

بليز سااااااااااااااعدوووووووو ني باقرب وقت :tears:

! أنــثــى !
10/12/2007, 12:27 AM
انا برايي ان لازم احد من قرايبها مثلا ابوها و الا اخوها يكلم الشاب و يشوف شنو يفكر فيه ! ؟

ماتدرون الخطابة شنو قالت له ! و ليش تخرب بينهم ! هذي مسألة مو سهلة فلازم اهلها يكلمونه او كلمون اهله و يشووفون السبب !

و اذا ممارد لها ، افتكت منه ، لان اذا هاي بدايته لا خيرة الله بتاليه ! ..

الزواج مسؤولية مو لعب حتى كلام خطابة بيغير رأيه مرة وحدة !

امنيه
10/12/2007, 12:49 AM
اختي اذا الولد مو واثق فيها وعلى طول سمع كلام الغريب فلا تتوقع انو حياتها بتستمر معاه بسلام وهو يسمع من اي احد..

والله يكتب اللي فيه الخير..

امنيه

mimo chic
10/12/2007, 02:13 AM
خواتي فديتكم ... يسلمو ع الرد بس............

الله يسلمكم اهلها قالوا لها خلاص خله يرووح ف سبيله

بس اهي للحيييييين تموت فيه و لاتفكر الا فيه وشكلها ماتبي غيره ...

واهو قال لها اذا في نصيب وخير بيي يخطبها

يعني مو مرسيها على بر و لا بحر ........

شـــوق العيـــون
10/12/2007, 02:22 AM
مرحبـا

أنا أشوف انها تقـوي قلبها وتقوله يحدد موقفـه , لا يخليها كذا ؟

ومفروض ماتبين له انها ميته عليـه ..

اللي جـابه يجيب غيـره

وزين بيـن طبعه من البدايـه ..

والله يوفقهـا ويسهل امرهـا ..

الحبُ الكبير
10/12/2007, 02:31 AM
لازم تحط حد خلها تقوووله انا موجوده عند اهلي واذا تبيني حياااكك لا تبين له انها ميته عليه خلها ثقيله شووووي وخلي ااحد من اهلها ابوها او اخووها يتفاهم معاه ويقووله اذا تبي البنت حياك ماتبيها تيسر وخلها تشوووف حياتها لا تعلقها..

الله يهديه بس

تقبلي مروري
الحب الكبير

o0o mshmsha o0o
10/12/2007, 02:50 AM
اختى هو لو شاريها يعنى مقتنع فيها ويحبها ويعزها ويعرف قيمتها ما راح يسمع لخاطبه ولا غيرها لانه يوم ما يسمع شىء سىء راح يرد عنها وواذا ما عمل هذا ما يكون شاؤيها ولا يستاهلها نصيحه خليها تشترى نفسها وكرامتها وتنفك منننننننننه ها الهايف الى ما عنده شخصيه

أحاسيس منثوره
10/12/2007, 05:53 AM
حبيبتي هذا ريال ما عنده شخصيه شو يعني كلمه توديه وتيبه وبعدين اذا تزوجته باجر من ابسط موقف بيخليها انا رأي انها ما تفكر فيه يمكن الله رحمنها عشان ما ترتبط بريال مثله

شمس 31116
10/12/2007, 06:14 AM
بصــراحة ماعنده سالفة .. ضروري يتكلم الوالد مع الشاب او مع اهله ويرسون على بـر ولا تخلي المشاعر الفياضه حقت بدايه العلاقة تدمر حياتها خليها تفكر بعقلها قبل قلبها وقبل لا تتخذ اي خطوة جديدة معاه تتأكد منه ومن شخصيته والسبب اللي خلاه يبتعد فجأة ...
والله فيه الخير ربي بسويه

احب-زوجي-ومدلعني
10/12/2007, 07:24 AM
اسفه بس شكل الخطابه نصابه وراعيه سوالف خير اليوم تخطب بكره تغير، ومن تكون اصلا علشان تتكلم عليها، خل البنت تكلم اهلها ما يكلمون الشاب يكلمون الخطابه لانها هي راعيه السوالف، وبعدين شدراها انه الخطابه هي متكلمه؟؟ شكلهم طابخينها مع بعض..

خله يروح بسبيله وخل البنيه تحمدربها انها مارتبطت بواحد شكله..

الله يوفقها

rose_rose7788
10/12/2007, 07:43 AM
البنات ما قصروا ورايي من رايهم ....

وبالتوفيق


روووووووووووووووووووووز

mimo chic
11/12/2007, 12:51 AM
الف شكر لكم خوووووووووواتي

ولكم مني لك الاحترام والتقديييييييييييير

والله كريم ويهديهم

مررررررررررررررررسي

اسيل!
11/12/2007, 01:07 AM
هلا ميمو اش مصلحة الخطابه تكنسل الخطبه

اكيد لهااهدف

البنت تسال الخطابه وتعطيها اللي تبي لو هي متعلقه حيييييييييييل في هالرجال وكان طيب واخلاق

مع انه شكل الرجال ماعنده شخصيه وشلون يبطل بعدماشافها وكلمها

خليها تستخير ربها افضل

مهاا والحلا لهاا
11/12/2007, 05:02 AM
والله انا من رايي انها تنسااه ادري صعب عليها بس اذا هذا اوله ينعااف تاليه مسرع ماصدق الخطاابه وكنسل لاحول ولاقوة الا بالله

الأفضل لها انها تستخير ربها اكثر من مره وتثقل مثل ماقالت اختي الحب الكبير لازم تثقل لاتبين له انها ميته عليه

حسبي الله عليهم العبو فمشااعر البنيه ,, مااقول غير الله يهديييييييهم ,, والله يكتب لها اللي فيه الخييير ويعوضها باللي احسن منه امييييييييين يااارب

halakhaled
12/12/2007, 01:20 AM
حبيبتى الله يكون فى عون صاحبتك
وخلى حد قريب منها ومنة يتدخل فى الموضوع دة ويحلة او حتى هى تكلمة

حــــــلا الورد
28/04/2008, 01:36 AM
لاحول ولاقوه الابالله

عليها بالدعاء

دلوعةحناني
28/04/2008, 02:44 AM
سود الله وجه هالخطابه الي فرقت قلبين
عجايب

غرٍوٍب
28/04/2008, 08:08 AM
الله يكن بعونها