المساعد الشخصي الرقمي

مشاهدة النسخة كاملة : توأمين..أم واحدة..أبوين مختلفين‏



lolla2006
09/12/2007, 04:47 PM
دي مش فزورة.. ده خبر حقيقي في موقع مصراوي
صيني يسعى لتطليق زوجته بعد ان انجبت توأمين واحد منه والتاني من عشيقها
منبع الدهشة مش مصدرها الواقعة في حد ذاتها.. لكن مصدرها انها حصلت فعلا
الحكاية دي كانوا بيدرسوها لنا في الكلية وكنا بنعتبر انها حالة نظرية بحتة مستحيل انها تحصل في الحقيقة.. والدكتور سعيد ثابت بالذات استاذ النساء والولادة في القصر العيني كان بيحب يسأل فيها
*******
الطبيعي في اي ست إنها في كل منتصف دورة شهرية بتطلع بويضة واحدة بس.. ولو طلعت اكتر من واحدة ساعتها فرصة انها تكون حامل بتوأم بتزيد
والطبيعي في اي ست ان البويضات.. مهما كان عددها.. مش بينفع يتم تخصيبها بعد 24 ساعة من خروجها.. 24 ساعة بس
والطبيعي ان مش شرط لو حصل جماع في هذا الوقت يحصل حمل.. والا ماكانش حد غلب.. وكان كل اللي نفسه يخلف خلف من زمان
اما بقى اللي مش طبيعي ان ست تكون بتخون جوزها لدرجة انها تمارس الجنس معاه وفي خلال 24 ساعة تمارسه مع واحد تاني
اللي مش طبيعي ان نفس الست دي يكون عندها استعداد لإنجاب التوائم
اللي مش طبيعي ان الست دي تكون مع الاتنين في نفس توقيت التبويض عنها.. واللي طلعت فيه بويضتين مش بويضة واحدة
اللي مش طبيعي ان البويضتين يتم تخصيبهم فعلا.. لأ وايه.. ان كل بويضة تاخد حيوان منوي من راجل مختلف.. كان ممكن البويضتين يتخصبوا بالحيوانات المنوية لراجل واحد بس.. وساعتها التوأم هيكونوا شبه بعض.. هيكونوا شقيقين.. من أب واحد
*******
من الآخر الست اللي يحصل معاها الموضوع ده تبقى ست نحس أكتر من اللازم.. وتستحق كل اللي يجرالها بعد كده
الاسم العلمي للحالة دي هو
Superfecundation

عجميـه حلـوة
09/12/2007, 06:41 PM
مشكــــــــــــــــــــور ة حبيبتــــــــــــــــــــ ـــي

على المــــــــــــــــــوضوع الحلــــــــــــــــــو

تسبيحات
09/12/2007, 07:17 PM
الله المستعان
وياليتك وضعتيه بالقسم المناسب

ومشكوره عالأفاده

حب البحرين
09/12/2007, 10:34 PM
دون تعليق

وحيدة
09/12/2007, 10:42 PM
بصراحه تستاهل الهمجيه:down::down:
وسبحان الله العظيم اللي حب يكشفها قدام زوجها وقدام الناس كلهم
اللهم لا شماته
مشكورة حبيبتي

star_85
09/12/2007, 11:53 PM
سبحان الله

أول مره أعرف هذي المعلومه