المساعد الشخصي الرقمي

مشاهدة النسخة كاملة : هذا زمان المسخرة!!!!!!!!!!



قاضي العشق
17/03/2002, 10:58 AM
هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

والصدر تتعمد تكفه تخليه مفتوح ما تزرره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هدره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشــــــــــكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب ويه الاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أني فتاه متطوره

لا يخدعونج بأسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره

المزيونة
17/03/2002, 05:07 PM
كلامك سلييييم ..بس أصابع ايدك مو كلها مثل بعض..والله يرزقك بالبنت الي تصونك و تعرف قدرك..

Fofowah
18/03/2002, 02:53 AM
لوووول

شنو هذا حبيبي ؟؟

اي والله صحيح كلامك بس ما ينطبق على الكل


عموما يعطيك العافيه و شكرا


:p

بنت الكويت
18/03/2002, 10:47 AM
:) ايي و الله يا اخووي انا اعترف انا هاذي الفئه من النساء طاغيه على الامجتمع..و لكن مثل ما قالت اختنا مزيوونه اصابعك ما هي سوا..

رومانسيه
18/03/2002, 05:23 PM
اشكرك على هالمشاركه الحلوه,,,

و على ما اعتقد هذا شعر الشاعر عبد الرحمن رفيع...

وانت حطيت شعر عن البنات ..الحين نتريا منك شعر تطيح فيه في الشباب ....

العبره
18/03/2002, 07:32 PM
ووووووووووووووووووول كل هذا شاله في خاطرك وساكت ؟؟؟؟؟؟